ທົວສ່ວນຕົວຢີ່ປຸ່ນ (MOT003) ເດືອນມີນາ ຊົມດອກຊາກຸຣະແຖບຄັນໄຊ Osaka – Nara – Kyoto – Kobe 5 ມື້ 4 ຄືນ

5 ມື້ 4 ຄືນ
ລົດຕູ້ + ຄົນຂັບສ່ວນຕົວ
ປັບເສັ້ນທາງໄດ້

ເດືອນມີນາເປັນເດືອນທຳອິດຂອງລະດູບານໃໝ່ ກິດຈະກຳທີ່ນິຍົມທີ່ສຸດຄົງໜີບໍ່ພົ້ນ ການຊົມດອກຊາກຸຣະ ໂປຣແກຣມນີ້ຈຶ່ງຈະເນັ້ນສະຖານທີ່ທ່ອງທ່ຽວທີ່ຈະໃຫ້ທ່ານໄດ້ເພີດເພີນກັບ ຄວາມສວຍງາມຂອງດອກຊາກຸຣະ

ໂປຣແກຣມແຕ່ລະມື້

ມື້ທີ 1 Osaka

ຮັບທ່ານທີ່ສະໜາມບິນຄັນໄຊ ຈາກນັ້ນເດີນທາງໄປເມືອງ ໂອຊາກ້າ "ເມືອງໂອຊາກ້າ" ແມ່ນເມືອງໃຫຍ່ທີ່ຕັ້ງຢູ່ທາງຝັ່ງຕາເວັນຕົກຂອງຍີ່ປຸ່ນ ຫ່າງຈາກໂຕກຽວປະມານ 400 ກິໂລແມັດ ຖ້າເວົ້າເຖິງໂອຊາກ້າ ໝູ່ເພື່ອນຄົງຄິດເຖິງເມືອງທີ່ເຕັມໄປດ້ວຍສີສັນ ແລະ ສະຖານທີ່ທ່ອງທ່ຽວຫຼາກຫຼາຍແບບ ເຊັ່ນ ວັດ, ສາລາເຈົ້າ, ສວນສະໜຸກລະດັບໂລກ, ແຫຼ່ງຊັອບປິ້ງ ແລະ ອື່ນໆ ເອີ້ນໄດ້ວ່າເປັນເມືອງທີ່ທ່ຽວໄດ້ທຸກອາລົມແທ້ໆ

ພາທ່ານທ່ຽວທີ່ ປາສາດໂອຊາກ້າ (Osaka castle) ແລນມາກສຳຄັນຂອງເມືອງໂອຊາກ້າ ເປັນປາສາດທີ່ຍິ່ງໃຫຍ່ອຸດົມສົມບູນ ຕັ້ງຢູ່ໃຈກາງເມືອງໂອຊາກ້າ ພາຍໃນປາສາດມີທັງໝົດ 8 ຊັ້ນ ແລະ ພາຍໃນຕົວອາຄານຍັງເປັນສ່ວນຂອງ Osaka Castel Museum ໃຫ້ທ່ານໄດ້ຊົມຄວາມງາມ ແລະ ປະຫວັດຄວາມເປັນມາຂອງປາສາດ

ຈາກນັ້ນພາທ່ານເດີນທາງໄປທ່ຽວຕະຫຼາດຄູໂຣມອນ (Kuromon Market) ເປັນຕະຫຼາດທີ່ມີຊື່ສຽງ ແລະ ເກົ່າແກ່ທີ່ສຸດແຫ່ງໜຶ່ງຂອງເມືອງໂອຊາກ້າ ຕະຫຼາດແຫ່ງນີ້ເປັນຕະຫຼາດສົດທີ່ບໍ່ໄດ້ມີແຕ່ຂອງສົດເທົ່ານັ້ນ ທີ່ນີ້ຍັງມີອາຫານພ້ອມກິນ ແລະ ອາຫານພື້ນເມືອງ ຂະໜົມພື້ນເມືອງອີກຫຼາຍຢ່າງ ລຽງລາຍກວ່າ 600 ຮ້ານ ໃຫ້ທ່ານໄດ້ເລືອກລອງ

ພັກແຮມ Osaka

ມື້ທີ 2 Nara

ຕອນເຊົ້າອອກເດີນທາງສູ່ເມືອງ Nara ເມືອງນາຣາໃນອະດີດເປັນເມືອງຫຼວງເກົ່າຂອງປະເທດຍີ່ປຸ່ນເມື່ອ 1,300 ປີກ່ອນ ໃນຊ່ວງເລີ່ມຕົ້ນຂອງລາຊະວົງຢາມາໂຕະ ແລະ ຍັງເປັນເມືອງສຳຄັນດ້ານສາດສະໜາໃນຍຸກກ່ອນອີກດ້ວຍ ຈຶ່ງເຮັດໃຫ້ເມືອງນາຣາມີວັດຫຼວງຫຼາຍທົ່ວທັງເມືອງ

ນຳທ່ານນະມັດສະການຫຼວງພໍ່ໂຕປະຈຳເມືອງນາຣາ ທີ່ວັດໂທໄດຈິ (Todaiji Temple) ຫຼື ຫຼາຍຄົນເອີ້ນວ່າ ໄດບຸດສຶ (Daibutsu of Nara) ເປັນໜຶ່ງໃນວັດທີ່ມີຊື່ສຽງຫຼາຍທີ່ສຸດຂອງປະເທດຍີ່ປຸ່ນ ແລະ ມີຄວາມສຳຄັນທາງປະຫວັດສາດຂອງຍີ່ປຸ່ນ ວັດນີ້ຖືກສ້າງຂຶ້ນເມື່ອປີ ຄ.ສ. 752 ໃນສະໄໝກ່ອນວັດໂທໄດຈິເປັນສູນກາງຂອງວັດທັງໝົດໃນປະເທດຍີ່ປຸ່ນ

ຈາກນັ້ນນຳທ່ານຊົມສານຄາຊູງະໄທຊະ (Kasuga Taisha Shrine) ຕັ້ງຢູ່ຕີນພູຄາຊູງະທາງທິດຕາເວັນອອກຂອງເມືອງນາຣາ ສານເຈົ້າແຫ່ງນີ້ ທີ່ໄດ້ຮັບການຂຶ້ນທະບຽນເປັນມໍລະດົກໂລກ Historic Monuments of Ancient Nara ໂດຍອົງການຢູເນັສໂກ

ຈາກນັ້ນນຳທ່ານໄປຈຸດໄຮໄລຕ໌ ຂອງເມືອງນາຣາ ນັ້ນກໍຄື ສວນກວາງນາຣາ (Nara park) ເດີມເປັນສວນສາທາລະນະທຳມະດາ ເນື່ອງຈາກເມືອງນາຣາມີກວາງຈຳນວນຫຼາຍອາໄສຢູ່ ແລະ ດ້ວຍຄວາມອຸດົມສົມບູນ ຮົ່ມເຢັນ ຂອງສວນແຫ່ງນີ້ ຈຶ່ງເຮັດໃຫ້ກວາງຈຳນວນກວ່າ 1,200 ໂຕ ມາອາໄສຢູ່ສວນນີ້ ແຖມປັດຈຸບັນນ້ອງກວາງຍັງລຶ້ງເຄີຍກັບນັກທ່ອງທ່ຽວຫຼາຍໆ Nara park ຍັງເປັນຈຸດຊົມດອກຊາກຸຣະທີ່ດີທີ່ສຸດຂອງເມືອງນາຣາອີກດ້ວຍ

ຈາກນັ້ນນຳທ່ານເດີນທາງກັບສູ່ເມືອງໂອຊາກາ ເພື່ອໄປຊັອບປິ້ງກັນຕໍ່ທີ່ ຍ່ານຊິນໄຊບາຊິ (Shinsaibashi) ເປັນຍ່ານຊັອບປິ້ງທີ່ຊັອບປິ້ງງ່າຍ ຍ່າງກົງໄປຕາມຖະໜົນເສັ້ນດຽວທີ່ຍາວ 2 ກິໂລແມັດ ແຕ່ເຕັມໄປດ້ວຍຮ້ານຄ້າທັງສອງຂ້າງທາງ ຄ້າງຄືນ Osaka

ມື້ທີ 3 Kyoto

ຕອນເຊົ້ານຳທ່ານເດີນທາງສູ່ເມືອງດັງອີກໜຶ່ງເມືອງຂອງແຖບນີ້, ເມືອງ Kyoto (ກຽວໂຕ) ເປັນເມືອງທີ່ມີສະຖານທີ່ທ່ອງທ່ຽວຫຼວງຫຼາຍ ທັງວັດ ແລະ ສານເຈົ້າເກົ່າແກ່ບູຮານ ແຕ່ລະບ່ອນມີເອກະລັກສະເພາະ ເຊິ່ງມີຄວາມໂດດເດັ່ນແຕກຕ່າງກັນອອກໄປ ເຮັດໃຫ້ເມືອງກຽວໂຕເປັນເມືອງທີ່ນັກທ່ອງທ່ຽວສ່ວນຫຼາຍເລືອກທີ່ຈະໄປທ່ອງທ່ຽວກັນ

ນຳທ່ານໄຫວ້ຂໍພອນກັນທີ່ ສານເຈົ້າຟູຊິມິອິນາຣິ (Fushimi Inari Shrine) ຫຼື ບາງຄົນເອີ້ນສານເຈົ້າເສົາແດງ ແລະ ສານເຈົ້າໝາຈອກ, ສານເຈົ້າຟູຊິມິອິນາຣິເປັນສານເຈົ້າຊິນໂຕ ເປັນສານເຈົ້າທີ່ເກົ່າແກ່ຫຼາຍ ຖືກສ້າງຂຶ້ນກ່ອນເມືອງກຽວໂຕອີກ. ຈາກນັ້ນນຳທ່ານ ຊົມດອກຊາກຸຣະບານກັນທີ່ Daigo-Ji Temple (ວັດໄດໂກຈິ) ເປັນໜຶ່ງໃນຈຸດຊົມດອກຊາກຸຣະທີ່ດີທີ່ສຸດແຫ່ງໜຶ່ງໃນກຽວໂຕເລີຍກໍວ່າໄດ້ ມີຕົ້ນຊາກຸຣະຫຼາກຫຼາຍສາຍພັນກວ່າ 700 ຕົ້ນ (ແນະນຳໃຫ້ກວດເບິ່ງຕາຕະລາງດອກຊາກຸຣະບານກ່ອນອອກເດີນທາງ)

ຈາກນັ້ນນຳທ່ານຍ່າງຫຼິ້ນຊອກຫາຫຍັງກິນກັນທີ່ Nishiki Market (ຕະຫຼາດນິຊິກິ) ເປັນຕະຫຼາດທີ່ດັງທີ່ສຸດໃນເມືອງກຽວໂຕ ມີທັງຮ້ານຄ້າ ແລະ ຮ້ານອາຫານຫຼາຍກວ່າ 100 ຮ້ານລຽງລາຍກັນຢູ່ ມີທັງຂອງສົດຂອງແຫ້ງໄປຈົນຮອດອາຫານທະເລສົດໆຄອຍໃຫ້ບໍລິການ

ຈາກນັ້ນຕອນແລງ ນຳທ່ານຍ່າງຫຼິ້ນຍ່ານ Gion (ຍ່ານກິອົງ) ຖືເປັນຍ່ານລາຕີແຫ່ງກຽວໂຕ, ຍ່ານນີ້ຢູ່ໃກ້ກັບສານເຈົ້າຍາຊາກະ (Yasaka Shrine) ແລະ ແມ່ນ້ຳຄາໂມະ (Kamo River), ຖະໜົນໃນຍ່ານນີ້ຈະມີ ຮ້ານຄ້າ, ຮ້ານອາຫານ ແລະ ເຮືອນຊານໜ້າຮັກໆສະໄຕລ໌ບູຮານ ຢູ່ທົ່ວທັງຍ່ານ

ຈາກນັ້ນເດີນທາງກັບເມືອງໂອຊາກ້າເພື່ອຄ້າງຄືນ, ຫາກທ່ານຕ້ອງການຄ້າງຄືນທີ່ກຽວໂຕ ກະລຸນາແຈ້ງລ່ວງໜ້າ

ພັກແຮມ Osaka

ມື້ທີ 4 Kobe

ຕອນເຊົ້າພາທ່ານເດີນທາງໄປເມືອງ Kobe ໂກເບ (Kobe-shi) ເປັນນະຄອນຫຼວງຂອງແຂວງເຮຍວໂງະ ປະເທດຍີ່ປຸ່ນ ເປັນເມືອງຂະໜາດໃຫຍ່ອັນດັບທີ 5 ແລະ ເປັນເມືອງທ່າທີ່ສຳຄັນຂອງຍີ່ປຸ່ນ ຕັ້ງຢູ່ທາງທິດໃຕ້ຂອງເກາະຮອນຊູ ຫ່າງຈາກໂອຊາກ້າປະມານ 30 ກິໂລແມັດ ສາມາດເດີນທາງໄປທ່ຽວແບບເຊົ້າໄປ - ແລງກັບໄດ້ ຄືກັບອີກຫຼາຍເມືອງຍອດນິຍົມອ້ອມແອ້ມໂອຊາກ້າ ເຊັ່ນ ກຽວໂຕ ນາຣະ ໂກເບເປັນເມືອງທີ່ທ່ຽວງ່າຍ ສາມາດຍ່າງທ່ຽວໄດ້ສະບາຍ ຖືກໃຈສາຍຊັອບຢ່າງພວກເຮົາຫຼາຍໆ

ພາທ່ານສຳຜັດກິ່ນອາຍຍ່ານເກົ່າແກ່ສະໄຕລ໌ຕາເວັນຕົກທີ່ Kitano Area ຍ່ານຄິຕາໂນະ ເປັນຍ່ານທີ່ຜະສົມຜະສານສອງວັດທະນະທຳລະຫວ່າງຍີ່ປຸ່ນ ແລະ ຕາເວັນຕົກເຂົ້າດ້ວຍກັນຢ່າງລົງຕົວ ຕາມປະຫວັດສາດຂອງເມືອງໂກເບ ມີຊາວຕ່າງຊາດມາອາໄສຢູ່ຍ່ານນີ້ເປັນຈຳນວນຫຼາຍ ຈຶ່ງເຮັດໃຫ້ເຮົາໄດ້ເຫັນເຮືອນຊານສະໄຕລ໌ຕາເວັນຕົກສະໄໝກ່ອນ

ແນະນຳມື້ທ່ຽງ ທີ່ຮ້ານ Kobe Steakland Kobe ໃກ້ກັບສະຖານີ Sannomiya ບໍ່ແມ່ນແຕ່ດັງຢ່າງດຽວ ທຸກຢ່າງແມ່ນດີຫຼາຍ ລົດຊາດ ລາຄາ ແລະ ການບໍລິການ ສົມແລ້ວທີ່ເປັນຮ້ານ Top one ຂອງເມືອງໂກເບແຫ່ງນີ້ ເວັບໄຊທ໌ຮ້ານ https://steakland-kobe.jp/en/

ຈາກນັ້ນພາທ່ານໄປ Tor West ຍ່ານຊັອບປິ້ງທີ່ຢູ່ລະຫວ່າງສະຖານີຊັນໂນະມິຢະ ແລະ ສະຖານີໂມໂຕະມາຈິ ເປັນຍ່ານທີ່ລວບລວມຮ້ານຄ້າວິນເທຈ ຮ້ານຂອງດີໄຊເນີປະຈຳເມືອງ ແລະ ຍັງມີຮ້ານເກ໋ໆອີກຫຼາຍຮ້ານ ຮັບຮອງວ່າສາຍມິນິມອນ ຕ້ອງຮັກທີ່ນີ້ ຫ່າງຈາກສະຖານີ Sannomiya ທີ່ເປັນສະຖານີຫຼັກຂອງເມືອງ ພຽງ 450 ແມັດ

ຈາກນັ້ນພາທ່ານຊັອບປິ້ງຕໍ່ທີ່ Kyukyoryuchi ຍ່ານຊັອບປິ້ງແບຣນທີ່ຕັ້ງຢູ່ທາງທິດໃຕ້ຂອງສະຖານີຊັນໂນະມິຢະ ລັກສະນະສ່ວນໃຫຍ່ຂອງຍ່ານແຫ່ງນີ້ຈະເປັນອາຄານສະໄຕລ໌ຕາເວັນຕົກສ້າງດ້ວຍດິນຈີ່ ແລະ ຄອນກຣີດ ມີຮ້ານແບຣນເນມຕະຫຼອດທັງຖະໜົນ ໄດ້ແກ່ Ugg, LOUIS VUITTON, PRADA, MIU MIU

ປິດທ້າຍມື້ດ້ວຍການຊົມແສງສຸດທ້າຍຂອງອ່າວໂກເບທີ່ Kobe Tower ຄ່າເຂົ້າຊົມຢູ່ທີ່ 700 ເຢນ ຕໍ່ຄົນ ບໍລິເວນຊັ້ນເທິງສຸດສຳລັບຊົມວິວຈະເປັນຫ້ອງແກ້ວ 360 ອົງສາ

ທ່ຽວໂກເບຈົນໝົດມື້ ໄດ້ເວລາອັນສົມຄວນ ພາທ່ານກັບໄປຍັງເມືອງໂອຊາກ້າ

ພັກແຮມ ໂອຊາກ້າ

ມື້ທີ 5 Osaka

ຖ້າຖ້ຽວບິນຂອງທ່ານເປັນຕອນຄ່ຳ ພາທ່ານຊັອບປິ້ງເມືອງໂອຊາກ້າກ່ອນກັບທີ່ Orange Street ຈາກນັ້ນພາທ່ານໄປສົ່ງທີ່ສະໜາມບິນກ່ອນເວລາ 3 ຊົ່ວໂມງ ເພື່ອເດີນທາງກັບກຸງເທບຢ່າງປອດໄພ ແລະ ປະທັບໃຈ