ທົວສ່ວນຕົວຍີ່ປຸ່ນ (JPN008) ເກາະໃຕ້ຄິວຊູ ຟຸກຸໂອກະ - ເບັບປຸ

ລໍຖ້າຮັບທ່ານທີ່ສະໜາມບິນ Fukuoka Airport ຕາມເວລາທີ່ກຳນົດ

ຈາກນັ້ນນຳທ່ານເດີນທາງສູ່ ສານເຈົ້າດາໄຊຟູເທັມມັງກູ Dazaifu Tenmangu ວັດຊິນໂຕເກົ່າແກ່ທີ່ມີຊື່ສຽງທີ່ສຸດຂອງແຂວງຟູກູໂອກະ ຖືວ່າຢູ່ນີ້ເປັນສັນຍະລັກຂອງເມືອງຟູກູໂອກະ ແລະ ພູມິພາກຄິວຊູເລີຍກໍວ່າໄດ້ ສານເຈົ້າແຫ່ງນີ້ເປັນບ່ອນສະຖິດຂອງເທບພະເຈົ້າແຫ່ງຄວາມຮູ້ ນັ້ນກໍຄື ຊູກາວາຣະ ໂນະ ມິຈິຊາເນະ ມິຈິຊາເນະເປັນນັກວິຊາການ ນັກການເມືອງ ທັງຍັງເປັນນັກຂຽນທີ່ສະຫຼາດຫຼັກແຫຼມ ດ້ວຍເຫດນີ້ເພິ່ນຈຶ່ງໄດ້ຮັບຄວາມເຊື່ອຖືຈາກຄົນຢີ່ປຸ່ນຈຳນວນຫຼາຍ ແລະ ເປັນທີ່ຮູ້ຈັກໄປທົ່ວປະເທດໃນຊ່ວງ ຄ.ສ. 800 - 900 ຈຶ່ງເຮັດໃຫ້ສານເຈົ້າແຫ່ງນີ້ ເປັນທີ່ຍອດນິຍົມຂອງ ນັກຮຽນ ນັກສຶກສາມາກາບໄຫວ້ຂໍພອນກ່ຽວກັບເລື່ອງການສຶກສາ ພາຍໃນວັດມີສາມຈຸດໜ້າສົນໃຈ ໄດ້ແກ່ ຮູບປັ້ນງົວຂອງເພິ່ນມິຈິຊາເນະ, ຂົວຂ້າມ ໜອງຊິນຈິອິເກະ ເພື່ອຊຳລະຮ່າງກາຍໃຫ້ບໍລິສຸດ, ປະຕູໂຣມົງປະຕູໃຫຍ່ເກົ່າແກ່ປະຈຳວັດ

ຕອນບ່າຍນຳທ່ານເດີນທາງ 105 ກມ. ສູ່ເມືອງ Yufuin ຢູຟູອິນ ເປັນເມືອງນ້ອຍໜ້າຮັກ ເດີນທາງສະດວກສະບາຍເໝາະກັບນັກທ່ອງທ່ຽວ ເມືອງຢູຟູອິນຕັ້ງຢູ່ກາງຮຸບເຂົາໃນແຂວງໂອອິຕະ Oita ເປັນເມືອງທີ່ຂຶ້ນຊື່ເລື່ອງຂອງກິນ ແລະ ບັນຍາກາດແຄມທະເລສາບ ນັ້ນກໍຄືທະເລສາບຄິນຣິນ Kinrin Lake

ນຳທ່ານຍ່າງຫຼິ້ນທີ່ ຢູໂນະຊຶໂບະ ໄຄໂດ Yunotsubo Street ຢູ່ນີ້ເປັນຖະໜົນສາຍນ້ອຍໆທີ່ອົບອວນໄປດ້ວຍບັນຍາກາດຢີ່ປຸ່ນສະໄໝບູຮານ ສອງຂ້າງທາງລຽງລາຍໄປດ້ວຍຮ້ານຄ້າຂອງຝາກຫຼວງຫຼາຍ ລະຫວ່າງທາງຍ່າງມີມຸມທີ່ທ່ານຈະໄດ້ເຫັນວິວງາມໆຂອງເມືອງຢູຟູອິນອີກດ້ວຍ ແນະນຳທ່ານຢ່າລືມແວ່ Totoro Ghibli House ຮ້ານລວມສິນຄ້າຈາກ ອານິເມະຂອງ Ghibli Studio ລວມໄປເຖິງເຈົ້າ ໂທໂທໂຣ່ນຳ

ໄດ້ເວລາອັນສົມຄວນ ກ່ອນທີ່ແສງຕາເວັນຈະລາລັບ ນຳທ່ານຊົມບັນຍາກາດຕາເວັນຕົກດິນທີ່ ແຄມທະເລສາບ Kinrin Lake ຈຸດເດັ່ນຂອງທະເລສາບແຫ່ງນີ້ຄືຄວັນຈາກນ້ຳພຸຮ້ອນລອຍຢູ່ເໜືອຜິວນ້ຳໃສໆຂອງທະເລສາບ (ຈະມີຄວັນຈາກນ້ຳພຸຮ້ອນໃຫ້ເຫັນສະເພາະຊ່ວງລະດູໜາວ ແລະ ລະດູໃບໄມ້ຫຼົ່ນ) ດ້ວຍບັນຍາກາດທີ່ສວຍງາມຂອງທະເລສາບ ຈຶ່ງເຮັດໃຫ້ເປັນສະຖານທີ່ທ່ອງທ່ຽວທີ່ມີຊື່ສຽງອີກໜຶ່ງແຫ່ງຂອງເມືອງ ຢູຟູອິນ

hotel ພັກແຮມ Yufuin

ຕອນເຊົ້າພວກເຮົາຍັງທ່ອງທ່ຽວກັນຢູ່ທີ່ເມືອງຢູຟຸອິນ ພາທ່ານເດີນທາງສູ່ໂລກແຫ່ງເທບນິຍາຍທີ່ ໝູ່ບ້ານດອກໄມ້ Yufuin Floral Village ພາຍໃນໝູ່ບ້ານມີມຸມໜ້າຮັກໆ ໃຫ້ທ່ານໄດ້ຖ່າຍຮູບຢ່າງຫຼວງຫຼາຍ ເນື່ອງຈາກຮ້ານຄ້າ ແລະ ເຮືອນຊານຕ່າງໆ ຢູ່ນີ້ໄດ້ຮັບການຕົກແຕ່ງດ້ວຍດອກໄມ້ຢ່າງຫຼວງຫຼາຍ ໃຫ້ອິດສະຫຼະທ່ານເພີດເພີນໄປກັບບັນຍາກາດຂອງໝູ່ບ້ານ

ຈາກນັ້ນ ພາທ່ານເດີນທາງສູ່ເມືອງເບັບປຸ Beppu ເຊິ່ງຫ່າງຈາກເມືອງຢູຟຸອິນ ພຽງ 20 ກມ. ເມືອງເບັບປຸເປັນເມືອງພັກຜ່ອນນ້ອຍໆ ທີ່ເໝາະກັບທຸກໄວ ແລະ ຍັງເປັນເມືອງທີ່ຂຶ້ນຊື່ເລື່ອງອອນເຊັນ ທ່ານສາມາດເດີນທາງທ່ອງທ່ຽວທີ່ເມືອງເບັບປຸ ໄດ້ຕະຫຼອດປີ ເພາະເມືອງແຫ່ງນີ້ມີສະຖານທີ່ທ່ອງທ່ຽວໂດດເດັ່ນຫຼາຍແຫ່ງ ຕັ້ງແຕ່ບໍ່ນ້ຳພຸຮ້ອນ, ອອນເຊັນ ແລະ ຫາດຊາຍ

ພາທ່ານທ່ຽວບໍ່ນະລົກຮ້ອນທັງແປດ ເບັບປຸເປັນເມືອງທີ່ມີບໍ່ນ້ຳພຸຮ້ອນທຳມະຊາດຫຼາຍທີ່ສຸດໃນຍີ່ປຸ່ນ ປະກອບມີ Umi Jigoku (ບໍ່ສີຟ້າສົດ), Oniishibozu Jigoku (ບໍ່ສີຂີ້ຕົມ), Shiraike Jigoku (ບໍ່ສີເງິນ), Kamado Jigoku (ບໍ່ເຕົາອົບນະລົກ), Oniyama Jigoku (ບໍ່ນະລົກແຂ້), Yama Jigoku (ບໍ່ຂີ້ຕົມຫີນ) ແຕ່ອີກ 2 ບໍ່ ແມ່ນຢູ່ໃນເຂດຊິບາເຊກິ Shibaseki ນັ້ນກໍຄື ບໍ່ Chinoike Jigoku (ບໍ່ສີແດງ) ແລະ Tatsumaki Jigoku (ບໍ່ນ້ຳພຸລະເບີດ) ຕັ້ງຢູ່ບໍ່ໄກກັນປານໃດ ໂດຍແຕ່ລະບໍ່ຈະມີລັກສະນະໂດດເດັ່ນ ແລະ ສີສັນທີ່ແຕກຕ່າງກັນອອກໄປ ຄ່າເຂົ້າຊົມທັງ 8 ບໍ່ ລາຄາສຳລັບຜູ້ໃຫຍ່ແມ່ນ 2,100 ຢຽນ, ແຕ່ຖ້າຫາກແຍກຊົມຈະຢູ່ທີ່ບໍ່ລະ 400 ຢຽນ

ຫາກເວລາຍັງເຫຼືອ ພາທ່ານຊົມສວນ Beppu Park ເປັນສວນທີ່ເຕັມໄປດ້ວຍຕົ້ນໄມ້ນານາພັນ ໃນລະດູຊົມດອກຊາກຸຣະ ສວນແຫ່ງນີ້ແມ່ນອີກໜຶ່ງບ່ອນທີ່ນັກທ່ອງທ່ຽວ ແລະ ຄົນໃນເມືອງເບັບປຸ ນິຍົມມາຊົມດອກຊາກຸຣະກັນທີ່ສວນແຫ່ງນີ້

ຈາກນັ້ນ ເດີນທາງກັບສູ່ເມືອງຢູຟຸອິນ ເພື່ອພັກຄ້າງຄືນອີກໜຶ່ງຄືນ

hotel ພັກແຮມ Yufuin

ຕອນເຊົ້າພາທ່ານເດີນທາງສູ່ເມືອງອາໂສະ Aso ເຊິ່ງເປັນເມືອງທີ່ຕັ້ງຢູ່ໃນແຂວງຄຸມາໂມໂຕ ປະເທດຍີ່ປຸ່ນ ເປັນເມືອງທີ່ອຸດົມສົມບູນໄປດ້ວຍທຳມະຊາດ ເປັນເມືອງທີ່ນັກທ່ອງທ່ຽວນິຍົມຂັບລົດທ່ອງທ່ຽວກັນ ຍ້ອນວ່າຕະຫຼອດທາງມີວິວທີ່ສວຍງາມ ແລະ ມີເສັ້ນທາງຊື່ດັງ ນັ້ນກໍຄື ເສັ້ນທາງມິລຄ໌ໂຣດ Aso Milk Road ລະຫວ່າງທາງໄປສະຖານທີ່ຕ່າງໆ ຈະມີຈຸດຊົມວິວນ້ອຍໆ ທີ່ໜ້າສົນໃຈ ຫາກທ່ານຕ້ອງການແວ່ຖ່າຍຮູບກໍສາມາດແຈ້ງຄົນຂັບລົດໄດ້ເລີຍ

ຈາກນັ້ນ ພາທ່ານເດີນທາງສູ່ຈຸດຊົມວິວທີ່ດີທີ່ສຸດຂອງເມືອງນີ້ ຈຸດຊົມວິວໄດຄັນໂບ Daikanbo ພວກເຮົາສາມາດຊົມວິວພູເຂົາໄຟ Aso ໄດ້ຈາກຈຸດຊົມວິວນີ້ ລວມທັງອີກ 5 ຍອດພູແຫ່ງອາໂສະໄດ້ອີກດ້ວຍ ທີ່ຈຸດຊົມວິວນີ້ຍັງມີຮ້ານຄ້າ ແລະ ຮ້ານອາຫານຄອຍໃຫ້ບໍລິການນັກທ່ອງທ່ຽວນຳອີກ

ເດີນທາງຕໍ່ໄປທາງທິດໃຕ້ ພາທ່ານໄປຍັງ ຄຸຊາເຊັນຣິ Kusasenri ເດີ່ນຫຍ້າກວ້າງໃຫຍ່ທີ່ມີສາກຫຼັງເປັນພູເຂົາ ບອກໄດ້ເລີຍວ່າພວກເຮົາຈະໄດ້ເຫັນຄວາມຍິ່ງໃຫຍ່ອະລັງການຂອງພູເຂົາທັງໜ່ວຍໄດ້ຈາກບ່ອນນີ້ ບັນຍາກາດຄືກັບເສັ້ນທາງແຖວນອກແວແນວໃດແນວນັ້ນ

ຈາກນັ້ນ ພາທ່ານທ່ຽວທີ່ທີມພາກ ອາໂສະຟາມແລນ Aso Farm Land ທີ່ເປັນຣີສອດສຸດໜ້າຮັກຕັ້ງຢູ່ເທິງຍອດພູສູງ 1,800 ຟຸດ ພາຍໃນຖືກແບ່ງອອກເປັນ 3 ໂຊນ ໄດ້ແກ່ Village Zone, Royal Zone ແລະ Dream Zone ຄ່າເຂົ້າຊົມຟຣີ ແຕ່ຈະເສຍຄ່າໃຊ້ຈ່າຍໃນເຄື່ອງຫຼິ້ນບາງຢ່າງ

ຈາກນັ້ນ ເດີນທາງກັບສູ່ເມືອງຟຸກຸໂອກະ ໄລຍະທາງ 135 ກມ. ໃຊ້ເວລາເດີນທາງປະມານ 2 ຊົ່ວໂມງ

hotel ພັກແຮມ ຟຸກຸໂອກະ

ຕອນເຊົ້າເດີນທາງທ່ອງທ່ຽວໃນຕົວເມືອງຟຸກຸໂອກະ ພາທ່ານໄປເກັບສະຕໍເບີຣີສົດໆ ຫວານໆ ຈາກຕົ້ນ ທີ່ຟາມສະຕໍເບີຣີ Chikushino strawberry farm ຫາກໃນໄລຍະທີ່ທ່ານເດີນທາງ ບໍ່ມີລະດູການຂອງສະຕໍເບີຣີ ກໍສາມາດປ່ຽນໂປຣແກຣມໄດ້

ພາທ່ານໄຫວ້ອງຄ໌ພະນອນເຮັດດ້ວຍທອງສຳລິດຂະໜາດໃຫຍ່ທີ່ສຸດໃນໂລກທີ່ ວັດນັນໂຊອິນ Nanzoin temple ຂະໜາດຂອງອົງພະນອນຍາວ 41 ແມັດ, ສູງ 11 ແມັດ ແລະ ມີນ້ຳໜັກ 300 ໂຕນ ຫຼາຍຄົນມັກໄປຂໍພອນດ້ານໂຊກລາບ

ຈາກນັ້ນ ພາທ່ານເດີນທາງສູ່ ພິພິທະພັນສັດນ້ຳອຸມິໂນະນາກາມິຈິ Marine World Uminonakamichi ໃຫ້ທ່ານໄດ້ເພີດເພີນໄປກັບປາ ແລະ ສັດນ້ຳກວ່າ 20,000 ໂຕ ລວມ 450 ສາຍພັນທີ່ພິພິທະພັນສັດນ້ຳ ແລະ ໂຊໃຫ້ອາຫານປາໃຕ້ນ້ຳ ພ້ອມທັງທ່ານສາມາດລອງໃຫ້ອາຫານສັດນ້ຳໄດ້ດ້ວຍຕົນເອງ ນອກຈາກໂຊໃຫ້ອາຫານປາໃຕ້ນ້ຳແລ້ວ ພິພິທະພັນຍັງມີກິດຈະກຳອື່ນໆ ທີ່ໜ້າສົນໃຈອີກຫຼາຍຢ່າງ ເຊັ່ນ: ໂຊປາໂລມາ, ລອງສຳຜັດປາດາວ ແລະ ໂຊສິງໂຕທະເລ

ຈາກນັ້ນ ພາທ່ານຊັອບປິ້ງທີ່ຫ້າງ ຄາແນວຊິຕີ້ ເຊິ່ງເປັນແຫຼ່ງຊັອບປິ້ງຂະໜາດໃຫຍ່ຕັ້ງຢູ່ໃຈກາງເມືອງຟຸກຸໂອກະ ພາຍໃນມີຮ້ານຄ້າແບຣນເນມຫຼວງຫຼາຍ ລວມໄປເຖິງຮ້ານອາຫານ, ໂຮງຮູບເງົາ ໃຫ້ອິດສະຫຼະທ່ານໄດ້ຊັອບປິ້ງ

ຈາກນັ້ນ ພາທ່ານໄປຊົມວິວມຸມສູງຂອງເມືອງຟຸກຸໂອກະກັນທີ່ ຟຸກຸໂອກະທາວເວີ Fukuoka Tower ຫໍຄອຍສູງ 234 ແມັດ ຕັ້ງຢູ່ໃນຍ່ານໂມໂມຈິຮາມະ ໃນເມືອງຟຸກຸໂອກະ ເປັນຫໍຄອຍແຄມທະເລທີ່ສູງທີ່ສຸດໃນຍີ່ປຸ່ນ ສ້າງສຳເລັດເມື່ອ ພ.ສ. 2532 ທ່ານຈະສາມາດຊົມວິວແບບ 360 ອົງສາ ໄດ້ຈາກຫໍຄອຍແຫ່ງນີ້ ຄ່າເຂົ້າຊົມແມ່ນ 800 ຢຽນ ຕໍ່ທ່ານ

hotel ພັກແຮມ ຟຸກຸໂອກະ

ຕອນເຊົ້າພາທ່ານຊົມ ວັດໂທໂຊຈິ Tochoji Temple ຫຼື ຫຼາຍຄົນຮູ້ຈັກກັນໃນຊື່ ນັງກາຄຸຊັນ Nangakuzan ວັດນີ້ຖືກສ້າງຂຶ້ນເມື່ອປີ ຄ.ສ. 806 ຫຼື ໃນສະໄໝເຮອັນ ໂດຍ ໂຄໂບໄດຈິ ພຣະສົງຊື່ດັງໃນຍຸກນັ້ນ ຈຸດເດັ່ນຂອງວັດນີ້ແມ່ນ ມີເຈດີສີແດງສູງ 5 ຊັ້ນ ນອກຈາກນັ້ນຍັງມີ ຫໍໄມ້ບູຮານຊົງຫົກຫຼ່ຽມ ທີ່ຖືກສ້າງຂຶ້ນໃນປີ 1992

ຕອນບ່າຍພາທ່ານຊັອບປິ້ງທີ່ ໂທຊຸ ພຣີມຽມ ເອົາທ໌ເລັດ Tosu Premium Outlets ຕັ້ງຢູ່ທີ່ເມືອງໂທຊຸ ທາງພາກຕາເວັນອອກຂອງເກາະຄິວຊູ ບ່ອນນີ້ຖືວ່າເປັນແຫຼ່ງລວມສິນຄ້າແບຣນເນມລາຄາໂຮງງານຫຼາກຫຼາຍແບຣນເລີຍທີດຽວ ໂດຍ

ມີແບຣນຊັ້ນນຳ ແລະ ແບຣນຂອງຍີ່ປຸ່ນລວມກັນເຖິງ 150 ຮ້ານ ໃຫ້ອິດສະຫຼະທ່ານຊັອບປິ້ງ

ກ່ອນກັບສູ່ເມືອງຟຸກຸໂອກະ ພາທ່ານຊົມສານເຈົ້າ Kora Taisha Shrine ສານເຈົ້າຊິນໂຕປະຈຳເມືອງ ທີ່ມີບັນຍາກາດສະຫງົບ ແລະ ເຕັມໄປດ້ວຍສະຖາປັດຕະຍະກຳບູຮານຍີ່ປຸ່ນ ຕົວສານເຈົ້າຖືກອ້ອມຮອບໄປດ້ວຍຕົ້ນໄມ້ໃຫຍ່ ຈຶ່ງເຮັດໃຫ້ມີຄວາມຮົ່ມເຢັນເປັນພິເສດ

ຕອນແລງພາທ່ານ ຊົມສວນກາງເມືອງ Tenjin Central Park ທີ່ເປັນບ່ອນພັກຜ່ອນ ແລະ ເຮັດກິດຈະກຳຂອງຄົນເມືອງຟຸກຸໂອກະ ຈາກນັ້ນ ພາທ່ານຍ່າງຫຼິ້ນທີ່ ຍ່ານ ນາຄາຊຸ Nakasu ເປັນຍ່ານທີ່ມີສະເໜ່ຫຼາຍໃນຍາມຄ່ຳຄືນ ຈະມີຮ້ານອາຫານທີ່ເປັນລົດຍູ້ແຄມທາງສະໄຕລ໌ຍີ່ປຸ່ນ ຮຽກວ່າ “ຢາໄຕ” Yatai Food Stall ລຽນແຖວຢູ່ບໍລິເວນແຄມແມ່ນ້ຳ Naka ໃກ້ກັບສວນ Seiryu Park ເປັນບັນຍາກາດທີ່ຫາເບິ່ງໄດ້ຍາກ ເໝາະແກ່ການແວ່ມາຢ້ຽມຢາມຢ່າງຍິ່ງ

hotel ພັກແຮມ ຟຸກຸໂອກະ

ຫາກຖ້ຽວບິນກັບຂອງທ່ານຢູ່ໃນຕອນຄ່ຳ, ໃນມື້ນີ້ທ່ານສາມາດຈັດໂປຣແກຣມຕາມໃຈມັກໄດ້ ເພາະເມືອງຟຸກຸໂອກະຍັງເຫຼືອແຫຼ່ງຊັອບປິ້ງທີ່ໜ້າສົນໃຈອີກຫຼວງຫຼາຍ ໄດ້ແກ່ Marinoa City Fukuoka , Tenjin Underground Shopping Mall , Kawabata Shopping Arcade

ຈາກນັ້ນ ພາທ່ານສົ່ງສະໜາມບິນກ່ອນເວລາ 3 ຊົ່ວໂມງ ເພື່ອເດີນທາງກັບບາງກອກໂດຍສະຫວັດດີພາບ ແລະ ຄວາມປອດໄພ