
ດອກເດຊີ ມີລັກສະນະເປັນດອກໄມ້ຂະໜາດນ້ອຍ ມີກີບປາຍມົນລຽງຕົວກັນ ນິຍົມນຳໄປຈັດສວນ ແລະ ປະດັບຕົກແຕ່ງເຮືອນ. ພວກເຮົາອາດຈະຄຸ້ນເຄີຍ ແລະ ເຫັນດອກສີຂາວຫຼາຍທີ່ສຸດ ແຕ່ຄວາມຈິງແລ້ວຍັງມີຫຼາຍສີສັນ ໂດຍແຕ່ລະສີກໍຈະຊ່ອນຄວາມໝາຍທີ່ແຕກຕ່າງກັນ ນອກຈາກນີ້ດອກເດຊີຍັງຖືເປັນສັນຍາລັກຂອງຄວາມຮັກບໍລິສຸດອີກດ້ວຍ

ຊື່ເອີ້ນ "ດອກເດຊີ" ມາຈາກຄຳວ່າ "Day's eye" ເນື່ອງຈາກກີບຫຸບໃນຕອນກາງຄືນ ແລະ ບານສະພັ່ງໃນຕອນເຊົ້າ ຈຶ່ງປຽບເໝືອນເປັນດອກໄມ້ທີ່ລືມຕາສົດໃສໃນຕອນກາງເວັນ. ນອກຈາກນີ້ ຄຳວ່າ "Daisy" ຍັງເປັນຄຳແສລງໃນພາສາອັງກິດ ທີ່ແປວ່າ "ຍອດຢ້ຽມ" ໄດ້ອີກດ້ວຍ

ເຖິງແມ່ນວ່າໃນປັດຈຸບັນດອກເດຊີຈະພົບເຫັນໄດ້ທົ່ວໂລກ ເນື່ອງຈາກເຕີບໂຕງ່າຍ ແລະ ທົນຕໍ່ທຸກສະພາບອາກາດ ແຕ່ຕົ້ນກຳເນີດຂອງດອກເດຊີຢູ່ໃນປະເທດເມັກຊິໂກ ແລະ ບໍລິເວນແຖບລັດເທັກຊັສ ປະເທດສະຫະລັດອາເມລິກາ. ຄົນສະໄໝກ່ອນນຳດອກເດຊີມາບົດກັບສ່ວນປະສົມຕ່າງໆ ເພື່ອໃຊ້ເປັນຢາປົວພະຍາດ

ນອກຈາກນີ້ ດອກເດຊີມັກຖືກນຳມາໃຊ້ເສຽງທາຍຄວາມຮັກ ໂດຍສະເພາະຜູ້ຍິງທີ່ຄ່ອຍໆເດັດກີບດອກເດຊີອອກເທື່ອລະກີບ ເພື່ອທຳນາຍວ່າຄົນທີ່ໝາຍປອງ "ຮັກ" ຫຼື "ບໍ່ຮັກ" ນັ້ນເອງ
ໃນແງ່ຂອງວັດທະນະທຳຕາເວັນຕົກ ດອກເດຊີກາຍເປັນສັນຍາລັກຂອງຄວາມບໍລິສຸດໃສ່ຊື່ ແລະ ຄວາມຮັກທີ່ບໍລິສຸດ ມັກມີການນຳດອກເດຊີມາເຮັດມົງກຸດໃຫ້ເດັກນ້ອຍໃສ່ ບາງຄົນກໍນິຍົມເລືອກດອກໃຫຍ່ໆ ມາຖືປິດຕຳແໜ່ງດວງຕາ ເພື່ອໂພສທ່າຖ່າຍຮູບ ເອີ້ນກັນວ່າ "Daisy Eyes"

"ດອກເດຊີ" ຄວາມໝາຍແຕ່ລະສີ ສື່ເຖິງຫຍັງ?
ດອກເດຊີສີແດງ ໝາຍເຖິງ ຄວາມຮັກ, ຄວາມໂຣແມນຕິກ
ດອກເດຊີສີຂາວ ໝາຍເຖິງ ຄວາມບໍລິສຸດໃສ່ຊື່, ຄວາມຮັກບໍລິສຸດ
ດອກເດຊີສີເຫຼືອງ ໝາຍເຖິງ ຄວາມສຸກ, ຄວາມສົດໃສ
ດອກເດຊີສີບົວ ໝາຍເຖິງ ຄວາມຫຼົງໄຫຼ, ຄວາມຊື່ນຊົມຍິນດີ
ດອກເດຊີສີສົ້ມ ໝາຍເຖິງ ຄວາມມ່ວນຊື່ນ, ຄວາມຫວັງ
ແຫຼ່ງທີ່ມາ ໄທຮັດອອນລາຍ - ເລື່ອງລາວໜ້າຮັກໆ ຂອງ "ດອກເດຊີ" ແຕ່ລະສີຊ່ອນຄວາມໝາຍແນວໃດ
ໃຫ້ຣິນອອກແບບທຣິບໃຫ້ຄະນະຂອງທ່ານ