ທົວສ່ວນຕົວເອີຣົບ (FRA007) ຝຣັ່ງຕອນໃຕ້ ແຄວ້ນໂປຣວັອງສ໌ (South France - Provence) (6 ມື້ 5 ຄືນ)

ຮັບທ່ານທີ່ສະໜາມບິນເມືອງນີສ ຈາກນັ້ນພາທ່ຽວເມືອງນີສ ເມືອງຕາມຝັ່ງທະເລສຸດຫຼູຫຼາຂອງຝຣັ່ງໃຕ້ ຊົມໂບດນອຣ໌ທເທຣີດາມຂອງເມືອງນີສ (BASILQUE NOTRE-DAME DE NICE) ໂບດທີ່ໃຫຍ່ທີ່ສຸດຂອງເມືອງ ແລະ ທ່ຽວຊົມເມືອງຢ່າງເຕັມທີ່ຕາມສະໄຕລ໌ທົວສ່ວນຕົວ

ຈາກນັ້ນອອກເດີນທາງໄປເມືອງຄານ (CANNES) (35 ກິໂລແມັດ) ເມືອງຕາມຝັ່ງທະເລນ້ອຍໆ ທີ່ມີອາກາດອົບອຸ່ນຕະຫຼອດປີ ຄົນໄທຮູ້ຈັກດີ ເພາະເປັນເມືອງທີ່ຈັດປະກວດພາບພະຍົນນານາຊາດທີ່ໂດ່ງດັງໄປທົ່ວໂລກ

ພາຊົມ PALAIS DES FESTIVALS ສະຖານທີ່ຈັດງານປະກວດ ມີຮອຍຝ່າມືຂອງບັນດາສິລະປິນທີ່ມີຊື່ສຽງຈາກຮອລລີວູດມາປະທັບໄວ້ເທິງພື້ນຊີມັງ ໃຫ້ຊົມ ແລະ ຖ່າຍຮູບເປັນທີ່ລະນຶກ ແລະ ຍ່າງຫຼິ້ນຖະໜົນ ລາ ກຣົວເຊັດ ຍ່ານຍ່າງທ່ຽວຕາມຝັ່ງທະເລທີ່ທັນສະໄໝທີ່ສຸດໃນໂລກ

ເຮັດແຖວຢູ່ດ້ວຍຕົ້ນປາມ ຮ້ານບູຕິກ ແລະ ຮ້ານຄ້າໜ້າຊົມຫຼາຍແຫ່ງ

hotel ພັກແຮມ ເຂດເມືອງຄານ (CANNES)

ຕອນເຊົ້າອອກເດີນທາງໄປເມືອງກຣາສ (GRASSE) (20 ກິໂລແມັດ) ເມືອງຫຼວງແຫ່ງການຜະລິດນ້ຳຫອມ ຢູ່ເບື້ອງຫຼັງກິ່ນຫອມຂອງ Chanel No.5 ຖ້າຕ້ອງການ ພາຊົມໂຮງງານຜະລິດນ້ຳຫອມ ທີ່ກໍ່ຕັ້ງຂຶ້ນມາຕັ້ງແຕ່ສະໄໝສັດຕະວັດທີ 16 ຫຼື ຍ່າງຫຼິ້ນໃນຕົວເມືອງທີ່ງາມ

ອອກເດີນທາງໄປ ໝູ່ບ້ານກັດສເຕລແລນ (CASTELLANE) (65 ກິໂລແມັດ) ປະຕູສູ່ຊ່ອງແຄບແວຣ໌ດົງ ເປັນບ້ານເມືອງສະໄໝບູຮານ ຊົມຫໍນາຖິກາ ຂົວຫີນ ແລະ ໂບດສະໄໝສັດຕະວັດທີ 12 ເມືອງນີ້ຖືເປັນໄຮໄລທ໌ຂອງທິບນີ້

hotel ພັກແຮມ ແຖບ ໝູ່ບ້ານກັດສເຕລແລນ (Castellene)

ຕອນເຊົ້າເດີນທາງສູ່ ຊ່ອງແຄບແວຣ໌ດົງ (LES GORGES DU VERDON) (30 ກິໂລແມັດ) ທີ່ໄດ້ສະມຍານາມວ່າ Grand Canyon ຂອງຝຣັ່ງ ວິວເບື້ອງລຸ່ມແມ່ນແມ່ນ້ຳທີ່ໄຫຼຜ່ານເປັນສາຍ ສີຟ້າເທີຄ໌ວອຍສ໌ ນີ້ແມ່ນຊ່ອງແຄບລະຫວ່າງພູເຂົາທີ່ໃຫຍ່ທີ່ສຸດໃນເອີຣົບ ຈຸດຖ່າຍຮູບຫຼາຍຫຼາຍ ຫ້າມພາດເດີ້ເຈົ້າ

ຈາກນັ້ນ ພາອອກເດີນທາງໄປເມືອງວາລອງໂຊລ (VALENSOLE) (60 ກິໂລແມັດ) ເມືອງນ້ອຍ ແຕ່ເປັນສູນກາງການທ່ຽວຊົມທົ່ງລາເວັນເດີທີ່ກວ້າງໃຫຍ່ທີ່ສຸດໃນຝຣັ່ງ ມີເວລາຢ່າງອິດສະຫຼະໃຫ້ຊົມເມືອງ ແລະ ຈຸດນ້ອຍໆຕ່າງໆໄດ້ເຕັມທີ່ເດີ້ເຈົ້າ

hotel ພັກແຮມ ແຖບ ເມືອງວາລອງໂຊລ (VALENSOLE)

ເຊົ້ານີ້ ອອກເດີນທາງໄປແຂວງໂປຣວອງສ໌ຕໍ່ ພາຊົມເມືອງມາໂນສກ໌ (MANOSQUE) (25 ກິໂລແມັດ) ທີ່ຕັ້ງຂອງໂຮງງານຜະລິດສິນຄ້າຊື່ດັງ L’occitane en provence ທີ່ສົ່ງຂາຍໄປ 85 ປະເທດທົ່ວໂລກ

ສາມາດແວະເລືອກຊື້ຜະລິດຕະພັນ L’occitane ທີ່ເຮັດຈາກທຳມະຊາດລ້ວນໆ ເຊັ່ນ ດອກລາເວັນເດີ ດອກສົ້ມ ໝາກກອກ ນ້ຳເຜິ້ງ ອັນມອນ໌ La verveine ແລະ ອື່ນໆ ຕາມໃຈມັກ

ຈາກນັ້ນພວກເຮົາຈະໃຊ້ເສັ້ນທາງສາຍລາເວັນເດີ ໃນເຂດພູເຂົາລູເບອຣົງ (LUBERON) ອຸທະຍານແຫ່ງຊາດຂອງຝຣັ່ງ ທີ່ຕັ້ງຢູ່ໃຈກາງຂອງແຂວງໂປຣວອງສ໌ (Provence) ພື້ນທີ່ໃນຮ່ອມພູທາງເໜືອ ແລະ ທາງໃຕ້ ມີເມືອງນ້ອຍໆຫຼາຍເມືອງ ແຕ່ລະເມືອງຕັ້ງຢູ່ເທິງໜ້າຜາ ເປັນເມືອງເກົ່າແກ່ ແລະ ເຕັມໄປດ້ວຍລາເວັນເດີສີມ່ວງ ກິ່ນຫອມອົບອວນ

ເດີນທາງຕໍ່ໄປຍັງໝູ່ບ້ານກໍຣ໌ດ (GORDES) (65 ກິໂລແມັດ) ແຫຼ່ງຜະລິດເຫຼົ້າແວງທີ່ມີຊື່ສຽງແຫ່ງໜຶ່ງ ທີ່ຕັ້ງຂອງໝູ່ບ້ານຫີນ 6,000 ປີ (Le village des Bories) ໄດ້ຊື່ວ່າເປັນໜຶ່ງໃນໝູ່ບ້ານທີ່ງາມທີ່ສຸດໃນຝຣັ່ງ ເມືອງນີ້ໜ້າໄປຊື້ເຄື່ອງຫຼາຍ ຊື້ໄດ້ເຕັມທີ່ເລີຍເດີ ຢ່າພາດເດີ

ຈາກນັ້ນພາຖ່າຍຮູບທີ່ກຳລັງນິຍົມຫຼາຍ ຈຸດທີ່ດັງທີ່ສຸດຂອງແຖບໂປຣວອງສ໌ ໜ້າໂບດແອບບີ ເດ ເຊນັກ (ABBAYE DE SENANQUE) (ເດີນທາງ 5 ກິໂລແມັດ) ທົ່ງດອກລາເວັນເດີສີມ່ວງໜ້າໂບດ ເປັນມຸມຍອດນິຍົມເລີຍ ແຕ່ຢ່າລືມເດີວ່າ ຈະເບັ່ງບານເຕັມທົ່ງຕັ້ງແຕ່ເດືອນມິຖຸນາຈົນຮອດວັນທີ 14 ກໍລະກົດ ເທົ່ານັ້ນ ເພາະມີປະເພນີເກັບກ່ຽວລາເວັນເດີໃນວັນຊາດຂອງປະເທດຝຣັ່ງນັ້ນເອງ

ຕອນເຊົ້າ ພາເດີນທາງໄປທ່ຽວເມືອງຊູລ໌ (Sault) ເປັນເມືອງເກົ່າແກ່ອີກເມືອງໜຶ່ງໃນເຂດໂປຣວອງສ໌ ນິຍົມໄປທ່ຽວຊ່ວງລາເວັນເດີບານ ແຕ່ຖ້າດອກໄມ້ບໍ່ບານ ຕົວເມືອງກໍຍັງເປັນເມືອງເກົ່າແກ່ທີ່ໜ້າໄປທ່ຽວ ອາຄານບ້ານເຮືອນສ່ວນໃຫຍ່ເປັນແບບໂປຣວອງສ໌ ທີ່ມີສະເໜ່ ເຄີຍເປັນສູນກາງຜະລິດແກ້ວ ເໝາະສຳລັບຍ່າງຫຼິ້ນ ມີໂບດ ພິພິທະພັນ ຮ້ານຄ້າ ຮ້ານຂາຍຂອງທີ່ລະນຶກ ຄາເຟ່ ໜ້າຮັກໜ້າຍ່າງຫຼິ້ນ ຕົວເມືອງຕັ້ງຢູ່ເທິງເນີນພູ ຖ່າຍຮູບງາມຫຼາຍ ຖືເປັນເມືອງສັນຍາລັກເມືອງໜຶ່ງໃນແຂວງນີ້ທີ່ພາດບໍ່ໄດ້ ຕອນເຊົ້າພວກເຮົາຈະທ່ຽວຢູ່ເມືອງນີ້

ຈາກນັ້ນ ອອກເດີນທາງໄປເມືອງອາວີນົງ (AVIGNON) (50 ກິໂລແມັດ) ສະຖານທີ່ສຳຄັນຂອງແຂວງໂປຣວອງສ໌ ໄດ້ຮັບສະມຍານາມວ່າ THE JEWELS OF THE SOUTHERN RHONE ເມືອງສະໄໝກາງທີ່ສັນຕະປາປາເຄລີເມັນທີ 5 ແຫ່ງໂຣມ ອົບພະຍົບໜີຄວາມວຸ່ນວາຍທາງການເມືອງມາຕັ້ງສູນກາງທາງສາສະໜາຂຶ້ນ

ປັດຈຸບັນເມືອງອາວີນົງມີຊື່ສຽງຫຼາຍທາງດ້ານສິລະປະ ແລະ ບັນເທີງ ເປັນເມືອງບູຮານທີ່ມີກຳແພງອ້ອມຮອບ ຊ່ວງເດືອນກໍລະກົດ ເນື່ອງຈາກເປັນຊ່ວງເວລາແຫ່ງເທດສະການດົນຕີ ແລະ ການສະແດງ ໜ້າທ່ຽວ ສອດຄ່ອງກັບຊ່ວງຊົມລາເວັນເດີເດີ້ເຈົ້າ

ຊົມພະລາຊະວັງຂອງສັນຕະປາປາ (PALAIS DES PAPES) ທີ່ເຄີຍເປັນທີ່ປະທັບຂອງສັນຕະປາປາເຖິງ 7 ອົງ ແລະ ໄດ້ຮັບການຂຶ້ນທະບຽນເປັນມໍລະດົກໂລກໂດຍອົງການຢູເນສໂກ

ຊົມຂົວເຊນເບເນເຊ (Pont Saint-Benezet) ຫຼື ຂົວແຫ່ງເມືອງອາວີນົງ (Pont d’Avignon) ທີ່ໃຊ້ຂ້າມແມ່ນ້ຳໂຣນ

ຄືນນີ້ພັກຄ້າງຄືນທີ່ເມືອງອາວີນົງ (AVIGNON) (ຖ້າມີເວລາເຫຼືອ ສາມາດທ່ຽວເມືອງອື່ນໆເພີ່ມໄດ້ ເຊັ່ນ ເມືອງ Arles ຫຼື Nimes ແຕ່ຄວນທ່ຽວຕອນເຊົ້າແລ້ວກັບມານອນອາວີນົງ )

ພວກເຮົາຈັດລົດສົ່ງທ່ານຂຶ້ນລົດໄຟຄວາມໄວສູງ ເພື່ອເດີນທາງເຂົ້າປາຣີ ສິ້ນສຸດການທ່ອງທ່ຽວຢ່າງສົມບູນ (ຄ່າລົດໄຟທ່ານຈ່າຍເອງ)