ທ່ຽວລຸ່ມແມ່ນ້ຳໄຣນ໌ (Rhein) ໃນມື້ດຽວ

ທຣິບທ່ຽວມື້ດຽວໄປ-ກັບຈາກເມືອງໃຫຍ່ແຟຣງເຟີດ (Frankfurt) ເຢຍລະມັນ ຣິນແນະນຳບ່ອນນີ້ເລີຍເດີ. ຫຼັງຈາກລົງເຄື່ອງບິນ ແລະທ່ຽວແຟຣງເຟີດແລ້ວ ໃຫ້ໄປຕໍ່ທີ່ແຖບລຸ່ມແມ່ນ້ຳໄຣນ໌ (Rhein) ຂອງເຢຍລະມັນ ເຊິ່ງເປັນແຄວ້ນມໍລະດົກໂລກ

ເມືອງຣູເດສໄຮມ໌ (RUDESHEIM)

ຈາກແຟຣງເຟີດ ຂັບລົດມາພຽງ 60 ກມ. ທ່ານກໍຈະເຖິງເມືອງໄວນ໌ທີ່ໜ້າຮັກ ເມືອງທຳອິດທີ່ໜ້າທ່ຽວ ຄື R?desheim am Rhein ເມືອງນີ້ຊື່ກໍບອກຢູ່ແລ້ວວ່າ ຕັ້ງຢູ່ແຄມແມ່ນ້ຳໄຣນ໌ ເມືອງຣູເດສໄຮມ໌ (RUDESHEIM) ເປັນເມືອງຂະໜາດນ້ອຍ ມີປະຊາກອນພຽງ 10,000 ກວ່າຄົນ

• ເປັນເມືອງເກົ່າແກ່ກວ່າ 2 ພັນປີ
• ມີສວນອະງຸ່ນນັບພັນໄຮ່ ທີ່ປູກຈັດໄວ້ເປັນແປງຢູ່ເທິງບ່າພູທີ່ຮາບກວ້າງ
• ມີຊື່ສຽງດ້ານການຜະລິດໄວນ໌ຊັ້ນດີ
• ມີປາສາດເກົ່າແກ່ຢູ່ຫຼາຍແຫ່ງ ບາງແຫ່ງອາຍຸນັບພັນປີ
• ມີໂບດ ແລະອາຄານບ້ານເຮືອນເກົ່າແກ່
• ມີທຳມະຊາດທີ່ສວຍງາມ ງຽບສະຫງົບ

ໄຮໄລຕ໌ ເມືອງຣູເດສໄຮມ໌ (RUDESHEIM) ຍ່າງຫຼິ້ນ 1-2 ຊມ. ກໍທົ່ວ 1. ຈຸດໄຮໄລຕ໌ ຢູ່ທີ່ຊອຍ “ດຣອສເຊວແກສເຊ” (Drosselgasse) ເຊິ່ງເປັນຕອກແຄບໆ ສາຍສັ້ນໆພຽງ 100 ແມັດ ແຕ່ໃນຊ່ວງທີ່ດອກໄມ້ງາມ ຈະມີດອກໄມ້ ເຄືອອະງຸ່ນບານສະພັ່ງໜ້າຮ້ານສອງຂ້າງທາງ ເຮັດໃຫ້ຖ່າຍຮູບງາມທີ່ສຸດ 2. ຖ່າຍພາບກັບອາຄານໄມ້ເກົ່າແກ່ຂອງເມືອງ ທີ່ມີຊື່ວ່າ KLUNKHARDSHOF ທີ່ເປັນອາຄານໄມ້ລາຍ ສວຍງາມທີ່ສ້າງມາຕັ້ງແຕ່ສະຕະວັດທີ 16 3. ຖ້າມີເວລາຈະຂຶ້ນກະເຊົ້າລອຍ (cable) ໄປຊົມວິວກໍໄດ້ເດີ ເຊິ່ງ cable ຂອງເມືອງ R?desheim am Rhein ກໍຢູ່ໃກ້ໆຖະໜົນສາຍນີ້ນີ້ເອງ ຄ່າຂຶ້ນກະເຊົ້າ 6.5 ເອີໂຣ ເມື່ອຂຶ້ນໄປແລ້ວ ຈະໄດ້ເຫັນວິວ ໂຄ້ງແມ່ນ້ຳ + ສວນໄວນ໌ ແລະຍ່າງປ່າຫຼິ້ນເລັກນ້ອຍ ມອງລົງມາເຫັນປາສາດເກົ່າ ທີ່ໃນອະດີດເປັນສູນກາງປູກໄວນ໌ 4. ພໍຍ່າງທ່ຽວຫຼິ້ນແລ້ວ ມັກຈະທ່ຽງພໍດີ ໄດ້ເວລາຮອງທ້ອງດ້ວຍອາຫານດີໆ ແລະໄວນ໌ທ້ອງຖິ່ນ ສ່ວນຮ້ານອາຫານທ້ອງຖິ່ນແນະນຳ ເອີ້ນວ່າກະຈາຍທົ່ວເມືອງ ໜ້ານັ່ງທັງນັ້ນ ໃຜມັກບັນຍາກາດແບບໃດ ກໍເລືອກແບບນັ້ນ ແຕ່ທີ່ຣິນເຄີຍໄປລອງແລ້ວໃຊ້ໄດ້ ກໍຮ້ານນີ້ ໂທຈອງລ່ວງໜ້າເດີ Breuer's R?desheimer Schloss Steingasse 10, 65385 R?desheim am Rhein, Germany www.ruedesheimer-schloss.de ໂທ +49 6722 90500 5. ຈາກນັ້ນ ເລືອກຊື້ໄວນ໌ຊັ້ນດີຕິດມືກັບບ້ານ ໄວນ໌ທ້ອງຖິ່ນທີ່ແນະນຳ ຄື ໄວນ໌ທີ່ເກີດແຖບນີ້ ຄື ໄວນ໌ອະງຸ່ນຂາວ ພັນ Riesling, ໃນແຄວ້ນ Rheingau, Germany

• ໄວນ໌ໃນແຄວ້ນ Rheingau ເຊື່ອກັນວ່າເປັນໄວນ໌ອະງຸ່ນຂາວທີ່ດີທີ່ສຸດໃນໂລກ
• ແຕ່ລະປີ ຜະລິດໄດ້ບໍ່ຫຼາຍ ໄວນ໌ຈາກແຄວ້ນນີ້ເປັນໜຶ່ງໃນທີ່ນ້ອຍທີ່ສຸດ ແລະຍັງເປັນໜຶ່ງໃນສິ່ງທີ່ສຳຄັນທີ່ສຸດໃນພາກພື້ນໄວນ໌ 13 ແຫ່ງຂອງເຢຍລະມັນ
• ໄວນ໌ແຄວ້ນ Rheingau ນີ້ ໄດ້ຮັບອຸນຫະພູມທີ່ດີ ແດດດີ ແລະມີທີ່ລາດຊັນແຄມແມ່ນ້ຳທີ່ເໝາະກັບການປູກອະງຸ່ນ ຈຶ່ງເປັນໄວນ໌ຂາວພັນ Riesling ທີ່ດີທີ່ສຸດຂອງເຢຍລະມັນ
• ເອກະລັກ ຄື ມີຄວາມເປັນກົດ ແລະມີກິ່ນຫອມເດັ່ນຊັດຂອງໝາກໄມ້ ມີລົດຊາດແປກໃໝ່ ຄືກິ່ນນ້ຳສົ້ມສາຍຊູແອັບປຣີຄອດ ນ້ຳເຜິ້ງ ແລະຄາຣາເມວ
• ຖ້າພັນຫວານຂຶ້ນນິດໜຶ່ງ ໄວນ໌ແດງ ຈະເປັນ Sp?tburgunder ທີ່ເອີ້ນວ່າ ປີນອ ນົວ (Pinot Noir) ສ່ວນໃຫຍ່ເກືອບຮ້ອຍລະ 80 ຂອງສວນອະງຸ່ນທີ່ນີ້ປູກອະງຸ່ນ Riesling ຕາມດ້ວຍໄວນ໌ແດງ Pinot Noir
• ໄວນ໌ເຢຍລະມັນ ອາດຈະບໍ່ດັງເທົ່າທີ່ອື່ນ ແຕ່ໄວນ໌ທີ່ແຄວ້ນນີ້ດັງສຸດໃນເຢຍລະມັນ
• ລອງໄວນ໌ຍີ່ຫໍ້ທີ່ດັງ ຈະມາຈາກ Schloss Johannisberg, Rheingau ເບິ່ງເດີ (ຖ້າຣິນພາທົວ ມັກຈະພາໄປກິນອາຫານແລງທີ່ນີ້ເດີ ລອງສົ່ງອີເມວຈອງໄດ້ເດີ [email protected])
• ຊ໊ອບປິງໄວນ໌ : Weisser Riesling, Johannisberg Riesling, Johannisberger, Rhine Riesling, Riesling Renano
• ນອກຈາກໄວນ໌ດັງຢ່າງ Riesling ແລ້ວ ໄວນ໌ດັງໆແຖບນີ້ ຈະມີ Mosel ແລະ Pfalz ລວມເຖິງໄວນ໌ຈາກແຄວ້ນ Alsace ປະເທດເຢຍລະມັນ (ບາງເທື່ອເອີ້ນ Alsace Riesling)
• ຄວາມຈິງແລ້ວ ຝັ່ງອອສເຕຣຍ ກໍມີການປູກໄວນ໌ Riesling ແຖບ Wachau ແລະ Kremstal ໃກ້ໆວຽນນາ ໃຜເຄີຍໄປທ່ຽວແຖບນັ້ນ ຈະຈື່ສວນໄວນ໌ ແຄມແມ່ນ້ຳໄຣນ໌ໄດ້ ເປັນພັນດຽວກັນ

ເມືອງບັອບພາດ (Boppard)

ຈາກນັ້ນ ເດີນທາງໄປຕໍ່ກັນທີ່ເມືອງບັອບພາດ (Boppard) ເປັນສູນກາງການຜະລິດໄວນ໌ທີ່ໃຫຍ່ທີ່ສຸດຢູ່ລຸ່ມແມ່ນ້ຳໄຣນ໌ ຈາກເມືອງ R?desheim am Rhein ໄປຍັງເມືອງບັອບພາດ (Boppard) ໄລຍະທາງ 45 ກມ. ປົກກະຕິ ຖ້າຣິນພາທົວ ກໍຈະນຳຄະນະລົງເຮືອລ່ອງແມ່ນ້ຳໄຣນ໌ ຊົມຄວາມສວຍງາມຂອງແມ່ນ້ຳໄຣນ໌ ແມ່ນ້ຳສາຍໂຣແມນຕິກ ທີ່ມີຄວາມຍາວເປັນອັນດັບທີ 3 ຂອງທະວີບເອີຣົບ ຮອງຈາກແມ່ນ້ຳໂວນກາ ແລະແມ່ນ້ຳດານູບ ຮອບປະມານ 15.00 ໂມງ ເຊິ່ງມີການລ່ອງທຸກມື້ ຕະຫຼອດປີ ທັງລະດູຮ້ອນ ແລະລະດູໜາວເລີຍ ຕາຕະລາງລ່ອງເຮືອ ດັ່ງນີ້ເດີ ການລ່ອງເຮືອທ່ຽວແມ່ນ້ຳໄຣນ໌ ນິຍົມລ່ອງກັນຕັ້ງແຕ່ເມືອງບັອບພາດ ມາເຖິງເມືອງຊັງກໍ ເພາະເປັນຊ່ວງທີ່ງົດງາມທີ່ສຸດ ມີລຳນ້ຳແຄບ ແລະຄົດງໍໄປມາໃນຮ່ອມພູ ສອງຝັ່ງເຕັມໄປດ້ວຍປາສາດ ຄວາມຂຽວຂຈີຂອງພູເຂົາອັນສວຍງາມ ເຮືອນທົງແປກຕາ ສວຍງາມຕາມສອງຝັ່ງແມ່ນ້ຳໄຣນ໌ ແລະບ່າພູທີ່ປູກສວນອະງຸ່ນຂຽວຂຈີຕະຫຼອດລຳນ້ຳ ກັບບັນຍາກາດສຸດແສນໂຣແມນຕິກເພີດເພີນ ເມື່ອເຖິງທ່າເຮືອເມືອງຊັງກໍ (St.Goar) ເມືອງນ້ອຍໆແຄມແມ່ນ້ຳໄຣນ໌ທີ່ແສນງຽບສະຫງົບ ຈະໃຊ້ເວລາລ່ອງປະມານ 1 ຊມ. 25 ນາທີ ຈະມາເຖິງເມືອງຊັງກໍ (St.Goar) ເວລາ 16.25 ໂມງ ຄົນຂັບລົດຂອງເຮົາຈະໄປລໍຖ້າຮັບທີ່ເມືອງຊັງກໍ (St.Goar) ເຊິ່ງໄກຈາກຈຸດສົ່ງ ທີ່ທ່າເຮືອ 15 ກມ. ເມືອງຊັງກໍ (St.Goar) ມີຫຍັງໜ້າທ່ຽວແດ່?

ເມືອງນີ້ມີປາສາດໃຫ້ຍ່າງຫຼິ້ນ ໄປຖ່າຍວິວ ຈາກມຸມສູງເດີ ຊື່ Rheinfels Castle ຄ່າເຂົ້າ 5 ເອີໂຣ ແລະຍ່າງຫຼິ້ນຊິວໆ ຊົມບັນຍາກາດເມືອງສູນກາງໄວນ໌ໃນອະດີດ ຈາກນັ້ນ ເດີນທາງ 37 ກມ. ໄປກິນອາຫານແລງທີ່ Schloss Johannisberg ໃນເວລາ 18.00 ໂມງ

ກິນອາຫານແລງແລ້ວ ຣິນມັກຈະພາເດີນທາງໄປ Heidelberg, Germany ໄລຍະທາງປະມານ 120 ກມ. ເພື່ອໄປພັກຄືນຢູ່ທີ່ນັ້ນ ແລ້ວຕອນເຊົ້າ ກໍອອກເດີນທາງທ່ຽວເມືອງຕອນເຊົ້າຕຣູ່ໄດ້ຢ່າງລົງຕົວເດີ ນີ້ແຫຼະເດີ ແຜນທ່ຽວແບບ exclusive ທີ່ຣິນອອກແບບ ແລະເດີນທາງໄດ້ຢ່າງລົງຕົວມາແລ້ວຫຼາຍກຣຸບ ໃຫ້ໝູ່ເພື່ອນລອງໄປທ່ຽວຕາມກັນເບິ່ງເດີ ປ.ລ. ຖ້າລະດູຮ້ອນ ຢ້ານລ່ອງເຮືອຕອນບ່າຍແລ້ວແດດແຮງ ໃຫ້ປັບ ໄປລ່ອງເຮືອກ່ອນຊ່ວງເຊົ້າເດີ

Text by ເນດນະພາ ແກ້ວແສງທຳ

ຈອງໂຮງແຮມ