ທົວສ່ວນຕົວຢີ່ປຸ່ນ (MOT005) ຮອກໄກໂດ ເດືອນພຶດສະພາ ຊົມດອກໄມ້ບານສະພັ່ງ Hakodate – Niseko – Sapporo 6 ມື້ 5 ຄືນ

ເມື່ອຮອດສະໜາມບິນ Chitose ພວກເຮົາພາທ່ານເດີນທາງສູ່ ເມືອງ Hakodate ຮາໂກດາເຕະ ເມືອງໃຫຍ່ເປັນອັນດັບ 3 ຂອງພາກພື້ນ ຮອກໄກໂດ ຕັ້ງຢູ່ປາຍສຸດທາງພາກໃຕ້ຂອງເກາະ ເປັນເມືອງທ່າທີ່ຮຸ່ງເຮືອງໃນອະດີດ ມີສະຖານທີ່ທ່ອງທ່ຽວໜ້າສົນໃຈຫຼາຍ ສາມາດທ່ຽວທີ່ເມືອງ Hakodate ໄດ້ທຸກລະດູ ໃຊ້ເວລາໃນການເດີນທາງປະມານ 3 ຊົ່ວໂມງ 40 ນາທີ

ສະຖານທີ່ທຳອິດທີ່ພວກເຮົາຈະພາທ່ານໄປນັ້ນກໍຄື Mount Hakodate ຍອດພູຮາໂກດາເຕະ ຕັ້ງຢູ່ໃນປ່າທາງພາກໃຕ້ຂອງປາຍແຫຼມໃກ້ໃຈກາງເມືອງ Hakodate ພູແຫ່ງນີ້ຖືເປັນ 1 ໃນ 3 ຈຸດຊົມວິວທີ່ດີທີ່ສຸດ ພູແຫ່ງນີ້ມີຄວາມສູງ 334 ແມັດ ແລະ ຍິ່ງມື້ໃດທ້ອງຟ້າແຈ່ມໃສ ໂປ່ງໆ ວິວຈະດີຫຼາຍໆເລີຍ ໃຫ້ທ່ານໄດ້ເພີດເພີນກັບວິວຕົວເມືອງຈາກມຸມສູງ

ຫາກເຫຼືອເວລາ ພາທ່ານຍ່າງຫຼິ້ນ Hachiman-zaka Slope ຫຼື ເນີນຮາຈິມັນຊາກະ ເນີນທີ່ທອດຍາວໄປຍັງທ່າເຮືອອັນງົດງາມຢູ່ປາຍທາງ ແລະ ຍັງໄດ້ຮັບການເລືອກໃຫ້ເປັນອັນດັບ 1 ໃນ "ເນີນຂອງຍີ່ປຸ່ນທີ່ໜ້າທ່ຽວຫຼາຍທີ່ສຸດ" ອີກດ້ວຍ ເຊິ່ງເນີນແຫ່ງນີ້ຕັ້ງຢູ່ໃນຍ່ານສະໄຕລ໌ຕາເວັນຕົກຂອງເມືອງແຫ່ງນີ້ ນັ້ນກໍຄື Motomachi ຍ່ານໂມໂຕມາຈິ ເຕັມໄປດ້ວຍອາຄານທາງປະຫວັດສາດ ເຊັ່ນ ໂບດຕ່າງໆ

ພາທ່ານເຂົ້າພັກຜ່ອນທີ່ໂຮງແຮມ

hotel ພັກແຮມ Hakodate

ຊ່ວງເຊົ້າພາທ່ານຍ່າງຫຼິ້ນພ້ອມຊີມອາຫານກັນທີ່ Hakodate morning market ຕະຫຼາດເຊົ້າຮາໂກດາເຕະ ຈຸດເດັ່ນຂອງບ່ອນນີ້ຄື ອາຫານທະເລສົດໆ ທີ່ນຳມາປຸງແຕ່ງອາຫານໂດຍພໍ່ຄ້າແມ່ຄ້າໃນຕະຫຼາດ ສິ່ງທີ່ບໍ່ຄວນພາດເມື່ອມາຕະຫຼາດປາແຫ່ງນີ້ຄື ເຂົ້າໜ້າອາຫານທະເລສົດ ຫຼື ໄຄເຊັນດົ້ງ ພາຍໃນຕະຫຼາດຍັງມີຮ້ານທີ່ສາມາດຕົກປາມຶກຂຶ້ນຊື່ຂອງຮາໂກດາເຕະໄດ້ອີກດ້ວຍ ຕະຫຼາດເປີດ 06:00 - 14:00 ດັ່ງນັ້ນມື້ນີ້ພວກເຮົາຄວນອອກກັນແຕ່ເຊົ້າໜ້ອຍໜຶ່ງ

ຈາກນັ້ນພາທ່ານຊົມ Kanemori Red Brick Warehouse ສາງດິນຈີ່ແດງຄາເນໂມຣິ ຄື ສູນການຄ້າທີ່ປະກອບຂຶ້ນຈາກການນຳອາຄານສາງກໍ່ດິນຈີ່ແດງເຊິ່ງຖືກສ້າງຂຶ້ນໃນປີ ຄ.ສ. 1909 ບ່ອນນີ້ມີສິນຄ້າໃຫ້ທ່ານໄດ້ເລືອກຊື້ຫຼວງຫຼາຍ ມີຕັ້ງແຕ່ເສື້ອຜ້າແຟຊັນ ເຄື່ອງໃຊ້ທົ່ວໄປ ເຂົ້າໜົມ ຈົນຮອດຂອງຕ້ອນຈາກຮອກໄກໂດ

ຊ່ວງບ່າຍພາທ່ານຊົມດອກຊາກຸຣະບານທີ່ Goryokaku Tower ປ້ອມໂກະຣຽວຄາຄຸ ບ່ອນນີ້ຖືເປັນໜຶ່ງໃນບ່ອນທີ່ດີທີ່ສຸດສຳລັບການຊົມດອກຊາກຸຣະໃນຮອກໄກໂດ ປ້ອມປາການທີ່ຖືກສ້າງຂຶ້ນມາໃນທ້າຍຍຸກສະໄໝເອໂດະ ໃນປະຈຸບັນເປີດເປັນສວນສາທາລະນະໃຫ້ເຂົ້າຊົມໄດ້

ຈາກນັ້ນພາທ່ານກິນອາຫານແລງກັນທີ່ Daimon Yokocho ຍ່ານຮ້ານຄ້າແຜງລອຍ ໄດມົງໂຢໂກະໂຈ ຈະເປັນຮ່ອມນ້ອຍໆ ມີຮ້ານອາຫານລວມກັນຢູ່ພາຍໃນຮ່ອມນີ້ 26 ຮ້ານ ມີທັງຮ້ານກິນດື່ມອິຊາກາຍະ ແລະ ຮ້ານຊູຊິອາຫານທະເລສົດ ລວມໄປເຖິງຮ້ານຣາເມັງ ແລະ ຮ້ານໂອເດັງອີກດ້ວຍ

hotel ພັກແຮມ Hakodate ຄືນທີ 2

ຊ່ວງເຊົ້າພາທ່ານ ຊົມສວນ Kosetsuen ໂຄເຊັດສຶເອັນ ເປັນສວນສາທາລະນະສະໄຕລ໌ຍີ່ປຸ່ນ ທີ່ມີຕົ້ນໄມ້ຢູ່ອ້ອມຮອບທົ່ວທັງສວນ ຊ່ວງທີ່ສວນງາມທີ່ສຸດຂອງສວນແຫ່ງນີ້ຄືຊ່ວງເດືອນຕຸລາ ນັກທ່ອງທ່ຽວນິຍົມມາຊົມດອກໄມ້ປ່ຽນສີກັນທີ່ນີ້ ແຕ່ໃນເດືອນອື່ນໆກໍສາມາດມາທ່ຽວທີ່ນີ້ໄດ້ເຊັ່ນກັນ ໃຫ້ທ່ານໄດ້ເພີດເພີນ ແລະ ພັກຜ່ອນໄປກັບຄວາມຮົ່ມເຢັນຂອງສວນໂຄເຊັດສຶເອັນ

ຈາກນັ້ນພາທ່ານເດີນທາງສູ່ເມືອງ Niseko ໃຊ້ເວລາໃນການເດີນທາງປະມານ 2 ຊົ່ວໂມງເຄິ່ງ ນິເຊໂກະເປັນເມືອງນ້ອຍໃກ້ຊັບໂປໂຣອອກໄປທາງພາກໃຕ້ຂອງເກາະຮອກໄກໂດ ເມືອງນີ້ໄດ້ຂຶ້ນຊື່ວ່າເປັນເມືອງທີ່ມີຫິມະຄຸນນະພາບດີທີ່ສຸດໃນຍີ່ປຸ່ນ ແຕ່ໃນລະດູໃບໄມ້ປົ່ງກໍມີສະຖານທີ່ທ່ອງທ່ຽວໜ້າສົນໃຈເຊັ່ນກັນ

ພາທ່ານໄປ Mishima Shiba Sakura garden ສວນທີ່ເຕັມໄປດ້ວຍ ດອກບຸບຜາ ຫຼື Pink Moss ຢູ່ທົ່ວທຸກພື້ນທີ່ຂອງສວນ ສວນແຫ່ງນີ້ເປີດໃຫ້ຊົມສະເພາະເດືອນ ພຶດສະພາ- ມິຖຸນາ ເທົ່ານັ້ນ

hotel ພັກແຮມ Niseko (ຫາກທ່ານຕ້ອງການພັກທີ່ The Green Leaf Niseko Village ສະກີຣີສອດຊື່ດັງຂອງເມືອງນິເຊໂກະ)

ຕອນເຊົ້ານຳທ່ານເດີນທາງສູ່ ເມືອງ Sapporo ຊັບໂປໂຣແມ່ນເມືອງທີ່ມີປະຊາກອນຫຼາຍເປັນອັນດັບ 5 ຂອງຍີ່ປຸ່ນ ຮອງຈາກໂຕກຽວ ໂຢໂກຮາມາ ໂອຊາກາ ແລະ ຍັງເປັນສູນກາງຂອງແຂວງຮອກໄກໂດອີກດ້ວຍ ໃຊ້ເວລາໃນການເດີນທາງປະມານ 2 ຊົ່ວໂມງ

ນຳທ່ານເຂົ້າຊົມ Ishiya Chocolate Factory ໂຮງງານຊັອກໂກແລັດ ຂອງຮອກໄກໂດ ໃຫ້ທ່ານໄດ້ຊົມຫ້ອງຕ່າງໆພາຍໃນໂຮງງານ ຕັ້ງແຕ່ຫ້ອງວາງສະແດງກ່ອງເກັບຊັອກໂກແລັດ ຖ້ວຍນ້ຳຊາຈາກອັງກິດ ແລະ ອື່ນໆ ທີ່ຫ້າມພາດ ຄືຄຸກກີ້ສອດໄສ້ຊັອກໂກແລັດ ແລະ ກະແລັມວານິລາ ຕົ້ນຕຳລັບຈາກຮອກໄກໂດແທ້ໆ

ຈາກນັ້ນນຳທ່ານຍ່າງທ່ຽວທີ່ Tanuki Koji ຖະໜົນຄົນຍ່າງທານຸກິໂຄຈິ ຍ່ານຊັອບປິ້ງຊື່ດັງຂອງຮອກໄກໂດ

ຕອນແລງ ນຳທ່ານຊົມບັນຍາກາດຕອນຄ່ຳທີ່ເມືອງໃກ້ໆຊັບໂປໂຣ ນັ້ນກໍຄືໂອຕາຣຸ Otaru ເຊິ່ງເປັນເມືອງທີ່ໂຣແມນຕິກທີ່ສຸດໃນແຖບນີ້ເລີຍກໍວ່າໄດ້

hotel ພັກແຮມ Sapporo

ຕອນເຊົ້ານຳທ່ານເດີນທາງສູ່ ຕະຫຼາດປາໂຈໄກອິຈິບະ Jogai Market ເປັນຕະຫຼາດອາຫານທະເລທີ່ໃຫຍ່ທີ່ສຸດໃນຊັບໂປໂຣ ແລະ ຍັງເປັນຕະຫຼາດທີ່ລວມລົດຊາດຄວາມສົດແຊບຂອງຮອກໄກໂດໄວ້ຢູ່ນີ້ຫຼາຍທີ່ສຸດ ໃນທຸກໆເຊົ້າພໍ່ຄ້າແມ່ຄ້າຈະມີຜັກສົດໆປາສົດໆອອກມາວາງຂາຍແບບສົດໃໝ່ທຸກມື້ ປາທີ່ຫາໄດ້ໃນແຕ່ລະມື້ກໍຈະນຳມາຂາຍຢູ່ຕະຫຼາດແຫ່ງນີ້ ທີ່ສຳຄັນທຸກຢ່າງຢູ່ນີ້ລາຄານ່າຮັກຫຼາຍໆ ມື້ນີ້ຕ້ອງອອກແຕ່ເຊົ້າແດ່ ເພາະຕະຫຼາດແຫ່ງນີ້ເປີດ 05:00 - 11:00

ຈາກນັ້ນນຳທ່ານຊົມດອກບ໊ວຍບານກັນທີ່ Hiraoka park ສວນຮິຣາໂອກະ ເຊິ່ງເດືອນພຶດສະພາ ເປັນຊ່ວງເວລາທີ່ດີທີ່ສຸດທີ່ຈະຊົມດອກບ໊ວຍຂອງສວນນີ້ແລ້ວ ພາຍໃນສວນຍັງມີການຂາຍຜະລິດຕະພັນຈາກໝາກບ໊ວຍຫຼວງຫຼາຍອີກດ້ວຍ ແລະ ຈະຂາຍຈົນຮອດປະມານກາງເດືອນ ສາມາດກວດສອບມື້ຈັດງານຊົມດອກບ໊ວຍບານໃນແຕ່ລະປີໄດ້ຜ່ານເວັບ http://www.sapporo.travel/find/nature-and-parks/hiraoka-park/?lang=th

ໃຫ້ທ່ານໄດ້ຊັອບປິ້ງອິດສະຫຼະທີ່ ຍ່ານຊັອບປິ້ງທານຸກິໂຄຈິ Tanukikoji Shopping Street ຍ່ານຊັອບປິ້ງຊື່ດັງຂອງເມືອງຊັບໂປໂຣ ທີ່ເປັນຮ່ອມຊັອບປິ້ງຍາວ ປະມານ 1 ກິໂລແມັດ ມີຮ້ານຄ້າຮຽງລາຍຢູ່ທັງສອງຝັ່ງ ຍາວໄປຈົນຮອດແມ່ນ້ຳ Sosei ຕະຫຼາດແຫ່ງນີ້ເປີດມາດົນກວ່າຮ້ອຍປີແລ້ວ ເຖິງຈະເກົ່າແຕ່ຮ້ານຄ້າຢູ່ນີ້ມີແຕ່ຂອງທັນສະໄໝ ຊັອບເພີນສຸດໆເລີຍລະ

ຫາກທ່ານຍັງຊັອບບໍ່ຈຸໃຈ ພາທ່ານຊັອບປິ້ງກັນຕໍ່ທີ່ ຍ່ານຊູຊູກິໂນະ Susukino ເປັນຍ່ານບັນເທີງທີ່ໃຫຍ່ທີ່ສຸດໃນຊັບໂປໂຣ ຢູ່ບໍ່ໄກຈາກຍ່ານທານູກິໂຄຈິປານໃດ ຈຸດເດັ່ນຂອງຍ່ານນີ້ແມ່ນປ້າຍໄຟໂຄສະນາ KIRIN ຂະໜາດໃຫຍ່ທີ່ເປັນແລນມາກ ຄືກັນກັບປ້າຍໂຄສະນາກູຣິໂກະທີ່ໂອຊາກາເລີຍ ທ່ານສາມາດຢູ່ຍ່ານນີ້ເພື່ອຊົມແສງສີຍາມຄ່ຳຄືນຂອງຊັບໂປໂຣໄດ້ ຫຼື ທ່ານຈະເລືອກໄປຊົມວິວເມືອງຊັບໂປໂຣຈາກມຸມສູງ

ພວກເຮົາພາທ່ານໄປຈຸດຊົມວິວ ໂອຄຸຣາຍາມະ Okurayama Observatory ຈຸດຊົມວິວແຫ່ງນີ້ນັບວ່າເປັນອີກໜຶ່ງໃນສະຖານທີ່ທີ່ໜ້າສົນໃຈ ແລະ ໄດ້ຮັບຄວາມນິຍົມຈາກບັນດານັກທ່ອງທ່ຽວ ແລະ ນັກຫຼິ້ນສະກີເປັນຢ່າງຫຼາຍ ໃຫ້ທ່ານໄດ້ເພີດເພີນກັບວິວມຸມສູງຂອງຊັບໂປໂຣ ເກັບພາບ ແລະ ຊົມບັນຍາກາດຈົນໜຳໃຈ ຈາກນັ້ນພາທ່ານສົ່ງໂຮງແຮມເພື່ອພັກຜ່ອນ

hotel ພັກແຮມ Sapporo

ຕອນເຊົ້າພາທ່ານເຂົ້າຊົມ ມະຫາວິທະຍາໄລ Hokkaido University ເປັນໜຶ່ງໃນມະຫາວິທະຍາໄລຊັ້ນນຳໃນປະເທດ ສ້າງຕັ້ງຂຶ້ນເມື່ອ ຄ.ສ. 1876

ຈາກນັ້ນກ່ອນສົ່ງທ່ານທີ່ສະໜາມບິນພາທ່ານແວ່ຊັອບປິ້ງ ຂອງຖືກລາຄາໂຮງງານທີ່ ມິດສຸຍ ເອົາເລັດ Mitsui Outlet Park Sapporo-Kitahiroshima ແຫຼ່ງລວມສິນຄ້າແບຣນເນມຫຼວງຫຼາຍຫຼຸດສູງສຸດເຖິງ 70% ນອກຈາກສິນຄ້າແບຣນເນມ ຢູ່ນີ້ຍັງມີຮ້ານອາຫານ ເຂົ້າໜົມ ຂອງຕ້ອນຫຼວງຫຼາຍ ເໝາະກັບເປັນສະຖານທີ່ແວ່ກ່ອນເດີນທາງກັບບ້ານເຮົາແທ້ໆ

ນຳສົ່ງທ່ານທີ່ສະໜາມບິນກ່ອນເວລາ 3 ຊົ່ວໂມງເພື່ອເດີນທາງກັບບາງກອກໂດຍສະຫວັດດິພາບ ແລະ ຄວາມປະທັບໃຈ