ທົວສ່ວນຕົວຢີ່ປຸ່ນ (JPN012) ວັດອາຊາກຸສະ ຊັອບປິ້ງທີ່ Gotemba Premium Outlet ວັດນ້ຳໃສ ຂີ່ລົດໄຟຊິນຄັນເຊັນ ແລະ ຊົມ Universal Studios Japan (5 ມື້ 4 ຄືນ)

1 Tokyo (no meals)

ເດີນທາງຮອດໂຕກຽວ ຮັບທ່ານຢູ່ສະໜາມບິນ ແລະ ເດີນທາງໄປທີ່ Tokyo DisneySea ເຊິ່ງເປັນສະຖານທີ່ທີ່ໄດ້ຮັບແຮງບັນດານໃຈມາຈາກເທບນິຍາຍ ແລະ ຕຳນານແຫ່ງທ້ອງທະເລ ນອກຈາກຈະເປັນສວນສະໜຸກທີ່ມີເຄື່ອງຫຼິ້ນຫຼວງຫຼາຍແລ້ວ ຍັງມີທັງຮ້ານອາຫານຄາວ ແລະ ຫວານອີກດ້ວຍ ສວນສະໜຸກນີ້ມີຫຼາຍໂຊນ ແລະ ແຕ່ລະໂຊນມີເຖິງ 7 ທິມ ຄື ທ່າເຮືອເກາະເມດິເຕີເຣນຽນ (Midterranean Harbor) ເປັນສະໄຕລ໌ອິຕາລີ, ເກາະເລິກລັບ (Mystery Island) ເຊິ່ງຕັ້ງຢູ່ໃນພູເຂົາໄຟໃຈກາງພາກ, ທະເລສາບນາງເງືອກ (Mermaid Lagoon) ເປັນໂລກໃຕ້ທ້ອງທະເລຂອງແອຣຽວ ແລະ ໝູ່ເພື່ອນ, ຊາຍຝັ່ງອາຣາບຽນ (Arabian Coast) ເຊິ່ງເປັນໂລກຂອງອາລາດິນ, ແມ່ນ້ຳເດລຕາທີ່ສາບສູນ (Lost River Delta) ແມ່ນ້ຳທີ່ສ້າງຂຶ້ນທ່າມກາງຊາກຫັກພັງຂອງພີຣາມິດບູຮານໃນປ່າອາເມຣິກາ, ພອດດິສຄັຟເວີຣີ (Port Discovery) ມີລົດໄຟເຫາະ ນ້ຳພຸ ແລະ ນ້ຳວົນ Aquatopia ແລະ ທິມສຸດທ້າຍຄື ອະເມຣິກັນວໍເຕີຟຣອນທ໌ (American Waterfront)

ຫຼັງຈາກນັ້ນເດີນທາງໄປທີ່ຊິບູຢະ ເຊິ່ງເປັນເສັ້ນທາງສັນຈອນໃຈກາງຍ່ານທຸລະກິດສຳຄັນຂອງນະຄອນຫຼວງໂຕກຽວ

2 Tokyo - Kawaguchi (breakfast)

ມື້ນີ້ມີທົວອ້ອມເມືອງເພື່ອໄປຢ້ຽມຊົມສະຖານທີ່ທີ່ພາດບໍ່ໄດ້ ເຊັ່ນ ວັດອາຊາກຸສະ (ວັດເຊັນໂຊຈິ ແລະ ຖະໜົນນາກາມິເສະ) ເຊິ່ງມີສັນຍະລັກເປັນໂຄມໄຟສີແດງໃຫຍ່ ແລະ ຂຽນອັກສອນຄັນຈິ "Kaminari-mon ເຊິ່ງແປວ່າ "ປະຕູສາຍຟ້າ" ນັບວ່າເປັນສິ່ງທີ່ດຶງດູດຄວາມສົນໃຈຂອງນັກທ່ອງທ່ຽວເປັນຢ່າງຫຼາຍ ວັດນີ້ເປັນວັດທີ່ເກົ່າແກ່ທີ່ສຸດໃນໂຕກຽວ ໃນສ່ວນຂອງຕົວວັດນັ້ນເປີດໃຫ້ເຂົ້າຊົມຟຣີ ນອກຈາກນີ້ ສາມາດເຮັດບຸນໄດ້ດ້ວຍ ຫຼຽນໂກະເອນ ຫຼື ຫຼຽນ 5 ເຢນ

ຈາກນັ້ນເດີນທາງໄປ Tokyo Skytree ເຊິ່ງເປັນຈຸດຖ່າຍຮູບ ແລະ ເປັນບ່ອນທີ່ທ່ານສາມາດຊົມວິວຂອງເມືອງໄດ້ ໃນມື້ທີ່ອາກາດດີກໍຈະສາມາດເຫັນວິວຂອງພູເຂົາໄຟຟູຈິໄດ້ຢ່າງຊັດເຈນ ສະຖານທີ່ນີ້ອ້ອມຮອບໄປດ້ວຍຫ້າງສັບພະສິນຄ້າຕ່າງໆ ແລະ ຫໍພິພິທະພັນທີ່ໜ້າສົນໃຈ

ເດີນທາງຜ່ານພະລາຊະວັງອິມພີຣຽວ ເຊິ່ງເປັນສະຖານທີ່ທີ່ໄດ້ຄົງອະນຸລັກທຳມະຊາດຂອງຍີ່ປຸ່ນໄວ້ເປັນຢ່າງດີ ໃນຊ່ວງລະດູໃບໄມ້ປົ່ງຈະເຕັມໄປດ້ວຍດອກຊາກຸຣະ ແລະ ໃນຊ່ວງລະດູໃບໄມ້ຫຼົ່ນກໍຈະມີການປ່ຽນສີຂອງໃບໄມ້ ການເຂົ້າຊົມພະລາຊະວັງອິມພີຣຽວນັ້ນສາມາດລົງທະບຽນລ່ວງໜ້າ ຫຼື ຕໍ່ແຖວລົງທະບຽນໄດ້ທີ່ດ້ານໜ້າພະລາຊະວັງ ເວລາເຂົ້າຊົມພະລາຊະວັງນັ້ນແມ່ນປະມານ 1.15 ຊົ່ວໂມງ ແລະ ຈະມີເຈົ້າໜ້າທີ່ນຳທາງ

ຈົບມື້ດ້ວຍການໄປທີ່ກິນຊ່າ ເຊິ່ງເປັນຍ່ານທີ່ຮວບຮວມປະເພນີດັ້ງເດີມ ແລະ ຄວາມທັນສະໄໝຂອງໂຕກຽວເຂົ້າໄວ້ນຳກັນ ກິນຊ່ານັ້ນຈະມີຮ້ານອາຫານ ແລະ ຫ້າງສັບພະສິນຄ້າໄວ້ຢ່າງຫຼວງຫຼາຍ

ຫຼັງຈາກນັ້ນເດີນທາງໄປທີ່ຄາວາກູຈິເພື່ອພັກຄ້າງຄືນ

3 Kawaguchi - Toyohashi (breakfast)

ຈຸດທຳອິດຂອງມື້ນີ້ແມ່ນ ໝູ່ບ້ານອິຢາຊິໂນຊາໂຕະ ເຊິ່ງເປັນຫໍພິພິທະພັນກາງແຈ້ງ ແລະ ເປັນໝູ່ບ້ານຫັດຖະກຳດັ້ງເດີມ ເຊິ່ງເປັນບ່ອນທີ່ສາມາດຮຽນຮູ້ກ່ຽວກັບວັດທະນະທຳ ແລະ ອຸດໜູນຜົນງານເຮັດດ້ວຍມືທ້ອງຖິ່ນ

ຫຼັງຈາກນັ້ນເດີນທາງໄປທີ່ Gotemba Premium Outlet ເຊິ່ງເປັນແຫຼ່ງຊັອບປິ້ງຍອດນິຍົມ ພາຍໃນຈະມີຮ້ານຄ້າແບຣນເນມຫຼວງຫຼາຍກວ່າ 200 ຮ້ານ ແລະ ສະພາບແວດລ້ອມນັ້ນເຕັມໄປດ້ວຍວິວຈາກທຳມະຊາດ ເຊັ່ນ ທະເລສາບ ສວນດອກໄມ້ ແລະ ພູເຂົາໄຟຟູຈິ

ພັກຄ້າງຄືນທີ່ໂທໂຢຮາຊິ

4 Toyohashi - Kyoto - Osaka (breakfast)

ເລີ່ມມື້ດ້ວຍການໄປຢ້ຽມຊົມສະຖານທີ່ທີ່ພາດບໍ່ໄດ້ທີ່ກຽວໂຕ ເຊິ່ງລວມເຖິງວັດຄິໂຢມິຊຶເດຣະ ຫຼື ວັດນ້ຳໃສ ເຊິ່ງເປັນສະຖານທີ່ທີ່ມີຊື່ສຽງໃນການຊົມດອກຊາກຸຣະ ແລະ ໃບໄມ້ສີແດງ ແລະ ດ້ວຍສະຖາປັດຕະຍະກຳອັນສວຍງາມຂອງຕົວວັດ ເຮັດໃຫ້ຢູເນັສໂກໄດ້ບັນທຶກໃຫ້ວັດນີ້ຂຶ້ນເປັນມໍລະດົກໂລກ

ໄປທີ່ສານເຈົ້າຍາຊາກະ ເຊິ່ງນັບເປັນສານເຈົ້າເກົ່າແກ່ແຫ່ງໜຶ່ງຂອງກຽວໂຕ ສານເຈົ້ານີ້ມີຊື່ສຽງໃນດ້ານການຈັດເທສະການສະເຫຼີມສະຫຼອງກິອອນມັດສຶຣິ (Gion Matsuri) ໃນຊ່ວງເດືອນກໍລະກົດຂອງທຸກໆປີ ແລະ ໃນຊ່ວງເດືອນເມສາກໍຈະມີດອກຊາກຸຣະທີ່ເບັ່ງບານ

ຫຼັງຈາກນັ້ນໄປຮັບປະສົບການລົດໄຟຊິນຄັນເຊັນຈາກກຽວໂຕຮອດໂອຊາກ້າ ເມື່ອຮອດໂອຊາກ້າ ເດີນທາງໄປທີ່ຍ່ານຊິນໄຊບາຊິ ເຊິ່ງເປັນແຫຼ່ງຊັອບປິ້ງຊື່ດັງຂອງໂອຊາກ້າທີ່ມີຄວາມຍາວກວ່າ 2 ກິໂລແມັດ ມີທັງຮ້ານຂາຍຢາ ຮ້ານຂາຍເຄື່ອງສຳອາງ ຮ້ານ 100 ເຢນ ຮ້ານຄາແຣັກເຕີຕ່າງໆ ລວມທັງຮ້ານອາຫານ ແລະ ຄາເຟ່

5 Osaka - Tokyo (breakfast)

ມື້ນີ້ເພີດເພີນກັບການທ່ຽວຊົມ Universal Studios Japan ເຊິ່ງເປັນສະຖານທີ່ທີ່ບໍ່ຄວນພາດເມື່ອມາທ່ຽວທີ່ໂອຊາກ້າ ຍ້ອນວ່າເປັນສວນສະໜຸກທີ່ໄດ້ຮັບຄວາມນິຍົມລະດັບໂລກ ສ້າງຂຶ້ນຈາກຮູບແບບຂອງຈັກກະວານຮູບເງົາຮໍລີວູດແຫ່ງດຽວໃນປະເທດຍີ່ປຸ່ນ ມີທັງເຄື່ອງຫຼິ້ນ ອາຄານ ແລະ ຮ້ານອາຫານຫຼວງຫຼາຍ

ຫຼັງຈາກນັ້ນເດີນທາງໄປທີ່ສະໜາມບິນເພື່ອເດີນທາງກັບ ບິນຮອດໂຕກຽວ 1.3 ຊົ່ວໂມງ

ຂຶ້ນຢູ່ກັບໂຮງແຮມ ຫຼື ໃກ້ຄຽງ: 1 ໂຕກຽວ: La'gent Shinjuku Kabukicho Hotel ຫຼື ໃກ້ຄຽງ 2 ຄາວາກູຈິ : Daito Fuji Resort ຫຼື ໃກ້ຄຽງ 3 ໂທໂຍຮາຊິ: Loisir Hotel Toyohashi ຫຼື ໃກ້ຄຽງ 4 ໂອຊາກ້າ: Namba Oriental Hotel ຫຼື ໃກ້ຄຽງ