ທົວສ່ວນຕົວເອີຣົບ (GER022) ເຢຍລະມັນ ແບນຊິກ 5 ມື້ 4 ຄືນ

ຮັບທ່ານ ຢູ່ທີ່ເກດທາງອອກສະໜາມບິນ ຊ່ວງເຊົ້າພາທ່ຽວແຟຣງເຟີດ ເມືອງທີ່ໄດ້ຮັບການພັດທະນາຈົນກາຍມາເປັນເມືອງນານາຊາດ ເນື່ອງຈາກມີທີ່ຕັ້ງເປັນຄືກັບເສັ້ນຕັດກັນຂອງຖະໜົນ, ລົດໄຟ ແລະ ຍົນທີ່ສຳຄັນຕ່າງໆ ເປັນທີ່ຕັ້ງຂອງໂລກທາງດ້ານເສດຖະກິດ ຕຶກສູງລະຟ້າທີ່ມີທະນາຄານຕ່າງປະເທດ ແລະ ສະຖາບັນການເງິນຕ່າງໆ ຕັ້ງຢູ່ ເຊັ່ນ: ທະນາຄານບຸນເດສ, ສະຖາບັນຕະຫຼາດຫຼັກຊັບແຫ່ງປະເທດເຢຍລະມັນ ລວມໄປເຖິງສະຖາບັນທາງການເງິນຊັ້ນແນວໜ້າຫຼວງຫຼາຍ

ຍ່າງຫຼິ້ນທີ່ຈະຕຸລັດເຣີເມິ (ROMERBERG) ຢ່ານໃຈກາງເມືອງເກົ່າ ເຊິ່ງເປັນທີ່ຕັ້ງຂອງສາລາວ່າການເມືອງ (THE ROMER) ສິລະປະແບບໂກທິກທີ່ໄດ້ຮັບການກໍ່ສ້າງຂຶ້ນໃນປີ 1405 ກົງກັນຂ້າມກັບສາລາວ່າການເມືອງ

ຊົມໂບດເຊັນພອລ ແລະ ວິຫານໃຫຍ່ປະຈຳເມືອງ ຊົມອາຄານເຄິ່ງໄມ້ທ່ອນອັນງົດງາມແບບຟາຄແວຣ໌ກເຮົ້າສ໌ ທີ່ເອີ້ນວ່າ “ອອສໄຊເລີ” (OSTZEILE) ທີ່ໄດ້ຮັບການກໍ່ສ້າງຂຶ້ນມາໃໝ່ ໂດຍສາມາດຮັກສາລາຍລະອຽດຂອງອາຄານດັ້ງເດີມທີ່ເຄີຍຖືກທຳລາຍໝົດກ້ຽງເມື່ອສະໄໝສົງຄາມໂລກຄັ້ງທີສອງໄດ້ທຸກລາຍລະອຽດ ຖ່າຍຮູບຄວາມສວຍງາມຂອງນ້ຳພຸແຫ່ງຄວາມຍຸຕິທຳ (GERECHTIGKEITSBRUNNEN) ທີ່ຕັ້ງເດັ່ນສະຫງ່າຢູ່ກາງລານ ໄດ້ເວລາອັນສົມຄວນ ອິດສະຫຼະໃຫ້ທ່ານຊັອບປິ້ງສິນຄ້າຫຼາກຫຼາຍບໍລິເວນຖະໜົນສາຍຊັອບປິ້ງ ຢ່ານຖະໜົນຊາຍລ໌ (ZEIL) ຖະໜົນສາຍຊັອບປິ້ງທີ່ຍາວທີ່ສຸດຂອງປະເທດເຢຍລະມັນ ທີ່ເຕັມໄປດ້ວຍຮ້ານຄ້າຕ່າງໆ ຫຼວງຫຼາຍ Zeil ຄືຖະໜົນຊັອບປິ້ງ ແລະ ສະຖານທີ່ຊັ້ນນຳໃນການຊື້ສິນຄ້າໃນເມືອງແຟຣງເຟີດ ທີ່ໃຜໆ ກໍຢາກມາຢ້ຽມຢາມ ໂດຍສະເພາະຢ່າງຍິ່ງພື້ນທີ່ລະຫວ່າງ Konstablerwache ແລະ Hauptwache ທີ່ຖືກເອີ້ນວ່າ The Fifth Avenue ຂອງເຢຍລະມັນ ທີ່ມີທຸກຢ່າງໃຫ້ເລືອກສັນ ທັງຮ້ານບູຕິກ ຮ້ານຄ້າທີ່ເຕັມໄປດ້ວຍສິນຄ້າຈາກຕ່າງປະເທດ ເປັນຕົ້ນ ແລະ ທີ່ສຳຄັນແມ່ນ ພາດບໍ່ໄດ້ກັບການໄປຢ້ຽມຢາມ Zeilgalerie ແຫຼ່ງຊັອບປິ້ງຄວາມສູງ 10 ຊັ້ນ ໃຈກາງເມືອງແຟຣງເຟີດ ທີ່ມີຊື່ສຽງດ້ວຍລັກສະນະຂອງອາຄານຮູບກ້ຽວ ທັງຍັງເປັນຈຸດຊົມວິວທີ່ດີທີ່ສຸດອີກແຫ່ງໜຶ່ງຂອງເມືອງອີກດ້ວຍ ນອກຈາກນັ້ນໃນ Goethestra?e ທີ່ຢູ່ຕິດໆ ກັນ ຍັງເປັນແຫຼ່ງຊັອບປິ້ງເຢຍລະມັນທີ່ມີຊື່ສຽງໃນເລື່ອງຂອງອັນຍະມະນີ ໂດຍເປັນທີ່ຕັ້ງຂອງຮ້ານດັງລະດັບໂລກຢ່າງເຊັ່ນ ຄາຣ໌ທິເອ ແລະ ທິຟຟານີ ລວມໄປເຖິງຮ້ານຄ້າແບຣນເນມ ແລະ ຮ້ານອາຫານລົດຊາດດີເລີດທີ່ກະຈາຍຢູ່ຕາມຖະໜົນທົ່ວທັງສາຍ

ເດີນທາງໄປຊັອບປິ້ງທີ່ Wertheim Village Outlet ດ້ວຍໄລຍະທາງ 80 ກິໂລແມັດ

ຮ້ານອາຫານແນະນຳ Romer Pils Brunnen ຮູບແບບ: ອາຫານພື້ນເມືອງ, ເຢຍລະມັນ, ເອີຣົບ, ເອີຣົບກາງ, Gastropub ທີ່ຢູ່: Toengesgasse 19, 60311 Frankfurt, Hesse, ເຢຍລະມັນ ເບີໂທລະສັບ: +49 69 287712 http://roemerpilsbrunnen.de/ Restaurant Medici ຮູບແບບ: ເມດິເຕີເຣນຽນ, ເອີຣົບ, ຟິວຊັນ, ເອີຣົບກາງ ທີ່ຢູ່: Weissadlergasse 2, 60311 Frankfurt, Hesse, ເຢຍລະມັນ ເບີໂທລະສັບ: +49 69 21990794 https://www.restaurantmedici.de/ Trattoria i Siciliani ຮູບແບບ: ພິດຊາ, ເມດິເຕີເຣນຽນ, ອິຕາລີ, ອາຫານທະເລ, ເໝາະສຳລັບມັງສະວິຣັດ ທີ່ຢູ່: Walter-Kolb-Str. 17, 60594 Frankfurt, Hesse, ເຢຍລະມັນ ເບີໂທລະສັບ: +49 69 61993321 http://trattoriaisiciliani.de/?utm_source=tripadvisor&utm_medium=referral

hotel ພັກແຮມ Frankfurt

ຊ່ວງເຊົ້າທ່ຽວເມືອງ Bonn ເມືອງຫຼວງຂອງອະດີດປະເທດເຢຍລະມັນຕາເວັນຕົກ (Federal Republic of Germany ຫຼື West Germany) ເມື່ອຄັ້ງສະໄໝທີ່ເຢຍລະມັນຍັງແຍກເປັນສອງປະເທດ ໂດຍມີກຳແພງແບກແລັງກັ້ນໄວ້ ຍ່າງຫຼິ້ນທີ່ຈະຕຸລັດກາງເມືອງ Bonner Munsterplatz ທີ່ມີຮູບປັ້ນຂອງບີໂທເຟນ ນັກແຕ່ງເພງຜູ້ຍິ່ງໃຫຍ່ຂອງໂລກ ເຊິ່ງເກີດ ແລະ ເຕີບໃຫຍ່ຢູ່ນີ້ເປັນສັນຍະລັກ ອີກດ້ານຂອງຈະຕຸລັດແມ່ນ Bonner M?nster ຫຼື Minster of St. Martin ໂບດໂຣມັນຄາທໍລິກເກົ່າແກ່ທີ່ສ້າງໃນຊ່ວງສະຕະວັດທີ 11-13

ຊົມ Altes Rathaus ທີ່ທຳການກຸງບອນຫຼັງເກົ່າ ທີ່ສ້າງໃນສະໄຕລ໌ Rococo ຕັ້ງແຕ່ປີ ຄ.ສ. 1737

ຫຼັງຈາກນັ້ນຊົມ Kurfurstliches Schloss (Electoral Palace) ອະດີດພະລາຊະວັງທີ່ປະທັບຂອງເຈົ້າຜູ້ປົກຄອງເມືອງໂຄໂລນ ຕໍ່ມາໃນປີ ຄ.ສ. 1818 ອາຄານຫຼັງນີ້ໄດ້ກາຍເປັນອາຄານຫຼັກຂອງ ມະຫາວິທະຍາໄລແຫ່ງກຸງບອນ (Universitat Bonn)

ຢ້ຽມຊົມ Beethoven-Haus ບ້ານເກີດຂອງບີໂທເຟນ ເຊິ່ງປັດຈຸບັນເປີດເປັນພິພິທະພັນ ແລະ ສະຖາບັນວັດທະນະທຳ ໃຫ້ຜູ້ສົນໃຈໄດ້ສຶກສາຊີວະປະຫວັດ ແລະ ຜົນງານດົນຕີຂອງບີໂທເຟນໄດ້ເຂົ້າຊົມ

ປິດທ້າຍຊ່ວງເຊົ້າດ້ວຍການທ່ຽວປາສາດ Schloss Drachenburg ເຮືອນຫຼັງໃຫຍ່ສ່ວນຕົວທີ່ສ້າງໃນແບບປາສາດ ຖືກສ້າງທ້າຍສະຕະວັດທີ 19 ເທິງພູ Drachenfels ໃນເມືອງ Konigswinter ເຮັດໃຫ້ສາມາດແນມເຫັນບັນຍາກາດທັງເມືອງ ລວມເຖິງແມ່ນ້ຳໄຣນ໌

ຊ່ວງບ່າຍເດີນທາງມາທ່ຽວເມືອງໂຄໂລນ (Cologne) ເມືອງແຄມຝັ່ງແມ່ນ້ຳໄຣນ໌ທີ່ໃຫຍ່ທີ່ສຸດຂອງລັດນອດໄຣນ໌-ເວສຟາເລນ ໂຄໂລນເປັນໜຶ່ງໃນເມືອງທີ່ເກົ່າແກ່ທີ່ສຸດຂອງເຢຍລະມັນ ສ້າງໂດຍຊາວໂຣມັນ ມີປະຫວັດສາດຍ້ອນໄປເຖິງ ຄ.ສ. 50

ຊົມ Kolner Dom (Cologne Cathedral) ມະຫາວິຫານແຫ່ງໂຄໂລນທີ່ເລີ່ມກໍ່ສ້າງໃນປີ ຄ.ສ. 1248 ເພື່ອອຸທິດໃຫ້ນັກບຸນປີເຕີ ແລະ ພຣະແມ່ມາຣີ ໂດຍຕ້ອງໃຊ້ເວລາກໍ່ສ້າງຍາວນານກວ່າ 600 ປີ ຈຶ່ງແລ້ວສົມບູນໃນປີ ຄ.ສ. 1880 ມະຫາວິຫານໂຄໂລນລອດພົ້ນຈາກການທຳລາຍເມື່ອສະໄໝສົງຄາມໂລກຄັ້ງທີສອງມາໄດ້ດ້ວຍດີ ແລະ ກາຍເປັນສັນຍະລັກສຳຄັນປະຈຳເມືອງ ແລະ ເປັນສູນລວມຈິດໃຈຂອງຊາວໂຄໂລນ ເມື່ອປີ ຄ.ສ. 1996 ມະຫາວິຫານແຫ່ງນີ້ໄດ້ຮັບການປະກາດໃຫ້ເປັນມໍລະດົກໂລກໂດຍອົງການຢູເນັສໂກ

ຊົມ Kolner Rathaus (Cologne City Hall) ຫ້ອງວ່າການເມືອງໂຄໂລນ ເປັນຫ້ອງວ່າການເມືອງທີ່ເກົ່າແກ່ທີ່ສຸດໃນເຢຍລະມັນທີ່ຍັງນຳໃຊ້ມາຈົນຮອດທຸກມື້ນີ້ ຍ່າງຫຼິ້ນທີ່ Alter Markt ຫຼື ຕະຫຼາດໃຈກາງເມືອງເກົ່າໂຄໂລນ ຈາກນັ້ນຊົມ Gro? Sankt Martin (Great Saint Martin Church) ໂບດຄາທໍລິກອັນງົດງາມ ເປັນແລນມາກໃນ Altstadt ຫຼື ເມືອງເກົ່າໂຄໂລນ

ຊື້ນ້ຳຫອມຕົ້ນຕຳລັບຈາກໂຄໂລນທີ່ House of Fragrances 4711 ໃກ້ໆ ກັນມີສູນການຄ້າ Opern Passagen

ຮ້ານອາຫານແນະນຳ

Lommerzheim Style: Local cuisine, German, Bar, European, Pub, Central European Address: Siegesstr. 18, 50679 Cologne, North Rhine-Westphalia, Germany Telephone: +49 221 814392 https://www.facebook.com/pages/Gastwirtschaft-Lommerzheim/144856048890427 Amabile Style: European, Central European Address: Gorres Str. 2 | 50674 Cologne Telephone: +49 221 219101 https://www.restaurant-amabile.com/impressionen/ Le Moissonnier (Michelin 2 stars) Style: French, European, Vegetarian Friendly Address: Krefelder Str. 25, 50670 Cologne Telephone: +49 221 729479 https://www.viamichelin.com/web/Restaurant/Koln-50670-Le_Moissonnier-2pkczaq

hotel ພັກແຮມ Cologne

ພາທ່ານທ່ອງທ່ຽວແອນເວີບ (Antwerp) ເມືອງໃຫຍ່ ແລະ ຫຼາກຫຼາຍວັດທະນະທຳທີ່ທ່ານຕ້ອງມັກ ສາມາດຍ່າງເລາະຊັອບປິ້ງໄດ້ທົ່ວເມືອງ ມີເຄື່ອງດີໄຊນ໌ໃໝ່ໆ ສວຍງາມໃຫ້ເບິ່ງຕະຫຼອດທາງ ສິນລະປິນທົ່ວໂລກມັກຄວາມຫຼາກຫຼາຍຂອງເມືອງນີ້ທີ່ປະສົມປະສານຂອງເກົ່າ ແລະ ຂອງໃໝ່ໄດ້ຢ່າງລົງຕົວ ຈຶ່ງມາເຕົ້າໂຮມກັນເປີດຮ້ານນ້ອຍໆ ໄປຈົນຮອດຮ້ານໃຫຍ່ໆ ຫຼວງຫຼາຍ ພຽງແຕ່ຍ່າງຊັອບໃຫ້ທົ່ວເມືອງ ໃນລັດສະໝີ 360 ອົງສາ ກໍເປີດໄອເດຍສຸດໆ ແລ້ວ

ຢູ່ນີ້ພວກເຮົາຈະທ່ອງທ່ຽວ The must ກັນພຽງແຕ່ເຄິ່ງມື້ ແລະ ອີກເຄິ່ງມື້ ປ່ອຍໃຫ້ຍ່າງຫຼິ້ນ ຊັອບໃຫ້ຈຸໃຈ ຕາມສະໄຕລ໌ທົວສ່ວນຕົວທີ່ຕ້ອງການຄວາມເປັນອິດສະຫຼະ The Must ທີ່ຈະພາຊົມໄດ້ແກ່ Steen castle ປາສາດປະຈຳເມືອງ ໜຶ່ງໃນປາສາດສະໄຕລ໌ປ້ອມປາການ ຍຸກກາງທີ່ໃຫຍ່ທີ່ສຸດໃນເອີຣົບ

ຈາກນັ້ນໄປທີ່ໃຈກາງເມືອງ Great Market Square ມີຮ່ອມມີມຸມໃຫ້ຍ່າງທົ່ວໄປໝົດ ຖ້າຫາກຕ້ອງການຄວາມບໍ່ຄືໃຜ ລອງໄປຊົມສະຖານີລົດໄຟທີ່ສວຍງາມຂອງແອນເວີບໄດ້ (Antwerp's Central)

ທີ່ເມືອງແອນເວີບເປັນສູນກາງການຄ້າເພັດຂອງໂລກ ຕະຫຼາດກວ່າ 85% ຂອງໂລກ ມີການຊື້ຂາຍຢູ່ນີ້ ພວກເຮົາຈຶ່ງບໍ່ພາດຊົມ Diamonds' District (Diamantkwartier) ແລະ ທ່ານຈະໄດ້ຊົມໂຊຣູມເພັດຂະໜາດໃຫຍ່ຢ່າງ Diamondland ຖ້າມັກວຽກສິນລະປະ Unseen ຕ້ອງໄປທີ່ Antwerp Belgium's Plantin-Moretus Museum ພິພິທະພັນແຫ່ງດຽວໃນໂລກທີ່ເປັນມໍລະດົກໂລກ ສ້າງຂຶ້ນຈາກໂຮງພິມເກົ່າສະໄໝສະຕະວັດທີ 16 ມີຫ້ອງສະໝຸດທີ່ເກັບໜັງສືພິມຈາກກູເຕັນເບີກ ຖ້າທ່ານຮັກໜັງສື ມັກສິນລະປະ ແລະ ດີໄຊນ໌ ພວກເຮົາຈະພາໄປທ່ອງທ່ຽວທີ່ນີ້

ຊ່ວງບ່າຍເດີນທາງໄປ Maasmechelen Village ດ້ວຍໄລຍະທາງ 111 ກິໂລແມັດ ໃຊ້ເວລາປະມານ 1 ຊົ່ວໂມງ ນຳທ່ານຊັອບປິ້ງແບຣນເນມທີ່ເອົາເລັດ Maasmechelen ຈາກນັ້ນຮັບທ່ານສົ່ງກັບໂຮງແຮມທີ່ພັກ

ຮ້ານອາຫານແນະນຳ Brasserie Appelmans Style: Local cuisine, Belgian, Dutch, Bar, European, Central European Address: Papenstraatje 1, Antwerp Telephone: +32 3 226 20 22 https://www.brasserieappelmans.be/en/ Meat Factory Style: Local cuisine, Grill, Steakhouse, Belgian, European, Gluten Free Options Address: Grote Markt 28, Antwerp Telephone: +32 3 336 74 45 http://meat-factory.be/en Lam & Yin Styles: Chinese, Asian Address: Reyndersstraat 17, Antwerp Telephone: +32 3 232 88 38 https://lam-en-yin.be/en

hotel ພັກແຮມ Antwerp

ມື້ນີ້ທ່ຽວເມືອງເກັ້ນທ໌ ແລະ ເມືອງບຣູກຈ໌ຂອງແບນຊິກ

ຊ່ວງເຊົ້າທ່ຽວເກັ້ນທ໌ (Ghent) ເມືອງນ້ອຍໜ້າຮັກທີ່ທ່ານຈະຕ້ອງຫຼົງຮັກເກັ້ນທ໌ສຸດໃຈ ໂດຍສະເພາະພາບສາກບັນຍາກາດຍາມຄ່ຳຄືນທີ່ງົດງາມທີ່ສຸດ ໂຣແມນຕິກ ດັ່ງພາບໃນຍຸກອະດີດທີ່ຫວນຄິດຮອດ Lonely Planet ຂະໜານນາມເມືອງນີ້ວ່າ “Europe’s best kept secret” ສ່ວນ National Geographic Traveler ບອກວ່າເປັນເມືອງປະຫວັດສາດທີ່ຖ່າຍຮູບງາມທີ່ສຸດແຫ່ງໜຶ່ງ

ສົ່ງທ່ານ ນະ ໂບດ Sint-Baafskathedraa ນະ ຈະຕຸລັດໃຈກາງເມືອງ ເຊິ່ງດ້ານໃນໂບດມີຮູບແຕ້ມຊື່ດັງຂອງ Jan van Eyck (ຊາວເນເທີແລນ) ຊື່ພາບ "De aanbidding van het Lams God" ແລະ ແກ້ວສີຊຸດງົດງາມຕາຊົງຄຸນຄ່າຍິ່ງ

ຍ່າງຕໍ່ເນື່ອງຜ່ານເມືອງເກົ່າ ໄປຈົນຮອດ ປາສາດ Gravensteen ຂອງເກັ້ນທ໌ ເຊິ່ງມີຈຸດຊົມວິວສູງຂອງເມືອງ ແລະ ລ່ອງເຮືອຊົມຄວາມງາມຂອງເມືອງນີ້ (ຫາກຕ້ອງການ ແນະນຳໃຫ້ຮັບປະທານຮ້ານອາຫານສວາຍແຊບໆ ແຄມຄອງ ແບບດື່ມດ່ຳບັນຍາກາດ)

ຈາກນັ້ນຊ່ວງບ່າຍ ອອກເດີນທາງ 60 ກມ. ໄປຍັງ ເມືອງບຣູກສ໌ (Bruges) ເມືອງທ່ອງທ່ຽວຍອດນິຍົມທີ່ສຸດຂອງແບນຊິກ ເມືອງຍຸກກາງທີ່ແສນໂຣແມນຕິກ ເຕັມໄປດ້ວຍເຮືອນເກົ່າ ຮ່ອມບູຮານ ຄອງ ວັງ ຈົນໄດ້ຊື່ວ່າ “ເວນິສແຫ່ງເອີຣົບເໜືອ”

ສົ່ງທ່ານ ນະ ຈະຕຸລັດກາງເມືອງ Grote Market ອ້ອມຮອບດ້ວຍເຮືອນຍຸກສະຕະວັດທີ 13 ແລະ ນະ ສາລາວ່າການສາມາດຂຶ້ນຊົມວິວເທິງຫໍຄອຍສູງ 83 ແມັດໄດ້ ສາລາວ່າການແຫ່ງນີ້ ສ້າງລະຫວ່າງປີ ຄ.ສ. 1376 - 1420 ມີທົວໃຫ້ຊົມດ້ານໃນຫ້ອງກໍທິກຫາກທ່ານຕ້ອງການ

ຫາກທ່ານມັກງານສິລະປະ ຢ່າພາດຊົມ Groeninge Museum ກັບພາບມາສເຕີພີຊລະດັບໂລກໂດຍ Jan van Eyck (ຊາວເນເທີແລນ) ໃນພາບ Virgin and Child with Canon van der Paele

ຊົມປາສາດປະຈຳເມືອງ Burg Bruges ນັ່ງຫຼິ້ນ ຍ່າງ ຊົມ ຊັອບ ຕາມຮ່ອມຕາມຊອກຕາມໃຈມັກ ຫຼື ຈະນັ່ງເຮືອລ່ອງຄອງໃນບຣູກສ໌ກໍໄດ້

ຮ້ານອາຫານແນະນຳ Rock Fort ຮູບແບບ: ອາຫານພື້ນເມືອງ, ຝຣັ່ງ, ແບນຊິກ, ເອີຣົບ, ເໝາະສຳລັບມັງສະວິຣັດ ທີ່ຢູ່: Langestraat 15, Bruges 8000, Belgium ເບີໂທລະສັບ: +32 50 33 41 13 https://www.rock-fort.be/nl/ Lieven ຮູບແບບ: ແບນຊິກ, ເອີຣົບ ທີ່ຢູ່: Philipstockstraat 45, Bruges ເບີໂທລະສັບ: +32 50 68 09 75 https://www.etenbijlieven.be/kookeet-15/ Pomperlut ຮູບແບບ: ເມດິເຕີເຣນຽນ, ສາກົນ ທີ່ຢູ່: Minderbroedersstraat 26, Bruges ເບີໂທລະສັບ: +32 50 70 86 26 http://www.pomperlut.be/gallery The Chocolate Line Bruges ທີ່ຢູ່: Simon Stevinplein 19, Bruges 8000, Belgium ເບີໂທລະສັບ: +32 50 34 10 90 https://www.thechocolateline.be/en/

hotel ພັກແຮມ Bruges

ທ່ຽວຊົມສະຖານທີ່ທີ່ຍັງບໍ່ໄດ້ໄປ ແລະ ສົ່ງທ່ານທີ່ສະໜາມບິນ ຕາມເວລາກຳນົດ