ຂັບສະໂນວໂມບິນກັບຜູ້ນຳທ່ຽວໃນສາຍພູລິງເງນ Guided Snowmobile Tour in the Lyngen Alps

ສາຍພູລິງເງນ (Lyngen Alps) ເປັນພູຫິມະທີ່ງາມທີ່ສຸດແຫ່ງໜຶ່ງຂອງພາກພື້ນທຣອມໂຊ (Tromsø) ການເດີນທາງເຄິ່ງມື້ນີ້ເລີ່ມຈາກຂຶ້ນລົດເມໃນເມືອງ ໄປລົງເຮືອເຟີຣີທີ່ Breivikeidet ຂ້າມຟາກແລ້ວມີທີມງານລໍຖ້າຮັບໄປສົ່ງທີ່ Aurora Wonderland Basecamp ຢູ່ແຄມຈະມີຊຸດກັນໜາວ, ເກີບບູດ ແລະ ໝວກກັນກະທົບໃຫ້ໃສ່ ຜູ້ນຳທ່ຽວຈະສອນວິທີຂັບເປັນພາສາອັງກິດ ແລ້ວໃຫ້ລອງຂັບສັ້ນໆ ກ່ອນອອກເດີນທາງ

ທຸກຄັນຂັບຕາມກັນເປັນແຖວເທິງເສັ້ນທາງທີ່ໄດ້ຮັບອະນຸຍາດ ໃຊ້ເວລາຂັບປະມານ 60-90 ນາທີ ຜ່ານພູ, ປ່າສົນ ແລະ ແຄມຟຢອດ ພື້ນທີ່ເປັນພູ ແລະ ສະພາບທາງປ່ຽນແປງຕະຫຼອດ ຂັບແລ້ວມ່ວນ ແລະ ທ້າທາຍພໍສົມຄວນ ແຕ່ລະຄັນນັ່ງໄດ້ 2 ຄົນ, ປ່ຽນກັນຂັບໄດ້ຕາມຈຸດທີ່ຜູ້ນຳທ່ຽວກຳນົດ ຍ້ອນວ່າເປັນທົວຊ່ວງບ່າຍ, ຂຶ້ນກັບເດືອນທີ່ໄປ ອາດໄດ້ເຫັນຕາເວັນຕົກດິນ, ແສງສົນທະຍາ ຫຼື ດາວເຕັມຟ້າ ບາງມື້ກໍໄດ້ເຫັນແສງເໜືອຂະນະນັ່ງຢູ່ເທິງສະໂນວໂມບິນນຳດ້ວຍ ຂັບແລ້ວໆ ກັບເຂົ້າແຄມໄປເຮັດໃຫ້ຮ່າງກາຍອົບອຸ່ນດ້ວຍຊຸບປາທີ່ປຸງແຕ່ງໃໝ່ໆ

ຄົນທີ່ຈະຂັບຕ້ອງມີໃບຂັບຂີ່ລົດໃຫຍ່ທີ່ຍັງບໍ່ໝົດອາຍຸ ແລະ ຕ້ອງສະແດງໃຫ້ຜູ້ນຳທ່ຽວເບິ່ງ (ໃຊ້ໃບຂັບຂີ່ດິຈິຕອນແບບທາງການກໍໄດ້) ຖ້າບໍ່ມີຈະຂັບບໍ່ໄດ້ ຜູ້ຂັບຕ້ອງມີອາຍຸ 16 ປີຂຶ້ນໄປ ສ່ວນຜູ້ເຂົ້າຮ່ວມຕ້ອງມີອາຍຸ 7 ປີຂຶ້ນໄປ ແລະ ຮ່າງກາຍຕ້ອງແຂງແຮງພໍ ທົວນີ້ບໍ່ເໝາະກັບແມ່ຍິງຖືພາ, ຜູ້ມີບັນຫາກ່ຽວກັບຫຼັງ, ພະຍາດຫົວໃຈ ຫຼື ພະຍາດທາງເດີນຫາຍໃຈ ແລະ ຜູ້ມີອາຍຸເກີນ 80 ປີ ຖ້າຕ້ອງການອາຫານມັງສະວິລັດ, ວີແກນ, ບໍ່ມີກລູເຕນ ຫຼື ບໍ່ມີແລັກໂຕສ ຕ້ອງແຈ້ງຕອນຈອງ (ເລືອກໄດ້ແບບດຽວ) ແຕ່ບໍ່ສາມາດຮອງຮັບຜູ້ແພ້ໝາກຖົ່ວຮຸນແຮງໄດ້ ຜູ້ຂັບຕ້ອງຮັບຜິດຊອບຄ່າເສຍຫາຍທີ່ຕົນເອງກໍ່ຂຶ້ນຕາມເງື່ອນໄຂຂອງຜູ້ໃຫ້ບໍລິການ ກັບຮອດທຣອມໂຊປະມານ 18:45 ໂມງ ຄວນກຽມເວລາໄວ້ກ່ອນໄປເຮັດກິດຈະກຳອື່ນຕໍ່

ຈຸດເດັ່ນ

• ຂັບສະໂນວໂມບິນປະມານ 60-90 ນາທີໃນສາຍພູລິງເງນ
• ຜ່ານພູ, ປ່າ ແລະ ຟຢອດ ຕາມຜູ້ນຳທ່ຽວເປັນຂະບວນ
• ນັ່ງເຮືອເຟີຣີຂ້າມຟາກຈາກ Breivikeidet
• ອາດໄດ້ເຫັນຕາເວັນຕົກດິນ, ດາວ ຫຼື ແສງເໜືອ
• ຊຸບປາຮ້ອນໆ ທີ່ເບສແຄມຫຼັງຂັບແລ້ວ