ທົວສ່ວນຕົວ (JPN004) ຍີ່ປຸ່ນ ໂຕກຽວ - ເມືອງນິກໂກ້ - ຢ້ຽມຢາມບ້ານນ້ຳໃສ (Oshino Hakkai)

ພວກເຮົາລໍຖ້າຮັບທ່ານທີ່ ສະໜາມບິນ Narita Airport ຕາມເວລາທີ່ກຳນົດ

ພາທ່ານຊົມວັດ ນາຣິຕະ Naritasan Shinshoji Temple ວັດແຫ່ງນີ້ຖືກສ້າງຂຶ້ນໃນປີ ຄ.ສ. 940 ພາຍໃນວັດມີອາຄານຫຼາຍຫຼັງ ແລະ ບໍລິເວນວັດກວ້າງຂວາງ ພາຍໃນກໍ່ສ້າງດ້ວຍສະຖາປັດຕະຍະກຳພຸດອິນເດຍ ແຕ່ຍັງຄົງເອກະລັກຂອງຍີ່ປຸ່ນໄວ້ ອ້ອມແອ້ມບໍລິເວນວັດ ມີຖະໜົນຄົນຍ່າງແບບຍີ່ປຸ່ນບູຮານ Narita omotesando ຂອງຂຶ້ນຊື່ທີ່ບໍ່ຄວນພາດກໍ່ຄື ເຂົ້າຝຽວເຊັມເບະທີ່ເຮັດສົດໆ ແລະ ເຂົ້າໜ້າປາໄຫຍ່ປີ້ງ Unagi ທີ່ທ່ານຈະໄດ້ເຫັນທຸກຂັ້ນຕອນການເຮັດສົດໆຢູ່ໜ້າຮ້ານ ຕັ້ງແຕ່ການແລ່ ຈົນເຖິງການປີ້ງ ພ້ອມເສີບໃຫ້ທ່ານໄດ້ລິ້ມລອງ

ຈາກນັ້ນພາທ່ານແວະຊັອບປິ້ງທີ່ Shisui Premium Outlets ແຫຼ່ງລວມສິນຄ້າແບຣນເນມລາຄາໂຮງງານ ຫຼາຍກວ່າ 180 ແບຣນ ທັງແບຣນຍີ່ປຸ່ນ ແລະ ແບຣນສັນຊາດອື່ນ ໃຫ້ທ່ານໄດ້ເລືອກຊັອບ

ຈາກນັ້ນພາທ່ານເດີນທາງສູ່ເມືອງໂຕກຽວ ພາທ່ານຊົມໂຄມແດງໃຫຍ່ຍັກທີ່ວັດເຊັນໂຊຈິ Senso-ji ເປັນວັດທີ່ມີປະຫວັດຍາວນານຫຼາຍກວ່າ 1300 ປີ ແລະ ເກົ່າແກ່ທີ່ສຸດໃນໂຕກຽວ ຖືກສ້າງຂຶ້ນໃນປີ ຄ.ສ. 645 ເມື່ອຜ່ານປະຕູໂຄມແດງ ຫຼື ປະຕູຄາມິນາຣິ ທ່ານຈະພົບກັບຮ້ານຂາຍຂອງຝາກຫຼາຍຮ້ານ ແລະ ຢ່າລືມເຂົ້າໄປໄຫວ້ສັກກາລະ ພຣະໂພທິສັດຄັນນົງ ຫຼື ພຣະໂພທິສັດກວນອິມ ເພື່ອເປັນສິລິມຸງຄຸນແກ່ຊີວິດ

ຕອນແລງພາທ່ານລ່ອງເຮືອຊົມບັນຍາກາດຕາເວັນຕົກດິນ ໃຫ້ທ່ານໄດ້ເພີດເພີນກັບທິວທັດອ້ອມແອ້ມຂອງແມ່ນ້ຳຊຸມິດະ ພັກຄືນທີ່ Tokyo

ຕອນເຊົ້າພາທ່ານເດີນທາງສູ່ເມືອງ Nikko ນິກໂກ້ ເມືອງແຫ່ງມໍລະດົກໂລກ ທີ່ຕັ້ງຢູ່ໃນທິວເຂົາໃນແຂວງໂທຈິງິ ປະເທດຍີ່ປຸ່ນ ຫ່າງຈາກນະຄອນໂຕກຽວໄປທາງທິດເໜືອປະມານ 140 ກິໂລແມັດ

ສະຖານທີ່ທຳອິດທີ່ພວກເຮົາຈະໄປຄື ສາລະເຈົ້ານິກໂກ້ໂທໂຊກຸ (Nikko Toshogu Shrine) ສາລະເຈົ້າເກົ່າແກ່ທີ່ຝັງຮ່າງຂອງໂທກຸກາວະ ອິເອຢາສຸ ຜູ້ມີຊື່ສຽງໃນປະຫວັດສາດຍີ່ປຸ່ນ ຜູ້ກໍ່ຕັ້ງສະກຸນໂທກຸກາວະ ສາລະເຈົ້າແຫ່ງນີ້ຖືກສ້າງຂຶ້ນໃນປີ ຄ.ສ.1617 ໂດຍໃຊ້ຊ່າງຝີມືກວ່າ 127,000 ຄົນ ແລະ ປັດຈຸບັນໄດ້ຮັບການຍົກຍ່ອງໃຫ້ເປັນມໍລະດົກໂລກ UNESCO World Heritage Site ໃນປີ ຄ.ສ.1999

ຈາກນັ້ນພາທ່ານຊົມຄວາມງາມຂອງ ທະເລສາບຊູເຊັນຈິ (Lake Chuzenji) ເປັນທະເລສາບນ້ຳຈືດໃນອຸທະຍານແຫ່ງຊາດນິກໂກ້ ທ່ານຈະໄດ້ເຫັນວິວມຸມສູງຂອງທະເລສາບແຫ່ງນີ້ ເໝາະສຳລັບການຖ່າຍຮູບງາມໆ

ຈາກນັ້ນພາທ່ານໄປຕໍ່ທີ່ ນ້ຳຕົກເຄງອນ (Kegon Falls) ຕັ້ງຢູ່ທີ່ທະເລສາບຊູເຊັນຈິ ໃນອຸທະຍານແຫ່ງຊາດນິກໂກ້ ນ້ຳຕົກເຄງອນເປັນນ້ຳຕົກທີ່ຕິດອັນດັບ 1 ໃນ 3 ຂອງນ້ຳຕົກທີ່ງາມທີ່ສຸດໃນຍີ່ປຸ່ນ

hotel ພັກແຮມ Nikko

ພາທ່ານແວະຊື້ຂອງຝາກກ່ອນຈະເດີນທາງໄປເມືອງຕໍ່ໄປທີ່ສະຖານີລົດໄຟໃຈກາງເມືອງນິກໂກ້ ຈາກນັ້ນພາທ່ານເດີນທາງສູ່ແຂວງ Yamanashi ຢາມານາຊິ ຕັ້ງຢູ່ພາກຊູບຸຂອງປະເທດຍີ່ປຸ່ນ ໃຊ້ເວລາເດີນທາງປະມານ 2 ຊົ່ວໂມງ 50 ນາທີ ໄລຍະທາງ 230 ກມ.

ສະຖານທີ່ທຳອິດທີ່ພວກເຮົາຈະໄປກໍ່ຄື ໝູ່ບ້ານ ໂອຊິໂນະຮັກໄຄ ( Oshino Hakkai Village ) ຫຼື ທີ່ນັກທ່ອງທ່ຽວໄທມັກເອີ້ນວ່າໝູ່ບ້ານນ້ຳໃສ ເຫດທີ່ໄດ້ຊື່ວ່າໝູ່ບ້ານນ້ຳໃສນັ້ນກໍ່ຄື ໃນໝູ່ບ້ານແຫ່ງນີ້ມີບໍ່ນ້ຳສະອາດລວມກັນຫຼາຍກວ່າ 8 ບໍ່ ບໍ່ນ້ຳທີ່ວ່າສະອາດ ສະອາດຂະໜາດໃດ? ສະອາດ ແລະ ໃສຈົນເຫັນໂຕປາລອຍຢູ່ໃນບໍ່ ແລະ ສາມາດດື່ມໄດ້ອີກດ້ວຍ ເຊິ່ງບໍ່ນ້ຳແຕ່ລະບໍ່ເປັນນ້ຳທີ່ເກີດຈາກການລະລາຍຂອງຫິມະເທິງພູເຂົາໄຟຟູຈິໃນຊ່ວງລະດູຮ້ອນ

ຈາກນັ້ນພາທ່ານໄປລານສະກີ ຟູຈິເທັນສະກີຣີຊອດ (Fujiten Ski Resort) ໃຫ້ທ່ານໄດ້ສຳຜັດກັບຫິມະຂາວໆໜາໆ ໃຫ້ທ່ານໄດ້ມ່ວນກັບກິດຈະກຳຕ່າງໆຂອງລານສະກີແຫ່ງນີ້ ບໍ່ວ່າຈະເປັນ ສະໂນບອດ, ກະດານເລື່ອນຫິມະ, ສະກີ ແລະ ດື່ມດ່ຳກັບບັນຍາກາດທີ່ອ້ອມຮອບໄປດ້ວຍຫິມະ

ໝາຍເຫດ : ລານສະກີຈະເປີດຕາມຊ່ວງເວລາ ແລະ ສະພາບອາກາດເທົ່ານັ້ນ ຫາກຊ່ວງທີ່ທ່ານເດີນທາງບໍ່ກົງກັບຊ່ວງທີ່ລານສະກີເປີດ ທາງພວກເຮົາຈະພາທ່ານທ່ຽວສະຖານທີ່ໜ້າສົນໃຈອື່ນແທນ ຫຼື ຖ້າທ່ານມີບ່ອນທີ່ຢາກໄປ ສາມາດແຈ້ງຜູ້ອອກແບບໂປຣແກຣມໄດ້ລ່ວງໜ້າ

hotel ພັກແຮມ Yamanashi

ພາທ່ານນັ່ງກະເຊັ້າຄາຈິຄາຈິ (Mt. Fuji Panoramic Ropeway) ຊົມພູເຂົາໄຟຟູຈິແບບໃກ້ຊິດ ທ່ານສາມາດຊົມພູເຂົາໄຟຟູຈິໄດ້ 360 ອົງສາ ແຕ່ຖ້າມື້ໃດອາກາດບໍ່ເປັນໃຈ ອາດເຮັດໃຫ້ Ropeway ປິດໃຫ້ບໍລິການ

ຈາກນັ້ນພາທ່ານເຂົ້າຊົມ ພິພິທະພັນຟູຈິຟູຢາມະ (Fujiyama museum) ພິພິທະພັນຖືກສ້າງຂຶ້ນເນື່ອງໃນໂອກາດຄົບຮອບ 75 ປີຂອງບໍລິສັດຟູຈິຄິວໂກະ ພາຍໃນຈັດວາງສະແດງຜົນງານສິລະປະໜ້າສົນໃຈຫຼາຍຢ່າງ

ຈາກນັ້ນພາທ່ານຊົມ ເຈດີແດງຊູເຣໂຕະ (Chureito Pagoda) ທີ່ນີ້ເປັນອີກໜຶ່ງຈຸດຊົມວິວພູເຂົາໄຟຟູຈິທີ່ບໍ່ຄວນພາດ ເຈດີແຫ່ງນີ້ຖືກສ້າງຂຶ້ນເພື່ອລະນຶກເຖິງສັນຕິພາບໃນປີ 1963 ທ່ານຈະໄດ້ຊົມພາບພູເຂົາໄຟຟູຈິ ແລະ ເຈດີ ເຊິ່ງເປັນພາບທີ່ຊ່າງພາບຫຼາຍຄົນຢາກຖ່າຍໃຫ້ໄດ້

ຈາກນັ້ນພາທ່ານໄປ ສາລະເຈົ້າຄິຕາງຸຈິຮົງງູຟູຈິເຊັນເກັນ (Kitaguchi Hongu Fuji Sengen-jinja) ເປັນສາລະເຈົ້າເກົ່າແກ່ກໍ່ຕັ້ງຂຶ້ນຕັ້ງແຕ່ປີ 1900 ເປັນສາລະເຈົ້ານ້ອຍໆທີ່ສ້າງຂຶ້ນເພື່ອບູຊາເທວະດາ ເປັນສາລະນ້ອຍໆທີ່ງຽບສະຫງົບ ແລະ ຮົ່ມຮື່ນຫຼາຍ ແລະ ທີ່ນີ້ຖືວ່າເປັນເສັ້ນທາງສັກສິດເພື່ອຂຶ້ນພູເຂົາໄຟຟູຈິຊັງ

ຈາກນັ້ນພາທ່ານສຳຜັດບັນຍາກາດຕາເວັນຕົກດິນທີ່ ທະເລສາບຢາມານາກະໂກະ (Yamanakako Swan Lake) ທ່ານສາມາດເລືອກເຮັດກິດຈະກຳຊິວໆທີ່ນີ້ໄດ້ ເຊັ່ນ ຖີບລົດຖີບນ້ຳ, ນັ່ງລົດ Kaba ລົດສະເທີນນ້ຳສະເທີນບົກ ຫຼື ຈະເລືອກນັ່ງຊິວໆຢູ່ຮິມທະເລສາບ ເພື່ອຊົມຕາເວັນຕົກດິນກໍ່ໄດ້

hotel ພັກແຮມ Yamanashi

ຕອນເຊົ້ານຳທ່ານເດີນທາງໄປເກາະ Odaiba ໂອໄດບະ ຫຼື ຍ່ານໂອໄດບະ ເປັນສູນລວມຄວາມບັນເທີງແບບໄຮເທັກຢູ່ເທິງເກາະທຽມໃນອ່າວໂຕກຽວ ເປັນເກາະທີ່ມະນຸດສ້າງຂຶ້ນ ໃນອະດີດເກາະແຫ່ງນີ້ຖືກສ້າງຂຶ້ນເພື່ອປ້ອງກັນການຖືກໂຈມຕີ ໃນສະໄໝເອໂດະ ແຕ່ປັດຈຸບັນປ່ຽນເປັນສູນລວມຄວາມມ່ວນຊື່ນ ແລະ ການພັກຜ່ອນ ພ້ອມກິດຈະກຳທີ່ເໝາະກັບທຸກເພດທຸກໄວ

ສະຖານທີ່ທຳອິດທີ່ພວກເຮົາຈະໄປກໍຄື ຫໍສັງເກດການເທິງຕຶກຟູຈິທີວີ (Sphere observation room "Hachitama") ຟູຈິທີວີຖືເປັນຈຸດເລີ່ມຕົ້ນຂອງໂທລະພາບໃນປະເທດຍີ່ປຸ່ນ ນຳທ່ານຊົມວິວມຸມສູງຊັ້ນທີ 25 ຂອງອາຄານ ຈຸດຊົມວິວແຫ່ງນີ້ເອີ້ນວ່າ Big ball

ຈາກນັ້ນນຳທ່ານແຊ່ອອນເຊັນຫຼັງຍຸກກາງຂອງເກາະ ທີ່ ໂອເອະໂດະອອນເຊັນ (Oedo-Onsen Monogatari) ອອນເຊັນຂອງທີ່ນີ້ມີໃຫ້ເລືອກແຊ່ສອງແບບ ທັງແບບໃນຮົ່ມ ແລະ ກາງແຈ້ງ ເຊິ່ງອອນເຊັນທີ່ນີ້ມີການສູບນ້ຳຈາກໃຕ້ດິນທີ່ເລິກເຖິງ 1,400 ແມັດ ຂຶ້ນມາຍັງບໍ່ແຊ່ ເມື່ອໄປຮອດນຳທ່ານປ່ຽນຊຸດຢູກາຕະກ່ອນຈະອອກສຳຫຼວດສ່ວນຕ່າງໆຂອງອອນເຊັນແຫ່ງນີ້ ໃຫ້ທ່ານໄດ້ໃຊ້ເວລາຜ່ອນຄາຍຢູ່ທີ່ນີ້ຈົນເຕັມອີ່ມ

ຈາກນັ້ນກ່ອນເດີນທາງເຂົ້າເມືອງໂຕກຽວ ນຳທ່ານໄປຊົມ Unicorn Gundam Statue ຫຸ່ນຍົນກັນດັ້ມຂະໜາດເທົ່າຕົວຈິງທີ່ຕັ້ງຢູ່ໜ້າຫ້າງ DiverCity Tokyo Plaza ແລະ ນຳທ່ານແວ່ຊັອບປິ້ງໜ້ອຍໜຶ່ງທີ່ຫ້າງແຫ່ງນີ້

ຈາກນັ້ນນຳທ່ານເດີນທາງສູ່ເມືອງໂຕກຽວເພື່ອພັກຄ້າງຄືນ

hotel ພັກແຮມ Tokyo

ຕອນເຊົ້ານຳທ່ານຊົມ ພະລາຊະວັງອິມພີເຣຍລ Imperial Palace ເປັນສະຖານທີ່ປະທັບຂອງສົມເດັດພະຈັກກະພັດແຫ່ງຍີ່ປຸ່ນ ໃນອະດີດເຄີຍເປັນທີ່ຕັ້ງຂອງປາສາດເອໂດະ Edo Castle ແລະ ຍັງເປັນສະຖາປັດຕະຍະກຳອັນມີຄຸນຄ່າຂອງຊາວຍີ່ປຸ່ນມາຢ່າງຍາວນານ

ຕອນບ່າຍ Free day ເພື່ອບໍ່ໃຫ້ເປັນການລົບກວນເວລາຊັອບປິ້ງຂອງທ່ານ ໃຫ້ທ່ານໄດ້ເລືອກຍ່ານຊັອບປິ້ງດ້ວຍຕົນເອງ

ແນະນຳ

- ຍ່ານຊິນຈູກຸ Shinjuku : ຍ່ານສູນກາງທຸລະກິດຂອງໂຕກຽວ ຕັ້ງຢູ່ທາງທິດຕາເວັນຕົກ ແລະ ເປັນໜຶ່ງໃນ 23 ເຂດພິເສດຂອງນະຄອນໂຕກຽວ ເປັນທີ່ນິຍົມຫຼາຍທັງນັກທ່ອງທ່ຽວ ແລະ ຊາວຍີ່ປຸ່ນເອງ ເພາະເປັນຍ່ານທີ່ຄົບທຸກຢ່າງ ບໍ່ວ່າຈະເປັນທ່ຽວ ກິນ ຊັອບ ຈົບໃນຍ່ານດຽວ ມີຫ້າງດັງຫຼາຍແຫ່ງ ແລະ ຮ້ານອາຫານທຸກລະດັບ ສະຖານທີ່ທ່ອງທ່ຽວແນະນຳໄດ້ແກ່ ສວນຊິນຈູກຸເງຍວເອັນ Shinjuku Gyoen , Robot Restaurant , ຫ້າງ Ainz Tulpe Shinjuku , ຕອກແຫ່ງຄວາມຊົງຈຳ Omoide Yokocho

- ຍ່ານຮາຣາຈູກຸ (Harajuku) : ເປັນແຫຼ່ງລວມໄວໜຸ່ມຍີ່ປຸ່ນເລີຍກໍວ່າໄດ້ ຈຶ່ງເຮັດໃຫ້ຍ່ານນີ້ມີຄວາມທັນສະໄໝ ແລະ ວັດທະນະທຳໃໝ່ໆຢູ່ສະເໝີ ມີຮ້ານຄາເຟ່ໜ້າຮັກໆ ແລະ ຮ້ານເຄື່ອງນຸ່ງສຸດເກ໋ຫຼາຍແຫ່ງ ສະຖານທີ່ທ່ອງທ່ຽວແນະນຳໄດ້ແກ່ ສະຖານີລົດໄຟໂບຣານ Harajuku station , ຂົວຄອສເພຼ Jingu Bashi , ຖະໜົນຊັອບປິ້ງ takeshita dori

- ຍ່ານອູເອະໂນະ (Ueno) : ຍ່ານການຄ້າທີ່ເຕັມໄປດ້ວຍຄວາມຄຶກຄັກ ຕະຫຼອດການຍ່າງຫຼິ້ນທີ່ຍ່ານນີ້ທ່ານຈະໄດ້ຍິນສຽງພໍ່ຄ້າແມ່ຄ້າຮ້ອງຂາຍເຄື່ອງເກືອບທຸກຮ້ານ ແລະ ນີ້ຄືສະເໜ່ຂອງຍ່ານນີ້ເລີຍ ນອກຈາກນັ້ນຍັງມີສະຖານທີ່ໜ້າສົນໃຈອີກຫຼາຍແຫ່ງ ບໍ່ວ່າຈະເປັນການຍ່າງຊົມສັດນ້ອຍໆທີ່ສວນສັດອູເອະໂນະ Ueno Park ຖັດໄປອີກທ່ານຈະໄດ້ພົບກັບຄວາມຊິວຂອງ ສວນອູເອະໂນະ Ueno Park ແລະ ທີ່ພາດບໍ່ໄດ້ຄື ຕະຫຼາດອາເມໂຢໂກະ Ameya-Yokocho ພັກຄ້າງຄືນ Tokyo

ມື້ສຸດທ້າຍຂອງທິບ ຖ້າມີເວລາເຫຼືອ ພາທ່ານໄປໄຫວ້ສັກກາຣະສາລເຈົ້າເມຈິ Meji - jingo ເປັນສາລເຈົ້າສຳລັບສັກກາຣະຈັກກະພັດເມຈິ ແລະ ຈັກກະພັດນີໂຊເຄັນ

ຈາກນັ້ນພາທ່ານໄປສົ່ງທີ່ສະໜາມບິນກ່ອນເວລາ 3 ຊົ່ວໂມງ ເພື່ອເດີນທາງກັບກຸງເທບດ້ວຍຄວາມປອດໄພ ແລະ ຄວາມປະທັບໃຈ