Private Tour (GUK006) – ENGLAND

ຄະນະມາຮອດສະໜາມບິນຮີດໂຣ ນະຄອນລອນດອນ ຜ່ານການກວດຄົນເຂົ້າເມືອງແລ້ວ ລົດລໍຖ້າຮັບທ່ານເພື່ອເດີນທາງ ມື້ນີ້ See you again ຈະພາທ່ານສຳຫຼວດເມືອງລອນດອນ ໂດຍຈະໄລ່ຈາກເຂດ Westminster, ຍ່ານ ເຄັນຊິງຕັນ Kensington ສຳຜັດກັບຍຸກຄລາສສິກຂອງລອນດອນ ຕອນເຊົ້າເດີນທາງໄປສະໂຕນເຮັນຈ໌ (STONEHENGE) ກຸ່ມວົງຫີນປິດສະໜາ ເຊິ່ງຈົນເຖິງມື້ນີ້ຍັງບໍ່ສາມາດຫາຄຳຕອບໄດ້ຢ່າງແນ່ຊັດວ່າສ້າງຂຶ້ນມາເພື່ອຫຍັງ? ໃຜຄືຜູ້ສ້າງ? ມີການຕັ້ງຂໍ້ສັງເກດຫຼາຍຢ່າງ ບໍ່ວ່າຈະເປັນມະນຸດຕ່າງດາວມາສ້າງໄວ້ ຫຼືຜູ້ມີອຳນາດຫຼາຍທີ່ສາມາດຂົນກ້ອນຫີນຂະໜາດໃຫຍ່ເຫຼົ່ານີ້ມາລວມກັນໄວ້ໄດ້

ຫຼັງຈາກນັ້ນໄປຕໍ່ທີ່ເມືອງບາດ (BATH) ຈຸດພິສູດຄວາມຍິ່ງໃຫຍ່ຂອງຈັກກະວັດໂຣມັນເທິງແຜ່ນດິນຂອງເກາະອັງກິດເມື່ອກວ່າ 2,000 ປີມາແລ້ວ ພາທ່ານຊົມ The Roman Baths ເຊິ່ງເປັນສະຖານທີ່ອາບນ້ຳແຮ່ຕັ້ງແຕ່ຍຸກໂຣມັນ ໂດຍມີນ້ຳແຮ່ຮ້ອນກວ່າ 40 ອົງສາຕາມທຳມະຊາດ ທີ່ມີນ້ຳໄຫຼອອກມາຕະຫຼອດເວລາບໍ່ຕ່ຳກວ່າ 1 ລ້ານລິດຕໍ່ມື້ ອົງການຢູເນັສໂກປະກາດໃຫ້ເປັນເມືອງມໍລະດົກໂລກ ປີ ຄ.ສ. 1987 ຊົມພິພິທະພັນນ້ຳແຮ່ໂຣມັນ

ຈາກນັ້ນກັບມາທີ່ລອນດອນອີກຄັ້ງ ຖ້າເວລາເຫຼືອພາທ່ານຊົມ ພະລາຊະວັງເວສຕ໌ມິນສເຕີ The Palace of Westminster ເຊິ່ງຢູ່ໃນບໍລິເວນດຽວກັນ ຫໍນາລິກາບິກເບັນໄດ້ເລີ່ມເຮັດວຽກໃນປີ 1859 ແລະເດີນດ້ວຍຄວາມຊື່ສັດສະເໝີມາ ຈົນກາຍເປັນຄືກັບສັນຍາລັກປະຈຳຊາດຂອງອັງກິດທີ່ນັກທ່ອງທ່ຽວຕັ້ງໃຈມາຢ້ຽມຢາມເມື່ອມາລອນດອນ ແລະ ອະນຸສາວະລີຂອງເຊີຊິລ Statue of Winston Churchill ແລະເຮືອນເລກທີ 10 ຖະໜົນດາວນິງ 10 Downing Street ບໍ່ໄກກັນທ່ານຈະໄດ້ຖ່າຍຮູບກັບ London Eye *** ພັກຄືນ : London

ຕອນເຊົ້າພາທ່ານ ຖ່າຍຮູບຄູ່ກັບຂົວ Tower Bridge ອີກໜຶ່ງສັນຍາລັກສຳຄັນຂອງກຸງລອນດອນ ຊົມຂົວ Millennium Bridge ເຊິ່ງເປັນຂົວທີ່ເປີດເມື່ອປີ 2000 ສ້າງຂຶ້ນເພື່ອສະຫຼອງສະຫັດສະຫວັດໃໝ່ ເຊິ່ງເປັນຂົວສຳລັບຄົນຍ່າງຂ້າມເທົ່ານັ້ນ ທີ່ປາຍທາງຂອງຂົວນີ້ເປັນທີ່ຕັ້ງຂອງວິຫານ ມະຫາວິຫານ St. Paul's Cathedral ທີ່ນີ້ເປັນໂບດສຳຄັນທາງສາສະໜາຂອງສະຫະລາຊະອານາຈັກ ກໍ່ຕັ້ງໃນປີ ຄ.ສ. 604 ແລະເກີດໄຟໄໝ້ຄັ້ງໃຫຍ່ທີ່ໂບດເຮັດໃຫ້ຕ້ອງປິດປັບປຸງ ແລະປິດໃຫ້ບໍລິການອີກຄັ້ງໃນປີ 1697 ຊົມສະຖາປັດຕະຍະກຳສະໄຕລ໌ບາຣັອກ ບໍ່ໄກກັນປານໃດ ມີຂົວມິເລນນຽມ ຄືຂົວແຂວນໂຄງສ້າງເຫຼັກສຳລັບຄົນຍ່າງທີ່ສ້າງຂ້າມແມ່ນ້ຳເທມສ໌ ຈາກນັ້ນ ພາທ່ານຂຶ້ນ Sky Garden ທີ່ນີ້ເປັນສວນລອຍຟ້າທີ່ສາມາດຊົມວິວເມືອງ London ຈາກມຸມສູງ ຈະເຮັດໃຫ້ທ່ານຕື່ນຕາຕື່ນໃຈກັບທັດສະນີຍະພາບອັນງົດງາມຂອງເມືອງຫຼວງ ແລະເພີດເພີນໄປກັບສວນລອຍຟ້າແຫ່ງນີ້

ຍ່າງທ່ຽວຊົມ Leadenhall Market ເປັນຕະຫຼາດທີ່ເປັນສະຖານທີ່ຖ່າຍທຳສາກໜຶ່ງໃນ Harry Potter and the Philosopher’s Stone ຕະຫຼາດນີ້ ເຕັມໄປດ້ວຍອາຫານສົດ ດອກໄມ້ ຂອງທີ່ລະນຶກຕ່າງໆ ແລະຍັງມີເສື້ອຜ້າສະໄຕລ໌ຊາວລອນດອນລວມຢູ່ທີ່ນີ້ນຳອີກ

ພາທ່ານໄປຍັງຍ່ານ Soho ຍ່າງຫຼິ້ນ Neal’s Yard ລັກສະນະເປັນອ່າວນ້ອຍໆ ຈາກ 3 ຖະໜົນມາບັນຈົບກັນ Short Gardens, Monmounth ແລະ Neal ເປັນສະຖານທີ່ທີ່ເໝາະກັບການຫາມຸມໜ້າຮັກໆ ຖ່າຍຮູບຢ່າງຍິ່ງ ເພາະຮ້ານຄ້າທີ່ນີ້ຕັ້ງໃຈທີ່ຈະຕົກແຕ່ງອາຄານບ້ານເຮືອນໃຫ້ເຕັມໄປດ້ວຍສີສັນ ຈະມີຮ້ານຄ້າລວມຕົວກັນຢູ່ຫຼາຍຕາມອ່າວນ້ອຍນີ້

ບໍ່ໄກກັນປານໃດມີ China town ເປັນຍ່ານທີ່ຄົນຈີນໃນລອນດອນອາໄສລວມຕົວກັນຢູ່ຫຼາຍ ຈຶ່ງເຮັດໃຫ້ສະຖາປັດຕະຍະກຳທີ່ China town ທັງໝົດເປັນສະຖາປັດຕະຍະກຳສະໄຕລ໌ຈີນ ແລະຈາກປາກຊາວລອນດອນ ບອກກັນວ່າ ເປັດຍ່າງ ດິມຊຳ ແລະ ເຝີ ທີ່ນີ້ມີຊື່ສຽງຫຼາຍ ເພາະເປັນລົດຊາດຂອງຊາວຈີນແທ້ໆ *** ພັກຄືນ : ລອນດອນ

ຕອນເຊົ້າ ອອກເດີນທາງກັບສູ່ເມືອງລອນດອນ ໄລຍະທາງ 193 ກິໂລແມັດ ໃຊ້ເວລາ 2 ຊົ່ວໂມງ 40 ນາທີ ມື້ນີ້ ພາທ່ານເກັບຕົກເມືອງ London ເລັກນ້ອຍ

ຊົມ Cabinet War Rooms ຫ້ອງບັນຊາການໃຕ້ດິນທີ່ ຜູ້ນຳວິນສະຕັນ ເຊີຊິລ ໃຊ້ຄວບຄຸມການເຄື່ອນໄຫວຂອງກອງທັບເມື່ອສົງຄາມໂລກຄັ້ງທີ 2 ໃນຫ້ອງປະຊຸມຈະເຕັມໄປດ້ວຍໂຕະເຮັດວຽກ ແຜນທີ່ ວິທະຍຸສື່ສານ ແລະ ອຸປະກອນຕ່າງໆທີ່ໃຊ້ໃນສົງຄາມຄັ້ງນັ້ນ ທຸກສິ່ງຖືກເກັບຮັກສາໄວ້ຢ່າງດີ ນອກຈາກນີ້ຍັງມີ Churchill Museum ທີ່ບອກເລົ່າຊີວະປະຫວັດທີ່ເລິກລົງໄປອີກຂອງຜູ້ນຳ ວິນສະຕັນ ເຊີຊິລ

ພາທ່ານຍ່າງຫຼິ້ນທີ່ Borough Market ຕະຫຼາດຂາຍ Seafood ສົດໆ ທີ່ມີອາຍຸເກົ່າແກ່ເຖິງ 1,000 ປີ ລັກສະນະຂອງຕະຫຼາດກໍ່ມີຂອງທົ່ວໆໄປຂາຍ ແຕ່ສ່ວນໃຫຍ່ຈະເປັນອາຫານສົດ ບໍ່ວ່າຈະເປັນໝາກໄມ້ ຜັກ ເຄັກ ຊີສ ເຄື່ອງດື່ມຕ່າງໆ ລາຄາອາຫານຖືກກວ່າຮ້ານອາຫານຫຼາຍ ທີ່ນີ້ຈະຄຶກຄັກໄປດ້ວຍນັກທ່ອງທ່ຽວ ແລະ ຄົນທ້ອງຖິ່ນ ຜູ້ເດີນທາງສາມາດເລືອກໄດ້ວ່າຈະກິນອາຫານທ່ຽງທີ່ນີ້ ຫຼື ທີ່ຮ້ານອາຫານ

ຍ່າງທ່ຽວຊົມ Portobello Road Market ໃນຍ່ານ Notting Hill ຕະຫຼາດນັດຂອງສະສົມຕາມຮອຍຮູບເງົາສຸດຮິດໃນອະດີດ ເຊິ່ງເປັນຕະຫຼາດທີ່ມີຮ້ານຄ້າຫຼາກຫຼາຍຕັ້ງເປັນແຖວຢູ່ຕາມຖະໜົນ Portobello Road ທັງຂອງເກົ່າ ຂອງສະສົມ ເຄື່ອງນຸ່ງມືສອງ ໝາກໄມ້ ຜັກ ແລະ ອາຫານ ເສນ່ຫ໌ຂອງຕະຫຼາດ ແລະ ຍ່ານແຫ່ງນີ້ຄືຄວາມນ່າຮັກຂອງຕຶກອາຄານ ແລະ ຮ້ານຄ້າທີ່ມີຂອງແປກໆໃຫ້ເລືອກຫຼາຍແທ້ ລວມເຖິງບັນຍາກາດຂອງຜູ້ຄົນທີ່ຍ່າງໄປມາຂວັກໄຂ່

ຖ້າມີເວລາເຫຼືອ ພາທ່ານເຂົ້າສູ່ຖະໜົນ Oxford Street ແຫຼ່ງຊ໊ອບປິງສຳຄັນຂອງລອນດອນ ເຕັມໄປດ້ວຍຫ້າງສັບພະສິນຄ້າ ແລະ ຮ້ານຄ້າຕະຫຼອດເສັ້ນທາງ ໃກ້ໆກັບຖະໜົນ Oxford Street ຍັງມີສວນສາທາລະນະໄຮດ໌ພາກ (Hyde Park) ຂະໜາດໃຫຍ່ ແລະ ມີຊື່ສຽງຂອງນະຄອນລອນດອນອີກດ້ວຍ ຈາກນັ້ນພາທ່ານຈອງສະຖານທີ່ສຳລັບຊົມບັ້ງໄຟດອກໃນຄືນເຄົ້າດາວນ໌ ທ່ານສາມາດເລືອກເອງໄດ້

1. Victoria Embankment ລະຫວ່າງສະຖານີລົດໄຟໃຕ້ດິນ Westminster ແລະ Embankment (Blue Area) 2.Victoria Embankment ລະຫວ່າງສະຖານີລົດໄຟໃຕ້ດິນ Embankment ແລະ Temple (Red Area) 3.Southbank ຫຼັງ London Eye (Green Area) 4. Westminster Bridge (White Area). (ຕ້ອງຈອງປີ້ລ່ວງໜ້າເພື່ອເຂົ້າງານ seetickets.com) 5. China town (ບໍ່ຕ້ອງຈອງປີ້) 6.ຫຼື ຕ້ອງການລ່ອງເຮືອ Citycruise ແມ່ນ້ຳເທມສ໌ ພວກເຮົາຈອງໃຫ້ໄດ້ເດີ້

*** ນອນຄືນ : ລອນດອນ

ມື້ນີ້ເດີນທາງອອກຈາກລອນດອນໄປເມືອງອ໊ອກຟອດ Oxford ເມືອງມະຫາວິທະຍາໄລທີ່ສຳຄັນອີກເມືອງໜຶ່ງ. ພາທ່ານຊົມມະຫາວິທະຍາໄລອ໊ອກຟອດ University of Oxford ອັນເກົ່າແກ່, ຊົມຕຶກ Radcliffe Camera ເຊິ່ງເປັນຫໍສະໝຸດຢູ່ໃນເຂດມະຫາວິທະຍາໄລອ໊ອກຟອດ. ຈາກນັ້ນຊົມໂບດຄຣາຍເຊີດ Christ church, ພາຍໃນໂບດທ່ານຈະໄດ້ຊົມຫ້ອງອາຫານຂອງໂຮງຮຽນຮັອກວອດສ໌ ເຊິ່ງເປັນສາກໜຶ່ງໃນຮູບເງົາເລື່ອງ Harry Potter ທີ່ຕ້ອງມີທຸກພາກ.

ຕອນບ່າຍ ເດີນທາງຕໍ່ໄປເມືອງສະຕຣາດຟອດ ອັບພອນ ເອວອນ STRATFORD UPON AVON ເຂົ້າຊົມບ້ານເກີດຂອງນັກກະວີເອກເຊັກສະເປຍ. ຊົມພິພິດທະພັນທີ່ລວບລວມທັງຊີວະປະຫວັດ ແລະ ຜົນງານຂອງເຊັກສະເປຍໄວ້, ແລະ ຕົວເຮືອນກໍຍັງຮັກສາເອກະລັກຂອງຮູບແບບສະເພາະຂອງເມືອງສະຕຣາດຟອດໄວ້ໄດ້ເປັນຢ່າງດີ *** ພັກຄ້າງຄືນ : Oxford

6 Cotswolds - Bibury Village - Lower Slaughter ຕອນເຊົ້າເດີນທາງໄປເຂດ Cotswolds ໄລຍະທາງ 140 ກມ. ໃຊ້ເວລາ 1 ຊມ. 30 ນາທີ. ເປັນເມືອງຊົນນະບົດ, ທີ່ນີ້ມີຊື່ສຽງວ່າເປັນເມືອງແຫ່ງໝູ່ບ້ານ ເພາະຈຸດທ່ອງທ່ຽວສ່ວນໃຫຍ່ໃນ Cotswolds ເປັນໝູ່ບ້ານ, ແລະ ເອກະລັກຂອງໝູ່ບ້ານທີ່ Cotswolds ກໍຄື ການຮັກສາຄວາມໂບຮານໄວ້ຄືເກົ່າ ຈາກອະດີດມາຮອດປັດຈຸບັນ.

ຈຸດທຳອິດທີ່ພວກເຮົາຈະໄປໃນມື້ນີ້ຄື Cirencester ເພາະເປັນທາງຜ່ານກ່ອນຈະເຖິງຕົວເມືອງ Cotswold. Cirencester ຕັ້ງຢູ່ເທິງແມ່ນ້ຳ Churn ເຊິ່ງເປັນສາຂາຂອງແມ່ນ້ຳເທມສ໌ ເປັນເມືອງທີ່ມີກິ່ນອາຍຂອງໂຣມັນ. ໃນເມືອງມີພິພິດທະພັນທີ່ລວບລວມປະຫວັດສາດດ້ານຕ່າງໆຂອງຍຸກໂຣມັນ.

ຈາກນັ້ນເດີນທາງບໍ່ໄກປານໃດ ພາທ່ານຊົມໝູ່ບ້ານ Bibury ທີ່ຕັ້ງຢູ່ສອງຝັ່ງຂອງແມ່ນ້ຳ Coln ເປັນໝູ່ບ້ານທີ່ມີຊື່ສຽງວ່າງາມທີ່ສຸດໃນປະເທດອັງກິດ. ເຮືອນແຕ່ລະຫຼັງເບິ່ງໂບຮານ ແລະ ເກົ່າແກ່ ເພາະສ້າງມາດົນແລ້ວ ແຕ່ກໍຍັງຢູ່ໃນສະພາບທີ່ສົມບູນຫຼາຍ.

ຈາກນັ້ນນຳທ່ານໄປຍັງໝູ່ບ້ານຕໍ່ໄປ Lower Slaughter ແລະ Bourton-on-the-Water ໝູ່ບ້ານສຸດຄລາສສິກຂອງເຂດ Cotswolds. ໃນເຂດໝູ່ບ້ານນີ້ມີກັງຫັນນ້ຳທີ່ສ້າງຂຶ້ນໃນສະຕະວັດທີ 19 ເພື່ອນຳພະລັງງານໄອນ້ຳມາໃຊ້ດ້ານອຸດສາຫະກຳ *** ພັກຄ້າງຄືນ : Cotswolds

7 Liverpool

ເດີນທາງໄປເມືອງລິເວີພູນ Liverpool ໄລຍະທາງ 270 ກິໂລແມັດ ໃຊ້ເວລາເດີນທາງປະມານ 3 ຊົ່ວໂມງ 32 ນາທີ. ພາທ່ານຊົມສະຖານທີ່ທ່ອງທ່ຽວສຳຄັນຂອງລິເວີພູນ ໄດ້ແກ່ ໂບດ Liverpool Cathedral ເປັນໂບດທີ່ໃຫຍ່ທີ່ສຸດໃນລິເວີພູນ, ໃຫຍ່ທີ່ສຸດໃນອັງກິດ ແລະ ໃຫຍ່ເປັນອັນດັບ 5 ຂອງໂລກ. ການຕົກແຕ່ງຈະມີກະຈົກສີຕ່າງໆ ແຕ່ວັດສະດຸສ່ວນໃຫຍ່ເປັນດິນຈີ່, ໃຊ້ເວລາສ້າງເຖິງ 74 ປີ.

ຈາກນັ້ນພາຊົມ Albert Dock ຍ່ານຕຶກອິດແດງມໍລະດົກໂລກ UNESCO World Heritage ອາຄານເຫຼົ່ານີ້ເປັນອາຄານເກົ່າທີ່ກໍ່ສ້າງດ້ວຍອິດ ແລະ ປູນແຫ່ງທຳອິດໆ ໃນອັງກິດ ເປີດນຳໃຊ້ໂດຍເຈົ້າຊາຍອັນເບີດໃນປີ ຄ.ສ.1846 ເພື່ອໃຊ້ເປັນທ່າເຮືອ ແລະ ສາງຂົນຖ່າຍສິນຄ້າ ພາຊົມພິພິດທະພັນ The Beatles Beatles Story Museum ຫຼື ວົງສີ່ເຕົ່າທອງທີ່ມີຊື່ສຽງ ຍ່າງຫຼິ້ນ Pier Head ເປັນອ່າວຕາມແຄມແມ່ນ້ຳໃກ້ກັບ Albert Dock ທີ່ນີ້ແວະຖ່າຍຮູບກັບຮູບປັ້ນ The Beatles ຄົບທັງສີ່ຄົນ ຈາກນັ້ນພາຊົມສະໜາມບານ Anfield ຂອງທີມ Liverpool ທີ່ແຟນບານບໍ່ຄວນພາດ

*** ພັກຄືນ : ລິເວີພູນ

8 Manchester ມື້ນີ້ອອກເດີນທາງສູ່ເມືອງ Manchester ໄລຍະທາງ 55 ກິໂລແມັດ ໃຊ້ເວລາເດີນທາງ 1 ຊົ່ວໂມງ ພາທ່ານທ່ຽວຊົມຍ່ານ Spinningfields area ເຊິ່ງເປັນຍ່ານທຸລະກິດຂອງເມືອງທີ່ສ້າງຂຶ້ນມາໂດຍສະເພາະ ໃນຍ່ານນີ້ມີສະຖາປັດຕະຍະກຳແບບທັນສະໄໝຢູ່ປະປົນກັບສະຖາປັດຕະຍະກຳແບບກອທິກ ຊົມຕຶກ Beetham ສູງ 47 ຊັ້ນ ເປັນຕຶກທີ່ສູງທີ່ສຸດໃນເມືອງ ແລະ ເປັນອັນດັບທີ 12 ຂອງປະເທດ ແລະ ຍ່າງຫຼິ້ນຖະໜົນ Saint Anns ເຊິ່ງຢູ່ໃນແຫຼ່ງຊັອບປິງຫຼັກຂອງເມືອງ ຄື Arndale ແລະ ຍ່ານ High Street

ສຳລັບຄົນຮັກບານ ພາຊົມສະໜາມກິລາ Old Trafford Stadium ຂອງທີມເຈົ້າບ້ານ Manchester United ພາຊົມທົວສະໜາມຟຸດບອນ

*** ພັກຄືນ : Manchester

9 Leeds - York ເດີນທາງໄປເມືອງ Leeds ໄລຍະທາງ 27 ກມ. ໃຊ້ເວລາເດີນທາງ 1 ຊົ່ວໂມງ 20 ນາທີ. Leeds ເປັນເມືອງແຫ່ງສີສັນທີ່ມີຊີວິດຊີວາຫຼາຍ. ພາຊົມຈັດຕຸລັດກາງເມືອງ ແລະ ຈັດຕຸລັດມິເລນນຽມ ທີ່ມີອາຄານອ້ອມຮອບເປັນສະຖາປັດຕະຍະກຳເກົ່າແກ່ທີ່ງົດງາມຫຼາຍ. ຊົມ Leeds City Museum ພິພິດທະພັນເມືອງລີດສ໌ ທີ່ຈັດສະແດງເລື່ອງລາວຄວາມເປັນມາຂອງເມືອງແຫ່ງນີ້ ແລະ ວັດຖຸໂບຮານນາໆຊະນິດ. ຊົມພິພິດທະພັນ The Royal Armouries Museum ຊົມຄວາມສວຍງາມ ແລະ ຄວາມແຂງແກ່ນຂອງອາວຸດ ແລະ ຊຸດເກາະກວ່າ 8,500 ຊິ້ນ.

ແລະ ສຳລັບຄອກິລາ ຢ່າພາດຊົມ Elland Road Stadium ຂອງສະໂມສອນ ລີດສ໌ ຢູໄນເຕັດ. ຊັອບປິ້ງຈຸໃຈທີ່ຫ້າງດັງຂະໜາດໃຫຍ່ຂອງເມືອງ Leeds ທີ່ຊື່ Trinity Leeds ແລະ Victoria Leeds. ລອງຈິບຊາຍາມບ່າຍ Afternoon tea ສະໄຕລ໌ຄົນອັງກິດທີ່ຮ້ານດັງ "Just Grand"

ຈາກນັ້ນເດີນທາງໄປເມືອງ York ໄລຍະທາງ 43 ກມ. ໃຊ້ເວລາເດີນທາງ 42 ນາທີ. York ເປັນເມືອງນ້ອຍໆ ໜ້າຮັກ ແລະ ເປັນເມືອງເກົ່າຢູ່ໃນແຄວ້ນ Yorkshire. ພາຊົມວິຫານ York Minster ອັນເລື່ອງຊື່, ຍ່າງຫຼິ້ນເທິງຊອຍ The Shamble ອັນເກົ່າແກ່, ຊົມ Clifford's Tower ແລະ York Castle

*** ພັກຄ້າງຄືນ York

10 Birmingham ຕອນເຊົ້າເດີນທາງໄປເມືອງ Birmingham ໄລຍະທາງ 140 ກິໂລແມັດ ໃຊ້ເວລາ 1 ຊົ່ວໂມງ 5 ນາທີ. Birmingham ເປັນເມືອງທີ່ໃຫຍ່ເປັນອັນດັບສອງໃນສະຫະລາຊະອານາຈັກ ແລະ ຍັງເປັນເມືອງຮອງຂອງປະເທດອັງກິດອີກດ້ວຍ. ໃນອະດີດເມືອງນີ້ຖືກຂະໜານນາມວ່າ “ໂຮງງານຂອງໂລກ” ເພາະເປັນເມືອງທີ່ມີການປະຕິວັດອຸດສາຫະກຳໃນປະເທດອັງກິດ.

ນຳທ່ານຊົມ Birmingham Museum & Art Gallery ເປັນສະຖານທີ່ຈັດສະແດງຜົນງານສິລະປະຂອງກຸ່ມນິຍົມແບບກ່ອນຣາຟາເອນ ຫຼື Pre-Raphaelites ທີ່ໃຫຍ່ທີ່ສຸດໃນໂລກ.

ຈາກນັ້ນພາທ່ານຊັອບປິ້ງແບຣນເນມທີ່ຫ້າງ Bullring ນອກຈາກຈະມີແບຣນເນມຫຼາຍຫຼາຍແບຣນແລ້ວ ທີ່ນີ້ຍັງມີການອອກແບບສະຖາປັດຕະຍະກຳທີ່ມີຮູບຮ່າງໜ້າຕາແປກກວ່າຫ້າງທົ່ວໆໄປຫຼາຍ. ຫ່າງຈາກຫ້າງ Bullring ບໍ່ໄກປານໃດ ຍ່າງປະມານ 5 ນາທີ ມີບ່ອນທ່ຽວສຸດຊິກໃຫ້ຖ່າຍຮູບ ຍ່າງຫຼິ້ນ ແລະ ຖ່າຍຮູບເທ່ໆ ນັ້ນກໍຄື Custard Factory ທີ່ນີ້ລວບລວມຂອງກິບເກ໋ໄວ້ຢ່າງຫຼາຍ. ນອກຈາກນັ້ນທີ່ນີ້ຍັງມີພາບກຣາຟິກຕາມຈຸດຕ່າງໆ.

ຈາກນັ້ນພາທ່ານໄປ The Birmingham Botanical Gardens ທີ່ນີ້ເປັນສວນພືດສາດ ທີ່ລວບລວມດອກໄມ້ ແລະ ຕົ້ນໄມ້ນາໆພັນໄວ້ຢ່າງຫຼາຍ ພ້ອມກັບການຈັດສວນສະໄຕລ໌ອັງກິດ.

*** ພັກຄ້າງຄືນ : Birmingham

11 Cambridge, England ເດີນທາງໄປເມືອງແຫ່ງມະຫາວິທະຍາໄລຂອງອັງກິດ ຄືເມືອງ Cambridge ດ້ວຍໄລຍະທາງ 160 ກິໂລແມັດ ໃຊ້ເວລາເດີນທາງພຽງ 2 ຊົ່ວໂມງເຄິ່ງກໍມາຮອດເມືອງ Cambridge

ພາຊົມ Catholic Church of Our Lady and the English Martyrs, ຊົມໂບດ Saint Botolph's Church ເຊິ່ງເປັນສ່ວນໜຶ່ງຂອງ Saint Catharine's College. ບໍ່ໄກກັນຊົມ King's College ເຊິ່ງມີຊື່ເຕັມວ່າ King's CollegeThe King’s College of Our Lady and Saint Nicholas in Cambridge ແລະ ຊົມ College’s Chapel, ໂບດ Great St. Mary, The University Church (GSM), ຊົມ Trinity College ທີ່ຢູ່ເທິງຖະໜົນ Trinity Street ທີ່ຄຶກຄັກເຕັມໄປດ້ວຍຜູ້ຄົນ. ທ່ານອາດເລືອກຊົມເມືອງໂດຍການນັ່ງເຮືອໄມ້ເທິງແມ່ນ້ຳ Cam ກໍໄດ້ ໂດຍເຮືອທ້ອງແປນຂະໜາດນ້ອຍທີ່ເອີ້ນວ່າ Punt. ຊົມ St John’s College, University of Cambridge

***ພັກຄ້າງຄືນ London 12 London - Heathrow Airport ເຊົ້າ ຮັບປະທານອາຫານເຊົ້າໃນໂຮງແຮມ. ພາໄປຊົມພິພິດທະພັນຫຸ່ນຜຶ້ງມາດາມທູໂຊ ແຫຼ່ງທ່ອງທ່ຽວທີ່ມີນັກທ່ອງທ່ຽວເຂົ້າຊົມຫຼາຍທີ່ສຸດໃນລອນດອນ ເຊິ່ງທ່ານຈະພົບກັບຫຸ່ນຜຶ້ງທີ່ມີຊື່ສຽງ ບໍ່ວ່າຈະເປັນນັກກິລາ ດາລາຮູບເງົາ ຜູ້ນຳຂອງຫຼາຍປະເທດ ຫຼື ແມ່ນແຕ່ລາຊະວົງຂອງອັງກິດ. ປັດຈຸບັນຍັງມີເຄື່ອງຫຼິ້ນທີ່ມ່ວນຊື່ນຢູ່ພາຍໃນດ້ວຍ. ໃຫ້ເວລາທ່ານຢ່າງເຕັມທີ່ ພ້ອມຍ່າງຫຼິ້ນເລືອກຊື້ຂອງທີ່ລະນຶກຕ່າງໆ

ຕອນບ່າຍ ເດີນທາງໄປເມືອງວິນເຊີ (WINDSOR) ເພື່ອນຳທ່ານເຂົ້າຊົມພະລາຊະວັງວິນເຊີ ປາສາດໃນຮູບແບບຂອງອັງກິດໂບຮານ, ໜຶ່ງໃນທີ່ປະທັບໃນລະດູຮ້ອນຂອງລາຊະວົງອັງກິດ. ນຳຊົມພາຍໃນຂອງພະລາຊະວັງວິນເຊີທີ່ໄດ້ຮັບການປັບປຸງສ້ອມແປງຢ່າງສວຍງາມຫຼັງຈາກຖືກໄຟໄໝ້ຄັ້ງໃຫຍ່ເມື່ອຫຼາຍປີກ່ອນ. ໃນພະລາຊະວັງທ່ານຈະໄດ້ຊົມເຄື່ອງໃຊ້ຕັ້ງແຕ່ອະດີດຈົນເຖິງປັດຈຸບັນ ສວຍງາມຫຼາຍໆ / ຈາກນັ້ນ ນຳທ່ານເດີນທາງໄປສະໜາມບິນ ເພື່ອເດີນທາງກັບກຸງເທບ.