ລ່າແສງເໜືອທີ່ເມືອງ Murmansk (AUR005) ທາງພາກເໜືອຂອງຣັດເຊຍ 4 ມື້ 3 ຄືນ

ລໍຖ້າຮັບທ່ານທີ່ສະໜາມບິນ Murmansk airport (MMK) ຈາກນັ້ນພານທ່ານທ່ຽວຊົມ ເມືອງມູຣ໌ມານສ໌ຄ (Murmansk) ເມືອງນີ້ເປັນເມືອງທີ່ໃຫຍ່ທີ່ສຸດໃນໂລກທີ່ຕັ້ງຢູ່ໃນເຂດວົງມົນອາກຕິກ ທ່ານຈະໄດ້ຊາບຂໍ້ມູນທາງປະຫວັດສາດວ່າເມືອງນີ້ນັ້ນມີຄວາມກ່ຽວຂ້ອງກັບສົງຄາມໂລກຄັ້ງທີ 1 ແລະ ສົງຄາມໂລກຄັ້ງທີ 2 ແນວໃດ ຊົມອະນຸສາວະລີ Alyosha ອະນຸສາວະລີຜູ້ພິທັກຂອງສະຫະພາບໂຊວຽດອາກຕິກໃນຊ່ວງສົງຄາມ ສະແດງເຖິງຄວາມຮັກຊາດທີ່ຍິ່ງໃຫຍ່ ຣັດເຊຍເປັນປະເທດທີ່ນັບຖືສາສະໜາຄຣິດນິກາຍອໍໂທດອກ ດັ່ງນັ້ນໃນລະຫວ່າງການທ່ຽວຊົມເມືອງພວກເຮົາຈະໄປຢ້ຽມຊົມໂບດຫຼັກສອງແຫ່ງ ໂບດMurmansk: Saviour on Waters ແລະ ໂບດ Kola Feodorit ອັນງົດງາມ

ຊົມເຮືອ Lenin ເຊິ່ງເປັນເຮືອຕັດນ້ຳກ້ອນທີ່ໃຊ້ພະລັງງານນິວເຄຼຍລຳທຳອິດຂອງໂລກ ມີການນຳໃຊ້ຢູ່ 30 ປີ ໂດຍມີການປ່ຽນເຄື່ອງປະຕິກອນນິວເຄຼຍໃນປີ 1970 ຕໍ່ມາໄດ້ມີການພັດທະນາໃຫ້ເຮືອຕັດນ້ຳກ້ອນມີຂະໜາດໃຫຍ່ຂຶ້ນ ໂດຍຜະລິດຊັ້ນ Arktika-class ທີ່ມີລະວາງບັນທຸກ 23,500 dwt ອອກມາໃນປີ ຄ.ສ. 1975 ຈຳນວນ 6 ລຳ ແຕ່ລະລຳມີເຄື່ອງປະຕິກອນນິວເຄຼຍຂະໜາດ 56 MW ໃນການຂັບເຄື່ອນຈຳນວນ 2 ເຄື່ອງ ເພື່ອປະຕິບັດການໃນນ້ຳເລິກຂອງທະວີບອາກຕິກ ເຮືອ Arktika ເປັນເຮືອຜິວນ້ຳລຳທຳອິດທີ່ສາມາດໄປເຖິງຂົ້ວໂລກເໜືອໃນປີ ຄ.ສ. 1977

ແລະ ມີກິດຈະກຳລ່າແສງເໜືອໃນຕອນກາງຄືນ

hotel ພັກແຮມ Murmansk

ມື້ນີ້ພາທ່ານເດີນທາງໄປຍັງເມືອງ Teriberka ໄລຍະທາງ 131 ກິໂລແມັດ ຜ່ານເສັ້ນທາງທີ່ສວຍງາມ ເມືອງນີ້ເປັນໝູ່ບ້ານຊາວປະມົງຕັ້ງຢູ່ແຄມຝັ່ງຂອງມະຫາສະໝຸດອາກຕິກ ຊົມເຮືອເກົ່າແກ່ຂອງໝູ່ບ້ານ ແລະ ພູເຂົາອັນສວຍງາມ ແລະ ເທິງຫາດຊາຍນັ້ນຈະມີກ້ອນຫີນມົນໆ ທີ່ເກີດຂຶ້ນເອງຕາມທຳມະຊາດທີ່ຖືກເອີ້ນວ່າ “ໄຂ່ໄດໂນເສົາ” ແລະ ຊົມນ້ຳຕົກຕາດອີກດ້ວຍ ສະຖານທີ່ແຫ່ງນີ້ຂ້ອນຂ້າງຢູ່ໄກຈາກໝູ່ບ້ານ ດັ່ງນັ້ນຕ້ອງເດີນທາງດ້ວຍລົດຍົນ ແຕ່ຫາກທ່ານມາຢ້ຽມຊົມໃນລະດູໜາວ ທ່ານກໍຈະໄດ້ສຳຜັດປະສົບການໃໝ່ເຊິ່ງແມ່ນການຂີ່ລົດ snowmobile ສຸດຕື່ນເຕັ້ນ (ກິດຈະກຳດັ່ງກ່າວອາດມີການຍົກເລີກຫາກສະພາບອາກາດບໍ່ເປັນໃຈ ເນື່ອງຈາກອາດເກີດອຸບັດຕິເຫດໄດ້) ຕອນແລງພາທ່ານຮັບປະທານອາຫານພ້ອມກັບວິວທະເລອັນກວ້າງໃຫຍ່ ແລະ ກິນປູຍັກ King Crab ຫຼັງຈາກກິນອາຫານຄ່ຳ ສາມາດຊົມແສງເໜືອຢູ່ເມືອງນີ້ກໍໄດ້ ຫຼື ອາດຈະຊົມໃນລະຫວ່າງເດີນທາງກັບມາຍັງເມືອງ Murmansk ຫາກທັງສອງເມືອງນີ້ສະພາບອາກາດບໍ່ດີ ກໍຈະພາທ່ານໄປຊົມຢູ່ຈຸດອື່ນທີ່ສາມາດເບິ່ງເຫັນແສງເໜືອໄດ້

hotel ພັກແຮມ Murmansk

ມື້ນີ້ພາທ່ານເດີນທາງໄປຍັງ Arctic Land ໄລຍະທາງ 160 ກິໂລແມັດ ຕັ້ງຢູ່ໃນເຂດປ່າເລິກ ຊົມວິວທິວທັດອັນສວຍງາມປົກຄຸມໄປດ້ວຍຫິມະລະຫວ່າງການເດີນທາງໄປຍັງ Arctic Land ທີ່ຢູ່ໃກ້ໆ ກັບໝູ່ບ້ານ Lovozero ຈາກນັ້ນຟັງບັນຍາຍຈາກຊາວຊາມິ ຊົນເຜົ່າພື້ນເມືອງຂອງບ່ອນນີ້ ໂດຍດັ້ງເດີມນັ້ນຊາວຊາມິເປັນນັກລ່າສັດ ຊາວປະມົງ ແລະ ລ້ຽງກວາງເຣນເດຍ ຊາວຊາມິນັບຖືໝໍຜີເຊິ່ງສວດພາວະນາໃຫ້ກັບສິ່ງຕ່າງໆ ຕາມທຳມະຊາດ (ແມ່ນ້ຳ ທະເລສາບ ປ່າໄມ້ ແລະ ຫີນ) ພາທ່ານຮຽນຮູ້ວັດທະນະທຳ ຮີດຄອງປະເພນີ ການໃຊ້ຊີວິດຂອງຊາວຊາມິ ແລະ ໃຫ້ອາຫານກວາງເຣນເດຍ ແຖມຍັງໄດ້ນັ່ງລົດເລື່ອນກວາງເຣນເດຍອີກດ້ວຍ ຈາກນັ້ນພາທ່ານໄປຍັງຟາມໝາຮັສກີ້ ໝາທີ່ຂຶ້ນຊື່ວ່າມັກຫຼິ້ນ ແລະ ໜ້າຮັກທີ່ສຸດໃນໂລກ ແລະ ຍັງໄດ້ນັ່ງລົດເລື່ອນໝາຮັສກີ້ ຈາກນັ້ນມື້ນີ້ພາທ່ານອອກຊົມແສງເໜືອ ຖ້າມື້ກ່ອນໜ້ານີ້ສະພາບອາກາດບໍ່ເປັນໃຈ

hotel ພັກແຮມ Murmansk

ສົ່ງທ່ານທີ່ສະໜາມບິນ Murmansk Airport ເດີນທາງກັບໂດຍສະຫວັດດີພາບ