11 ເບຍເຊັກທີ່ບໍ່ຄວນພາດ

ເບຍເຊັກກາຍເປັນທີ່ຮູ້ຈັກໄປທົ່ວໂລກດ້ວຍຄຸນນະພາບ ແລະ ລົດຊາດທີ່ບໍ່ມີໃຜທຽບໄດ້ ເຊິ່ງລວມກັບປະເພນີເກົ່າແກ່ທີ່ມີມາຫຼາຍສັດຕະວັດ ແລະ ຍັງຮັກສາເຄັດລັບໃນການຜະລິດຂອງຜູ້ຜະລິດເບຍໄດ້ເປັນຢ່າງດີ ເບຍເຊັກຈຶ່ງຄົງຄວາມຫອມຫວານອັນເປັນເອກະລັກມາໄດ້ຢ່າງຍາວນານ ຈົນກາຍເປັນຄວາມພາກພູມໃຈຂອງປະເທດ ເກືອບທຸກເມືອງຂອງສາທາລະນະລັດເຊັກມີການຜະລິດເບຍຂອງຕົນເອງ ດັ່ງນັ້ນຈຶ່ງມີເຄື່ອງດື່ມຫຼາກຫຼາຍຊະນິດ See You Again ຂໍພາໝູ່ເພື່ອນໄປຮູ້ຈັກກັບເບຍຍີ່ຫໍ້ຊັ້ນເລີດຕ່າງໆຂອງສາທາລະນະລັດເຊັກເດີ້

1. Velvet ໃຜທີ່ມັກເບຍດຳ ລົດຊາດແຮງ ເໝາະສຳລັບຄົນທີ່ດື່ມເກັ່ງໂດຍສະເພາະ ບໍ່ຄວນພາດເດັດຂາດ ເບຍນີ້ຜະລິດທີ່ເມືອງສປຣາເມນ ເປັນທີ່ນິຍົມຫຼາຍທີ່ປຣາກ

2.Gambrius ເປັນເບຍທີ່ຜະລິດຫຼາຍແບບໃຫ້ເລືອກ ມີທັງແບບເຂັ້ມ ແລະ ລົດອ່ອນໃຫ້ເລືອກຕາມຄວາມມັກ ແລະ ເປັນເບຍທີ່ຂາຍດີຫຼາຍ

3. Bernard ເບຍຍີ່ຫໍ້ນີ້ບໍ່ຜ່ານການພາສເຈີໄຣສ໌ ມີທັງລົດຫວານ ແລະ ຂົມ ຮ່ວມກັບກິ່ນຫອມຂອງດອກຮັອບທີ່ບໍ່ຄືໃຜ

4.Budvar ຜະລິດທີ່ເມືອງເຊສເກ ບູດເຢໂຢວີເຊ ເປັນຄົນລະຍີ່ຫໍ້ກັບ Budweiser ເດີ້ ຢ່າເຂົ້າໃຈຜິດ

5.Velkopopovicky Kozel ເບຍທີ່ລົດເຂັ້ມຂຸ້ນແຕ່ນຸ່ມລີ້ນຫຼາຍ ມີຄົນຍົກໃຫ້ເປັນເບຍທີ່ດີທີ່ສຸດຂອງໂລກເລີຍເດີ້

6.Herold ເປັນເບຍທີ່ຊາວອາເມຣິກັນຜູ້ຜະລິດເບຍໃນໂບເຮເມຍ ຮ່ວມກັນຜະລິດກັບສູດຕົ້ນຕຳຫຼັບທີ່ມີມາຫຼາຍສັດຕະວັດ ເຮັດໃຫ້ເບຍມີກິ່ນ ແລະ ລົດຄາຣາເມວປະສົມມອນທ໌ໄດ້ຢ່າງເຂົ້າກັນດີ

7.Staropramen ເບຍລົດນຸ່ມ ລົດໝາກໄມ້ ເປັນທີ່ນິຍົມຂອງຊາວເມືອງຫຼາຍ ສາເຫດອາດເປັນເພາະການຕະຫຼາດທີ່ດີ ແລະ ເປັນຄວາມພູມໃຈຂອງຄົນທ້ອງຖິ່ນນັ້ນເອງ

8.Pilsner Urquell ເບຍລົດຂົມ ແລະ ກິ່ນຂອງດອກຮັອບ ເປັນທີ່ຊື່ນຊອບຫຼາຍໃນຕະຫຼາດນານາຊາດ ມາຈາກເມືອງເປິນເຊັນ ຫ່າງຈາກນະຄອນປຣາກໄປທາງທິດຕາເວັນຕົກສ່ຽງໃຕ້ພຽງ 80 ກມ. ເທົ່ານັ້ນ

9.Branik ບຣານິກເປັນເບຍທີ່ຜະລິດຈາກນ້ຳໃນແມ່ນ້ຳວັນຕາວາ ມີກິ່ນ ແລະ ລົດຊາດສະເພາະທີ່ເປັນເອກະລັກເດັ່ນ

10 Krusovice ຈັກກະພັດຣູດອລຟ໌ ຜູ້ຊົງກໍ່ຕັ້ງໂຮງກັ່ນເບຍຄຣຸໂຊວີເຊແຫ່ງນີ້ ຜະລິດເບຍທີ່ມີສີເຂັ້ມແຕ່ລົດຊາດກັບຄ່ອນຂ້າງຫວານ ແລະ ບໍ່ມີຟອງ

11 starobrno ເມືອງບຣໂນເປັນຕົ້ນກຳເນີດຂອງເບຍຍີ່ຫໍ້ນີ້ ຢູ່ທາງຕາເວັນອອກຂອງເຊັກ ເປັນເບຍທີ່ມີຊື່ສຽງຫຼາຍໃນເອີຣົບ ເປັນເຈົ້າດຽວກັນກັບ Heineken , Richarda ແລະ Pegas ຖ້າມີໂອກາດໄປຢ້ຽມຢາມເມືອງນີ້ ຢ່າພາດລອງເບຍສົດລົດດີຍີ່ຫໍ້ນີ້ເດັດຂາດ ບໍ່ດັ່ງນັ້ນອາດເວົ້າໄດ້ວ່າທ່ານມາບໍ່ເຖິງເລີຍກໍວ່າໄດ້ ໂດຍສະເພາະເດືອນມີນາຈະມີເທດສະການເບຍນານາຊາດ ຄອເບຍທັງຫຼາຍຢ່າພາດເດີ້