ທົວເອີຣົບສ່ວນຕົວ (BUL003) ໂຣມາເນຍ ບັນແກເລຍ ມະຫັດສະຈັນແຫ່ງບອນຄານ (8 ມື້ 7 ຄືນ)

ລໍຖ້າຮັບທ່ານທີ່ສະໜາມບິນບູຄາເຣສ ຈາກນັ້ນເດີນທາງໄປທີ່ເມືອງ Sianaia ໄລຍະທາງ 140 ກິໂລແມັດ ເພື່ອຄ້າງຄືນທີ່ນີ້

hotel ພັກແຮມ Sianaia

ມື້ນີ້ພາທ່ານຊົມ ປຣາສາດ Peles (Peles Castle) ຕັ້ງຢູ່ໃນຮ່ອມພູບູເຊກິ ກາງປ່າສົນ ເທິງສາຍພູ Carpathian ຖືເປັນປຣາສາດທີ່ສວຍງາມໂດດເດັ່ນທີ່ສຸດແຫ່ງໜຶ່ງໃນເອີຣົບຕາເວັນອອກ

ຕົວອາຄານມີການປະສົມປະສານລະຫວ່າງສະຖາປັດຕະຍະກຳຫຼາກຫຼາຍສະໄຕລ໌ ແຕ່ເບິ່ງຄືວ່າປຣາສາດແຫ່ງນີ້ຈະໄດ້ຮັບອິດທິພົນຈາກສະຖາປັດຕະຍະກຳແບບ Renaissance ຂອງປະເທດເຢຍລະມັນຫຼາຍທີ່ສຸດ. ພາຍໃນປຣາສາດຕົກແຕ່ງຢ່າງຫຼູຫຼາອະລັງການ, ມີການນຳໃຊ້ໄມ້ຄວັດສະຫຼັກງົດງາມຢູ່ຢ່າງຫຼວງຫຼາຍ, ເປັນປຣາສາດທີ່ຮວບຮວມງານສິລະປະຈາກປະເທດຕ່າງໆ ໃນເອີຣົບ. ປຣາສາດ Peles (Peles Castle) ສ້າງຂຶ້ນໂດຍເຈົ້າຊາຍ Carol ທີ 1 ກະສັດແຫ່ງໂຣມາເນຍ ໃນສະໄໝສະຕະວັດທີ 19 ເພື່ອໃຊ້ເປັນບ່ອນປະທັບໃນລະດູຮ້ອນ, ມີການຕົກແຕ່ງພາຍໃນຢ່າງຫຼູຫຼາງົດງາມ ເຊັ່ນ ຫ້ອງຕວກກີ ທີ່ສ້າງໄວ້ເພື່ອຕ້ອນຮັບແຂກບ້ານແຂກເມືອງ ທີ່ມາຈາກຕວກກີ ໃນສະໄໝ Ottoman

ພາຍໃນປຣາສາດມີຫ້ອງຕ່າງໆ ຫຼາຍເຖິງ 168 ຫ້ອງ, ແຕ່ມີພຽງ 35 ຫ້ອງເທົ່ານັ້ນທີ່ເປີດໃຫ້ນັກທ່ອງທ່ຽວທົ່ວໄປໄດ້ເຂົ້າຊົມ. ດ້ານນອກຈະມີຮູບປັ້ນບຸກຄົນສຳຄັນຕັ້ງໄວ້ເປັນໄລຍະ ລວມທັງຮູບປັ້ນຂອງເຈົ້າຊາຍ Carol ຜູ້ສ້າງປຣາສາດ

ຈາກນັ້ນຢ້ຽມຊົມປຣາສາດ Bran ຫຼື ປຣາສາດ Dracula ອັນລືຊື່ໂດ່ງດັງໄປທົ່ວໂລກ. ປຣາສາດນີ້ສ້າງຂຶ້ນໃນປີ ຄ.ສ. 1212 ເປັນປຣາສາດຫີນສີຂາວສູງກວ່າ 200 ຟຸດ ຕັ້ງຢູ່ເທິງພູສູງຊັນໃກ້ເມືອງ Brasov ໃນອະດີດເຄີຍໃຊ້ເປັນປ້ອມປາການເພື່ອປ້ອງກັນການຮຸກຮານຂອງເມືອງ

hotel ພັກແຮມ ເມືອງ Sianaia

ມື້ນີ້ພາທ່ານເດີນທາງໄປທີ່ເມືອງ Brasov ທີ່ຫ່າງອອກໄປພຽງ 49 ກິໂລແມັດ ເພື່ອຢ້ຽມຊົມປຣາສາດດຳ (Black Castle) ທີ່ກໍ່ສ້າງຂຶ້ນໃນປີ ຄ.ສ. 1383 ເປັນໂບດທີ່ກໍ່ສ້າງຕາມແບບສິລະປະ Gothic ທີ່ໃຫຍ່ທີ່ສຸດໃນໂຣມາເນຍ. ສາເຫດທີ່ເອີ້ນວ່າ ໂບດດຳ ກໍຍ້ອນວ່າໂບດແຫ່ງນີ້ຖືກໄຟໄໝ້ເມື່ອປີ ຄ.ສ. 1689 ເຮັດໃຫ້ຮອຍດຳຈາກຂີ້ມຸ່ນຈັບໄປທົ່ວຝາໂບດຈົນກາຍເປັນສີດຳ. ທາງລັດຖະບານປະເທດໂຣມາເນຍຈຶ່ງປ່ອຍໃຫ້ຢູ່ໃນລັກສະນະນີ້ ເພື່ອໃຫ້ເປັນຄວາມແປກໃໝ່ ແລະ ເປັນຈຸດເດັ່ນຂອງໂບດ, ແຕ່ຕໍ່ມາຮອຍຂີ້ມຸ່ນດຳໄດ້ຫຼຸດລອກໄປຕາມການເວລາ ຈົນເຮັດໃຫ້ປັດຈຸບັນຝາຂອງໂບດສີບໍ່ຄ່ອຍດຳຄືໃນອະດີດ. ພາຍໃນໂບດມີພົມຫຼາກຫຼາຍສີທີ່ຖັກດ້ວຍມືຂອງຊາວເຕີກແຂວນຢູ່ອ້ອມຕົວລະບຽງ ເຊິ່ງສາມາດຊ່ວຍເຮັດໃຫ້ໂບດມີສີສັນທີ່ສົດໃສ ບໍ່ເບິ່ງງຽບເຫງາວັງເວງ, ແລະ ນອກຈາກນີ້ຍັງມີຮູບປັ້ນນັກບຸນ ແລະ ພຣະແມ່ມາຣີອັນສວຍງາມປະດັບໄວ້ອ້ອມບໍລິເວນໂບດ

ຈາກນັ້ນເດີນທາງໄປຍັງເມືອງ Bucharest ໄລຍະທາງ 183 ກິໂລແມັດ ເພື່ອນອນຄ້າງຄືນທີ່ນີ້

hotel ພັກແຮມ Bucharest

ມື້ນີ້ພາທ່ານທ່ຽວໃນເມືອງ Bucharest ເຊິ່ງເປັນເມືອງຫຼວງ, ເມືອງອຸດສາຫະກຳ ແລະ ເສດຖະກິດຂອງປະເທດໂຣມາເນຍ, ເປັນເມືອງທີ່ໃຫຍ່ທີ່ສຸດຂອງໂຣມາເນຍ ຕັ້ງຢູ່ທາງຕາເວັນຕົກສຽງໃຕ້ຂອງປະເທດ ແລະ ຕັ້ງຢູ່ແຄມຝັ່ງແມ່ນ້ຳ Dambovita. ເມືອງ Bucharest ມີລະບຸໄວ້ໃນເອກະສານມາຕັ້ງແຕ່ປີ 1459 ຈາກນັ້ນກໍຫາຍໄປຍ້ອນການປ່ຽນແປງເລື້ອຍໆ ຈົນກາຍເປັນເມືອງຫຼວງຂອງໂຣມາເນຍໃນປີ 1862. ເປັນເມືອງທີ່ມີຈຸດແຂງໃນດ້ານການເປັນສູນກາງຂອງສື່ມວນຊົນໂຣມາເນຍ, ວັດທະນະທຳ ແລະ ສິລະປະ, ມີສະຖາປັດຕະຍະກຳຫຼາຍຮູບແບບ ທີ່ລວມທັງສະຖາປັດຕະຍະກຳປະຫວັດສາດ (Neoclassical), ສະຖາປັດຕະຍະກຳຫຼັງສົງຄາມ (Bauhaus ແລະ Art Deco), ຍຸກຄອມມູນິດ ແລະ ຍຸກໃໝ່. ໃນຊ່ວງລະຫວ່າງ 2 ສົງຄາມໂລກ, ຄວາມງາມດ້ານສະຖາປັດຕະຍະກຳຂອງເມືອງເຮັດໃຫ້ເມືອງມີຊື່ຫຼິ້ນວ່າ "ປາຣີນ້ອຍແຫ່ງຕາເວັນອອກ" (Micul Paris) ແລະ ເຖິງແມ່ນວ່າອາຄານຫຼາຍຫຼັງ ແລະ ເຂດໃນສູນກາງປະຫວັດສາດຈະຖືກທຳລາຍໃນຊ່ວງສົງຄາມ ຫຼື ແຜ່ນດິນໄຫວ ລວມທັງໂຄງການປັບປຸງໂຄງສ້າງເມືອງຂອງ Nicolae Ceausescu ແຕ່ກໍຍັງມີອາຄານງາມຫຼົງເຫຼືອຢູ່. ໃນຊຸມປີຫຼັງໆມານີ້ ເມືອງມີຄວາມຮຸ່ງເຮືອງດ້ານເສດຖະກິດ ແລະ ວັດທະນະທຳ

ພາທ່ານຊົມ Parliament Palace ອາຄານລັດຖະສະພາ ຫຼື ທຳນຽບປະທານາທິບໍດີຂອງປະເທດໂຣມາເນຍ ເປັນທຳນຽບປະທານາທິບໍດີທີ່ໃຫຍ່ໂຕໂອລານຂອງອະດີດປະທານາທິບໍດີຈອມຜະເດັດການ ນິໂຄໄລ ເຊົາເຊສກູ ແລະ ນາງ ເອລິນາ ພັນລະຍາຜູ້ເຊິ່ງຢາກມີຊີວິດຫຼູຫຼາຄືກັບ ເອວິດຕາ ເປຣອງ ອາຄານລັດຖະສະພານີ້ໄດ້ຊື່ວ່າໃຫຍ່ເປັນອັນດັບ 2 ຂອງໂລກ ຮອງຈາກຕຶກເພນຕາກອນ ຂອງສະຫະລັດອາເມຣິກາ ແລະ ມີຈຳນວນຫ້ອງຫຼາຍເຖິງ 2,000 ຫ້ອງ ໃຊ້ເວລາສ້າງດົນເຖິງ 5 ປີ ໂດຍສ້າງແບບສະຖາປັດຕະຍະກຳໂຣມາເນຍທັງໂຄງສ້າງ ແລະ ການຕົກແຕ່ງທັງພາຍນອກ ແລະ ພາຍໃນ

hotel ພັກແຮມ BUCHAREST

ມື້ນີ້ນຳພາທ່ານເດີນທາງໄປຍັງໝູ່ບ້ານ Arbanasi ປະເທດ Bulgaria ໄລຍະທາງ 194 ກິໂລແມັດ ຊົມ Church of the Nativity ເຊິ່ງເປັນໂບດທີ່ເກົ່າແກ່ທີ່ສຸດໃນເມືອງນີ້ ເຊິ່ງສ້າງຂຶ້ນຕັ້ງແຕ່ສະຕະວັດທີ 15, ພາຍໃນຕົວໂບດປະດັບຕົກແຕ່ງດ້ວຍຈິດຕະກຳຝາຜະໜັງຢ່າງວິຈິດງົດງາມ. ຈາກນັ້ນເດີນທາງໄປຍັງເມືອງ Veliko Tarnovo ທີ່ຫ່າງອອກໄປພຽງ 7 ກິໂລແມັດ. ເມືອງ Veliko Tarnovo ເປັນເມືອງທີ່ມີອາຍຸເກົ່າແກ່ທີ່ສຸດແຫ່ງໜຶ່ງຂອງ Bulgaria ໄດ້ຊື່ວ່າເປັນເມືອງຫຼວງຂອງອານາຈັກ Bulgaria ທີ 2 (ຄ.ສ. 1185-1396)

ໂດຍສະເໜ່ສຳຄັນແມ່ນສະຖາປັດຕະຍະກຳທ້ອງຖິ່ນພາຍໃນເຂດເມືອງອັນຊົງຄຸນຄ່າດ້ານປະຫວັດສາດ ແລະ ມີຄວາມສວຍງາມສະເພາະຕົວ. ໃນຊ່ວງໜຶ່ງຂອງຍຸກກາງ, ເມືອງນີ້ໄດ້ຮັບການຍົກຍ້ອງໃຫ້ເປັນເມືອງຫຼວງທາງວັດທະນະທຳຂອງເອີຣົບ ຈາກຄວາມໂດດເດັ່ນຂອງອາຄານບ້ານເຮືອນ, ງານສິລະປະ ແລະ ກະວີນິພົນ. ປັດຈຸບັນເມືອງແຫ່ງນີ້ໄດ້ກາຍເປັນສູນກາງດ້ານການບໍລິຫານ, ການສຶກສາ, ເສດຖະກິດ ແລະ ວັດທະນະທຳໃນດິນແດນພາກເໜືອຂອງປະເທດ

ພາທ່ານຊົມ Tsarevets Fortress ເປັນປ້ອມປາການທີ່ຕັ້ງເດັ່ນສະຫງ່າທີ່ສຸດໃນເມືອງນີ້ ຍ້ອນຕັ້ງຢູ່ເທິງພູ Tsarevets. ໃນສະໄໝກ່ອນຊາວ Thracian ແລະ ຊາວໂຣມັນໃຊ້ເປັນຈຸດປ້ອງກັນເວລາມີເສິກສົງຄາມເກີດຂຶ້ນ, ແລະ ໃນປີ 1393 ເຄີຍຖືກຮຸກຮານໂດຍຊາວຕວກກີຈົນເພພັງເສຍຫາຍ ແຕ່ໄດ້ມີການຟື້ນຟູ ສ້ອມແປງຂຶ້ນມາໃໝ່ອີກຄັ້ງໃນເວລາຕໍ່ມາ. ຍ່າງຫຼິ້ນຊິວໆ ທີ່ຮ່ອມ Ancient Road (Ulitsa G.S. Rovski Road) ຍ່າງຫຼິ້ນຊື້ຂອງທີ່ລະນຶກກັນແບບສະບາຍໆ ໄດ້

ຖະໜົນສາຍນີ້ໄດ້ຮັບການອະນຸລັກເອົາໄວ້ໃຫ້ຍັງຄົງກິ່ນອາຍແຫ່ງຄວາມເປັນໂຣມັນ ຍ້ອນວ່າຖະໜົນສາຍນີ້ມີມາຕັ້ງແຕ່ສະໄໝໂຣມັນ ແລະ ຍັງຄົງສະພາບໄວ້ຄືເກົ່າ. ຊົມ Monument Asenevtsi ອະນຸສອນນີ້ສ້າງຂຶ້ນໃນປີ 1985 ເຊິ່ງເປັນປີຄົບຮອບ 800 ປີ ທີ່ສອງອ້າຍນ້ອງຊື່ Asen ແລະ Petar ໄດ້ລຸກຂຶ້ນມາຕໍ່ສູ້ເພື່ອປົດປ່ອຍ Bulgaria ໃຫ້ເປັນອິດສະຫຼະຈາກຈັກກະວັດ Byzantine. ອ້ອມຮອບອະນຸສອນແຫ່ງນີ້ຈະເຫັນວິວທິວທັດທີ່ຢູ່ອາໄສຂອງຊາວບ້ານໂດຍຮອບ ທີ່ຕັ້ງຢູ່ເປັນຊັ້ນໆ ຕາມແນວສາຍພູສວຍງາມຫຼາຍ

hotel ພັກແຮມ Veliko Tarnovo

ມື້ນີ້ພາທ່ານເດີນທາງໄປຍັງເມືອງ ພລອຟດິຟ (Plovdiv) ໄລຍະທາງ 206 ກິໂລແມັດ ເປັນເມືອງໃຫຍ່ເປັນອັນດັບ 2 ຂອງປະເທດບັນແກເລຍ ຮອງຈາກນະຄອນຫຼວງໂຊເຟຍ (Sofia) ໂດຍມີປະຊາກອນບໍ່ຮອດ 5 ແສນຄົນ ເຊິ່ງຄວາມໜ້າສົນໃຈຂອງເມືອງນີ້ແມ່ນຫາກຍ້ອນກັບໄປໄດ້ປະມານ 6,000 ກວ່າປີ ຈະພົບວ່າການຕັ້ງຖິ່ນຖານໃນຍຸກຫີນໃໝ່ປະມານ 4000 ປີກ່ອນຄຣິດສັກກະລາດ ເປັນເມືອງທີ່ເກົ່າແກ່ທີ່ສຸດເມືອງໜຶ່ງໃນເອີຣົບ ເປັນເມືອງສູນກາງການປົກຄອງຂອງແຂວງພລອຟດິຟ ເປັນເມືອງສຳຄັນດ້ານເສດຖະກິດ ການຂົນສົ່ງ ວັດທະນະທຳ ແລະ ການສຶກສາ ຊົມ Plovdiv Roman Theatre ເປັນອັດສະຈັນໂຣມັນບູຮານທີ່ມີສະພາບສົມບູນທີ່ສຸດ ແລະ ຖືເປັນໜ້າຕາຂອງເມືອງພລອຟດິຟ

ໂດຍສະເພາະໃນຊ່ວງລະດູຮ້ອນ ຈະມີງານສະແດງດົນຕີ, ລະຄອນ, ເຕັ້ນລຳຢ່າງຫຼວງຫຼາຍຢູ່ທີ່ນີ້ ເພາະເປັນສາກທີ່ຂັງ ແລະ ສົມບູນແບບທີ່ສຸດ ຖືກຄົ້ນພົບຕັ້ງແຕ່ໃນສະໄໝສັດຕະວັດທີ 1 ຊົມໂຖງລະບຽງຄົດບູຮານໄອຣີນ (Ancient Peristyle Building Eirene) ທີ່ມີການສ້າງຫຼັງຄາ ແລະ ຝາແບບທັນສະໄໝ ຄອບສ່ວນພື້ນຖານທີ່ເປັນພື້ນປະດັບງານໂມເສກທີ່ງົດງາມເກົ່າແກ່ ແລະ ຈັດສະແດງງານຊ່າງສິລະປະບູຮານທີ່ຂຸດຄົ້ນພົບ ອັນຈະຫາເບິ່ງຈາກບ່ອນອື່ນແບບດຽວກັນນີ້ແທບບໍ່ໄດ້ແລ້ວ ຊົມເຮືອນ ແລະ ອາຄານງາມຄລາສສິກໃນເມືອງເກົ່າ ໃນເຂດ Old Town ມີເຮືອນ ແລະ ອາຄານຫຼາຍຫຼັງ ເຊິ່ງສ່ວນໃຫຍ່ຈະເປັນເຮືອນຂອງຜູ້ມີຖານະ ຫຼື ຜູ້ມີຊື່ສຽງຂອງເມືອງໃນແຕ່ລະຍຸກ ທີ່ຍັງຄົງຮັກສາໄວ້ໄດ້ເກືອບສົມບູນແບບ ແຕ່ລະແຫ່ງໃນປະຈຸບັນສ່ວນໃຫຍ່ເປີດໃຫ້ເຂົ້າຊົມໃນຖານະຫໍພິພິທະພັນ ຫຼື ແກເລີຣີຈັດສະແດງ

hotel ພັກແຮມ Plovdiv

ຈາກນັ້ນພາທ່ານເດີນທາງໄປຍັງເມືອງ ໂຊເຟຍ ເພື່ອພັກຄ້າງຄືນຢູ່ນັ້ນ ໄລຍະທາງ 144 ກິໂລແມັດ

ນະຄອນຫຼວງໂຊເຟຍແມ່ນເມືອງຫຼວງ ແລະ ເມືອງທີ່ມີຂະໜາດໃຫຍ່ທີ່ສຸດຂອງປະເທດບັນແກເລຍ ຊົມ Alexander Nevsky Cathedral ອາສະນະວິຫານນັກບຸນອາເລັກຊານເດີ ເນຟສກີ ເປັນຄຣິສຕະຈັກນິກາຍອໍໂທດອກບັນແກເລຍ ໃນນະຄອນຫຼວງໂຊເຟຍ ເມືອງຫຼວງຂອງປະເທດບັນແກເລຍ ມີສະຖາປັດຕະຍະກຳແບບນີໂອໄບແຊນທາຍ ເປັນອາສະນະວິຫານຂອງອັກຄະບິດາແຫ່ງບັນແກເລຍ ແລະ ເປັນອາສະນະວິຫານອີສເຕິນອໍໂທດອກທີ່ໃຫຍ່ທີ່ສຸດແຫ່ງໜຶ່ງໃນໂລກ ຊົມ Rila Monastery ຫຼື ທີ່ຮູ້ຈັກກັນດີວ່າອາຣາມ Rila ແມ່ນອາຣາມອໍໂທດອກອີສເຕິນອໍໂທດອກທີ່ໃຫຍ່ ແລະ ມີຊື່ສຽງທີ່ສຸດໃນບັນແກເລຍ ຕັ້ງຢູ່ໃນສາຍພູຕາເວັນຕົກສຽງໃຕ້ ຖືກຄົ້ນພົບຕັ້ງແຕ່ສັດຕະວັດທີ 1

hotel ພັກແຮມ Sofia

ພາທ່ານໄປສົ່ງທີ່ສະໜາມບິນ ຕາມເວລາກຳນົດ ຫາກມີເວລາກາງເວັນເຫຼືອ ພາທ່ຽວຕາມຕ້ອງການ ໃນ ໂຊເຟຍ