ທົວສ່ວນຕົວຢີ່ປຸ່ນ (MOT001) ເດືອນມັງກອນ ຊົມເທສະການໄຟ ໂນຊາວະອອນເຊັນ - ໝູ່ບ້ານຊິຣາຄາວາໂກະ - ໝູ່ບ້ານໂອຊິໂນະຮັກໄຄ 7 ມື້ 6 ຄືນ

ການເດີນທາງ

ຂາໄປ ບາງກອກ - Narita Airport

ຂາກັບ Narita Airport - ບາງກອກ

1 Narita Airport - Narita - Tokyo

ພວກເຮົາລໍຖ້າຮັບທ່ານທີ່ ສະໜາມບິນ Narita Airport ຕາມເວລາທີ່ກຳນົດ

ນຳທ່ານຊົມວັດ ນາຣິຕະ Naritasan Shinshoji Temple ວັດນີ້ຖືກສ້າງຂຶ້ນເມື່ອປີ ຄ.ສ. 940 ພາຍໃນວັດມີອາຄານຫຼວງຫຼາຍ ແລະ ບໍລິເວນວັດກວ້າງຂວາງ ພາຍໃນກໍ່ສ້າງດ້ວຍສະຖາປັດຕະຍະກຳພຸດອິນເດຍ ແຕ່ຍັງຄົງຮັກສາເອກະລັກຂອງຍີ່ປຸ່ນເອົາໄວ້ ອ້ອມຮອບບໍລິເວນວັດ ມີຖະໜົນຄົນຍ່າງສະໄຕລ໌ຍີ່ປຸ່ນບູຮານ Narita omotesando ຂອງຂຶ້ນຊື່ທີ່ບໍ່ຄວນພາດກໍຄື ເຂົ້າໜົມເຊມເບທີ່ເຮັດກັນສົດໆ ແລະ ເຂົ້າໜ້າອ່ຽນຍ່າງ Unagi ທີ່ທ່ານຈະໄດ້ເຫັນທຸກວິທີການເຮັດສົດໆຢູ່ໜ້າຮ້ານ ຕັ້ງແຕ່ການປາດຊີ້ນໄປຈົນຮອດການຍ່າງ ພ້ອມເສີບໃຫ້ທ່ານໄດ້ຊີມ

ຈາກນັ້ນ ນຳທ່ານແວ່ຊັອບປິ້ງທີ່ Shisui Premium Outlets ແຫຼ່ງລວມສິນຄ້າແບຣນເນມລາຄາໂຮງງານ ຫຼາຍກວ່າ 180 ແບຣນ ທັງແບຣນຍີ່ປຸ່ນ ແລະ ແບຣນສັນຊາດອື່ນໃຫ້ທ່ານໄດ້ເລືອກຊັອບ

ຈາກນັ້ນ ນຳທ່ານເດີນທາງສູ່ເມືອງໂຕກຽວ ນຳທ່ານຊົມໂຄມແດງໃຫຍ່ຍັກທີ່ວັດເຊັນໂຊຈິ Senso-ji ເປັນວັດທີ່ມີປະຫວັດຍາວນານເຖິງ 1300 ກວ່າປີ ແລະ ເກົ່າແກ່ທີ່ສຸດໃນໂຕກຽວ ຖືກສ້າງຂຶ້ນເມື່ອປີ ຄ.ສ. 645 ເມື່ອຜ່ານປະຕູໂຄມແດງ ຫຼື ປະຕູຄາມິນາຣິ ທ່ານຈະພົບກັບຮ້ານຄ້າຂອງຕ້ອນຂອງຝາກຫຼວງຫຼາຍ ແລະ ຢ່າລືມຍ່າງເຂົ້າໄປຂາບໄຫວ້ສັກກາລະ ພຣະໂພທິສັດຄັນນົງ ຫຼື ພຣະໂພທິສັດກວນອິມ ເພື່ອຄວາມເປັນສິຣິມຸງຄຸນແກ່ຊີວິດ

ຕອນແລງ ນຳທ່ານລ່ອງເຮືອຊົມບັນຍາກາດຕາເວັນຕົກດິນ ໃຫ້ທ່ານໄດ້ເພີດເພີນກັບທັດສະນີຍະພາບ ອ້ອມຮອບຂອງແມ່ນ້ຳຊູມິດະ

2 Gunma

ຕອນເຊົ້າ ນຳທ່ານເດີນທາງສູ່ເມືອງ Gunma ກຸນມະເປັນເມືອງໂດ່ງດັງ ແລະ ມີຊື່ສຽງຫຼາຍໃນເລື່ອງຂອງອອນເຊັນ ມີອອນເຊັນກວ່າ 200 ແຫ່ງທົ່ວເມືອງ ເປັນເມືອງທີ່ສາມາດທ່ຽວໄດ້ຕະຫຼອດປີ ມີທັງທຳມະຊາດທີ່ອຸດົມສົມບູນ ແລະ ວັດທະນະທຳທີ່ໜ້າສົນໃຈຫຼວງຫຼາຍ

ສະຖານທີ່ທຳອິດທີ່ພວກເຮົາຈະນຳທ່ານໄປກໍຄື Shorinzan Daruma-ji Temple ວັດໂຊຣິນຊັງ ດາຣູມະຈິ ເປັນວັດທີ່ເຕັມໄປດ້ວຍຕຸກກະຕາດາຣູມະຈຳນວນຫຼວງຫຼາຍ ສາເຫດທີ່ເຮັດໃຫ້ວັດແຫ່ງນີ້ເຕັມໄປດ້ວຍຕຸກກະຕາດາຣູມະແມ່ນຍ້ອນວ່າ ຜູ້ຄົນໄດ້ນຳຕຸກກະຕາມາສົ່ງຄືນເມື່ອພອນທີ່ຂໍໄປນັ້ນສຳເລັດຜົນຮຽບຮ້ອຍແລ້ວ ຈຶ່ງເຮັດໃຫ້ມີບຸນເທສະການຈູດຕຸກກະຕາດາຣູມະເກີດຂຶ້ນໃນວັນທີ 6 ແລະ 7 ມັງກອນຂອງທຸກໆປີ ຫາກທ່ານຕ້ອງການຊື້ ແມ່ນສາມາດຊື້ໄດ້ຢູ່ທີ່ວັດເລີຍ ຫຼື ຈະຊື້ຈາກຮ້ານໂດຍກົງເລີຍກໍໄດ້ ທີ່ Daruma no Sato Daimon ya ຂອງອາຈານ Jun-ichi Nakata ຜູ້ແຕ້ມລວດລາຍໜ້າເທິງຕຸກກະຕາດ້ວຍຕົວເອງທຸກໂຕ

ຈາກນັ້ນ ນຳທ່ານໄປເກັບ ແລະ ຊີມສະຕໍເບີຣີຫວານສ່ຳ ສົດໆຈາກຕົ້ນກັນທີ່ ຟາມ DoleLand Minakami ສວນໝາກໄມ້ຄົບວົງຈອນຂອງເມືອງມິນາຄາມິ

ຈາກນັ້ນ ນຳທ່ານຊົມ Kusatsu Onsen ອອນເຊັນທີ່ດີທີ່ສຸດ ແລະ ເປັນທີ່ນິຍົມກັນຢ່າງຫຼວງຫຼາຍ ເຊິ່ງເປັນໜຶ່ງໃນສາມອອນເຊັນຊື່ດັງຂອງຍີ່ປຸ່ນ ຊົມການຫຼຸດອຸນຫະພູມໃນນ້ຳອອນເຊັນດ້ວຍແຜ່ນໄມ້ ເຊິ່ງເປັນວິທີການແຊ່ນ້ຳທີ່ເປັນເອກະລັກສືບທອດມາຕັ້ງແຕ່ສະໄໝເອໂດະ ໃຫ້ທ່ານຍ່າງຫຼິ້ນຊົມບັນຍາກາດບ້ານເມືອງແບບບູຮານ

3 Nagano - Nozawaonsen

ຕອນເຊົ້າ ນຳທ່ານເດີນທາງສູ່ Nozawaonsen ເປັນໝູ່ບ້ານນ້ອຍໆ ຕັ້ງຢູ່ໃນແຂວງນາກາໂນ ໂນຊາວະອອນເຊັນ ຂຶ້ນຊື່ວ່າເປັນໜຶ່ງໃນແຫຼ່ງອອນເຊັນທີ່ເກົ່າແກ່ຂອງປະເທດຍີ່ປຸ່ນ

ລະຫວ່າງທາງ ນຳທ່ານແວ່ສັກກາລະຂໍພອນກັນທີ່ Zenkoji Temple ໜຶ່ງໃນວັດທີ່ສຳຄັນຫຼາຍທີ່ສຸດຂອງຍີ່ປຸ່ນ ຕັ້ງຢູ່ກາງເມືອງນາກາໂນ ພາຍໃນວັດມີທາງຍ່າງໃຕ້ດິນ ຫຼື Underground passage ເປັນທາງຍ່າງທີ່ມືດສະໜິດ ບໍ່ມີແສງໄຟ ເຊື່ອກັນວ່າເປັນທາງຍ່າງສູ່ສະຫວັນ ນອກຈາກນີ້ ບໍລິເວນອ້ອມຮອບວັດຍັງມີຮ້ານຄ້າຮ້ານອາຫານທ້ອງຖິ່ນຢູ່ຢ່າງຫຼວງຫຼາຍ

ຫາກເວລາຍັງເຫຼືອ ນຳທ່ານແວ່ຊົມ Jigokudani Monkey Park ຫຼື ອອນເຊັນລີງ ທີ່ມີຊື່ສຽງຂອງເມືອງ ເຊິ່ງເດືອນມັງກອນ ເປັນເດືອນທີ່ມີຫິມະ ແລະ ມີອາກາດໜາວ ຈຶ່ງເຮັດໃຫ້ຝູງລີງສຸດໜ້າຮັກ ພ້ອມໃຈກັນອອກມາແຊ່ນ້ຳຮ້ອນຢູ່ທີ່ Jigokudani Yaen-Koen ເປັນຈຳນວນຫຼາຍ ຊົມພາບຖ່າຍທອດສົດບໍ່ນ້ຳຮ້ອນໄດ້ທີ່ : http://www.jigokudani-yaenkoen.co.jp/livecam/monkey/index.htm

ໄດ້ເວລາອັນສົມຄວນ ນຳທ່ານເດີນທາງສູ່ Nozawaonsen ເພື່ອກະກຽມຕົວເຂົ້າຮ່ວມງານບຸນເທສະການໄຟ ໂນຊາວະອອນເຊັນ ຈັດຂຶ້ນທຸກໆວັນທີ 15 ມັງກອນຂອງປີ ເປັນ 1 ໃນ 3 ເທສະການໄຟທີ່ຍິ່ງໃຫຍ່ຂອງຍີ່ປຸ່ນ ຈັດຂຶ້ນຢູ່ບໍລິເວນ Nozawa Onsen Village ຖະໜົນສາຍເກົ່າ ລະຫວ່າງແມ່ນ້ຳ ແລະ ໝູ່ບ້ານເທິງພູ ເພາະເຊື່ອກັນວ່າ ເປັນຈຸດທີ່ມີພະເຈົ້າ ໂດໂຊຈິນ ສະຖິດຢູ່ ງານເລີ່ມຕັ້ງແຕ່ 19:00-22:00

4 Shirakawa-go - Takayama

ຕອນເຊົ້າ ນຳທ່ານເດີນທາງສູ່ ຊິຣາກາວາໂກະ Shirakawa-go ໝູ່ບ້ານມໍລະດົກໂລກອັນເກົ່າແກ່ຂອງຍີ່ປຸ່ນ ຊິຣາກາວາໂກະ ເປັນໝູ່ບ້ານຊາວນາທີ່ຕັ້ງຢູ່ໃນຮ່ອມພູຕາມແມ່ນ້ຳໂຊກາວະ (Shogawa) ເຮືອນທຸກຫຼັງໃນໝູ່ບ້ານ ມີອາຍຸເກົ່າແກ່ກວ່າ 200-300 ປີ ນອກຈາກຄວາມງົດງາມຂອງວິວແລ້ວ ຍັງມີຮ້ານຄ້າ ຮ້ານອາຫານ ຮ້ານຂາຍເຄື່ອງທີ່ລະນຶກ ສານເຈົ້າ ລໍຖ້າໃຫ້ນັກທ່ອງທ່ຽວ ຍ່າງຫຼິ້ນຖ່າຍຮູບ ກັນຢ່າງເພີດເພີນ ໝູ່ບ້ານນີ້ໄດ້ຮັບການຄັດເລືອກຈາກອົງການ ຢູເນສໂກ ໃຫ້ເປັນມໍລະດົກໂລກເມື່ອປີ ຄ.ສ. 1995 ຄວນຄ່າແກ່ການມາຢ້ຽມຢາມຢ່າງຍິ່ງ

ຕອນບ່າຍ ນຳທ່ານເດີນທາງສູ່ ທາຄາຍາມະ ເມືອງທີ່ຕັ້ງຢູ່ໃນແຂວງກິຟຸ ເປັນເມືອງນ້ອຍທີ່ເຕັມໄປດ້ວຍສະເໜ່ ແລະ ຍັງຄົງບັນຍາກາດ ສະພາບເຮືອນຊານບ້ານຊ່ອງຂອງຍີ່ປຸ່ນໃນສະໄໝບູຮານໄວ້ໃຫ້ໄດ້ເຫັນໃນປັດຈຸບັນ ສະຖານທີ່ທຳອິດທີ່ພວກເຮົາຈະນຳທ່ານໄປກໍຄື ເຂດເມືອງເກົ່າຊັນມະຈິ Sanmachi Old Town ເປັນເຂດທີ່ເຕັມໄປດ້ວຍເຮືອນຊານ ແລະ ຮ້ານຄ້ານ່າຮັກຫຼວງຫຼາຍ ຮ້ານຄ້າໃນຖະໜົນສາຍນີ້ຖືກອະນຸລັກໄວ້ເປັນຢ່າງດີ ມີກິ່ນອາຍສະໄໝເອໂດະ ໃຫ້ທ່ານໄດ້ຍ່າງຫຼິ້ນກັບບັນຍາກາດສຸດປະທັບໃຈ

ຈາກນັ້ນ ນຳທ່ານຊົມ ອາຄານສຳນັກງານວ່າການເມືອງບູຮານ ຫຼື ທາຄາຍາມະຈິນຍະ Takayama Jinya ເປັນສະຖານທີ່ດຽວທີ່ຍັງຄົງເຫຼືອໄວ້ຕັ້ງແຕ່ສະໄໝເອໂດະ

ສະຖານທີ່ສຸດທ້າຍຂອງມື້ນີ້ກໍຄື Hida Kokubunji Temple ວັດຮິດະໂຄຄຸບຸນຈິ ເປັນວັດພຸດທີ່ເປັນຄືສັນຍະລັກຂອງເມືອງທາຄາຍາມະ ເຈດີສາມຊັ້ນອົງນີ້ສ້າງຂຶ້ນໃນປີ 1820

ຫາກທ່ານຕ້ອງການຊົມ ບັນຍາກາດຂອງໝູ່ບ້ານ ຊິຣາກາວາໂກະ ໃນຍາມຄ່ຳຄືນ ກະລຸນາແຈ້ງລ່ວງໜ້າ

5 Yamanashi

ນຳທ່ານເດີນທາງສູ່ແຂວງ Yamanashi ຢາມານາຊິ ຕັ້ງຢູ່ພາກຊູບຸຂອງປະເທດຍີ່ປຸ່ນ ໃຊ້ເວລາໃນການເດີນທາງປະມານ 3 ຊົ່ວໂມງ 15 ນາທີ ໄລຍະທາງ 200 ກມ.

ສະຖານທີ່ທຳອິດທີ່ພວກເຮົາຈະໄປກໍຄື ໝູ່ບ້ານ ໂອຊິໂນະຮັກໄຄ ( Oshino Hakkai Village ) ຫຼື ທີ່ນັກທ່ອງທ່ຽວຄົນໄທມັກເອີ້ນວ່າໝູ່ບ້ານນ້ຳໃສ ເຫດຜົນທີ່ໄດ້ຊື່ວ່າໝູ່ບ້ານນ້ຳໃສນັ້ນກໍຄື ໃນໝູ່ບ້ານແຫ່ງນີ້ມີບໍ່ນ້ຳສະອາດລວມກັນກວ່າ 8 ບໍ່ ບໍ່ນ້ຳທີ່ວ່າສະອາດ ສະອາດສ່ຳໃດ? ສະອາດ ແລະ ໃສຈົນເຫັນໂຕປາລອຍຢູ່ໃນບໍ່ ແລະ ສາມາດດື່ມໄດ້ອີກດ້ວຍ ເຊິ່ງບໍ່ນ້ຳແຕ່ລະບໍ່ແມ່ນນ້ຳທີ່ເກີດຈາກການລະລາຍຂອງຫິມະເທິງພູເຂົາໄຟຟູຈິໃນຊ່ວງລະດູຮ້ອນ

ນຳທ່ານໄປລານສະກີ ຟູຈິເທັນສະກີຣີສອດ (Fujiten Ski Resort) ໃຫ້ທ່ານໄດ້ສຳຜັດກັບຫິມະຂາວໆໜາໆ ໃຫ້ທ່ານໄດ້ມ່ວນຊື່ນກັບກິດຈະກຳຕ່າງໆ ຂອງລານສະກີແຫ່ງນີ້ ບໍ່ວ່າຈະເປັນ ສະໂນບອດ , ກະດານເລື່ອນຫິມະ , ສະກີ ແລະ ດື່ມດ່ຳກັບບັນຍາກາດທີ່ອ້ອມຮອບໄປດ້ວຍຫິມະ

ໝາຍເຫດ : ລານສະກີຈະເປີດຕາມຊ່ວງເວລາ ແລະ ສະພາບອາກາດເທົ່ານັ້ນ ຫາກຊ່ວງທີ່ທ່ານເດີນທາງບໍ່ກົງກັບຊ່ວງທີ່ລານສະກີເປີດ ທາງພວກເຮົາຈະນຳທ່ານທ່ຽວສະຖານທີ່ໜ້າສົນໃຈບ່ອນອື່ນທົດແທນ ຫຼື ທ່ານມີບ່ອນທີ່ຢາກໄປ ແມ່ນສາມາດແຈ້ງຜູ້ອອກແບບໂປຣແກຣມໄດ້ລ່ວງໜ້າ

ພາທ່ານຂີ່ກະເຊົ້າຄາຈິຄາຈິ (Mt. Fuji Panoramic Ropeway) ຊົມພູເຂົາໄຟຟູຈິແບບໃກ້ຊິດ ທ່ານສາມາດຊົມພູເຂົາໄຟຟູຈິໄດ້ແບບ 360 ອົງສາ ແຕ່ຖ້າມື້ໃດອາກາດບໍ່ເປັນໃຈກໍອາດເຮັດໃຫ້ Ropeway ປິດໃຫ້ບໍລິການ ຈາກນັ້ນພາທ່ານໄປ ສານເຈົ້າຄິຕາງຸຈິຮົງງູຟູຈິເຊັນເກັນ (Kitaguchi Hongu Fuji Sengen-jinja) ເຊິ່ງເປັນສານເຈົ້າເກົ່າແກ່ທີ່ສ້າງຕັ້ງຂຶ້ນຕັ້ງແຕ່ປີ 1900 ເປັນສານເຈົ້ານ້ອຍໆທີ່ສ້າງຂຶ້ນເພື່ອບູຊາເທບພະເຈົ້າ ເປັນສານນ້ອຍໆທີ່ງຽບສະຫງົບ ແລະ ຮົ່ມເຢັນຫຼາຍ ແລະ ທີ່ນີ້ຖືວ່າເປັນເສັ້ນທາງສັກສິດເພື່ອຂຶ້ນພູເຂົາໄຟຟູຈິຊັງ

6 Tokyo

ຕອນເຊົ້າເດີນທາງສູ່ໂຕກຽວ ໄລຍະທາງ 115 ກມ. ໃຊ້ເວລາເດີນທາງປະມານ 1 ຊົ່ວໂມງເຄິ່ງ ພາທ່ານຊົມໂຄມແດງຍັກໃຫຍ່ທີ່ວັດເຊັນໂຊຈິ Senso-ji ເປັນວັດທີ່ມີປະຫວັດຍາວນານເຖິງ 1300 ກວ່າປີ ແລະ ເກົ່າແກ່ທີ່ສຸດໃນໂຕກຽວ ຖືກສ້າງຂຶ້ນເມື່ອປີ ຄ.ສ. 645 ເມື່ອຜ່ານປະຕູໂຄມແດງ ຫຼື ປະຕູຄາມິນາຣິ ທ່ານຈະພົບກັບຮ້ານຂາຍເຄື່ອງຝາກຫຼາຍຢ່າງ ແລະ ຢ່າລືມຍ່າງເຂົ້າໄປໄຫວ້ສັກກາລະ ພຣະໂພທິສັດຄັນນົງ ຫຼື ພຣະໂພທິສັດກວນອິມ ເພື່ອຄວາມເປັນສິຣິມຸງຄຸນແກ່ຊີວິດ

ຢູ່ຂ້າງໆວັດ Senso-ji ມີຖະໜົນຊັອບປິ້ງຊື່ດັງຕັ້ງຢູ່ ນັ້ນກໍຄື Asakusa Nishi-sando Shopping Street ໃຫ້ທ່ານໄດ້ຊັອບປິ້ງ ແລະ ຊື້ເຄື່ອງຝາກກັນຢ່າງຈຸໃຈ

ຈາກນັ້ນບໍ່ໄກປານໃດ ພາທ່ານຊົມ Sumida Park ສວນທຳມະຊາດທ່າມກາງຕຶກສູງ ຍ່ານອາຊາກຸຊະ ຕັ້ງຢູ່ແຄມແມ່ນ້ຳຊູມິດະ ພາຍໃນສວນມີຕົ້ນຊາກຸຣະກວ່າ 1,000 ຕົ້ນ ແລະ ສວນແຫ່ງນີ້ຍັງຕິດອັນດັບຕົ້ນໆທີ່ດີທີ່ສຸດໃນການຊົມຊາກຸຣະອີກດ້ວຍ ພາທ່ານຊົມແລນມາກສຳຄັນຂອງໂຕກຽວ ນັ້ນກໍຄື Tokyo sky tree ຫໍຄອຍທີ່ສູງທີ່ສຸດໃນໂລກ ດ້ວຍຄວາມສູງ 634 ແມັດ ແລະ ເປັນຈຸດຊົມວິວທີ່ໄດ້ຮັບຄວາມສົນໃຈຫຼາຍ ດ້ວຍຄວາມສູງຂອງຫໍຄອຍເຮັດໃຫ້ສາມາດເຫັນວິວຈາກມຸມທີ່ສູງຫຼາຍ ຫາກທ່ານຕ້ອງການຂຶ້ນໄປຊົມວິວທີ່ Tokyo sky tree ແນະນຳໃຫ້ຈອງປີ້ຜ່ານເວັບໄຊ www.tokyo-skytree.jp/en ໄວ້ເລີຍ ລາຄາປີ້ປົກກະຕິ 2,000 ຢຽນ ສຳລັບຜູ້ໃຫຍ່

ຫາກຍັງມີເວລາເຫຼືອ ຕອນແລງພາທ່ານລ່ອງເຮືອຊົມບັນຍາກາດຕາເວັນຕົກດິນ ໃຫ້ທ່ານໄດ້ເພີດເພີນກັບທັດສະນີຍະພາບອ້ອມຮອບແມ່ນ້ຳຊູມິດະ

7 Tokyo - Narita Airport

ມື້ສຸດທ້າຍຂອງທຣິບ ຫາກຍັງມີເວລາເຫຼືອພາທ່ານໄຫວ້ສັກກາລະ ສານເຈົ້າເມຈິ Meji - jingo ເຊິ່ງເປັນສານເຈົ້າສຳລັບສັກກາລະຈັກກະພັດເມຈິ ແລະ ຈັກກະພັດດິນີໂຊເຄັນ

ຈາກນັ້ນພາທ່ານໄປສົ່ງທີ່ສະໜາມບິນກ່ອນເວລາ 3 ຊົ່ວໂມງ ເພື່ອເດີນທາງກັບບາງກອກໂດຍສະຫວັດດີພາບ ແລະ ຄວາມປະທັບໃຈ

hotel ພັກແຮມ Tokyo