ທົວສ່ວນຕົວເອີຣົບ (FRA008) ຝຣັ່ງຕອນໃຕ້ - ໂປຣວັອງ ທ່ຽວໄດ້ຕະຫຼອດປີ (9 ມື້ 8 ຄືນ)

ຖ້າທ່ານໃຊ້ສາຍການບິນໄທ ຈະໃຊ້ເທື່ອບິນ TG940 ອອກເດີນທາງເວລາ 00.40 ໂມງ ບິນກົງສູ່ເມືອງມີລານ ພວກເຮົາລໍຖ້າຮັບທ່ານ ທີ່ສະໜາມບິນມີລານ

ຈາກນັ້ນເດີນທາງສູ່ ໝູ່ບ້ານເອສ (Eze Village) ໝູ່ບ້ານບູຮານຕັ້ງຢູ່ຕາມຝັ່ງທະເລຣີວີເອຣາແມດິເຕີເຣນຽນ ທາງພາກໃຕ້ຂອງຝຣັ່ງ ເມືອງນີ້ຕັ້ງຢູ່ລະຫວ່າງເມືອງ ນີສ ໄປ ໂມນາໂກ ໄກພຽງສິບກວ່າກິໂລແມັດ ບ້ານເຮືອນສ້າງຈາກຫີນພູເຂົາ ກົງກັນຂ້າມກັບສີຂຽວຂອງຕົ້ນໝາກກອກທີ່ປູກຢູ່ທົ່ວໝູ່ບ້ານ

ເດີນທາງສູ່ ເມືອງນີສ ທີ່ມີຂະໜາດໃຫຍ່ເປັນອັນດັບ 5 ຂອງປະເທດຝຣັ່ງ ຢູ່ຕາມຝັ່ງທະເລ ແມດິເຕີເຣນຽນ ເປັນເມືອງຊັ້ນນຳຂອງຣີສອດແຖບເຟຣັນຊ໌ຣີວີເອຣາ ເປັນເມືອງຕາກອາກາດທີ່ມີຊື່ສຽງຂອງຝຣັ່ງ

ຊົມ ຕະຫຼາດ Cours Saleya Flower Market ບັນຍາກາດທ້ອງຖິ່ນ ແລະ Basilica Notre Dame ຖືເປັນໂບດທີ່ໃຫຍ່ທີ່ສຸດໃນເມືອງນີສ

ຊົມ ໝູ່ບ້ານເຊນປອລເດອວອງສ໌ ເມືອງບູຮານທີ່ສ້າງດ້ວຍຫີນ ອ້ອມຮອບດ້ວຍກຳແພງເມືອງ ໂດຍຕັ້ງຢູ່ເທິງເນີນສູງ ທີ່ເຫັນຫາດຊາຍຣີວີເອຣາ

hotel ພັກແຮມ ເມືອງເຊນປອລເດອວອງສ໌

ຕອນເຊົ້າ ເດີນທາງສູ່ ເມືອງກາຊີສ໌ (Cassis) ໃຊ້ເວລາເດີນທາງປະມານ 2 ຊົ່ວໂມງ ເປັນເມືອງທ່າເຮືອນ້ອຍໆ ໜ້າປະທັບໃຈ ພາຊົມ ຈຸດຊົມວິວ Calanque de Portmiou

ຕອນບ່າຍເດີນທາງໄປເມືອງ ມາເຊຍ (Marseille) ຊົມມະຫາວິຫານ ໂນເຕີດາມ ເດ ລາ ການ໌ດ (Basilique Notre-Dame de la Garde) ທີ່ຊາວເຮືອນັບຖືຫຼາຍ ມະຫາວິຫານຕັ້ງຢູ່ເທິງພູ ເບິ່ງແລ້ວໜ້າຢໍາເກງ ແລະ ມອງລົງມາເຫັນວິວເມືອງງົດງາມ ແລ້ວໄປຊົມ ທ່າເຮືອເກົ່າ (Old Port) ຫຼື Vieux - Port

ຕອນແລງ ເດີນທາງໄປເມືອງ Aix -en -Provance ເຄີຍເປັນເມືອງຫຼວງຂອງແຂວງໂປຣວອງສ໌ ມີເມືອງມະຫາວິທະຍາໄລທີ່ມີຊື່ສຽງຂອງປະເທດຝຣັ່ງ

hotel ພັກແຮມ ເມືອງ ແອັກ ອອງ ໂປຣວອງສ໌ (Aix -on -Provance)

ຕອນເຊົ້າ ພາ ຊົມຕະຫຼາດເຊົ້າ ເລືອກຊື້ ຜະລິດຕະພັນພື້ນບ້ານ ແລະ ວິຖີຊີວິດ ຈາກນັ້ນຍ່າງຫຼິ້ນ ຖະໜົນມີຣາໂບ (le cour Mirabeau) ເສັ້ນທາງມໍລະດົກໂລກ ທີ່ງາມຫຼາຍ ແລະ ປະດັບຕົກແຕ່ງດ້ວຍນ້ຳພຸຫຼາຍແຫ່ງ

ຕອນບ່າຍເດີນທາງໄປ ເມືອງຊາລົງ ເດ ໂປຣວອງສ໌ (Salon de Provence) ເມືອງເກົ່າແກ່ ທີ່ຕັ້ງບ້ານຂອງ ນອສຕຣາດາມຸສ ຫຼື ຊື່ຝຣັ່ງ ມິເຊວ ເດ ນອສຕຣົດາມ (Michel de Nostredame) ຊາວຝຣັ່ງເຊື້ອສາຍຢິວ ປັດຈຸບັນເປັນພິພິທະພັນປະຫວັດຄວາມເປັນມາຂອງນອສຕຣາດາມຸສ

ຈາກນັ້ນ ຊົມ ໝູ່ບ້ານ ເລໂບ ເດ ໂປຣວອງສ໌ (Les Baux de Provence) ໝູ່ບ້ານໂປຣວອງສ໌ແທ້ໆ ຊົມໂບດປະຈຳໝູ່ບ້ານ L’Eglise Saint Vincent

ໄປຕໍ່ກັນທີ່ ໝູ່ບ້ານ ແຊງ ເຣມີ ເດ ໂປຣວອງສ໌ (St.Remy de Provence) ໝູ່ບ້ານນ້ອຍໆ ໜ້າຮັກ ທີ່ມີຄວາມສຳຄັນຄື ເປັນບ້ານເກີດ ຂອງນອສຕຣາດາມຸສ ເລກທີ 6

hotel ພັກແຮມ ເມືອງ ແຊງ ເຣມີ ເດ ໂປຣວອງສ໌ (St.Remy de Provence)

ຕອນເຊົ້າ ອອກເດີນທາງໄປເມືອງ ອາວີນົງ (Avignon) ເມືອງແຫ່ງສັນຕະປາປາ ຍ່າງທ່ຽວ ຂົວແຫ່ງກາຣ໌ (Pont du gard) ແລະ ຂົວເຊນເບເນເຊ (Pont de St Benezet) ຫຼື ຂົວແຫ່ງເມືອງອາວີນົງ (Pont d’Avignon)

ຕໍ່ໄປຍັງ ເມືອງ Orange (ໂອຣົງຊ໌) ອີກເມືອງນ້ອຍໜ້າຮັກທີ່ເຮັດໃຫ້ທ່ຽວໄດ້ຢ່າງເລິກເຊິ່ງເຕັມທີ່ ພາຊົມ ປະຕູໄຊແຫ່ງໂອຣົງຊ໌ “Arc de Triomphe d’Orange” ແລະ ໂຮງລະຄອນບູຮານແຫ່ງໂອຣົງຊ໌ “Roman Theatre of Orange” ໜຶ່ງໃນໂຮງລະຄອນໂຣມັນອັນຍິ່ງໃຫຍ່ທີ່ຍັງຢູ່ໃນສະພາບດີທີ່ສຸດ

hotel ພັກແຮມ ເມືອງ Orange (ໂອຣົງຊ໌)

ຊົມ ໝູ່ບ້ານກໍຣ໌ດ (Gordes) ຕັ້ງຢູ່ເທິງຍອດພູ ໃນແຖບເທືອກເຂົາລູເບອຣົງ (Luberon) ເຊິ່ງເປັນແຫຼ່ງຜະລິດເຫຼົ້າວາຍທີ່ມີຊື່ສຽງ ແລະ ໄດ້ຮັບການຄັດເລືອກໃຫ້ເປັນ “ອີກໜຶ່ງໃນໝູ່ບ້ານທີ່ງາມທີ່ສຸດໃນຝຣັ່ງ” ຊົມໂບດເຊ-ນັງກ໌ ແອບບີ (Senanque Abbey) ສະຖານທີ່ຖ່າຍຮູບທີ່ສຳຄັນທີ່ສຸດຂອງແຂວງ ໃຊ້ໃນການໂຄສະນາການທ່ອງທ່ຽວຂອງໂປຣວອງສ໌

ທ່ຽວ ໝູ່ບ້ານຣູສຊີຢົງ (Roussillon) ໝູ່ບ້ານທີ່ມີສີສັນຫຼາກຫຼາຍ ສົດໃສ ໜ້າຖ່າຍຮູບຫຼາຍ

ໄປຕໍ່ທີ່ເມືອງ Manosqe ເມືອງທີ່ເປັນທີ່ຕັ້ງຂອງໂຮງງານ L’occitane en provence ພາທຸກທ່ານເຂົ້າຊົມ Notre- Dame de Romigier ເຊິ່ງເປັນໂບດອັນສັກສິດໃຈກາງເມືອງ Manosqe ແລະ ໂບດ Eglise Saint-Sauveur ແລະ ຕົວເມືອງທີ່ໜ້າຮັກ

hotel ພັກແຮມ ເມືອງ ມາໂນສກ໌ (Manosqe)

ຊົມໂຮງງານຜະລິດສິນຄ້າຊື່ L’occitane en provence ຊັອບປິ້ງຖືກໃຈ ແລະ ໃນຊ່ວງເດືອນມິຖຸນາ-ກໍລະກົດ ຊົມເມືອງ Valensole ເມືອງນີ້ມີທົ່ງລາເວນເດີທີ່ງາມ ແລະ ກວ້າງໃຫຍ່ທີ່ສຸດໃນຝຣັ່ງ

ສູ່ເມືອງມູສຕີເຢ ແຊງ ມາຣີ (Moustiers Sainte Marie) ເມືອງທີ່ມີຊື່ສຽງໃນໂປຣວອງສ໌ ຕັ້ງແຕ່ສະຕະວັດທີ 16 ຫຼື ມີອີກຊື່ໜຶ່ງວ່າ ໝູ່ບ້ານແຫ່ງດວງດາວ ເປັນໝູ່ບ້ານທີ່ງາມທີ່ສຸດຈົນໄດ້ຮັບການຄັດເລືອກໃຫ້ເປັນ Un Les Plus Beaux Village de France (one of The Most Beautiful Villages of France)

hotel ພັກແຮມ ເມືອງ Grasse

ທ່ຽວເມືອງ Grasse ເມືອງຕຳນານນ້ຳຫອມ ຊົມ Grasse Cathedral ວິຫານເກົ່າແກ່ ແລະ ໂຮງຜະລິດນ້ຳຫອມຝຣາໂກນາ (Parfumerie Fragonard - The History Factory Grasse) ເຊິ່ງເປັນແຫຼ່ງຜະລິດນ້ຳຫອມຂະໜາດໃຫຍ່ ແລະ ການຜະລິດນ້ຳຫອມສ່ວນໃຫຍ່ ຈະເລີ່ມຈາກໂຮງຜະລິດແຫ່ງນີ້

ອອກເດີນທາງໄປມີລານ ແລະ ພັກຄ້າງຄືນທີ່ມີລານ ຄືນທຳອິດ

ມື້ນີ້ທ່ຽວມີລານເຕັມມື້ ຊົມວິຫານໃຫຍ່ຂອງເມືອງມີລານ ຫຼື ທີ່ເອີ້ນວ່າ ດູໂອໂມ (Duomo) ເຊິ່ງເປັນວິຫານປະຈຳເມືອງ ແລະ ເປັນວິຫານທີ່ໃຫຍ່ເປັນອັນດັບສອງຮອງຈາກວິຫານເຊນປີເຕີໃນນະຄອນວາຕິກັນ ຊົມໂຮງລະຄອນໂອເປຣາທີ່ມີຊື່ສຽງກ້ອງໂລກ ລາ ສກາລາ (Teatro alla Scala) ແລະ ກາລເລເຣຍ ວິດໂຕຣີໂອ ເອມານູເອລ ເຊິ່ງເປັນສູນກາງການຄ້າທີ່ຫຼູຫຼາ ສວຍສົດງົດງາມຂອງເມືອງມີລານ ມີເວລາຊັອບປິ້ງຕາມອັດທະຍາໄສ

hotel ພັກແຮມ ມີລານ ຄືນທີສອງ

ເວລາ 10.30 ໂມງ ຈັດລົດຮັບສົ່ງທ່ານທີ່ສະໜາມບິນ ຖ້າທ່ານເລືອກເດີນທາງດ້ວຍສາຍການບິນໄທ ຖ້ຽວບິນ TG941 ອອກເດີນທາງເວລາ 14.05 ໂມງ