ທົວສ່ວນຕົວຢີ່ປຸ່ນ (MOT011) ເດືອນພະຈິກ ຊົມໃບໄມ້ປ່ຽນສີແຖບຄັນໄຊ Osaka – Kyoto- Nara 5 ມື້ 4 ຄືນ

ຮັບທ່ານທີ່ສະໜາມບິນຄັນໄຊ ຈາກນັ້ນເດີນທາງໄປເມືອງ ໂອຊາກ້າ "ເມືອງໂອຊາກ້າ" ແມ່ນເມືອງໃຫຍ່ທີ່ຕັ້ງຢູ່ທາງຝັ່ງຕາເວັນຕົກຂອງຍີ່ປຸ່ນ ຫ່າງຈາກໂຕກຽວປະມານ 400 ກິໂລແມັດ ຖ້າເວົ້າເຖິງໂອຊາກ້າ ໝູ່ເພື່ອນຄົງຄິດເຖິງເມືອງທີ່ເຕັມໄປດ້ວຍສີສັນ ແລະ ສະຖານທີ່ທ່ອງທ່ຽວຫຼາກຫຼາຍແບບ ເຊັ່ນ ວັດ, ສາລາເຈົ້າ, ສວນສະໜຸກລະດັບໂລກ, ແຫຼ່ງຊັອບປິ້ງ ແລະ ອື່ນໆ ເອີ້ນໄດ້ວ່າເປັນເມືອງທີ່ທ່ຽວໄດ້ທຸກອາລົມແທ້ໆ

ພາທ່ານທ່ຽວທີ່ ປາສາດໂອຊາກ້າ (Osaka castle) ແລນມາກສຳຄັນຂອງເມືອງໂອຊາກ້າ ເປັນປາສາດທີ່ຍິ່ງໃຫຍ່ອຸດົມສົມບູນ ຕັ້ງຢູ່ໃຈກາງເມືອງໂອຊາກ້າ ພາຍໃນປາສາດມີທັງໝົດ 8 ຊັ້ນ ແລະ ພາຍໃນຕົວອາຄານຍັງເປັນສ່ວນຂອງ Osaka Castel Museum ໃຫ້ທ່ານໄດ້ຊົມຄວາມງາມ ແລະ ປະຫວັດຄວາມເປັນມາຂອງປາສາດ

ຈາກນັ້ນພາທ່ານເດີນທາງໄປທ່ຽວຕະຫຼາດຄູໂຣມອນ (Kuromon Market) ເປັນຕະຫຼາດທີ່ມີຊື່ສຽງ ແລະ ເກົ່າແກ່ທີ່ສຸດແຫ່ງໜຶ່ງຂອງເມືອງໂອຊາກ້າ ຕະຫຼາດແຫ່ງນີ້ເປັນຕະຫຼາດສົດທີ່ບໍ່ໄດ້ມີແຕ່ຂອງສົດເທົ່ານັ້ນ ທີ່ນີ້ຍັງມີອາຫານພ້ອມກິນ ແລະ ອາຫານພື້ນເມືອງ ຂະໜົມພື້ນເມືອງອີກຫຼາຍຢ່າງ ລຽງລາຍກວ່າ 600 ຮ້ານ ໃຫ້ທ່ານໄດ້ເລືອກລອງ

ຫຼັງຈາກກິນອາຫານທີ່ຕະຫຼາດສຳເລັດແລ້ວ ພາທ່ານໄປທ່ອງໂລກໃຕ້ນ້ຳທີ່ ພິພິທະພັນສັດນ້ຳໄກຢູກັງ (Osaka aquarium kaiyukan) ເປັນພິພິທະພັນສັດນ້ຳຂະໜາດໃຫຍ່ແຫ່ງໜຶ່ງຂອງປະເທດຍີ່ປຸ່ນ ທີ່ນີ້ແມ່ນແຫຼ່ງລວມສັດນ້ຳແປກໆທີ່ບໍ່ຄ່ອຍພົບເຫັນໃນບ້ານເຮົາ ເຊັ່ນ ນາກທະເລ, ປາປັກເປົ້າ, ປາສະຫຼາມຄີບດຳ ເພີດເພີນກັບຄວາມໜ້າຮັກຂອງຝູງປານ້ອຍໆ ທີ່ລອຍວົນໃຫ້ເຮົາໄດ້ຊົມ ແລະ ຄວາມສວຍງາມຂອງພິພິທະພັນແຫ່ງນີ້

ປິດທ້າຍມື້ກັນທີ່ ຍ່ານໂດທົນບຸຣິ ນັ້ນກໍຄືຍ່ານທີ່ມີປ້າຍກູລິໂກະອັນໂດ່ງດັງນັ້ນເອງ ຍ່ານໂດທົນບຸຣິເປັນຍ່ານຊັອບປິ້ງ ແລະ ຍ່ານກິນດື່ມຂອງໂອຊາກ້າທີ່ທຸກຄົນຕ້ອງຮູ້ຈັກເປັນຢ່າງດີແນ່ນອນ ໃຜໄປຍ່ານນີ້ ນອກຈາກຈະໄປຫາປ້າຍກູລິໂກະແລ້ວ ກໍຢ່າລືມໄປຢ້ຽມຄຸນ ຫຸ່ນຕີກອງ ຄຸອິດາໂອເຣະ Kuidaorae ທີ່ເປັນໜຶ່ງສັນຍາລັກຂອງຍ່ານໂດທົງໂບຣິ

hotel ພັກແຮມ Osaka

ຕອນເຊົ້ານຳທ່ານເດີນທາງສູ່ເມືອງດັງອີກໜຶ່ງເມືອງຂອງແຖບນີ້ ເມືອງ Kyoto ກຽວໂຕ ເປັນເມືອງທີ່ມີສະຖານທີ່ທ່ອງທ່ຽວຫຼວງຫຼາຍ ທັງວັດ ແລະ ສານເຈົ້າເກົ່າແກ່ບູຮານ ແຕ່ລະບ່ອນມີເອກະລັກສະເພາະ ເຊິ່ງມີຄວາມໂດດເດັ່ນຕ່າງກັນອອກໄປ ເຮັດໃຫ້ເມືອງກຽວໂຕເປັນເມືອງທີ່ນັກທ່ອງທ່ຽວສ່ວນຫຼາຍເລືອກທີ່ຈະໄປທ່ອງທ່ຽວກັນ ນອກຈາກນັ້ນກຽວໂຕຍັງມີບ່ອນຊົມໃບໄມ້ປ່ຽນສີຫຼາຍແຫ່ງອີກດ້ວຍ

ນຳທ່ານໄຫວ້ຂໍພອນກັນທີ່ Fushimi Inari Shrine ສານເຈົ້າຟູຊິມິອິນາຣິ ຫຼື ບາງຄົນເອີ້ນສານເຈົ້າເສົາແດງ ແລະ ສານເຈົ້າໝາຈອກ ສານເຈົ້າຟູຊິມິອິນາຣິເປັນສານເຈົ້າຊິນໂຕ ເປັນສານເຈົ້າທີ່ເກົ່າແກ່ຫຼາຍ ຖືກສ້າງຂຶ້ນກ່ອນເມືອງກຽວໂຕອີກດ້ວຍ

ຈາກນັ້ນນຳທ່ານຊົມ Daigoji Temple ວັດໄດໂກຈິ ເປັນວັດທີ່ສຳຄັນທີ່ສຸດໃນພຸດທະສາສະໜາຢີ່ປຸ່ນ ນິກາຍຊິນກອນ ພາຍໃນວັດແຫ່ງນີ້ມີເຈດີ 5 ຊັ້ນທີ່ມີອາຍຸຫຼາຍກວ່າພັນປີ ແລະ ຍັງເປັນໜຶ່ງໃນ ມໍລະດົກໂລກຂອງເມືອງກຽວໂຕອີກດ້ວຍ ວັດໄດໂກຈິມີຄ່າເຂົ້າຊົມ 1,500 ເຢນ

ຈຸດຊົມໃບໄມ້ປ່ຽນສີຈຸດຕໍ່ໄປກໍຄື Daigoji Temple Kiyomizu-dera ວັດຄິໂຢມິຊຸ ຫຼື ທີ່ຫຼາຍຄົນຮູ້ຈັກກັນໃນຊື່ວັດນ້ຳໃສ ເປັນວັດທີ່ມີຊື່ສຽງຫຼາຍຂອງກຽວໂຕເລີຍກໍວ່າໄດ້ ເນື່ອງຈາກການທີ່ວັດມີສະຖາປັດຕະຍະກຳບູຮານທີ່ງົດງາມ ອີກທັງຢູເນັສໂກຍັງໄດ້ບັນທຶກໃຫ້ວັດແຫ່ງນີ້ຂຶ້ນເປັນມໍລະດົກໂລກ(UNESCO world heritage sites) ອີກດ້ວຍ

ອາຫານທ່ຽງ See You Again ຂໍແນະນຳ ໃຫ້ທ່ານລອງໂຊບະແບບຕົ້ນຕຳລັບຂອງກຽວໂຕແທ້ໆ ກັບ ຮ້ານໂຊບະ “Sobanomi Yoshimura” ຮ້ານນີ້ມີເສັ້ນໂຊບະຫຼາຍຊະນິດໃຫ້ພວກເຮົາເລືອກກິນ ບອກໄດ້ເລີຍວ່າ ຖ້າໄດ້ກິນໂຊບະຢູ່ນີ້ແລ້ວ ທ່ານຈະຮູ້ສຶກວ່າແຕກຕ່າງຈາກໂຊບະທີ່ເຄີຍກິນມາຢ່າງແນ່ນອນ ສາມາດອ່ານຣີວິວເພີ່ມເຕີມໄດ້ www.seeyouagaintour.com/blog/sobanomi-yoshimura-kyoto

ຕອນບ່າຍນຳທ່ານຊົມ Arashiyama ອາຣາຊິຢາມະ ເປັນພື້ນທີ່ຊານເມືອງທາງຕາເວັນຕົກຂອງເມືອງກຽວໂຕ ແຕ່ກ່ອນຈະທ່ຽວຢູ່ນີ້ເພື່ອການໄດ້ສຳຜັດຄວາມເປັນຢີ່ປຸ່ນຢ່າງແທ້ຈິງ ພາທ່ານເຊົ່າຊຸດ ຢູກາຕະ ເພື່ອເພີ່ມຄວາມເພີດເພີນໃນການຍ່າງຫຼິ້ນໃນກຽວໂຕຫຼາຍຂຶ້ນ (ຫາກທ່ານຕ້ອງການສາມາດແຈ້ງໄດ້ລ່ວງໜ້າ)

ຈາກນັ້ນ ຍ່າງຕໍ່ຈາກ ອາຣາຊິຢາມະ ບໍ່ໄກປານໃດ ທ່ານຈະພົບ Tenryuji Temple ວັດເທັນຣິວຈິ ເປັນໜຶ່ງໃນວັດສຳຄັນຂອງນິກາຍເຊນ ວັດແຫ່ງນີ້ສ້າງເພື່ອອຸທິດໃຫ້ແກ່ຈັກກະພັດ ໂກ-ໄດໂກະ ໃນປີ ຄ.ສ. 1339 ແລະ ປັດຈຸບັນໄດ້ຮັບການຂຶ້ນທະບຽນເປັນມໍລະດົກໂລກໂດຍອົງການຢູເນັສໂກ

ຍ່າງຕໍ່ອີກປະມານ 500 ແມັດ ທ່ານຈະພົບ Bamboo Groove ປ່າໄຜ່ ຈຸດເດັ່ນຂອງປ່າໄຜ່ແຫ່ງນີ້ຄົງເປັນອັນອື່ນໄປບໍ່ໄດ້ ນອກຈາກຕົ້ນໄຜ່ສີຂຽວ ທີ່ມີລຳຕົ້ນສູງປົກຄຸມໄປທົ່ວທຸກພື້ນທີ່ຂອງປ່າ ແລະ ລຽງລາຍກັນຢ່າງສວຍງາມ ເໝາະກັບການຖ່າຍຮູບຄູ່ກັບຊຸດຢູກາຕະສຸດໆ

ຫາກທ່ານເຊົ່າຊຸດຢູກາຕະ ພານຳຊຸດໄປສົ່ງຄືນທີ່ຮ້ານເກົ່າ ແລະ ກະກຽມຕົວໄປສະຖານທີ່ຕໍ່ໄປ

ນຳທ່ານຊົມ ວັດຄິນຄະຄຸຈິ (Kinkakuji Temple) ຫຼື ຄົນໄທມັກເອີ້ນກັນວ່າວັດທອງ ເຫດຜົນທີ່ຄົນໄທເອີ້ນວ່າວັດທອງນັ້ນກໍຄືຕົວອາຄານພາຍນອກຂອງວັດມີສີທອງເຫຼືອງເຫຼື້ອມໂດດເດັ່ນສະຫງ່າງາມ ແລະ ໄດ້ຮັບການຂຶ້ນທະບຽນເປັນມໍລະດົກໂລກໂດຍອົງການຢູເນັສໂກ ໃນປີ ຄ.ສ. 1994

hotel ພັກແຮມ Osaka

ຕອນເຊົ້າອອກເດີນທາງສູ່ເມືອງ Nara ເມືອງນາຣາໃນອະດີດເປັນເມືອງຫຼວງເກົ່າຂອງປະເທດຢີ່ປຸ່ນເມື່ອ 1,300 ປີກ່ອນ ໄລຍະເລີ່ມຕົ້ນຂອງລາຊະວົງຢາມາໂຕະ ແລະ ຍັງເປັນເມືອງສຳຄັນດ້ານສາສະໜາໃນຍຸກກ່ອນອີກດ້ວຍ ຈຶ່ງເຮັດໃຫ້ເມືອງນາຣາມີວັດຫຼວງຫຼາຍທົ່ວທັງເມືອງ

ນຳທ່ານນະມັດສະການຫຼວງພໍ່ໂຕປະຈຳເມືອງນາຣາ ທີ່ Todaiji Temple ວັດໂທໄດຈິ ຫຼື ຫຼາຍຄົນເອີ້ນ ໄດບຸດສຶ (Daibutsu of Nara) ເປັນໜຶ່ງໃນວັດທີ່ມີຊື່ສຽງຫຼາຍທີ່ສຸດຂອງປະເທດຢີ່ປຸ່ນ ແລະ ມີຄວາມສຳຄັນທາງປະຫວັດສາດຂອງຢີ່ປຸ່ນ ວັດນີ້ຖືກສ້າງຂຶ້ນເມື່ອປີ ຄ.ສ. 752 ໃນສະໄໝກ່ອນວັດໂທໄດຈິເປັນສູນກາງຂອງວັດທັງໝົດໃນປະເທດຢີ່ປຸ່ນ

ຈາກນັ້ນນຳທ່ານຊົມສານເຈົ້າຄາສູງະໄທຊະ (Kasuga Taisha Shrine) ຕັ້ງຢູ່ຕີນພູຄາສູງະທາງທິດຕາເວັນອອກຂອງເມືອງນາຣາ ສານເຈົ້າແຫ່ງນີ້ ໄດ້ຮັບການຂຶ້ນທະບຽນເປັນມໍລະດົກໂລກ Historic Monuments of Ancient Nara ໂດຍອົງການຢູເນັສໂກ

ຈາກນັ້ນນຳທ່ານໄປຈຸດໄຮໄລ້ ຂອງເມືອງນາຣາ ນັ້ນກໍຄື Nara park ສວນກວາງນາຣາ ເດີມເປັນສວນສາທາລະນະທຳມະດາ ເນື່ອງຈາກເມືອງນາຣາມີກວາງຈຳນວນຫຼາຍອາໄສຢູ່ ແລະ ດ້ວຍຄວາມອຸດົມສົມບູນ ຮົ່ມເຢັນ ຂອງສວນແຫ່ງນີ້ ຈຶ່ງເຮັດໃຫ້ກວາງຈຳນວນກວ່າ 1,200 ໂຕມາອາໄສຢູ່ສວນນີ້ ແຖມປັດຈຸບັນນ້ອງກວາງຍັງຄຸ້ນເຄີຍກັບນັກທ່ອງທ່ຽວຫຼາຍໆ ແລະ ຢູ່ນີ້ຍັງເປັນຈຸດທີ່ຊົມໃບໄມ້ປ່ຽນສີໄດ້ສວຍງາມອີກບ່ອນໜຶ່ງໃນກຽວໂຕອີກດ້ວຍ

ຈາກນັ້ນນຳທ່ານເດີນທາງກັບສູ່ເມືອງໂອຊາກາ ເພື່ອໄປຊັອບປິ້ງກັນຕໍ່ທີ່ ຍ່ານ Shinsaibashi ຊິນໄຊບາຊິ ເປັນຍ່ານຊັອບປິ້ງທີ່ຊັອບປິ້ງງ່າຍ ຍ່າງຊື່ໃນຖະໜົນເສັ້ນດຽວທີ່ຍາວ 2 ກິໂລແມັດ ແຕ່ເຕັມໄປດ້ວຍຮ້ານຄ້າທັງສອງຂ້າງທາງ

hotel ພັກແຮມ Osaka

ມື້ນີ້ພວກເຮົາຈະທ່ຽວເກັບຕົກສະຖານທີ່ທ່ອງທ່ຽວໃກ້ຕົວເມືອງໂອຊາກາ ຕອນເຊົ້ານຳທ່ານເດີນທາງສູ່ວັດ Katsuo-ji Temple ວັດຄັດສຶໂອຈິ ຈຸດເດັ່ນຂອງວັດນີ້ກໍຄື ມີຈຸດຊົມໃບໄມ້ປ່ຽນສີເປັນອຸໂມງຕົ້ນໄມ້ທີ່ກົງໄປຍັງອຸໂບສົດຫຼັກຂອງວັດ ຜູ້ຄົນມັກມາຂໍພອນໃຫ້ໂຊກດີເລື່ອງທຸລະກິດ ການສອບເສັງ ແລະ ຄວາມຮັກ ພາຍໃນວັດແຫ່ງນີ້ມີ ຕຸກກະຕາດາຣຸມະທີ່ເປັນສັນຍະລັກແຫ່ງຄວາມໂຊກດີຂອງຢີ່ປຸ່ນອີກດ້ວຍ

ຈາກນັ້ນນຳທ່ານຊົມ The Expo’70 Commemorative Park ສວນອະນຸສອນບຳປາຄຸ ສວນແຫ່ງນີ້ຖືກສ້າງຂຶ້ນເພື່ອຈັດງານມະຫະກຳໂລກ World Expo ເມື່ອຄັ້ງປະເທດຢີ່ປຸ່ນເປັນເຈົ້າພາບໃນປີ ຄ.ສ. 1970 ຈຸດເດັ່ນຂອງສວນແຫ່ງນີ້ກໍຄື ຫໍຄອຍພະອາທິດ ຕົວແທນສິລະປະຮ່ວມສະໄໝຂອງຢີ່ປຸ່ນ ແລະ ຢູ່ນີ້ກໍເປັນຈຸດທີ່ສາມາດຊົມໃບໄມ້ປ່ຽນສີໄດ້ດີອີກດ້ວຍ

ຈາກນັ້ນນຳທ່ານຍ່າງຫຼິ້ນກັນຊິວໆແຄມແມ່ນ້ຳ Tosahori ທີ່ຍ່ານ Kitahama ຍ່ານ ຄິຕາຮາມະເປັນໜຶ່ງຍ່ານທີ່ໜ້າສົນໃຈ ແຕ່ບໍ່ຄ່ອຍມີນັກທ່ອງທ່ຽວຮູ້ຈັກກັນຫຼາຍປານໃດ ຍ່ານແຫ່ງນີ້ມີສະຖານທີ່ທ່ອງທ່ຽວໜ້າສົນໃຈຫຼວງຫຼາຍ ເຊັ່ນ Nakanoshima Park , ຫໍພິພິທະພັນສິລະປະແຫ່ງຊາດໂອຊາກາ ,ຂົວ NANIWA ແຕ່ສິ່ງທີ່ເຮັດໃຫ້ຍ່ານແຫ່ງນີ້ເປັນທີ່ຮູ້ຈັກຫຼາຍຂຶ້ນ ກໍຄື ຄາເຟ່ແຄມນ້ຳທີ່ຕັ້ງລຽງລາຍກັນຢູ່ບໍລິເວນແຄມແມ່ນ້ຳ ໃຫ້ອິດສະຫຼະທ່ານເພີດເພີນໄປກັບຄາເຟ່ແຄມນ້ຳ

ຈາກນັ້ນນຳທ່ານຊັອບປິ້ງກັນທີ່ Orange Street ແຫຼ່ງລວມຮ້ານຄ້າຫຼວງຫຼາຍ ຕັ້ງແຕ່ແບຣນຂອງຢີ່ປຸ່ນໄປຈົນເຖິງແບຣນດັງລະດັບໂລກ ເຊັ່ນ Supreme , Undefeated , Champion ໃຫ້ອິດສະຫຼະທ່ານເພີດເພີນກັບການຊັອບປິ້ງຕອນບ່າຍ

ຈາກນັ້ນ ນຳທ່ານຊັອບປິ້ງທີ່ America-mura ອະເມຣິກາມູຣະ ຫຼື ໝູ່ບ້ານອາເມຣິກາ ແຫຼ່ງຊັອບປິ້ງອີກໜຶ່ງແຫ່ງໃນໂອຊາກາທີ່ໜ້າສົນໃຈ ອະເມຣິກາມູຣະຖືເປັນແຫຼ່ງລວມໄວລຸ້ນໂອຊາກາເລີຍກໍວ່າໄດ້ ທຸກຢ່າງຢູ່ນີ້ເບິ່ງທັນສະໄໝ ມີມຸມໃຫ້ຖ່າຍຮູບເກ໋ໆຫຼວງຫຼາຍ ລວມໄປເຖິງຮ້ານຄ້າ ຮ້ານອາຫານ ເສື້ອຜ້າ ແຟຊັ່ນ ເກມ ມີໃຫ້ເລືອກຊັອບກັນຢ່າງຈຸໃຈ

ຈາກນັ້ນນຳທ່ານຊົມ Tsutenkaku Tower ຫໍຄອຍຊຶເທັນຄາຄຸ ຫໍຄອຍສູງ 103 ແມັດ ອີກໜຶ່ງສັນຍະລັກຂອງໂອຊາກາ ນຳທ່ານຂຶ້ນຫໍຄອຍເພື່ອຊົມວິວມຸມສູງຂອງເມືອງໂອຊາກາ ຄ່າເຂົ້າຊົມຫໍຄອຍ ຜູ້ໃຫຍ່ 700 ເຢນ ເດັກນ້ອຍ 400 ເຢນ ນອກຈາກນີ້ອ້ອມຮອບບໍລິເວນຫໍຄອຍຍັງເປັນແຫຼ່ງລວມຮ້ານອາຫານເດັດໆໄວ້ຫຼວງຫຼາຍ ນັ້ນກໍຄື ຍ່ານ Shinsekai ຊິນເຊໄກ

hotel ພັກແຮມ Osaka

ຫາກຖ້ຽວບິນຂອງທ່ານເປັນຕອນຄ່ຳ ພາທ່ານຊັອບປິ້ງ ເກັບຕົກຂອງຝາກທີ່ Namba Parks ນຳບະພາກ ຫ້າງສັບພະສິນຄ້າໃຈກາງຂອງໂອຊາກາ ນອກຈາກຈະມີຮ້ານຄ້າ ຮ້ານອາຫານ ຮ້ານເສື້ອຜ້າແບຣນເນມ ແລ້ວ ນຳບະພາກ ຍັງເປັນ 1 ໃນ 10 ສວນລອຍຟ້າທີ່ງາມທີ່ສຸດໃນໂລກອີກດ້ວຍ

ຈາກນັ້ນນຳທ່ານສົ່ງທີ່ສະໜາມບິນກ່ອນເວລາ 3 ຊົ່ວໂມງເພື່ອເດີນທາງກັບບາງກອກໂດຍສະຫວັດດີພາບ ແລະ ຄວາມປະທັບໃຈ