ຣີວິວ Disneyland Paris ດິນແດນແຫ່ງຄວາມສຸກ

ຣີວິວ Disneyland Paris ດິນແດນແຫ່ງຄວາມສຸກ

ຖ້າໄດ້ເດີນທາງມາຮອດປາຣີທັງທີ ຕ້ອງໄດ້ມາຢ້ຽມຊົມດິສນີແລນ ປາຣີ (Disneyland Paris) ເຊິ່ງເປັນດິສນີແລນແຫ່ງດຽວໃນເອີຣົບ ນອກຈາກນີ້ຍັງເປັນດິສນີແລນທີ່ມີສວນສະໜຸກໃຫ້ເຂົ້າຮ່ວມສະໜຸກເຖິງສອງແຫ່ງ ແລະ ດິສນີແລນແຫ່ງນີ້ຍັງມີເອກະລັກທີ່ບໍ່ຄືດິສນີແລນແຫ່ງອື່ນອີກດ້ວຍ


ດິສນີແລນປາຣີ (Disneyland Paris)

ດິສນີແລນ ປາຣີ (Disneyland Paris) ມີສວນສະໜຸກໃຫຍ່ 2 ແຫ່ງ ຄື ດິສນີແລນປາກ (Disneyland Park) ທີ່ສ້າງຂຶ້ນໃນປີ 1992 ແລະ ວອນ ດິສນີສະຕູດິໂອປາກ (Walt Disney Studios Park) ທີ່ເພິ່ງສ້າງຂຶ້ນໃນປີ 2002 ແລະ ດິສນີແລນປາກ (Disneyland Park) ມີຕົ້ນແບບການສ້າງມາຈາກດິສນີແລນທີ່ຟຼໍຣິດາ ແລະ ຄາລິຟໍເນຍ

ສ່ວນບັດສວນສະໜຸກນັ້ນ ສາມາດໃຊ້ເຂົ້າຫຼິ້ນໄດ້ແຕ່ສວນສະໜຸກແຫ່ງດຽວ ແລະ ຍັງສາມາດຊື້ແບບເຂົ້າ-ອອກໄດ້ທັງສອງແຫ່ງເຊັ່ນກັນ ເຊິ່ງບໍ່ຈຳກັດຈຳນວນເທື່ອໃນການເຂົ້າຊົມ ແລ້ວແຕ່ຄວາມສະດວກ ຈຳນວນເຄື່ອງຫຼິ້ນໃນສວນສະໜຸກດິສນີແລນປາກ (Disneyland Park) ແລະ ວອນ ດິສນີສະຕູດິໂອປາກ (Walt Disney Studios Park) ມີຫຼາຍຈົນຫຼິ້ນບໍ່ໝົດເລີຍ

ນອກຈາກສວນສະໜຸກໃນດິສນີແລນປາກ (Disneyland Park) ແລະ ວອນ ດິສນີສະຕູດິໂອປາກ (Walt Disney Studios Park) ແລ້ວ ຍັງມີ Disney Village ເຊິ່ງໃຫ້ບັນຍາກາດຄືຄອມມູນິຕີມອນ ເໝາະສຳລັບການກິນອາຫານ ແລະ ຊື້ເຄື່ອງ ເພາະມີທັງຮ້ານອາຫານ ແລະ ຮ້ານຄ້າໃຫ້ເລືອກຫຼາຍ ແລະ ນອກຈາກນີ້ຍັງມີໂຮງແຮມອີກຫົກແຫ່ງ

ທ່ານສາມາດຊື້ປີ້ເຂົ້າສວນສະໜຸກ ໂດຍສາມາດເລືອກຈຳນວນມື້ ແລະ ຈຳນວນສວນສະໜຸກທີ່ຈະເຂົ້າຫຼິ້ນໄດ້ ເຊິ່ງໝາຍຄວາມວ່າ ຖ້າເລືອກເຂົ້າຫຼິ້ນທີ່ດິສນີແລນປາກ (Disneyland Park) ແຫ່ງດຽວ ກໍຈະບໍ່ສາມາດເຂົ້າຫຼິ້ນທີ່ວອນ ດິສນີສະຕູດິໂອປາກ (Walt Disney Studios Park) ແຕ່ຖ້າເລືອກທັງສອງແຫ່ງ ກໍສາມາດເຂົ້າຫຼິ້ນໄດ້ທັງສອງແຫ່ງ


ດິສນີແລນປາກ (Disneyland Park)

ດິສນີແລນປາກ (Disneyland Park) ຄ່ອນຂ້າງໃຫຍ່ກວ່າວອນ ດິສນີສະຕູດິໂອປາກ (Walt Disney Studios Park) ໂດຍແບ່ງເປັນ 5 ໂຊນ ດັ່ງນີ້



ໂຊນທຳອິດເອີ້ນວ່າ Main Street USA ເປັນຖະໜົນທີ່ໃຊ້ຍ່າງເຂົ້າສູ່ປາສາດດິສນີ ເປັນໂຊນທີ່ມີແຕ່ຮ້ານຄ້າ ບໍ່ມີເຄື່ອງຫຼິ້ນ ເໝາະກັບການຊື້ຂອງທີ່ລະນຶກ ເຊັ່ນ ໝວກ ຫຼື ເຄື່ອງນຸ່ງ ນອກຈາກນີ້ຍັງມີຮ້ານຕັດຜົມ ຮ້ານເຄື່ອງນຸ່ງ ແລະ ຮ້ານຂະໜົມຕ່າງໆ ແລະ ຍັງມີສະຖານີລົດໄຟທີ່ສາມາດເດີນທາງໄປຮອດທັງ 5 ໂຊນໄດ້



ໂຊນທີ 2 ເອີ້ນວ່າ Frontierland ເຊິ່ງສ້າງແບບ Wild West ຫຼື ບັນຍາກາດໜັງຄາວບອຍ ຈະຕົກແຕ່ງດ້ວຍກ້ອນຫີນຕ່າງໆ

ເຄື່ອງຫຼິ້ນທີ່ພາດບໍ່ໄດ້ຂອງ Frontierland ຄື Big Thunder Mountain Railroad ແລະ Phantom Manor ຍັງມີເຄື່ອງຫຼິ້ນທີ່ເອີ້ນວ່າ Thunder Mesa Riverboat Landing ເຊິ່ງແມ່ນເຮືອທີ່ຈະພາຊົມວິວອ້ອມໆສະນ້ຳ ໃຊ້ເວລາປະມານ 10-15 ນາທີ ນອກຈາກນີ້ຍັງມີເກມຍິງເປົ້າ ຫຼື Rustler Rundup shootin’ Gallery ຫຼື ສະໜາມຫຼິ້ນທີ່ເໝາະກັບເດັກນ້ອຍຢ່າງ Frontierland Playground ມີການປີນປ່າຍ ແລະ ສະໄລເດີນ້ອຍໆ

ສ່ວນ Big Thunder Mountain Railroad ເປັນລົດໄຟເຫາະ ແຕ່ບໍ່ແມ່ນລົດໄຟເຫາະທີ່ຫວາດສຽວຫຼາຍ ຈະມີຊ່ວງທີ່ເຂົ້າໄປໃນບ່ອນມືດໆ ແລະ ໄຕ່ຕາມພູຫີນ ເຊິ່ງເປັນສາກຫຼັງຂອງໂຊນ ແລະ Big Thunder Mountain Railroad ທີ່ດິສນີແລນ ປາຣີ ເປັນແຫ່ງດຽວທີ່ໄດ້ຂຶ້ນໄປວົນທີ່ເກາະກາງນ້ຳ


ອີກເຄື່ອງຫຼິ້ນໜຶ່ງທີ່ໜ້າສົນໃຈຄື Phantom Manor ເຊິ່ງມີທີມເຮືອນຜີສິງທີ່ບໍ່ໄດ້ໜ້າຢ້ານ ຈະມີລົດໄຟທີ່ບໍ່ແມ່ນລົດໄຟເຫາະ ທີ່ມີຈັງຫວະແກວ່ງແດ່ ມີແສງ ສີ ສຽງ ແລະ ກຣາຟິກທີ່ສວຍງາມ



ໂຊນທີ 3 ເອີ້ນວ່າ Adventureland ເຊິ່ງຈະມີສາມໂຊນໃຫຍ່ໆ ຄື Indiana Jones ທີ່ມີລັກສະນະຄ້າຍປ່າດິບຊຸ່ມ ແລະ ບໍລິເວນຮ້ານອາຫານ ແລະ ຮ້ານຄ້າຕ່າງໆເປັນ Lion King ຈາກນັ້ນກໍຈະເປັນມຸມຂອງ Aladdin ນ້ອຍໆ ແລະ ເປັນ Pirate of the Caribbean ເຊິ່ງເປັນສາກໂຈນສະຫຼັດ ແລະ ເກາະຫົວກະໂຫຼກ

ເຄື່ອງຫຼິ້ນທີ່ໂດດເດັ່ນຂອງ Adventureland ຄື Pirates of the Caribbean


Pirates of the Caribbean ເປັນເຄື່ອງຫຼິ້ນລ່ອງໄປເທິງນ້ຳ ແລະ ມີຫ້ອງມືດ ຈະມີຈັງຫວະຕົກນ້ຳ ມີການເລົ່າເລື່ອງຕ່າງໆ ແລະ ມີຫຸ່ນກັບຕັນແຈັກ ສະແປໂຣ



ໂຊນທີ 4 ເອີ້ນວ່າ Fantasyland ເຊິ່ງເປັນໂຊນທີ່ທຸກຄົນຄຸ້ນເຄີຍກັນມາຕັ້ງແຕ່ເດັກນ້ອຍ ເປັນຄລາສສິກດິສນີ ບໍ່ມີເຄື່ອງຫຼິ້ນທີ່ຫວາດສຽວ

ມີປາສາດເຈົ້າຍິງ ເຊິ່ງເປັນປາສາດຂອງເຈົ້າຍິງນິທຣາ ມີຂະໜາດກາງ ແລະ ມີລາຍລະອຽດທີ່ສວຍງາມ ເປັນປາສາດທີ່ມີນ້ຳອ້ອມຮອບ ປາສາດນີ້ຖືກເອີ້ນວ່າເປັນປາສາດດິສນີທີ່ງາມ ແລະ ມີເອກະລັກທີ່ສຸດ ນອກຈາກນີ້ກໍສາມາດຂຶ້ນໄປຊົມວິວເທິງປາສາດໄດ້ ມີກະຈົກສີທີ່ເລົ່າເລື່ອງລາວຂອງເຈົ້າຍິງນິທຣາ ແລະ ສິ່ງທີ່ພາດບໍ່ໄດ້ຄືມີມັງກອນທີ່ລີ້ຢູ່ໃຕ້ດິນ

ເຄື່ອງຫຼິ້ນທີ່ພາດບໍ່ໄດ້ຂອງໂຊນ Fantasy ກໍຄືຕົວປາສາດ ແລະ ມັງກອນໂຕໃຫຍ່ທີ່ລີ້ຢູ່ໃຕ້ດິນ ເຊິ່ງເອີ້ນວ່າ The Dragon’s Lair ແລະ ຈະເປັນການຍ່າງສຳຫຼວດປາສາດ ແລະ ມັງກອນ

ອີກບ່ອນໜຶ່ງທີ່ໜ້າສົນໃຈຄື Peter Pan’s Flight ເປັນເຄື່ອງຫຼິ້ນທີ່ຈະໄດ້ນັ່ງໄປເທິງຍານເຫາະ ບໍ່ໜ້າຢ້ານຄືລົດໄຟເຫາະ ມີຈັງຫວະຂຶ້ນລົງ ມີຫ້ອງມືດ ແລະ ມີສາກໃນເລື່ອງປີເຕີແພນ ຄືໄດ້ບິນໄປກັບປີເຕີແພນ


ນອກຈາກນີ້ຍັງມີເຄື່ອງຫຼິ້ນແນວມ້າໝຸນ ເຊັ່ນ Lancelot’s Carousel, Dumbo the Flying Elephant ແລະ ມີຖ້ວຍນ້ຳຊາໃຫ້ນັ່ງຄືກັບມ້າໝຸນ ເຊິ່ງເອີ້ນວ່າ Mad Hatter’s Tea Cups

ເຄື່ອງຫຼິ້ນທີ່ເປັນເອກະລັກຂອງດິສນີຄື It’s a Small World ເຊິ່ງເປັນເຄື່ອງຫຼິ້ນແນວລ່ອງເຮືອ ເປັນເຮືອລ່ອງແລ້ວຈະເຫັນຫຸ່ນທີ່ນຸ່ງຊຸດປະຈຳຊາດຕ່າງໆ

ສຸດທ້າຍຈະເປັນການຫຼິ້ນ Walk-through ຄືການຍ່າງເຂົ້າໄປໃນສວນເຂົາວົງກົດໃນ Alice’s Curious Labyrinth ແລະ ທີ່ເຫຼືອຄື Meet Mickey Mouse ແລະ Princess Pavilion



ໂຊນສຸດທ້າຍເອີ້ນວ່າ Discoveryland ເຊິ່ງທີ່ປາຣີໃຊ້ຊື່ນີ້ ເນື່ອງຈາກທີ່ອື່ນຈະໃຊ້ຊື່ Tomorrowland ເປັນໂຊນສະໄຕລ໌ອະວະກາດ

ເຄື່ອງຫຼິ້ນທີ່ພາດບໍ່ໄດ້ຄື Hyperspace Mountain, Star Tours: L’ Aventure Continue ແລະ Buzz Lightyear Laser Blast

ນອກຈາກນີ້ຍັງມີ Walk-through ທີ່ໜ້າສົນໃຈຄື Les Myst?res du Nautilus ເຊິ່ງມີແຕ່ທີ່ປາຣີເທົ່ານັ້ນ

Hyperspace Mountain ຈະເປັນລົດໄຟເຫາະທີ່ໄວ ແລະ ແຮງ ເຊິ່ງຈະມີເຊັດອັບເປັນອະວະກາດ ມີສາກເຮືອງແສງ ແລະ ຫ້ອງມືດ

Star Tours: L’ Aventure Continue ເປັນເຄື່ອງຫຼິ້ນແບບ 3D Stimulator ມີກຣາຟິກທີ່ສວຍງາມ ແລະ ເຄື່ອງຈະຂະຍັບຕາມໜັງເທິງຈໍ ແລະ ໃກ້ໆຈະມີ Starport ໄວ້ຖ່າຍຮູບກັບຄາແຣັກເຕີຈາກເລື່ອງ Star Wars
ບ່ອນສຸດທ້າຍຄື Buzz Lightyear Laser Blast ເປັນເຄື່ອງຫຼິ້ນທີ່ມີລົດໃຫ້ນັ່ງ ແລະ ມີປືນໃຫ້ຍິງເລເຊີ

ສວນສະໜຸກແຫ່ງທີສອງຂອງດິສນີແລນປາຣີຄື ວອນ ດິສນີສະຕູດິໂອປາກ ເຊິ່ງມີຂະໜາດນ້ອຍ ແຕ່ເຄື່ອງຫຼິ້ນໜ້າສົນໃຈຫຼາຍ ຈະເນັ້ນເຄື່ອງຫຼິ້ນທີມພາບຍົນ ແລະ Pixar ທີ່ນີ້ຈະມີໂຊນນ້ອຍໆຈຳນວນ 4 ໂຊນ

ເຄື່ອງຫຼິ້ນທີ່ພາດບໍ່ໄດ້ຄື Ratatouille, The Adventure, The Twilight Zone Tower of Terror ແລະ Crush’s Coaster


ເມື່ອເຂົ້າມາດ້ານໃນຈະພົບ Front Lot ຈະມີຮ້ານອາຫານ ຮ້ານຄ້າ ສະໄຕລ໌ຮອລລີວູດ ແລະ ມີຮູບປັ້ນຂອງຜູ້ກໍ່ຕັ້ງດິສນີ ຫຼື ທ່ານວອນ ດິສນີ

ຍ່າງຖັດໄປທາງຊ້າຍຈະເປັນໂຊນ Production Courtyard ເຊິ່ງຈະມີການສະແດງຂອງສຕິດຊ໌ ແລະ ມີເຄື່ອງຫຼິ້ນດັ່ງນີ້


The Twilight Zone Tower of Terror ເປັນເຄື່ອງຫຼິ້ນສະໄຕລ໌ປ່ອຍຕົກ ແລະ ມີເນື້ອເລື່ອງເປັນໂຮງແຮມຜີສິງ ມີຈັງຫວະປ່ອຍຕົກທີ່ 60 ແມັດ

ຈາກນັ້ນຈະເປັນໂຊນ World of Pixars ເຊິ່ງຈະມີເຄື່ອງຫຼິ້ນທີ່ພາດບໍ່ໄດ້ຄື Crush’s Coaster ເຊິ່ງເປັນລົດໄຟເຫາະໃນຫ້ອງມືດທີ່ໃໝ່ກວ່າ Hyperspace Mountain ເປັນບ່ອນນັ່ງທີ່ໝຸນໄດ້ ເຊິ່ງຈະໃຫ້ນັ່ງຢູ່ເທິງຫຼັງເຕົ່າ ແລະ ເຂົ້າໄປຜະຈົນໄພໃຕ້ທະເລເລິກກັບຄາແຣັກເຕີຈາກເລື່ອງ Finding Nemo

ບ່ອນສຸດທ້າຍຈະເປັນ Remy’s Ratatouille Adventure ເຊິ່ງຈະໄດ້ຜະຈົນໄພໄປກັບເຈົ້າໜູ ແລະ ເຊັບຈາກ Ratatouille ເຄື່ອງຫຼິ້ນຈະຈຳລອງໃຫ້ພວກເຮົາຫຍໍ້ສ່ວນເປັນໜູແລ້ວມຸດເຂົ້າໄປທີ່ປາຣີ ຈະມີເຄື່ອງຫຼິ້ນແບບ 4D ແລະ ນັ່ງລົດເຂົ້າໄປໃນແຕ່ລະຫ້ອງທີ່ມີການຕົກແຕ່ງສວຍງາມ


ຂໍ້ຄວນຮູ້

• ດິສນີແລນ ປາຣີ (Disneyland Paris) ມີ 3 ໂຊນ ໄດ້ແກ່ ດິສນີແລນປາກ (Disneyland Park) ວອນ

• ດິສນີສະຕູດິໂອປາກ (Walt Disney Studios Park) ແລະ Disney Village ຄອມມູນິຕີມອນ

• ດິສນີແລນ ປາຣີ (Disneyland Paris) ເປັນດິສນີແລນແຫ່ງທຳອິດ ແລະ ແຫ່ງດຽວໃນເອີຣົບ ນອກຈາກນີ້ຍັງເປັນສວນສະໜຸກທີ່ມີຜູ້ເຂົ້າຊົມຫຼາຍທີ່ສຸດໃນເອີຣົບ

• ຫາກຊື້ບັດດິສນີແລນ ປາຣີ (Disneyland Paris) ທີ່ klook ຖືກກວ່າລາຄາໜ້າເວັບ Disneyland Paris

ຫາກສົນໃຈໄປຢ້ຽມຊົມດິສນີແລນ ປາຣີ (Disneyland Paris) ດິນແດນແຫ່ງຄວາມສຸກ

ສາມາດຕິດຕໍ່ສອບຖາມ ໂທ 083-035-9755

Line : https://line.me/ti/p/~004207289999999 ຫຼື ສົນໃຈທົວຕິດຕໍ່ inbox ໄດ້ 24 ຊົ່ວໂມງເລີຍເດີ້

ບໍລິສັດ See You Again ຈຳກັດ ໃບອະນຸຍາດທຸລະກິດນຳທ່ຽວ 11/08310