ຢ້ຽມຊົມສູນອະວະກາດ ແລະ ຈະຫຼວດຂອງສະຫະລັດຯ

ເຂົ້າຊົມສູນອະວະກາດ ແລະ ຈະຫຼວດຂອງສະຫະລັດ

U.S. Space and Rocket Center ເປັນສູນເພື່ອການສຶກສາດ້ານອະວະກາດ ເປັນພິພິທະພັນຍານອະວະກາດທີ່ໃຫຍ່ທີ່ສຸດໃນໂລກ ແລະ ເປັນສະຖານທີ່ທີ່ດີທີ່ສຸດໃນໂລກໃນການຮຽນຮູ້ກ່ຽວກັບປະຫວັດສາດຂອງຈະຫຼວດ. ຕັ້ງຢູ່ຕິດກັບໜ່ວຍງານຂອງ NASA ທີ່ອອກແບບ ແລະ ທົດສອບຈະຫຼວດ.
ນີ້ເປັນສະຖານທີ່ທ່ອງທ່ຽວທີ່ມີຜູ້ເຂົ້າຊົມຫຼາຍທີ່ສຸດໃນ Huntsville ແລະ ເປັນໜຶ່ງໃນສະຖານທີ່ທ່ອງທ່ຽວຊັ້ນນຳໃນລັດ Alabama.

ສູນອະວະກາດ ແລະ ຈະຫຼວດຂອງສະຫະລັດ ແບ່ງອອກເປັນສາມສ່ວນຫຼັກ ຄື: ສູນສຳຫຼວດອະວະກາດ Davidson ທີ່ໃຊ້ເປັນພື້ນທີ່ສຳລັບສຳຫຼວດອະວະກາດ, ພື້ນທີ່ວາງສະແດງຫຼັກ ແລະ ພື້ນທີ່ຈະຫຼວດຕັ້ງກາງແຈ້ງ, ແລະ ພື້ນທີ່ຕັ້ງຂອງກະສວຍອະວະກາດ.

ສູນສຳຫຼວດອະວະກາດ Davidson ເປັນສ່ວນເພີ່ມໃໝ່ຫຼ້າສຸດຂອງພິພິທະພັນ ແລະ ຈຸດດຶງດູດຫຼັກແມ່ນການວາງສະແດງຈະຫຼວດ Saturn V ຈຳນວນ 3 ລຳ, ເຊິ່ງ Saturn V ເປັນຈະຫຼວດທີ່ສູງທີ່ສຸດ ໜັກທີ່ສຸດ ແລະ ມີພະລັງທີ່ສຸດເທົ່າທີ່ເຄີຍມີມາໃນການປະຕິບັດງານ.

ທ່ານສາມາດຍ່າງລອດໃຕ້ຈະຫຼວດຍັກໃຫຍ່ນີ້ໄດ້ ໃນຂະນະທີ່ຊົມສະຖານທີ່ທ່ອງທ່ຽວ ແລະ ນິທັດສະການອື່ນໆອີກຫຼາຍຢ່າງ ເຊິ່ງຍັງມີອຸປະກອນການຝຶກ ສິ່ງປະດິດຂອງນັກບິນອະວະກາດ ແຄບຊູນ Apollo 16 ແລະ ຫີນດວງຈັນຈາກພາລະກິດ Apollo 12.

ພື້ນທີ່ວາງສະແດງຫຼັກຂອງເອເທຣຽມ ວາງສະແດງຂໍ້ມູນກ່ຽວກັບປະຫວັດສາດທ້ອງຖິ່ນຂອງການບິນໃນອະວະກາດ ຄໍເລັກຊັນຂອງທີ່ລະນຶກໃນອະວະກາດ ແລະ ການວາງສະແດງຊົ່ວຄາວພິເສດ. ນອກຈາກນີ້ຍັງມີແບບຈຳລອງໂມດູນສະຖານີອະວະກາດນານາຊາດ ທີ່ທ່ານສາມາດຍ່າງເຂົ້າໄປໄດ້ ເພື່ອເຂົ້າໃຈວ່າການດຳລົງຊີວິດ ແລະ ເຮັດວຽກເທິງ ISS ເປັນແນວໃດ.

ຂ້າງນອກກາງແຈ້ງ ທ່ານຈະພົບກັບຈະຫຼວດ ແລະ ກະສວຍອະວະກາດຈຳນວນຫຼາຍ ລວມທັງຂີປະນາວຸດ ແລະ ຈະຫຼວດ 27 ລູກ. Saturn V ກາງແຈ້ງເປັນແບບຈຳລອງເຕັມຮູບແບບ (ຂອງຈິງຢູ່ພາຍໃນ) ແຕ່ສ່ວນທີ່ເຫຼືອທັງໝົດທີ່ພວກເຮົາເຊື່ອວ່າເປັນຂອງດັ້ງເດີມເຊັ່ນກັນ. ນອກຈາກນີ້ ຍັງມີເຄື່ອງຫຼິ້ນກາງແຈ້ງ ແລະ ເຄື່ອງຈຳລອງຫຼາຍແບບ ລວມທັງ G-Force Simulator ແລະ Moon Shot ແລະ ກຳແພງປີນດາວອັງຄານ.



ນອກຈາກນີ້ U.S. Space & Rocket Center ຍັງມີຮ້ານຂາຍຂອງທີ່ລະນຶກ ໂຮງອາຫານໃນສະຖານທີ່ ໂຮງລະຄອນໂດມ ແລະ ທ້ອງຟ້າຈຳລອງທີ່ສາຍຮູບເງົາທີ່ມີຫົວຂໍ້ອະວະກາດທຸກມື້.

ການເຂົ້າຊົມທົ່ວໄປໃນສູນອະວະກາດ ແລະ ຈະຫຼວດຂອງສະຫະລັດ ສາມາດເຂົ້າຊົມ Shuttle Park ອັນເກົ່າແກ່ທາງປະຫວັດສາດ, Rocket Park ແລະ ພື້ນທີ່ວາງສະແດງໃນຮົ່ມທັງໝົດ ລວມທັງພິພິທະພັນຫຼັກ ແລະ ສູນສຳຫຼວດອະວະກາດ Davidson. ສາມາດຈອງປີ້ລ່ວງໜ້າ ຫຼື ຊື້ປີ້ໄດ້ທີ່ໜ້າງານ. ທັງນີ້ ມີຄ່າໃຊ້ຈ່າຍເພີ່ມເຕີມສຳລັບການຊົມຮູບເງົາ ຫຼື ການສະແດງທ້ອງຟ້າຈຳລອງ.

ຖ້າທ່ານມີເວລາຫຼາຍຂຶ້ນ ທ່ານຍັງສາມາດຈອງທົວລົດບັດຂອງສູນການບິນອະວະກາດ Marshall ຂອງ NASA ໄດ້ອີກ ເຊິ່ງຜູ້ເຂົ້າຊົມຈະໄດ້ຊົມເບື້ອງຫຼັງບາງສ່ວນຂອງວິທະຍາເຂດຂອງ NASA.

Marshall Space Flight Center ເປັນສູນນຳຮ່ອງຂອງ NASA ໃນການພັດທະນາລະບົບ ແລະ ເຕັກໂນໂລຢີການຂັບເຄື່ອນຈະຫຼວດ. ຕົວຢ່າງເຊັ່ນ NASA Marshall ທີ່ຮັບຜິດຊອບໃນການພັດທະນາຍານຍິງຈະຫຼວດ Apollo ທີ່ສົ່ງນັກບິນອະວະກາດຄົນທຳອິດໄປດວງຈັນ ແລະ ເປັນສະຖານທີ່ສຳລັບໂມດູນບາງສ່ວນຂອງສະຖານີອະວະກາດນານາຊາດ. ສູນຍັງຄົງມີສ່ວນຮ່ວມຢ່າງຫຼວງຫຼາຍໃນການພັດທະນາຍານອະວະກາດ ແລະ ການຄົ້ນຄວ້າທາງວິທະຍາສາດສຳລັບພາລະກິດອະວະກາດທີ່ສຳຄັນທັງໝົດອີກດ້ວຍ.

ຍັງມີທົວທີ່ຫຼາກຫຼາຍແຕກຕ່າງກັນໄປຕາມການດຳເນີນງານ ແຕ່ໂດຍປົກກະຕິ ທົວຈະພາເຂົ້າຊົມ ແທ່ນທົດສອບປະຫວັດສາດ (Historic Test Stand) ລວມທັງ Redstone Test Stand ເຊິ່ງເຮັດການທົດສອບແບບສະຖິດຂອງ Juno I ແລະ Mercury Redstone Launch Vehicles ທີ່ເຮັດມາຕັ້ງແຕ່ປີ 1953 ເຖິງ 1961. ນອກຈາກນີ້ ທົວມັກຈະລວມເຖິງການເຂົ້າຊົມຫ້ອງປະຕິບັດການຄົ້ນຄວ້າ ແລະ ພັດທະນາການຂັບເຄື່ອນ ແລະ ສູນບູລະນາການການດຳເນີນງານເພເລດ (the Propulsion Research and Development Laboratory and Payload Operations Integration Center).

ນອກຈາກນີ້ ຍັງມີທົວຂອງ Marshall Space Flight Center ອີກດ້ວຍ ແຕ່ທັງນີ້ ເນື່ອງຈາກມາດຕະການຮັກສາຄວາມປອດໄພ ຈຶ່ງເປີດໃຫ້ບໍລິການສະເພາະພົນລະເມືອງສະຫະລັດອາເມລິກາທີ່ມີບັດປະຈຳຕົວພ້ອມຮູບຖ່າຍທີ່ຖືກຕ້ອງເທົ່ານັ້ນ ເຊິ່ງມີຄ່າໃຊ້ຈ່າຍເພີ່ມຂຶ້ນເປັນຈຳນວນ 20 ໂດລາ ແລະ ໃຊ້ເວລາໃນການເຂົ້າຊົມ 2 ເຖິງ 2.5 ຊົ່ວໂມງ. ສາມາດຈອງທົວລ່ວງໜ້າໄດ້ທາງໂທລະສັບ ຫຼື ທີ່ໂຕະຈຳໜ່າຍປີ້ທີ່ສູນອະວະກາດ ແລະ ຈະຫຼວດຂອງສະຫະລັດ. ທ່ານສາມາດຫາຂໍ້ມູນເພີ່ມເຕີມກ່ຽວກັບທົວໄດ້ທີ່ນີ້.

ຖ້າທ່ານຮັກອະວະກາດ ແລະ NASA ທ່ານສາມາດໃຊ້ເວລາທັງມື້ທີ່ນີ້ໄດ້ຢ່າງງ່າຍດາຍ! ສຳລັບຂໍ້ມູນເພີ່ມເຕີມ ກະລຸນາເບິ່ງຄູ່ມືຜູ້ເຂົ້າຊົມສູນອະວະກາດ ແລະ ຈະຫຼວດຂອງພວກເຮົາ.

ສູນອະວະກາດ ແລະ ຈະຫຼວດຂອງສະຫະລັດ ທີ່ບໍ່ຄວນພາດໃນ Huntsville Alabama
Saturn V Docent tour Saturn V Hall US Space and Rocket Center

ການເຂົ້າຊົມ Space Camp

ສຳລັບບັນດາຜູ້ທີ່ຕ້ອງການປະສົບການໃນອະວະກາດແບບ "ລົງມືປະຕິບັດຈິງ" ຫຼາຍຂຶ້ນ ອາດຈະເຂົ້າຊົມ Space Camp ໄດ້ ຈະຕອບໂຈດຄວາມຕ້ອງການໄດ້ຢ່າງສົມບູນ. ທັງນີ້ Space Camp
ດຳເນີນການໂດຍສູນອະວະກາດ ແລະ ຈະຫຼວດຂອງສະຫະລັດ (ແລະ ຢູ່ໃນຕຳແໜ່ງດຽວກັນ). Space Camp ຈະເປັນແຄມທີ່ເຕັມໄປດ້ວຍການມີປະຕິສຳພັນຢ່າງເຕັມທີ່ ໂດຍມີແຄມຫຼາກຫຼາຍປະເພດ ຕັ້ງແຕ່ໜຶ່ງມື້ ຈົນເຖິງໜຶ່ງອາທິດ.

Space Camp ນຳສະເໜີປະສົບການ ແລະ ການຈຳລອງການສຶກສາທີ່ກ່ຽວຂ້ອງກັບອະວະກາດ ເຊິ່ງນອກເໜືອຈາກຈະໄດ້ຮັບຄວາມມ່ວນຊື່ນແລ້ວ ຍັງເນັ້ນການເຮັດວຽກເປັນທີມ ການຄິດຢ່າງມີວິຈາລະນະຍານ ແລະ ການຮຽນຮູ້ທາງຄະນິດສາດ ແລະ ວິທະຍາສາດອີກດ້ວຍ. ມອບແບ່ງປັນປະສົບການຕ່າງໆທີ່ຄ້າຍຄືກັບການຝຶກຫັດທີ່ນັກບິນອະວະກາດຂອງ NASA ເຮັດ ຫຼື ເຄີຍເຮັດໃນອະດີດ. ຈົນເຖິງຕອນນີ້ ມີຜູ້ສຳເລັດການສຶກສາຈາກ Space Camp ຈຳນວນ 7 ຄົນ ໄດ້ກາຍເປັນນັກບິນອະວະກາດຕົວຈິງໄປແລ້ວ!

Space Camp ເປັນຄ້າຍຫຼັກຂອງທີ່ນີ້ ແຕ່ຍັງມີໂປຣແກຣມທີ່ເນັ້ນດ້ານຫຸ່ນຍົນ ໄຊເບີ ແລະ ການບິນອີກດ້ວຍ ແລະ ໃນບາງຄັ້ງກໍຍັງມີຫົວຂໍ້ອື່ນໆອີກ ໂດຍມີທີ່ພັກພາຍໃນສະຖານທີ່ສຳລັບຜູ້ຕັ້ງແຄມອີກດ້ວຍ.

Space Camp ເປັນທີ່ນິຍົມຢ່າງຫຼາຍສຳລັບເດັກໄວຮຽນໃນສະຫະລັດອາເມລິກາ ແຕ່ Space Camp ຍັງເປີດໃຫ້ຜູ້ໃຫຍ່ ແລະ ຄອບຄົວ ຕະຫຼອດຈົນໂຮງຮຽນນານາຊາດ ແລະ ຜູ້ເຂົ້າຊົມທົ່ວໄປອີກດ້ວຍ. ທ່ານຈະໄດ້ຮັບປະສົບການທີ່ມ່ວນຊື່ນເປັນຢ່າງຍິ່ງ ແລະ ເປັນປະສົບການທີ່ຄວນເຂົ້າຮ່ວມຖ້າມີເວລາ.

ຖ້າທ່ານສົນໃຈເຂົ້າຮ່ວມ Space Camp ຕ້ອງຈອງລ່ວງໜ້າ. ຖ້າທ່ານບໍ່ຢາກພາດສິ່ງທີ່ຕ້ອງເຮັດໃນ Huntsville ທ່ານຈະຕ້ອງວາງແຜນການເດີນທາງອ້ອມມື້ກິດຈະກຳຂອງ Space Camp. ທ່ານສາມາດເບິ່ງໂປຣແກຣມປັດຈຸບັນ ແລະ ທີ່ກຳລັງຈະມີຂຶ້ນໄດ້ທີ່ນີ້.