ຢາງນາມີຄ່າດັ່ງຄຳ

ທຸກມື້ນີ້ ມີຄົນໄທຈຳນວນຫຼາຍທີ່ຕໍ່ຍອດນຳພູມປັນຍາຊາວບ້ານມາໃຊ້ເພື່ອຫຼຸດຕົ້ນທຶນການຜະລິດ ແລະ ເພີ່ມລາຍໄດ້ ໂດຍການປູກຕົ້ນຢາງນາ ເພື່ອນຳມາໃຊ້ປະໂຫຍດທົດແທນນ້ຳມັນດີເຊວ ໂດຍນ້ຳມັນຈາກຕົ້ນຢາງນາ ສາມາດຜະລິດເປັນນ້ຳມັນໄບໂອດີເຊວ ທົດແທນນ້ຳມັນດີເຊວໄດ້ດີ ໂດຍສະເພາະເຄື່ອງຈັກກົນທາງການກະເສດຮອບຕ່ຳ ເຊັ່ນ ໃຊ້ທົດແທນນ້ຳມັນດີເຊວເຕີມລົດໄຖນາຍ່າງຕາມໄດ້ 100% ເຊິ່ງຜົນການຄົ້ນຄວ້າພົບວ່ານ້ຳມັນຈາກຕົ້ນຢາງນາສາມາດຫຼຸດຕົ້ນທຶນໄດ້ຫຼາຍ

ຕົ້ນຢາງນາສາມາດເລີ່ມເຈາະເອົານ້ຳມັນໄດ້ເມື່ອອາຍຸ 15-20 ປີ ວິທີການບໍ່ຍຸ້ງຍາກ ເລີ່ມຈາກການນຳສ່ວານໄຟຟ້າ 5 ຫຸນ ເຈາະລົງໄປໃນເນື້ອໄມ້ຕົ້ນຢາງນາເຉີຍຂຶ້ນ 45 ອົງສາ ໃຫ້ທະລຸເປືອກເຂົ້າໄປເຖິງເນື້ອໄມ້ ເຈາະຫ່າງຈາກພື້ນ 30-50 ເຊັນຕີແມັດ ເລິກ 15-20 ເຊັນຕີແມັດ ຈາກນັ້ນໃຊ້ຂວດພລາສຕິກທີ່ຕໍ່ເປັນຈຸກສາຍຢາງປະດິດຂຶ້ນເອງສຽບເຂົ້າກັບຮູທີ່ເຈາະໄວ້ ແລ້ວນຳດິນນ້ຳມັນປິດເພື່ອບໍ່ໃຫ້ສາຍຫຼຸດ ໃຫ້ນ້ຳມັນຢາງນາໄຫຼລົງຂວດ ປະໄວ້ 2-3 ມື້ ຈະໄດ້ນ້ຳມັນປະມານ 500-600 ມິນລິລິດ ແລະ ສາມາດຍ້າຍໄປຈຸດອື່ນໄດ້ອີກ

ຈາກນັ້ນນຳອຸປະກອນຮອງຮັບນ້ຳມັນ ທີ່ເຮັດຈາກຂວດພລາສຕິກ ຕໍ່ສາຍຢາງໄປສຽບເຂົ້າຮູທີ່ເຈາະ ອຸດດ້ວຍດິນນ້ຳມັນ ບໍ່ໃຫ້ນ້ຳມັນຢາງນາໄຫຼອອກຈາກສາຍຢາງ ປະໄວ້ປະມານ 1-2 ຄືນ ຈະໄດ້ນ້ຳມັນຢາງນາມາໃຊ້ງານ ສ່ວນປະລິມານຫຼາຍໜ້ອຍແລ້ວແຕ່ຕົ້ນ

ນ້ຳມັນຈະຕົກຕະກອນຕາມທຳມະຊາດ ສາມາດນຳມາເຕີມເຄື່ອງຈັກກົນທາງການກະເສດໄດ້ເລີຍ ເຊິ່ງໃນການເຕີມນ້ຳມັນຢາງນາ ສາມາດປະສົມນ້ຳມັນດີເຊວ ເຄິ່ງຕໍ່ເຄິ່ງ ຫຼື ສາມາດເຕີມນ້ຳມັນຢາງນາ 100 ເປີເຊັນໄດ້ເລີຍ ບໍ່ມີຜົນຕໍ່ການເຮັດວຽກຂອງເຄື່ອງຈັກ ເປັນການຫຼຸດຕົ້ນທຶນໃນການທຳການກະເສດ ເປັນພະລັງງານທົດແທນເພື່ອຫຼຸດຕົ້ນທຶນການກະເສດໃນຍຸກນ້ຳມັນແພງ ລວມເຖິງເພີ່ມພື້ນທີ່ສີຂຽວຈາກການປູກປ່າ