ແບນຊິກ-ເນເທີແລນ (NET001) (ໂຣແມນຕິກ ແບນຊິກ - ເນເທີແລນ)

ເມືອງຫຼວງຂອງແບນຊິກ “ບຣັດເຊວ” ແມ່ນເມືອງງາມແຫ່ງເອີຣົບ ມີສະຖາປັດຕະຍະກຳແບບເອີຣົບ ໃນສະໄຕລ໌ກອຕິກ ຄລາສສິກ ແລະ ອາຕ໌ນູໂວ ອຸດົມໄປດ້ວຍພິພິທະພັນຫຼາຍກວ່າ 70 ແຫ່ງ ເປັນທີ່ຕັ້ງຂອງສະພາເອີຣົບ ຈຶ່ງໄດ້ຮັບການຂະໜານນາມວ່າ “ນະຄອນຫຼວງຂອງສະຫະພາບເອີຣົບ” ແລະ ເປັນເມືອງແຫ່ງຊັອກໂກແລັດແຊບຫຼາຍ ແລະ ເບຍທີ່ມີຊື່ສຽງ

ທົວສ່ວນຕົວແບນຊິກ-ເນເທີແລນ ຈະພາທ່ານຊົມຄວາມງາມຂອງສານາຄານເມືອງ ທີ່ຈັດຕຸລັດ Grand Place ເຊິ່ງໄດ້ຮັບການຍົກຍ້ອງວ່າເປັນຈັດຕຸລັດທີ່ງາມທີ່ສຸດໃນເອີຣົບ ຊົມຮູບປັ້ນທີ່ມີຊື່ສຽງ “ເດັກນ້ອຍຢືນຉີ່” ທີ່ມີຕຳນານຫຼາຍຢ່າງໃຫ້ຄົ້ນຫາ ຈາກນັ້ນຊົມຮ້ານຊັອກໂກແລັດແຊບໆ ທົ່ວເມືອງ

ພາຍາງຊົມຈັດຕຸລັດນ່າຮັກໆ ທີ່ Place du Grand Sablon ເຊິ່ງມີເຮືອນສະໄໝສະຕະວັດທີ 16-19 ແບບແບນຊິກ ແລະ ໃນວັນເສົາ-ວັນອາທິດ ຈະມີຕະຫຼາດນັດຂອງເກົ່າ

ຊົມ ແລະ ສັກກາລະບູຊາ Church Notre-Dame-du-Sablon ເຊິ່ງມີກະຈົກສີທີ່ສວຍງາມ ແລ້ວໄປຕໍ່ທີ່ພະລາຊະວັງ Royal Palace ສ້າງຕັ້ງແຕ່ສະຕະວັດທີ 17 ພາຍໃນງາມຫຼາຍ ແລະ ບໍລິເວນອ້ອມແອ້ມເຕັມໄປດ້ວຍພິພິທະພັນສິນລະປະຫຼາຍແຫ່ງ ເຊັ່ນ ພິພິທະພັນສິນລະປະແຫ່ງແບນຊິກ (Royal Museum of Fine Arts) ພິພິທະພັນສິນລະປະບູຮານ (Musee d 'Art Ancien) ແລະ ພິພິທະພັນສິນລະປະສະໄໝໃໝ່ (Musee d' Art Moderne) ພິພິທະພັນເຄື່ອງດົນຕີ (Museum of Musical Instruments) ແລະ ພິພິທະພັນສິນລະປະອາຕ໌ນູໂວຂອງຮໍຕາ (Art Nouveau Horta Museum) ໃຫ້ເລືອກຊົມຕາມຄວາມສົນໃຈ

ເລືອກທ່ຽວແບບເຈາະເລິກໄດ້ຕາມຄວາມສົນໃຈ ແລະ ຍັງມີສະຖານທີ່ທ່ອງທ່ຽວອື່ນໆ ໃຫ້ທ່ານເລືອກອີກຫຼາຍ ເຊັ່ນ Mini Europe, ອະນຸສອນສະຖານອະໂຕມຽມ (Atomium) ເຊິ່ງເປັນສັນຍາລັກຂອງງານວາງສະແດງສິນຄ້າໂລກ, ອາຄານ Brussels Stock Exchange ແລະ ອາຄານ Belgian Senate ທີ່ສວຍງາມ ທ່ານສາມາດເລືອກທ່ຽວໄດ້ຕາມໃຈມັກ ແລະ ຕາມເວລາທີ່ຕ້ອງການ ພັກຄ້າງຄືນທີ່ບຣັດເຊວ

ເດີນທາງໄປເມືອງໂທເນ (Tournai) ເມືອງເກົ່າແກ່ທີ່ສຸດຂອງແບນຊິກ ທີ່ທົວໃຫຍ່ບໍ່ພາໄປ ແຕ່ທ່ານຈະໄດ້ດື່ມດ່ຳກັບເມືອງບູຮານອາຍຸ 2,000 ປີ

ພາທ່ານຊົມຄວາມງາມຂອງມະຫາວິຫານ Cathedrale Notre-Dame de Tournai ມະຫາວິຫານປະຫວັດສາດທີ່ສຳຄັນທີ່ສຸດຂອງປະເທດ ແບບໂຣມານເນສກ໌ ແລະ ກອທິກ ຖືເປັນມໍລະດົກໂລກ ເພາະເປັນໂບດທີ່ເກົ່າແກ່ທີ່ສຸດໃນແບນຊິກ

ຈາກນັ້ນຊົມຫໍລະຄັງ Belfry ທີ່ຕັ້ງຢູ່ກາງເມືອງ ຖືເປັນມໍລະດົກໂລກຄືກັນ ມີຄວາມສູງ 72 ແມັດ ແລະ ຂັ້ນໄດ 256 ຂັ້ນ ຕໍ່ດ້ວຍຂົວບູຮານ Pont des Trous ສ້າງໃນສະຕະວັດທີ 13 ມີຄຸນຄ່າຫຼາຍ ເພາະເປັນຂົວທະຫານແບບຍຸກກາງ 1 ໃນ 3 ແຫ່ງຂອງໂລກທີ່ຍັງເຫຼືອຢູ່

ຕອນແລງພາທ່ານໄປພັກທີ່ເມືອງຕິດຝັ່ງທະເລນອດຊີ (North Sea) ເມືອງແບລງເຄນເບີກ (Blankenberge) ຖ້າມີເວລາ ທ່ານຈະໄດ້ຊົມຝັ່ງທະເລແບບແບນຊິກ

ໝາຍເຫດ ຄະນະທີ່ເດີນທາງຊ່ວງກາງເດືອນມີນາເຖິງກາງເດືອນພຶດສະພາທຸກໆປີ ຈະປ່ຽນຈາກເມືອງຣັອດເຕີດຳ ແລະ ອູເທຣັກ ມື້ນີ້ ເປັນທ່ຽວຊົມສວນທິວລິບ ເນເທີແລນ ທີ່ “ສວນດອກໄມ້ເຄເຄນຮອຟ kenkerhof” (ເມືອງ Lisse) ແທນເດີ້ 3 Bruges - Overnight Bruges

ບຣູກ (Bruges) ເມືອງທ່ອງທ່ຽວຍອດນິຍົມທີ່ສຸດຂອງແບນຊິກ ເມືອງຍຸກກາງທີ່ແສນໂຣແມນຕິກ ເຕັມໄປດ້ວຍເຮືອນເກົ່າ ຊອຍບູຮານ ຄອງນ້ຳ ແລະ ວັງ ຈົນໄດ້ຊື່ວ່າ “ເວນິສຂອງເອີຣົບເໜືອ”

ພາທ່ານຊົມຈະຕຸລັດກາງເມືອງ Grote Market ທີ່ລ້ອມຮອບດ້ວຍເຮືອນຍຸກສະຕະວັດທີ 13 ແລະ ທີ່ຫໍວ່າການເມືອງສາມາດຂຶ້ນຊົມວິວເທິງຫໍຄອຍສູງ 83 ແມັດໄດ້ ຫໍວ່າການເມືອງແຫ່ງນີ້ ສ້າງລະຫວ່າງປີ ຄ.ສ. 1376 - 1420 ມີທົວໃຫ້ຊົມພາຍໃນຫ້ອງກອທິກ ຖ້າທ່ານຕ້ອງການ

ຖ້າທ່ານມັກງານສິລະປະ ຢ່າພາດຊົມ Groeninge Museum ກັບພາບມາສເຕີພີສລະດັບໂລກໂດຍ Jan van Eyck (ຊາວເນເທີແລນ) ໃນພາບ Virgin and Child with Canon van der Paele ຊົມປາສາດປະຈຳເມືອງ (Burg Bruges)

ມີເວລາອິດສະຫຼະໃຫ້ນັ່ງຫຼິ້ນ ຍ່າງ ຊົມ ຊັອບປິ້ງ ຕາມຊອກຊອຍຕາມໃຈມັກ ຫຼື ຈະນັ່ງເຮືອລ່ອງຄອງນ້ຳໃນບຣູກກໍໄດ້

4 Ghent - Overnight Ghent

ເຄັນທ໌ (GHENT) / ເມືອງນ້ອຍນ່າຮັກແທ້ໆ! ທ່ານຈະຫຼົງຮັກເຄັນທ໌ສຸດໃຈ! ໂດຍສະເພາະພາບບັນຍາກາດຍາມຄ່ຳຄືນທີ່ງາມຫຼາຍ ໂຣແມນຕິກ ດັ່ງພາບໃນຍຸກອະດີດທີ່ໜ້ານຶກເຖິງ Lonely Planet ຍັງເອີ້ນເມືອງນີ້ວ່າ “Europe’s best kept secret” ສ່ວນ National Geographic Traveler ບອກວ່າເປັນເມືອງປະຫວັດສາດທີ່ຖ່າຍຮູບງາມທີ່ສຸດຂອງປີ

ພາທ່ານຊົມໂບດ Sint-Baafskathedraa ທີ່ຈະຕຸລັດໃຈກາງເມືອງ ພາຍໃນໂບດມີພາບແຕ້ມຊື່ດັງຂອງ Jan van Eyck (ຊາວເນເທີແລນ) ຊື່ພາບ "De aanbidding van het Lams God" ແລະ ກະຈົກສີຊຸດທີ່ງາມຫຼາຍ ມີຄຸນຄ່າຫຼາຍ ຕາມດ້ວຍຮ້ານຄາເຟ່ຊື່ດັງປະຈຳເມືອງ ທີ່ໃນອະດີດເປັນຕະຫຼາດຂາຍຊີ້ນສັດ ແລະ ຄົນແບນຊິກເອົາມາຕົກແຕ່ງແບບຮ່ວມສະໄໝໄດ້ຢ່າງນ່ານັ່ງ ແລະ ສະບາຍໃຈຫຼາຍ

ຕໍ່ເນື່ອງດ້ວຍຊົມປາສາດ Gravensteen ຂອງເຄັນທ໌ ທີ່ມີຈຸດຊົມວິວສູງຂອງເມືອງ ແລະ ລ່ອງເຮືອຊົມຄວາມງາມຂອງເມືອງນີ້ (ຖ້າຕ້ອງການ)

ຕາມດ້ວຍຮ້ານອາຫານແຊບໆ ຕິດຄອງນ້ຳ ແບບດື່ມດ່ຳບັນຍາກາດ ເຊັກອິນໂຮງແຮມ ພັກຜ່ອນ ແລະ ນອນຄ້າງຄືນ ອອກມາຍ່າງຫຼິ້ນຊົມບັນຍາກາດແສງສີຍາມຄ່ຳຄືນໃຫ້ເຕັມອີ່ມ

5 Antwerp - Overnight Antwerp

ແອນເວີບ (ANTWERP) ເມືອງໃຫຍ່ ແລະ ມີຫຼາກຫຼາຍວັດທະນະທຳ ທີ່ທ່ານຕ້ອງມັກຫຼາຍແນ່ນອນ ສາມາດຍ່າງທ່ຽວຊັອບປິ້ງໄດ້ທົ່ວເມືອງ ມີຂອງດີໄຊນ໌ໃໝ່ໆ ເກ໋ໆ ໃຫ້ເບິ່ງຕະຫຼອດ ສິລະປິນທົ່ວໂລກມັກຄວາມຫຼາກຫຼາຍຂອງເມືອງນີ້ ທີ່ປະສົມຂອງເກົ່າ ແລະ ຂອງໃໝ່ໄດ້ຢ່າງເທ່ ຈຶ່ງມາລວມຕົວກັນເປີດຮ້ານນ້ອຍໆ ຈົນເຖິງຮ້ານໃຫຍ່ໆ ຫຼາຍຮ້ານ ພຽງແຕ່ຍ່າງຊັອບທົ່ວເມືອງ ໃນລັດສະໝີ 360 ອົງສາ ກໍໄດ້ໄອເດຍຫຼາຍແລ້ວ

ທີ່ນີ້ພວກເຮົາຈະທ່ຽວ The must ພຽງເຄິ່ງມື້ ແລະ ອີກເຄິ່ງມື້ ປ່ອຍໃຫ້ຍ່າງຫຼິ້ນ ຊັອບໃຫ້ສະໃຈ ຕາມສະໄຕລ໌ທົວສ່ວນຕົວທີ່ຕ້ອງການອິດສະຫຼະເດີ້

The Must ທີ່ຈະພາຊົມມີ Steen castle ປາສາດປະຈຳເມືອງ ໜຶ່ງໃນປາສາດສະໄຕລ໌ປ້ອມປາການຍຸກກາງທີ່ໃຫຍ່ທີ່ສຸດໃນເອີຣົບ ຈາກນັ້ນໄປທີ່ໃຈກາງເມືອງ Great Market Square ມີຊອກຊອຍໃຫ້ຍ່າງທົ່ວໄປໝົດ

ຖ້າຕ້ອງການບໍ່ຄືໃຜ ລອງໄປຊົມສະຖານີລົດໄຟທີ່ງາມຂອງແອນເວີບໄດ້ (Antwerp's Centraal) ຫຼື ຍ້ອນແອນເວີບເປັນສູນກາງຄ້າເພັດຂອງໂລກ ຕະຫຼາດກວ່າ 85% ຂອງໂລກ ມີການຊື້ຂາຍທີ່ນີ້ ພວກເຮົາຈຶ່ງບໍ່ພາດຊົມ Diamonds' District (Diamantkwartier) ແລະ ທ່ານຈະໄດ້ຊົມໂຊຣູມເພັດຂະໜາດໃຫຍ່ຢ່າງ Diamondland

ຖ້າມັກງານສິລະປະ Unseen ແມ່ນທີ່ນີ້ເລີຍເດີ້ Antwerp Belgium's Plantin-Moretus Museum ພິພິດທະພັນແຫ່ງດຽວໃນໂລກທີ່ເປັນມໍລະດົກໂລກ ສ້າງຈາກໂຮງພິມເກົ່າສະໄໝສະຕະວັດທີ 16 ມີຫ້ອງສະໝຸດທີ່ເກັບໜັງສືພິມຈາກກູເທັນເບີກ ຖ້າທ່ານຮັກໜັງສື ມັກສິລະປະ ແລະ ດີໄຊນ໌ ພວກເຮົາຈະພາໄປທ່ຽວທີ່ນີ້ເດີ້

ຊ່ວງບ່າຍ ຊັອບປິ້ງອິດສະຫຼະ ແລະ ສົ່ງທ່ານກັບໂຮງແຮມທີ່ພັກເດີ້

6 Rotterdam - Utrecht - Overnight Antwerp

ຣັອດເຕີດຳ (Rotterdam) ເປັນເມືອງທ່າເຮືອທີ່ສຳຄັນຂອງເອີຣົບ ເປັນເມືອງທີ່ມີບັນຍາກາດຂອງຕຶກຮາມສະໄໝໃໝ່ ດີໄຊນ໌ລ້ຳໆ ໃຫ້ພວກເຮົາ amazing ແລະ ແປກຕາແຕກຕ່າງຈາກເມືອງອື່ນໆ ຂອງທິບ ຖືວ່າຊ່ວຍໃຫ້ທິບນີ້ຄົບລົດຊາດຫຼາຍຂຶ້ນເດີ້

ຊົມທ່າຈອດເຮືອ ຂົວແດງ ຂົວ Willembrug ແລະ ຂົວຂາວ (Erasmusbrug) ທີ່ໃຕ້ຂົວ Erasmus ແລະ ຖ້າທ່ານຕ້ອງການ ສາມາດພາທ່ານລ່ອງເຮືອ Spido Boat Trip ຊົມອ່າວທ່າເຮືອຣັອດເຕີດຳ ເປັນເຮືອຂະໜາດ 3 ຊັ້ນ ລາຄາ 10 ຢູໂຣ ຕໍ່ທ່ານ (ແນະນຳສະເພາະຊ່ວງທີ່ອາກາດບໍ່ໜາວເກີນໄປ)

ຈາກນັ້ນເຮືອນ Cube House ເຮືອນທີ່ອອກແບບເປັນທີ່ຢູ່ອາໄສແບບລູກເຕົ໋າຕໍ່ກັນ ຖືເປັນສະຖານທີ່ທ່ອງທ່ຽວທີ່ຕ້ອງໄປຂອງທີ່ນີ້

ປິດທ້າຍເມືອງດ້ວຍ “ຖະໜົນຊັອບປິ້ງສະຕຣີດ” ຊື່ດັງຂອງເມືອງ ທີ່ຍາວກວ່າ 2 ກມ. ໄດ້ເວລາພໍສົມຄວນ ຕາມຄະນະຕ້ອງການ

ຈາກນັ້ນພວກເຮົາເດີນທາງບໍ່ດົນ 70 ກມ. ໃນເວລາປະມານ 1 ຊົ່ວໂມງ ໄປຕໍ່ທີ່ “ເມືອງອູເທຣັກ” ເປັນເມືອງໃຫຍ່ອັນດັບ 4 ຂອງເນເທີແລນ ຕັ້ງຢູ່ໃຈກາງປະເທດ ຈຶ່ງເປັນສູນກາງການຄົມມະນາຄົມທາງລົດໄຟ ແລະ ລົດຍົນ ແຕ່ໃຈກາງເມືອງກໍມີເສນ່ຫ໌ບໍ່ໜ້ອຍ ເມືອງນີ້ຖືວ່າເປັນຂອງແຖມຂອງທີ່ນີ້ ແຕ່ບໍ່ດົນມານີ້ BBC Travel ຍົກຍ້ອງໃຫ້ເປັນໜຶ່ງໃນເມືອງທີ່ມີຄວາມສຸກທີ່ສຸດໃນໂລກ

ພວກເຮົາຈະນອນຄ້າງຄືນທີ່ເມືອງແຫ່ງຄວາມສຸກນີ້ ແຕ່ກໍບໍ່ລືມສຳຫຼວດຕົວເມືອງເກົ່າທາງວັດທະນະທຳໃນສະຕະວັດທີ 7 ຢ່າງມະຫາວິຫານປະຈຳເມືອງ St Martin's Cathedral (ສ້າງໃນປີ ຄ.ສ. 1254 - 1520) ທີ່ຕັ້ງຂອງ Dome Tower ທີ່ສູງເຖິງ 112 ແມັດ ຂັ້ນໄດ 465 ຂັ້ນ ຖືວ່າສູງທີ່ສຸດໃນເນເທີແລນ! ໃຊ້ເວລາສ້າງກວ່າ 300 ປີ

ຖ້າທ່ານຍ່າງໄຫວ ທີ່ດ້ານເທິງທາວເວີກໍຈະໄດ້ຊົມ ແລະ ຖ່າຍຮູບເມືອງໃນມຸມສູງ (ຕ້ອງຊື້ປີ້ ແລະ ຂຶ້ນເປັນຮອບໆ ຕາມກຳນົດເດີ້) ມະຫາວິທະຍາໄລອູເທຣັກເປັນມະຫາວິທະຍາໄລທີ່ໃຫຍ່ທີ່ສຸດຂອງເນເທີແລນ ບັນຍາກາດຂອງເມືອງນີ້ບໍ່ດັງຫຼາຍ ແຕ່ສະບາຍໃຈ

ຖ້າມີເວລາຍ່າງໄປຍັງຊອກຊອຍທີ່ມີເສນ່ຫ໌ລົ້ນເຫຼືອຢ່າງ Alleyway round ຖ້າເວລາເຫຼືອພາໄປຊົມໂບດ The Saint Willibrordchurch ທີ່ພາຍໃນຕົກແຕ່ງງາມຫຼາຍ ພາທ່ານກິນເຂົ້າແລງກ່ອນກັບໂຮງແຮມທີ່ພັກ ທີ່ Antwerp ຄືນທີສອງ

7 Amsterdam - Overnight Amsterdam

ກຸງອຳສະເຕີດຳ (Amsterdam) ນະຄອນຫຼວງຂອງເນເທີແລນ ພາທ່ານໄປທ່າເຮືອໜ້າສະຖານີລົດໄຟ ລ່ອງເຮືອກະຈົກ ໂດຍ Holland Inrenational ມີເຮືອອອກທຸກໆ 30 ນາທີ ໃຊ້ເວລາລ່ອງເຮືອປະມານ 30 ນາທີ ຊົມບັນຍາກາດຂອງຄອງນ້ຳມໍລະດົກໂລກໃນກຸງອຳສະເຕີດຳ ທີ່ອອກແບບລະບົບຄອງນ້ຳໄດ້ຢ່າງໜ້າອັດສະຈັນຕັ້ງແຕ່ສະໄໝຫຼາຍຮ້ອຍປີກ່ອນ ຊື່ນຊົມເຮືອນເກົ່າຕາມສອງຝັ່ງຄອງ ຈາກສະຕະວັດທີ 17 ນັ່ງເຮືອລອດຂົວໂຄ້ງ ແລະ ຜ່ານຄອງແຄບຢ່າງມ່ວນຊື່ນ (ຄວນເລືອກນັ່ງເຮືອຝັ່ງຊ້າຍ ວິວດີກວ່າ) ເນເທີແລນມີຊື່ສຽງເລື່ອງດອກໄມ້ງາມ

ພວກເຮົາຈະໄປຕໍ່ທີ່ຕະຫຼາດດອກໄມ້ Koningsplein ທີ່ທອດຕົວຕາມຄອງກວ່າ 500 ແມັດ ຖ່າຍພາບໃຫ້ຊື່ນໃຈ ຈາກນັ້ນທ່ຽວຊົມ Dam Square ສູນລວມສະຖານທີ່ສຳຄັນຂອງເມືອງຢ່າງພະລາຊະວັງ ແລະ ອະນຸສາວະລີ ແລະ Red Light (ເຂດໃຫ້ບໍລິການທາງເພດທີ່ຖືກກົດໝາຍຂອງເນເທີແລນ) ທ່ານສາມາດລອງໄປຍ່າງສັງເກດການເປັນປະສົບການໄດ້ເດີ້ ແລະ ທີ່ອຳສະເຕີດຳ

ຖ້າທ່ານຕ້ອງການຊົມງານສິລະປະຂອງ ແວນ ໂກະ ທີ່ Van Gogh Museum ສາມາດເລືອກຊົມໄດ້ຕາມອັດທະຍາໄສ ພາທ່ານກິນອາຫານທ້ອງຖິ່ນຊື່ດັງຂອງເມືອງ

8 Giethoorn - Zaanse Schans - Overnight Amsterdam

ຕອນເຊົ້າ ອອກເດີນທາງໄປທ່ຽວ (Giethoorn) "ເວນິສແຫ່ງເນເທີແລນ" ແມ່ນສະມະຍານາມຂອງ "ໝູ່ບ້ານກີທູນ (Giethoorn)" ເຊິ່ງເປັນໝູ່ບ້ານທີ່ເຕັມໄປດ້ວຍຄອງນ້ຳ ທະເລສາບ ແລະ ບໍ່ມີຖະໜົນ ມີແຕ່ທາງຍ່າງຕາມຄອງນ້ຳ ທີ່ມີພຽງແຕ່ລົດຖີບແລ່ນໄດ້ເທົ່ານັ້ນ ຖ້າຕ້ອງການສາມາດຂັບເຮືອໄປຕາມຄອງນ້ຳຕ່າງໆ ໄດ້ ມີບໍລິການໃນເມືອງນີ້

ຈາກນັ້ນເດີນທາງໄປຊົມ “ໝູ່ບ້ານກັງຫັນລົມຊານສຄັນສ໌” (Zaanse Schans) ສຳຜັດ “ກັງຫັນລົມ” ແບບດັຊ໌ ເຊິ່ງແນ່ນອນວ່າການຊົມວິທີການຜະລິດເກີບໄມ້ຂອງຊາວດັຊ໌ ຕ້ອງມາເບິ່ງ ທ່ານຈະໄດ້ເຫັນເຮືອນຕິດນ້ຳແບບບູຮານ ແລະ ໂຮງງານເນີຍແຂງອີກດ້ວຍ

ໄດ້ເວລາພໍສົມຄວນ ເດີນທາງກັບມາທີ່ອຳສະເຕີດຳ ມີເວລາອິດສະຫຼະຊັອບປິ້ງທີ່ ຖະໜົນກາລເວີສຕຣາດ (KALVERSTRAAT) ຖະໜົນຊັອບປິ້ງສາຍສຳຄັນຂອງອຳສະເຕີດຳ ຕິດກັບຈະຕຸລັດດຳສະແຄວ ເຊິ່ງລ້ອມຮອບດ້ວຍຮ້ານຄ້າ BRAND NAME ແລະ ສິນຄ້າຂອງທີ່ລະນຶກຕ່າງໆ ນອນຄ້າງຄືນທີ່ອຳສະເຕີດຳ

9 Amsterdam airport - Departure ມື້ນີ້ບໍ່ມີທົວ ພວກເຮົາສົ່ງທ່ານທີ່ສະໜາມບິນຕາມເວລາທີ່ກຳນົດ (ໃບຮັບສົ່ງສະໜາມບິນເປັນ voucher)