ທົວສ່ວນຕົວເອີຣົບ (LIT003) ລັດເວຍ ແລະ ລິທົວເນຍ 10 ມື້ 9 ຄືນ ( classic of Latvia-Lithuania )

ເດີນທາງຈາກສະໜາມບິນເຂົ້າທີ່ພັກໃນ Riga

ພັກຄ້າງຄືນທີ່ໂຮງແຮມ Grand Poet Hotel ຫຼື ທຽບເທົ່າ

ຍ່າງທ່ຽວຊົມຕອກແຄບເກົ່າແກ່ໃນເມືອງຣີກາ (Riga) ເມືອງທີ່ສ້າງຂຶ້ນໃນປີ ຄ.ສ.1201 ໂດຍບີຊອບອັນເບີດ ຊາວເຢຍລະມັນ ຣີກາເປັນນະຄອນຫຼວງຂອງທະເລບານຕິກທີ່ໃຫຍ່ທີ່ສຸດໃນສາມເມືອງ ແລະ ມີສະຖາປັດຕະຍະກຳທີ່ໜ້າຕື່ນຕາຕື່ນໃຈ

ຊົມປາສາດຣີກາ, ວິຫານໂດມ, ໂບດເຊນປີເຕີ, Swedish Gates, Three Brothers, Guild House ແລະ ອະນຸສາວະລີເສລີພາບ

ຈາກນັ້ນເດີນທາງໄປທ່ຽວທະເລທີ່ເມືອງ Jurmala ແລະ ຢ້ຽມຊົມອຸທະຍານແຫ່ງຊາດ Kemeri Jurmala ເປັນໜຶ່ງໃນເມືອງລີສອດທີ່ເກົ່າແກ່ທີ່ສຸດຕາມຝັ່ງທະເລບານຕິກ ເປັນເມືອງທີ່ມີປະຫວັດສາດຍາວນານ ແລະ ເປັນສະປາລີສອດ ທີ່ນີ້ເຄີຍເປັນສະຖານທີ່ທ່ອງທ່ຽວທີ່ຫຼູຫຼາທີ່ສຸດໃນຊ່ວງທົດສະວັດ 1930 ແລະ ເປັນທີ່ນິຍົມຫຼັງສົງຄາມໂລກຄັ້ງທີສອງ ທຸກມື້ນີ້ຍັງຄົງເປັນສະຖານທີ່ພັກຜ່ອນທີ່ໄດ້ຮັບຄວາມນິຍົມຫຼາຍ ມີຫາດຊາຍຂາວຍາວກວ່າ 30 ກິໂລແມັດ ແລະ ອາກາດບໍລິສຸດ

ນອກຈາກຫາດຊາຍທີ່ງາມແລ້ວ ທ່ານຍັງຈະໄດ້ຊົມເມືອງທີ່ມີເຮືອນໄມ້ອັນສວຍງາມ ອະນຸສາວະລີທີ່ໜ້າສົນໃຈ ແລະ ອາຄານສະປາທີ່ທັນສະໄໝ ແລະ ທ່ານຍັງສາມາດຍ່າງຫຼິ້ນຕາມຖະໜົນ Jomas ເຊິ່ງເປັນຖະໜົນຫຼັກຂອງເມືອງ Jurmala ລະຫວ່າງທາງກັບສູ່ຣີກາ ທ່ານຈະໄດ້ຊົມຕາເວັນຕົກດິນທີ່ Kemeri bog ເຊິ່ງເປັນອີກໜຶ່ງຈຸດຊົມວິວທີ່ງາມ

ອຸທະຍານແຫ່ງຊາດ Kemeri ເປັນສິ່ງມະຫັດສະຈັນທາງທຳມະຊາດ ເປັນທີ່ຢູ່ອາໄສຂອງນົກອົບພະຍົບນັບພັນໂຕ ແລະ ຄັ້ງໜຶ່ງເຄີຍເປັນລີສອດຍອດນິຍົມສຳລັບການທ່ອງທ່ຽວເຊິງການແພດ ແລະ ການແຊ່ນ້ຳຮ້ອນເພື່ອສຸຂະພາບ ນັກທ່ອງທ່ຽວມາທີ່ນີ້ເພື່ອດື່ມດ່ຳກັບຄວາມງາມອັນເປັນເອກະລັກ ແລະ ສຳຫຼວດຊາກຫັກພັງໃນຍຸກອະດີດ Kemeri bog ເປັນດັ່ງຂຸມຊັບສຳລັບຜູ້ທີ່ຮັກທຳມະຊາດ ບໍ່ວ່າຈະເປັນຕົ້ນສົນຂະໜາດນ້ອຍ, ແອ່ງນ້ຳເລິກ, ທະເລສາບ ແລະ ໂຣສແມຣີປ່າ

hotel ພັກແຮມ ໃນຣີກາ ທີ່ໂຮງແຮມ Grand Poet Hotel ຫຼື ທຽບເທົ່າ

ມື້ນີ້ທ່ານຈະໄດ້ຢ້ຽມຊົມເມືອງຍຸກກາງ ແລະ ຊົນນະບົດທີ່ງາມຂອງປະເທດລັດເວຍ ຈຸດທຳອິດທີ່ແວະລະຫວ່າງທາງຄືເມືອງ Cesis ເຊິ່ງມີລັກສະນະຄ້າຍເມືອງທົ່ວໄປໃນຍຸກກາງ ມີກຳແພງຫີນປ້ອງກັນເມືອງ ຫໍວ່າການເມືອງ ແລະ ສະຖານທີ່ອື່ນໆທີ່ເປັນສັນຍາລັກຂອງຍຸກກາງ ມີມາຕັ້ງແຕ່ສະຕະວັດທີ 14 ຫຼັງກິນເຂົ້າທ່ຽງ ຢ້ຽມຊົມບູຮານສະຖານ Araisi ຊົມເຮືອນໄມ້ກາງທະເລສາບ (Lake Castle) ຈາກສະຕະວັດທີ 9 ທີ່ໄດ້ຮັບການບູລະນະຂຶ້ນໃໝ່ Lake Castle ເປັນສະຖານທີ່ທ່ອງທ່ຽວອັນເປັນເອກະລັກ ບໍ່ຄືບ່ອນອື່ນໃດໃນເອີຣົບເໜືອ

ນອກຈາກນີ້ຍັງມີອາຄານກາງແຈ້ງ 3 ຫຼັງຈາກຍຸກຫີນ ແລະ ຍຸກທອງສຳລິດເທິງເກາະທີ່ເອີ້ນວ່າ Daughter’s Island ຫຼັງຈາກນັ້ນທ່ານຈະໄດ້ສຳຫຼວດທິວທັດທີ່ງາມຂອງແມ່ນ້ຳ Gauja ທີ່ຢູ່ອ້ອມເມືອງ Sigulda

ຈາກນັ້ນທ່ຽວຊົມ Gutman's Ala ຖ້ຳຫີນຊາຍທີ່ໃຫຍ່ທີ່ສຸດໃນບານຕິກ ເຊິ່ງທ່ານຈະໄດ້ຟັງຕຳນານຍຸກກາງຂອງລັດເວຍເລື່ອງ Rose of Turaida ຈາກນັ້ນຊົມພິພິທະພັນ ແລະ ຊາກປາສາດ Turaida ພວກເຮົາຈະມີຜູ້ປະສານງານນຳທ່ຽວຍ່າງຊົມໃນສວນ ແລະ ປາສາດ (ໃຊ້ເວລາ 1.5 - 2 ຊົ່ວໂມງ)

hotel ພັກແຮມ ໃນຣີກາ ທີ່ໂຮງແຮມ Grand Poet Hotel ຫຼື ທຽບເທົ່າ

ມື້ນີ້ທ່ານຈະໄດ້ເດີນທາງຜ່ານເນີນພູຂອງລັດເວຍໄປຍັງລິທົວເນຍ ສະຖານທີ່ທ່ອງທ່ຽວທຳອິດຄືພະລາດຊະວັງ Rundale ເຊິ່ງເປັນພະລາດຊະວັງລະດູຮ້ອນຂອງດຸ໊ກແຫ່ງ Courland ໂດດເດັ່ນດ້ວຍສວນ ແລະ ສະຖາປັດຕະຍະກຳທີ່ງົດງາມ ປັດຈຸບັນເປັນທີ່ຮູ້ຈັກໃນຖານະອະນຸສາວະລີສິລະປະບາໂຣກ ແລະ ໂຣໂກໂກທີ່ໂດດເດັ່ນທີ່ສຸດໃນລັດເວຍ ແລະ ສິ່ງທີ່ຂາດບໍ່ໄດ້ສຳລັບສະຖາປັດຕະຍະກຳບາໂຣກຄືສວນແບບຝຣັ່ງທີ່ສວຍງາມ ແລະ ສະລັບຊັບຊ້ອນ ທັງພະລາດຊະວັງ ແລະ ສວນຖືກອອກແບບໃນສັດຕະວັດທີ 16 ໂດຍ Bartolomeo Rastrelli ສະຖາປະນິກຊາວອິຕາລີ

ຈາກນັ້ນຂັບລົດຕໍ່ໄປທີ່ Hill of Crosses ຫຼື ເນີນເຂົາໄມ້ກາງແຂນ ເຊິ່ງເປັນໜຶ່ງໃນສະຖານທີ່ພິເສດຂອງລິທົວເນຍ ເນີນພູເກົ່າແກ່ຈາກສັດຕະວັດທີ 14 ແຫ່ງນີ້ຖືກປົກຄຸມດ້ວຍໄມ້ກາງແຂນຫຼາຍກວ່າ 100,000 ອັນ ເປັນສັນຍາລັກຂອງຄວາມເຊື່ອ ແລະ ລັດທິຊາດນິຍົມໃນລິທົວເນຍ ໄມ້ກາງແຂນບາງອັນເປັນທີ່ສັກກາລະບູຊາ ໃນຂະນະທີ່ບາງອັນໃຊ້ເພື່ອລະນຶກເຖິງຄົນຈຳນວນຫຼາຍທີ່ຖືກສົ່ງໂຕໄປໄຊບີເລຍ ນີ້ຄືສະຖານທີ່ທີ່ທ່ານຈະໄດ້ຮຽນຮູ້ ແລະ ເຂົ້າໃຈເຖິງອະດີດທີ່ຍາກລຳບາກຂອງຄົນໃນທ້ອງຖິ່ນ ໄດ້ຮຽນຮູ້ເຖິງສັດທາທີ່ໝັ້ນຄົງ ແລະ ຄວາມຫວັງໃນພາຍໜ້າຂອງພວກເຂົາ

ຕອນແລງ ເດີນທາງເຖິງ Palanga ເຊັກອິນທີ່ໂຮງແຮມ Vanagupe and SPA

ເລີ່ມຕົ້ນມື້ໃໝ່ດ້ວຍການຢ້ຽມຊົມພິພິທະພັນແຮ່ອຳພັນ Palanga ທີ່ທ່ານຈະໄດ້ຮຽນຮູ້ປະຫວັດຄວາມເປັນມາຂອງອຳພັນ ແລະ ຄວາມສຳຄັນຂອງຫີນມີຄ່າຊະນິດນີ້ຕໍ່ຊາວລິທົວເນຍ ຫຼັງຈາກນັ້ນຊົມແຫຼມ Spit Curonian ພົບກັບເນີນຊາຍທີ່ງົດງາມ, ຜືນປ່າ ແລະ ເມືອງຕາກອາກາດນ້ອຍໆ ທີ່ເຄີຍເປັນບ້ານຊາວປະມົງ ພວກເຮົາຈະນຳທ່ານຊົມຄວາມອຸດົມສົມບູນຂອງ Spit Curonian ທີ່ອີກຝັ່ງຂອງທະເລສາບ ແລະ ທ່ານຈະມີໂອກາດໄດ້ລິ້ມລົດປາຮົມຄວັນຈາກຊາວປະມົງໂດຍກົງ

ໃນຊ່ວງບ່າຍ ເດີນທາງກັບໄປຍັງ Klaipeda ເມືອງທ່າແຫ່ງດຽວຂອງລິທົວເນຍ ເພີດເພີນກັບການຍ່າງຫຼິ້ນຕອນແລງໃນເມືອງເກົ່າທີ່ແສນສະບາຍ ຫຼື ເບິ່ງເຮືອທີ່ແລ່ນຜ່ານທ່າ

hotel ພັກແຮມ ໃນ Klaipeda ທີ່ໂຮງແຮມ Michaelson Boutique ຫຼື ທຽບເທົ່າ

ມື້ນີ້ພວກເຮົາຈະເດີນທາງຕາມຝັ່ງທະເລສາບ Curonian ເພື່ອສຳຫຼວດບ້ານນ້ອຍໆອ້ອມຂ້າງ ໃນຕອນເຊົ້າທ່ານຈະໄດ້ທ່ຽວຊົມສະຖານີຊົມນົກ Vente Horn ທີ່ມີນົກນັບພັນໂຕບິນຜ່ານທຸກມື້ ໃນລະຫວ່າງທີ່ພວກມັນອົບພະຍົບສູ່ຊີກໂລກໃຕ້ ຫຼັງຈາກນັ້ນພວກເຮົາຈະຂັບລົດໄປຕາມຖະໜົນທີ່ສວຍງາມຕາມແມ່ນ້ຳ Nemunas ເຊິ່ງເປັນແມ່ນ້ຳທີ່ໃຫຍ່ທີ່ສຸດໃນລິທົວເນຍ ລະຫວ່າງທາງຈະຜ່ານບ້ານນ້ອຍໆ ແລະ ປາສາດຫຼາຍແຫ່ງ ກ່ອນນຳທ່ານທ່ຽວຊົມ ແລະ ຄ້າງຄືນທີ່ປາສາດ Panemune

ພັກຄ້າງຄືນທີ່ປາສາດ Panemune

ມື້ນີ້ພວກເຮົາຈະຂັບລົດໄປຕາມແມ່ນ້ຳ Nemunas ທີ່ສວຍງາມ ເພື່ອໄປຍັງ Rumsiskes ບ້ານ Rumsiskes ເປັນໜຶ່ງໃນພິພິທະພັນກາງແຈ້ງທີ່ໃຫຍ່ທີ່ສຸດໃນເອີຣົບ ທ່ານຈະໄດ້ຊົມເຮືອນຍ່ອສ່ວນຈາກສັດຕະວັດທີ 18-19 ທີ່ນີ້ໄດ້ລວບລວມເຮືອນແບບດັ້ງເດີມຈາກຫຼາຍພາກສ່ວນທົ່ວລິທົວເນຍໄວ້ໃນບ່ອນດຽວ ຊ່ວງບ່າຍທ່ຽວຊົມເມືອງ Kaunas ເຊິ່ງເປັນເມືອງໃຫຍ່ອັນດັບສອງຂອງລິທົວເນຍ ເມືອງ Kaunas ຕັ້ງຢູ່ໃຈກາງລິທົວເນຍ ມີຊື່ສຽງດ້ານສະຖາປັດຕະຍະກຳ interwar ສະໄໝໃໝ່ ມີປະຫວັດສາດທີ່ໜ້າສົນໃຈ ແລະ ທຳມະຊາດທີ່ສວຍງາມ

ທີ່ເມືອງ Kaunas ທ່ານຈະໄດ້ຮຽນຮູ້ເຖິງປະຫວັດສາດຂອງປະເທດລິທົວເນຍຫຼັງໄດ້ຮັບເອກະລາດຈາກການຍຶດຄອງໃນຊ່ວງສົງຄາມໂລກທັງສອງຄັ້ງ

ພັກຄ້າງຄືນໃນ Kaunas ທີ່ໂຮງແຮມ Kaunas ຫຼື ທຽບເທົ່າ

ເດີນທາງໄປຊົມປາສາດກາງທະເລສາບ ແລະ ວິວແສນສວຍທີ່ເມືອງ Trakai ເມືອງນີ້ໃນຍຸກກາງເຄີຍເປັນທີ່ພຳນັກຂອງແກຣນດຸກແຫ່ງລິທົວເນຍ ແລະ ຄັ້ງໜຶ່ງເຄີຍເປັນເມືອງທີ່ມີຄວາມສຳຄັນ ແລະ ມີອຳນາດ ປັດຈຸບັນ Trakai ເປັນເມືອງທີ່ງຽບສະຫງົບ ແລະ ມີສະຖານະເປັນເມືອງຣີສອດລະດູຮ້ອນ ມີຜູ້ຢູ່ອາໄສພຽງ 5,000 ຄົນ ນອກຈາກນີ້ຍັງໂດ່ງດັງໃນເລື່ອງຊຸມຊົນ karaim ທີ່ອາໄສຢູ່ທີ່ນີ້ມາຕັ້ງແຕ່ສະຕະວັດທີ 14 ເປັນຜູ້ຄິດຄົ້ນຂະໜົມ "kibinai" ເຊິ່ງເປັນຂະໜົມອົບທ້ອງຖິ່ນທີ່ດີທີ່ສຸດໃນບໍລິເວນນີ້ ຮັບປະທານອາຫານທ່ຽງໃນເມືອງ ຊ່ວງບ່າຍເດີນທາງມາເຖິງ Vilnius

hotel ພັກແຮມ ໃນ Vilnius ທີ່ໂຮງແຮມ Artagonist ຫຼື ທຽບເທົ່າ

ໃນຕອນເຊົ້າພວກເຮົາຈະນຳທ່ານຍ່າງຊົມເມືອງ Vilnius ນະຄອນຫຼວງທີ່ມີສະເໜ່ຂອງລິທົວເນຍ ທີ່ເລົ່າເລື່ອງລາວທາງປະຫວັດສາດຜ່ານຖະໜົນ ແລະ ອາຄານສະໄຕລ໌ບາໂຣກທີ່ສວຍງາມ ເມືອງ Vilnius ມີຊື່ສຽງເລື່ອງອາຄານຍຸກກາງຫຼາຍກວ່າ 1,200 ຫຼັງ ແລະ ໂບດ 48 ແຫ່ງ

ຊົມເມືອງເກົ່າ, ວິຫານ Vilnius, ຫໍຄອຍ Gediminas, ໂບດເຊັນແອນ, ມະຫາວິທະຍາໄລເກົ່າ, ປະຕູແຫ່ງຮຸ່ງອະລຸນ ຈາກນັ້ນເດີນທາງຕໍ່ໄປຍັງເຂດ Uzupis ເຊິ່ງປະກາດຕົນເປັນສາທາລະນະລັດເອກະລາດພາຍໃຕ້ອານາເຂດເມືອງ Vilnius ກໍ່ຕັ້ງຂຶ້ນເມື່ອຊາວປີກ່ອນໂດຍສິລະປິນທ້ອງຖິ່ນ ການຍ່າງຕີນໃຊ້ເວລາປະມານ 2 ຊົ່ວໂມງເຄິ່ງ ຊ່ວງບ່າຍ ພັກຜ່ອນຫຍ່ອນໃຈໃນເມືອງ Vilnius ພັກຄ້າງຄືນໃນ Vilnius ທີ່ໂຮງແຮມ Artagonist ຫຼື ທຽບເທົ່າ

ມື້ເດີນທາງກັບ ຖ້າມີເວລາ ທ່ານສາມາດຍ່າງຫຼິ້ນໃນເມືອງ Vilnius, ສົ່ງໂປສການ ຫຼື ຊື້ຂອງຝາກຈາກລິທົວເນຍໄດ້ ຈາກນັ້ນເດີນທາງໄປສະໜາມບິນ ກ່ອນເວລາເຊັກອິນ 3 ຊົ່ວໂມງ.