5 ສະຖານທີ່ທ່ອງທ່ຽວທີ່ຫ້າມພາດເມື່ອມາສາທາລະນະລັດເຊັກ

ເນື່ອງຈາກໝູ່ເພື່ອນທຸກຄົນຄົງຮູ້ຈັກຂໍ້ມູນ ແລະ ປະຫວັດເບື້ອງຕົ້ນຂອງປະເທດສາທາລະນະລັດເຊັກມາແລ້ວ ມື້ນີ້ See You Again ຂໍນຳສະເໜີສະຖານທີ່ທ່ອງທ່ຽວແສນໂຣແມນຕິກທີ່ຫ້າມພາດເດັດຂາດເມື່ອມາທ່ອງທ່ຽວປະເທດສາທາລະນະລັດເຊັກ ໄປເບິ່ງກັນເລີຍເດີ້!!

1.ປາສາດປຣາກ ແລະ ມະຫາວິຫານເຊັນວິຕັດ (Prague Castle & St. Vitus Cathedral)

ປາສາດທີ່ຕັ້ງຢູ່ຢ່າງສະຫງ່າງາມກາງນະຄອນຫຼວງຂອງສາທາລະນະລັດເຊັກຄື ນະຄອນປຣາກ ເຊິ່ງມີອາຍຸຫຼາຍກວ່າ 1000 ປີ !! ນອກຈາກຄວາມຂລັງຂອງອາຍຸແລ້ວ ປາສາດປຣາກຍັງເປັນໜຶ່ງໃນສະຖາປັດຕະຍະກຳທີ່ງາມທີ່ສຸດໃນເອີຣົບອີກດ້ວຍເດີ້ ຖືວ່າເປັນແລນມາກທີ່ສຳຄັນຫຼາຍຂອງສາທາລະນະລັດເຊັກເລີຍກໍວ່າໄດ້

2.ຂົວຊາລ (Charles Bridge)

ຂົວທີ່ມີຊື່ສຽງຫຼາຍຂອງສາທາລະນະລັດເຊັກ (ແລະ ທົ່ວໂລກ) ມີຊື່ເອີ້ນວ່າ ຂົວຊາລ ຫຼື ຊື່ເກົ່າຄື ຂົວນະຄອນປຣາກ ເປັນຂົວທີ່ຂ້າມແມ່ນ້ຳ Vltava ທີ່ສວຍງາມ ທັງຍັງມີຮູບປັ້ນໂລຫະຂອງບັນດານັກບຸນຕັ້ງຢູ່ສອງຂ້າງຕະຫຼອດແນວຈົນສຸດທັງສອງຝັ່ງຂອງຂົວອີກດ້ວຍເດີ້ ເຊິ່ງມີຄວາມເຊື່ອກັນວ່າຖ້າຜູ້ໃດໄດ້ສຳຜັດແລ້ວຈະໄດ້ກັບມາທີ່ປຣາກອີກຄັ້ງ ງານນີ້ See You Again ແນະນຳໃຫ້ລູບຖູຫຼາຍໆເທື່ອເລີຍເດີ້

3. ຈະຕຸລັດເມືອງເກົ່າ (OLD TOWN SQUARE)

ເປັນອີກໜຶ່ງສະຖານທີ່ທີ່ See You Again ແນະນຳຫຼາຍສຳລັບການໄປແວະຊົມ!!
ເພາະນອກຈາກສະຖາປັດຕະຍະກຳທີ່ເຮັດໃຫ້ເຮົາຄືກັບຍ້ອນກັບໄປເມື່ອ 600 ປີກ່ອນ ຍັງເປັນບ່ອນຊື້ເຄື່ອງຝາກ ແລະ ມີອາຫານທ້ອງຖິ່ນຫຼາກຫຼາຍໃຫ້ເຮົາໄດ້ລອງຊິມນຳອີກເດີ້ ການໄປຊົມຈະຕຸລັດຍ່ານເມືອງເກົ່ານັ້ນຈະເຮັດໃຫ້ເຮົາອີ່ມຕາອີ່ມໃຈ
ຂອງແຖມອີກຢ່າງຂອງການຍ່າງທ່ຽວຊົມຄືໄດ້ບ່ອນຖ່າຍຮູບສຸດຊິກ ທີ່ມີຊື່ສຽງຄື ຫໍໂມງດາລາສາດ (The Astronomical Clock) ທີ່ຕັ້ງຢູ່ຢ່າງສະຫງ່າງາມກາງຈະຕຸລັດອີກດ້ວຍ

4.ສຸສານກະດູກ (brno ossuary)

ບໍ່ພຽງແຕ່ລຶກລັບ ຫຼື ໜ້າຢ້ານ ແຕ່ຍັງເຕັມໄປດ້ວຍຄວາມງາມ ສຸສານກະໂຫຼກແຫ່ງເມືອງ ກຸດນາ ໂຮຣາ (Kutna Hora) ມີຊື່ສຽງວ່າເປັນໜຶ່ງໃນສຸສານກະໂຫຼກມະນຸດທີ່ງົດງາມ ເຊິ່ງເປັນທີ່ຮູ້ຈັກໃນນາມ Bone Church ບ່ອນທີ່ບັນຈຸໂຄງກະດູກຂອງຄົນກວ່າ 40,000 ຄົນທີ່ເສຍຊີວິດໃນຊ່ວງປີ ຄ.ສ. 1318 ແລະ ຈາກສົງຄາມໃນສະຕະວັດທີ 15 ຊື່ສົງຄາມ Hussite ດ້ວຍຄວາມທີ່ໂບດຕັ້ງຢູ່ໃນເມືອງນ້ອຍໆ ບໍ່ມີສິ່ງລົບກວນ ເຮັດໃຫ້ຄວາມງາມ ແລະ ຄວາມຂລັງເພີ່ມຂຶ້ນເປັນເທົ່າຕົວ ໃນລະຫວ່າງທາງໄປສຸສານກະດູກນັ້ນ ເມືອງກຸດນາ ໂຮຣາຍັງມີສະຖາປັດຕະຍະກຳທີ່ງົດງາມອີກຫຼາຍແຫ່ງ ທີ່ເຮົາສາມາດແວະຊົມໄດ້ກ່ອນຈະໄປເຖິງຈຸດໝາຍ

5. Karlovy Vary

Karlovy Vary ຫຼື Carlsbad ແມ່ນເມືອງຫຼວງແຫ່ງສປາຂອງສາທາລະນະລັດເຊັກ ທີ່ມີຊື່ສຽງດ້ານນ້ຳແຮ່ ການເຮັດສປາ ແລະ ການເຮັດເຄື່ອງແກ້ວຄຣິສຕັນ ເຊິ່ງຊື່ເມືອງນັ້ນມາຈາກຊື່ຂອງ Charles ກະສັດຜູ້ປົກຄອງເຊັກ ກັບ Vary ທີ່ແປວ່າບໍ່ນ້ຳຮ້ອນ ລວມກັນຈຶ່ງແປວ່າ ບໍ່ນ້ຳພຸຮ້ອນຂອງຄາລນັ້ນເອງເດີ້ ຕາມຕຳນານເລົ່າວ່າໃນປີ ຄ.ສ. 1370 ພະເຈົ້າຊາລທີ 4 ຊົງພົບແຫຼ່ງນ້ຳແຮ່ທີ່ເມືອງນີ້ຈາກການເສັດອອກລ່າສັດ ກາໂລວີ ວາຣີ ມີບໍ່ນ້ຳແຮ່ ແລະ ນ້ຳພຸຮ້ອນຫຼາຍຮ້ອຍບໍ່ ແຕ່ມີພຽງ 12 ບໍ່ທີ່ໃຊ້ດື່ມກິນ ສ່ວນບໍ່ທີ່ເຫຼືອໃຊ້ໃນທຸລະກິດສປາເພື່ອບຳບັດຮັກສາພະຍາດຕ່າງໆ ເຊິ່ງສາມາດບຳບັດຄວາມຄຽດໄດ້ເປັນຢ່າງດີ ທາງ See You Again ຈຶ່ງຢາກແນະນຳທ່ານທີ່ກຳລັງຊອກຫາທຣິບພັກຜ່ອນຈາກຄວາມຄຽດ ໃຫ້ມາແຊ່ສປາ ແລະ ຊົມທິວທັດທີ່ສວຍງາມທີ່ເມືອງນີ້ເລີຍເດີ້