ທົວສ່ວນຕົວແອນເບເນຍ (ALB002) ຊົມອຸທະຍານທຳມະຊາດສວຍງາມ (9 ມື້ 8 ຄືນ)

ລໍຖ້າຕ້ອນຮັບທ່ານທີ່ສະໜາມບິນ Tirana ປະເທດແອລເບເນຍ ຈາກນັ້ນພານທ່ານຍ່າງຊົມໃນຕົວເມືອງຕີຣານາ ຊົມ Skanderbeg Square ຈັດຕຸລັດສຳຄັນທີ່ສຸດຂອງນະຄອນຫຼວງຕີຣານາຕັ້ງຢູ່ບໍລິເວນໃຈກາງເມືອງ ຊື່ຈັດຕຸລັດຕັ້ງຂຶ້ນເພື່ອເປັນກຽດແກ່ວີລະບູລຸດຂອງຊາດຜູ້ຕໍ່ຕ້ານພວກອອດໂຕມັນ ນາມວ່າ Gjergj Kastrioti Sk?nderbeu ຫຼື Sk?nderbej (Skanderbeg) ເຄິ່ງກາງຈັດຕຸລັດຈຶ່ງມີ Monumenti i Sk?nderbeut (Skanderbeg Monument) ອະນຸສາວະລີຂອງເພິ່ນເປັນສັນຍະລັກ ອ້ອມຮອບຈັດຕຸລັດເປັນທີ່ຕັ້ງຂອງສິ່ງປຸກສ້າງສຳຄັນຫຼວງຫຼາຍ ຮຽກໄດ້ວ່າ ເປັນຈຸດສູນກາງຂອງເມືອງເລີຍກໍວ່າໄດ້ ຊົມ Et’hem Bey Mosque ມັດສະຍິດເກົ່າແກ່ທີ່ສ້າງມາຕັ້ງແຕ່ສະຕະວັດທີ 18 ແຕ່ຖືກປິດໃຊ້ໃນຍຸກຄອມມູນິດ ຈົນກະທັ່ງເປີດເປັນສະຖານທີ່ສວດມົນອີກຄັ້ງໃນປີ ຄ.ສ. 1991 ໂດຍກອງທັບປະຊາຊົນນັບໝື່ນທີ່ຕໍ່ຕ້ານຄຳສັ່ງຂອງລັດຖະບານ ທາງຂ້າງມັດສະຍິດແມ່ນ Kulla e Sahatit (Clock Tower of Tirana) ຫໍໂມງປະຈຳເມືອງທີ່ສ້າງມາຕັ້ງແຕ່ປີ ຄ.ສ. 1811

ທ່ຽວໃນຕົວເມືອງຕີຣານາສຳເລັດແລ້ວ ນຳທ່ານເຂົ້າພັກທີ່ໂຮງແຮມ

hotel ພັກແຮມ Tirana

ມື້ນີ້ພານທ່ານເດີນທາງຂຶ້ນໄປເທິງຍອດພູ Datji ໄລຍະທາງ 22 ກິໂລແມັດ ດ້ວຍກະເຊົ້າໄຟຟ້າ ຊົມວິວອັນງົດງາມ ແລະ ງຽບສະຫງົບເທິງຍອດພູ ດ້ວຍລະດັບຄວາມສູງເຖິງ 1,613 ແມັດ ເຮັດໃຫ້ເຫັນວິວແບບ 360 ອົງສາຂອງທຳມະຊາດອັນສວຍສົດງົດງາມ

ຈາກນັ້ນພານທ່ານຮັບປະທານອາຫານທ່ຽງແບບຊາວທ້ອງຖິ່ນ ແລະ ຊົມສະຖານທີ່ທ່ອງທ່ຽວເຊີງປະຫວັດສາດຂອງເມືອງຕີຣານາ ຊົມ BunkArt 1 ແລະ ຫໍພິພິທະພັນປະຫວັດສາດແຫ່ງຊາດ

hotel ພັກແຮມ Tirana

ມື້ນີ້ພານທ່ານເດີນທາງໄປທ່ຽວຊົມອຸທິຍານແຫ່ງຊາດ Lura ໄລຍະທາງ 143 ກິໂລແມັດ ລະຫວ່າງທາງພານທ່ານແວ່ຊົມເມືອງ Kruje ຊົມຜາສາດປະຈຳເມືອງ Castle of Kruje ແລະ ຫໍພິພິທະພັນ Gjergj Kastrioti Skenderbeu ຈາກນັ້ນເດີນທາງໄປຍັງອຸທິຍານ Lura ຕັ້ງຢູ່ເທິງພູ Lura mountains of Diber ໃນອຸທິຍານປະກອບດ້ວຍທະເລສາບ 12 ແຫ່ງ ຊົມວິວທີ່ສວຍສົດງົດງາມ ທະເລສາບປົກຄຸມໄປດ້ວຍດອກໄມ້ແສນງົດງາມຄືດັ່ງໃນເທບນິຍາຍ

hotel ພັກແຮມ Tirana

ມື້ນີ້ພານທ່ານເດີນທາງໄປຍັງອຸທິຍານ Shebenik-Jabllanica National Park ລະຫວ່າງທາງແວ່ຊົມເມືອງ Elbasan ເພື່ອຢ້ຽມຊົມປະຫວັດສາດຂອງເມືອງນີ້ ຊົມຜາສາດ Bazaar Hammam ແລະ Elbasan Castle

ຈາກນັ້ນເດີນທາງໄປຍັງອຸທິຍານ Shebenik-Jabllanica National park ເຊິ່ງຍັງບໍ່ຄ່ອຍເປັນທີ່ຮູ້ຈັກຫຼາຍປານໃດ ເພາະວ່າມີການປິດອຸທິຍານແຫ່ງນີ້ໃນຊ່ວງຄອມມູນິດ ດ້ວຍເຫດນີ້ຈຶ່ງມີດອກໄມ້ນານາພັນອັນງົດງາມ ແລະ ເປັນບ່ອນອາໄສຂອງ Balkan lynx ເຊິ່ງເປັນສາຍພັນຂອງແມວປ່າຫາຍາກ ແລະ ມີການສ້າງເສັ້ນທາງໃຫ້ນັກທ່ອງທ່ຽວຍ່າງຊົມທຳມະຊາດໄດ້ຢ່າງສະດວກສະບາຍງ່າຍຂຶ້ນ

ແລະ ພານທ່ານສຳຫຼວດຖ້ຳຂອງນັກບວດທີ່ຊື່ Koshorishti ພາຍໃນຖ້ຳຈະປະກົດຮູບແຕ້ມບູຮານທີ່ມີລວດລາຍຕາມຄຳພີໄບເບິນ

ຮັບປະທານອາຫານທ່ຽງທີ່ເມືອງ Librazhd ຈາກນັ້ນເດີນທາງໄປຍັງເມືອງ Lin ໄລຍະທາງ 65 ກິໂລແມັດ ເຊິ່ງທ່ານຈະໄດ້ທ່ຽວຊົມໝູ່ບ້ານນ້ອຍໆ ໜ້າຮັກ ແລະ ຊົມຄວາມງາມຂອງທະເລສາບທີ່ງາມທີ່ສຸດໃນແຫຼມບານກັງ ທະເລສາບໂອຮຣິດ ຈາກນັ້ນເດີນທາງໄປຍັງເມືອງ Elbasan ເພື່ອຮັບປະທານອາຫານແລງ

hotel ພັກແຮມ Elbasan

ມື້ນີ້ພາທ່ານເດີນທາງໄປຍັງອຸດທະຍານ Tommori Mountain National Park ໄລຍະທາງ 87 ກິໂລແມັດ ເພື່ອຊົມໜຶ່ງໃນນ້ຳຕົກຕາດທີ່ງົດງາມທີ່ສຸດໃນແອລເບເນຍ ນ້ຳຕົກຕາດແຫ່ງນີ້ມີຈຳນວນນັກທ່ອງທ່ຽວເພີ່ມຂຶ້ນທຸກປີ ດ້ວຍຄວາມງາມອັນໜ້າປະທັບໃຈ ທີ່ທຳມະຊາດສ້າງສັນຈຶ່ງເຮັດໃຫ້ສະຖານທີ່ແຫ່ງນີ້ມີມົນສະເໜ່ດຶງດູດນັກທ່ອງທ່ຽວໃຫ້ມາຢ້ຽມຊົມເປັນຈຳນວນຫຼາຍ

ຈາກນັ້ນເດີນທາງໄປກິນເຂົ້າທ່ຽງຍັງເມືອງ Berat ແລະ ໃຫ້ເວລາອິດສະຫຼະແກ່ທ່ານໃນຊ່ວງບ່າຍ

hotel ພັກແຮມ Berat

ມື້ນີ້ພານທ່ານທ່ຽວເມືອງ Berat ເປັນທີ່ຮູ້ຈັກກັນວ່າເມືອງປ່ອງຢ້ຽມ 1,001 ບານ ຊົມຜາສາດ Berat Castle ແລະ ຫໍພິພິທະພັນ Onfuri Museum ອັນມີຊື່ສຽງໂດ່ງດັງ

ຈາກນັ້ນພານທ່ານໄປຊົມສະຖານທີ່ທີ່ທະເລ Adriatic ແລະ ທະເລ Ionian ມາບັນຈົບກັນ ນັ້ນກໍຄືອຸທິຍານ Llogara National Park ໄລຍະທາງ 119 ກິໂລແມັດ ເຊິ່ງເປັນອຸທິຍານທີ່ມີນັກທ່ອງທ່ຽວມາທ່ຽວຊົມຫຼາຍທີ່ສຸດໃນແອລເບເນຍ

ດ້ວຍທຳມະຊາດທີ່ງົດງາມໜ້າປະທັບໃຈ ທີ່ນີ້ຍັງມີປະຫວັດສາດທີ່ພວກເຮົາຈະໄດ້ຮຽນຮູ້ກ່ຽວກັບການຢ້ຽມຊົມ Orikum Archaeological Park ແລະ Saint Theodore Monastery ອຸທິຍານແຫ່ງຊາດ Llogara ເປີດໃຫ້ເຂົ້າຊົມຕະຫຼອດທັງປີ ແຕ່ມີຜູ້ມາຢ້ຽມຊົມຫຼາຍທີ່ສຸດໃນລະດູໃບໄມ້ປົ່ງ ແລະ ລະດູຮ້ອນ ເຊິ່ງມີຕົ້ນໄມ້ຂຽວສົດຊື່ນ ແລະ ດອກໄມ້ຫຼາກສີສັນ ແລະ ບໍ່ຕ້ອງກັງວົນເລື່ອງອາຫານທ່ຽງ ເພາະທາງອຸທິຍານມີຮ້ານອາຫານໃຫ້ເລືອກຫຼວງຫຼາຍ

ຮັບປະທານອາຫານແລງ ແລະ ຄ້າງຄືນໃນ Vlore

ມື້ນີ້ພາທ່ານເດີນທາງໄປຍັງອຸທະຍານ Karaburun - Sazan National Park ໄລຍະທາງ 36 ກິໂລແມັດ ສວນແຫ່ງນີ້ເຄີຍເປັນເຂດຫວງຫ້າມມາດົນນານ ເນື່ອງຈາກກວມເອົາພື້ນທີ່ທີ່ມີການຮັກສາຄວາມປອດໄພສູງ ນັ້ນຄືເຫດຜົນທີ່ສວນສາທາລະນະສ່ວນໃຫຍ່ບໍ່ຖືກແຕະຕ້ອງດ້ວຍມືມະນຸດ ມີຖ້ຳຫຼາຍແຫ່ງທີ່ຖືກຄົ້ນພົບໃນອຸທະຍານແຫ່ງນີ້ ໜຶ່ງໃນຖ້ຳທີ່ມີຊື່ສຽງທີ່ສຸດແມ່ນຖ້ຳ Haxhi Alia ຖ້ຳເຫຼົ່ານີ້ສ່ວນໃຫຍ່ເຄີຍເປັນບ່ອນພັກເຊົາຂອງໂຈນສະລັດ ແລະ ລູກເຮືອຈາກພາຍຸ ແລະ ໃນຖ້ຳທ່ານຍັງສາມາດພົບເຫັນຈາລຶກຕ່າງໆໃນຊ່ວງເວລານັ້ນ ຮັບປະທານອາຫານທ່ຽງໃນຮ້ານອາຫານທ້ອງຖິ່ນໃນ Vlore

hotel ພັກແຮມ Vlore

ມື້ນີ້ພາທ່ານໄປຊົມອຸທະຍານແຫ່ງສຸດທ້າຍຂອງທຣິບນີ້ ນັ້ນຄື ອຸທະຍານ Divjaka Karavasta National Park ໄລຍະທາງ 71 ກິໂລແມັດ ລະຫວ່າງທາງ ແວ່ຊົມເມືອງບູຮານ Fier ຮຽນຮູ້ປະຫວັດສາດຂອງພິພິທະພັນ Archaeological Museum of Apollonia, ຍ່ານເມືອງເກົ່າຂອງ Apollonia ແລະ ອາຣາມ ແລະ ໂບດ St. Mary

ຈາກນັ້ນເດີນທາງໄປຊົມລາກູນທີ່ກວ້າງທີ່ສຸດໃນເອີຣົບ ຊົມວິວອັນສວຍສົດງົດງາມ ແລະ ເປັນແຫຼ່ງທີ່ຢູ່ອາໄສຂອງນົກຫຼາຍຊະນິດທີ່ໃກ້ຈະສູນພັນ ແລະ ມີໃຫ້ຊົມພຽງແຕ່ຢູ່ນີ້ເທົ່ານັ້ນ!

hotel ພັກແຮມ Tirana

ມື້ນີ້ພາທ່ານເດີນທາງໄປສົ່ງສະໜາມບິນ Tirana Airport ເພື່ອເດີນທາງກັບຄືນສູ່ປະເທດໄທໂດຍສະຫວັດດີພາບ