ທົວສ່ວນຕົວເອີຣົບ (GER028) 5 ປະເທດ ເຢຍລະມັນ ເຊັກ ໂອຕຣິດ ສະໂລວາກີ ຮົງກາຣີ (9 ມື້ 8 ຄືນ)

ພວກເຮົາລໍຖ້າຮັບທ່ານ ທີ່ສະໜາມບິນນະຄອນມິວນິກ ຈາກນັ້ນ ພາອອກເດີນທາງສູ່ເມືອງພັສເຊົາ (Passau) ເມືອງຊາຍແດນລະຫວ່າງເຢຍລະມັນ ແລະ ອອສເຕຣຍ ເປັນ “ເມືອງສາມສາຍນ້ຳ” ແຫ່ງແຄວ້ນບາວາເຣຍ ເປັນຈຸດບັນຈົບກັນລະຫວ່າງແມ່ນ້ຳ 3 ສາຍ ໄດ້ແກ່ ດານູບ (Danube), ແມ່ນ້ຳອິນ (Inn) ແລະ ແມ່ນ້ຳອິລຊ໌ (Ilz) ເມືອງນ້ອຍໆ ແຫ່ງນີ້ຍັງເຄີຍເປັນບ່ອນພັກເຊົາຂອງ ອາດອລ໌ຟ ຮິດເລີ

ເດີນທາງຕໍ່ຂ້າມຊາຍແດນສູ່ປະເທດເຊັກ ເຂດໂບຮີເມຍໃຕ້ ສູ່ເມືອງເຊສກີ້ຄຣຸມລອບ ເມືອງມໍລະດົກໂລກອັນແສນງາມ ຊົມວິວທິວທັດຂອງເມືອງເທິງເນີນປາສາດຄຣຸມລອບ ຕົວເມືອງເກົ່າອ້ອມຮອບດ້ວຍແມ່ນ້ຳວັລຕາວາ ສະເໜ່ຂອງເມືອງເກົ່າເປັນຕາໜ້າຫຼົງໄຫຼ

hotel ພັກແຮມ ເຊສກີ້ ຄຣຸມລອຟ

ອອກເດີນທາງສູ່ເມືອງຄາຣ໌ໂລວີວາຣີ ຫຼື ອີກຊື່ໜຶ່ງຄື ເມືອງຄາຣ໌ລສບາດ ເປັນເມືອງທີ່ມີການຄົ້ນພົບນ້ຳແຮ່ ຈົນເຮັດໃຫ້ເມືອງນີ້ມີຊື່ສຽງໂດ່ງດັງໃນເລື່ອງຂອງສະປາມາຕັ້ງແຕ່ຍຸກກາງ ຕົວເມືອງຢູ່ໃນຮ່ອມພູ ສອງຝັ່ງແມ່ນ້ຳເທປລາມີບໍ່ນ້ຳພຸຮ້ອນເຖິງ 12 ແຫ່ງ ບ່ອນທີ່ຮ້ອນທີ່ສຸດມີຄວາມຮ້ອນເຖິງ 72 ອົງສາແຊວຊຽດ ພາຍໃນຈັດສະແດງສາຍນ້ຳແຮ່ ນັກທ່ອງທ່ຽວສາມາດຊີມນ້ຳແຮ່ດ້ວຍຈອກຊີມສະເພາະພິເສດ ທີ່ເຮັດຈາກພໍຣ໌ຊເລນໃນເມືອງນີ້ເທົ່ານັ້ນ ແລະ ສາມາດເຂົ້າສະປານ້ຳແຮ່ ລອຍນ້ຳໃນສະນ້ຳແຮ່ໄດ້ ກະລຸນາກຽມຊຸດລອຍນ້ຳ

hotel ພັກແຮມ ຄາຣ໌ໂລວີ ວາຣີ

ອອກເດີນທາງໄປນະຄອນຫຼວງປຣາກ ພາຊົມປາສາດແຫ່ງນະຄອນຫຼວງປຣາກ ສະຖາປັດຕະຍະກຳບູຮານສະໄໝ ຄ.ສ. 11 ແບບກໍທິກ ເຊິ່ງເຄີຍໄດ້ຮັບການຢັ້ງຢືນຈາກກິນເນສບຸກ ວ່າເປັນປາສາດບູຮານທີ່ໃຫຍ່ທີ່ສຸດໃນໂລກ ຊົມຄວາມໃຫຍ່ໂຕໂອ່ໂຖງຂອງຕົວປາສາດ ແລະ ໂບດເຊນວິດຕຸສທີ່ໂດດເດັ່ນສະຫງ່າງາມ ແລະ ລານກວ້າງ ປະດັບປະດາໄປດ້ວຍນ້ຳພຸ ຮູບປັ້ນນັກບຸນ ໂບດເຊນຈອດ ແລະ ຄອນແວນ ລວມທັງໂອລຣອຍຢັລພາເລສ ແລະ ໂກນເດັນເລນ ເຊິ່ງເຄີຍໃຊ້ເປັນບ່ອນພັກເຊົາຂອງຊ່າງຝີມືໃນສະໄໝກ່ອນ ເພື່ອຫຼໍ່ຫຼອມແປທາດຕ່າງໆໃຫ້ເປັນຄຳ ທີ່ຈະພາທ່ານຍ້ອນໄປເຖິງຄວາມຍິ່ງໃຫຍ່ຂອງໂບຮີເມຍທີ່ບໍ່ເປັນສອງຮອງໃຜ

ທ່ຽວເມືອງເກ່າຍ່ານໂອລທາວ ຂົວຊາຣ໌ລສ໌ອັນເກົ່າແກ່ ສັນຍະລັກຂອງເມືອງ ສ້າງດ້ວຍຫີນຂະໜາດໃຫຍ່ ປະດັບດ້ວຍຮູບປັ້ນຂອງນັກບຸນເຖິງ 28 ອົງ ຖືກໃຊ້ເປັນສະຖານທີ່ຖ່າຍທຳຮູບເງົາມາຫຼາຍເລື່ອງ ນະຄອນຫຼວງປຣາກໃນຍຸກກາງເປັນເມືອງທີ່ໜ້າຫຼົງໄຫຼດ້ວຍສະຖາປັດຕະຍະກຳໂຮງລະຄອນໂອເປຣາ, ຫໍພິພິທະພັນ, ຫໍຄອຍດິນປືນ ຈະຕຸລັດໃຈກາງເມືອງ ວິຫານຕິນສ໌ ໂມງດາລາສາດບູຮານ ທີ່ຜູ້ຄົນຕ່າງລໍຖ້າເບິ່ງດ້ວຍໃຈຈົດໃຈຈໍ່

hotel ພັກແຮມ ກຸງປຣາກ

ເດີນທາງສູ່ນະຄອນຫຼວງບຣາຕິສລາວາ ນະຄອນຫຼວງແຫ່ງສາທາລະນະລັດສະໂລວັກ ເປັນເມືອງຫຼວງ ແລະ ເມືອງທີ່ໃຫຍ່ທີ່ສຸດຂອງສະໂລວັກ ເມືອງນີ້ຖືໄດ້ວ່າເປັນບ້ານພີ່ເມືອງນ້ອງ

ຊົມວິວຈາກມຸມສູງຂອງຜາສາດແຫ່ງນະຄອນຫຼວງບຣາຕິສລາວາ ຕັ້ງຢູ່ເທິງເນີນພູຄາຣ໌ເພເທຽນ ເໜືອລຸ່ມແມ່ນ້ຳດານູບ ປະສົມປະສານໄປດ້ວຍສິລະປະແບບກໍທິກ, ເຣີເນສຊອງສ໌ ແລະ ບາຣັອກ ຍ່ານເມືອງເກົ່າເທິງຖະໜົນ

hotel ພັກແຮມ ບຣາຕິສລາວາ

ອອກເດີນທາງໄປນະຄອນຫຼວງບູດາເປສຕ໌ ເມືອງຫຼວງຂອງຮົງກາຣີ ພາຊົມນະຄອນບູດາເປສຕ໌ ອະດີດເມືອງຫຼວງຂອງພວກແມັກຢາ, ລານວິລະຊົນທີ່ລະນຶກເຖິງການສ້າງຊາດ, ສວນສັດ, ໂຮງອາບນ້ຳສາທາລະນະແບບໂຣມັນຂະໜາດໃຫຍ່, ອາຄານລັດຖະສະພາທີ່ສ້າງໃນສະໄຕລ໌ແບບກໍທິກ, ທ່ຽວຝັ່ງບູດາ, ປ້ອມຊາວປະມົງ, ໂບດແມັດເທຍສ໌, ຄາສເຊິລຮິລ, ຊົມທິວທັດຂອງເມືອງທີ່ຖືກແຍກອອກເປັນສອງຝັ່ງ

ຄ່ຳ ລ່ອງເຮືອແມ່ນ້ຳດານູບ ອີກໜຶ່ງກິດຈະກຳທີ່ໂດດເດັ່ນບໍ່ແພ້ບ່ອນອື່ນໃນເອີຣົບ ດ້ວຍຄວາມງົດງາມຂອງສະຖາປັດຕະຍະກຳແບບກໍທິກ ບູດາເປສຕ໌ໄດ້ຮັບການຍົກຍ້ອງວ່າເປັນເມືອງໂຣແມນຕິກເທິງສາຍນ້ຳແຫ່ງໜຶ່ງຂອງໂລກ

hotel ພັກແຮມ ບູດາເປສຕ໌

ເດີນທາງໄປວຽນນາ ລະຫວ່າງທາງ ແວ່ຊັອບປິ້ງເອົາທ໌ເລັດ ແບຣນເນມ ວຽນນາ

ຊົມພະລາຊະວັງເຊີນບຣຸນ ພະລາຊະວັງອັນຍິ່ງໃຫຍ່ ທີ່ຖືກສ້າງຂຶ້ນໃຫ້ມີຄວາມງົດງາມບໍ່ແພ້ພະລາຊະວັງແວກຊາຍ ໂປຣແກຣມ Imperial Tour 22 ຫ້ອງ ທີ່ຈັດສະແດງໄວ້ຢ່າງໜ້າຊົມ ຫ້ອງຊົງງານ ຫ້ອງບັນທົມ ຫ້ອງແກລເລີຣີ ຫ້ອງຮັບຮອງ ( Great Hall ) ສິ່ງທີ່ສະແດງໃຫ້ເຫັນເຖິງຄວາມຍິ່ງໃຫຍ່ ແຫ່ງລາຊະວົງຮັບສເບິກ ຣິງສຕຣາເຊ ຖະໜົນສາຍສຳຄັນທີ່ຕັ້ງຂອງ ໂຮງລະຄອນໂອເປຣາທີ່ເກົ່າແກ່ ພະລາຊະວັງຮັອບບູຣກອັນຍິ່ງໃຫຍ່ ໂຮງຮຽນສອນຂີ່ມ້າແບບສະເປນ ອາຄານລັດຖະສະພາ ຊິຕີ້ຮໍ ເຮັດໃຫ້ເມືອງເປັນຕາໜ້າຫຼົງໄຫຼ

ຄ່ຳ ຍ່າງຫຼິ້ນ ຖະໜົນຄາຣ໌ທເນີຣ໌ສະຕຣີດ ທີ່ມີນັກທ່ອງທ່ຽວນິຍົມມານັ່ງຈິບກາເຟຕົ້ນຕຳລັບແທ້ ແລະ ຊັກເກີເຄັກ ທີ່ມີຊື່ສຽງຂອງວຽນນາ ຮ້ານຂາຍສິນຄ້າແບຣນເນມຖະໜົນ Graben

hotel ພັກແຮມ ນະຄອນຫຼວງວຽນນາ

ເດີນທາງສູ່ພາກພື້ນຊັລສ໌ຄຳເມີກູດ ທີ່ມີທະເລສາບເຊັນຕ໌ວູລຟ໌ກັງເປັນສະເໜ່ອັນໜ້າຕິດຕາຕ້ອງໃຈ ທ່ຽວເມືອງ ເຊັນຕ໌ວູລຟ໌ກັງ ແລະ ຕາມຕໍ່ດ້ວຍທ່ຽວເມືອງທ່ອງທ່ຽວອັນດັບຕົ້ນໆ ຂອງໂລກ “ຮັລສຕັຕ”(Hallstatt) ໝູ່ບ້ານມໍລະດົກໂລກແສນງາມ ອາຍຸກວ່າ 4,500 ປີ ຕັ້ງຢູ່ແຄມທະເລສາບ ອ້ອມຮອບດ້ວຍສາຍພູ ແລະ ປ່າສີຂຽວຂະຈີງົດງາມດັ່ງພາບແຕ້ມ ເວົ້າກັນວ່າເປັນເມືອງທີ່ໂຣແມນຕິກທີ່ສຸດໃນອັບເປີອອສເຕຣຍ ໄດ້ຮັບການຂະໜານນາມເມືອງນີ້ວ່າເປັນໄຂ່ມຸກແຫ່ງອອສເຕຣຍ

hotel ພັກແຮມ ຮັລສຕັຕ ຫຼື Gosau

ເຊົ້າ ອອກເດີນທາງໄປເມືອງມິວນິກ ເມືອງຫຼວງແຫ່ງແຄວ້ນບາວາເຣຍ ແຫຼ່ງຜະລິດເບຍ ສູນກາງການຜະລິດລົດໃຫຍ່ BMW ຊົມຍ່ານເມືອງເກົ່າເຣຊີເດນສ໌ ໂຮງລະຄອນ ໂອເປຣາ ໂບດທີ່ມີຮູບໂດມຫົວຜັກບົ່ວ ຊັອບປິ້ງເທິງຖະໜົນແມັກຊິມິລຽນ ຮ້ານແບຣນເນມຊື່ດັງ ລຽງລາຍສອງຝັ່ງ

hotel ພັກແຮມ ມິວນິກ

ພາທ່ານເດີນທາງໄປສົ່ງ ທີ່ສະໜາມບິນມິວນິກ ຕາມເວລາກຳນົດ