ທົວສ່ວນຕົວເອີຣົບ (NOR004) ນອກແວ (Norway) 10 ມື້ 9 ຄືນ ສຳລັບລະດູລ່າແສງເໜືອ

ຈາກນັ້ນ ພາທ່ານເດີນທາງໄປເມືອງທຣອມໂຊ (Tromso) ເມືອງໃນຝັນຂອງນັກທ່ອງທ່ຽວທົ່ວໂລກທີ່ຢາກເຫັນປະກົດການແສງເໜືອໃນລະດູໜາວ ເນື່ອງຈາກທີ່ນີ້ຕັ້ງຢູ່ໃກ້ກັບເສັ້ນອາກຕິກເຊີເຄີນ ຈຶ່ງເປັນເມືອງທີ່ສາມາດຊົມປະກົດການແສງເໜືອໄດ້ຢ່າງຍິ່ງໃຫຍ່ອະລັງການ ສ່ວນໃນລະດູຮ້ອນ ເມືອງທຣອມໂຊເປັນອີກເມືອງໜຶ່ງທີ່ທ່ານຈະໄດ້ຊົມຕາເວັນທ່ຽງຄືນ ທ່ານມີເວລາຫຼາຍໃນການຍ່າງທ່ຽວຫຼິ້ນໃນເມືອງທຣອມໂຊ ເຖິງແມ່ນວ່າທຣອມໂຊຈະເປັນເມືອງທ່າສຳຄັນຂອງນອກແວ ແຕ່ທີ່ນີ້ກໍຍັງຄົງງຽບສະຫງົບ ມີວິຖີຊີວິດທີ່ເປັນເອກະລັກໂດດເດັ່ນ ຄວນຄ່າແກ່ການມາທ່ຽວຢ່າງຍິ່ງ

ຊົມ The Arctic Cathedral ໂບດທີ່ສ້າງຂຶ້ນໃນປີ 1960 ສ້າງຈາກຄອນກຣີດແລະອາລູມີນຽມ ມີກະຈົກຢູ່ດ້ານໜ້າ ເປັນສັນຍາລັກຂອງການມາຢ້ຽມຢາມເມືອງນີ້ ຈາກນັ້ນຂຶ້ນກະເຊົ້າ Fjellheisen Cable Car ເຊິ່ງຢູ່ເລີຍໂບດໄປໜ້ອຍໜຶ່ງ ເປັນຈຸດຊົມວິວເມືອງເທິງພູ Storsteinen Mountain

hotel ພັກແຮມ Tromso

ເດີນທາງຈາກເມືອງ Tromso ໄປເມືອງ Reine ດ້ວຍໄລຍະທາງ 541 ກິໂລແມັດ ໃຊ້ເວລາປະມານ 8 ຊົ່ວໂມງ ທ່ານເພີດເພີນກັບວິວງາມໆຕະຫຼອດສອງຂ້າງທາງ ບ່ອນໃດເຫັນວິວງາມ ສາມາດແວະຖ່າຍຮູບໄດ້ຕະຫຼອດທາງ

ຊົມຄວາມງາມຂອງເມືອງ Reine ທີ່ມີຊື່ສຽງ ຕັ້ງຢູ່ເທິງເກາະ Lofoten ເປັນໝູ່ບ້ານຊາວປະມົງເກົ່າແກ່ ໄດ້ຮັບການຍົກຍ້ອງຈາກນັກທ່ອງທ່ຽວວ່າເປັນໝູ່ບ້ານທີ່ງາມທີ່ສຸດໃນນອກແວ ຕັ້ງຢູ່ຫ່າງຈາກອອສໂລ ນະຄອນຫຼວງຂອງນອກແວ ໄປທາງທິດເໜືອ 1,300 ກິໂລແມັດ ໂດຍມີຂົວເຊື່ອມໄປຍັງເກາະເຂດໜາວ Moskenesoya ບັນຍາກາດຂອງໝູ່ບ້ານແຫ່ງນີ້ງຽບສະຫງົບຫຼາຍ ມີປະຊາກອນພຽງ 300 ກວ່າຄົນເທົ່ານັ້ນ ຊາວບ້ານຍັງອະນຸລັກວິຖີຊີວິດດັ້ງເດີມ ແລະ ຫາປາເປັນອາຊີບຫຼັກ ນັກທ່ອງທ່ຽວຈະໄດ້ສຳຜັດຄວາມງົດງາມຂອງເຮືອນໄມ້ຮູບຮ່າງໜ້າຮັກສີຂາວ ແດງ ແລະ ດຳ ທີ່ຕັ້ງລຽນກັນຢູ່ຕາມພື້ນທີ່ຮາບເຊີງພູ ອ້ອມຮອບດ້ວຍທົ່ງຫຍ້າຂຽວຂະຈີ ແລະ ທິວທັດຂອງເທືອກພູສີຂາວທີ່ປົກຄຸມດ້ວຍຫິມະຕະຫຼອດປີ ເອກະລັກຂອງໝູ່ບ້ານແຫ່ງນີ້ຄືເຮືອນຫຼັງນ້ອຍຕິດນ້ຳ ເຊິ່ງມີເຮືອລຳນ້ອຍຈອດຢູ່ໜ້າເຮືອນທຸກໆຫຼັງ ນອກຈາກນັ້ນ ທີ່ໝູ່ບ້ານແຫ່ງນີ້ຍັງມີກິດຈະກຳມ່ວນໆໃຫ້ບໍລິການນັກທ່ອງທ່ຽວ ເຊັ່ນ ພາຍເຮືອຄາໂນ ລ່ອງເຮືອຊົມຄວາມງາມສອງຝັ່ງຂອງຟຢອດ ລວມເຖິງການປີນພູສູງທີ່ປົກຄຸມດ້ວຍຫິມະ ສຳລັບຄົນທີ່ມັກຄວາມທ້າທາຍ

hotel ພັກແຮມ Reine

ຫຼັງອາຫານເຊົ້າ ພາທ່ານເດີນທາງໄປເມືອງ Trondheim ດ້ວຍໄລຍະທາງ 807 ກິໂລແມັດ ໃຊ້ເວລາທັງມື້ລວມ 13 ຊົ່ວໂມງເຄິ່ງ

hotel ພັກແຮມ Trondheim

ທ່ຽວເມືອງ Trondheim ເມືອງທີ່ມີຈຸດເດັ່ນຄື ສາງຕາມແຄມແມ່ນ້ຳ Nidelva ທີ່ມີສີສັນແປກຕາ ແລະ ຊົມມະຫາວິຫານນິດາຣອສ (Nidaros Cathedral) ໂບດທີ່ໃຫຍ່ທີ່ສຸດໃນປະເທດນອກແວ ແລະ ເປັນໂບດໃຫຍ່ອັນດັບສອງຂອງສະແກນດີເນເວຍ ສ້າງຂຶ້ນຕັ້ງແຕ່ໃນລະຫວ່າງປີ ຄ.ສ. 1070-1300 ມີລັກສະນະສະຖາປັດຕະຍະກຳແບບໂກຕິກ ທັງພາຍໃນແລະພາຍນອກອອກແບບຢ່າງສວຍງາມປະນີດ ໂດຍດ້ານໃນຈະມີທາງຍ່າງໃຫ້ນັກທ່ອງທ່ຽວໄດ້ຂຶ້ນໄປຊົມວິວທາງເທິງຂອງວິຫານນຳ

hotel ພັກແຮມ Trondheim

ເດີນທາງໄປ The Atlantic Ocean Road ດ້ວຍໄລຍະທາງ 216 ກິໂລແມັດ ໃຊ້ເວລາ 3 ຊົ່ວໂມງ 40 ນາທີ

The Atlantic Ocean Road ເສັ້ນທາງນີ້ມີຄວາມຍາວ 8.3 ກິໂລແມັດ ເປັນເສັ້ນທາງທີ່ເຊື່ອມລະຫວ່າງແຜ່ນດິນໃຫຍ່ ແລະ ເກາະຕ່າງໆໃນນອກແວ ມີຂົວ Storseisundet ເປັນຂົວໂຄ້ງຍາວ 260 ແມັດ ຖືວ່າເປັນຂົວທີ່ງາມທີ່ສຸດໃນບັນດາຂົວທັງໝົດ ແລະ ຍັງມີອີກຊື່ໜຶ່ງວ່າ The road to nowhere ເສັ້ນທາງນີ້ນັບວ່າມີຄວາມອັນຕະລາຍຢູ່ພໍສົມຄວນ ຄົນຂັບຕ້ອງມີຄວາມຊຳນານ ແລະ ລະມັດລະວັງເປັນຢ່າງຫຼາຍ ພັກຄ້າງຄືນທີ່ Kristiansund

ເດີນທາງໄລຍະທາງ 124 ກິໂລແມັດ ໃຊ້ເວລາ 2 ຊົ່ວໂມງ 35 ນາທີ ໄປຍັງເສັ້ນທາງ Norwegian National Road 63 ເພື່ອຊົມວິວຄວາມງາມຂອງເສັ້ນທາງນີ້ ໃຫ້ທ່ານໄດ້ເພີດເພີນກັບການຖ່າຍຮູບ

ຈາກນັ້ນ ເມື່ອເຖິງເວລາອັນສົມຄວນ ພາທ່ານເດີນທາງໄປເມືອງ Alesund ໄລຍະທາງ 100 ກິໂລແມັດ ໃຊ້ເວລາ 1 ຊົ່ວໂມງ 40 ນາທີ ເມືອງທີ່ມີຄວາມງາມຫຼາຍ ພາທ່ານຂຶ້ນຊົມວິວຈຸດສູງສຸດຂອງເມືອງ ດ້ວຍການຍ່າງຂຶ້ນບັນໄດ 428 ຂັ້ນ ເຖິງຈະເມື່ອຍ ແຕ່ວິວທາງເທິງທີ່ມອງລົງມາເຫັນເມືອງ Alesund ທັງເມືອງ ຄຸ້ມຄ່າ ຫາຍເມື່ອຍເປັນປັດຖິ້ມ

hotel ພັກແຮມ Alesund

ມື້ນີ້ພາທ່ານເດີນທາງໄປຍັງໝູ່ບ້ານນ້ອຍໆທີ່ໜ້າຮັກແລະງາມຫຼາຍຂອງນອກແວ ໄລຍະທາງ 138 ກິໂລແມັດ ໝູ່ບ້ານທຳອິດແມ່ນ Loen ທີ່ຖືກອ້ອມດ້ວຍຟຢອດ ຕິດກັບທະເລສາບສີຂຽວມໍລະກົດທີ່ງາມຫຼາຍ ຈາກນັ້ນ ພາໄປຊົມ Olden Village ທີ່ຢູ່ໃກ້ກັນພຽງ 6 ກິໂລແມັດ ເພື່ອຊົມໝູ່ບ້ານເກົ່າແກ່ທີ່ຕັ້ງຢູ່ປາກແມ່ນ້ຳ Oldeelva River ເຊິ່ງຢູ່ໃນຮ່ອມພູ Oldedalen ເຮັດໃຫ້ໝູ່ບ້ານແຫ່ງນີ້ມີຄວາມງາມຄືກັບຮູບແຕ້ມ

ຈາກນັ້ນ ເດີນທາງໄປ Skei ເປັນເມືອງຊົນນະບົດຂະໜາດນ້ອຍໜ້າຮັກ ເປັນອີກໜຶ່ງເມືອງທີ່ໂຣແມນຕິກຫຼາຍຂອງນອກແວ ທຳມະຊາດອຸດົມສົມບູນ ວິຖີຊີວິດຂອງຊາວເມືອງເຮັດໃຫ້ເຫັນເຖິງຄວາມລຽບງ່າຍແຕ່ມີຄວາມສຸກແລະມີສະເໜ່ ພາທ່ານຊົມອຸທະຍານແຫ່ງຊາດ Jostedalsbreen National Park ທີ່ຢູ່ຫ່າງຈາກຕົວເມືອງ Skei ໄປອີກ 80 ກິໂລແມັດ ເພື່ອຊົມທານ້ຳກ້ອນຂະໜາດໃຫຍ່ທີ່ໄຫຼລົງມາຈາກເທືອກພູສູງກວ່າ 1,200 ແມັດ ສູ່ຊ່ອງແຄບຮ່ອມພູ Briksdal Glacier ທີ່ອຸດົມສົມບູນ ເພີດເພີນກັບທານ້ຳກ້ອນທີ່ເຢັນສະອາດ ເປັນທີ່ປະທັບໃຈຂອງນັກທ່ອງທ່ຽວທີ່ມາຊົມໃນແຕ່ລະປີ

hotel ພັກແຮມ Skei

ເດີນທາງໄປເມືອງ Flam ໄລຍະທາງ 133 ກິໂລແມັດ ໃຊ້ເວລາເດີນທາງ 2 ຊົ່ວໂມງ 20 ນາທີ ເມືອງຟລຳ ເປັນໝູ່ບ້ານນ້ອຍໆທີ່ງຽບສະຫງົບຫຼາຍ ແຕ່ອ້ອມຮອບດ້ວຍທໍາມະຊາດທີ່ງາມຫຼາຍ ພາທ່ານນັ່ງລົດໄຟສາຍ Flamsbana ໄປເມືອງ Myrdal ເປັນສາຍລົດໄຟທີ່ມີຄວາມຍາວ 20 ກິໂລແມັດ ແຕ່ໄດ້ຮັບການຍົກຍ້ອງວ່າເປັນໜຶ່ງໃນສາຍລົດໄຟທີ່ງາມທີ່ສຸດໃນໂລກ ທ່ານຈະເພີດເພີນກັບຄວາມງາມຂອງທັດສະນີຍະພາບສອງຂ້າງທາງຕະຫຼອດການເດີນທາງ ທັງພູເຂົາ ນ້ຳຕົກ ສາຍນ້ຳ ໝູ່ບ້ານນ້ອຍໆໜ້າຮັກ ແລະ ຫິມະ ລະຫວ່າງທາງສາມາດລົງໄປແວະຊົມນ້ຳຕົກຂະໜາດໃຫຍ່ Kjosfossen waterfalls ໄດ້

hotel ພັກແຮມ Flam

ພາທ່ານອອກເດີນທາງຈາກເມືອງ Flam ສູ່ນະຄອນຫຼວງຂອງນອກແວ ນະຄອນອອສໂລ (Oslo) ໄລຍະທາງ 312 ກິໂລແມັດ ໃຊ້ເວລາ 4 ຊົ່ວໂມງ 40 ນາທີ ພາທ່ານຊົມສວນສາທາລະນະຟຣອກເນີ (Frogner Park) ສະຖານທີ່ຈັດວາງສະແດງຜົນງານສິລະປະແກະສະຫຼັກ ການແກະສະຫຼັກຮູບຄົນຈາກຫີນແກຣນິດ ແລະ ການຫຼໍ່ຮູບຄົນດ້ວຍທອງສຳລິດ ແລະ ທອງແດງ ຜົນງານທັງໝົດເປັນຂອງ ‘ກຸສຕາຟ ວິກເກີແລນ’ ນັກແກະສະຫຼັກຊື່ດັງ ທີ່ນີ້ມີຜົນງານແກະສະຫຼັກຫຼາຍກວ່າ 200 ຊິ້ນໃຫ້ຊົມ ໂດຍຜົນງານຊິ້ນເອກແມ່ນເສົາກາງສວນ ເຊິ່ງມີຄວາມສູງເຖິງ 17 ແມັດ ຊື່ Monolitten ອ້ອມຮອບເສາແກະສະຫຼັກເປັນເລື່ອງລາວກ່ຽວກັບວັດຖະຈັກຂອງຊີວິດມະນຸດ ລັກສະນະຂອງເສາໂມໂນລິດ ເປັນຮູບຄົນຈຳນວນຫຼວງຫຼາຍກຳລັງປີນຢູ່ເທິງເສາ ໃຊ້ເວລາສ້າງລວມ 22 ປີ ຈາກຫີນແກຣນິດພຽງແທ່ງດຽວ ຈາກນັ້ນ ຊົມໂຮງໂອເປຣາອອສໂລ (Oslo Opera House) ຍ່າງຫຼິ້ນທ່າເຮືອເອເຄີບຣູກເກ (Aker Brygge) ແລະ ຊ໊ອບປິ້ງຖະໜົນຄົນຍ່າງຄາລໂຢຮັນເກດ (Karl Johans gate)

hotel ພັກແຮມ Oslo