ທົວສ່ວນຕົວ 4 ປະເທດ (ALB003) ໄຮໄລທ໌ ອານບານີ ນອດມາຊິໂດເນຍ ບູນກາຣີ ໂຣມານີ (9 ມື້ 8 ຄືນ)

ລໍຖ້າຮັບທ່ານທີ່ສະໜາມບິນ Tirana ປະເທດແອລເບເນຍ ຈາກນັ້ນພານຳທ່ານຍ່າງຊົມໃນຕົວເມືອງຕີຣານາ, ຊົມ Skanderbeg Square ຈັດຕຸລັດສຳຄັນທີ່ສຸດຂອງກຣຸງຕີຣານາ ຕັ້ງຢູ່ບໍລິເວນໃຈກາງເມືອງ. ຊື່ຈັດຕຸລັດຕັ້ງຂຶ້ນເພື່ອເປັນກຽດແກ່ວິລະບູລຸດຂອງຊາດຜູ້ຕໍ່ຕ້ານພວກອອດໂຕມັນ ນາມວ່າ Gjergj Kastrioti Skenderbeu ຫຼື Skenderbej (Skanderbeg). ທາງກາງຈັດຕຸລັດຈຶ່ງມີ Monumenti i Skenderbeut (Skanderbeg Monument) ອະນຸສາວະລີຂອງເພິ່ນເປັນສັນຍະລັກ. ອ້ອມຮອບຈັດຕຸລັດເປັນທີ່ຕັ້ງຂອງສິ່ງກໍ່ສ້າງສຳຄັນຫຼວງຫຼາຍ, ເອີ້ນໄດ້ວ່າເປັນຈຸດສູນກາງຂອງເມືອງເລີຍທີດຽວ

Overnight : Tirana, Albania

ຊົມ Et’hem Bey Mosque ມັດສະຍິດເກົ່າແກ່ທີ່ສ້າງມາຕັ້ງແຕ່ສະຕະວັດທີ 18 ແຕ່ຖືກປິດໃຊ້ໃນຍຸກຄອມມູນິດ ຈົນກະທັ່ງເປີດເປັນສະຖານທີ່ສວດມົນອີກຄັ້ງໃນປີ ຄ.ສ. 1991 ໂດຍກອງທັບປະຊາຊົນນັບໝື່ນທີ່ຕໍ່ຕ້ານຄຳສັ່ງຂອງລັດຖະບານ. ດ້ານຂ້າງມັດສະຍິດແມ່ນ Kulla e Sahatit (Clock Tower of Tirana) ຫໍໂມງປະຈຳເມືອງທີ່ສ້າງມາຕັ້ງແຕ່ປີ ຄ.ສ. 1811. ຂຶ້ນໄປເທິງຍອດພູ Datji ໄລຍະທາງ 22 ກິໂລແມັດ ດ້ວຍກະເຊົ້າໄຟຟ້າ ຊົມວິວອັນງົດງາມ ແລະ ງຽບສະຫງົບເທິງຍອດພູ ດ້ວຍລະດັບຄວາມສູງເຖິງ 1,613 ແມັດ ເຮັດໃຫ້ເຫັນວິວແບບ 360 ອົງສາຂອງທຳມະຊາດອັນສວຍງາມ. ຈາກນັ້ນພານຳທ່ານກິນເຂົ້າທ່ຽງແບບຊາວທ້ອງຖິ່ນ ແລະ ຊົມສະຖານທີ່ທ່ອງທ່ຽວເຊີງປະຫວັດສາດຂອງເມືອງຕີຣານາ, ຊົມ BunkArt 1 ແລະ ພິພິທະພັນປະຫວັດສາດແຫ່ງຊາດ ຕາມຕ້ອງການ

Overnight : Tirana, Albaniag ຄືນທີ 2

ມື້ທີ 3 ຂອງທຣິບ ເດີນທາງຂ້າມປະເທດໄປ Skopje ເມືອງຫຼວງຂອງມາຊີໂດເນຍເໜືອ. Skop-je ແມ່ນເມືອງຫຼວງ ແລະ ເມືອງໃຫຍ່ທີ່ສຸດຂອງປະເທດ, ສັນນິຖານວ່າມີການຕັ້ງຖິ່ນຖານທີ່ສະໂກເປຍຕັ້ງແຕ່ 4000 ປີກ່ອນຄຣິດສະຕະການ. ຊົມໂບດ Church of St. Panteleimon, ໂບດນີ້ສ້າງຂຶ້ນໃນປີ 1164 ເປັນໂບດໄບແຊນໄທນ໌ຂະໜາດນ້ອຍໃນສະຕະວັດທີ 12 ຕັ້ງຢູ່ໃນອາຮາມທີ່ຊັບຊ້ອນ. ໂບດ ແລະ ອາຮາມໄດ້ອຸທິດໃຫ້ເຊັນ Panteleimon ນັກບຸນອຸປະຖຳຂອງແພດ. ຈາກນັ້ນຍ່າງຫຼິ້ນໃນຕົວເມືອງ ຊົມ Memorial House of Mother Teresa ເຮືອນຂອງທ່ານແມ່ເທເຣຊາ ແມ່ຊີຜູ້ອຸທິດຕົນເພື່ອມະນຸດສະຍະທຳ ແລະ ຜູ້ໄດ້ຮັບລາງວັນໂນເບວສາຂາສັນຕິພາບ, ເພິ່ນໄດ້ອາໄສຢູ່ເຮືອນຫຼັງນີ້ຕັ້ງແຕ່ປີ 1910 ເຖິງປີ 1928. ຈາກນັ້ນຕອນບ່າຍພານຳທ່ານລ່ອງເຮືອທີ່ Matka Canyon ຊົມຄວາມງາມຂອງທຳມະຊາດຕະຫຼອດສອງຝັ່ງແມ່ນ້ຳ

Overnight : Skopje, North Macedonia

ເດີນທາງ 250 ກມ. ໄປເມືອງ Sofia ທ່ຽວກຣຸງໂຊເຟຍ ເຊິ່ງແມ່ນເມືອງຫຼວງ ແລະ ເມືອງທີ່ມີຂະໜາດໃຫຍ່ທີ່ສຸດຂອງປະເທດບຸນກາຣີ. ຊົມ Alexander Nev-sky Cathedral ອາສະນະວິຫານນັກບຸນອາເລັກຊານເດີ ເນັບສກີ ເປັນຄຣິສຕະຈັກນິກາຍອໍໂທດອກບຸນກາຣີ ໃນກຣຸງໂຊເຟຍ ເມືອງຫຼວງຂອງປະເທດບຸນກາຣີ, ມີສະຖາປັດຕະຍະກຳແບບນີໂອໄບແຊນໄທນ໌, ເປັນອາສະນະວິຫານຂອງອັກຄະບິດາແຫ່ງບຸນກາຣີ ແລະ ເປັນອາສະນະວິຫານອີສເທີນອໍໂທດອກທີ່ໃຫຍ່ທີ່ສຸດແຫ່ງໜຶ່ງໃນໂລກ. ຊົມ Rila Monastery ຫຼື ທີ່ຮູ້ຈັກກັນດີວ່າ ອາຮາມ Rila ແມ່ນອາຮາມອີສເທີນອໍໂທດອກທີ່ໃຫຍ່ ແລະ ມີຊື່ສຽງທີ່ສຸດໃນບຸນກາຣີ, ຕັ້ງຢູ່ໃນສາຍພູຕາເວັນຕົກສຽງໃຕ້, ຖືກຄົ້ນພົບຕັ້ງແຕ່ສະຕະວັດທີ 1

Overnight : Sofia, Bulgaria

ເດີນທາງ 145 ກມ. ເມືອງ Plovdiv ເປັນເມືອງໃຫຍ່ອັນດັບ 2 ຂອງປະເທດບຸນກາຣີ ຮອງຈາກກຣຸງໂຊເຟຍ (Sofia) ໂດຍມີປະຊາກອນບໍ່ຮອດ 5 ແສນຄົນ ເຊິ່ງຄວາມໜ້າສົນໃຈຂອງເມືອງນີ້ແມ່ນ ຫາກຍ້ອນຫຼັງໄປປະມານ 6,000 ກວ່າປີ ຈະພົບວ່າມີການຕັ້ງຖິ່ນຖານໃນຍຸກຫີນໃໝ່ປະມານ 4000 ປີກ່ອນຄຣິດສະຕະການ, ເປັນເມືອງທີ່ເກົ່າແກ່ທີ່ສຸດເມືອງໜຶ່ງໃນເອີຣົບ, ເປັນເມືອງສູນກາງການປົກຄອງຂອງແຂວງພລັອຟດິບ, ເປັນເມືອງສຳຄັນດ້ານເສດຖະກິດ, ການຂົນສົ່ງ, ວັດທະນະທຳ ແລະ ການສຶກສາ. ຊົມ Plovdiv Roman Theatre ເປັນອັດສະຈັນໂຣມັນບູຮານທີ່ມີສະພາບສົມບູນທີ່ສຸດ ແລະ ຖືເປັນໜ້າເປັນຕາຂອງເມືອງພລັອຟດິບ, ໂດຍສະເພາະໃນຊ່ວງລະດູຮ້ອນ ຈະມີງານສະແດງດົນຕີ, ລະຄອນ, ເຕັ້ນລຳຫຼວງຫຼາຍຢູ່ນີ້ ເພາະເປັນສາກທີ່ຂັງ ແລະ ສົມບູນແບບທີ່ສຸດ, ຖືກຄົ້ນພົບຕັ້ງແຕ່ໃນສະໄໝສະຕະວັດທີ 1. ຊົມຫ້ອງໂຖງລະບຽງຄົດບູຮານໄອຣີນ (Ancient Peristyle Building Eirene) ທີ່ມີການສ້າງຫຼັງຄາ ແລະ ຝາແບບທັນສະໄໝ ຄອບສ່ວນພື້ນຖານທີ່ເປັນພື້ນປະດັບງານໂມເສກທີ່ງົດງາມເກົ່າແກ່ ແລະ ຈັດສະແດງຜົນງານສິລະປະບູຮານທີ່ຂຸດຄົ້ນພົບ ອັນຈະຫາເບິ່ງຈາກບ່ອນອື່ນແບບດຽວກັນນີ້ເກືອບບໍ່ໄດ້ເລີຍ. ຊົມເຮືອນ ແລະ ອາຄານງາມຄລາສສິກໃນເມືອງເກົ່າ ໃນເຂດ Old Town ມີເຮືອນ ແລະ ອາຄານຫຼາຍຫຼັງ ເຊິ່ງສ່ວນໃຫຍ່ຈະເປັນເຮືອນຂອງຜູ້ມີຖານະ ຫຼື ຜູ້ມີຊື່ສຽງຂອງເມືອງໃນແຕ່ລະຍຸກ ທີ່ຍັງຄົງຮັກສາໄວ້ໄດ້ເກືອບສົມບູນແບບ, ແຕ່ລະແຫ່ງໃນປັດຈຸບັນສ່ວນຫຼາຍເປີດໃຫ້ເຂົ້າຊົມໃນຖານະພິພິທະພັນ ຫຼື ແກລເລີຣີຈັດສະແດງ

Overnight : Plovdiv, Bulgaria

ເດີນທາງ 230 ກມ. ໄປ ບ້ານ Arbanasi ປະເທດ Bulgaria ຊົມ Church of the Nativity ເຊິ່ງເປັນໂບດທີ່ເກົ່າແກ່ທີ່ສຸດໃນເມືອງນີ້ ເຊິ່ງສ້າງຂຶ້ນຕັ້ງແຕ່ສະຕະວັດທີ 15, ພາຍໃນຕົວໂບດແມ່ນປະດັບຕົກແຕ່ງດ້ວຍຮູບແຕ້ມຝາຜະໜັງຢ່າງວິຈິດງົດງາມ

ເມືອງ Veliko Tarnovo ທີ່ຫ່າງອອກໄປພຽງ 7 ກິໂລແມັດ, ເມືອງ Veliko Tarno-vo ເປັນເມືອງທີ່ມີອາຍຸເກົ່າແກ່ທີ່ສຸດແຫ່ງໜຶ່ງຂອງບຸນກາຣີ ໄດ້ຊື່ວ່າເປັນເມືອງຫຼວງຂອງອານາຈັກບຸນກາຣີທີ 2 (ຄ.ສ. 1185-1396) ໂດຍສະເໜ່ສຳຄັນແມ່ນສະຖາປັດຕະຍະກຳທ້ອງຖິ່ນພາຍໃນເຂດເມືອງອັນຊົງຄຸນຄ່າທາງປະຫວັດສາດ ແລະ ມີຄວາມສວຍງາມສະເພາະຕົວ. ໃນຊ່ວງໜຶ່ງຂອງຍຸກກາງ ເມືອງນີ້ໄດ້ຮັບການຍົກຍ້ອງໃຫ້ເປັນເມືອງຫຼວງທາງວັດທະນະທຳຂອງເອີຣົບ ຈາກຄວາມໂດດເດັ່ນຂອງອາຄານບ້ານເຮືອນ, ງານສິລະປະ ແລະ ກະວີນິພົນ. ປະຈຸບັນ ເມືອງແຫ່ງນີ້ໄດ້ກາຍເປັນສູນກາງດ້ານການບໍລິຫານ, ການສຶກສາ, ເສດຖະກິດ ແລະ ວັດທະນະທຳໃນດິນແດນພາກເໜືອຂອງປະເທດ. ພາທ່ານຊົມ Tsarevets Fortress ເປັນປ້ອມປາການທີ່ຕັ້ງເດັ່ນສະຫງ່າທີ່ສຸດໃນເມືອງນີ້ ຍ້ອນຕັ້ງຢູ່ເທິງພູ Tsarevets. ໃນສະໄໝກ່ອນ ຊາວເທຣຊຽນ ແລະ ຊາວໂຣມັນ ໄດ້ໃຊ້ເປັນຈຸດປ້ອງກັນເວລາມີການສູ້ຮົບເກີດຂຶ້ນ ແລະ ໃນປີ 1393 ເຄີຍຖືກຮຸກຮານໂດຍຊາວຕວັກກີຈົນເພພັງເສຍຫາຍ ແຕ່ໄດ້ມີການຟື້ນຟູ ສ້ອມແປງຂຶ້ນມາໃໝ່ອີກຄັ້ງໃນເວລາຕໍ່ມາ

ຍ່າງຫຼິ້ນຊິວໆ ທີ່ຮ່ອມ Ancient Road (Ulitsa G.S. Rovski Road) ຍ່າງຫຼິ້ນຊື້ເຄື່ອງທີ່ລະນຶກກັນແບບຊິວໆ ໄດ້. ຖະໜົນສາຍນີ້ໄດ້ຮັບການອະນຸລັກຮັກສາໄວ້ໃຫ້ຍັງຄົງກິ່ນອາຍແຫ່ງຄວາມເປັນໂຣມັນ ຍ້ອນວ່າຖະໜົນສາຍນີ້ມີມາຕັ້ງແຕ່ສະໄໝໂຣມັນ ແລະ ຍັງຄົງສະພາບໄວ້ຄືເກົ່າ. ຊົມ Monument Asenevtsi ອະນຸສອນນີ້ສ້າງຂຶ້ນໃນປີ 1985 ເຊິ່ງເປັນປີຄົບຮອບ 800 ປີ ທີ່ສອງອ້າຍນ້ອງຊື່ Asen ແລະ Petar ໄດ້ລຸກຂຶ້ນມາຕໍ່ສູ້ເພື່ອປົດປ່ອຍບຸນກາຣີໃຫ້ເປັນອິດສະຫຼະຈາກຈັກກະວັດໄບແຊນໄທນ໌. ອ້ອມຮອບອະນຸສອນແຫ່ງນີ້ຈະເຫັນວິວທິວທັດທີ່ຢູ່ອາໄສຂອງຊາວບ້ານໂດຍອ້ອມຮອບ ທີ່ຕັ້ງຢູ່ເປັນຊັ້ນໆ ຕາມແນວສາຍພູ ງາມຫຼາຍ

Overnight : Veliko Tarnovo, Bulgaria

ເດີນທາງໄປ 180 ກມ. ທ່ຽວໃນເມືອງບູຄາເຣສ Bucharest ເຊິ່ງເປັນເມືອງຫຼວງ, ເມືອງອຸດສາຫະກຳ ແລະ ເສດຖະກິດຂອງປະເທດໂຣມາເນຍ ເປັນເມືອງທີ່ໃຫຍ່ທີ່ສຸດຂອງໂຣມາເນຍ ຕັ້ງຢູ່ທາງທິດຕາເວັນຕົກສ່ຽງໃຕ້ຂອງປະເທດ ແລະ ຕັ້ງຢູ່ແຄມຝັ່ງແມ່ນ້ຳ Dambovita. ເມືອງບູຄາເຣສມີລະບຸໄວ້ໃນເອກະສານມາຕັ້ງແຕ່ປີ 1459 ຈາກນັ້ນກໍຫາຍໄປຍ້ອນການປ່ຽນແປງເລື້ອຍໆ ຈົນກາຍເປັນເມືອງຫຼວງຂອງໂຣມາເນຍໃນປີ 1862. ເປັນເມືອງທີ່ມີຈຸດເດັ່ນໃນດ້ານການເປັນສູນກາງຂອງສື່ມວນຊົນໂຣມາເນຍ, ວັດທະນະທຳ ແລະ ສິລະປະ ມີສະຖາປັດຕະຍະກຳຫຼາຍຮູບແບບ ທີ່ຮວມທັງສະຖາປັດຕະຍະກຳປະຫວັດສາດ (ນີໂອຄລາດສິກ), ສະຖາປັດຕະຍະກຳຫຼັງສົງຄາມ (ບາວເຮົາສ໌ ແລະ ອາຣ໌ດເດໂຄ), ຍຸກຄອມມູນິດ ແລະ ຍຸກໃໝ່. ໃນໄລຍະລະຫວ່າງ 2 ສົງຄາມໂລກ ຄວາມງາມດ້ານສະຖາປັດຕະຍະກຳຂອງເມືອງເຮັດໃຫ້ເມືອງມີຊື່ຫຼິ້ນວ່າ "ປາຣີໜ້ອຍແຫ່ງຕາເວັນອອກ" (Micul Paris) ແລະ ເຖິງແມ່ນວ່າອາຄານຫຼາຍຫຼັງ ແລະ ເຂດໃນສູນກາງປະຫວັດສາດຈະຖືກທຳລາຍໃນໄລຍະສົງຄາມ ຫຼື ແຜ່ນດິນໄຫວ ຮວມທັງໂຄງການປັບປຸງໂຄງສ້າງເມືອງຂອງ ນິໂຄໄລ ເຊົາເຊສກູ ແຕ່ກໍຍັງມີອາຄານທີ່ສວຍງາມຫຼົງເຫຼືອຢູ່. ໃນຊຸມປີຫຼັງໆ ເມືອງມີຄວາມຈະເລີນຮຸ່ງເຮືອງດ້ານເສດຖະກິດ ແລະ ວັດທະນະທຳ

ພາທ່ານຊົມ Parliament Palace ອາຄານລັດຖະສະພາ ຫຼື ທຳນຽບປະທານາທິບໍດີຂອງປະເທດໂຣມາເນຍ ເປັນທຳນຽບປະທານາທິບໍດີທີ່ໃຫຍ່ໂຕໂອ່ໂຖງຂອງອະດີດປະທານາທິບໍດີຈອມຜະເດັດການ ນິໂຄໄລ ເຊົາເຊສກູ ແລະ ນາງ ເອເລນາ ພັນລະຍາ ຜູ້ທີ່ຢາກມີຊີວິດຫຼູຫຼາປານ ເອວີຕາ ເປຣອນ. ທຳນຽບປະທານາທິບໍດີແຫ່ງນີ້ໄດ້ຮັບການຍ້ອງຍໍວ່າເປັນອາຄານລັດຖະສະພາທີ່ໃຫຍ່ເປັນອັນດັບ 2 ຂອງໂລກ ຮອງຈາກຕຶກເພນຕາກອນ ຂອງສະຫະລັດອາເມຣິກາ ແລະ ມີຈຳນວນຫ້ອງຫຼາຍເຖິງ 2,000 ຫ້ອງ, ໃຊ້ເວລາສ້າງດົນເຖິງ 5 ປີ ໂດຍສ້າງຕາມແບບສະຖາປັດຕະຍະກຳໂຣມາເນຍ ທັງໂຄງສ້າງ ແລະ ການຕົກແຕ່ງທັງພາຍນອກ ແລະ ພາຍໃນ

Overnight : Bucharest, Romania

ເດີນທາງ 200 ກມ. ໄປເມືອງ Brasov, ທ່ຽວໃຈກາງເມືອງເກົ່າ Brasov + ເດີນທາງໄປຊົມໂບດດຳ (Brasov Black Church) ທີ່ກໍ່ສ້າງຂຶ້ນໃນປີ ຄ.ສ. 1383 ເປັນໂບດທີ່ກໍ່ສ້າງຕາມແບບສິລະປະໂກທິກທີ່ໃຫຍ່ທີ່ສຸດໃນໂຣມາເນຍ. ສາເຫດທີ່ເອີ້ນວ່າໂບດດຳ ກໍຍ້ອນວ່າໂບດແຫ່ງນີ້ຖືກໄຟໄໝ້ເມື່ອປີ ຄ.ສ. 1689 ເຮັດໃຫ້ຮອຍດຳຈາກຂີ້ມອດເກາະໄປທົ່ວຝາໂບດຈົນກາຍເປັນສີດຳ. ທາງລັດຖະບານປະເທດໂຣມາເນຍຈຶ່ງປະໄວ້ໃນລັກສະນະນີ້ ເພື່ອໃຫ້ເປັນຄວາມແປກ ແລະ ເປັນຈຸດເດັ່ນຂອງໂບດ ແຕ່ພາຍຫຼັງຮອຍຂີ້ມອດດຳໄດ້ຫຼຸດລອກໄປຕາມການເວລາ ຈົນເຮັດໃຫ້ປັດຈຸບັນຝາຂອງໂບດສີບໍ່ຄ່ອຍດຳຄືໃນອະດີດ. ພາຍໃນໂບດມີພົມຫຼາກຫຼາຍສີທີ່ຖັກດ້ວຍມືຂອງຊາວຕວັກກີແຂວນຢູ່ອ້ອມລະບຽງ ເຊິ່ງຊ່ວຍເຮັດໃຫ້ໂບດມີສີສັນສົດໃສ ບໍ່ເບິ່ງງຽບເຫງົາວັງເວງ ແລະ ນອກຈາກນີ້ຍັງມີຮູບປັ້ນນັກບຸນ ແລະ ພຣະແມ່ມາຣີອັນສວຍງາມປະດັບໄວ້ອ້ອມບໍລິເວນໂບດ

ປາສາດ Bran Castle ຫຼື ປາສາດແດຣັກຄູລາອັນໂດ່ງດັງໄປທົ່ວໂລກ, ປາສາດນີ້ສ້າງຂຶ້ນໃນປີ ຄ.ສ. 1212 ເປັນປາສາດຫີນສີຂາວສູງກວ່າ 200 ຟຸດ ຕັ້ງຢູ່ເທິງພູສູງຊັນໃກ້ເມືອງ Brasov, ໃນອະດີດໃຊ້ເປັນປ້ອມປ້ອງກັນເພື່ອປ້ອງກັນການຮຸກຮານຂອງເມືອງ

Overnight : Sinaia, Romania

ເດີນທາງ 140 ກມ. ປາສາດເປເລສ (Peles Castle) ຕັ້ງຢູ່ໃນຮ່ອມພູບູເຊກິ ກາງປ່າສົນ ເທິງສາຍພູຄາຣ໌ເພທຽນ ຖືເປັນປາສາດທີ່ສວຍງາມໂດດເດັ່ນທີ່ສຸດແຫ່ງໜຶ່ງໃນເອີຣົບຕາເວັນອອກ. ຕົວອາຄານມີການປະສົມປະສານລະຫວ່າງສະຖາປັດຕະຍະກຳຫຼາກຫຼາຍຮູບແບບ ແຕ່ເບິ່ງຄືວ່າປາສາດແຫ່ງນີ້ຈະໄດ້ຮັບອິດທິພົນຈາກສະຖາປັດຕະຍະກຳແບບເຣີເນສຊອງສ໌ຂອງປະເທດເຢຍລະມັນຫຼາຍທີ່ສຸດ. ພາຍໃນປາສາດຕົກແຕ່ງຢ່າງຫຼູຫຼາອະລັງການ, ມີການນຳໃຊ້ໄມ້ຄວັດສະຫຼັກງົດງາມຢ່າງຫຼວງຫຼາຍ, ເປັນປາສາດທີ່ຮວບຮວມຜົນງານສິລະປະຈາກປະເທດຕ່າງໆ ໃນເອີຣົບ. ປາສາດເປເລສ (Peles Castle) ສ້າງຂຶ້ນໂດຍເຈົ້າຊາຍຄາຣ໌ລອສ ທີ 1 ກະສັດແຫ່ງໂຣມາເນຍ ໃນສະໄໝສະຕະວັດທີ 19 ເພື່ອໃຊ້ເປັນບ່ອນປະທັບໃນລະດູຮ້ອນ, ມີການຕົກແຕ່ງພາຍໃນຢ່າງຫຼູຫຼາງົດງາມ ເຊັ່ນ: ຫ້ອງຕວັກກີ ທີ່ສ້າງຂຶ້ນມາເພື່ອຕ້ອນຮັບແຂກບ້ານແຂກເມືອງທີ່ມາຈາກຕວັກກີ ໃນສະໄໝອອດໂຕມັນ. ພາຍໃນປາສາດມີຫ້ອງຕ່າງໆ ຫຼາຍເຖິງ 168 ຫ້ອງ ແຕ່ມີພຽງ 35 ຫ້ອງເທົ່ານັ້ນທີ່ເປີດໃຫ້ນັກທ່ອງທ່ຽວທົ່ວໄປໄດ້ເຂົ້າຊົມ. ດ້ານນອກຈະມີຮູບປັ້ນບຸກຄົນສຳຄັນຕັ້ງໄວ້ເປັນໄລຍະ ຮວມທັງຮູບປັ້ນຂອງເຈົ້າຊາຍຄາຣ໌ລອສ ຜູ້ສ້າງປາສາດ

Overnight : Bucharest, Romania

ທ່ອງທ່ຽວ Bucharest, Romania ຕໍ່ ແລະ ນຳທ່ານສົ່ງທີ່ສະໜາມບິນຕາມເວລາກຳນົດ