ທົວສ່ວນຕົວຢີ່ປຸ່ນ (JPN011) ແບບຈັດເຕັມ 11 ມື້ 10 ຄືນ ລົງ Osaka ກັບ Tokyo ທ່ຽວທົ່ວເກາະ

ຮັບທ່ານທີ່ສະໜາມບິນຄັນໄຊ ຈາກນັ້ນເດີນທາງໄປເມືອງ ໂອຊາກ້າ "ເມືອງໂອຊາກ້າ" ແມ່ນເມືອງໃຫຍ່ທີ່ຕັ້ງຢູ່ທາງຝັ່ງຕາເວັນຕົກຂອງຍີ່ປຸ່ນ ຫ່າງຈາກໂຕກຽວປະມານ 400 ກິໂລແມັດ ຖ້າເວົ້າເຖິງໂອຊາກ້າ ໝູ່ເພື່ອນຄົງຄິດເຖິງເມືອງທີ່ເຕັມໄປດ້ວຍສີສັນ ແລະ ສະຖານທີ່ທ່ອງທ່ຽວຫຼາກຫຼາຍແບບ ເຊັ່ນ ວັດ, ສາລາເຈົ້າ, ສວນສະໜຸກລະດັບໂລກ, ແຫຼ່ງຊັອບປິ້ງ ແລະ ອື່ນໆ ເອີ້ນໄດ້ວ່າເປັນເມືອງທີ່ທ່ຽວໄດ້ທຸກອາລົມແທ້ໆ

ພາທ່ານທ່ຽວທີ່ ປາສາດໂອຊາກ້າ (Osaka castle) ແລນມາກສຳຄັນຂອງເມືອງໂອຊາກ້າ ເປັນປາສາດທີ່ຍິ່ງໃຫຍ່ອຸດົມສົມບູນ ຕັ້ງຢູ່ໃຈກາງເມືອງໂອຊາກ້າ ພາຍໃນປາສາດມີທັງໝົດ 8 ຊັ້ນ ແລະ ພາຍໃນຕົວອາຄານຍັງເປັນສ່ວນຂອງ Osaka Castel Museum ໃຫ້ທ່ານໄດ້ຊົມຄວາມງາມ ແລະ ປະຫວັດຄວາມເປັນມາຂອງປາສາດ

ຈາກນັ້ນພາທ່ານເດີນທາງໄປທ່ຽວຕະຫຼາດຄູໂຣມອນ (Kuromon Market) ເປັນຕະຫຼາດທີ່ມີຊື່ສຽງ ແລະ ເກົ່າແກ່ທີ່ສຸດແຫ່ງໜຶ່ງຂອງເມືອງໂອຊາກ້າ ຕະຫຼາດແຫ່ງນີ້ເປັນຕະຫຼາດສົດທີ່ບໍ່ໄດ້ມີແຕ່ຂອງສົດເທົ່ານັ້ນ ທີ່ນີ້ຍັງມີອາຫານພ້ອມກິນ ແລະ ອາຫານພື້ນເມືອງ ຂະໜົມພື້ນເມືອງອີກຫຼາຍຢ່າງ ລຽງລາຍກວ່າ 600 ຮ້ານ ໃຫ້ທ່ານໄດ້ເລືອກລອງ

ຫຼັງຈາກກິນອາຫານທີ່ຕະຫຼາດສຳເລັດແລ້ວ ພາທ່ານໄປທ່ອງໂລກໃຕ້ນ້ຳທີ່ ພິພິທະພັນສັດນ້ຳໄກຢູກັງ (Osaka aquarium kaiyukan) ເປັນພິພິທະພັນສັດນ້ຳຂະໜາດໃຫຍ່ແຫ່ງໜຶ່ງຂອງປະເທດຍີ່ປຸ່ນ ທີ່ນີ້ແມ່ນແຫຼ່ງລວມສັດນ້ຳແປກໆທີ່ບໍ່ຄ່ອຍພົບເຫັນໃນບ້ານເຮົາ ເຊັ່ນ ນາກທະເລ, ປາປັກເປົ້າ, ປາສະຫຼາມຄີບດຳ ເພີດເພີນກັບຄວາມໜ້າຮັກຂອງຝູງປານ້ອຍໆ ທີ່ລອຍວົນໃຫ້ເຮົາໄດ້ຊົມ ແລະ ຄວາມສວຍງາມຂອງພິພິທະພັນແຫ່ງນີ້

ປິດທ້າຍມື້ກັນທີ່ ຍ່ານໂດທົນບຸຣິ ນັ້ນກໍຄືຍ່ານທີ່ມີປ້າຍກູລິໂກະອັນໂດ່ງດັງນັ້ນເອງ ຍ່ານໂດທົນບຸຣິເປັນຍ່ານຊັອບປິ້ງ ແລະ ຍ່ານກິນດື່ມຂອງໂອຊາກ້າທີ່ທຸກຄົນຕ້ອງຮູ້ຈັກເປັນຢ່າງດີແນ່ນອນ ໃຜໄປຍ່ານນີ້ ນອກຈາກຈະໄປຫາປ້າຍກູລິໂກະແລ້ວ ກໍຢ່າລືມໄປຢ້ຽມຄຸນ ຫຸ່ນຕີກອງ ຄຸອິດາໂອເຣະ Kuidaorae ທີ່ເປັນໜຶ່ງສັນຍາລັກຂອງຍ່ານໂດທົງໂບຣິ

hotel ພັກແຮມ Osaka

ຕອນເຊົ້ານຳທ່ານເດີນທາງສູ່ອີກໜຶ່ງເມືອງດັງຂອງແຖບນີ້ ເມືອງ Kyoto ກຽວໂຕ ເປັນເມືອງທີ່ມີສະຖານທີ່ທ່ອງທ່ຽວຫຼາຍແຫ່ງ ທັງວັດ ແລະ ສາລາເຈົ້າເກົ່າແກ່ໂບຣານ ແຕ່ລະແຫ່ງມີເອກະລັກສະເພາະ ເຊິ່ງມີຄວາມໂດດເດັ່ນແຕກຕ່າງກັນໄປ ເຮັດໃຫ້ເມືອງກຽວໂຕເປັນເມືອງທີ່ນັກທ່ອງທ່ຽວສ່ວນຫຼາຍເລືອກໄປທ່ຽວ

ນຳທ່ານໄປໄຫວ້ຂໍພອນທີ່ ສາລາເຈົ້າຟູຊິມິອິນາຣິ (Fushimi Inari Shrine) ຫຼື ບາງຄົນເອີ້ນວ່າສາລາເຈົ້າເສົາແດງ ແລະ ສາລາເຈົ້າໝາຈິ້ງຈອກ ສາລາເຈົ້າຟູຊິມິອິນາຣິເປັນສາລາເຈົ້າຊິນໂຕ ເປັນສາລາເຈົ້າທີ່ເກົ່າແກ່ຫຼາຍ ຖືກສ້າງຂຶ້ນກ່ອນເມືອງກຽວໂຕອີກ

ຈາກນັ້ນນຳທ່ານທ່ຽວທີ່ ອາຣາຊິຢາມະ (Arashiyama) ເປັນເຂດຊານເມືອງທາງທິດຕາເວັນຕົກຂອງເມືອງກຽວໂຕ ແຕ່ກ່ອນຈະທ່ຽວທີ່ນີ້ ເພື່ອໃຫ້ໄດ້ສຳຜັດຄວາມເປັນຍີ່ປຸ່ນແບບແທ້ຈິງ ພາທ່ານເຊົ່າຊຸດ ຢູກາຕະ ເພື່ອເພີ່ມຄວາມເພີດເພີນໃນການຍ່າງຫຼິ້ນໃນກຽວໂຕຫຼາຍຂຶ້ນ (ຖ້າທ່ານຕ້ອງການສາມາດແຈ້ງໄດ້ລ່ວງໜ້າ)

ຈາກນັ້ນ ຍ່າງຕໍ່ຈາກ ອາຣາຊິຢາມະ ບໍ່ໄກປານໃດ ທ່ານຈະພົບ ວັດເທັນຣຽວຈິ (Tenryuji Temple) ເປັນໜຶ່ງໃນວັດສຳຄັນຂອງນິກາຍເຊັນ ວັດແຫ່ງນີ້ສ້າງເພື່ອອຸທິດໃຫ້ແກ່ຈັກກະພັດ ໂກ-ໄດໂກະ ໃນປີ ຄ.ສ. 1339 ແລະ ປັດຈຸບັນໄດ້ຮັບການຂຶ້ນທະບຽນເປັນມໍລະດົກໂລກໂດຍອົງການຢູເນສໂກ

ຍ່າງຕໍ່ອີກປະມານ 500 ແມັດ ທ່ານຈະພົບ ປ່າໄຜ່ (Bamboo Groove) ຈຸດເດັ່ນຂອງປ່າໄຜ່ແຫ່ງນີ້ຄົງບໍ່ແມ່ນຫຍັງນອກຈາກຕົ້ນໄຜ່ສີຂຽວ ທີ່ມີລຳຕົ້ນສູງປົກຄຸມໄປທົ່ວທຸກພື້ນທີ່ຂອງປ່າ ແລະ ລຽງລາຍກັນຢ່າງສວຍງາມ ເໝາະກັບການຖ່າຍຮູບຄູ່ກັບຊຸດຢູກາຕະຫຼາຍໆ

ຖ້າທ່ານເຊົ່າຊຸດຢູກາຕະ ພາເອົາຊຸດໄປຄືນທີ່ຮ້ານເດີມ ແລະ ກຽມຕົວໄປສະຖານທີ່ຕໍ່ໄປ

ພາທ່ານຊົມ ວັດຄິນຄະຄຸຈິ (Kinkakuji Temple) ຫຼື ຄົນໄທມັກເອີ້ນກັນວ່າວັດຄຳ ເຫດທີ່ຄົນໄທເອີ້ນວ່າວັດຄຳນັ້ນກໍຄືຕົວອາຄານພາຍນອກຂອງວັດມີສີຄຳເຫຼື້ອມໂດດເດັ່ນສະງ່າງາມ ແລະ ໄດ້ຮັບການຂຶ້ນທະບຽນເປັນມໍລະດົກໂລກໂດຍອົງການຢູເນັດສະໂກ ໃນປີ ຄ.ສ. 1994

ຖ້າມີເວລາເຫຼືອ ພາທ່ານໄປ ຕະຫຼາດນິຊິກິ (Nishiki Market) ຫຼື ຫ້ອງຄົວປະຈຳເມືອງກຽວໂຕ ພາຍໃນມີທັງອາຫານສົດ ແລະ ອາຫານພ້ອມກິນຫຼາຍຢ່າງ ຂ້າງຕະຫຼາດຍັງມີຖະໜົນຊັອບປິ້ງເທຣາມາຈິ (Teramachi) ແລະ ຊິນກຽວໂງກຸ (Shinkyogoku) ອີກດ້ວຍ

ທ່ຽວກຽວໂຕຈົນໝົດມື້ ໄດ້ເວລາອັນສົມຄວນ ພາທ່ານກັບໄປຍັງເມືອງໂອຊາກ້າ

hotel ພັກແຮມ ໂອຊາກ້າ

ຕອນເຊົ້ານຳທ່ານເດີນທາງ 30 ນາທີ ສູ່ເມືອງນ້ອຍໃກ້ໂອຊາກ້າ ນັ້ນກໍຄືເມືອງ Sakai ຊາໄກ ເມືອງທີ່ບໍ່ຄ່ອຍເປັນທີ່ຮູ້ຈັກ ແຕ່ມີຄວາມໜ້າສົນໃຈຫຼາຍ ແລະ ຫຼ້າສຸດມີສະຖານທີ່ທ່ອງທ່ຽວທີ່ເພິ່ງໄດ້ຮັບການຂຶ້ນທະບຽນເປັນມໍລະດົກໂລກທາງວັດທະນະທຳ ໃນປີ 2019 ນີ້ເອງ ນັ້ນກໍຄື ສຸສານໂບຣານໂມຊຸ-ຟູຣຸອິຈິ (Mozu-Furuichi Kofun) ໃນອະດີດຊາໄກເຄີຍເປັນເມືອງທ່າທີ່ໃຫຍ່ ແລະ ສຳຄັນທີ່ສຸດຂອງຍີ່ປຸ່ນຕັ້ງແຕ່ຍຸກກາງ ແຕ່ເມື່ອເວລາຜ່ານໄປ ຄວາມຈະເລີນທັງໝົດໄປລວມຢູ່ທີ່ເມືອງໂອຊາກ້າ ເຮັດໃຫ້ຊາໄກເປັນເມືອງນ້ອຍທີ່ງຽບສະຫງົບ ເໝາະກັບການພັກຜ່ອນຢ່າງຍິ່ງ

ນຳທ່ານຊົມຮ້ານເຮັດມີດເກົ່າແກ່ທີ່ເປີດມາແລ້ວ 140 ປີ Mizuno Tanren Jo ທີ່ນີ້ທ່ານຈະໄດ້ຊົມ ແລະ ສຳຜັດກັບປະຫວັດສາດການຜະລິດມີດຂອງເມືອງ Sakai ທີ່ມີຊື່ສຽງ ຖ້າທ່ານຕ້ອງການຊົມການຜະລິດມີດ ກະລຸນາແຈ້ງ ເພາະຕ້ອງມີການຈອງລ່ວງໜ້າ ວ່າກັນວ່າມີດຈາກເມືອງ ຊາໄກ ເປັນມີດທີ່ມີຄຸນນະພາບສູງຫຼາຍ ຖ້າທ່ານຕ້ອງການຊື້ມີດກັບໄປໃຊ້ ຫຼື ເປັນຂອງຝາກ ສາມາດຊື້ໄດ້ທີ່ Sakai City Traditional Crafts Museum

ຈາກນັ້ນນຳທ່ານຊົມ ມໍລະດົກໂລກແຫ່ງໃໝ່ໃນປີ 2019 ຂອງເມືອງຊາໄກ Mozu-Furuichi Kofun ສຸສານໂບຣານໂມຊຸ-ຟູຣຸອິຈິ ເປັນສຸສານໜຶ່ງທີ່ຄວນຄ່າແກ່ການໄປຢ້ຽມຊົມຫຼາຍ ສຸສານໂບຣານຮູບກະແຈແຫ່ງນີ້ຍາວກວ່າ 486 ແມັດ ຖືກສ້າງຂຶ້ນໃນສະໄໝປາຍ ຄ.ສ. 4 - ຄ.ສ. 5 ເພື່ອເປັນທີ່ຝັງສົບຂອງສົມເດັດພະຈັກກະພັດ ແລະ ພະລາຊິນີ ລວມເຖິງເຊື້ອພະວົງ ແລະ ຜູ້ນຳໃນສະໄໝນັ້ນດ້ວຍ

ຈາກນັ້ນ ນຳທ່ານແວ່ກິນຂະໜົມຮ້ານ Kan Bukuro ຄວາມພິເສດຂອງຮ້ານນີ້ຄື ເປັນຮ້ານຂະໜົມພື້ນເມືອງດັ້ງເດີມທີ່ເປີດມາແລ້ວ 27 ລຸ້ນ ລວມແລ້ວປະມານ 800 ປີ ບໍ່ມີການຂາຍສາຂາໃດໆທັງສິ້ນ ມີແຕ່ທີ່ຊາໄກທີ່ນີ້ທີ່ດຽວ ຖືໄດ້ວ່າຮ້ານຂະໜົມແຫ່ງນີ້ ເປັນຕຳນານທີ່ຍັງຫາຍໃຈຢູ່ກໍວ່າໄດ້ ຂອງຂຶ້ນຊື່ຂອງຮ້ານນີ້ກໍຄື ໂມຈິໜຽວ ຣາດດ້ວຍຊອສຊາຂຽວທີ່ຫອມຫວານກຳລັງດີ

ຖ້າທ່ານຢາກຢູ່ທີ່ເມືອງ ຊາໄກ ຕໍ່ ນຳທ່ານຍ່າງຫຼິ້ນຍ່ານ Kitahatago ຍ່ານຄິຕະຮະຕະໂງະ ເປັນຍ່ານທີ່ອົບອວນໄປດ້ວຍບັນຍາກາດບ້ານເມືອງສະໄໝບູຮານ

ຈາກນັ້ນນຳທ່ານເດີນທາງກັບສູ່ເມືອງໂອຊາກ້າອີກຄັ້ງ

hotel ພັກແຮມ ໂອຊາກ້າ

ຊ່ວງເຊົ້າ ອຳລາເມືອງໂອຊາກ້າ ເດີນທາງໄລຍະທາງ 180 ກມ. ໃຊ້ເວລາໃນການເດີນທາງ 2 ຊົ່ວໂມງເຄິ່ງ ສູ່ເມືອງ Nagoya ນາໂກຢະ ແຂວງໄອຈິ ເປັນເມືອງທີ່ໃຫຍ່ທີ່ສຸດໃນພາກຊູບຸ ແລະ ເປັນເມືອງທີ່ມີປະຊາກອນອາໄສຢູ່ຫຼາຍເປັນອັນດັບທີ 4 ຂອງປະເທດ

ສະຖານທີ່ທຳອິດທີ່ຈະໄປ ນຳທ່ານຊົມ ປາສາດນາໂກຢ່າ Nagoya Castle ປາສາດແຫ່ງນີ້ສ້າງຂຶ້ນໃນສະໄໝເອໂດະ ເພື່ອປ້ອງກັນການຮຸກຮານຈາກຂ້າເສິກ ໃນປີ ຄ.ສ. 1612 ໂດຍ ໂທຄຸກາວະ ອິເອຢາສຶ ຕົວປາສາດແຫ່ງນີ້ມີທັງໝົດ 7 ຊັ້ນ ພາຍໃນມີການເລົ່າເລື່ອງລາວຄວາມເປັນມາຂອງປາສາດ ແລະ ເປັນບ່ອນຈັດເກັບຮັກສາອາວຸດຍຸດໂທປະກອນໃນສະໄໝກ່ອນ

ຊ່ວງບ່າຍ ທ່ານສາມາດເລືອກທົວໄດ້ຕາມໃຈມັກ ວ່າຈະໄປບ່ອນໃດລະຫວ່າງ ສະປາຮິລສ໌ ຣິວເຊັນຈິໂນະຍຸ Spa Hills Ryusenji no yu ກັບ ເລໂກ້ແລນ Legoland Japan

ສປາຮິວສ໌ ຣິວເຊັນຈິໂນະຢຸ Spa Hills Ryusenji no yu ທີ່ນີ້ເປັນສະຖານທີ່ທຳອິດໃນຍີ່ປຸ່ນທີ່ໃຫ້ບໍລິການອອນເຊັນແບບຄົບວົງຈອນ ເພິ່ງເປີດໃຫ້ບໍລິການຢ່າງເປັນທາງການໃນປີ 2018 ນີ້ເອງ ສປາແຫ່ງນີ້ຕັ້ງຢູ່ບໍລິເວນເນີນພູໃນເຂດໂມຣິຢາມະ Moriyama ໃນສະໄໝກ່ອນສປາຮິວສ໌ເປັນພຽງໂຮງອາບນ້ຳສາທາລະນະທຳມະດາໆເທົ່ານັ້ນ ແຕ່ດ້ວຍຍຸກສະໄໝທີ່ປ່ຽນແປງ ຈຶ່ງເຮັດໃຫ້ເປັນສປາຮິວສ໌ໃນທຸກມື້ນີ້ ພາຍໃນປະກອບດ້ວຍບໍ່ອອນເຊັນທັງອິນດໍ ແລະ ເອົ້າທ໌ດໍຈຳນວນຫຼາຍ ແຕ່ລະບໍ່ກໍມີຈຸດເດັ່ນແຕກຕ່າງກັນໄປ ນອກຈາກນັ້ນຍັງມີຫ້ອງຊາວນາທີ່ອົບແບບຫີນພູເຂົາໄຟ ແລະ ພາຍນອກມີຮ້ານອາຫານ ແລະ ຄາເຟ່ຄອຍບໍລິການຢູ່ ຄ່າເຂົ້າ ຜູ້ໃຫຍ່ 700 ເຢນ ເດັກ 300 ເຢນ ຄ່າບໍລິການໃນສ່ວນນີ້ບໍ່ລວມຢູ່ໃນຄ່າໃຊ້ບໍລິການບໍ່ອອນເຊັນຕ່າງໆ

ເລໂກ້ແລນ Legoland Japan ສວນສະໜຸກແຟຣນໄຊສ໌ຊື່ດັງ ທີ່ມີຢູ່ໃນຫຼາຍປະເທດທົ່ວໂລກ ຖ້າທ່ານເປັນສາຍສວນສະໜຸກແນະນຳໃຫ້ລອງທີ່ນີ້ ແຕກຕ່າງຈາກສວນສະໜຸກແຫ່ງອື່ນແນ່ນອນ ໃຫ້ທ່ານໄດ້ຜະຈົນໄພໄປໃນໂລກເລໂກ້ ບໍ່ແມ່ນພຽງແຕ່ເດັກນ້ອຍທີ່ຈະຫຼົງຮັກສວນສະໜຸກແຫ່ງນີ້ ເລໂກ້ແລນ ມີຫຼາຍໂຊນໄວ້ຮອງຮັບນັກທ່ອງທ່ຽວທຸກເພດທຸກໄວ Lloyd’s Spinjitzu Spinner , Kai’s Sky Masters , Cole’s Rock Climbing Wall ມຸມປີນປ່າຍແບບນິນຈາ ແລະ ໃນປີ 2019 ໄດ້ເປີດໂຊນໃໝ່ ນັ້ນກໍຄື ເລໂກ້ ນິນຈາໂງະ ເວີລ໌ດ໌ LEGO Ninjago World ຄວາມພິເສດຂອງໂຊນນີ້ຄື ມີເຄື່ອງຫຼິ້ນສຸດຫວາດສຽວທີ່ບິນໄດ້ສູງເຖິງ 22 ແມັດ ດ້ວຍຄວາມໄວ 50 ກິໂລແມັດຕໍ່ຊົ່ວໂມງ ຢູ່ນຳ

hotel ພັກແຮມ Nagoya (ຖ້າທ່ານຕ້ອງການພັກຄ້າງຄືນທີ່ Legoland Japan Resort ໃຫ້ແຈ້ງລ່ວງໜ້າ )

ມື້ນີ້ນຳທ່ານເດີນທາງ 155 ກມ. ໃຊ້ເວລາເດີນທາງປະມານ 2 ຊົ່ວໂມງ ສູ່ ຊິຣາຄາວາໂກະ Shirakawa-go ໝູ່ບ້ານມໍລະດົກໂລກ ອັນເກົ່າແກ່ຂອງຍີ່ປຸ່ນ ຊິຣາຄາວາໂກະ ເປັນໝູ່ບ້ານຊາວນາທີ່ຕັ້ງຢູ່ໃນຮ່ອມພູຕາມແມ່ນ້ຳໂຊກາວະ (Shogawa) ເຮືອນທຸກຫຼັງໃນໝູ່ບ້ານ ອາຍຸເກົ່າແກ່ກວ່າ 200-300 ປີ ນອກຈາກຄວາມງົດງາມຂອງວິວແລ້ວ ຍັງມີຮ້ານຄ້າ ຮ້ານອາຫານ ຮ້ານຂາຍຂອງທີ່ລະນຶກ ສານເຈົ້າ ລໍຖ້າໃຫ້ນັກທ່ອງທ່ຽວ ຍ່າງຫຼິ້ນຖ່າຍຮູບ ກັນຢ່າງເພີດເພີນ ໝູ່ບ້ານນີ້ໄດ້ຮັບເລືອກຈາກອົງການ ຢູເນສໂກໃຫ້ເປັນມໍລະດົກໂລກເມື່ອປີ ຄ.ສ. 1995 ຄຸ້ມຄ່າທີ່ຈະແວ່ຢ້ຽມຢາມຢ່າງຍິ່ງ

ຕອນບ່າຍ ນຳທ່ານເດີນທາງສູ່ ທາຄາຍາມ່າ ເມືອງທີ່ຕັ້ງຢູ່ໃນແຂວງກິຟຸ ເປັນເມືອງນ້ອຍທີ່ເຕັມໄປດ້ວຍສະເໜ່ ແລະ ຍັງຄົງບັນຍາກາດ ສະພາບເຮືອນຊານຂອງຍີ່ປຸ່ນໃນສະໄໝບູຮານໄວ້ໃຫ້ໄດ້ເຫັນຢູ່ໃນປັດຈຸບັນ ສະຖານທີ່ທຳອິດທີ່ພວກເຮົາຈະນຳທ່ານໄປກໍຄື ເຂດເມືອງເກົ່າຊັນມະຈິ Sanmachi Old Town ເປັນເຂດທີ່ເຕັມໄປດ້ວຍເຮືອນຊານ ແລະ ຮ້ານຄ້າໜ້າຮັກຫຼວງຫຼາຍ ຮ້ານຄ້າຕາມຖະໜົນສາຍນີ້ຖືກອະນຸຮັກໄວ້ຢ່າງດີ ມີບັນຍາກາດແບບສະໄໝເອໂດະ ໃຫ້ທ່ານໄດ້ຍ່າງຫຼິ້ນກັບບັນຍາກາດສຸດໜ້າປະທັບໃຈ

ຈາກນັ້ນນຳທ່ານ ຊົມ ອາຄານຫ້ອງການປົກຄອງເມືອງບູຮານ ຫຼື ທາຄາຍາມ່າຈິນຍະ Takayama Jinya ເປັນຫ້ອງການປົກຄອງເມືອງແຫ່ງດຽວທີ່ຍັງເຫຼືອຢູ່ຕັ້ງແຕ່ສະໄໝເອໂດະ

ສະຖານທີ່ສຸດທ້າຍຂອງມື້ນີ້ກໍຄື Hida Kokubunji Temple ວັດຮິດະໂຄຄຸບຸນຈິ ເປັນວັດພຸດທີ່ເປັນຄືສັນຍາລັກຂອງເມືອງທາຄາຍາມ່າ ເຈດີສາມຊັ້ນອົງນີ້ສ້າງຂຶ້ນໃນປີ 1820

ຫາກທ່ານຕ້ອງການຊົມ ບັນຍາກາດຂອງໝູ່ບ້ານ ຊິຣາຄາວາໂກະ ໃນຍາມຄ່ຳຄືນ ກະລຸນາແຈ້ງລ່ວງໜ້າ

hotel ພັກແຮມ Takayama

ຈາກນັ້ນ ນຳທ່ານເດີນທາງສູ່ແຂວງ Yamanashi ຢາມານາຊິ ຕັ້ງຢູ່ພາກຊູບຸຂອງປະເທດຍີ່ປຸ່ນ ໃຊ້ເວລາໃນການເດີນທາງປະມານ 3 ຊົ່ວໂມງ 15 ນາທີ ໄລຍະທາງ 200 ກມ.

ສະຖານທີ່ທຳອິດທີ່ພວກເຮົາຈະໄປກໍຄື ໝູ່ບ້ານ ໂອຊິໂນະຮັກໄຄ ( Oshino Hakkai Village ) ຫຼື ທີ່ນັກທ່ອງທ່ຽວຄົນໄທມັກເອີ້ນວ່າໝູ່ບ້ານນ້ຳໃສ ເຫດຜົນທີ່ໄດ້ຊື່ວ່າໝູ່ບ້ານນ້ຳໃສນັ້ນກໍຄື ໃນໝູ່ບ້ານແຫ່ງນີ້ມີບໍ່ນ້ຳສະອາດລວມກັນກວ່າ 8 ບໍ່ ບໍ່ນ້ຳທີ່ວ່າສະອາດ ສະອາດສ່ຳໃດ? ສະອາດ ແລະ ໃສຈົນເຫັນໂຕປາລອຍໃນບໍ່ ແລະ ສາມາດດື່ມໄດ້ອີກດ້ວຍ ເຊິ່ງບໍ່ນ້ຳແຕ່ລະບໍ່ເປັນນ້ຳທີ່ເກີດຈາກການລະລາຍຂອງຫິມະເທິງພູເຂົາໄຟຟູຈິໃນຊ່ວງລະດູຮ້ອນ

ຫາກທ່ານເດີນທາງໃນລະດູໜາວ ນຳທ່ານໄປລານສະກີ ຟູຈິເທັນສະກີຣີສອດ (Fujiten Ski Resort) ໃຫ້ທ່ານໄດ້ສຳຜັດກັບຫິມະຂາວໆໜາໆ ໃຫ້ທ່ານໄດ້ມ່ວນຊື່ນກັບກິດຈະກຳຕ່າງໆ ຂອງລານສະກີແຫ່ງນີ້ ບໍ່ວ່າຈະເປັນ ສະໂນບອດ , ກະດານເລື່ອນຫິມະ , ສະກີ ແລະ ດື່ມດ່ຳກັບບັນຍາກາດທີ່ອ້ອມຮອບໄປດ້ວຍຫິມະ

ໝາຍເຫດ : ລານສະກີຈະເປີດຕາມຊ່ວງເວລາ ແລະ ສະພາບອາກາດເທົ່ານັ້ນ ຫາກຊ່ວງທີ່ທ່ານເດີນທາງບໍ່ກົງກັບຊ່ວງທີ່ລານສະກີເປີດ ທາງພວກເຮົານຳທ່ານທ່ຽວສະຖານທີ່ໜ້າສົນໃຈບ່ອນອື່ນທົດແທນ ຫຼື ທ່ານມີບ່ອນທີ່ຢາກໄປສາມາດແຈ້ງຜູ້ອອກແບບໂປຣແກຣມໄດ້ລ່ວງໜ້າ

ນຳທ່ານຂີ່ກະເຊົ້າຄາຈິຄາຈິ (Mt. Fuji Panoramic Ropeway) ຊົມພູເຂົາໄຟຟູຈິແບບໃກ້ຊິດ ທ່ານສາມາດຊົມພູເຂົາໄຟຟູຈິໄດ້ແບບ 360 ອົງສາ ແຕ່ຖ້າມື້ໃດອາກາດບໍ່ເປັນໃຈອາດເຮັດໃຫ້ Ropeway ປິດໃຫ້ບໍລິການ

ຈາກນັ້ນນຳທ່ານໄປ ສາລາເຈົ້າຄິຕາງຸຈິຮົງງູຟູຈິເຊັນເກັນ (Kitaguchi Hongu Fuji Sengen-jinja) ເປັນສາລາເຈົ້າເກົ່າແກ່ກໍ່ຕັ້ງຂຶ້ນຕັ້ງແຕ່ປີ 1900 ເປັນສາລາເຈົ້ານ້ອຍໆທີ່ສ້າງຂຶ້ນເພື່ອບູຊາພະເຈົ້າ ເປັນສາລານ້ອຍໆທີ່ງຽບສະຫງົບ ແລະ ຮົ່ມຣື່ນຫຼາຍໆ ແລະ ທີ່ນີ້ຖືວ່າເປັນເສັ້ນທາງສັກສິດເພື່ອຂຶ້ນພູເຂົາໄຟຟູຈິຊັງ

hotel ພັກແຮມ Yamanashi

ຕອນເຊົ້າເດີນທາງສູ່ເມືອງ ໂຕກຽວ ໄລຍະທາງ 115 ກມ. ໃຊ້ເວລາເດີນທາງປະມານ 1 ຊົ່ວໂມງເຄິ່ງ

ນຳທ່ານຊົມໂຄມແດງໃຫຍ່ຍັກທີ່ວັດເຊັນໂຊຈິ Senso-ji ເປັນວັດທີ່ມີປະຫວັດຍາວນານເຖິງ 1300 ກວ່າປີ ແລະ ເກົ່າແກ່ທີ່ສຸດໃນໂຕກຽວ ຖືກສ້າງຂຶ້ນໃນປີ ຄ.ສ. 645 ເມື່ອຜ່ານປະຕູໂຄມແດງ ຫຼື ປະຕູຄາມິນາຣິ ທ່ານຈະພົບກັບຮ້ານຂາຍຂອງຝາກຫຼາຍແຫ່ງ ແລະ ຢ່າລືມເຂົ້າໄປໄຫວ້ສັກກາລະ ພະໂພທິສັດຄັນນົງ ຫຼື ພະໂພທິສັດກວນອິມ ເພື່ອເປັນສິລິມົງຄົນແກ່ຊີວິດ

ຂ້າງໆວັດ Senso-ji ມີຖະໜົນຊັອບປິ້ງຊື່ດັງຕັ້ງຢູ່ ນັ້ນກໍຄື Asakusa Nishi-sando Shopping Street ໃຫ້ທ່ານໄດ້ຊັອບປິ້ງ ແລະ ຊື້ຂອງຝາກໃຫ້ໜຳໃຈ

ຈາກນັ້ນບໍ່ໄກກັນປານໃດ ນຳທ່ານຊົມ Sumida Park ສວນທຳມະຊາດທ່າມກາງຕຶກສູງ ຍ່ານອາຊາກຸຊະ ຕັ້ງຢູ່ຮິມແມ່ນ້ຳຊຸມິດະ ພາຍໃນສວນມີຕົ້ນຊາກຸຣະກວ່າ 1,000 ຕົ້ນ ແລະ ສວນແຫ່ງນີ້ຍັງເປັນອັນດັບຕົ້ນໆທີ່ດີທີ່ສຸດໃນການຊົມຊາກຸຣະອີກດ້ວຍ

ນຳທ່ານຊົມແລນມາກສຳຄັນຂອງເມືອງໂຕກຽວ ນັ້ນກໍຄື Tokyo sky tree ຫໍຄອຍທີ່ສູງທີ່ສຸດໃນໂລກ ທີ່ຄວາມສູງ 634 ແມັດ ແລະ ເປັນຈຸດຊົມວິວທີ່ໄດ້ຮັບຄວາມສົນໃຈເປັນຢ່າງຫຼາຍ ດ້ວຍຄວາມສູງຂອງຫໍຄອຍເຮັດໃຫ້ສາມາດເຫັນວິວແບບ ຈາກມຸມທີ່ສູງຫຼາຍໆ ຖ້າທ່ານຕ້ອງການຂຶ້ນໄປຊົມວິວທີ່ Tokyo sky tree ແນະນຳໃຫ້ຈອງປີ້ຜ່ານເວັບໄຊ www.tokyo-skytree.jp/en ໄວ້ເລີຍ ລາຄາປີ້ປົກກະຕິ 2,000 ເຢນ ສຳລັບຜູ້ໃຫຍ່

ຖ້າເວລາເຫຼືອ ຕອນແລງນຳທ່ານລ່ອງເຮືອຊົມບັນຍາກາດພະອາທິດຕົກດິນ ໃຫ້ທ່ານໄດ້ເພີດເພີນກັບທັດສະນີຍະພາບ ໂດຍອ້ອມຂອງແມ່ນ້ຳຊຸມິດະ

hotel ພັກແຮມ Tokyo

ຕອນເຊົ້ານຳທ່ານຊົມ ພະລາຊະວັງອິມພີເຣຍລ Imperial Palace ເປັນສະຖານທີ່ປະທັບຂອງສົມເດັດພະຈັກກະພັດແຫ່ງຍີ່ປຸ່ນ ໃນອະດີດເຄີຍເປັນທີ່ຕັ້ງຂອງປາສາດເອໂດະ Edo Castle ແລະ ຍັງເປັນສະຖາປັດຕະຍະກຳອັນມີຄຸນຄ່າຂອງຊາວຍີ່ປຸ່ນມາຢ່າງຍາວນານ

ຕອນບ່າຍ Free day ເພື່ອບໍ່ໃຫ້ເປັນການລົບກວນເວລາຊັອບປິ້ງຂອງທ່ານ ໃຫ້ທ່ານໄດ້ເລືອກຍ່ານຊັອບປິ້ງດ້ວຍຕົນເອງ

ຍ່ານຊິນຈູກຸ Shinjuku : ຍ່ານສູນກາງທຸລະກິດຂອງໂຕກຽວ ຕັ້ງຢູ່ທາງທິດຕາເວັນຕົກ ແລະ ເປັນໜຶ່ງໃນ 23 ເຂດພິເສດຂອງນະຄອນໂຕກຽວ ເປັນທີ່ນິຍົມຫຼາຍທັງນັກທ່ອງທ່ຽວ ແລະ ຊາວຍີ່ປຸ່ນເອງ ເພາະເປັນຍ່ານທີ່ຄົບທຸກຢ່າງ ບໍ່ວ່າຈະເປັນທ່ຽວ ກິນ ຊັອບ ຈົບໃນຍ່ານດຽວ ມີຫ້າງດັງຫຼາຍແຫ່ງ ແລະ ຮ້ານອາຫານທຸກລະດັບ ສະຖານທີ່ທ່ອງທ່ຽວແນະນຳໄດ້ແກ່ ສວນຊິນຈູກຸເງຍວເອັນ Shinjuku Gyoen , Robot Restaurant , ຫ້າງ Ainz Tulpe Shinjuku , ຕອກແຫ່ງຄວາມຊົງຈຳ Omoide Yokocho

ຍ່ານຮາຣາຈູກຸ (Harajuku) : ເປັນແຫຼ່ງລວມໄວໜຸ່ມຍີ່ປຸ່ນເລີຍກໍວ່າໄດ້ ຈຶ່ງເຮັດໃຫ້ຍ່ານນີ້ມີຄວາມທັນສະໄໝ ແລະ ວັດທະນະທຳໃໝ່ໆຢູ່ສະເໝີ ມີຮ້ານຄາເຟ່ໜ້າຮັກໆ ແລະ ຮ້ານເຄື່ອງນຸ່ງສຸດເກ໋ຫຼາຍແຫ່ງ ສະຖານທີ່ທ່ອງທ່ຽວແນະນຳໄດ້ແກ່ ສະຖານີລົດໄຟໂບຣານ Harajuku station , ຂົວຄອສເພຼ Jingu Bashi , ຖະໜົນຊັອບປິ້ງ takeshita dori

ຍ່ານອູເອະໂນະ (Ueno) : ຍ່ານການຄ້າທີ່ເຕັມໄປດ້ວຍຄວາມຄຶກຄັກ ຕະຫຼອດການຍ່າງຫຼິ້ນທີ່ຍ່ານນີ້ທ່ານຈະໄດ້ຍິນສຽງພໍ່ຄ້າແມ່ຄ້າຮ້ອງຂາຍເຄື່ອງເກືອບທຸກຮ້ານ ແລະ ນີ້ຄືສະເໜ່ຂອງຍ່ານນີ້ເລີຍ ນອກຈາກນັ້ນຍັງມີສະຖານທີ່ໜ້າສົນໃຈອີກຫຼາຍແຫ່ງ ບໍ່ວ່າຈະເປັນການຍ່າງຊົມສັດນ້ອຍໆທີ່ສວນສັດອູເອະໂນະ Ueno Park ຖັດໄປອີກທ່ານຈະໄດ້ພົບກັບຄວາມຊິວຂອງ ສວນອູເອະໂນະ Ueno Park ແລະ ທີ່ພາດບໍ່ໄດ້ຄື ຕະຫຼາດອາເມໂຢໂກະ Ameya-Yokocho

hotel ພັກແຮມ Tokyo

ຊ່ວງເຊົ້ານຳທ່ານເດີນທາງສູ່ເກາະ Odaiba ໂອໄດບະ ຫຼື ຍ່ານໂອໄດບະ ເປັນສູນລວມຄວາມບັນເທີງແບບໄຮເທັກເທິງເກາະທຽມໃນອ່າວໂຕກຽວ ເປັນເກາະທີ່ມະນຸດສ້າງຂຶ້ນ ໃນອະດີດເກາະແຫ່ງນີ້ຖືກສ້າງຂຶ້ນເພື່ອປ້ອງກັນການຖືກໂຈມຕີ ໃນສະໄໝເອໂດະ ແຕ່ປະຈຸບັນປ່ຽນເປັນສູນລວມຄວາມມ່ວນຊື່ນ ແລະ ພັກຜ່ອນ ພ້ອມກິດຈະກຳທີ່ເໝາະກັບທຸກເພດທຸກໄວ

ສະຖານທີ່ທຳອິດທີ່ພວກເຮົາຈະໄປນັ້ນກໍຄື ຫໍສັງເກດການເທິງຕຶກຟູຈິທີວີ (Sphere observation room "Hachitama") ຟູຈິທີວີຖືເປັນຈຸດເລີ່ມຕົ້ນຂອງໂທລະພາບໃນປະເທດຍີ່ປຸ່ນ ນຳທ່ານຊົມວິວມຸມສູງຊັ້ນທີ 25 ຂອງອາຄານ ຈຸດຊົມວິວແຫ່ງນີ້ເອີ້ນວ່າ Big ball

ຈາກນັ້ນນຳທ່ານ ແຊ່ອອນເຊັນຍຸກກາງເກາະກັນທີ່ ໂອເອະໂດະອອນເຊັນ (Oedo-Onsen Monogatari) ອອນເຊັນຂອງທີ່ນີ້ມີໃຫ້ເລືອກແຊ່ສອງແບບທັງແບບໃນຮົ່ມ ແລະ ກາງແຈ້ງ ເຊິ່ງອອນເຊັນທີ່ນີ້ໄດ້ມີການສູບນ້ຳຈາກພື້ນໂລກທີ່ເລິກເຖິງ 1,400 ແມັດ ຂຶ້ນມາຍັງອ່າງ ເມື່ອນຳທ່ານປ່ຽນຊຸດຢູກາຕະກ່ອນຈະອອກສຳຫຼວດສ່ວນຕ່າງໆຂອງອອນເຊັນແຫ່ງນີ້ ໃຫ້ທ່ານໄດ້ໃຊ້ເວລາຜ່ອນຄາຍຢູ່ທີ່ນີ້ຈົນເຕັມອີ່ມ

ຈາກນັ້ນກ່ອນເດີນທາງເຂົ້າເມືອງໂຕກຽວ ນຳທ່ານຊົມ Unicorn Gundam Statue ຫຸ່ນຍົນກັນດັ້ມຂະໜາດເທົ່າຕົວຈິງທີ່ຕັ້ງຢູ່ໜ້າຫ້າງ DiverCity Tokyo Plaza ແລະ ນຳທ່ານແວ່ຊັອບປິ້ງໜ້ອຍໜຶ່ງທີ່ຫ້າງແຫ່ງນີ້

ຈາກນັ້ນນຳທ່ານເດີນທາງສູ່ເມືອງໂຕກຽວເພື່ອພັກຄ້າງຄືນ

hotel ພັກແຮມ Tokyo

ມື້ນີ້ພວກເຮົາຈະເດີນທາງໄປທ່ອງທ່ຽວເມືອງໃກ້ໆກັບໂຕກຽວທີ່ສາມາດເດີນທາງທ່ຽວແບບ 1 Day trip ໄດ້ ເມືອງທຳອິດທີ່ຈະນຳທ່ານໄປນັ້ນກໍຄື ເມືອງ Chichibu ຊິຊິບຸ ເປັນແຫຼ່ງທ່ອງທ່ຽວຍອດນິຍົມໃນຊ່ວງລະດູບານໃໝ່ ນຳທ່ານເຂົ້າຊົມ Sainokuni Fureai Farm ຟາມໄຊໂນະຄຸນິຟຸເຣໄອ ຟາມມີລັກສະນະເປັນທົ່ງດອກປັອບປີ ຕັ້ງຢູ່ເທິງພູພຽງ ທີ່ມີເນື້ອທີ່ກວ້າງເຖິງ 50,000 ຕຣ.ມ. ແລະ ມີດອກປັອບປີຫຼາຍກວ່າ 10 ລ້ານດອກ (ຫາກທ່ານເດີນທາງໃນຊ່ວງທີ່ບໍ່ມີດອກປັອບປີສາມາດປ່ຽນສະຖານທີ່ທ່ອງທ່ຽວໄດ້)

ສະຖານທີ່ຕໍ່ໄປ ນຳທ່ານຂໍພອນແຫ່ງຄວາມຮັ່ງມີທີ່ Hijiri Shrine ສານເຈົ້າຮິຈິຣິ ເປັນພື້ນທີ່ທີ່ມີການຂຸດຄົ້ນພົບແຮ່ທອງແດງເປັນຄັ້ງທຳອິດໃນຍີ່ປຸ່ນ ປະມານປີ ຄ.ສ. 708 ຈາກນັ້ນຈຶ່ງໄດ້ສ້າງເປັນບໍ່ແຮ່ທີ່ນຳທອງແດງທີ່ຂຸດໄດ້ມາເຮັດເປັນ ຫຼຽນ ວະໂດໄຄຈິນ Wadokaijin ເຊື່ອກັນວ່າສານເຈົ້າຮິຈິຣິ ເປັນທີ່ສະຖິດຂອງເທບພະເຈົ້າແຫ່ງການເງິນ ເມື່ອໃຜໄດ້ມາກາບໄຫວ້ຂໍພອນ ຈະຮັ່ງມີ ຄ້າຂາຍຄ່ອງຕົວ

ຈາກນັ້ນນຳທ່ານສັກກາລະຂໍພອນທີ່ສານເຈົ້າເກົ່າແກ່ ທີ່ມີອາຍຸເຖິງ 2,100 ປີ ນັ້ນກໍຄືສານເຈົ້າປະຈຳເມືອງ ສານເຈົ້າຊິຊິບຸ Chichibu Shrine ສານນີ້ຖືກສ້າງໂດຍ ທ່ານໂຊກຸນ ໂທກຸກາວະ ອິເອຢາຊຶ ສ້າງໃນປີ 1592 ເປັນສານເຈົ້າຊິນໂຕ ສານແຫ່ງນີ້ເຕັມໄປດ້ວຍ ສິລະປະດ້ານງານໄມ້ຄວັດລວດລາຍ ຫາກໄດ້ມາສານເຈົ້າແຫ່ງນີ້ ຢ່າພາດທີ່ຈະສ່ຽງຊຽມຊີແລ້ວ ນຳໃບຊຽມຊີໄປແຊ່ນ້ຳ ຄຳທຳນວາຍຈະປະກົດຂຶ້ນມາ

ຊ່ວງບ່າຍນຳທ່ານເດີນທາງສູ່ອີກເມືອງ ນັ້ນກໍຄືເມືອງ Takasaki ທາຄາຊາກິ ຢູ່ຫ່າງຈາກໂຕກຽວພຽງ 50 ນາທີຖ້າເດີນທາງດ້ວຍລົດໄຟຊິນຄັນເຊັນ ເປັນເມືອງທີ່ມີຊື່ສຽງດ້ານຕຸກກະຕາດາຣູມະ (Daruma) ຫຼື ຕຸກກະຕາໂຊກລາບຂອງຊາວຍີ່ປຸ່ນ

ສະຖານທີ່ທຳອິດຂອງເມືອງນີ້ ນຳທ່ານນະມັດສະການເຈົ້າແມ່ກວນອິມກາງແຈ້ງທີ່ສູງເຖິງ 41.80 ແມັດ ທີ່ Byakui Daikannon Jigen-in ເບຍກຄຸອິ ໄດຄັນນົງ ຈິເກັນອິນ ສ້າງຂຶ້ນໃນປີໂຊວະທີ 11 ຄ.ສ. 1936 ປະຈຸບັນປຽບເໝືອນສັນຍະລັກຢ່າງໜຶ່ງຂອງເມືອງທາຄາຊາກິແຫ່ງແຂວງກຸນມະ

ຈາກນັ້ນ ນຳທ່ານຊົມວັດ Shorinzan Daruma-ji Temple ວັດໂຊຣິນຊັງ ດາຣູມະຈິ ເປັນວັດທີ່ເຕັມໄປດ້ວຍຕຸກກະຕາດາຣູມະຈຳນວນຫຼວງຫຼາຍ ເຫດທີ່ເຮັດໃຫ້ວັດແຫ່ງນີ້ເຕັມໄປດ້ວຍຕຸກກະຕາດາຣູມະເປັນຍ້ອນວ່າ ຜູ້ຄົນໄດ້ນຳຕຸກກະຕາມາສົ່ງຄືນເມື່ອພອນທີ່ຂໍໄປນັ້ນສຳເລັດຜົນຮຽບຮ້ອຍແລ້ວ ຈຶ່ງເຮັດໃຫ້ມີເທສະການເຜົາຕຸກກະຕາດາຣູມະເກີດຂຶ້ນໃນຊ່ວງວັນທີ 6 ແລະ 7 ມັງກອນຂອງທຸກໆປີ ຫາກທ່ານຕ້ອງການຊື້ ແມ່ນສາມາດຊື້ໄດ້ທີ່ວັດເລີຍ ຫຼື ຈະຊື້ຈາກຮ້ານໂດຍກົງເລີຍກໍໄດ້ ທີ່ Daruma no Sato Daimon ya ຂອງອາຈານ Jun-ichi Nakata ຜູ້ແຕ້ມລວດລາຍໜ້າເທິງຕຸກກະຕາດ້ວຍຕົວເອງທຸກໂຕ

ຈາກນັ້ນເດີນທາງກັບເມືອງໂຕກຽວ ເພື່ອພັກຄ້າງຄືນ

hotel ພັກແຮມ Tokyo

ມື້ສຸດທ້າຍຂອງທິບ ຖ້າມີເວລາເຫຼືອ ພາທ່ານໄປໄຫວ້ສັກກາຣະສາລເຈົ້າເມຈິ Meji - jingo ເປັນສາລເຈົ້າສຳລັບສັກກາຣະຈັກກະພັດເມຈິ ແລະ ຈັກກະພັດນີໂຊເຄັນ

ຈາກນັ້ນພາທ່ານໄປສົ່ງທີ່ສະໜາມບິນກ່ອນເວລາ 3 ຊົ່ວໂມງ ເພື່ອເດີນທາງກັບກຸງເທບດ້ວຍຄວາມປອດໄພ ແລະ ຄວາມປະທັບໃຈ