ທົວສ່ວນຕົວ (AUR006) ມູຣມານສຄ໌ - ຜະຈົນໄພໃນດິນແດນຫິມະ ແລະ ແສງເໜືອ 5 ມື້ 4 ຄືນ

ລໍຖ້າຮັບທ່ານຢູ່ສະໜາມບິນ Murmansk ແລະ ອອກເດີນທາງໄປຍັງເມືອງ ມູຣມັນສ໌ (Murmansk) ເມືອງທ່າໃຫຍ່ທີ່ສຸດໃນເຂດອາກຕິກເຊີເຄິລ ແລະ ເປັນຈຸດໝາຍປາຍທາງຍອດນິຍົມສຳລັບການຊົມແສງເໜືອ ແວ່ຮັບປະທານອາຫານທ່ຽງ

ຕອນບ່າຍ ນຳທ່ານທ່ຽວຊົມສະຖານທີ່ສຳຄັນໃນເມືອງທີ່ສະທ້ອນເຖິງປະຫວັດສາດ ແລະ ວັດທະນະທຳຂອງມູຣມັນສ໌ ເຊັ່ນ ອະນຸສາວະລີ Alyosha ຮູບປັ້ນຂະໜາດໃຫຍ່ທີ່ສ້າງຂຶ້ນເພື່ອລະນຶກເຖິງທະຫານໂຊວຽດໃນສົງຄາມໂລກຄັ້ງທີ 2 ໂດຍຕັ້ງຢູ່ເທິງເນີນພູທີ່ສາມາດແນມເຫັນວິວເມືອງມູຣມັນສ໌ໄດ້ຢ່າງສວຍງາມ ຕໍ່ດ້ວຍຢ້ຽມຊົມເຮືອຕັດນ້ຳກ້ອນພະລັງງານນິວເຄຼຍ Lenin ເຮືອເດີນທະເລພະລັງງານນິວເຄຼຍລຳທຳອິດຂອງໂລກ ເຊິ່ງປະຈຸບັນເປີດໃຫ້ເຂົ້າຊົມພາຍໃນເປັນຫໍພິພິທະພັນ

ຈາກນັ້ນ ຢ້ຽມຊົມອະນຸສາວະລີກະລາສີທີ່ເສຍຊີວິດໃນຍາມສະຫງົບ (Monument To The Sailors Who Fallen at the Peacetime) ອະນຸສອນສະຖານທີ່ສ້າງຂຶ້ນເພື່ອລະນຶກເຖິງກະລາສີທີ່ເສຍຊີວິດໃນອຸບັດຕິເຫດທາງທະເລ ຕໍ່ດ້ວຍ ຈະຕຸລັດ Five Corners Square ສູນກາງຂອງເມືອງທີ່ມີສະຖາປັດຕະຍະກຳສະໄໝໃໝ່ ແລະ ຮ້ານຄ້າຫຼາກຫຼາຍ ແລະ ຊົມອະນຸສາວະລີ Waiting ອະນຸສາວະລີທີ່ສະແດງເຖິງຄອບຄົວຂອງກະລາສີທີ່ລໍຄອຍການກັບມາຈາກທ້ອງທະເລ

ຫຼັງຈາກຢ້ຽມຊົມເມືອງຈົນເຕັມອີ່ມແລ້ວ ນຳທ່ານເຂົ້າສູ່ໂຮງແຮມໃນມູຣມັນສ໌ ເພື່ອເຊັກອິນ ແລະ ພັກຜ່ອນ

ແວ່ຮັບປະທານອາຫານແລງ

ຕອນຄ່ຳ ນຳທ່ານອອກເດີນທາງສູ່ຈຸດຊົມແສງເໜືອໃນພື້ນທີ່ຫ່າງໄກຈາກແສງໄຟໃນຕົວເມືອງ ເພື່ອໃຫ້ທ່ານໄດ້ສຳຜັດປະສົບການອັນໜ້າປະທັບໃຈ

ຫຼັງຈາກການລ່າແສງເໜືອ ນຳທ່ານກັບທີ່ພັກໃນມູຣມັນສ໌ ເພື່ອພັກຜ່ອນ ແລະ ກຽມຕົວສຳລັບການເດີນທາງໃນມື້ຕໍ່ໄປ

ມື້ນີ້ເລີ່ມຕົ້ນການເດີນທາງສູ່ ໝູ່ບ້ານຊາມິ (Saami Village) ເຊິ່ງເປັນໝູ່ບ້ານພື້ນເມືອງຂອງຊາວຊາມິ ກຸ່ມຊົນເຜົ່າພື້ນເມືອງໃນແຖບຂົ້ວໂລກເໜືອທີ່ຍັງຄົງຮັກສາວິຖີຊີວິດດັ້ງເດີມໄວ້ຢ່າງໜ້າສົນໃຈ ສຳຫຼວດພື້ນທີ່ ແລະ ຮຽນຮູ້ກ່ຽວກັບອາຄານພື້ນເມືອງ ຊົມເຕັນບູຮານ (tents), ຄູວັກ (kuvaks) ແລະ ອຸປະກອນເຄື່ອງໃຊ້ໃນຊີວິດປະຈຳວັນຂອງຊາວຊາມິ ແລະ ຕໍ່ດ້ວຍຢ້ຽມຊົມ Alley of Enchanted Idols ທາງຍ່າງທີ່ປະດັບດ້ວຍຮູບປັ້ນໄມ້ທີ່ຄວັດຕາມຄວາມເຊື່ອພື້ນເມືອງ ອີກທັງຍັງມີສັດທ້ອງຖິ່ນໃຫ້ທ່ານໄດ້ເລືອກຊົມ ເຊັ່ນ ກວາງເຣນເດຍ ແຣກຄູນ ໝາຮັສກີ້ ໝາຈິ້ງຈອກອາກຕິກ ແລະ ກະຕ່າຍ ໂດຍທ່ານສາມາດເກືອອາຫານ ແລະ ຖ່າຍຮູບຢ່າງໃກ້ຊິດໄດ້ອີກດ້ວຍເດີເຈົ້າ

ແວ່ຮັບປະທານອາຫານທ່ຽງ

ຊ່ວງບ່າຍ ເພີດເພີນກັບກິດຈະກຳພື້ນບ້ານທີ່ມ່ວນຊື່ນໃຫ້ທ່ານໄດ້ເລືອກຫຼາຍຢ່າງ ບໍ່ວ່າຈະເປັນ "Pole Tug", "Sami Football", ແລະ "ຄວ້າງບ້ວງໃສ່ເຂົາກວາງເຣນເດຍ", ຂີ່ເລື່ອນກວາງເຣນເດຍ ສຳຜັດປະສົບການການເດີນທາງແບບດັ້ງເດີມຂອງຊາວຊາມິ ແລະ ກິດຈະກຳສະໄລເດີເທິງນ້ຳກ້ອນ ຫຼື ຂີ່ "ບານານາໂບ໊ດ" ທີ່ມັດຕິດກັບສະໂນວໂມບິວອີກດ້ວຍເຈົ້າ

ຫຼັງຈົບກິດຈະກຳ ທ່ານຈະມີເວລາວ່າງສຳລັບເລືອກຊື້ຂອງທີ່ລະນຶກ ເຊັ່ນ ເຄື່ອງປະດັບ ງານຫັດຖະກຳ ຫຼື ເສື້ອຜ້າພື້ນເມືອງ ແລະ ນຳທ່ານເດີນທາງກັບເຂົ້າສູ່ຕົວເມືອງມູຣ໌ມານສຄ໌

ແວ່ຮັບປະທານອາຫານແລງ

ຊ່ວງຄ່ຳ ນຳທ່ານເດີນທາງອອກສູ່ພື້ນທີ່ຫ່າງໄກແສງໄຟໃນຕົວເມືອງ ເພື່ອຊົມປາກົດການແສງເໜືອທີ່ສວຍງາມ ແລະ ຖ່າຍຮູບງາມໆກັບແສງເໜືອນຳກັນເຈົ້າ

ຫຼັງຈາກເພີດເພີນກັບການລ່າແສງເໜືອ ນຳທ່ານກັບທີ່ພັກໃນມູຣ໌ມານສຄ໌ເພື່ອພັກຜ່ອນ ກຽມຕົວສຳລັບການເດີນທາງໃນມື້ຕໍ່ໄປ

ມື້ນີ້ເລີ່ມການເດີນທາງສູ່ ໝູ່ບ້ານເທຣິເບີກາ (Teriberka Village) ເຊິ່ງຕັ້ງຢູ່ເທິງຊາຍຝັ່ງທະເລບາເຣນຕ໌ສ (Barents Sea) ຫ່າງຈາກຕົວເມືອງມູຣ໌ມານສຄ໌ປະມານ 120 ກິໂລແມັດ ເຊິ່ງເທຣິເບີກາເປັນໝູ່ບ້ານຊາວປະມົງນ້ອຍໆ ທີ່ໂດ່ງດັງຈາກຮູບເງົາຣັດເຊຍເລື່ອງ "Leviathan" ແລະ ເປັນໜຶ່ງໃນຈຸດໝາຍປາຍທາງຍອດນິຍົມສຳລັບການຊົມຄວາມສວຍງາມຂອງທຳມະຊາດໃນເຂດອາກຕິກ ແວ່ຮັບປະທານອາຫານທ່ຽງ ຊ່ວງບ່າຍ ຍ່າງຫຼິ້ນ ແລະ ສຳຫຼວດ ໝູ່ບ້ານເທຣິເບີກາ (Teriberka Village) ຊົມວິວທະເລບາເຣນຕ໌ສທີ່ຍາວຢຽດ ແລະ ງຽບສະຫງົບ ພ້ອມກຽວຄື້ນທີ່ຊັດສາດຊາຍຝັ່ງອັນໜາວເຢັນ ຈາກນັ້ນຢ້ຽມຊົມສຸສານເຮືອເກົ່າ (Ship Graveyard) ເຊິ່ງເຕັມໄປດ້ວຍຊາກເຮືອປະມົງທີ່ເຄີຍຖືກນຳໃຊ້ໃນອະດີດ ແລະ ຍ່າງສຳຫຼວດນ້ຳຕົກອາກຕິກ ທີ່ນ້ຳໄຫຼລົງສູ່ທະເລບາເຣນຕ໌ສ ສ້າງທັດສະນີຍະພາບທີ່ສວຍງາມ ແລະ ເປັນເອກະລັກ ທ່ານສາມາດເລືອກຖ່າຍຮູບທຳມະຊາດໃນມຸມຕ່າງໆ ຫຼື ເພີດເພີນກັບການພັກຜ່ອນໃນບັນຍາກາດທີ່ງຽບສະຫງົບ ຫຼັງຈາກສຳຫຼວດໝູ່ບ້ານ ແລະ ທະເລບາເຣນຕ໌ສຢ່າງເຕັມທີ່ ນຳທ່ານເດີນທາງກັບເຂົ້າສູ່ຕົວເມືອງມູຣ໌ມານສຄ໌ ແວ່ຮັບປະທານອາຫານແລງ ຊ່ວງຄ່ຳ ນຳທ່ານອອກເດີນທາງສູ່ພື້ນທີ່ຊົມແສງເໜືອໃນຈຸດທີ່ເໝາະສົມທີ່ສຸດ ພ້ອມກັບການຖ່າຍຮູບທີ່ດີທີ່ສຸດເພື່ອເກັບຄວາມປະທັບໃຈ ຫຼັງຈາກເພີດເພີນກັບການລ່າແສງເໜືອ ນຳທ່ານກັບສູ່ທີ່ພັກໃນມູຣ໌ມານສຄ໌ເພື່ອພັກຜ່ອນ ກຽມຕົວສຳລັບການຜະຈົນໄພໃນມື້ຕໍ່ໄປ Day 4 Murmansk (ມູຣ໌ມານສຄ໌)

ຫຼັງຮັບປະທານອາຫານເຊົ້າທີ່ໂຮງແຮມ ເພື່ອເດີນທາງສູ່ພື້ນທີ່ກິດຈະກຳໃນເຂດ ທຸນດຣາ (Tundra) ເຊິ່ງເປັນເຂດທຳມະຊາດທີ່ໂດດເດັ່ນດ້ວຍພູມສັນຖານທີ່ປົກຄຸມດ້ວຍຫິມະ ແລະ ພືດພັນຂົ້ວໂລກທີ່ຫາຍາກ ສຳຜັດປະສົບການການຂີ່ສະໂນວໂມບິວທີ່ໜ້າຕື່ນເຕັ້ນ ຊົມວິວທິວທັດຂອງເຂດທຸນດຣາທີ່ກວ້າງໃຫຍ່ ແລະ ງຽບສະຫງົບ ພ້ອມຢຸດພັກຖ່າຍຮູບໃນຈຸດຊົມວິວທີ່ສວຍງາມ ເພີດເພີນກັບການສຳຫຼວດພື້ນທີ່ທຳມະຊາດທີ່ບໍ່ຄືໃຜ ທັງທົ່ງຫິມະ ປ່າສົນ ແລະ ລຳທານນ້ຳກ້ອນ

ແວ່ຮັບປະທານອາຫານທ່ຽງ ເພື່ອເພີ່ມພະລັງສຳລັບກິດຈະກຳຕໍ່ໄປ

ຊ່ວງບ່າຍ ເດີນທາງຕໍ່ດ້ວຍສະໂນວໂມບິວຜ່ານພູມສັນຖານທີ່ຫຼາກຫຼາຍ ພ້ອມຮຽນຮູ້ກ່ຽວກັບທຳມະຊາດ ແລະ ວິຖີຊີວິດຂອງຜູ້ຄົນໃນແຖບຂົ້ວໂລກເໜືອ ຫຼັງຈາກຈົບກິດຈະກຳ ນຳທ່ານເດີນທາງກັບສູ່ຕົວເມືອງມູຣ໌ມານສຄ໌ ພ້ອມເກັບຄວາມປະທັບໃຈຈາກການຜະຈົນໄພໃນເຂດທຸນດຣາ

ແວ່ຮັບປະທານອາຫານແລງ

ຊ່ວງຄ່ຳ ນຳທ່ານເດີນທາງອອກສູ່ພື້ນທີ່ຊົມແສງເໜືອ ໃນສະຖານທີ່ທີ່ເໝາະສົມທີ່ສຸດສຳລັບໂອກາດໃນການເຫັນແສງເໜືອໃນຄ່ຳຄືນນີ້ ທ່ານຈະໄດ້ສຳຜັດຄວາມມະຫັດສະຈັນຂອງທຳມະຊາດທີ່ເຕັມໄປດ້ວຍສີສັນແຫ່ງຂົ້ວໂລກ ຫຼັງຈາກການລ່າແສງເໜືອ ນຳທ່ານກັບທີ່ພັກໃນມູຣ໌ມານສຄ໌ເພື່ອພັກຜ່ອນ ກຽມຕົວສຳລັບການເດີນທາງໃນມື້ຕໍ່ໄປ

Day 5 Murmansk (ມູຣ໌ມານສຄ໌)

ຮັບປະທານອາຫານເຊົ້າທີ່ໂຮງແຮມ ແລະ ໃຊ້ເວລາພັກຜ່ອນຕາມອັດທະຍາໄສ ຫຼັງຈາກນັ້ນກຽມຕົວເຊັກເອົາທ໌ຈາກໂຮງແຮມ

ກ່ອນເດີນທາງໄປສະໜາມບິນ ນຳທ່ານແວ່ຮັບປະທານອາຫານທ່ຽງ ຈາກນັ້ນນຳທ່ານເດີນທາງໄປຍັງສະໜາມບິນມູຣ໌ມານສຄ໌ (Murmansk Airport) ເພື່ອເດີນທາງກັບປະເທດໄທດ້ວຍຄວາມປະທັບໃຈ