ທ່ຽວ 8 ເມືອງສະວິດເຊີແລນໃນຝັນ

ລີວິວ 8 ເມືອງສະວິດເຊີແລນໃນຝັນ

ທ່ຽວສະວິດເຊີແລນເມືອງໃດດີ ມື້ນີ້ SEE YOU AGAIN ສະຫຼຸບມາຝາກແລ້ວເດີ ໃຜຢາກທ່ຽວສະວິດເຊີແລນ ແບບສ່ວນຕົວ ຕິດຕໍ່ມາໄດ້ເລີຍເດີ

Geneva

ເມືອງທີ່ມີປະຊາກອນຫຼາຍເປັນອັນດັບສອງຂອງປະເທດ (ຮອງຈາກຊູຣິກ) ຕັ້ງຢູ່ບໍລິເວນທີ່ແມ່ນ້ຳໂຣນໄຫຼອອກສູ່ທະເລສາບເຈນີວາ ເຈນີວາເປັນເມືອງທີ່ມີຂະໜາດໃຫຍ່ທີ່ຕັ້ງຢູ່ເທິງເທືອກເຂົາແອວປ໌ ໃນປະເທດສະວິດເຊີແລນ ແລະ ຍັງເປັນເມືອງຄົມມະນາຄົມຫຼັກຂອງທະວີບເອີຣົບ

ເມືອງເຈນີວາໄດ້ຮັບການຍົກຍ້ອງວ່າເປັນເມືອງນານາຊາດ ເນື່ອງຈາກເປັນທີ່ຕັ້ງຂອງອົງການລະຫວ່າງຊາດທີ່ສຳຄັນຫຼາຍອົງການອີກດ້ວຍ

INTERLAKEN

ເມືອງຍອດນິຍົມສຳລັບຜູ້ທີ່ຮັກການຫຼິ້ນສະກີແລະພິຊິດຍອດພູຕ່າງໆ ທີ່ນີ້ຈຶ່ງເປັນເມືອງທີ່ຄ່ອນຂ້າງຄຶກຄັກພໍສົມຄວນ ນອກຈາກນີ້ທີ່ນີ້ຍັງມີຂອງຝາກຂຶ້ນຊື່ເປັນມີດພັບອີກດ້ວຍ

Murren

ເມືອງນ້ອຍທີ່ຕັ້ງຢູ່ລະຫວ່າງທາງຂຶ້ນຍອດພູ Schilthorn ເຮັດໃຫ້ເມືອງນີ້ຕັ້ງຢູ່ທ່າມກາງພູຫິມະຫຼາຍລູກ ຄືກັບເມືອງໃນນິທານທີ່ຖືກຫິມະສີຂາວໂອບອ້ອມຈາກທຸກທິດ

Fribourg

Fribourg ເປັນເມືອງເກົ່າແກ່ຂອງສະວິດເຊີແລນ ມີຊື່ສຽງວ່າເປັນເມືອງແຫ່ງປາສາດ ຈຸດເດັ່ນຂອງເມືອງນີ້ແມ່ນ Zaehringen Bridge ເຊິ່ງເປັນຂົວສູງສຳລັບຂ້າມແມ່ນ້ຳຊາຣີນ

Bern

ນະຄອນຫຼວງຂອງສະວິດເຊີແລນ ສິ່ງທີ່ເຮັດໃຫ້ເມືອງນີ້ມີສະເໜ່ທີ່ສຸດກໍຄື OLD TOWN ນັ້ນເອງ ເພາະເຂດເມືອງເກົ່າຢູ່ທີ່ນີ້ງາມ ແລະ ຍັງຄົງສົມບູນຫຼາຍແທ້ໆ

Z?rich

ຊູຣິກຕັ້ງຢູ່ທາງທິດເໜືອຂອງສະວິດເຊີແລນ ແລະ ເປັນເມືອງທີ່ໃຫຍ່ທີ່ສຸດ ນອກຈາກນີ້ ຊູຣິກຍັງເປັນສູນກາງທາງທຸລະກິດຂອງປະເທດອີກດ້ວຍ ດ້ວຍການເປັນສູນກາງທຸລະກິດ ເຮັດໃຫ້ຊູຣິກມີຄວາມຈະເລີນທາງເຕັກໂນໂລຊີຫຼາຍ ແຕ່ເຕັກໂນໂລຊີເຫຼົ່ານັ້ນກໍຜະສົມຜະສານກັບການໃຊ້ຊີວິດແບບເຮັດໃຫ້ງ່າຍໆໄດ້ຢ່າງລົງຕົວ ເຮັດໃຫ້ຊູຣິກມີຄວາມງາມ ແລະ ມີສະເໜ່ເປັນເອກະລັກຂອງຕົນເອງ

Zermatt

Matterhorn ເປັນຍອດພູທີ່ມີຊື່ສຽງທີ່ສຸດແຫ່ງໜຶ່ງໃນໂລກ ແລະ ຍອດພູນີ້ກໍຕັ້ງຢູ່ທີ່ ZERMATT ນີ້ເອງ ເຊິ່ງ Matterhorn ເປັນຍອດພູຮູບທົງພີຣາມິດທີ່ຢູ່ໃນຂອບເຂດເຂົາແອວປ໌ ທີ່ພາດເປັນເສັ້ນຊາຍແດນກັ້ນລະຫວ່າງປະເທດສະວິດເຊີແລນ ແລະ ອິຕາລີ ໂດຍຍອດພູມີຄວາມສູງເຖິງ 4,478 ແມັດ ຫາກຈະຂຶ້ນ Matterhorn ກໍຕ້ອງເລີ່ມທີ່ ZERMATT ເຮັດໃຫ້ທີ່ນີ້ເປັນເມືອງທ່ອງທ່ຽວທີ່ສຳຄັນຫຼາຍອີກເມືອງໜຶ່ງຂອງສະວິດເຊີແລນ

Lausanne

Lausanne ເປັນເມືອງນ້ອຍຕາມແຄມທະເລສາບໃນປະເທດສະວິດເຊີແລນ ທີ່ຄົນໃນເມືອງຍັງໃຊ້ພາສາຝຣັ່ງເປັນຫຼັກ ໂລຊານຍັງເປັນເມືອງທີ່ຕັ້ງສຳນັກງານໃຫຍ່ຂອງຄະນະກຳມະການໂອລິມປິກສາກົນ ຫຼື IOC ແລະ ມີພິພິທະພັນໂອລິມປິກຕັ້ງຢູ່ແຄມທະເລສາບເຈນີວາ ຈຶ່ງເຮັດໃຫ້ເມືອງໂລຊານໄດ້ຮັບສະມະຍານາມວ່າ “ນະຄອນຫຼວງແຫ່ງໂອລິມປິກ”