ທ່ຽວໃກ້ອາມສເຕີດຳ ຫ້າມພາດໝູ່ບ້ານກັງຫັນລົມ

ຫຼັງຈາກທ່ຽວອາມສເຕີດຳ ນະຄອນຫຼວງແລ້ວ ສະຖານທີ່ຍອດນິຍົມທີ່ຫາກບໍ່ໄປ ເອີ້ນວ່າມາບໍ່ເຖິງອາມສເຕີດຳ ມື້ນີ້ ຣິນຈະພາໄປທ່ຽວ ນັ້ນກໍຄື ການຊົມໝູ່ບ້ານກັງຫັນລົມແບບດັດຊ໌

ທຣິບນີ້ ພວກເຮົາຈະໃຊ້ເວລາເກືອບເຕັມມື້ ເພາະໄປຫຼາຍທີ່ ແລະ ມີລ່ອງເຮືອນຳເດີ

ເລີ່ມທີ່ນັ່ງລົດບໍ່ໄກຈາກອາມສເຕີດຳ 20 ກມ. ໄປເມືອງ Zaanse Schans ໝູ່ບ້ານກັງຫັນລົມ (Windmill village) ທີ່ຕັ້ງຢູ່ຝັ່ງແມ່ນ້ຳ Zaan

ເພື່ອຊົມກັງຫັນລົມປະຫວັດສາດ ແລະ ເຮືອນໃນສະຕະວັດທີ 17 ແບບດັ້ງເດີມ ທີ່ໄດ້ຮັບການອະນຸລັກຮັກສາໄວ້ຢ່າງສວຍງາມ

ແລ້ວເດີນທາງຕໍ່ໄປຢ້ຽມຊົມເມືອງ Edam ເມືອງທີ່ງາມທີ່ຮູ້ຈັກກັນທົ່ວໂລກເລື່ອງເນີຍແຂງ

ຊົມຟາມເພື່ອລອງຊີມເນີຍແລະເນີຍແຂງແທ້ໆ ແລະ ຊົມການສາທິດການເຮັດເກີບໄມ້ດັດຊ໌ແບບດັ້ງເດີມ

ຈາກນັ້ນ ໄປທີ່ໂວເລນດຳແລະມາເຄັນ ໂດຍລ່ອງເຮືອຂ້າມຟາກ 30 ນາທີ ຈາກ Volendam ໄປ Marken

ຊົມໝູ່ບ້ານຊາວປະມົງແບບດັ້ງເດີມ ສີສັນສົດໃສ ທີ່ Volendam ສາມາດຍ່າງຕາມຖະໜົນແຄບໆ ຜ່ານເຮືອນຫຼາກສີສັນ ແລະ ຢ້ຽມຊົມທ່າເຮືອທີ່ເຕັມໄປດ້ວຍເຮືອປະມົງ ຊອກຊື້ຂອງທີ່ລະນຶກ ແລະ ລອງຊີມປາທ້ອງຖິ່ນ ຈົບທຣິບມື້ນີ້ຢ່າງດັດຊ໌ແທ້ໆ ເດີ

ດັ່ງນັ້ນ ທ່ຽວອາມສເຕີດຳ ຕ້ອງເຜື່ອເວລາໄວ້ 2 ມື້ເດີ ຄື ທ່ຽວໃນຕົວເມືອງ 1 ມື້ ແລະ ທ່ຽວໝູ່ບ້ານກັງຫັນລົມ ອີກ 1 ມື້ເຕັມເດີ ອີກທີ່ໜຶ່ງທີ່ແນະນຳ ແຖວໆ ນີ້ ຄື ໝູ່ບ້ານກີທູນ (Giethoorn, Netherlands) ໝູ່ບ້ານບໍ່ມີຖະໜົນ ທີ່ມີແຕ່ຄອງໆໆ ໜ້າຮັກທັງໝູ່ບ້ານ ຖືເປັນເອກະລັກຂອງດັດຊ໌ ທີ່ບໍ່ມີບ່ອນໃດຄືກັນເດີ

Text by Rin

ຈອງໂຮງແຮມ