ທົວສ່ວນຕົວຍີ່ປຸ່ນ (JPN020) ແຄວ້ນຄິວຊູ ຟຸກຸໂອກະ ຄຸມາໂມໂຕະ ເບັບປຸ ຢູຟຸອິນ ສີ່ເມືອງເດັ່ນແຫ່ງຄິວຊູ (6 ມື້ 5 ຄືນ)

ພວກເຮົາລໍຖ້າຕ້ອນຮັບທ່ານ ທີ່ ທ່າອາກາດສະຍານສາກົນຟຸກຸໂອກະ ປະເທດຍີ່ປຸ່ນ ເດີນທາງ 120 ກມ. ໄປຍັງແຂວງຄຸມາໂມໂຕະ (Kumamoto) ແຂວງໃນພາກພື້ນຄິວຊູ ທີ່ມີນ້ອງໝີດຳຄຸມະມົງ (Kumamon) ເປັນມັດສຄອດປະຈຳແຂວງທີ່ໂດ່ງດັງໄປທົ່ວໂລກ ຜູ້ຄົນນິຍົມລ້ຽງສັດ ແລະ ປູກພືດຜັກໝາກໄມ້ ເປັນແຂວງທີ່ສົ່ງອອກໝາກໂມເປັນອັນດັບ 1 ຂອງຍີ່ປຸ່ນ (ໃຊ້ເວລາເດີນທາງປະມານ 1.30 ຊົ່ວໂມງ)

ຫຼັງອາຫານທ່ຽງ ນຳທ່ານເຂົ້າຊົມ ປາສາດຄຸມາໂມໂຕະ (Kumamoto Castle) ເປັນປາສາດສະຖາປັດຕະຍະກຳແບບຍີ່ປຸ່ນ ຈັດເປັນປາສາດທີ່ໃຫຍ່ເປັນອັນດັບ 3 ຂອງຍີ່ປຸ່ນ ສ້າງຂຶ້ນໃນປີ ຄ.ສ.1601 ໂດຍ ຄາໂຕ ຄິໂຢມາສະ ແລະ ໃຊ້ເວລາໃນການກໍ່ສ້າງເຈັດປີ ປາສາດແຫ່ງນີ້ ເຊິ່ງຮູ້ຈັກກັນໃນອີກຊື່ໜຶ່ງວ່າ “ກິນນັນໂຈ” (ປາສາດກິງໂກະ) ເປັນປາສາດທີ່ມີຂະໜາດໃຫຍ່ໂຕ ແລະ ສວຍງາມ ເມື່ອປີ ຄ.ສ.2016 ໄດ້ເກີດແຜ່ນດິນໄຫວຄັ້ງໃຫຍ່ ສົ່ງຜົນໃຫ້ໂຕປາສາດໄດ້ຮັບຄວາມເສຍຫາຍຢ່າງໜັກ ຕ້ອງປິດປັບປຸງໄປຫຼາຍປີ ຈົນປະຈຸບັນທຸກທ່ານສາມາດເຂົ້າຊົມຄວາມງົດງາມ ແລະ ສຳຜັດຄວາມຍິ່ງໃຫຍ່ຂອງປາສາດແຫ່ງນີ້ໄດ້ແລ້ວ

ຊັອບປິ້ງອິດສະຫຼະ ຢ່ານຊັອບປິ້ງຊາກຸຣະໂນະບາບະ ໂຈໄຊເອັນ (Sakura-no-baba Josaien) ຕັ້ງຢູ່ບໍລິເວນຕີນພູຂອງໂຕປາສາດຄຸມາໂມໂຕະ ເປັນແຫຼ່ງຊັອບປິ້ງທີ່ມີເອກະລັກ ສະໄຕລ໌ຍ້ອນຍຸກທີ່ຖືກຈັດສັນພື້ນທີ່ມາເປັນຢ່າງດີ ຈຸດເດັ່ນຂອງບ່ອນນີ້ແມ່ນສິນຄ້າພື້ນເມືອງ ເຄື່ອງໃຊ້ສອຍ ຂອງຕ້ອນຂອງຝາກຕ່າງໆ ແລະ ຫໍພິພິທະພັນ Wakuwaku ທີ່ບອກເລົ່າຄວາມເປັນມາຂອງເມືອງ ນອກຈາກນີ້ຍັງມີຮ້ານອາຫານຂາຍຂອງກິນຕ່າງໆ ໂດຍສະເພາະ ເມນູທ້ອງຖິ່ນ ເຊັ່ນ: ກະແລັມຊາຂຽວ ທີ່ລົດຊາດຂຽວແບບຮ້ອງດັງໆກັນໄປເລີຍ ຫຼື ຣາເມນຊີ້ນມ້າ ທີ່ແປກແຕ່ເພິ່ນວ່າແຊບກັນ ແມ່ນແຕ່ເບຍຄຸມາໂມໂຕະ ທີ່ມາຢາມແລ້ວ ແນະນຳວ່າບໍ່ຄວນພາດ ອິດສະຫຼະໃຫ້ທ່ານຍ່າງຫຼິ້ນຕາມອັດທະຍາໄສ

ຈາກນັ້ນນຳທ່ານສູ່ ຄຸມະມົງສະແຄວ (Kumamon Squar) ຫ້ອງການຂອງ Kumamoto Prefecture Sale Manager ທີ່ມີຄຸມະມົງເປັນຜູ້ຈັດການຝ່າຍຂາຍນັ້ນເອງ ບ່ອນນີ້ເປັນຄືສູນປະຕິບັດການຂອງຄຸມະມົງ ມີການຈັດສະແດງພາບທີ່ລະນຶກຕອນຄຸມະມົງເດີນທາງໄປຍັງສະຖານທີ່ຕ່າງໆ ຕັ້ງແຕ່ອະດີດ ພາຍໃນມີຮ້ານຂາຍຂອງທີ່ລະນຶກ, ຄາເຟ່ ແລະ ອື່ນໆ ຮຽກໄດ້ວ່າສາວົກຄຸມະມົງຕ້ອງປື້ມໃຈແທ້ໆ ເພາະອາຫານ, ເຂົ້າໜົມ, ເຄື່ອງໃຊ້ໃນຊີວິດປະຈຳວັນ ແລະ ສິນຄ້າຕ່າງໆ ລ້ວນແຕ່ມີຄາແຣັກເຕີຄຸມະມົງຢູ່ດ້ວຍ ໃຜເປັນແຟນຄລັບໝີດຳມາດກວນຄຸມະມົງຄົງໄດ້ຂອງຕ້ອນຕິດໄມ້ຕິດມືກັບບ້ານຢ່າງແນ່ນອນ

hotel ພັກແຮມ Kumamoto, Japan

ຕອນເຊົ້າ ເດີນທາງສູ່ ທົ່ງຫຍ້າຄຸຊະເຊັນຣິ (Kusasenri) (ໃຊ້ເວລາເດີນທາງປະມານ 1.30 ຊົ່ວໂມງ) ໄລຍະທາງ 50 ກມ. ເຊິ່ງມີລັກສະນະເປັນທົ່ງຫຍ້າອັນກວ້າງໃຫຍ່ ປະກອບໄປດ້ວຍບຶງນ້ຳ

ບ່ອນນີ້ມີຈຸດສຳຄັນຄື ປາກປ່ອງພູເຂົາໄຟນາຄາດາເກະ (Nakadake Crater) ເຊິ່ງຍັງຄົງຄຸກຮຸ່ນຢູ່ຕະຫຼອດເວລາຕັ້ງສະຫງ່າຢູ່ເປັນສາກຫຼັງ ແລະ ເນື່ອງຈາກພື້ນທີ່ໃນບໍລິເວນນີ້ເໝາະແກ່ການເຮັດສັດລ້ຽງ ຈຶ່ງມີໂອກາດໄດ້ພົບກັບຝູງມ້າ ແລະ ຝູງງົວທີ່ໃຊ້ຊີວິດຢູ່ທ່າມກາງທຳມະຊາດ ເຊິ່ງຊ່ວຍເພີ່ມຄວາມມີຊີວິດຊີວາ ແລະ ບັນຍາກາດອັນໜ້າປະທັບໃຈແບບຊົນນະບົດຍີ່ປຸ່ນ ແລະ ທີ່ສຳຄັນໃນຊ່ວງລະຫວ່າງເດືອນມີນາ ຫາ ເດືອນທັນວາ ຈະມີໃຫ້ບໍລິການນັກທ່ອງທ່ຽວສາມາດຂີ່ມ້າເພື່ອຊົມທຳມະຊາດອ້ອມຮອບບໍລິເວນນີ້ໄດ້ອີກດ້ວຍ

ໄດ້ເວລາອັນສົມຄວນນຳທ່ານເດີນທາງສູ່ ເມືອງເບັບປຸ (Beppu) ໄລຍະທາງ 104 ກມ. ເມືອງນີ້ຢູ່ໃນແຂວງໂອອິຕະ ຕັ້ງຢູ່ເທິງຊາຍຝັ່ງທະເລຕາເວັນອອກຂອງເກາະຄິວຊູ ປະເທດຍີ່ປຸ່ນ ເປັນເມືອງທ່ອງທ່ຽວແຊ່ນ້ຳພຸຮ້ອນຍອດນິຍົມຂອງຍີ່ປຸ່ນ ຈັດເປັນເມືອງທີ່ມີຣີສອດນ້ຳແຮ່ຫຼາຍທີ່ສຸດ ນັກທ່ອງທ່ຽວນິຍົມມາແຊ່ອອນເຊັນ ຫຼື ອົບດິນຊາຍຮ້ອນແຄມທະເລທີ່ເມືອງນີ້

ຕອນແລງ ເຂົ້າອອນເຊັນ ແບບສ່ວນຕົວ ຫຼື ອອນເຊັນສາທາລະນະ ຫຼື ທີ່ ໂຮງແຮມຕາມຕ້ອງການ

hotel ພັກແຮມ Beppu, Japan

ຕອນເຊົ້າ ທ່ຽວຊົມ “ກຸ່ມບໍ່ນະລົກເບັບປຸ ຈິໂກຄຸ ເມກຸຣິ” (Beppu Jigoku Meguri Or Hell Tour) ຫຼື ບໍ່ນ້ຳພຸຮ້ອນຂຸມນະລົກທັງແປດ ເປັນບໍ່ນ້ຳພຸຮ້ອນທຳມະຊາດທີ່ເກີດຂຶ້ນ ພາຍຫຼັງຈາກການລະເບີດຂອງພູເຂົາໄຟ ປະກອບໄປດ້ວຍແຮ່ທາດທີ່ເຂັ້ມຂຸ້ນ ເຊັ່ນ: ມາດ, ແຮ່ເຫຼັກ, ໂຊດຽມ, ຄາຣ໌ບອນເນດ, ເຣດຽມ ເປັນຕົ້ນ ແລະ ຮ້ອນເກີນກວ່າທີ່ຈະລົງໄປອາບໄດ້ ແລ້ວບໍ່ທັງ 8 ບໍ່ ກໍຕັ້ງຊື່ໃຫ້ນ່າຢ້ານຕາມລັກສະນະພາຍນອກທີ່ເຫັນກັນ

ນຳທ່ານສູ່ ເມືອງຍຸຟຸອິນ (Yufuin) ໄລຍະທາງ 30 ກມ. ເປັນເມືອງນ້ອຍໆ ໜ້າຮັກ ໃນແຂວງໂອອິຕະ (Oita) ທີ່ຮູ້ຈັກກັນດີໃນຖານະແຫຼ່ງອອນເຊັນຊື່ດັງ ແລະ ບ່ອນນີ້ກໍເຕັມໄປດ້ວຍສະຖານທີ່ໜ້າຮັກໆ ມີຖະໜົນທີ່ລຽງລາຍໄປດ້ວຍຄາແຣັກເຕີຄາເຟ່ ແລະ ຮ້ານຂາຍເຄື່ອງເກົ່າ, ເຄື່ອງຈຸກຈິກຫຼວງຫຼາຍ

ປລ. ຫາກທ່ານຕ້ອງການເດີນທາງດ້ວຍລົດໄຟສາຍໜ້າຮັກ ຈັດໃຫ້ໄດ້

ຊົມ “ຢູຟຸອິນຟລໍຣັລວິລເລຈ" (Yufuin Floral Village) ທິມປາກໃນບັນຍາກາດແຫ່ງເທບນິຍາຍ ທີ່ເບິ່ງຄືກັບກຳລັງຫຼົງເຂົ້າໄປໃນໝູ່ບ້ານຈຳລອງສະໄຕລ໌ເອີຣົບ ຮ້ານຄ້າທຸກຫຼັງເປັນສີເຫຼືອງທີ່ມີແຕ່ຮ້ານທີ່ມີສິນຄ້າເປັນເອກະລັກ ເຮືອນດິນຈີ່ທີ່ແສນຄລາດສິກລຽນລາຍຢູ່ເທິງຖະໜົນສາຍນ້ອຍໆ ປະດັບປະດາໄປດ້ວຍດອກໄມ້ນານາຊະນິດ ພາຍໃນໝູ່ບ້ານມີຖະໜົນຊັອບປິ້ງ ມີຮ້ານຄ້າຕ່າງໆ ທີ່ຕົກແຕ່ງໄດ້ຢ່າງໜ້າຮັກ ຮ້ານກະແລັມ ຫຼື ຄາເຟ່ໜ້າຮັກໆ ຄືກັບ Alice Tea ຄາເຟ່ສຸດຊິກບັນຍາກາດຄືຢູ່ໃນປ່າ ແລະ ຈິບນ້ຳຊາກັບ Mad Hatter ຫຼື ຈະເປັນຮ້ານເຂົ້າໜົມ ທີ່ມີເຄົ້າໂຄງມາຈາກ Kiki’s Delivery Service ກິ່ນຫອມຂອງເຂົ້າຈີ່ອົບອວນ ໜ້າກິນສຸດໆ

ເມືອງນີ້ ສາມາດຂີ່ລົດມ້າຊົມເມືອງໄດ້

ຈາກນັ້ນ ພົບກັບຄວາມງາມຂອງ “ທະເລສາບຄິຣິນ” (Kirin Lake) ນ້ຳທະເລສາບໃສເຫັນໂຕປາແຫວກລອຍໃນຜືນນ້ຳ ບາງຊ່ວງມີໝອກບາງໆ ລົງ ນັບວ່າຄຸ້ມຄ່າກັບການມາເຫັນຄວາມງາມນີ້ດ້ວຍຕາຕົນເອງຈັກຄັ້ງໜຶ່ງຢ່າງແນ່ນອນ ອິດສະຫຼະໃຫ້ທ່ານຍ່າງຫຼິ້ນ ແລະ ຖ່າຍຮູບຕາມອັດທະຍາໄສ

ຕອນເຊົ້າ ເດີນທາງສູ່ ເມືອງຟຸກຸໂອກະ (Fukuoka) ໄລຍະທາງ 120 ກມ. 2 ຊມ. ເປັນເມືອງທີ່ໃຫຍ່ທີ່ສຸດຂອງເກາະຄິວຊູ ປະເທດຍີ່ປຸ່ນ ເປັນເມືອງທ່າທີ່ສຳຄັນມາດົນນານຫຼາຍຮ້ອຍປີ ມີແຫຼ່ງທ່ອງທ່ຽວທັງທາງທຳມະຊາດ ວັດທະນະທຳ ຕະຫຼອດຮອດແຫຼ່ງຊັອບປິ້ງ ແລະ ອາຫານຫຼາກຫຼາຍ ເອີ້ນໄດ້ວ່າເປັນເມືອງທີ່ຄົບຄັນ ເຮັດໃຫ້ເປັນທີ່ນິຍົມຂອງນັກທ່ອງທ່ຽວຈຳນວນຫຼາຍ

ສັກກາລະ ສານເຈົ້າດາໄຊຟຸ ເທມມັງກູ (Dazaifu Tenmagu Shrine) ເປັນວັດຊິນໂຕເກົ່າແກ່ ແລະ ມີຊື່ສຽງທີ່ສຸດຂອງເມືອງຟຸກຸໂອກະ ເປັນບ່ອນສະຖິດຂອງເທບພະເຈົ້າແຫ່ງຄວາມຮູ້ ຄື ຊຸກາວາຣະ ໂນະ ມິຈິຊາເນະ ເຊິ່ງເພິ່ນເປັນນັກວິຊາການ ນັກການເມືອງ ແລະ ນັກຂຽນທີ່ໄດ້ຮັບຄວາມເຊື່ອຖືຈາກຜູ້ຄົນຢ່າງຫຼວງຫຼາຍທົ່ວປະເທດຍີ່ປຸ່ນ ມີຜົນງານທີ່ໂດດເດັ່ນໃນຊ່ວງປີ ຄ.ສ. 800 - 900 ຈຶ່ງໄດ້ຮັບການຍົກຍ້ອງໃຫ້ເປັນເທບພະເຈົ້າແຫ່ງການສຶກສາ

ພາຍໃນມີຮູບປັ້ນງົວສຳລິດໃນທ່ານັ່ງໝອບ ເປັນອີກໜຶ່ງສັນຍະລັກຂອງສານເຈົ້າແຫ່ງນີ້ ເມື່ອເຂົ້າເຂດສານເຈົ້າຈະມີຂົວທອດຂ້າມໜອງຊິນຈິອິເກະ ຂົວ 3 ຂົວທອດຕໍ່ກັນຈົນຮອດສານເຈົ້າຫຼັກ ແຕ່ລະຂົວສະແດງເຖິງ "ອະດີດ ປັດຈຸບັນ ແລະ ອະນາຄົດ" ການຍ່າງຂ້າມຂົວນີ້ນັບວ່າປຽບຄືກັບການຊຳລະຮ່າງກາຍ ແລະ ຈິດໃຈໃຫ້ບໍລິສຸດກ່ອນຈະເຂົ້າພົບເທບພະເຈົ້າ ດ້ານໜ້າສານເຈົ້າຈະມີຖະໜົນຊັອບປິ້ງທີ່ເອີ້ນກັນວ່າ ຊັງໂດະ ເປັນສະເໜ່ຢ່າງໜຶ່ງສຳລັບຜູ້ທີ່ມາສັກກາລະສິ່ງສັກສິດ

ຍ່າງຫຼິ້ນ ຕະຫຼາດພື້ນເມືອງໃກ້ໆ ກັນ ມີຮ້ານເຂົ້າໜົມພື້ນບ້ານ ຕັ້ງແຕ່ໂມຈິປີ້ງ ເຂົ້າໜົມທີ່ເຮັດຈາກຖົ່ວ ໄປຈົນຮອດເຄື່ອງຮາງ ແລະ ສິ່ງນຳໂຊກທັງຫຼາຍ ມີຮ້ານຄ້າກວ່າ 100 ແຫ່ງ ໃກ້ກັນຍັງມີ ສະຕາຣ໌ບັກ ສາຂາສານເຈົ້າດາໄຊຟຸ ທີ່ວ່າກັນວ່າງາມທີ່ສຸດໃນຍີ່ປຸ່ນ ໃຫ້ທ່ານໄດ້ເພີດເພີນກັບການເລືອກຊື້ຂອງທີ່ລະນຶກຕາມອັດທະຍາໄສ

ຈາກນັ້ນນຳທ່ານສູ່ ດິວຕີ້ຟຣີ (Duty Free) ນະ ຟຸກຸໂອກະ ເບຍ໌ ພລາຊ່າ Fukuoka Bay Plaza ອິດສະຫຼະໃຫ້ທ່ານເລືອກຊື້ສິນຄ້າປອດພາສີ ທັງ ເສື້ອຜ້າ ນ້ຳຫອມ ຕ່າງໆ ຕາມອັດທະຍາໄສ (ໃຊ້ເວລາເດີນທາງປະມານ 1 ຊົ່ວໂມງ)

ຕອນແລງ ນຳທ່ານສູ່ ກັນດັ້ມ ປາກ ຟຸກຸໂອກະ (Gundam Park Fukuoka) (ໃຊ້ເວລາເດີນທາງປະມານ 50 ນາທີ) ຊົມກັນດັ້ມໂຕໃໝ່ລ່າສຸດຂະໜາດເທົ່າຂອງແທ້ “Nu Gundam” ແລະ ຍັງຖືກປະກາດວ່າເປັນກັນດັ້ມທີ່ສູງໃນຍີ່ປຸ່ນ ມີການລະບຸຄວາມສູງປະມານ 20 ແມັດ ເຊິ່ງສູງກວ່າ RX-0 Unicorn Gundam ໃນໂຕກຽວທີ່ສູງ 19.7 ແມັດ ແລະ ສູງກວ່າ RX-78-2 Gundam ໃນໂຢໂກຮາມ່າທີ່ສູງ 18 ແມັດ ໂດຍ NU Gundam ປາກົດຕົວໃນຮູບເງົາເລື່ອງ Mobile Suit Gundam Char’s Counter Attack ທີ່ສາຍໃນປີ ຄ.ສ.1988 ເຖິງຈະຜ່ານມາຫຼາຍກວ່າ 30 ປີແຕ່ຍັງຄົງເປັນທີ່ຮັກ ແລະ ເປັນທີ່ນິຍົມ ຂອງແຟນໆ ກັນດັ້ມທົ່ວໂລກ ຕັ້ງຢູ່ທີ່ ສູນການຄ້າ Mitsui Shopping Park Lalaport Fukuoka ໃນຟຸກຸໂອກະ ເປີດຕົວຄັ້ງທຳອິດເມື່ອວັນທີ 25 ເມສາ ຄ.ສ.2022 ຖືເປັນແລນດ໌ມາກແຫ່ງໃໝ່ ທີ່ໃຜມາຢາມຟຸກຸໂອກະບໍ່ຄວນພາດ ໃຫ້ທ່ານໄດ້ເພີດເພີນກັບການຖ່າຍຮູບເກັບຄວາມປະທັບໃຈ ຊື້ສິນຄ້າທີ່ລະນຶກຕາມອັດທະຍາໄສ

hotel ພັກແຮມ Fukuoka, Japan

ພາທ່ານ ຮັບປະທານອາຫານຮ້ານດັງ ຕາມຕ້ອງການ ເຊັ່ນ ອຸດ້ົງລົດເດັດແຫ່ງແຄວ້ນ ຫຼື ສະຖານທີ່ທ່ອງທ່ຽວຕາມຕ້ອງການ ແລະ ແຫຼ່ງຊັອບປິ້ງທີ່ໜ້າສົນໃຈ ນະ ເມືອງຟຸກຸໂອກະ

ອາທິ ຊາກຜາສາດຟຸກຸໂອກະ ແລະ ສວນມາອິຊູຣຸ (Fukuoka Castle Ruin and Maizuru Park) ຜາສາດນີ້ສ້າງຂຶ້ນໃນສະໄໝເອໂດະ (Edo) ແລະ ເຄີຍເປັນຜາສາດທີ່ໃຫຍ່ທີ່ສຸດໃນພາກພື້ນຄິວຊູ ປັດຈຸບັນເຫຼືອພຽງຊາກຂອງກຳແພງ ແລະ ຖານຂອງຫໍຄອຍນ້ອຍໆ ຢູ່ພາຍໃນສວນສາທາລະນະທີ່ມີບ່ອນສຳລັບຍ່າງຫຼິ້ນ ໂດຍຈະມີລານຊົມວິວທີ່ສາມາດເບິ່ງເຫັນເມືອງຟຸກຸໂອກະໄດ້ອີກດ້ວຍ ບ່ອນນີ້ເປັນອີກໜຶ່ງຈຸດຊົມຊາກຸຣະຊື່ດັງຂອງເມືອງຟຸກຸໂອກະ

ວັດໂທໂຊຈິ (Tochoji Temple) ເປັນໜຶ່ງໃນວັດທີ່ເກົ່າແກ່ທີ່ສຸດແຫ່ງໜຶ່ງຂອງຍີ່ປຸ່ນ ປັດຈຸບັນໄດ້ຮັບການດູແລຮັກສາໂດຍການເປັນແຫຼ່ງປະຫວັດສາດຂອງເມືອງຟຸກຸໂອກະ ພາຍໃນວັດຈະມີວິຫານທີ່ມີພະພຸດທະຮູບນັ່ງເຮັດຈາກໄມ້ຄວັດສະຫຼັກ ສູງເຖິງ 10.8 ແມັດ ເປັນພະພຸດທະຮູບນັ່ງເຮັດຈາກໄມ້ທີ່ສູງທີ່ສຸດໃນຍີ່ປຸ່ນ ໃຊ້ເວລາສ້າງດົນເຖິງ 4 ປີ ແລະ ເປັນທີ່ຮູ້ຈັກກັນວ່າ ຟຸກຸໂອກະ ໄດບຸດສຶ (Fukuoka Daibutsu) ຫຼື ພະໃຫຍ່ແຫ່ງຟຸກຸໂອກະ

ສວນສາທາລະນະແຄມທະເລ ໂມໂມຊິ ແລະ ຫໍຄອຍຟຸກຸໂອກະ (Momochi Park and Fukuoka Tower) ພາຍໃນສວນສາທາລະນະແຫ່ງນີ້ຈະຕົກແຕ່ງເປັນສະໄຕລ໌ໂມເດິຣ໌ນ ມີຕົ້ນໄມ້ຮຽງໄປຕາມທາງຍ່າງ ແລະ ອາຄານຮູບຊົງແປກ ທັນສະໄໝສວຍງາມ ແລະ ຈະມີສ່ວນທີ່ເປັນເກາະລອຍຍື່ນອອກໄປໃນທະເລເອີ້ນວ່າ ມາຣິຊອນ (Marizon) ທີ່ມີຮ້ານຄ້າຮ້ານອາຫານນ້ອຍໆ ຕົກແຕ່ງ ແລະ ອອກແບບອາຄານເປັນສະໄຕລ໌ອິຕາລີທັງໝົດ ແລະ ຢູ່ດ້ານຝັ່ງຕິດຖະໜົນຂອງສວນແຫ່ງນີ້ຈະເປັນຫໍຄອຍຟຸກຸໂອກະ ຕຶກທີ່ສູງທີ່ສຸດຂອງເມືອງຟຸກຸໂອກະ ມີລານຊົມວິວແບບ 360 ອົງສາ ທີ່ຄວາມສູງ 123 ແມັດ ເຮັດໃຫ້ສາມາດຊົມວິວໄປອ້ອມໆ ເຫັນທະເລຮາກາຕະ ແລະ ຕົວເມືອງຟຸກຸໂອກະ

ວັດໂຊຟຸຄຸຈິ (Shofukuji) ເປັນວັດເຊນແຫ່ງທຳອິດຂອງຍີ່ປຸ່ນ ຖືກສ້າງຂຶ້ນເມື່ອປີ ຄ.ສ. 1195 ໂດຍພະໄອອິໄຊ (Eisai) ທີ່ກັບມາຈາກເມືອງຈີນ ແລະ ໄດ້ນຳເອົາສາສະໜາພຸດນິກາຍເຊນສາຂາຣິນໄຊຈາກເມືອງຈີນກັບເຂົ້າມາເຜີຍແຜ່ນຳອີກ ແລະ ໄດ້ຮັບຄວາມນິຍົມຢ່າງຫຼວງຫຼາຍໃນໝູ່ຊາມູໄຣໃນສະໄໝນັ້ນ ຈົນເປັນທີ່ນິຍົມກັນໄປທົ່ວປະເທດຍີ່ປຸ່ນ

ສວນໂອໂຮຣິ (Ohori Park) ສວນສາທາລະນະຂະໜາດໃຫຍ່ຕັ້ງຢູ່ໃຈກາງເມືອງຟຸກຸໂອກະ ທີ່ມີໜອງນ້ຳຂະໜາດໃຫຍ່ຢູ່ທາງກາງ ໂດຍຈະມີທາງຍ່າງອ້ອມຮອບໜອງນ້ຳທີ່ມີໄລຍະທາງລວມກັນປະມານ 2 ກິໂລແມັດ ເປັນສະຖານທີ່ພັກຜ່ອນຍອດນິຍົມຂອງຄົນທ້ອງຖິ່ນ ຜູ້ຄົນຈະນິຍົມມາອອກກຳລັງກາຍ, ຍ່າງຫຼິ້ນ, ຍ່າງເລາະກັບໝາ ຫຼື ນັ່ງຫຼິ້ນອ້ອມຮອບໜອງນ້ຳ

ຕອນແລງ ຍ່າງຫຼິ້ນ ຢ່ານຊຸ້ມຂາຍອາຫານສະໄຕລ໌ຢາໄຕແຄມແມ່ນ້ຳ (Yatai Food Stall) ເປັນໜຶ່ງໃນຂອງຂຶ້ນຊື່ຂອງເມືອງຟຸກຸໂອກະ ໂດຍທົ່ວໆ ໄປຮ້ານແບບຢາໄຕມັກຈະມີບ່ອນນັ່ງໄດ້ພຽງ 6-10 ບ່ອນນັ່ງເທົ່ານັ້ນ ເຊິ່ງມັກຈະຂາຍອາຫານທີ່ສາມາດກິນໄດ້ໄວໆ ແຕ່ອີ່ມທ້ອງ ທົ່ວທັງເມືອງຟຸກຸໂອກະຈະມີຢູ່ປະມານ 150 ຮ້ານ ແຕ່ບໍລິເວນທີ່ໜ້າສົນໃຈທີ່ສຸດຈົນປັດຈຸບັນກາຍເປັນໜຶ່ງໃນແຫຼ່ງທ່ອງທ່ຽວຂອງເມືອງໄປແລ້ວ ກໍຄືແຖວຕອນໃຕ້ຂອງເກາະນາຄາສຸ (Nakasu Island) ທີ່ຢູ່ກາງເມືອງຟຸກຸໂອກະ ຍ້ອນຈະມີຮ້ານອາຫານແບບຢາໄຕໂຮມກັນຢູ່ປະມານ 10 ຮ້ານ ຕະຫຼອດທາງຍ່າງແຄມນ້ຳທີ່ໄດ້ບັນຍາກາດດີ

ຫ້າງຄາແນລ ຊິຕີ້ (Canal City) ເປັນສູນການຄ້າ ແລະ ຄວາມບັນເທີງຂະໜາດໃຫຍ່ໃນເມືອງຟຸກຸໂອກະ ປະເທດຍີ່ປຸ່ນ ໄດ້ຮັບການຂະໜານນາມວ່າເປັນ ເມືອງທີ່ຢູ່ໃນເມືອງ ປະກອບດ້ວຍຮ້ານຄ້າ, ຮ້ານກາເຟ, ພັດຕາຄານ, ໂຮງລະຄອນ, ສູນເກມ, ໂຮງຮູບເງົາ, ໂຮງແຮມສອງແຫ່ງ ແລະ ຄອງນ້ຳທີ່ໄຫຼຜ່ານກາງສູນການຄ້າ

hotel ພັກແຮມ Fukuoka, Japan

ພວກເຮົານຳສົ່ງທ່ານ ທີ່ສະໜາມບິນສາກົນຟຸກຸໂອກະ ປະເທດຍີ່ປຸ່ນ ຕາມເວລາກຳນົດ ເພື່ອບິນກັບໄທ ຢ່າງປະທັບໃຈ