ທົວສ່ວນຕົວຢີ່ປຸ່ນ (JPN001) Hokkaido Winter ຕະ​ລຸຍຫິມະເມືອງຟຸຣະໂນະ 4 ມື້ 3 ຄືນ

ການຈອງປີ້ເຮືອບິນ ຂາໄປ ກຸງເທບ - ຊັບໂປໂຣ ຂາກັບ ຊັບໂປໂຣ - ກຸງເທບ

1 Chitose - Furano

ລໍຖ້າຮັບທ່ານທີ່ສະໜາມບິນຊິໂຕເຊະ Chitose ເກາະຮອກໄກໂດ ປະເທດຍີ່ປຸ່ນ

ພາທ່ານເດີນທາງໄປເມືອງຟູຣາໂນະ ໄລຍະທາງ 125 ກມ. ໃຊ້ເວລາເດີນທາງ 1 ຊົ່ວໂມງ 50 ນາທີ Furano ເປັນໜຶ່ງໃນເມືອງທີ່ມີຊື່ສຽງຂອງຮອກໄກໂດເລີຍກໍວ່າໄດ້. ເມືອງນີ້ເປັນຈຸດໝາຍປາຍທາງຍອດນິຍົມຂອງນັກທ່ອງທ່ຽວທີ່ມາຊົມທົ່ງລາເວນເດີ ແລະ ຫຼິ້ນສະກີໃນລະດູໜາວ ເປັນເມືອງທີ່ອາກາດເຢັນສະບາຍຕະຫຼອດປີ. ໃນລະດູຮ້ອນ ສະຖານທີ່ທ່ອງທ່ຽວທີ່ຮ້ອນແຮງທີ່ສຸດຄົງຫຼີກບໍ່ພົ້ນ ຟາມໂທມິຕະ ໃນຕຳບົນນາກະຟູຣາໂນະ ເຊິ່ງເປັນຟາມປູກລາເວນເດີທີ່ໃຫຍ່ ແລະ ອ້ອມຮອບໄປດ້ວຍລາເວນເດີສຸດສາຍຕາ ສ່ວນໃນລະດູໜາວ ລານສະກີຂອງທີ່ນີ້ກໍເປັນທີ່ນິຍົມບໍ່ແພ້ເມືອງໃດໃນຮອກໄກໂດເລີຍ

ພາທ່ານຊົມ ແລະ ຊີມໝາກໄມ້ທີ່ມີຊື່ສຽງທີ່ສຸດຂອງເມືອງຟູຣາໂນະ ນັ້ນກໍຄືເມລອນ ທີ່ Tomita Melon House ເຊິ່ງເປັນຜະລິດຕະພັນຈາກຟາມໂທມິຕະ ແລະ ທີ່ນີ້ມີຜະລິດຕະພັນທີ່ເຮັດຈາກເມລອນຫຼາກຫຼາຍ ບໍ່ວ່າຈະເປັນເມລອນສົດ ກະແຊມເມລອນ ແລະ ຂະໜົມທີ່ເຮັດຈາກເມລອນອີກຫຼາຍຢ່າງ

ຕອນບ່າຍພາທ່ານເດີນທາງໄປເມືອງ Shirogane ໄລຍະທາງ 37 ກມ. ໃຊ້ເວລາເດີນທາງ 45 ນາທີ ເພື່ອຊົມສະນ້ຳ Aoiike Blue Pond ຫຼື ສະນ້ຳສີຟ້າ ຕັ້ງຢູ່ຝັ່ງຊ້າຍຂອງແມ່ນ້ຳ Bieigawa

ຈາກນັ້ນພາທ່ານຍ່າງຫຼິ້ນ ຊ໊ອບປິ້ງສິນຄ້ານ່າຮັກໆ ທີ່ Ningle Terrace ເຊິ່ງເປັນເຮືອນໄມ້ນ້ອຍທີ່ມີສິນຄ້າສະແດງ ແລະ ຂາຍງານຫັດຖະກຳແບບດັ້ງເດີມຂອງຍີ່ປຸ່ນ ປະດັບຕົກແຕ່ງດ້ວຍໄຟສວຍງາມ ບັນຍາກາດນ່າຮັກ ແລະ ອົບອຸ່ນຫຼາຍແທ້ໆ

Overnight : Furano / Pension Gooseberry

ຕອນເຊົ້າລຸຍຫິມະເຕັມທີ່ເຄິ່ງມື້ ໃຫ້ທ່ານໄດ້ເພີດເພີນກັບກິດຈະກຳລະດູໜາວຢ່າງອິດສະຫຼະ ທີ່ Furano ski resort ສະກີຣີສອດມີກິດຈະກຳຫຼາຍຢ່າງໃຫ້ທ່ານເລືອກສະໜຸກ. ຄ່າເຊົ່າອຸປະກອນຕ່າງໆ ສະກີ 5,500 ເຢນ ບອດ 5,500 ເຢນ ຊຸດ 5,300 ເຢນ ສ່ວນຄ່າເຂົ້າຊົມ 3 ຊົ່ວໂມງ 4,000 ເຢນ 5 ຊົ່ວໂມງ 4,800 ເຢນ ທັງມື້ 5,500 ເຢນ

ກ່ອນເດີນທາງເຂົ້າເມືອງຊັບໂປໂຣ ພາທ່ານແວະກິນຂະໜົມຊີດເຄກທີ່ມີຊື່ສຽງທີ່ຮ້ານ Furano Delice ບອກໄດ້ເລີຍວ່າຊີດເຄກທີ່ນີ້ບໍ່ຄືບ່ອນອື່ນແນ່ນອນ ເຂົາວ່າກັນວ່າແຊບລະດັບປະມາຈານຂອງຊີດເຄກຕົ້ນຕຳຫຼັບຂອງຊີດເຄກຮອກໄກໂດເລີຍກໍວ່າໄດ້

ຈາກນັ້ນພາທ່ານເດີນທາງໄປເມືອງຊັບໂປໂຣ ໄລຍະທາງ 115 ກມ. ໃຊ້ເວລາເດີນທາງ 1 ຊົ່ວໂມງ 50 ນາທີ ຊັບໂປໂຣເປັນເມືອງທີ່ມີປະຊາກອນຫຼາຍເປັນອັນດັບ 5 ຂອງຍີ່ປຸ່ນ ຮອງຈາກໂຕກຽວ ໂຢໂກຮາມະ ແລະ ໂອຊາກາ ແລະ ຍັງເປັນສູນກາງຂອງແຂວງຮອກໄກໂດອີກດ້ວຍ

ເມື່ອເດີນທາງຮອດເມືອງຊັບໂປໂຣ ອາດຈະເລີ່ມຄ່ຳແລ້ວ ພາທ່ານຊົມບັນຍາກາດຍາມຄ່ຳທີ່ເມືອງໃກ້ຄຽງຊັບໂປໂຣ ນັ້ນກໍຄືໂອຕາຣຸ Otaru ເຊິ່ງເປັນເມືອງທີ່ໂຣແມນຕິກທີ່ສຸດໃນແຖບນີ້ເລີຍກໍວ່າໄດ້

Overnight : Sapporo

ຕອນເຊົ້ານຳທ່ານເດີນທາງໄປຕະຫຼາດປາໂຈໄກອິຈິບະ ເຊິ່ງເປັນຕະຫຼາດອາຫານທະເລທີ່ໃຫຍ່ທີ່ສຸດໃນເມືອງຊັບໂປໂຣ ແລະ ຍັງເປັນຕະຫຼາດທີ່ລວມລົດຊາດຄວາມສົດແຊບຂອງຮອກໄກໂດໄວ້ທີ່ນີ້ຫຼາຍທີ່ສຸດ ທຸກໆເຊົ້າພໍ່ຄ້າແມ່ຄ້າຈະເອົາຜັກສົດໆ ປາສົດໆ ອອກມາຂາຍແບບສົດໃໝ່ທຸກມື້ ປາທີ່ຈັບໄດ້ໃນແຕ່ລະມື້ກໍຈະເອົາມາຂາຍທີ່ຕະຫຼາດແຫ່ງນີ້ ທີ່ສຳຄັນທຸກຢ່າງທີ່ນີ້ໜ້າຮັກຫຼາຍໆ ມື້ນີ້ຕ້ອງອອກແຕ່ເຊົ້າໜ້ອຍໜຶ່ງ ເພາະຕະຫຼາດແຫ່ງນີ້ເປີດ 05 :00 - 11:00

ຈາກນັ້ນນຳທ່ານເດີນທາງໄປລານສະກີຣີສອດ KIRORO SKI RESORT ຕັ້ງຢູ່ທ່າມກາງພູເຂົາທີ່ປົກຄຸມດ້ວຍຫິມະອ່ອນນຸ່ມ ໃຫ້ທ່ານມ່ວນຊື່ນກັບກິດຈະກຳໜ້າໜາວທີ່ລານສະກີ ມ່ວນກັບກິດຈະກຳຫຼາກຫຼາຍ ບໍ່ວ່າຈະເປັນ ສະກີ, ສະໂນບອດ, ກະດານເລື່ອນຫິມະ ແລະ ອື່ນໆ

ຈາກນັ້ນເດີນທາງກັບເຂົ້າມາໃນຕົວເມືອງຊັບໂປໂຣ ໃຫ້ທ່ານມີເວລາຊ໊ອບປິ້ງຢ່າງເຕັມທີ່ ທີ່ Tanukikoji Shopping Street ທີ່ນີ້ລວມຮ້ານໄວ້ຫຼາຍກວ່າ 200 ຮ້ານ ຍ່າງຊ໊ອບໄດ້ຕະຫຼອດທັງສາຍຖະໜົນ

Overnight : Sapporo

ນຳທ່ານເດີນທາງໄປທຳນຽບລັດຖະບານເກົ່າຮອກໄກໂດ ຫຼື ອາກາເຣັງງະ Akarenga ເຊິ່ງໃນພາສາຍີ່ປຸ່ນແປວ່າ ດິນຈີ່ສີແດງ ກໍ່ສ້າງໃນປີ ຄ.ສ.1888 ເປັນອາຄານແບບນີໂອບາໂຣກອາເມລິກາ ໂດຍຖອດແບບມາຈາກອາຄານທຳນຽບລັດຖະບານຂອງລັດແມສຊາຊູເຊັດ

ແລະ ນຳທ່ານຖ່າຍຮູບຫໍນາລິກາຊັບໂປໂຣ ເຊິ່ງເປັນອາຄານປະຫວັດສາດທີ່ສວຍງາມ ຖືກອ້ອມຮອບດ້ວຍອາຄານທັນສະໄໝໃນເມືອງ ສ້າງຂຶ້ນໃນປີ 1878 ເພື່ອໃຊ້ເປັນສະຖານທີ່ຝຶກຊ້ອມຂອງວິທະຍາໄລກະສິກຳຊັບໂປໂຣໃນອະດີດ

ຈາກນັ້ນນຳທ່ານຊົມສວນໂອໂດຣິ ສວນສາທາລະນະຂະໜາດໃຫຍ່ທີ່ມີພັນໄມ້ ແລະ ແປງດອກໄມ້ຕົກແຕ່ງສີສັນຕະຫຼອດທຸກລະດູການ ແລະ ເປັນສະຖານທີ່ພັກຜ່ອນຫຍ່ອນໃຈຂອງຊາວເມືອງຊັບໂປໂຣ

ເຖິງເວລາອັນສົມຄວນ ນຳທ່ານເດີນທາງໄປສະໜາມບິນນິວຊິໂຕເສະ ເພື່ອເຊັກອິນກຽມເດີນທາງກັບ