ທົວສ່ວນຕົວ (JPN005) ຍີ່ປຸ່ນ ລົງ Osaka ທ່ຽວ Nagoya ກັບ Tokyo 8ມື້7ຄືນ

ຮັບທ່ານທີ່ສະໜາມບິນຄັນໄຊ ຈາກນັ້ນເດີນທາງໄປເມືອງ ໂອຊາກ້າ "ເມືອງໂອຊາກ້າ" ແມ່ນເມືອງໃຫຍ່ທີ່ຕັ້ງຢູ່ທາງຝັ່ງຕາເວັນຕົກຂອງຍີ່ປຸ່ນ ຫ່າງຈາກໂຕກຽວປະມານ 400 ກິໂລແມັດ ຖ້າເວົ້າເຖິງໂອຊາກ້າ ໝູ່ເພື່ອນຄົງຄິດເຖິງເມືອງທີ່ເຕັມໄປດ້ວຍສີສັນ ແລະ ສະຖານທີ່ທ່ອງທ່ຽວຫຼາກຫຼາຍແບບ ເຊັ່ນ ວັດ , ຫໍບູຊາ , ສວນສະໜຸກລະດັບໂລກ ,ແຫຼ່ງຊັອບປິ້ງ ແລະ ອື່ນໆ ເອີ້ນໄດ້ວ່າເປັນເມືອງ ທີ່ມີບ່ອນທ່ຽວຫຼາຍແບບໃຫ້ເລືອກແທ້ໆ

ພາທ່ານທ່ຽວ ທີ່ປາສາດໂອຊາກ້າ (Osaka castle) ຈຸດເດັ່ນ ສຳຄັນຂອງເມືອງໂອຊາກ້າ ເປັນປາສາດທີ່ຍິ່ງໃຫຍ່ສະຫງ່າງາມຕັ້ງຢູ່ໃຈກາງຂອງເມືອງໂອຊາກ້າ ພາຍໃນປາສາດມີທັງໝົດ 8 ຊັ້ນ ແລະ ພາຍໃນຕົວອາຄານຍັງເປັນສ່ວນຂອງ Osaka Castel Museum ໃຫ້ທ່ານໄດ້ຊົມຄວາມງາມ ແລະ ປະຫວັດຄວາມເປັນມາຂອງປາສາດ

ຈາກນັ້ນພາທ່ານເດີນທາງທ່ຽວຕະຫຼາດຄູໂຣມອນ (Kuromon Market) ເປັນຕະຫຼາດທີ່ມີຊື່ສຽງ ແລະ ເກົ່າແກ່ທີ່ສຸດແຫ່ງໜຶ່ງຂອງເມືອງໂອຊາກ້າ ລັກສະນະຂອງຕະຫຼາດແຫ່ງນີ້ເປັນຕະຫຼາດສົດທີ່ບໍ່ໄດ້ມີແຕ່ຂອງສົດເທົ່ານັ້ນ ທີ່ນີ້ຍັງມີອາຫານພ້ອມກິນ ແລະ ອາຫານພື້ນເມືອງ ເຂົ້າໜົມພື້ນເມືອງອີກຫຼາຍຢ່າງ ຕັ້ງລຽງກັນກວ່າ 600 ຮ້ານໃຫ້ທ່ານໄດ້ເລືອກລອງ

ຫຼັງຈາກກິນອາຫານຢູ່ຕະຫຼາດແລ້ວ ພາທ່ານໄປທ່ອງໂລກໃຕ້ນ້ຳກັນທີ່ ພິພິທະພັນສັດນ້ຳໄຄຢູກັງ (Osaka aquarium kaiyukan) ເປັນພິພິທະພັນສັດນ້ຳຂະໜາດໃຫຍ່ແຫ່ງໜຶ່ງຂອງປະເທດຍີ່ປຸ່ນ ທີ່ນີ້ແມ່ນແຫຼ່ງລວມສັດນ້ຳແປກໆທີ່ບໍ່ຄ່ອຍພົບເຫັນໃນບ້ານເຮົາ ເຊັ່ນ ນາກທະເລ , ປາປັກເປົ້າ , ປາສະຫຼາມຄີບດຳ ເພີດເພີນກັບຄວາມນ່າຮັກຂອງຝູງປານ້ອຍໆ ທີ່ລອຍວຽນວົນໃຫ້ເຮົາໄດ້ຊົມ ແລະ ຄວາມງົດງາມຂອງພິພິທະພັນແຫ່ງນີ້

ປິດທ້າຍມື້ກັນທີ່ ເຂດໂດທົນບຸຣິ ນັ້ນກໍຄືເຂດທີ່ມີປ້າຍກູລິໂກະອັນໂດ່ງດັງນັ້ນເອງ ເຂດໂດທົນບຸຣິເປັນເຂດຊັອບປິ້ງ ແລະ ເຂດກິນດື່ມຂອງໂອຊາກ້າທີ່ທຸກຄົນຕ້ອງຮູ້ຈັກກັນເປັນຢ່າງດີແນ່ນອນ ໃຜໄປທີ່ເຂດນີ້ນອກຈາກຈະໄປຫາປ້າຍກູລິໂກະແລ້ວກໍຢ່າລືມໄປຢ້ຽມ ຫຸ່ນຕີກອງ ຄຸອິດາໂອເຣະ Kuidaorae ທີ່ເປັນໜຶ່ງໃນສັນຍາລັກຂອງເຂດໂດທົງໂບຣິ

hotel ພັກແຮມ Osaka

ຕອນເຊົ້ານຳທ່ານເດີນທາງສູ່ອີກໜຶ່ງເມືອງດັງຂອງແຖບນີ້ ເມືອງ Kyoto ກຽວໂຕ ເປັນເມືອງທີ່ມີສະຖານທີ່ທ່ອງທ່ຽວຫຼາຍແຫ່ງ ທັງວັດ ແລະ ສາລາເຈົ້າເກົ່າແກ່ໂບຣານ ແຕ່ລະແຫ່ງມີເອກະລັກສະເພາະ ເຊິ່ງມີຄວາມໂດດເດັ່ນແຕກຕ່າງກັນໄປ ເຮັດໃຫ້ເມືອງກຽວໂຕເປັນເມືອງທີ່ນັກທ່ອງທ່ຽວສ່ວນຫຼາຍເລືອກໄປທ່ຽວ

ນຳທ່ານໄປໄຫວ້ຂໍພອນທີ່ ສາລາເຈົ້າຟູຊິມິອິນາຣິ (Fushimi Inari Shrine) ຫຼື ບາງຄົນເອີ້ນວ່າສາລາເຈົ້າເສົາແດງ ແລະ ສາລາເຈົ້າໝາຈິ້ງຈອກ ສາລາເຈົ້າຟູຊິມິອິນາຣິເປັນສາລາເຈົ້າຊິນໂຕ ເປັນສາລາເຈົ້າທີ່ເກົ່າແກ່ຫຼາຍ ຖືກສ້າງຂຶ້ນກ່ອນເມືອງກຽວໂຕອີກ

ຈາກນັ້ນນຳທ່ານທ່ຽວທີ່ ອາຣາຊິຢາມະ (Arashiyama) ເປັນເຂດຊານເມືອງທາງທິດຕາເວັນຕົກຂອງເມືອງກຽວໂຕ ແຕ່ກ່ອນຈະທ່ຽວທີ່ນີ້ ເພື່ອໃຫ້ໄດ້ສຳຜັດຄວາມເປັນຍີ່ປຸ່ນແບບແທ້ຈິງ ພາທ່ານເຊົ່າຊຸດ ຢູກາຕະ ເພື່ອເພີ່ມຄວາມເພີດເພີນໃນການຍ່າງຫຼິ້ນໃນກຽວໂຕຫຼາຍຂຶ້ນ (ຖ້າທ່ານຕ້ອງການສາມາດແຈ້ງໄດ້ລ່ວງໜ້າ)

ຈາກນັ້ນ ຍ່າງຕໍ່ຈາກ ອາຣາຊິຢາມະ ບໍ່ໄກປານໃດ ທ່ານຈະພົບ ວັດເທັນຣຽວຈິ (Tenryuji Temple) ເປັນໜຶ່ງໃນວັດສຳຄັນຂອງນິກາຍເຊັນ ວັດແຫ່ງນີ້ສ້າງເພື່ອອຸທິດໃຫ້ແກ່ຈັກກະພັດ ໂກ-ໄດໂກະ ໃນປີ ຄ.ສ. 1339 ແລະ ປັດຈຸບັນໄດ້ຮັບການຂຶ້ນທະບຽນເປັນມໍລະດົກໂລກໂດຍອົງການຢູເນສໂກ

ຍ່າງຕໍ່ອີກປະມານ 500 ແມັດ ທ່ານຈະພົບ ປ່າໄຜ່ (Bamboo Groove) ຈຸດເດັ່ນຂອງປ່າໄຜ່ແຫ່ງນີ້ຄົງບໍ່ແມ່ນຫຍັງນອກຈາກຕົ້ນໄຜ່ສີຂຽວ ທີ່ມີລຳຕົ້ນສູງປົກຄຸມໄປທົ່ວທຸກພື້ນທີ່ຂອງປ່າ ແລະ ລຽງລາຍກັນຢ່າງສວຍງາມ ເໝາະກັບການຖ່າຍຮູບຄູ່ກັບຊຸດຢູກາຕະຫຼາຍໆ

ຖ້າທ່ານເຊົ່າຊຸດຢູກາຕະ ພາເອົາຊຸດໄປຄືນທີ່ຮ້ານເດີມ ແລະ ກຽມຕົວໄປສະຖານທີ່ຕໍ່ໄປ

ພາທ່ານຊົມ ວັດຄິນຄະຄຸຈິ (Kinkakuji Temple) ຫຼື ຄົນໄທມັກເອີ້ນກັນວ່າວັດຄຳ ເຫດທີ່ຄົນໄທເອີ້ນວ່າວັດຄຳນັ້ນກໍຄືຕົວອາຄານພາຍນອກຂອງວັດມີສີຄຳເຫຼື້ອມໂດດເດັ່ນສະງ່າງາມ ແລະ ໄດ້ຮັບການຂຶ້ນທະບຽນເປັນມໍລະດົກໂລກໂດຍອົງການຢູເນັດສະໂກ ໃນປີ ຄ.ສ. 1994

ຖ້າມີເວລາເຫຼືອ ພາທ່ານໄປ ຕະຫຼາດນິຊິກິ (Nishiki Market) ຫຼື ຫ້ອງຄົວປະຈຳເມືອງກຽວໂຕ ພາຍໃນມີທັງອາຫານສົດ ແລະ ອາຫານພ້ອມກິນຫຼາຍຢ່າງ ຂ້າງຕະຫຼາດຍັງມີຖະໜົນຊັອບປິ້ງເທຣາມາຈິ (Teramachi) ແລະ ຊິນກຽວໂງກຸ (Shinkyogoku) ອີກດ້ວຍ

ທ່ຽວກຽວໂຕຈົນໝົດມື້ ໄດ້ເວລາອັນສົມຄວນ ພາທ່ານກັບໄປຍັງເມືອງໂອຊາກ້າ

hotel ພັກແຮມ ໂອຊາກ້າ

ຕອນເຊົ້ານຳທ່ານເດີນທາງ 30 ນາທີ ສູ່ເມືອງນ້ອຍໃກ້ໂອຊາກ້າ ນັ້ນກໍຄືເມືອງ Sakai ຊາໄກ ເມືອງທີ່ບໍ່ຄ່ອຍເປັນທີ່ຮູ້ຈັກ ແຕ່ມີຄວາມໜ້າສົນໃຈຫຼາຍ ແລະ ຫຼ້າສຸດມີສະຖານທີ່ທ່ອງທ່ຽວທີ່ເພິ່ງໄດ້ຮັບການຂຶ້ນທະບຽນເປັນມໍລະດົກໂລກທາງວັດທະນະທຳ ໃນປີ 2019 ນີ້ເອງ ນັ້ນກໍຄື ສຸສານໂບຣານໂມຊຸ-ຟູຣຸອິຈິ (Mozu-Furuichi Kofun) ໃນອະດີດຊາໄກເຄີຍເປັນເມືອງທ່າທີ່ໃຫຍ່ ແລະ ສຳຄັນທີ່ສຸດຂອງຍີ່ປຸ່ນຕັ້ງແຕ່ຍຸກກາງ ແຕ່ເມື່ອເວລາຜ່ານໄປ ຄວາມຈະເລີນທັງໝົດໄປລວມຢູ່ທີ່ເມືອງໂອຊາກ້າ ເຮັດໃຫ້ຊາໄກເປັນເມືອງນ້ອຍທີ່ງຽບສະຫງົບ ເໝາະກັບການພັກຜ່ອນຢ່າງຍິ່ງ

ນຳທ່ານຊົມຮ້ານເຮັດມີດເກົ່າແກ່ທີ່ເປີດມາແລ້ວ 140 ປີ Mizuno Tanren Jo ທີ່ນີ້ທ່ານຈະໄດ້ຊົມ ແລະ ສຳຜັດກັບປະຫວັດສາດການຜະລິດມີດຂອງເມືອງ Sakai ທີ່ມີຊື່ສຽງ ຖ້າທ່ານຕ້ອງການຊົມການຜະລິດມີດ ກະລຸນາແຈ້ງ ເພາະຕ້ອງມີການຈອງລ່ວງໜ້າ ວ່າກັນວ່າມີດຈາກເມືອງ ຊາໄກ ເປັນມີດທີ່ມີຄຸນນະພາບສູງຫຼາຍ ຖ້າທ່ານຕ້ອງການຊື້ມີດກັບໄປໃຊ້ ຫຼື ເປັນຂອງຝາກ ສາມາດຊື້ໄດ້ທີ່ Sakai City Traditional Crafts Museum

ຈາກນັ້ນນຳທ່ານຊົມ ມໍລະດົກໂລກແຫ່ງໃໝ່ໃນປີ 2019 ຂອງເມືອງຊາໄກ Mozu-Furuichi Kofun ສຸສານໂບຣານໂມຊຸ-ຟູຣຸອິຈິ ເປັນສຸສານໜຶ່ງທີ່ຄວນຄ່າແກ່ການໄປຢ້ຽມຊົມຫຼາຍ ສຸສານໂບຣານຮູບກະແຈແຫ່ງນີ້ຍາວກວ່າ 486 ແມັດ ຖືກສ້າງຂຶ້ນໃນສະໄໝປາຍ ຄ.ສ. 4 - ຄ.ສ. 5 ເພື່ອເປັນທີ່ຝັງສົບຂອງສົມເດັດພະຈັກກະພັດ ແລະ ພະລາຊິນີ ລວມເຖິງເຊື້ອພະວົງ ແລະ ຜູ້ນຳໃນສະໄໝນັ້ນດ້ວຍ

ຈາກນັ້ນ ນຳທ່ານແວ່ກິນຂະໜົມຮ້ານ Kan Bukuro ຄວາມພິເສດຂອງຮ້ານນີ້ຄື ເປັນຮ້ານຂະໜົມພື້ນເມືອງດັ້ງເດີມທີ່ເປີດມາແລ້ວ 27 ລຸ້ນ ລວມແລ້ວປະມານ 800 ປີ ບໍ່ມີການຂາຍສາຂາໃດໆທັງສິ້ນ ມີແຕ່ທີ່ຊາໄກທີ່ນີ້ທີ່ດຽວ ຖືໄດ້ວ່າຮ້ານຂະໜົມແຫ່ງນີ້ ເປັນຕຳນານທີ່ຍັງຫາຍໃຈຢູ່ກໍວ່າໄດ້ ຂອງຂຶ້ນຊື່ຂອງຮ້ານນີ້ກໍຄື ໂມຈິໜຽວ ຣາດດ້ວຍຊອສຊາຂຽວທີ່ຫອມຫວານກຳລັງດີ

ຖ້າທ່ານຢາກຢູ່ທີ່ເມືອງ ຊາໄກ ຕໍ່ ນຳທ່ານຍ່າງຫຼິ້ນຍ່ານ Kitahatago ຍ່ານຄິຕະຮະຕະໂງະ ເປັນຍ່ານທີ່ອົບອວນໄປດ້ວຍບັນຍາກາດບ້ານເມືອງສະໄໝບູຮານ

ຈາກນັ້ນນຳທ່ານເດີນທາງກັບສູ່ເມືອງໂອຊາກ້າອີກຄັ້ງ

hotel ພັກແຮມ ໂອຊາກ້າ

ຕອນເຊົ້າ ອຳລາເມືອງໂອຊາກ້າ ເດີນທາງໄລຍະທາງ 180 ກມ. ໃຊ້ເວລາເດີນທາງ 2 ຊົ່ວໂມງເຄິ່ງ ສູ່ເມືອງ Nagoya ນາໂງຢະ ແຂວງໄອຊິ ເປັນເມືອງທີ່ໃຫຍ່ທີ່ສຸດໃນພາກຊູບຸ ແລະ ເປັນເມືອງທີ່ມີປະຊາກອນອາໄສຢູ່ຫຼາຍເປັນອັນດັບທີ 4 ຂອງປະເທດ

ສະຖານທີ່ທຳອິດທີ່ຈະໄປ ນຳທ່ານຊົມ ປາສາດນາໂງຢະ Nagoya Castle ປາສາດແຫ່ງນີ້ສ້າງຂຶ້ນໃນສະໄໝເອໂດະເພື່ອປ້ອງກັນການຮຸກຮານຈາກຂ້າສຶກ ໃນປີ ຄ.ສ. 1612 ໂດຍໂຕກູກາວະ ອິເອຢາສຶ ຕົວປາສາດແຫ່ງນີ້ມີທັງໝົດ 7 ຊັ້ນ ພາຍໃນມີການເລົ່າເລື່ອງລາວຄວາມເປັນມາຂອງປາສາດ ແລະ ເປັນທີ່ຈັດເກັບຮັກສາອາວຸດຍຸດໂທປະກອນໃນສະໄໝກ່ອນ

ຕອນບ່າຍ ທ່ານສາມາດເລືອກທົວໄດ້ຕາມໃຈມັກ ວ່າຈະໄປບ່ອນໃດລະຫວ່າງ ສປາຮິວສ໌ ຣິວເຊັນຈິໂນະຢຸ Spa Hills Ryusenji no yu ກັບ ເລໂກ້ແລນ Legoland Japan

ສປາຮິວສ໌ ຣິວເຊັນຈິໂນະຢຸ Spa Hills Ryusenji no yu ທີ່ນີ້ເປັນສະຖານທີ່ທຳອິດໃນຍີ່ປຸ່ນທີ່ໃຫ້ບໍລິການອອນເຊັນແບບຄົບວົງຈອນ ເພິ່ງເປີດໃຫ້ບໍລິການຢ່າງເປັນທາງການໃນປີ 2018 ນີ້ເອງ ສປາແຫ່ງນີ້ຕັ້ງຢູ່ບໍລິເວນເນີນພູໃນເຂດໂມຣິຢາມະ Moriyama ໃນສະໄໝກ່ອນສປາຮິວສ໌ເປັນພຽງໂຮງອາບນ້ຳສາທາລະນະທຳມະດາໆເທົ່ານັ້ນ ແຕ່ດ້ວຍຍຸກສະໄໝທີ່ປ່ຽນແປງ ຈຶ່ງເຮັດໃຫ້ເປັນສປາຮິວສ໌ໃນທຸກມື້ນີ້ ພາຍໃນປະກອບດ້ວຍບໍ່ອອນເຊັນທັງອິນດໍ ແລະ ເອົ້າທ໌ດໍຈຳນວນຫຼາຍ ແຕ່ລະບໍ່ກໍມີຈຸດເດັ່ນແຕກຕ່າງກັນໄປ ນອກຈາກນັ້ນຍັງມີຫ້ອງຊາວນາທີ່ອົບແບບຫີນພູເຂົາໄຟ ແລະ ພາຍນອກມີຮ້ານອາຫານ ແລະ ຄາເຟ່ຄອຍບໍລິການຢູ່ ຄ່າເຂົ້າ ຜູ້ໃຫຍ່ 700 ເຢນ ເດັກ 300 ເຢນ ຄ່າບໍລິການໃນສ່ວນນີ້ບໍ່ລວມຢູ່ໃນຄ່າໃຊ້ບໍລິການບໍ່ອອນເຊັນຕ່າງໆ

ເລໂກ້ແລນ Legoland Japan ສວນສະໜຸກແຟຣນໄຊສ໌ຊື່ດັງ ທີ່ມີຢູ່ໃນຫຼາຍປະເທດທົ່ວໂລກ ຖ້າທ່ານເປັນສາຍສວນສະໜຸກແນະນຳໃຫ້ລອງທີ່ນີ້ ແຕກຕ່າງຈາກສວນສະໜຸກແຫ່ງອື່ນແນ່ນອນ ໃຫ້ທ່ານໄດ້ຜະຈົນໄພໄປໃນໂລກເລໂກ້ ບໍ່ແມ່ນພຽງແຕ່ເດັກນ້ອຍທີ່ຈະຫຼົງຮັກສວນສະໜຸກແຫ່ງນີ້ ເລໂກ້ແລນ ມີຫຼາຍໂຊນໄວ້ຮອງຮັບນັກທ່ອງທ່ຽວທຸກເພດທຸກໄວ Lloyd’s Spinjitzu Spinner , Kai’s Sky Masters , Cole’s Rock Climbing Wall ມຸມປີນປ່າຍແບບນິນຈາ ແລະ ໃນປີ 2019 ໄດ້ເປີດໂຊນໃໝ່ ນັ້ນກໍຄື ເລໂກ້ ນິນຈາໂງະ ເວີລ໌ດ໌ LEGO Ninjago World ຄວາມພິເສດຂອງໂຊນນີ້ຄື ມີເຄື່ອງຫຼິ້ນສຸດຫວາດສຽວທີ່ບິນໄດ້ສູງເຖິງ 22 ແມັດ ດ້ວຍຄວາມໄວ 50 ກິໂລແມັດຕໍ່ຊົ່ວໂມງ ຢູ່ນຳ

hotel ພັກແຮມ Nagoya (ຖ້າທ່ານຕ້ອງການພັກຄ້າງຄືນທີ່ Legoland Japan Resort ໃຫ້ແຈ້ງລ່ວງໜ້າ )

ຈາກນັ້ນນຳທ່ານເດີນທາງສູ່ແຂວງ Yamanashi ຢາມານາຊິ ຕັ້ງຢູ່ພາກຊູບຸຂອງປະເທດຍີ່ປຸ່ນ ໃຊ້ເວລາເດີນທາງປະມານ 3 ຊົ່ວໂມງ 30 ນາທີ ໄລຍະທາງ 275 ກມ.

ສະຖານທີ່ທຳອິດທີ່ພວກເຮົາຈະໄປກໍຄື ໝູ່ບ້ານ ໂອຊິໂນະຮັກໄກ ( Oshino Hakkai Village ) ຫຼື ທີ່ນັກທ່ອງທ່ຽວໄທຍມັກເອີ້ນວ່າໝູ່ບ້ານນ້ຳໃສ ເຫດທີ່ໄດ້ຊື່ວ່າໝູ່ບ້ານນ້ຳໃສນັ້ນກໍຄື ໃນໝູ່ບ້ານແຫ່ງນີ້ມີບໍ່ນ້ຳສະອາດລວມກັນກວ່າ 8 ບໍ່ ບໍ່ນ້ຳທີ່ວ່າສະອາດ ສະອາດຂະໜາດໃດ? ສະອາດ ແລະ ໃສຈົນເຫັນໂຕປາລອຍຢູ່ໃນບໍ່ ແລະ ສາມາດດື່ມໄດ້ອີກດ້ວຍ ເຊິ່ງບໍ່ນ້ຳແຕ່ລະບໍ່ເປັນນ້ຳທີ່ເກີດຈາກການລະລາຍຂອງຫິມະເທິງພູເຂົາໄຟຟູຈິໃນຊ່ວງລະດູຮ້ອນ

ຖ້າທ່ານເດີນທາງໃນລະດູໜາວ ນຳທ່ານໄປລານສະກີ ຟູຈິເທັນສະກີຣີສອດ (Fujiten Ski Resort) ໃຫ້ທ່ານໄດ້ສຳຜັດກັບຫິມະຂາວໆໜາໆ ໃຫ້ທ່ານໄດ້ມ່ວນຊື່ນກັບກິດຈະກຳຕ່າງໆຂອງລານສະກີແຫ່ງນີ້ ບໍ່ວ່າຈະເປັນ ສະໂນບອດ , ກະດານເລື່ອນຫິມະ , ສະກີ ແລະ ດື່ມດ່ຳກັບບັນຍາກາດທີ່ອ້ອມຮອບໄປດ້ວຍຫິມະ

ໝາຍເຫດ : ລານສະກີຈະເປີດຕາມຊ່ວງເວລາ ແລະ ສະພາບອາກາດເທົ່ານັ້ນ ຖ້າຊ່ວງທີ່ທ່ານເດີນທາງບໍ່ກົງກັບຊ່ວງທີ່ລານສະກີເປີດ ທາງພວກເຮົານຳທ່ານທ່ຽວສະຖານທີ່ໜ້າສົນໃຈແຫ່ງອື່ນທົດແທນ ຫຼື ທ່ານມີບ່ອນທີ່ຢາກໄປ ສາມາດແຈ້ງຜູ້ອອກແບບໂປຣແກຣມໄດ້ລ່ວງໜ້າ

ນຳທ່ານນັ່ງກະເຊົ້າຄາຈິຄາຈິ (Mt. Fuji Panoramic Ropeway) ຊົມພູເຂົາໄຟຟູຈິແບບໃກ້ຊິດ ທ່ານສາມາດຊົມພູເຂົາໄຟຟູຈິໄດ້ຢ່າງ 360 ອົງສາ ແຕ່ຖ້າມື້ໃດອາກາດບໍ່ເປັນໃຈ ອາດເຮັດໃຫ້ Ropeway ປິດໃຫ້ບໍລິການ

ຈາກນັ້ນນຳທ່ານໄປ ສາລາເຈົ້າຄິຕາງຸຈິຮົງງູຟູຈິເຊັນເກັນ (Kitaguchi Hongu Fuji Sengen-jinja) ເປັນສາລາເຈົ້າເກົ່າແກ່ກໍ່ຕັ້ງຂຶ້ນຕັ້ງແຕ່ປີ 1900 ເປັນສາລາເຈົ້ານ້ອຍໆທີ່ສ້າງຂຶ້ນເພື່ອບູຊາພະເຈົ້າ ເປັນສາລານ້ອຍໆທີ່ງຽບສະຫງົບ ແລະ ຮົ່ມຣື່ນຫຼາຍໆ ແລະ ທີ່ນີ້ຖືວ່າເປັນເສັ້ນທາງສັກສິດເພື່ອຂຶ້ນພູເຂົາໄຟຟູຈິຊັງ

hotel ພັກແຮມ Yamanashi

ຕອນເຊົ້າເດີນທາງສູ່ເມືອງ ໂຕກຽວ ໄລຍະທາງ 115 ກມ. ໃຊ້ເວລາເດີນທາງປະມານ 1 ຊົ່ວໂມງເຄິ່ງ

ນຳທ່ານຊົມໂຄມແດງໃຫຍ່ຍັກທີ່ວັດເຊັນໂຊຈິ Senso-ji ເປັນວັດທີ່ມີປະຫວັດຍາວນານເຖິງ 1300 ກວ່າປີ ແລະ ເກົ່າແກ່ທີ່ສຸດໃນໂຕກຽວ ຖືກສ້າງຂຶ້ນໃນປີ ຄ.ສ. 645 ເມື່ອຜ່ານປະຕູໂຄມແດງ ຫຼື ປະຕູຄາມິນາຣິ ທ່ານຈະພົບກັບຮ້ານຂາຍຂອງຝາກຫຼາຍແຫ່ງ ແລະ ຢ່າລືມເຂົ້າໄປໄຫວ້ສັກກາລະ ພະໂພທິສັດຄັນນົງ ຫຼື ພະໂພທິສັດກວນອິມ ເພື່ອເປັນສິລິມົງຄົນແກ່ຊີວິດ

ຂ້າງໆວັດ Senso-ji ມີຖະໜົນຊັອບປິ້ງຊື່ດັງຕັ້ງຢູ່ ນັ້ນກໍຄື Asakusa Nishi-sando Shopping Street ໃຫ້ທ່ານໄດ້ຊັອບປິ້ງ ແລະ ຊື້ຂອງຝາກໃຫ້ໜຳໃຈ

ຈາກນັ້ນບໍ່ໄກກັນປານໃດ ນຳທ່ານຊົມ Sumida Park ສວນທຳມະຊາດທ່າມກາງຕຶກສູງ ຍ່ານອາຊາກຸຊະ ຕັ້ງຢູ່ຮິມແມ່ນ້ຳຊຸມິດະ ພາຍໃນສວນມີຕົ້ນຊາກຸຣະກວ່າ 1,000 ຕົ້ນ ແລະ ສວນແຫ່ງນີ້ຍັງເປັນອັນດັບຕົ້ນໆທີ່ດີທີ່ສຸດໃນການຊົມຊາກຸຣະອີກດ້ວຍ

ນຳທ່ານຊົມແລນມາກສຳຄັນຂອງເມືອງໂຕກຽວ ນັ້ນກໍຄື Tokyo sky tree ຫໍຄອຍທີ່ສູງທີ່ສຸດໃນໂລກ ທີ່ຄວາມສູງ 634 ແມັດ ແລະ ເປັນຈຸດຊົມວິວທີ່ໄດ້ຮັບຄວາມສົນໃຈເປັນຢ່າງຫຼາຍ ດ້ວຍຄວາມສູງຂອງຫໍຄອຍເຮັດໃຫ້ສາມາດເຫັນວິວແບບ ຈາກມຸມທີ່ສູງຫຼາຍໆ ຖ້າທ່ານຕ້ອງການຂຶ້ນໄປຊົມວິວທີ່ Tokyo sky tree ແນະນຳໃຫ້ຈອງປີ້ຜ່ານເວັບໄຊ www.tokyo-skytree.jp/en ໄວ້ເລີຍ ລາຄາປີ້ປົກກະຕິ 2,000 ເຢນ ສຳລັບຜູ້ໃຫຍ່

ຖ້າເວລາເຫຼືອ ຕອນແລງນຳທ່ານລ່ອງເຮືອຊົມບັນຍາກາດພະອາທິດຕົກດິນ ໃຫ້ທ່ານໄດ້ເພີດເພີນກັບທັດສະນີຍະພາບ ໂດຍອ້ອມຂອງແມ່ນ້ຳຊຸມິດະ

hotel ພັກແຮມ Tokyo

ຕອນເຊົ້ານຳທ່ານຊົມ ພະລາຊະວັງອິມພີເຣຍລ Imperial Palace ເປັນສະຖານທີ່ປະທັບຂອງສົມເດັດພະຈັກກະພັດແຫ່ງຍີ່ປຸ່ນ ໃນອະດີດເຄີຍເປັນທີ່ຕັ້ງຂອງປາສາດເອໂດະ Edo Castle ແລະ ຍັງເປັນສະຖາປັດຕະຍະກຳອັນມີຄຸນຄ່າຂອງຊາວຍີ່ປຸ່ນມາຢ່າງຍາວນານ

ຕອນບ່າຍ Free day ເພື່ອບໍ່ໃຫ້ເປັນການລົບກວນເວລາຊັອບປິ້ງຂອງທ່ານ ໃຫ້ທ່ານໄດ້ເລືອກຍ່ານຊັອບປິ້ງດ້ວຍຕົນເອງ

ຍ່ານຊິນຈູກຸ Shinjuku : ຍ່ານສູນກາງທຸລະກິດຂອງໂຕກຽວ ຕັ້ງຢູ່ທາງທິດຕາເວັນຕົກ ແລະ ເປັນໜຶ່ງໃນ 23 ເຂດພິເສດຂອງນະຄອນໂຕກຽວ ເປັນທີ່ນິຍົມຫຼາຍທັງນັກທ່ອງທ່ຽວ ແລະ ຊາວຍີ່ປຸ່ນເອງ ເພາະເປັນຍ່ານທີ່ຄົບທຸກຢ່າງ ບໍ່ວ່າຈະເປັນທ່ຽວ ກິນ ຊັອບ ຈົບໃນຍ່ານດຽວ ມີຫ້າງດັງຫຼາຍແຫ່ງ ແລະ ຮ້ານອາຫານທຸກລະດັບ ສະຖານທີ່ທ່ອງທ່ຽວແນະນຳໄດ້ແກ່ ສວນຊິນຈູກຸເງຍວເອັນ Shinjuku Gyoen , Robot Restaurant , ຫ້າງ Ainz Tulpe Shinjuku , ຕອກແຫ່ງຄວາມຊົງຈຳ Omoide Yokocho

ຍ່ານຮາຣາຈູກຸ (Harajuku) : ເປັນແຫຼ່ງລວມໄວໜຸ່ມຍີ່ປຸ່ນເລີຍກໍວ່າໄດ້ ຈຶ່ງເຮັດໃຫ້ຍ່ານນີ້ມີຄວາມທັນສະໄໝ ແລະ ວັດທະນະທຳໃໝ່ໆຢູ່ສະເໝີ ມີຮ້ານຄາເຟ່ໜ້າຮັກໆ ແລະ ຮ້ານເຄື່ອງນຸ່ງສຸດເກ໋ຫຼາຍແຫ່ງ ສະຖານທີ່ທ່ອງທ່ຽວແນະນຳໄດ້ແກ່ ສະຖານີລົດໄຟໂບຣານ Harajuku station , ຂົວຄອສເພຼ Jingu Bashi , ຖະໜົນຊັອບປິ້ງ takeshita dori

ຍ່ານອູເອະໂນະ (Ueno) : ຍ່ານການຄ້າທີ່ເຕັມໄປດ້ວຍຄວາມຄຶກຄັກ ຕະຫຼອດການຍ່າງຫຼິ້ນທີ່ຍ່ານນີ້ທ່ານຈະໄດ້ຍິນສຽງພໍ່ຄ້າແມ່ຄ້າຮ້ອງຂາຍເຄື່ອງເກືອບທຸກຮ້ານ ແລະ ນີ້ຄືສະເໜ່ຂອງຍ່ານນີ້ເລີຍ ນອກຈາກນັ້ນຍັງມີສະຖານທີ່ໜ້າສົນໃຈອີກຫຼາຍແຫ່ງ ບໍ່ວ່າຈະເປັນການຍ່າງຊົມສັດນ້ອຍໆທີ່ສວນສັດອູເອະໂນະ Ueno Park ຖັດໄປອີກທ່ານຈະໄດ້ພົບກັບຄວາມຊິວຂອງ ສວນອູເອະໂນະ Ueno Park ແລະ ທີ່ພາດບໍ່ໄດ້ຄື ຕະຫຼາດອາເມໂຢໂກະ Ameya-Yokocho

hotel ພັກແຮມ Tokyo

ມື້ສຸດທ້າຍຂອງທິບ ຖ້າມີເວລາເຫຼືອ ພາທ່ານໄປໄຫວ້ສັກກາຣະສາລເຈົ້າເມຈິ Meji - jingo ເປັນສາລເຈົ້າສຳລັບສັກກາຣະຈັກກະພັດເມຈິ ແລະ ຈັກກະພັດນີໂຊເຄັນ

ຈາກນັ້ນພາທ່ານໄປສົ່ງທີ່ສະໜາມບິນກ່ອນເວລາ 3 ຊົ່ວໂມງ ເພື່ອເດີນທາງກັບກຸງເທບດ້ວຍຄວາມປອດໄພ ແລະ ຄວາມປະທັບໃຈ