ທ່ຽວ ຮັລສະຕັດ ອອສເຕຣຍ Hallstatt Austria

ທ່ຽວ ຮັລສະຕັດ ອອສເຕຣຍ Hallstatt Austria

ຈິງໆເຄີຍມາຄັ້ງໜຶ່ງແຕ່ດົນຫຼາຍແລ້ວ ຈື່ບໍ່ໄດ້ ເລີຍມາໃໝ່ແບບຈະທ່ຽວໃຫ້ທົ່ວ

ມາຄັ້ງນີ້ຮູ້ສຶກໄດ້ເຖິງການປ່ຽນແປງຫຼາຍ (ທັງທີ່ມາຊ່ວງນີ້) ຕ່າງຊາດທີ່ມາຫຼາຍທີ່ສຸດເຫັນເລີຍແມ່ນຄົນໄທ ມາກັນຫຼາຍກຣຸບທົວ ອີກຊາດທີ່ມາຫຼາຍຄືຫວຽດນາມ ສອງຊາດນີ້ສ່ວນໃຫຍ່ມາກັບທົວ ສ່ວນຄົນເອເຊຍຊາດອື່ນ ຫຼື ຝຣັ່ງເອີຣົບມາແບບມາເອງຄືກັບຂ້ອຍ

ທີ່ນີ້ເບິ່ງງາມດີ ແຕ່ເມື່ອທຽບກັບເວລາທີ່ຕ້ອງເສຍໄປມື້ໜຶ່ງ (ຖ້າມາຈາກວຽນນາອາດຈະດົນກວ່ານັ້ນ) ກັບຄ່າເດີນທາງທີ່ຕ້ອງເສຍ ເຖິງແມ່ນເອົາແບບຖືກທີ່ສຸດ ແລະ ຍ່າງຂຶ້ນໄປຈຸດຊົມວິວ Heritage view point ເອງ (ບໍ່ນັ່ງ Arial tram ທີ່ລາຄາໄປ-ກັບ 11 € ຍິ່ງຖ້າເຂົ້າ Salt mine ຂ້າງເທິງນີ້ນຳ ຈ່າຍອີກ 25 €) ອາຫານຮ້ານຄ້າທີ່ນີ້ແພງກວ່າໃນເມືອງຫຼາຍ

ບໍ່ຄ່ອຍຄຸ້ມເທົ່າໃດ ທະເລສາບງາມໆແຖບ Tyrol ຫຼື ສະວິດເຊີແລນ ແມ່ນແຕ່ໃນອິຕາລີ ເຊັ່ນ Lake como ຂ້ອຍວ່າງາມກວ່າຫຼາຍ ຖືກກວ່າ ໄປງ່າຍກວ່າອີກ ຍິ່ງແຖບສະວິດເຊີແລນ ໝູ່ບ້ານຮິມທະເລສາບງາມໆມີຢູ່ເຕັມໄປໝົດ

ຈະມາທີ່ນີ້ຖ້າມາເອງມີຫຼາຍວິທີ ແຕ່ລາຄາທີ່ຈ່າຍບໍ່ເທົ່າກັນ

ເຈົ້າຈະມາຈາກໃສກໍຕາມ ບໍ່ວ່າ Salzburg ຫຼື Vienna ເຈົ້າຕ້ອງມາຕໍ່ລົດ ຫຼື ລົດໄຟທີ່ເມືອງ Bad Ischl ເຊິ່ງຈາກທີ່ນີ້ສາມາດນັ່ງລົດໄຟທີ່ແລ່ນຕົງມາຈາກເມືອງ Linz ໄປລົງສະຖານີຮິມຖະໜົນຊື່ Hallstatt (ສະຖານີນີ້ຄືກັບ Noman Stationn ຄືບໍ່ມີຫຍັງເລີຍ ມີຖັງຂີ້ເຫຍື້ອໜຶ່ງໃບກັບຕູ້ຂາຍປີ້ອັດຕະໂນມັດ ດີໜ້ອຍໜຶ່ງມີອາຄານໃຫ້ຫຼົບຝົນຫຼົບໜາວແຕ່ນ້ອຍຫຼາຍ ມີຕັ່ງໃຫ້ນັ່ງ 5 ໂຕ) ພໍລົງສະຖານີນີ້ຍ່າງລົງໄປທີ່ທ່າເຮືອຂ້າມເຮືອໄປໝູ່ບ້ານ Hallstatt Lahn ທີ່ຢູ່ອີກດ້ານຂອງທະເລສາບ ຄ່າເຮືອຖ້ຽວລະ 3.5 € (ເຮືອຈະມາລໍຖ້າຮັບພ້ອມເວລາທີ່ລົດໄຟຈອດພໍດີ) ເຮືອຂ້າມໄປທ່າທີ່ໂບດ ຍ່າງຂຶ້ນລ້ຽວຂວາຕາມຖະໜົນໄປ 300 ແມັດຈະພົບຈຸດຊົມວິວຍອດນິຍົມຢູ່ບ່ອນນັ້ນແຫຼະ (ໄປເຊົ້າເຈິແສງຍ້ອນຄືກັບຂ້ອຍ)

ອີກວິທີຄືຈາກ Bad Ischl ຕົງສະຖານີລົດໄຟທີ່ທ່າລົດ ຈະມີລົດສາຍ 542 ແລ່ນໄປທີ່ໝູ່ບ້ານ Obertraun (ຖ້າມີເວລາລອງທ່ຽວໝູ່ບ້ານນີ້ເບິ່ງ ຂ້ອຍວ່າງາມກວ່າ Hallstatt ອີກ ໂດຍສະເພາະ View point ທີ່ Five fingers ທີ່ສາມາດນັ່ງເຄເບິນໄປໄດ້) ຈິງໆລົດໄຟທີ່ສົ່ງມາ Hallstatt ມັນແລ່ນຕໍ່ໄປສະຖານີຂ້າງໜ້າເຖິງໝູ່ບ້ານນີ້ຄືກັນ ຖ້າຊື້ປີ້ມາແລ້ວຢ່າເພິ່ນຖິ້ມ ເພາະປີ້ໃຊ້ເຖິງທີ່ນີ້ໄດ້ເດີ ທີ່ເວົ້າແບບນີ້ເພາະຂາກັບແນະນຳໃຫ້ຂຶ້ນລົດໄຟໄປຕໍ່ທີ່ໝູ່ບ້ານນີ້ ແລ້ວຂຶ້ນລົດໄຟກັບ Bad Ischl ກໍໄດ້ ຫຼື ຈະນັ່ງບັດ 542 ກໍໄດ້ ລາຄາປີ້ລວມຢູ່ໃນນັ້ນແລ້ວທັງ bus ຫຼື train

ບັດ 542 ນີ້ຈະຈອດທີ່ໜ້າສະຖານີລົດໄຟໃນໝູ່ບ້ານ Obertraun ເຖິງບ່ອນນັ້ນຕໍ່ບັດສາຍ 543 ຈ່າຍພຽງ 1 € ແລ່ນປະມານ 10 ນາທີກໍຈະມາຮອດໝູ່ບ້ານມໍລະດົກໂລກ Hallstatt Lahn (Hallstatt ຄືຊື່ສະຖານີລົດໄຟເດີ ສ່ວນໝູ່ບ້ານຊື່ເຕັມໆຄື Hallstatt Lahn ທີ່ຕ້ອງເນັ້ນເພາະເດີ່ວຊື້ປີ້ຈະສັບສົນ) ລົດສາຍ 542 ນີ້ຈະແລ່ນໄປສຸດສາຍທີ່ທາງເຂົ້າ Ice cape ອີກສະຖານທີ່ໜຶ່ງທີ່ຄົນນິຍົມໄປກັນ ຂ້ອຍບໍ່ໄດ້ໄປ ໃຜເຄີຍໄປເລົ່າໃຫ້ຟັງແດ່ ຄຸ້ມບໍ ສ່ວນລົດສາຍ 543 (ກວດເບິ່ງໃຫ້ດີເດີວ່າມີແລ່ນບໍ ຕອນຂ້ອຍມາມັນບໍ່ມີເພາະຕິດໂຄວິດ ປົກກະຕິແລ່ນມື້ລະຫຼາຍຮອບ ອອກທຸກຊົ່ວໂມງ) ຈະມາຈອດຕົງສະຖານີລົດທີ່ Hallstatt Lahn ບ່ອນດຽວກັບລົດທົວຈອດ ຍ່າງຂ້າມຖະໜົນໄປຈະເປັນສະຖານີ Tram ຂຶ້ນໄປຈຸດຊົມວິວ Heritage point ແລະ ໄປເບິ່ງບໍ່ແຮ່ເກືອ

ການຊື້ປີ້ລົດ
1. ຖ້າມາຈາກ Salzburg ໄປ Bad Ischl ມີທັງນັ່ງລົດໄຟ ( ບໍ່ແນະນຳຢ່າງຍິ່ງ ເພາະແພງຫຼາຍ ) ສາມາດນັ່ງລົດເມສາຍ 150 ທີ່ແລ່ນຫຼາຍຖ້ຽວຕໍ່ມື້ມາຍັງສະຖານີລົດໄຟ Bad Ischl ໄດ້ເລີຍ ( ຄ່າລົດພຽງ 15 € ລາຄານີ້ລວມລົດສາຍ 542 ຫຼື ລົດໄຟທີ່ຈະໄປ Obertraun ທີ່ຈອດແວະສະຖານີ Hallstat ນຳ )
2.ຖ້າມາຈາກວຽນນາ ຫຼື ຈາກບ່ອນໃດກໍໄດ້ ໃຫ້ນັ່ງລົດໄຟມາລົງທີ່ Salzburg HBF ຍ່າງໄປໜ້າສະຖານີຊື່ໆຫາສະຖານີລົດເມ ໄປທີ່ຈອດໝາຍເລກ E ເຊິ່ງເປັນຈຸດຈອດຕົ້ນທາງຂອງສາຍ 150
3.ຖ້າມາຈາກ Linz ນັ່ງລົດໄຟຊື່ໆມາເຖິງສະຖານີ Hallstat ໄດ້ເລີຍ ຖ້ຽວດຽວເຖິງ
ການຊື້ປີ້ ສາມາດຊື້ໄດ້ທີ່ສະຖານີລົດໄຟຈາກຕູ້ອັດຕະໂນມັດ ໂດຍລະບຸຕົ້ນທາງ ແລະ ປາຍທາງເປັນ Hallstatt Lahn ຕູ້ຈະມີໃຫ້ເລືອກຫຼາຍແບບ ໃຫ້ເລືອກແບບລົດເມສາຍ 150 ແລ້ວໄປ Bad Ischl ແລ້ວຕໍ່ລົດໄຟ ຫຼື ລົດເມ 542 ກໍໄດ້ ໄປ
Obertraun ລາຄາລວມທັງໝົດ 15 € ຕໍ່ຖ້ຽວ ໄປ-ກັບກໍ 30 ບໍ່ມີສ່ວນຫຼຸດເດີ້ ຫຼື ຈະຊື້ອອນລາຍກໍໄດ້ ໃຫ້ໂຫຼດແອັບຊື່ ?BB ເປັນແອັບການເດີນທາງໃນອອສເຕຣຍທັງໝົດ ສາມາດໃຊ້ຊື້ປີ້ລົດໄຟ ລົດເມ ຫຼື ປີ້ລົດເມ ລົດຣາງໃນເມືອງ ໄດ້ທຸກເມືອງໃຫຍ່ ເຊັ່ນ ວຽນນາ Salzburg Innsbruck Graz Vinz ເປັນຕົ້ນ ແອັບຈະບອກທັງວິທີເດີນທາງ ແລະ ລາຍລະອຽດເວລາຕໍ່ລົດທັງໝົດ ( ຈັ່ງໃດກໍບໍ່ຫຼົງທາງ ) ສາມາດໃຊ້ບັດ travel card ຈ່າຍໄດ້ເລີຍ ໄດ້ປີ້ແລ້ວເອົາ QR code ໄປສະແດງໃຫ້ຄົນຂັບລົດ ຫຼື ພະນັກງານລົດໄຟເບິ່ງ

ສ່ວນລົດເມ ສາຍ 150 ກໍສາມາດຊື້ເທິງລົດໄດ້ຄືກັນ ໃຫ້ບອກວ່າລົງ Obertraun ປີ້ຈະໃຊ້ຕໍ່ລົດໄຟ ຫຼື ລົດເມ 542 ໄດ້ ລາຄາເທົ່າກັນ 15 € ແຕ່ຕ້ອງຈ່າຍເງິນສົດເທົ່ານັ້ນ ເຊັ່ນດຽວກັບປີ້ເຮືອ 3.5 € ( ກຽມເງິນສົດມານຳ ) ຕາຕະລາງເວລາລົດສາຍ 150 ໄປເບິ່ງໄດ້ທີ່ປ້າຍລົດຕົງປ້າຍ E

ອ້ອ ໃຜຢາກມານອນແຖວນີ້ ແນະນຳຢູ່ໝູ່ບ້ານ Bad Goisern ເຊິ່ງລົດໄຟ ຫຼື ລົດເມຈາກ Bad Ischl ຈະຜ່ານຢູ່ແລ້ວ ທີ່ນີ້ຖືກກວ່າຫຼາຍ ແຖມວິວງາມກວ່າອີກ ຫຼື ຈະຂ້າມໄປນອນທີ່ Obertraun ກໍໄດ້ ບໍ່ແນະນຳໃຫ້ນອນທີ່ Hallstat Lahn ແພງທຸກຢ່າງຄືຖືກບັງຄັບ

Cr.Tony Thinnakorn Poonvasin