ທົວສ່ວນຕົວກຣີຊ (GRE007) ແອວເບເນຍ - ກຣີຊ - ມາຊິໂດເນຍເໜືອ ພາຊົມວັດທະນະທຳ ມໍລະດົກໂລກ ແລະ ທັດສະນີຍະພາບອັນຍິ່ງໃຫຍ່ ທ່ຽວແບບຄົບຈົບແລະອັນຍິ່ງໃຫຍ່ (8 ມື້ 7 ຄືນ)

ຍິນດີຕ້ອນຮັບສູ່ ຕິຣານາ (Tirana) ເມືອງຫຼວງອັນມີຊີວິດຊີວາຂອງປະເທດແອລເບເນຍ ເມື່ອເດີນທາງມາຮອດ ພົບກັບຕົວແທນທ້ອງຖິ່ນຂອງທ່ານ ແລະ ເລີ່ມອອກເດີນທາງດ້ວຍການນັ່ງລົດຊົມວິວໄປຍັງ ຄຣູເປຍ (Kruja)

ໜຶ່ງໃນເມືອງປະຫວັດສາດທີ່ມີຊື່ສຽງທີ່ສຸດຂອງປະເທດ

ຄຣູເປຍ ເປັນທີ່ຮູ້ຈັກໃນຖານະເມືອງຂອງ "ສະແກນເດີເບກ" (Skanderbeg) ວິລະບຸລຸດແຫ່ງຊາດຂອງແອລເບເນຍ ເມືອງນີ້ຈະພາທ່ານໄປສຳຜັດກັບມໍລະດົກອັນລ້ຳຄ່າຂອງປະເທດຢ່າງໜ້າປະທັບໃຈ

ຮ່ວມສຳຫຼວດກຳແພງຜາສາດອັນຍິ່ງໃຫຍ່, ຫໍພິພິທະພັນສະແກນເດີເບກ, ເຮືອນຫີນແບບດັ້ງເດີມ ແລະ ຖະໜົນທີ່ປູດ້ວຍຫີນກວດ ເຊິ່ງຍັງຄົງຮັກສາຈິດວິນຍານອັນແທ້ຈິງຂອງແອລເບເນຍຕອນເໜືອເອົາໄວ້

ທີ່ພັກ ເມືອງຄຣູເປຍ (Kruja)

ການເດີນທາງໃນມື້ນີ້ຈະພາທ່ານໄປສູ່ ເບຣັດ (Berat) ເມືອງຊື່ດັງທີ່ໄດ້ຮັບສາຍາວ່າ "ເມືອງແຫ່ງປ່ອງຢ້ຽມພັນບານ" ແລະ ໄດ້ຮັບການຂຶ້ນທະບຽນເປັນມໍລະດົກໂລກໂດຍອົງການຢູເນສໂກ (UNESCO)

ຍ່າງຊົມປ້ອມປາການທີ່ໄດ້ຮັບການອະນຸລັກໄວ້ຢ່າງງາມ ບ່ອນທີ່ເຮືອນຫີນ ໂບດບູຮານ ມັດສະຍິດ ແລະ ກຳແພງປະຫວັດສາດຮ່ວມກັນສ້າງບັນຍາກາດອັນໜ້າຫຼົງໄຫຼ

ສະທ້ອນເຖິງຄວາມກົມກຽວລະຫວ່າງວັດທະນະທຳ ແລະ ສາສະໜາທີ່ແຕກຕ່າງກັນມາດົນຫຼາຍສະຕະວັດ ເຂົ້າຊົມຫໍພິພິທະພັນໂອນູຟຣີ (Onufri Museum) ອັນໂດດເດັ່ນ

ແລະ ຖ່າຍຮູບທິວທັດແບບພາໂນຣາມາທີ່ງາມຈົນບໍ່ມີວັນລືມເລືອນເໜືອຕົວເມືອງ

ຫາກຕ້ອງການ ເພີດເພີນກັບການຊີມວາຍທີ່ໂຮງບົ່ມວາຍໂຄໂບ (Cobo Winery) ທີ່ມີຊື່ສຽງ ທ່າມກາງເນີນພູຂຽວອຸ່ມທຸ່ມໃກ້ກັບພູເຂົາໂທມໍ (Mount Tomorr)

ຈາກນັ້ນ ອອກເດີນທາງຕໍ່ໄປຍັງເມືອງແຄມຝັ່ງ ວະໂລຣາ (Vlora)

ທີ່ພັກ ເມືອງວະໂລຣາ (Vlora)

ມື້ນີ້ທ່ານຈະໄດ້ສຳຜັດກັບການຂັບລົດຊົມທັດສະນີຍະພາບທີ່ຕື່ນຕາຕື່ນໃຈທີ່ສຸດແຫ່ງໜຶ່ງໃນຄາບສະໝຸດບານກັງ ຕະຫຼອດແນວຊາຍຝັ່ງ "ແອລເບນຽນຣິເວຍຣາ" (Albanian Riviera) ອັນໜ້າອັດສະຈັນ

ຊື່ນຊົມທິວທັດພູເຂົາອັນຍິ່ງໃຫຍ່ ໝູ່ບ້ານແຄມທະເລທີ່ປ່ຽມລົ້ນດ້ວຍສະເໜ່ ແລະ ນ້ຳທະເລສີຟ້າຄາມໃສສະອາດຂອງທະເລໄອໂອເນຽນ (Ionian Sea) ໃນຂະນະທີ່ເດີນທາງລົງໃຕ້ໄປຍັງເມືອງ ຊາຣັນດາ (Saranda)

ເຂົ້າຊົມອຸທິຍານບູຮານຄະດີແຫ່ງຊາດ ບູທຣິນຕ໌ (Butrint National Archaeological Park) ເຊິ່ງເປັນມໍລະດົກໂລກໂດຍຢູເນສໂກ ແລະ ເປັນໜຶ່ງໃນຂຸມຊັບທາງບູຮານຄະດີທີ່ສຳຄັນທີ່ສຸດຂອງພາກພື້ນ

ຍ່າງຊົມຊາກຫັກພັງບູຮານ ບ່ອນທີ່ຕຳນານເທບພະເຈົ້າເກຣັກ ປະຫວັດສາດໂຣມັນ ແລະ ມໍລະດົກທາງວັດທະນະທຳຂອງໄບແຊນໄທນ໌ມາບັນຈົບກັນ ທ່າມກາງວິຫານ ໂຮງລະຄອນ ມະຫາວິຫານ ໂຮງອາບນ້ຳ

ແລະ ປະຕູຫີນອັນໜ້າອັດສະຈັນທີ່ອ້ອມຮອບດ້ວຍທຳມະຊາດອັນອຸດົມສົມບູນ

ທີ່ພັກ ເມືອງຊາຣັນດາ (Saranda)

ຫຼັງອາຫານເຊົ້າ ເດີນທາງຂ້າມຊາຍແດນເຂົ້າສູ່ປະເທດເກຣັກ ແລະ ມຸ່ງໜ້າໄປຍັງ ໂຢອານນີນາ (Ioannina) ເມືອງແຄມທະເລສາບອັນມີສະເໜ່ ເພີດເພີນກັບການທ່ຽວຊົມທັດສະນີຍະພາບຂອງຜາສາດໂຢອານນີນາ (Ioannina Castle) ປະຫວັດສາດ ເຊິ່ງເປັນໜຶ່ງໃນປ້ອມປາການໄບແຊນໄທນ໌ທີ່ສຳຄັນທີ່ສຸດຂອງເກຣັກ

ພ້ອມຊົມວິວທິວທັດທີ່ສວຍງາມເໜືອທະເລສາບປຳໂວທິສ (Lake Pamvotis) ຍ່າງຫຼິ້ນໄປຕາມຖະໜົນສາຍນ້ອຍໆ ໃນຍ່ານເມືອງເກົ່າ ຄົ້ນພົບສະຖາປັດຕະຍະກຳແບບດັ້ງເດີມ ແລະ ສຳຜັດກັບບັນຍາກາດຄວາມຫຼາກຫຼາຍທາງວັດທະນະທຳທີ່ເປັນເອກະລັກຂອງເມືອງ ຈາກນັ້ນ ເດີນທາງຕໍ່ຜ່ານເຂດຊົນນະບົດຂອງເກຣັກໄປຍັງເມືອງ ຄາລຳບາກາ (Kalambaka) ເຊິ່ງເປັນປະຕູສູ່ ເມເຕໂອຣາ (Meteora) ອັນເປັນຕຳນານ

ທີ່ພັກ ເມືອງຄາລຳບາກາ (Kalambaka)

ເລີ່ມຕົ້ນມື້ໃໝ່ດ້ວຍການຢ້ຽມຊົມ ເມເຕໂອຣາ (Meteora) ໜຶ່ງໃນສະຖານທີ່ທາງສາສະໜາທີ່ໜ້າອັດສະຈັນທີ່ສຸດໃນໂລກ ອາຣາມໄບແຊນໄທນ໌ເຫຼົ່ານີ້ຕັ້ງສະຫງ່າຢູ່ເທິງຍອດແທ່ງຫີນຂະໜາດຍັກເໜືອຮ່ອມພູຢ່າງໜ້າຕື່ນຕາຕື່ນໃຈ

ສ້າງທັດສະນີຍະພາບອັນໜ້າຈົດຈຳທີ່ປະສົມປະສານຄວາມສັດທາ ແລະ ຄວາມງາມຂອງທຳມະຊາດເຂົ້າກັນຢ່າງລົງຕົວ ເຂົ້າຊົມອາຣາມສັກສິດແຫ່ງວາຣ໌ລາອຳ (Holy Monastery of Varlaam)

ແລະ ອາຣາມແຫ່ງເຊນຕ໌ສະເຕຟານ (Monastery of St. Stephan)

ພ້ອມເພີດເພີນກັບທິວທັດແບບພາໂນຣາມາທົ່ວທັງພາກພື້ນ ຫຼັງຈາກນັ້ນ ເດີນທາງຕໍ່ໄປຍັງເມືອງ ບິໂຕລາ (Bitola) ໃນປະເທດມາເຊໂດເນຍເໜືອ

ຫາກເວລາອຳນວຍ ເພີດເພີນກັບການຍ່າງຫຼິ້ນສະບາຍໆ ໄປຕາມຖະໜົນຊີຣອກ ໂຊຄັກ (Sirok Sokak) ຖະໜົນຄົນຍ່າງອັນຫຼູຫຼາຂອງເມືອງທີ່ເຕັມໄປດ້ວຍປະຫວັດສາດ ແລະ ສະເໜ່ຂອງທ້ອງຖິ່ນ

ຈາກນັ້ນ ມຸ່ງໜ້າສູ່ເມືອງໂອຮຣິດ (Ohrid)

ທີ່ພັກ ເມືອງໂອຮຣິດ (Ohrid)

ຄົ້ນພົບຄວາມງາມຂອງ ໂອຮຣິດ (Ohrid) ເມືອງທີ່ມັກຖືກຂະໜານນາມວ່າ "ກຸງເຢຣູຊາເລັມແຫ່ງຄາບສະໝຸດບານກັງ" ແລະ ໄດ້ຮັບການຮັບຮອງໃຫ້ເປັນມໍລະດົກໂລກໂດຍຢູເນສໂກ

ສຳຫຼວດເມືອງເກົ່າທີ່ມີສະເໜ່ເຊິ່ງຕັ້ງຢູ່ແຄມຝັ່ງ ທະເລສາບໂອຮຣິດ (Lake Ohrid) ໜຶ່ງໃນທະເລສາບທີ່ເກົ່າແກ່ ແລະ ເລິກທີ່ສຸດໃນເອີຣົບ ຢ້ຽມຊົມສະຖານທີ່ສຳຄັນຕ່າງໆ ເຊັ່ນ ໂບດເຊນຕ໌ໂບໂກຣອດດິກາ ເປຣິຟເລັບຕາ (Church of St. Bogorodica Perivlepta), ມະຫາວິຫານເຊນຕ໌ໂຊເຟຍ (St. Sophia Cathedral) ແລະ ຊື່ນຊົມໂບດເຊນຕ໌ຈອນ ຄານີໂອ (Church of St. John Kaneo) ອັນເປັນເອກະລັກເຊິ່ງຕັ້ງຢູ່ເທິງໜ້າຜາແຄມທະເລສາບ

ຫຼັງຈາກຮັບປະທານອາຫານທ່ຽງ ແນະນຳ ເພີດເພີນໄປກັບການລ່ອງເຮືອຜ່ອນຄາຍໃນສາຍນ້ຳທີ່ໃສສະອາດຂອງທະເລສາບໂອຮຣິດ

ໃນຊ່ວງບ່າຍ ເຂົ້າຊົມອາຣາມເຊນຕ໌ນາອຸມ (Monastery of Saint Naum) ອັນງຽບສະຫງົບ ເຊິ່ງຕັ້ງຢູ່ແຄມຝັ່ງທະເລສາບຢ່າງສວຍງາມ ແລະ ອ້ອມຮອບດ້ວຍທັດສະນີຍະພາບທາງທຳມະຊາດທີ່ງົດງາມ

ທີ່ພັກ ເມືອງໂອຮຣິດ (Ohrid)

ຫຼັງອາຫານເຊົ້າ ເດີນທາງກັບສູ່ເມືອງ ຕິຣານາ (Tirana) ຊົມວິວ ທີ່ Dajti Ekspres ລະບົບກະເຊົ້າລອຍຟ້າ (Cable Car) ທີ່ຍາວທີ່ສຸດໃນຄາບສະໝຸດບານກັງ ພານັກທ່ອງທ່ຽວເດີນທາງຂຶ້ນສູ່ຍອດພູ Dajti

ໃຊ້ເວລາເດີນທາງປະມານ 15 ນາທີ ພ້ອມດື່ມດ່ຳກັບທັດສະນີຍະພາບຂອງຜືນປ່າ ໜ້າຜາ ແລະ ຕົວເມືອງຕິຣານາຈາກມຸມສູງ ດ້ານເທິງຍອດພູມີຮ້ານອາຫານ ກິດຈະກຳຜະຈົນໄພ ຂີ່ມ້າ ແລະ ຈຸດຊົມວິວພາໂນຣາມາທີ່ສວຍງາມ ເໝາະສຳລັບການຫຼົບຄວາມວຸ່ນວາຍໃນເມືອງມາພັກຜ່ອນ

ຮ່ວມຄົ້ນພົບເມືອງຫຼວງອັນບໍ່ຢຸດນິ່ງຂອງແອລເບເນຍຜ່ານທົວຊົມທັດສະນີຍະພາບຮອບເມືອງ ເຊິ່ງລວມເຖິງສະຖານທີ່ສຳຄັນທີ່ສຸດ ເຊັ່ນ ຈະຕຸລັດສະແກນເດີເບກ (Skanderbeg Square), ມັດສະຍິດເອຕເຮມ ເບຍ໌ (Et'hem Bey Mosque), ຫໍໂມງ, ສະຖາປັດຕະຍະກຳໃນຍຸກອິຕາລີ ແລະ ອາຄານຫຼາກສີສັນທີ່ເປັນສັນຍະລັກຂອງການປ່ຽນແປງສູ່ຄວາມທັນສະໄໝຂອງເມືອງ

ທີ່ພັກ ເມືອງຕິຣານາ (Tirana)

ໃນຕອນເຊົ້າ ໃຫ້ທ່ານໄດ້ເພີດເພີນກັບການຊື້ຂອງຕ້ອນໃນນາທີສຸດທ້າຍ ຫຼື ສຳຫຼວດຕະຫຼາດທ້ອງຖິ່ນຂອງເມືອງຕິຣານາຕາມອັດທະຍາໄສ

ຊົມ Pyramid of Tirana ສິ່ງປຸກສ້າງຮູບຊົງພີຣາມິດແປກຕາທີ່ເຄີຍສ້າງຂຶ້ນເພື່ອເປັນອະນຸສອນສະຖານແດ່ Enver Hoxha ອະດີດຜູ້ນຳຜະເດັດການຄອມມິວນິດ

ປັດຈຸບັນໄດ້ຮັບການປັບໂສມໃໝ່ (Renovation) ໃຫ້ກາຍເປັນສູນກາງໄອທີ ໄອເດຍສ້າງສັນ ແລະ ພື້ນທີ່ສາທາລະນະສຳລັບໄວໜຸ່ມ

ນັກທ່ອງທ່ຽວສາມາດຍ່າງຂຶ້ນຂັ້ນໄດຕາມແນວຄ້ອຍຊັນຂອງພີຣາມິດເພື່ອໄປຊົມວິວທິວທັດອ້ອມຕົວເມືອງໄດ້ແບບຟຣີ

ຊົມ BUNK'ART 1 ຂຸມຫຼົບໄພນິວເຄຼຍໃຕ້ດິນຂະໜາດມະຫາສານຫຼາຍຊັ້ນນອກເມືອງຫຼວງທີ່ເຄີຍສ້າງຂຶ້ນສຳລັບຜູ້ນຳລະດັບສູງ ປັດຈຸບັນຖືກປ່ຽນເປັນພິພິທະພັນປະຫວັດສາດ ແລະ ສິລະປະຮ່ວມສະໄໝ

ຈັດສະແດງເລື່ອງລາວວິຖີຊີວິດຂອງຊາວແອນເບເນຍພາຍໃຕ້ລະບອບຄອມມິວນິດອັນເຂັ້ມງວດ ສຳຜັດຄວາມລຶກລັບຂອງຫ້ອງໂຖງໃຕ້ດິນ ແລະ ຫ້ອງປະຊຸມລັບທີ່ເບິ່ງຄືກັບຫຼຸດອອກມາຈາກຮູບເງົາສົງຄາມເຢັນ

ໄດ້ເວລາສົມຄວນ ລົດຮັບສົ່ງນຳທ່ານເດີນທາງສູ່ສະໜາມບິນເພື່ອຂຶ້ນຖ້ຽວບິນຂາກັບ ພ້ອມນຳຄວາມຊົງຈຳອັນໜ້າປະທັບໃຈ ແລະ ບໍ່ມີວັນລືມເລືອນຈາກແຫຼມບານກັນກັບບ້ານຢ່າງປະທັບໃຈ

ລາຄາລົດຕູ້ພ້ອມຄົນຂັບ