ທົວສ່ວນຕົວຢີ່ປຸ່ນ (JPN015) ທ່ຽວຮອກໄກໂດ 6 ມື້ 5 ຄືນ

ເດີນທາງຮອດໂຕກຽວ ພົບກັນທີ່ສະໜາມບິນຮາເນດະ ແລະ ເດີນທາງໄປທີ່ສະໜາມບິນຊິໂຕເສະ (ຮອກໄກໂດ)

ຫຼັງຈາກນັ້ນເດີນທາງໄປທີ່ ສວນສາທາລະນະໂອດໍຣິ (Odori Park) ເຊິ່ງເປັນສວນສາທາລະນະທີ່ຕັ້ງຢູ່ໃຈກາງເມືອງຊັບໂປໂຣ ເຊິ່ງມີຄວາມສະຫງົບ ແລະ ປຽບເໝືອນໂອເອຊິສ ນອກຈາກນີ້ຍັງເປັນສະຖານທີ່ພັກຜ່ອນຂອງປະຊາຊົນ ແລະ ເປັນສະຖານທີ່ທ່ອງທ່ຽວຍອດນິຍົມຂອງຊາວຕ່າງຊາດອີກດ້ວຍ ທີ່ສວນສາທາລະນະນີ້ຈະມີທັງນ້ຳພຸ ແລະ ຮູບປັ້ນຕ່າງໆ ຢ່າງຫຼວງຫຼາຍ ແລະ ໃນຊ່ວງລະດູຮ້ອນກໍຈະມີການປູກຕົ້ນໄມ້ ດອກໄມ້ປະດັບໃໝ່ອີກດ້ວຍ

ຈາກນັ້ນເດີນທາງໄປຢ້ຽມຊົມ ຫໍສົ່ງສັນຍານໂທລະພາບຊັບໂປໂຣ (Sapporo TV Tower) ເຊິ່ງເປັນຫໍທີ່ຕິດຢູ່ກັບສວນສາທາລະນະໂອດໍຣິ ຫໍສູງນີ້ເປັນຫໍທີ່ມີໄວ້ສົ່ງສັນຍານວິທະຍຸ ແລະ ໂທລະພາບໃນຍຸກອານາລັອກ ແລະ ສ້າງຂຶ້ນໃນປີ ຄ.ສ. 1957 ແລະ ຫໍຈະເປີດໃຫ້ບໍລິການທັງໝົດສອງຊັ້ນ ຄື ຊັ້ນຊົມວິວ (Observation Deck) ເຊິ່ງຈະສາມາດແນມເຫັນສວນໂອດໍຣິໄດ້ ແລະ ຊັ້ນທີສອງຄື ໂຊນຮ້ານອາຫານລອຍຟ້າ ສາມາດຮັບປະທານອາຫານ ແລະ ຊົມວິວຂອງສວນໂອດໍຣິໄດ້

ມື້ນີ້ເດີນທາງສູ່ ເມືອງໂອຕາຣຸ (Otaru) ເຊິ່ງເປັນເມືອງທ່າໃນກິ່ງແຂວງຊິຣິເບຊິ ຢູ່ຫ່າງຈາກເມືອງຊັບໂປໂຣພຽງແຕ່ 30 ກິໂລແມັດ ເປັນເມືອງທີ່ແສນໂຣແມນຕິກ ອາຄານບ້ານເຮືອນຖືກອະນຸລັກໄວ້ເປັນຢ່າງດີ ແລະ ເມືອງນີ້ມີສະຖານທີ່ທ່ອງທ່ຽວນ່າສົນໃຈຢ່າງຫຼວງຫຼາຍ

ອິດສະຫຼະໃຫ້ທ່ານຍ່າງຊົມຄວາມງາມຂອງເມືອງລຽບຄອງໂອຕາຣຸ ຄອງໂອຕາຣຸຖືວ່າເປັນສະຖານທີ່ທີ່ມີຊື່ສຽງເປັນຢ່າງຍິ່ງ ຖືວ່າເປັນພາບຈຳຂອງເມືອງນີ້ເລີຍກໍວ່າໄດ້ ຄອງແຫ່ງນີ້ມີຄວາມຍາວປະມານ 1 ກິໂລແມັດ ຖືກຕົກແຕ່ງໄປດ້ວຍໂຄມໄຟສະໄຕລ໌ວິກຕໍຣຽນຢູ່ທັງສອງຂ້າງທາງ ຕົວອາຄານສ້າງຈາກດິນຈີ່ແດງ ຈຶ່ງເຮັດໃຫ້ບັນຍາກາດຢູ່ນີ້ຍິ່ງອົບອຸ່ນຂຶ້ນຕື່ມ

ຈາກນັ້ນນຳທ່ານເຂົ້າຊົມ ພິພິທະພັນກ່ອງດົນຕີໂອຕາຣຸ (Otaru Musicbox Museum) ບ່ອນນີ້ເປັນສະຖານທີ່ທາງປະຫວັດສາດຂອງເມືອງໂອຕາຣຸເລີຍກໍວ່າໄດ້

ນຳທ່ານຊົມໂມງອາຍນ້ຳບູຮານສະໄຕລ໌ອັງກິດທີ່ຍັງຄົງໃຊ້ງານໄດ້ມາຮອດປະຈຸບັນ ແລະ ປະຈຸບັນເຫຼືອພຽງ 2 ໜ່ວຍໃນໂລກເທົ່ານັ້ນ ພ້ອມກັບນຳທ່ານຊົມຄວາມງົດງາມພາຍໃນພິພິທະພັນ

ຈາກນັ້ນນຳທ່ານຍ່າງຫຼິ້ນຕໍ່ກັນທີ່ ຖະໜົນຊາໄກມາຈິ (Sakaimachi Street) ເຊິ່ງເປັນຖະໜົນທີ່ຕັ້ງຢູ່ໃຈກາງເມືອງໂອຕາຣຸ ບໍ່ໄກຈາກຄອງໂອຕາຣຸປານໃດ ຖະໜົນເສັ້ນນີ້ຖືວ່າເປັນແລນດ໌ມາກອີກແຫ່ງໜຶ່ງຂອງເມືອງເລີຍກໍວ່າໄດ້ ເມື່ອມາຖະໜົນແຫ່ງນີ້ແລ້ວສິ່ງທີ່ບໍ່ຄວນພາດຄື LeTAO ທີ່ໄດ້ຮັບການຍອມຮັບຈາກນັກທ່ອງທ່ຽວຫຼາຍຄົນວ່າເປັນຂະໜົມທີ່ມີລົດຊາດລະມຸນທີ່ສຸດໃນຖະໜົນເສັ້ນນີ້ ນອກຈາກ LeTAO ແລ້ວຍັງມີຮ້ານອາຫານ ຮ້ານຂະໜົມໜ້າຮັກໆ ອີກຢ່າງຫຼວງຫຼາຍ ໃຫ້ທ່ານໄດ້ເພີດເພີນໄປຕະຫຼອດທັງສາຍຂອງຖະໜົນເສັ້ນນີ້

ຊ່ວງເຊົ້າ ຢ້ຽມຊົມສຳນັກງານວ່າການແຂວງຮອກໄກໂດຫຼັງເກົ່າ (Former Hokkaido Government Office) ເຊິ່ງເປັນສະຖານທີ່ຍອດນິຍົມໃນດ້ານການຖ່າຍຮູບ ແລະ ເຂົ້າຊົມຫຼາຍທີ່ສຸດແຫ່ງໜຶ່ງຂອງເມືອງຊັບໂປໂຣ ສະຖານທີ່ນີ້ຖືກສ້າງຂຶ້ນໃນປີ ຄ.ສ. 1888 ແລະ ໃນສະໄໝກ່ອນເຄີຍຖືກໄຟໄໝ້ໃນສ່ວນຂອງຫຼັງຄາສ່ວນກາງ ແຕ່ໃນສ່ວນທີ່ໄດ້ເຫັນໃນປະຈຸບັນແມ່ນສ່ວນທີ່ສ້າງຂຶ້ນມາໃໝ່ ໃນປະຈຸບັນນີ້ທ່ານສາມາດເຂົ້າຊົມໄດ້ໂດຍບໍ່ເສຍຄ່າໃຊ້ຈ່າຍ ແລະ ມີການຈັດສະແດງຂໍ້ມູນຕ່າງໆ ຂອງຮອກໄກໂດ ເຊັ່ນ: ຜົນງານທາງປະຫວັດສາດ ຊົນເຜົ່າດັ້ງເດີມ ເຊັ່ນ ເຜົ່າໄອນຸ ການເຮັດສົງຄາມສະໄໝກ່ອນ ແລະ ການທູດ

ຫຼັງຈາກນັ້ນເດີນທາງໄປຊັອບປິ້ງທີ່ ຖະໜົນຄົນຍ່າງທານຸກິໂຄຈິ (Tanukikoji Shopping Street) ເປັນສະຖານທີ່ທີ່ຮວບຮວມຂອງຝາກ ຂອງທີ່ລະນຶກ ເຄື່ອງໃຊ້ ແລະ ຂອງກິນໄວ້ຢ່າງຫຼວງຫຼາຍ ຕົວຖະໜົນນີ້ມີຄວາມຍາວຫຼາຍກວ່າ 900 ແມັດ ສອງຂ້າງທາງນີ້ຈະມີຮ້ານຄ້າຕ່າງໆ ຢ່າງຫຼວງຫຼາຍ ເຊັ່ນ: ຮ້ານຂາຍຂອງທີ່ລະນຶກ ຮ້ານຂາຍເຄື່ອງໃຊ້ ຮ້ານເຄື່ອງສຳອາງ ດຣັກສະໂຕຣ໌ ແລະ ຮ້ານອາຫານອີກຢ່າງຫຼວງຫຼາຍ ນອກຈາກນີ້ ຖະໜົນສາຍນີ້ຍັງມີຫຼັງຄາຕະຫຼອດທາງ ຈຶ່ງບໍ່ຕ້ອງກັງວົນເລື່ອງແດດ ຫຼື ຝົນ ພາຍໃນຖະໜົນສາຍນີ້ຈະມີຮ້ານຊື່ດັງຢ່າງ ດອງກິໂຮເຕ້ (Don Quijote) ນອກຈາກນີ້ຍັງເປັນຮ້ານທີ່ຂາຍທຸກຢ່າງ ແລະ ລາຄາຖືກ ທັງຍັງປອດພາສີອີກດ້ວຍ ແລະ ມີຮ້ານດຣັກສະໂຕຣ໌ປອດພາສີອື່ນ ເຊັ່ນ: ມັດສຶໂມໂຕ້ (Matsumoto Kiyoshi)

ເດີນທາງໄປທີ່ ພິພິທະພັນເບຍຊັບໂປໂຣ (Sapporo Beer Museum) ເນື່ອ'ຈາກຮອກໄກໂດນັ້ນຂຶ້ນຊື່ວ່າເປັນແຫຼ່ງຜະລິດເບຍແຫ່ງທຳອິດຂອງຍີ່ປຸ່ນ ເມືອງຊັບໂປໂຣຈຶ່ງເປັນແຫຼ່ງຜະລິດທີ່ເກົ່າແກ່ທີ່ສຸດ ແລະ ເປັນທີ່ນິຍົມຫຼາຍທີ່ສຸດໃນຍີ່ປຸ່ນ ແລະ ມີການເລີ່ມກັ່ນເບຍຂຶ້ນໃນປີ ຄ.ສ. 1877 ໃນສ່ວນຂອງຕົວພິພິທະພັນໄດ້ມີການກໍ່ຕັ້ງຂຶ້ນໃນປີ ຄ.ສ. 1987 ໃນອະດີດພິພິທະພັນແຫ່ງນີ້ເຄີຍເປັນໂຮງກັ່ນເບຍໃນຍຸກເມຈິ ແລະ ພາຍຫຼັງໄດ້ມີການປັບປຸງໃຫ້ກາຍມາເປັນພິພິທະພັນເບຍຊັບໂປໂຣ ດ້ານໃນຂອງພິພິທະພັນຈະມີການແນະນຳປະຫວັດຂອງເບຍໃນຍີ່ປຸ່ນ ແລະ ຂະບວນການຂັ້ນຕອນການຜະລິດເບຍ ນອກຈາກນີ້ຍັງມີເບຍໃຫ້ຊິມຟຣີອີກດ້ວຍ

ມື້ນີ້ເດີນທາງໄປຢ້ຽມຊົມ Sapporo Okurayama Ski Jump Stadium ເຊິ່ງເປັນສະໜາມແຂ່ງຂັນກິລາກະໂດດສະກີ ແລະ ມີຈຸດຊົມວິວຕົວເມືອງເທິງຍອດພູ ເຊິ່ງເປັນຈຸດຊົມວິວທີ່ສວຍງາມແຫ່ງໜຶ່ງຂອງເມືອງຊັບໂປໂຣ ສາມາດຂຶ້ນໄປຊົມວິວໄດ້ໂດຍການນັ່ງລິບຕັ່ງເພື່ອຊົມວິວຂອງເມືອງຊັບໂປໂຣ ນອກຈາກນີ້ທາງດ້ານເທິງຍັງມີ ພິພິທະພັນກິລາລະດູໜາວຊັບໂປໂຣ (Sapporo Winter Sports Museum) ເຊິ່ງຈະມີການຈັດສະແດງກ່ຽວກັບການແຂ່ງຂັນໂອລິມປິກລະດູໜາວທີ່ຈັດຂຶ້ນທີ່ຊັບໂປໂຣໃນປີ 1972 ເຊັ່ນ: ການແຂ່ງກະໂດດສະກີ ບັອບສະເລດ ແລະ ໄບແອັດລອນ

ຈາກນັ້ນເດີນທາງໄປຊັອບປິ້ງທີ່ Susukino ເຊິ່ງເປັນຢ່ານແຫຼ່ງບັນເທີງທີ່ມີຊື່ສຽງຂອງເມືອງຊັບໂປໂຣ ມີທັງຮ້ານຄ້າ ບາຣ໌ ຮ້ານອາຫານ ຮ້ານຄາຣາໂອເກະ ແລະ ຕູ້ປາຈິງໂກະ ລວມກວ່າ 4,000 ຮ້ານ ນັກທ່ອງທ່ຽວນິຍົມໄປຖ່າຍຮູບກັບອາຄານຊູຊູກິໂນະທີ່ມີແສງນີອອນ ແລະ ຊົມຊິງຊ້າສະຫວັນຍັກຢ່າງ Noria Ferris Wheel

ເດີນທາງໄປທີ່ ສານເຈົ້າຮອກໄກໂດ (Hokkaido Shrine) ເຊິ່ງເປັນສານເຈົ້າສາສະໜາພຸດນິກາຍຊິນໂຕອັນເກົ່າແກ່ຂອງຮອກໄກໂດ ສານເຈົ້າແຫ່ງນີ້ຖືກສ້າງຂຶ້ນໃນປີ ຄ.ສ. 1871 ຕົວສານເຈົ້ານັ້ນເຊື່ອມຕໍ່ກັບສວນມາຣຸຍາມະ ເຊິ່ງເຮັດໃຫ້ເປັນວິວອັນສວຍງາມ ແລະ ໃນວັນທີ 14-16 ມິຖຸນາ ຈະມີເທສະການ Sapporo Festival ຫຼື Sapporo Matsuri

ສະຖານທີ່ຖັດມາແມ່ນ ສວນສັດມາຣຸຍາມະ (Maruyama Zoo) ເຊິ່ງເປັນສວນສັດທີ່ມີຊື່ສຽງເປັນຢ່າງຍິ່ງຂອງເມືອງຊັບໂປໂຣ ຈຸດສຳຄັນຂອງສວນສັດແຫ່ງນີ້ແມ່ນຈະມີການຈັດສະພາບແວດລ້ອມຂອງສັດໃຫ້ຄືກັບທຳມະຊາດຂອງສັດຕ່າງໆ

ປິດທ້າຍມື້ດ້ວຍການໄປຢ້ຽມຊົມ ໂຮງງານຊັອກໂກແລັດ ຊິໂຣອິ ໂຄອິບິໂຕະ (Shiroi Koibito Park) ເຊິ່ງເປັນໂຮງງານຂອງບໍລິສັດ Ishiya ເຊິ່ງເປັນບໍລິສັດຊັອກໂກແລັດທ້ອງຖິ່ນ ແລະ ຂອງຂຶ້ນຊື່ຂອງບໍລິສັດນີ້ແມ່ນ ຄຸກກີ້ Shiroi Koibio ຄຸກກີ້ເນີຍສອດໄສ້ໄວທ໌ຊັອກໂກແລັດ ເຊິ່ງຖືເປັນຂອງຝາກຍອດນິຍົມຂອງຮອກໄກໂດເລີຍກໍວ່າໄດ້ ໃນຊ່ວງລະດູໜາວ ທາງໂຮງງານຈະມີການເປີດໄຟ Illumination ຕາມອາຄານສະໄຕລ໌ເອີຣົບ ເຊິ່ງຈະເຮັດໃຫ້ຄືກັບໄດ້ຫຼຸດເຂົ້າໄປໃນເມືອງອັນແສນໂຣແມນຕິກຂອງເອີຣົບ ຕົວໂຮງງານນີ້ນອກຈາກຈະເປັນສວນສະໜຸກແລ້ວຍັງມີຮ້ານຄ້າ ຮ້ານກາເຟ ຮ້ານອາຫານ ແລະ ພິພິທະພັນໂຮງງານຊັອກໂກແລັດທີ່ຈຳໜ່າຍຊັອກໂກແລັດຫຼາກຫຼາຍແບບ ນອກຈາກນີ້ຍັງມີເວິກຊັອບເຮັດຄຸກກີ້ອີກດ້ວຍ

ເດີນທາງອອກຈາກສະໜາມບິນຊິໂຕເສະໄປຍັງສະໜາມບິນຮາເນດະ

ຮັບປະທານອາຫານເຊົ້າຢູ່ໂຮງແຮມ ແລະ ເຊັກເອົາອອກຈາກໂຮງແຮມ ຫຼັງຈາກນັ້ນເດີນທາງໄປທີ່ສະໜາມບິນຊິໂຕເສະ ແລະ ເດີນທາງໄປຍັງສະໜາມບິນຮາເນດະ ເພື່ອກັບບາງກອກໂດຍສະຫວັດດີພາບ