ທົວສ່ວນຕົວຍີ່ປຸ່ນ (JPN018) Winter in ໂຕກຽວ - ອາຄິຕະ ເທສະການຕູບຫິມະປະຈຳປີ

ເດີນທາງຮອດນະລິຕະ ພົບກັນທີ່ສະໜາມບິນ ພາທ່ຽວຕະຫຼາດປາໂຕກຽວ ຕອນເຊົ້າ ຢ້ຽມຊົມຕະຫຼາດປາຊຶກິຈິ ເຊິ່ງຖືວ່າເປັນຕະຫຼາດປາທີ່ໃຫຍ່ທີ່ສຸດໃນໂລກ ຍ້ອນມີການຊື້-ຂາຍສິນຄ້າທະເລຫຼາຍກວ່າ 2,000 ໂຕນຕໍ່ມື້ ຕະຫຼາດນີ້ແບ່ງອອກເປັນສອງສ່ວນຄື: ສ່ວນນອກຈະມີຮ້ານຄ້າຂາຍຍ່ອຍ ແລະ ຮ້ານອາຫານຈຳນວນຫຼາຍ ສ່ວນໃນຈະເປັນບໍລິເວນທີ່ຮ້ານຄ້າຂາຍສົ່ງໃຊ້ເຈລະຈາທຸລະກິດ ແລະ ປະມູນປາທູນາທີ່ມີຊື່ສຽງ

ຊົມ ວັດອາຊາກຸຊະ (ວັດເຊັນໂຊຈິ ແລະ ຖະໜົນນາກາມິເສະ) ເຊິ່ງມີສັນຍະລັກເປັນໂຄມສີແດງໃຫຍ່ ແລະ ຂຽນອັກສອນຄັນຈິ "Kaminari-mon ເຊິ່ງແປວ່າ "ປະຕູສາຍຟ້າ" ຖືວ່າເປັນສິ່ງທີ່ດຶງດູດຄວາມສົນໃຈຂອງນັກທ່ອງທ່ຽວເປັນຢ່າງຍິ່ງ ວັດນີ້ເປັນວັດທີ່ເກົ່າແກ່ທີ່ສຸດໃນໂຕກຽວ ໃນສ່ວນຂອງຕົວວັດນັ້ນເປີດໃຫ້ເຂົ້າຊົມຟຣີ ນອກຈາກນີ້ ສາມາດເຮັດບຸນໄດ້ດ້ວຍ ຫຼຽນໂກເອນ ຫຼື ຫຼຽນ 5 ເຢນ

ສານເຈົ້າຮາໂກເນ່ ມີປະຫວັດຍາວນານມາຕັ້ງແຕ່ປີ 757 ຜູ້ຄົນຫຼວງຫຼາຍມາຂໍພອນເລື່ອງ ການແຂ່ງຂັນໃຫ້ມີໄຊ ປອດໄພ ເປີດດວງເສີມໂຊກ ຄວາມຮັກ ແລະ ເປັນຈຸດຮັບພະລັງບວກ (Power Spot)

ເດີນທາງໄປ Tokyo Skytree ເຊິ່ງເປັນຈຸດຖ່າຍຮູບ ແລະ ເປັນບ່ອນທີ່ທ່ານສາມາດຊົມວິວຂອງເມືອງໄດ້ ໃນມື້ທີ່ອາກາດດີກໍຈະສາມາດເຫັນວິວຂອງພູເຂົາໄຟຟູຈິໄດ້ຢ່າງຈະແຈ້ງ ສະຖານທີ່ນີ້ອ້ອມຮອບໄປດ້ວຍຫ້າງສັບພະສິນຄ້າຕ່າງໆ ແລະ ພິພິທະພັນທີ່ໜ້າສົນໃຈ

ທ່ຽວ ໂອໄດບະ ມາຣີນພາກ (Odaiba Marine Park) ສວນສາທາລະນະທີ່ອ້ອມຮອບດ້ວຍແນວຫີນອັນງຽບສະຫງົບ ທ່ານສາມາດຍ່າງຫຼິ້ນເທິງຫາດຊາຍ ມີບາ ແລະ ຄາເຟຕັ້ງຢູ່ຕະຫຼອດແນວທາງຍ່າງ ຊົມຄວາມງາມຂອງນະຄອນຫຼວງໂຕກຽວ

ນອກຈາກນີ້ ຍ່ານໂອໄດບະຍັງມີບ່ອນທ່ຽວ ແລະ ກິດຈະກຳຫຼາກຫຼາຍຄົບລົດຊາດ ບໍ່ວ່າຈະເປັນຈຸດຊົມວິວງາມໆ ອອນເຊັນ ພິພິທະພັນລ້ຳສະໄໝ ສວນສະໜຸກ ພິກັດຖ່າຍຮູບເກ໋ໆ ແລະ ແຫຼ່ງຊັອບປິ້ງຫຼວງຫຼາຍ ເຊັ່ນ ຫ້າງໄດເວີຊິຕີ້ໂຕກຽວພາຊາ

ຊັອບປິ້ງທີ່ Shibuya/Shinjuku ເຊິ່ງເປັນຍ່ານທຸລະກິດທີ່ຮຸ່ງເຮືອງທີ່ສຸດໃນໂຕກຽວ ເປັນແຫຼ່ງລວມຫ້າງສັບພະສິນຄ້າໃຫຍ່ຫຼວງຫຼາຍ ເຊັ່ນ Isetan, Takashimaya ແລະ Marui ທາງຝັ່ງຕາເວັນອອກຂອງຊິນຈຸກຸກໍຍັງມີຮ້ານທີ່ນັກທ່ອງທ່ຽວສາມາດເລືອກຊັອບປິ້ງໄດ້ ເຊັ່ນ Don Quijote ເຊິ່ງເປັນດິສເຄົາສະໂຕ ຮ້ານຂາຍເຄື່ອງໃຊ້ໄຟຟ້າ Yamada Denki

ຍ່ານຮາຣາຈູກຸ (Harajuku) ຂຶ້ນຊື່ເລື່ອງສະຕຣີດອາດສີສັນສົດໃສ ແລະ ຮ້ານແຟຊັນ ຮ້ານເສື້ອຜ້າວິນເທດແປກໃໝ່ ແລະ ຮ້ານຄອສເພລເທິງຖະໜົນທາເຄຊິດຕະ

hotel ພັກແຮມ Tokyo

ເດີນທາງໄປທີ່ Tokyo Disneysea ເຊິ່ງເປັນສະຖານທີ່ທີ່ໄດ້ຮັບແຮງບັນດານໃຈມາຈາກເທບນິຍາຍ ແລະ ຕຳນານແຫ່ງທ້ອງທະເລ ນອກຈາກຈະເປັນສວນສະໜຸກທີ່ມີເຄື່ອງຫຼິ້ນຫຼວງຫຼາຍແລ້ວ ຍັງມີທັງຮ້ານອາຫານຄາວ ແລະ ຫວານອີກດ້ວຍ ສວນສະໜຸກນີ້ມີຫຼາຍໂຊນ ແລະ ແຕ່ລະໂຊນມີເຖິງ 7 ທິມ ຄື: ທ່າເຮືອເກາະເມດິເຕີເລນຽນ (Midterranean Harbor) ເປັນສະໄຕລ໌ອິຕາລຽນ, ເກາະລຶກລັບ (Mystery Island) ເຊິ່ງຕັ້ງຢູ່ໃນພູເຂົາໄຟໃຈກາງພາກ, ທະເລສາບນາງເງືອກ (Mermaid Lagoon) ເປັນໂລກໃຕ້ທ້ອງທະເລຂອງແອຣຽວ ແລະ ໝູ່ເພື່ອນ, ຊາຍຝັ່ງອາຣາບຽນ (Arabian Coast) ເຊິ່ງເປັນໂລກຂອງອາລາດິນ, ແມ່ນ້ຳເດວຕາທີ່ສາບສູນ (Lost River Delta) ແມ່ນ້ຳທີ່ສ້າງທ່າມກາງຊາກຫັກພັງຂອງພິຣະມິດບູຮານໃນປ່າອາເມຣິກາ, ພອດດິສຄັຟເວີຣີ (Port Discovery) ມີລົດໄຟເຫາະ ນ້ຳພຸ ແລະ ນ້ຳວົນ Aquatopia ແລະ ທິມສຸດທ້າຍຄື ອາເມຣິກັນວໍເຕີຟຣອນ (American Waterfront)

ຫຼື ເລືອກເດີນທາງໄປທີ່ດິສນີແລນ ເຊິ່ງເປັນສວນສະໜຸກອັນດັບໜຶ່ງຂອງປະເທດຍີ່ປຸ່ນ ແລະ ມີຜູ້ເຂົ້າຊົມເກືອບ 20 ລ້ານຄົນຕໍ່ປີ ສວນສະໜຸກນີ້ປະກອບດ້ວຍ 7 ທິມຫຼັກ ຄື World Bazaar ທີ່ເປັນແຫຼ່ງຊັອບປິ້ງ ມີທັງຮ້ານຄ້າ ແລະ ຮ້ານອາຫານ ສ່ວນນີ້ຈະຖືກອອກແບບຕາມຍຸກສະຕະວັດທີ 20 ຂອງອາເມຣິກາ ທິມຕໍ່ໄປຄື Tomorrowland ຖືກອອກແບບຕາມແບບໂລກອະນາຄົດ ອີກທິມໜຶ່ງຄື Toontown ເຊິ່ງເປັນທີ່ຢູ່ຂອງຊາວດິສນີ ແລະ ຍັງມີທິມ Fantasyland, Critter Country, Western land ແລະ Adventureland

ຫຼື ຖ້າຫາກບໍ່ທ່ຽວສວນສະໜຸກ ສາມາດເລືອກຊັອບປິ້ງຕາມອັດທະຍາໄສ ເຊັ່ນ ຖະໜົນນາກາມິເສະ ຊົມ ແລະ ຊື້ສິນຄ້າຂອງຝາກຂອງທີ່ລະນຶກ ສິນຄ້າພື້ນເມືອງ “Made In Japan” ແທ້ໆ ລວມທັງເຂົ້າຂອງເຄື່ອງໃຊ້ຄຸນນະພາບດີຫຼວງຫຼາຍ / ຍ່ານອາກິຮາບາຣະ ແຫຼ່ງຂາຍເຄື່ອງໃຊ້ໄຟຟ້າ ທີ່ມີຕັ້ງແຕ່ຮ້ານນ້ອຍໆ ໄປຈົນຮອດສູນການຄ້າຂະໜາດໃຫຍ່ / ຍ່ານກິນຊ່າ ເປັນຍ່ານເສດຖະກິດ ລາຄາດິນຢູ່ໃຈກາງກິນຊ່າມີລາຄາແພງອັນດັບຕົ້ນໆ ຂອງຍີ່ປຸ່ນ ເປັນຍ່ານແຫຼ່ງຊັອບປິ້ງສິນຄ້າແບຣນເນມ ສິນຄ້າຫຼູຫຼາ ຮ້ານອາຫານ ໃນໂຕກຽວ

ອີອອນມໍລ໌ Aeon Narita Mall ໂດຍມີຮ້ານຄ້າຕ່າງໆ ຫຼາຍເຖິງ 150 ຮ້ານ ພາຍໃນຕົກແຕ່ງໃນຮູບແບບທີ່ທັນສະໄໝສະໄຕລ໌ຍີ່ປຸ່ນ ສິນຄ້າຫຼັກໆ ທີ່ມີໃຫ້ເລືອກຫຼາຍກໍແມ່ນແນວເສື້ອຜ້າແຟຊັນ ອາຫານສົດໃໝ່ ແລະ ອຸປະກອນພາຍໃນບ້ານ ສິນຄ້າແນວແຟຊັນນີ້ມີໃຫ້ເລືອກຫຼວງຫຼາຍ ບໍ່ວ່າຈະເປັນຢູ່ MUJI, 100 yen shop, Sanrio store, Capcom games arcade ແລະ supermarket ຂະໜາດໃຫຍ່ ໃຫ້ທຸກທ່ານໄດ້ຊື້ຂອງຝາກຫຼວງຫຼາຍ ບາງຮ້ານບໍ່ຕ້ອງເສຍພາສີສິນຄ້າສຳລັບນັກທ່ອງທ່ຽວຕ່າງປະເທດ ເຊິ່ງກໍໜ້າຈະຖືກກວ່າການໄປຊື້ຢູ່ສະໜາມບິນອີກດ້ວຍ ອີກທັງຮ້ານອາຫານກໍມີໃຫ້ເລືອກຫຼວງຫຼາຍ ອິດສະຫຼະໃຫ້ທ່ານຊັອບປິ້ງຕາມອັດທະຍາໄສ

hotel ພັກແຮມ Tokyo

ພາທ່ານເດີນທາງສູ່ ພູເຂົາໄຟຟູຈິ ພາທ່ານຂຶ້ນສຳຜັດມົນສະເໜ່ ແລະ ກິ່ນອາຍຢ່າງໃກ້ຊິດທີ່ຊັ້ນ 5 ເທິງລະດັບຄວາມສູງ 2,500 ແມັດ (ການຂຶ້ນຊົມຂຶ້ນກັບສະພາບອາກາດ)

ມ່ວນຊື່ນກັບກິດຈະກຳທີ່ ລານສະກີຟູຈິເທັນ Fuji ten ski resort ເປັນສະກີຣີສອດທາງພາກເໜືອຂອງພູເຂົາໄຟຟູຈິ ເປັນທຳເລທີ່ງາມຫຼາຍໆ ຂອງເມືອງ ສາມາດແນມເຫັນພູເຂົາໄຟຟູຈິເປັນສາກຫຼັງ ແລະ ທະເລສາບຄາວາກຸຈິຢູ່ເບື້ອງລຸ່ມ (ຄ່າທົວບໍ່ລວມຄ່າອຸປະກອນຫຼິ້ນຫິມະ)

ສານເຈົ້າຟູຈິໂຢຊິດະເຊນເກນ Fujiyoshida Sengen Shrine ສານເຈົ້າສຳລັບບູຊາເຈົ້າຍິງໂຄໂນຮານາຊາຄຸຍະ ເທບຂອງຊິນໂຕທີ່ກ່ຽວຂ້ອງກັບພູເຂົາໄຟຟູຈິ

ຊົມຄວາມສວຍງາມຂອງ ທະເລສາບຮາມານະໂກະ Lake Hamana ກວມເອົາເມືອງຮາມາມັດສຶ ແລະ ເມືອງໂຄະຊາອິ ແຂວງຊິຊຸໂອກະ ອີກທັງຍັງເປັນທະເລສາບນ້ຳກ່ອຍທີ່ມີຄວາມຍາວອ້ອມຮອບເປັນອັນດັບ 1 ໃນປະເທດຍີ່ປຸ່ນ ແລະ ເປັນທະເລສາບຂະໜາດໃຫຍ່ເປັນອັນດັບ 10 ໃນຍີ່ປຸ່ນອີກດ້ວຍ ອິດສະຫຼະໃຫ້ທ່ານເກັບພາບຄວາມປະທັບໃຈຕາມອັດທະຍາໄສ

ຂີ່ກະເຊົ້າໄຟຟ້າຄາຈິຄາຈິ (Mt.Fuji Panoramic Ropeway) ໄລຍະທາງ 400 ແມັດ ເຊື່ອມຕໍ່ຝັ່ງຕາເວັນອອກຂອງທະເລສາບຄາວາກູຈິໂກະ ກັບດາດຟ້າຊົມວິວໃກ້ຍອດພູເຂົາເທນໂຈ (Mount Tenjo)

ບ້ານໂອຊິໂນະຮັກໄກ Oshino Hakkai Village ເປັນບ້ານທີ່ຕັ້ງຢູ່ໃກ້ພູເຂົາໄຟຟູຈິ ບໍລິເວນທະເລສາບຍາມານາຄາໂກະ (Lake Yamanaka-ko) ເຊິ່ງໃນປີ 2013 ຟູຈິຊັງໄດ້ຮັບເລືອກໃຫ້ເປັນມໍລະດົກທາງວັດທະນະທຳຂອງໂລກ ໃນບໍລິເວນນີ້ມີບໍ່ນ້ຳໃສໆ ລວມກັນກວ່າ 8 ບໍ່ ເປັນບ້ານທີ່ຢູ່ໃກ້ພູເຂົາໄຟຟູຈິ ເປັນນ້ຳທີ່ເກີດຈາກການລະລາຍຂອງຫິມະຈາກເທິງພູເຂົາໄຟຟູຈິມີອາຍຸຫຼາຍກວ່າ 1,200 ປີ ອິດສະຫຼະຖ່າຍຮູບ ຫຼື ເລືອກຊື້ຜະລິດຕະພັນພື້ນເມືອງ ເຊັ່ນ: ໂມຈິປິ້ງແສນຫອມ, ຜັກດອງຊະນິດຕ່າງໆ ເປັນຕົ້ນ

ຫາກຕ້ອງການ ເດີນທາງໄປທີ່ Gotemba Premium Outlet ເອົາເລັດທີ່ໃຫຍ່ທີ່ສຸດໃນຍີ່ປຸ່ນຍ້ອນມີສິນຄ້າ ທັງແບຣນຍີ່ປຸ່ນ ແລະ ແບຣນດັງຈາກປະເທດອື່ນ ແບຣນເນມຊັ້ນນຳລະດັບໂລກມາໄວ້ດ້ວຍກັນທີ່ນີ້ ເຊິ່ງມີຮ້ານຄ້າແບຣນເນມຫຼາຍກວ່າ 200 ຮ້ານ

hotel ພັກແຮມ Tokyo

ເດີນທາງຈາກສະໜາມບິນ Haneda (HND) ໄປ Akita ໃຊ້ເວລາ 1h 5m ຮັບທ່ານທີ່ສະໜາມບິນ ພາທ່ານກິນອາຫານເຊົ້າ ຈາກນັ້ນນຳທ່ານໄປສຳຜັດອາຄິຕະອີກມຸມ ຜ່ານ ບ້ານຊາມູໄຣຄາຄຸໂນະດາເຕະ Kakunodate ຖືເປັນໜຶ່ງໃນສະຖານທີ່ນັບພັນຂອງຍີ່ປຸ່ນທີ່ຖືກອະນຸລັກໄວ້ ວັດທະນະທຳຕ່າງໆ ລ້ວນຖືກທຳນຸບຳລຸງຮັກສາກັນມາແຕ່ອະດີດຈົນເຖິງປະຈຸບັນກໍຍັງຄົງຢູ່ໃຫ້ນັກທ່ອງທ່ຽວໄດ້ມາສຳຜັດ ແລະ ຕື່ນຕາຕື່ນໃຈກັບສະເໜ່ສະເພາະຕົວ

ເລີ່ມກັນທີ່ຖະໜົນບຸເຄະຍາຊິກິ (Bukeyashiki Street) ຕະຫຼອດເສັ້ນທາງນີ້ເປັນຢ່ານບ້ານຊາມູໄຣ ເນື່ອງຈາກໃນອະດີດເຄີຍເປັນບ່ອນຢູ່ອາໄສຂອງເຫຼົ່າຊາມູໄຣ ເຖິງປະຈຸບັນຈະບໍ່ໄດ້ມີຊາມູໄຣຫຼົງເຫຼືອຢູ່ແລ້ວ ແຕ່ຍັງຄົງໄວ້ເຊິ່ງກິ່ນອາຍປະຫວັດສາດ ເນື່ອງຈາກມີການອະນຸລັກເຮືອນຊາມູໄຣບູຮານອາຍຸຫຼາຍຮ້ອຍປີເອົາໄວ້ຫຼາຍຫຼັງ ປະຈຸບັນເຮືອນຊາມູໄຣໃນຄາຄຸໂນະດາເຕະບາງຫຼັງຍັງມີເຊື້ອສາຍຊາມູໄຣຮຸ່ນຫຼັງອາໄສຢູ່

ຈາກນັ້ນພາດບໍ່ໄດ້ຖ້າມາຮອດເມືອງນີ້ຕ້ອງມາສຳຜັດວິຖີຊີວິດແບບຊາວອາຄິຕະທີ່ Kamado Farmstay ໂດຍການເຮັດ “ຄິຣິທັນໂປະ (Kiritanpo)” ຫຼື ເຂົ້າສຽບໄມ້ປິ້ງໄຟ ເຊິ່ງເປັນອາຫານຂຶ້ນຊື່ປະຈຳເມືອງ ຄວາມພິເສດຂອງມັນກໍຄືອາຄິຕະນັ້ນມີເຂົ້າສວຍທີ່ລົດຊາດດີ ແລະ ຈະນຳເອົາຄິຣິທັນໂປະໄປຕົ້ມໃນນ້ຳສະຕັອກໄກ່ ເຊິ່ງເອີ້ນວ່າ “ຄິຣິທັນໂປະນາເບະ (Kiritanpo Nabe) ຫາກບໍ່ໄດ້ກິນເມື່ອມາທ່ຽວອາຄິຕະກໍຄືມາບໍ່ຮອດ

hotel ພັກແຮມ ແຖບ ເຊມໂບະກຸ (Semboku)

ພາຊົມພິພິທະພັນ Akita Folklore and Performing Arts Center ຊົມສາທິດການແຫ່ໂຄມແບບຍີ່ປຸ່ນ ທີ່ມີທີ່ມາຈາກເທສະການຄັນໂຕ (Kanto Festival Performance ) ອັນເປັນປະເພນີທີ່ບໍ່ຄືໃຜໃນອາຄິຕະ ແລະ ເປັນເທສະການທີ່ເປັນຕົວແທນຂອງປະເທດຍີ່ປຸ່ນ ນອກຈາກນີ້ Kanto Matsuri ຍັງມີ "ມຸມທ້າທາຍ" ທີ່ຜູ້ເຂົ້າຊົມສາມາດທົດລອງການແຫ່ໂຄມ ຫຼື ຄັນໂຕໄດ້ດ້ວຍຕົນເອງ

ເດີນທາງໄປກິນອາຫານທ່ຽງ ທີ່ Akita Maiko Theater MATSUSHITA ຊົມການສະແດງຂອງໄມໂກະ (Maiko Show) ແລະ ກິນອາຫານທ່ຽງພ້ອມເຄື່ອງດື່ມ ທີ່ເປັນເອກະລັກສະເພາະ ຮ້ານນີ້ເປັນຮ້ານອາຫານຍີ່ປຸ່ນແບບດັ້ງເດີມໄດ້ຮັບການປັບປຸງໃໝ່ໃຫ້ເປັນສະຖານທີ່ທ່ອງທ່ຽວແຫ່ງໃໝ່ ມັດສຶຊິຕະ ມີໂຮງລະຄອນອາຄິຕະໄມໂກະທີ່ອາຄິຕະໄມໂກະສະແດງການຟ້ອນລຳແບບຍີ່ປຸ່ນ ພິທີຊົງຊາ ທ່ານ ແລະ ຄອບຄົວຈະໄດ້ສຳຜັດລົດຊາດຂອງວັດທະນະທຳ

ຈາກນັ້ນເດີນທາງໄປທາງເໜືອ ໄລຍະທາງ 40 ກມ. ໄປຍັງແຂວງ Oga ເພື່ອຊົມການສະແດງ Namahage Museum ຖືເປັນ Folklore Museum (https://namahage.co.jp/namahagekan/en/) ທີ່ມີສີສັນ ແລະ ໃຫ້ອາລົມຮ່ວມໃນການຊົມ ຄືກັບຍ້ອນຍຸກໄປນັ່ງໃນອະດີດແທ້ໆ ຜ່ານເລື່ອງເລົ່ານິທານພື້ນບ້ານຂອງນາມາຮາເງະ ໂດຍຜູ້ຊົມເຂົ້າໄປນັ່ງໃນເຮືອນບູຮານ ແລະ ຊົມການສະແດງປະເພນີທີ່ກຳເນີດ ແລະ ຢັ່ງຮາກໃນທ້ອງຖິ່ນ Oga ທ່ານ ແລະ ຄອບຄົວຈະສາມາດສຳຜັດກັບຄວາມລຶກລັບທັງໝົດ ແລະ ປະຫວັດສາດຂອງປະຫວັດສາດ ຜ່ານນັກສະແດງສົມຈິງ

(ແນະນຳ Oga Kanko Hotel ມີ “ອິຊິຍາມະໂນະຍຸ” ເປັນບໍ່ອອນເຊັນຫີນກາງແຈ້ງທີ່ທ່ານສາມາດເພີດເພີນໄປກັບລົມຫາຍໃຈຂອງໂອກະໄດ້ທັງສີ່ລະດູການ ຊົມດອກໄມ້ບານງາມໆ ໃຫ້ທ່ານເພີດເພີນກັບທິວທັດຈາກຫ້ອງອາບນ້ຳກາງແຈ້ງທີ່ປ່ຽນໄປຕາມລະດູການໄດ້ຢ່າງເຕັມທີ່)

hotel ພັກແຮມ ເມືອງ Oga

ພາທ່ານໄປຢ້ຽມຊົມສານເຈົ້າຊິນຊັນ (Shinzan Shrine) ເຊິ່ງເປັນສານເທບພະເຈົ້າທີ່ຢູ່ໃນວິຫານ “Oyama” ຢູ່ທາງພາກເໜືອຂອງ Oga ແລະ ເປັນສະຖານທີ່ທີ່ກ່ຽວຂ້ອງກັບ “ນາມາຮາເກະ” (Namahage) ຫຼື ປີສາດໃສ່ໜ້າກາກຍັກທີ່ຫຼາຍໆ ຄົນເຊື່ອວ່າເປັນເທບພະເຈົ້າແຫ່ງພູເຂົາ ນອກຈາກນີ້ສານເຈົ້ານີ້ຍັງມີການຈັດເທສະການທີ່ມີຊື່ສຽງຢ່າງ “ເທສະການປະດັບໄຟນາມາຮາເກະຊິບະ (Namahage Shiba Light Festival) ອີກດ້ວຍ

ພາທ່ານເດີນທາງໄປມ່ວນຊື່ນກັບກະເຊົ້າກອນໂດລາທີ່ບໍລິເວນ ພູເຂົາໂມຣິໂຍຊິ ເຊິ່ງທ່ານສາມາດຊົມທິວທັດອັນງົດງາມຂອງພູເຂົານີ້ຈາກກະເຊົ້າກອນໂດລາໄດ້ອີກດ້ວຍ ນອກຈາກນີ້ ພູເຂົາໂມຣິໂຍຊິຍັງເປັນສະຖານທີ່ທີ່ທ່ານສາມາດເພີດເພີນໄປກັບການຫຼິ້ນສະກີທ່າມກາງຫິມະ ແລະ ປີສາດນ້ຳກ້ອນໄດ້ອີກດ້ວຍ

ແນະນຳພັກແຖບ Ani Ski Resort (Mt. Moriyoshi)

ພາທ່ານຢ້ຽມຊົມພິພິທະພັນມັງງະໂຢໂກເຕະມາສຶດະ (Yokote Masuda Manga Museum) ເຊິ່ງເປັນສະຖານທີ່ຈັດສະແດງພາບລາຍເສັ້ນກາຕູນຂອງສິນລະປິນຊາວຍີ່ປຸ່ນ ແລະ ຊາວຕ່າງຊາດ ແລະ ຜົນງານມັງງະຕົ້ນສະບັບຂອງສິນລະປິນທີ່ມີຊື່ສຽງກວ່າ 230,000 ຊິ້ນ ນອກຈາກນີ້ພິພິທະພັນນີ້ຍັງມີທັງໂຊນສະແດງປະຫວັດສາດຂອງມັງງະ ຫຼື Permanent Exhibition Room, ໂຊນຫ້ອງສະໝຸດມັງງະ ຫຼື Manga Library ເຊິ່ງບັນຈຸມັງງະກວ່າ 25,000 ເຫຼັ້ມ ແລະ ຍັງມີໂຊນຄາເຟ່ທີ່ມີຄອນເຊັບເປັນມັງງະອີກດ້ວຍ

ຈາກນັ້ນເດີນທາງໄປຍັງ ບ້ານອາຄິຕະຟຸຣຸຊາໂຕະ (Akita Furusato Village) ເຊິ່ງມີກິດຈະກຳໃຫ້ເຮັດຫຼວງຫຼາຍ ເຊັ່ນ: ການຊັອບປິ້ງຂອງຕ້ອນປະຈຳແຂວງອາຄິຕະ, ກິດຈະກຳເວີກຊັອບ ເຊັ່ນ: ການເຮັດໂອດາເຕະ ມາເກວັບປະ, ເຂົ້າບົດປິ້ງຄິຣິທັນໂປະ ເປັນຕົ້ນ

ຕອນແລງ ພາທ່ານຢ້ຽມຊົມ ເທສະການຄາມາກຸຣະ ກະທ່ອມຫິມະທີ່ ເມືອງໂຢໂກເຕະ ເຊິ່ງຈະຈັດຂຶ້ນໃນວັນທີ 15-16 ກຸມພາຂອງທຸກໆ ປີ, ຄາມາກຸຣະ ແມ່ນກະທ່ອມຫິມະທີ່ມີແສງສີສົ້ມ ເຊິ່ງຈະເຮັດໃຫ້ມີດວງໄຟສ່ອງສະຫວ່າງໄປທົ່ວທົ່ງຫິມະ ແລະ ທາງໃນຕົວຄາມາກຸຣະນັ້ນຈະມີເດັກໆ ນຸ່ງຊຸດພື້ນເມືອງເວົ້າວ່າ “ໄຮຮິດເຕະທັນເຊ (ເຊີນເຂົ້າມາເລີຍ)”

ໂດຍເມື່ອທ່ານເຂົ້າໄປໃນຄາມາກຸຣະ ຈະຕ້ອງຖວາຍຂອງໃຫ້ກັບແທ່ນບູຊາທີ່ເທບພະເຈົ້າແຫ່ງນ້ຳຊິນໂຕ ຫຼັງຈາກນັ້ນເດັກໆ ຈະນຳອາມະຊາເກ ແລະ ຢາກິໂມຈິ (ເຂົ້າໜົມໂມຈິປິ້ງ) ທ່ານສາມາດອຸ່ນມືຂອງທ່ານກັບຖ້ວຍເຕົາຖ່ານຮິບາຊິ ແລະ ໃຊ້ເວລາກັບເດັກໆ ໄດ້

hotel ພັກແຮມ ແຖບ Yokote ຫຼື Akita

ຕອນເຊົ້າ ຫຼື ຕາມເວລາກຳນົດ ພາທ່ານໄປສົ່ງທີ່ສະໜາມບິນອາຄິຕະ ເພື່ອບິນໄປຍັງສະໜາມບິນຮາເນດະ ແລະ ຕໍ່ຖ້ຽວບິນເດີນທາງກັບບາງກອກໂດຍສະຫວັດດີພາບ