ທົວສ່ວນຕົວຢີ່ປຸ່ນ (JPN006) ທ່ຽວເກາະຮອກໄກໂດ - Biei - Furano (ເຈາະເລິກຊັບໂປໂຣ) 7 ມື້ 6 ຄືນ

ຮັບທ່ານທີ່ສະໜາມບິນຊິໂຕເສະ ຈາກນັ້ນເດີນທາງສູ່ເມືອງ ອາຊາຮິກາວະ "ເມືອງອາຊາຮິກາວະ" ແມ່ນເມືອງໃຫຍ່ທີ່ຕັ້ງຢູ່ໃຈກາງຂອງເກາະຮອກໄກໂດ ບໍລິເວນຕີນສາຍພູໄດເຊັດສຶຊັງ ເປັນເມືອງໃຫຍ່ຮອງຈາກຊັບໂປໂຣ ຍ້ອນຕັ້ງຢູ່ໃນເຂດຮ່ອມພູ ຈຶ່ງເຮັດໃຫ້ສະພາບອາກາດຂອງເມືອງນີ້ມີຄວາມຫຼາກຫຼາຍກວ່າເມືອງອື່ນ ເມືອງແຫ່ງນີ້ມີທຳມະຊາດງາມໆ ໃຫ້ເບິ່ງຕະຫຼອດທັງ 4 ລະດູ

ສະຖານທີ່ທຳອິດທີ່ພວກເຮົາຈະນຳທ່ານໄປ ນັ້ນກໍຄື Asahiyama Zoo ສວນສັດອາຊາຮິກາວະ ຈຸດເດັ່ນຂອງບ່ອນນີ້ແມ່ນການບໍ່ຂັງສັດຄືສວນສັດອື່ນໆ ປ່ອຍໃຫ້ນ້ອງສັດຢູ່ກັນແບບທຳມະຊາດ ຈຶ່ງເຮັດໃຫ້ທຸກທ່ານໄດ້ສຳຜັດກັບຄວາມໜ້າຮັກຂອງນ້ອງສັດ ຕາມວິຖີຊີວິດຂອງສັດແຕ່ລະປະເພດແທ້ໆ ເຮັດໃຫ້ສັດຢູ່ນີ້ບໍ່ຄຽດ ແລະ ເປັນກັນເອງກັບນັກທ່ອງທ່ຽວເປັນພິເສດ

ຈາກນັ້ນນຳທ່ານເດີນທາງສູ່ໂລກແຫ່ງນ້ຳກ້ອນ Snow Crystal Museum ພາຍໃນຫໍພິພິທະພັນຕົກແຕ່ງຢ່າງຫຼູຫຼາສະໄຕລ໌ເອີຣົບ ປານຜາສາດນ້ຳກ້ອນໃນເລື່ອງ Frozen ເລີຍກໍວ່າໄດ້ ພາຍໃນຫໍພິພິທະພັນມີເສົາກ້ອນນ້ຳແຂງ, ມິວສິກຮໍ ຫຼື ຫ້ອງສະແດງດົນຕີ ທີ່ໃຊ້ຈັດຄອນເສີດ ແລະ ງານດອງ

ປິດທ້າຍມື້ດ້ວຍ ຖະໜົນຊັອບປິ້ງ Asahikawa Heiwa-dori Shopping Street ອາຊາຮິກາວະ ເຮວະໂດຣິ ຖະໜົນຊັອບປິ້ງແຫ່ງນີ້ມີມາຕັ້ງແຕ່ປີ 1972 ແລະ ຍັງເປັນຖະໜົນຄົນຍ່າງແຫ່ງທຳອິດໃນຍີ່ປຸ່ນ ມີຮ້ານຄ້າຫຼວງຫຼາຍ ທັງຮ້ານອາຫານ, ຮ້ານເສື້ອຜ້າ ໄປຈົນຮອດຮ້ານຂາຍເຄື່ອງໃຊ້ໃນຊີວິດປະຈຳວັນ

hotel ພັກແຮມ Asahikawa

ຊ່ວງເຊົ້ານຳທ່ານເດີນທາງ 26 ກມ. ສູ່ເມືອງ Biei ບິເອະ ເປັນເມືອງນ້ອຍທີ່ໜ້າຮັກຫຼາຍ ທີ່ຕັ້ງຢູ່ໃນຄາມິກາວະ ເມືອງບິເອະຖືວ່າເປັນເມືອງໜຶ່ງທີ່ໄດ້ຮັບຄວາມນິຍົມໃນການທ່ອງທ່ຽວດ້ານທຳມະຊາດ ມີສະຖານທີ່ທ່ອງທ່ຽວທີ່ມີຊື່ສຽງຫຼວງຫຼາຍ ເຊັ່ນ ໜອງນ້ຳສີຟ້າ Shirogane Blue Pond , Shirogane Hot Spring ແລະ ຍັງມີຕົ້ນໄມ້ທີ່ມີຊື່ສຽງຢູ່ໃນເມືອງນີ້ອີກດ້ວຍ ໄດ້ແກ່ ຕົ້ນເຄນ ແລະ ແມຣີ (Ken and Mary Tree) , ຕົ້ນເຈັດດາວ (Seven Star Tree) , ຕົ້ນໂອກບູຮານເທິງເນີນມາຍເຊເວັນ (Mild Seven Hill)

ນຳທ່ານຊົມ ແລະ ຖ່າຍຮູບກັບຕົ້ນໄມ້ບູຮານຊື່ດັງທັງໝົດ ໂດຍເລີ່ມຈາກ Seven Star Tree - Ken and Mary Tree - Mild Seven Hill ຈາກນັ້ນນຳທ່ານເດີນທາງສູ່ ໜອງນ້ຳສີຟ້າ ຫຼື Shirogane Blue Pond ເຊິ່ງໃນພາສາຍີ່ປຸ່ນເອີ້ນວ່າ aoi ike ເປັນໜຶ່ງໃນສະຖານທີ່ອັນດັບຕົ້ນໆ ທີ່ຕ້ອງໄປໃຫ້ໄດ້ຈັກເທື່ອເມື່ອມາຮອກໄກໂດ ໃນມື້ທີ່ອາກາດແຈ່ມໃສ ທ່ານຈະໄດ້ເຫັນເງົາສະທ້ອນຂອງພູເຂົາ ແລະ ຕົ້ນໄມ້ໃນໜອງນ້ຳສີຟ້າ ທີ່ໜອງນ້ຳແຫ່ງນີ້ເປັນສີຟ້າບໍ່ໄດ້ເກີດຂຶ້ນເອງຕາມທຳມະຊາດເດີ້ ເກີດຈາກຄວາມບັງເອີນຂອງຊາວບ້ານທີ່ຕ້ອງການສ້າງໜອງແຫ່ງນີ້ຂຶ້ນມາເພື່ອປ້ອງກັນເມືອງບິເອະ ຈາກອັນຕະລາຍທີ່ເກີດຈາກພູເຂົາ ໂດຍສີຟ້າທີ່ຢູ່ໃນໜອງເກີດຈາກທາດ aluminium hydroxide ເຊິ່ງເປັນແຮ່ທາດທີ່ຢູ່ຕາມທຳມະຊາດ

ຈາກນັ້ນນຳທ່ານເດີນທາງສູ່ ເມືອງ Furano ຟູຣາໂນະ ໄລຍະທາງ 37 ກມ. ໃຊ້ເວລາໃນການເດີນທາງ 50 ນາທີ ຟູຣາໂນະ ເປັນໜຶ່ງໃນເມືອງຊື່ດັງຂອງຮອກໄກໂດເລີຍກໍວ່າໄດ້ ເມືອງນີ້ເປັນຈຸດໝາຍປາຍທາງທີ່ນິຍົມຂອງນັກທ່ອງທ່ຽວໃນການຊົມທົ່ງລາເວນເດີ ແລະ ການຫຼິ້ນສະກີໃນລະດູໜາວ ເປັນເມືອງທີ່ອາກາດເຢັນສະບາຍຕະຫຼອດປີ ໃນລະດູຮ້ອນສະຖານທີ່ທ່ອງທ່ຽວທີ່ນິຍົມທີ່ສຸດແມ່ນ ຟາມໂທມິຕະ ໃນຕາແສງນາກະຟູຣາໂນະ ເຊິ່ງເປັນຟາມປູກລາເວນເດີທີ່ໃຫຍ່ ແລະ ອ້ອມຮອບໄປດ້ວຍດອກລາເວນເດີສຸດສາຍຕາ ສ່ວນລະດູໜາວ ລານສະກີຢູ່ນີ້ກໍເປັນທີ່ນິຍົມບໍ່ແພ້ເມືອງໃດໃນຮອກໄກໂດເລີຍ

ຊ່ວງບ່າຍ ນຳທ່ານຊົມ ແລະ ຊີມໝາກໄມ້ທີ່ຂຶ້ນຊື່ທີ່ສຸດຂອງເມືອງຟູຣາໂນະ ນັ້ນກໍຄື ເມລອນ ທີ່ Tomita Melon House ເປັນຜົນຜະລິດຈາກຟາມໂທມິຕະ ແລະ ຢູ່ນີ້ມີຜະລິດຕະພັນທີ່ເຮັດມາຈາກເມລອນຫຼວງຫຼາຍ ບໍ່ວ່າຈະເປັນ ເມລອນສົດ, ກະແລັມເມລອນ ແລະ ເຂົ້າໜົມທີ່ເຮັດຈາກເມລອນອີກຫຼາຍຊະນິດ

ແລະ ໃນລະດູຮ້ອນ ແລະ ລະດູໃບໄມ້ປົ່ງ Farm Tomita ເປັນຈຸດຊົມດອກລາເວນເດີທີ່ດີທີ່ສຸດຂອງເມືອງນີ້ເລີຍ

ຈາກນັ້ນນຳທ່ານຍ່າງຫຼິ້ນຊັອບປິ້ງສິນຄ້າໜ້າຮັກໆ ທີ່ Ningle Terrace ເປັນຕູບໄມ້ທີ່ມີສິນຄ້າວາງສະແດງ ແລະ ຂາຍເຄື່ອງຫັດຖະກຳແບບດັ້ງເດີມຂອງຍີ່ປຸ່ນ ປະດັບຕົກແຕ່ງດ້ວຍດອກໄຟງົດງາມ ບັນຍາກາດໜ້າຮັກ ແລະ ອົບອຸ່ນສຸດໆ

hotel ພັກແຮມ Furano

ຕອນເຊົ້າລຸຍຫິມະຢ່າງເຕັມທີ່ເຄິ່ງມື້ ໃຫ້ທ່ານໄດ້ອິດສະຫຼະກັບກິດຈະກຳລະດູໜາວ ທີ່ Furano ski resort ສະກີຣີສອດມີກິດຈະກຳຫຼວງຫຼາຍໃຫ້ທ່ານໄດ້ເລືອກມ່ວນຊື່ນ ຄ່າເຊົ່າອຸປະກອນຕ່າງໆ ສະກີ 5,500 ເຢນ ບອດ 5,500 ເຢນ ຊຸດ 5,300 ເຢນ ສ່ວນຄ່າເຂົ້າຊົມແມ່ນ 3 ຊົ່ວໂມງ 4,000 ເຢນ 5 ຊົ່ວໂມງ 4,800 ເຢນ ໝົດມື້ 5,500 ເຢນ

ກ່ອນຈະເດີນທາງເຂົ້າເມືອງຊັບໂປໂຣ ພາທ່ານແວ່ກິນເຂົ້າໜົມຊີສເຄັກຊື່ດັງທີ່ຮ້ານ Furano Delice ບອກໄດ້ເລີຍວ່າຊີສເຄັກຢູ່ນີ້ບໍ່ຄືບ່ອນອື່ນແນ່ນອນ ເພິ່ນວ່າກັນວ່າແຊບຂັ້ນປໍຣະມາຈານຂອງຊີສເຄັກຕົ້ນຕຳລັບຂອງຊີສເຄັກຮອກໄກໂດເລີຍກໍວ່າໄດ້

ຈາກນັ້ນພາທ່ານເດີນທາງສູ່ເມືອງ ຊັບໂປໂຣ ໄລຍະທາງ 115 ກມ. ໃຊ້ເວລາໃນການເດີນທາງ 1 ຊົ່ວໂມງ 50 ນາທີ ຊັບໂປໂຣເປັນເມືອງທີ່ມີປະຊາກອນຫຼາຍເປັນອັນດັບ 5 ຂອງຍີ່ປຸ່ນ ຮອງຈາກໂຕກຽວ ໂຢໂກຮາມາ ໂອຊາກາ ແລະ ຍັງເປັນສູນກາງຂອງແຂວງຮອກໄກໂດອີກດ້ວຍ

ເດີນທາງຮອດເມືອງຊັບໂປໂຣກໍຈະເລີ່ມແລງແລ້ວ ພາທ່ານຊົມບັນຍາກາດຍາມຄ່ຳຄືນທີ່ເມືອງໃກ້ໆ ຊັບໂປໂຣ ນັ້ນກໍຄື ໂອຕາຣຸ Otaru ເຊິ່ງເປັນເມືອງທີ່ໂຣແມນຕິກທີ່ສຸດໃນແຖບນີ້ເລີຍກໍວ່າໄດ້

hotel ພັກແຮມ Sapporo

ຕອນເຊົ້າພາທ່ານເດີນທາງສູ່ ເມືອງ Noboribetsu ໂນໂບຣິເບັດສຶ ເປັນເມືອງຕາກອາກາດທີ່ມີຊື່ສຽງແຫ່ງໜຶ່ງຂອງເກາະຮອກໄກໂດ ຕັ້ງຢູ່ທາງຕາເວັນຕົກສຽງໃຕ້ຂອງເມືອງຊັບໂປໂຣ, ໂນໂບຣິເບັດສຶ ເປັນເມືອງທີ່ມີແຫຼ່ງນ້ຳພຸຮ້ອນທີ່ມີຊື່ສຽງຂອງເກາະຮອກໄກໂດ ແລະ ສິ່ງທີ່ເຮັດໃຫ້ຄົນໄທເລີ່ມຮູ້ຈັກເມືອງນີ້ກັນຫຼາຍຂຶ້ນ ກໍຄືເມືອງນີ້ເປັນສະຖານທີ່ຖ່າຍທຳສາກສຸດໜ້າຮັກ ຂອງໜັງເລື່ອງ “ແຟນເດ ແຟນກັນແຄ່ວັນດຽວ” ຈຶ່ງເຮັດໃຫ້ຫຼາຍຄົນຢາກທ່ຽວຕາມຮອຍ

ສະຖານທີ່ທຳອິດທີ່ຈະພາທ່ານໄປ ນັ້ນກໍຄື ຮ່ອມພູນະລົກ Jigokudani ເປັນຕົ້ນກຳເນີດຂອງໂນໂບຣິເບັດສຶອອນເຊັນອັນຊື່ດັງ ພາທ່ານຊົມຄວາມສວຍງາມທີ່ເບິ່ງແປກຕາ ຮ່ອມພູສີສົ້ມສີນ້ຳຕານຖືກປົກຄຸມໄປດ້ວຍຫິມະສີຂາວເຕັມໄປໝົດ ຕະຫຼອດທາງຍ່າງທີ່ທ່ານຍ່າງສຳຫຼວດ ຈະມີຄວັນບາງໆ ລອຍຢູ່ເປັນໄລຍະໆ ຄວັນນັ້ນເກີດຈາກນ້ຳພຸຮ້ອນທີ່ປະທຸຢູ່ຕະຫຼອດເວລາ ທີ່ເບິ່ງຄືຄວັນຈາກນະລົກ ຈຶ່ງເຮັດໃຫ້ບ່ອນນີ້ໄດ້ຊື່ວ່າ ຮ່ອມພູນະລົກ ນັ້ນເອງ

ແນະນຳໃຫ້ທ່ານຊອກອາຫານສວາຍກິນກັນກ່ອນ ທີ່ບໍລິເວນໜ້າທາງເຂົ້າ ຮ່ອມພູນະລົກ ຈະມີຮ້ານອາຫານ ຮ້ານຂອງຕ້ອນໃຫ້ທ່ານໄດ້ຍ່າງຫຼິ້ນຊົມສິນຄ້າ ຮ້ານອາຫານແນະນຳ Onsen Ichiba ຮ້ານອາຫານທະເລຕັກກັນສົດໆ ຈາກຕູ້ , Sugi Bee Garden ຮ້ານຂາຍນ້ຳເຜິ້ງຊູງິ ທີ່ເປັນນ້ຳເຜິ້ງຄັດສັນຈາກຄຸນນະພາບແທ້ໆ ແຕ່ທີເດັດຂອງບ່ອນນີ້ແມ່ນກະແລັມຮາດນ້ຳເຜິ້ງ

ຕອນບ່າຍພວກເຮົາຍັງຢູ່ທີ່ເມືອງ ໂນໂບຣິເບັດສຶ ກັນຢູ່ ພາທ່ານຊົມ ສວນນ້ອງໝີ Noboribetsu Bear Park ພາທ່ານຂຶ້ນກະເຊົ້າໄປຍັງຍອດພູ Shihorei ເຊິ່ງຢູ່ທີ່ຄວາມສູງ 550 ແມັດຈາກລະດັບນ້ຳທະເລ ເພື່ອຊົມນ້ອງໝີ ທາງໃນມີນ້ອງໝີຢູ່ເປັນຈຳນວນຫຼາຍຄອຍຖ້າໃຫ້ພວກເຮົາໄປສຳຜັດກັບຄວາມຮັກຂອງນ້ອງໆ ຢູ່ ເຖິງແມ່ນວ່າຢູ່ນີ້ຈະເປັນສວນສັດທີ່ລ້ຽງແບບປິດ ແຕ່ນ້ອງໝີກໍຢູ່ກັບສະພາບແວດລ້ອມທີ່ເປັນທຳມະຊາດ ແລະ ນ້ອງເບິ່ງມີຄວາມສຸກກັນຫຼາຍໆ ຄ່າເຂົ້າຊົມສຳລັບຜູ້ໃຫຍ່ລາຄາ 2,592 ເຢນ ແລະ ມີລາຄາພິເສດສຳລັບເດັກນ້ອຍ

ຈາກນັ້ນ ພາທ່ານເດີນທາງກັບສູ່ເມືອງຊັບໂປໂຣ

hotel ພັກແຮມ Sapporo

ຕອນເຊົ້າພາທ່ານເດີນທາງສູ່ ຕະຫຼາດປາໂຈໄກອິຈິບະ Jogai Market ເປັນຕະຫຼາດອາຫານທະເລທີ່ໃຫຍ່ທີ່ສຸດໃນຊັບໂປໂຣ ແລະ ຍັງເປັນຕະຫຼາດທີ່ລວມລົດຊາດຄວາມສົດແຊບຂອງຮອກໄກໂດໄວ້ຢູ່ນີ້ຫຼາຍທີ່ສຸດ ໃນທຸກໆ ເຊົ້າພໍ່ຄ້າແມ່ຄ້າຈະມີຜັກສົດໆ ປາສົດໆ ອອກມາຈຳໜ່າຍແບບສົດໃໝ່ທຸກມື້ ປາທີ່ຈັບໄດ້ໃນແຕ່ລະມື້ກໍຈະນຳມາຂາຍທີ່ຕະຫຼາດນີ້ແຫຼະ ທີ່ສຳຄັນທຸກຢ່າງຢູ່ນີ້ລາຄານ່າຮັກຫຼາຍໆ ມື້ນີ້ຕ້ອງອອກແຕ່ເຊົ້າແດ່ ເພາະຕະຫຼາດແຫ່ງນີ້ເປີດ 05:00 - 11:00

ຈາກນັ້ນພາທ່ານຊົມສວນໂອດໍຣິ Odori Park ເປັນສວນສາທາລະນະຂະໜາດໃຫຍ່ທີ່ມີເຫຼົ່າພັນໄມ້ ແລະ ແປງດອກໄມ້ແຕ່ງແຕ້ມສີສັນຕະຫຼອດທຸກລະດູການ ເປັນບ່ອນພັກຜ່ອນຢ່ອນໃຈຂອງຊາວເມືອງຊັບໂປໂຣ ໃນລະດູໃບໄມ້ປົ່ງມີບຸນເທສະການດອກໄລແລັກ ລະດູຮ້ອນມີບຸນເທສະການ YOSAKOI ໂຊຣັນ ແລະ ເບຍກາເດັນ ລະດູໃບໄມ້ຫຼົ່ນມີບຸນເທສະການອໍທັມເຟສ ເຊິ່ງຮວບຮວມເອົາອາຫານຂອງຮອກໄກໂດມາໄວ້ ແລະ ໃນລະດູໜາວມີບຸນເທສະການຫິມະ ເຊິ່ງພັດທະນາມາເປັນເທສະການລະດັບໂລກ

ໃຫ້ທ່ານໄດ້ຊັອບປິ້ງອິດສະຫຼະທີ່ ຍ່ານຊັອບປິ້ງທານູຄິໂຄຈິ Tanukikoji Shopping Street ຍ່ານຊັອບປິ້ງຊື່ດັງຂອງເມືອງຊັບໂປໂຣ ທີ່ເປັນຮ່ອມຊັອບປິ້ງຍາວ ປະມານ 1 ກິໂລແມັດ ມີຮ້ານຄ້າລຽງລາຍຢູ່ທັງສອງຝັ່ງ ຍາວໄປຈົນຮອດແມ່ນ້ຳ Sosei ຕະຫຼາດແຫ່ງນີ້ເປີດມາດົນກວ່າຮ້ອຍປີແລ້ວ ເຖິງຈະເກົ່າແຕ່ຮ້ານຄ້າຢູ່ນີ້ມີແຕ່ຂອງທັນສະໄໝ ຊັອບເພີນສຸດໆ ເລີຍລະ

ຫາກທ່ານຍັງຊັອບບໍ່ຈຸໃຈ ພາທ່ານຊັອບປິ້ງກັນຕໍ່ທີ່ ຍ່ານຊູຊູກິໂນະ Susukino ເປັນຍ່ານບັນເທີງທີ່ໃຫຍ່ທີ່ສຸດໃນຊັບໂປໂຣ ຢູ່ບໍ່ໄກຈາກຍ່ານທານູກິໂຄຈິປານໃດ ຈຸດເດັ່ນຂອງຍ່ານນີ້ແມ່ນປ້າຍໄຟໂຄສະນາ KIRIN ຂະໜາດໃຫຍ່ທີ່ເປັນແລນມາກ ຄືກັນກັບປ້າຍໂຄສະນາກູຣິໂກະທີ່ໂອຊາກາເລີຍ ທ່ານສາມາດຢູ່ຍ່ານນີ້ເພື່ອຊົມແສງສີຍາມຄ່ຳຄືນຂອງຊັບໂປໂຣໄດ້ ຫຼື ທ່ານຈະເລືອກໄປຊົມວິວເມືອງຊັບໂປໂຣຈາກມຸມສູງ

ພວກເຮົາພາທ່ານໄປຈຸດຊົມວິວ ໂອຄຸຣາຍາມະ Okurayama Observatory ຈຸດຊົມວິວແຫ່ງນີ້ນັບວ່າເປັນອີກໜຶ່ງໃນສະຖານທີ່ທີ່ໜ້າສົນໃຈ ແລະ ໄດ້ຮັບຄວາມນິຍົມຈາກບັນດານັກທ່ອງທ່ຽວ ແລະ ນັກຫຼິ້ນສະກີເປັນຢ່າງຫຼາຍ ໃຫ້ທ່ານໄດ້ເພີດເພີນກັບວິວມຸມສູງຂອງຊັບໂປໂຣ ເກັບພາບ ແລະ ຊົມບັນຍາກາດຈົນໜຳໃຈ ຈາກນັ້ນພາທ່ານສົ່ງໂຮງແຮມເພື່ອພັກຜ່ອນ

hotel ພັກແຮມ Sapporo

ຕອນເຊົ້າພາທ່ານ ສັກກາລະ ສານເຈົ້າປະຈຳເມືອງຮອກໄກໂດ Mikado Shrine ເປັນສານເຈົ້າທີ່ມີຄວາມສຳຄັນຂອງພາກພື້ນຮອກໄກໂດ ຕັ້ງຢູ່ຕິດກັບສວນມາຣຸຍາມະ ສ້າງມາຕັ້ງແຕ່ປີ ຄ.ສ. 1871 ສານເຈົ້າແຫ່ງນີ້ມີເທບປະທັບຢູ່ທັງໝົດ 4 ອົງ ເພື່ອປົກຄອງຊາວຊັບໂປໂຣ ແລະ ຮອກໄກໂດ

ຈາກນັ້ນພາທ່ານອອກເດີນທາງສູ່ ເມືອງນິເຊໂກະ Niseko ເມືອງນ້ອຍໃກ້ຊັບໂປໂຣອອກໄປທາງພາກໃຕ້ຂອງເກາະຮອກໄກໂດ ເມືອງນີ້ໄດ້ຂຶ້ນຊື່ວ່າເປັນເມືອງທີ່ມີຫິມະຄຸນນະພາບດີທີ່ສຸດໃນຍີ່ປຸ່ນ ຈຶ່ງເຮັດໃຫ້ນັກທ່ອງທ່ຽວເດີນທາງມາຫຼິ້ນສະກີກັນເປັນຈຳນວນຫຼາຍ ພາທ່ານເຮັດກິດຈະກຳທ້າຄວາມໜາວ ຫຼິ້ນຫິມະຂາວລະອຽດດັ່ງປຸຍແປ້ງ ທີ່ NISEKO Grand HIRAFU (ຫາກທ່ານຕ້ອງການຄ້າງຄືນຢູ່ນີ້ດ້ວຍໃຫ້ແຈ້ງລ່ວງໜ້າ) ພວກເຮົາໃຊ້ເວລາຢູ່ນີ້ເກືອບໝົດມື້

ຫາກເວລາເຫຼືອພາທ່ານເກັບພາບຄວາມໜ້າຮັກໃນຕົວເມືອງ ກ່ອນທີ່ຈະກັບສູ່ເມືອງຊັບໂປໂຣ

hotel ພັກແຮມ Sapporo or Niseko

ຕອນເຊົ້າພາທ່ານເຂົ້າຊົມ ມະຫາວິທະຍາໄລ Hokkaido University ເປັນໜຶ່ງໃນມະຫາວິທະຍາໄລຊັ້ນນຳໃນປະເທດ ສ້າງຕັ້ງຂຶ້ນເມື່ອ ຄ.ສ. 1876

ຈາກນັ້ນກ່ອນສົ່ງທ່ານທີ່ສະໜາມບິນພາທ່ານແວ່ຊັອບປິ້ງ ຂອງຖືກລາຄາໂຮງງານທີ່ ມິດສຸຍ ເອົາເລັດ Mitsui Outlet Park Sapporo-Kitahiroshima ແຫຼ່ງລວມສິນຄ້າແບຣນເນມຫຼວງຫຼາຍຫຼຸດສູງສຸດເຖິງ 70% ນອກຈາກສິນຄ້າແບຣນເນມ ຢູ່ນີ້ຍັງມີຮ້ານອາຫານ ເຂົ້າໜົມ ຂອງຕ້ອນຫຼວງຫຼາຍ ເໝາະກັບເປັນສະຖານທີ່ແວ່ກ່ອນເດີນທາງກັບບ້ານເຮົາແທ້ໆ

ນຳສົ່ງທ່ານທີ່ສະໜາມບິນກ່ອນເວລາ 3 ຊົ່ວໂມງເພື່ອເດີນທາງກັບບາງກອກໂດຍສະຫວັດດິພາບ ແລະ ຄວາມປະທັບໃຈ