ທົວສ່ວນຕົວເອີຣົບ (SPA001) ແກຣນສະເປນ (Grand Spain)

ເດີນທາງເຖິງ Mardrid ທີ່ສະໜາມບິນມາດຣິດ (Adolfo Suarez Madrid-Barajas Airport) ທ່ານຕໍ່ເຄື່ອງບິນໄປ Barcelona ພວກເຮົາລໍຖ້າຮັບທ່ານທີ່ Barcelona ແລະ ພາທ່ຽວ Barcelona ເຕັມມື້

ບາເຊໂລນາໄດ້ຮັບການເອີ້ນໃຫ້ເປັນນະຄອນຫຼວງໃນເມດີເຕີເຣເນຍນ ທີ່ງົດງາມຈະເລີນຮຸ່ງເຮືອງດ້ວຍທຸລະກິດທ່າເຮືອ ແລະ ການຄ້າ ເປັນເມືອງທ່ອງທ່ຽວຂອງເອີຣົບທີ່ຜູ້ທີ່ມັກທ່ຽວເອີຣົບຫ້າມພາດ

ພາຍ່າງຫຼິ້ນຖະໜົນຄົນຍ່າງລາຣຳບຣາ (La Rambla Road) ອັນໂດ່ງດັງ ແວະຊື້ຂອງຝາກທີ່ຕະຫຼາດ Mercat de la Boqueria ຊົມອະນຸສາວະລີໂຄລຳບັສ (Monument a Colom or Columbus Monument) ທີ່ຢູ່ສຸດປາຍຖະໜົນລາຣຳບຣາ ຊົມເຂດເມືອງເກົ່າບາຣີ ໂກຕິກ (Barri Gotic)

ຂຶ້ນກະເຊົ້າຊົມເນີນພູມົງຈູອິກ (Montjuic) ເຊິ່ງເມື່ອມອງລົງມາຈະເຫັນບາເຊໂລນາທັງເມືອງ ງາມຫຼາຍ ແວະຊົມພິພິທະພັນສິລະປະແຫ່ງຊາດກາຕາລຸນຢາ (Museu Nacional d'Art de Catalunya) ຖ້າຕ້ອງການ ແລະ ຊື້ເຄື່ອງ

ໝາຍເຫດ: ຖ້າມື້ນີ້ຕ້ອງການ ສາມາດຊົມບານເຕະ ຫຼື ທົວສະໜາມບານເຕະໄດ້

hotel ພັກແຮມ Barcelona : · ຕົວຢ່າງໂຮງແຮມ Holiday Inn Express Barcelona City 22@

ຕອນເຊົ້າ ຖ້າທ່ານມັກສິລະປະ ຈະພາຊົມຜົນງານຂອງສິລະປິນສະເປນທີ່ດັງທີ່ສຸດ ຄື ກາວດີ ເຮັດໃຫ້ເມືອງບາເຊໂລນາ ໄດ້ຊື່ວ່າເປັນເມືອງຂອງກາວດີ (City of Gaudi)

ຊົມ “ໂບດຊາກຣາດາ ຟາມີເລຍ” ແລະ ອາຄານ “ກາຊາ ບັດໂຢ” “ກາຊາ ມີລາ ກາວດີ” ທັງສອງແຫ່ງອອກແບບໃຫ້ເສດຖີ ແລະ ກູເອລ (Park Guell)

ຈາກນັ້ນນຳຊົມສະໜາມບານເຕະ ເອລ ກຳປ໌ ໂນວ ຂອງທີມບາເຊໂລນາ ຫຼື ກຳປ໌ ນູ (Camp Nou) ຄວາມຈຸ 98,787 ຄົນ ເປັນສະໜາມບານເຕະທີ່ໃຫຍ່ທີ່ສຸດໃນເອີຣົບ ຕັ້ງຢູ່ໃນເມືອງບາເຊໂລນາ ຖ້າມີນັດເຕະບານ ສາມາດຊົມໄດ້ມື້ນີ້ເດີ້

ໄດ້ເວລາພໍສົມຄວນອອກເດີນທາງ 350 ກມ. ໄປຍັງເມືອງ Valencia ໂດຍຖ້າມີການຊົມບານເຕະ ຈະເລື່ອນເດີນທາງໄປເມືອງ Valencia ໃນມື້ຖັດໄປ

hotel ພັກແຮມ Valencia : · ຕົວຢ່າງໂຮງແຮມ Hotel Mediterraneo

ຕອນເຊົ້າພາທ່ຽວ "ເມືອງບາເລນເຊຍ" ຫຼື "ວາເລນເຊຍ" (Valencia) ເປັນແຄວ້ນປົກຄອງຕົນເອງ ເມືອງໃຫຍ່ອັນດັບທີ 3 ຂອງສະເປນ ທີ່ຕັ້ງຂອງສະໂມສອນບານເຕະບາເລນເຊຍ (Valencia Club de Futbol) ຫຼື ຄ້າງຄາວ

ເມືອງນີ້ເຄີຍເປັນສູນກາງປະຫວັດສາດ ເຊິ່ງເປັນໜຶ່ງໃນເມືອງທີ່ໃຫຍ່ທີ່ສຸດໃນສະເປນ ນອກຈາກນັ້ນຍັງເປັນສູນກາງອຸດສາຫະກຳ ວັດທະນະທຳ ແລະ ການທ່ອງທ່ຽວ ເປັນໜຶ່ງໃນເມືອງທີ່ເກົ່າແກ່ທີ່ສຸດໃນສະເປນ ມີສະເໜ່ ແລະ ໜ້າມາທ່ຽວ

ພາຊົມຫໍຄອຍຕໍເຣສ ເດ ເຊຣາໂນສ (Torres de Serranos) ເປັນປ້ອມປາການເມືອງຍຸກກາງທີ່ຕັ້ງຢູ່ປະມານທິດຕາເວັນຕົກສຽງເໜືອຂອງເຂດເມືອງເກົ່າ ຖືວ່າເປັນໜຶ່ງໃນຈຸດຊົມວິວເມືອງທີ່ດີທີ່ສຸດຂອງເມືອງ

ຊົມມະຫາວິຫານວາເລນເຊຍ ຖືກສ້າງຂຶ້ນໃນສະໄຕລ໌ຜະສົມຜະສານ ເຊັ່ນ ກອທິກ , ນີໂອຄລາສສິກ , ບາຣັອກ ແລະ ຕິດກັນເປັນໂບດແມ່ພະ ນັກບຸນຜູ້ອຸປະຖຳປະຈຳເມືອງ ຕະຫຼອດສອງຂ້າງທາງມີຮ້ານອາຫານ, ບາ, ຮ້ານກາເຟ ແລະ ຮ້ານຂາຍຂອງທີ່ລະນຶກຫຼາຍຮ້ານ

ຊົມຍ່ານໃຈກາງຈັດຕຸລັດເມືອງເກົ່າ ເຊິ່ງເປັນທີ່ຕັ້ງຂອງສານາທີ່ວ່າການເມືອງ , ທີ່ທຳການໄປສະນີ, ຮ້ານຄ້າ, ສະໜາມສູ້ງົວກະທິງ ແລະ ບໍ່ພາດໄປຢ້ຽມຢາມ ມະຫາວິຫານວາເລນເຊຍ ຫຼື ມະຫາວິຫານຊານຕາມາເລຍແຫ່ງບາເລນເຊຍ (Catedral de Santa Maria de Valencia) ມະຫາວິຫານທີ່ຕັ້ງຢູ່ບໍລິເວນໃຈກາງເມືອງເກົ່າທີ່ຖືກລ້ອມຮອບໄປດ້ວຍອາຄານສຳຄັນໆຫຼາຍແຫ່ງ

ຖ້າມີເວລາເຫຼືອ ເມືອງແຫ່ງສິລະປະ ແລະ ວິທະຍາສາດ (City of Arts and Sciences) ອີກໜຶ່ງສະຖານທີ່ທ່ອງທ່ຽວທີ່ມີຄວາມສຳຄັນຂອງເມືອງບາເລນເຊຍ ເປັນອາຄານທີ່ມີຄວາມໂດດເດັ່ນທາງດ້ານສະຖາປັດຕະຍະກຳ ແລະ ວັດທະນະທຳທີ່ສັບຊ້ອນ ໄດ້ຮັບການອອກແບບໂດຍ Santiago Calatrava ແລະ Felix Candela ສ້າງເທິງພື້ນທີ່ທັງໝົດ 350,000 ຕຣ.ໄມລ໌

ຢ້ຽມຢາມ ຊານ ມີເກວ ເດ ລອສ ເຣເຢສ (San Miguel De Los Reyes Monastery) ເປັນອາຣາມເກົ່າແກ່ທີ່ຖືກສ້າງຂຶ້ນໃນຊ່ວງສະຕະວັດທີສິບຫົກ ໂດຍດຽກແຫ່ງກາລາເບຣຍ (Duque de Calabria) ເປັນອາຣາມທີ່ຖືກສ້າງຂຶ້ນໃນຍຸກຟື້ນຟູສິລະປະວິທະຍາທີ່ຖືວ່າມີຄວາມສັບຊ້ອນທາງສະຖາປັດຕະຍະກຳ ເປັນໜຶ່ງໃນອາຄານທີ່ຖືວ່າເປັນຕົວຢ່າງທີ່ຍອດຢ້ຽມຂອງສິລະປະວາເລນເຊຍອີກດ້ວຍ

ອອກເດີນທາງໄປພັກຄືນທີ່ເມືອງ Murcia

hotel ພັກແຮມ Murcia : · ຕົວຢ່າງໂຮງແຮມ Balneario de Archena - Hotel Len

ຫາກຕ້ອງການຊ່ວງເຊົ້າ ແວ່ທ່ຽວເມືອງ Murcia ເລັກນ້ອຍ ຍ່າງຫຼິ້ນແຄມອ່າວບັນຍາກາດດີໆ ຈາກນັ້ນອອກເດີນທາງສູ່ເມືອງ Granada ເມືອງທີ່ໝັ້ນດ່ານສຸດທ້າຍຂອງຊາວມົວຣ໌ ເປັນອະດີດເມືອງຫຼວງຂອງພວກມົວຣ໌ ເມືອງທີ່ມີຄວາມຈະເລີນສູງສຸດທັງທາງວັດຖຸ ແລະ ສິລະປະທີ່ປະສົມປະສານກັນຢ່າງລົງໂຕຂອງພວກມົວຣ໌ ແລະ ຊາວຍິວ

ພາຊົມພະລາຊະວັງອາລຳບຣາ (Alhambra Palace) ອັນງົດງາມອະລັງການ ແລະ ມີຄວາມລະອຽດຫຼາຍ ຖືເປັນສິ່ງມະຫັດສະຈັນຂອງໂລກ ທີ່ເຖິງວ່າບໍ່ມີອັນດັບຢ່າງເປັນທາງການ ແຕ່ກໍເປັນສຸດຍອດທາງສິລະປະຂອງມົວຣ໌ ຊົມດ້ານໃນພະລາຊະວັງຫຼວງ (Nasrid Palace) ສວນງາມ ແລະ ພະລາຊະວັງເຄເນຣາລີເຟ ພະລາຊະວັງລະດູຮ້ອນຂອງສຸນຕ່ານ ຄວາມງົດງາມຂອງອຸທິຍານສວນອັນຮົ່ມເຢັນ (ຄວນຈອງປີ້ລ່ວງໜ້າ)

ຈາກນັ້ນພາທ່ຽວຍ່ານອານໄບຊິນ (Albayzin) ຊົມມະຫາວິຫານ ແລະ ໂບດຫຼວງ (Capilla Real) ແລະ ຍ່ານຊັອບປິ້ງ ຍາມຄ່ຳຄືນຂອງເມືອງນີ້ຄຶກຄັກ ແລະ ເຕັມໄປດ້ວຍຊີວິດຊີວາ

ຄ້າງຄືນ Granada : ຕົວຢ່າງໂຮງແຮມ Reina Cristina

ອອກເດີນທາງສູ່ເມືອງເຊບີຢາ (Seville) ຫຼື ເຊວິນ ເມືອງໃຫຍ່ອັນດັບ 4 ຂອງສະເປນ ຢູ່ທາງໃຕ້ຂອງສະເປນ ເປັນເມືອງຫຼວງຂອງແຄວ້ນ Andalucia ຢູ່ບໍ່ໄກຈາກຊາຍແດນທີ່ຈະຂ້າມຝັ່ງໄປ Morocco

ເປັນເມືອງທ່ອງທ່ຽວທີ່ດັງລະດັບໂລກ ຊົມມະຫາວິຫານແຫ່ງເຊບີຢາ (Catedral de Sevilla) ເປັນໂບດແບບ Gothic ທີ່ໃຫຍ່ທີ່ສຸດໃນໂລກ ມີຂະໜາດໃຫຍ່ເປັນອັນດັບສາມຮອງຈາກມະຫາວິຫານເຊັນປີເຕີທີ່ກຸງໂຣມ ແລະ ເຊັນປອນທີ່ລອນດອນ ແລະ ໃຫຍ່ທີ່ສຸດໃນສະເປນ

ສ້າງດ້ວຍສິລະປະແບບໂກທິກ ພາຍໃນຕົກແຕ່ງໄດ້ຢ່າງງົດງາມວິຈິດ ສ້າງຂຶ້ນແທນບ່ອນຕັ້ງຂອງມັດສະຍິດເດີມ ໂດຍຕ້ອງການໃຫ້ຍິ່ງໃຫຍ່ແບບບໍ່ມີໃຜທຽບທຽມໄດ້

ຊົມພະລາຊະວັງຫຼວງອັນກາຊາຣ໌ (Alcazar of Seville) ຈາກຄວາມຄິດສ້າງສັນຂອງຊາວມົວຣ໌ ໃນອະດີດເຄີຍເປັນພະລາຊະວັງຂອງກະສັດສະເປນມາກ່ອນ

ຊົມຈະຕຸລັດເອສປານຢາ (Plaza de Espaya) ຈະຕຸລັດທີ່ອະລັງການງາມທີ່ສຸດ ສະຖານທີ່ຖ່າຍທຳ Star Wars ຫຼາຍພາກ ຊົມຫໍຄອຍທອງຄຳ (Torre del Oro) ເຂົ້າຊົມສະໜາມສູ້ງົວ (Plaza de Toros de la Maestranza) ຫາກຕ້ອງການ

hotel ພັກແຮມ Seville : · ຕົວຢ່າງໂຮງແຮມ Hotel AACR Museo

ເດີນທາງໄປເມືອງກໍໂດບາ ເມືອງສະເປນຕອນໃຕ້ ໃນແຄວ້ນກະເສດ ທີ່ຜະລິດນ້ຳມັນໝາກກອກ ພືດໄຮ່ ອະງຸ່ນ ຝ້າຍ ແລະ ດອກຕາເວັນ ແຄວ້ນນີ້ອາກາດດີຕະຫຼອດປີ ເຮັດໃຫ້ເມືອງກໍໂດບາ ທີ່ໄດ້ຊື່ວ່າເປັນເພັດເມັດເອກແຫ່ງແຄວ້ນອັນດາລູເຊຍ ມີຮາກເຫງົ້າຈາກອານາຈັກກາຫຼິບຂອງຊາວມຸດສະລິມ ໃນສະຕະວັດທີ 10 ເຄີຍຍິ່ງໃຫຍ່ຫຼາຍ ເປັນເມືອງໃຫຍ່ອັນດັບສອງຂອງໂລກ ຮອງຈາກອານາຈັກຄອນສະແຕນຕິໂນເປິນເທົ່ານັ້ນ ຍ້ອນຈະເລີນຮຸ່ງເຮືອງ ສ້າງມະຫາວິທະຍາໄລ ວັນນະກຳ ວິທະຍາສາດ ປັດຊະຍາ ແລະ ການແພດ

ພາຊົມຂົວແບບໂຣມັນ (ປູເອນເຕ ໂຣມາໂນ) ແລະ ເຂົ້າຊົມມັດສະຢິດຫຼວງເມສກິຕາ ສຸເຫຣ່າທີ່ມີຂະໜາດໃຫຍ່ ສິລະປະຫຼາຍແບບຖືກບັນຈົງແຕ່ງເຕີມໃຫ້ສົມບູນ ໂດຍສະເພາະສິລະປະແບບມຸດສະລິມທີ່ເອີ້ນວ່າ “ມິຮ໌ຣັບ” ກະເບື້ອງເຊຣາມິກຂອງສິລະປິນຊາວມົວຣ໌ແທ້ໆ ງົດງາມຫຼາຍ

ຍ່າງຫຼິ້ນອ້ອມໂຕເມືອງ ແລະ ຊົມສວນຂອງເມືອງ ຈາກນັ້ນອອກເດີນທາງສູ່ເມືອງ Toledo ອະດີດເມືອງຫຼວງຂອງສະເປນໃນຄຣິດສະຕະວັດທີ 13 ຖືເປັນສູນກາງປະຫວັດສາດ ແລະ ວັດທະນະທຳ ປະສົມ 3 ວັດທະນະທຳ ຄື ຄຣິດສະຕຽນ, ອິດສະລາມ ແລະ ຮີບຣູ ໂຕເມືອງມີຄວາມແຕກຕ່າງຂອງສະຖາປັດຕະຍາກຳແບບອາຣັບ, ມູເດຄາຣ໌, ໂກທິກ ແລະ ເຣີເນສຊອງສ໌

ພາຊົມເມືອງເກົ່າທີ່ຢູ່ເທິງເນີນພູ ອ້ອມຮອບດ້ວຍແມ່ນ້ຳນ້ອຍໆ ອ້ອມເມືອງ ຊົມມະຫາວິຫານປຣີມາດາ ຫຼື ມະຫາວິຫານແຫ່ງໂຕເລໂດ (Catedral Primada) ທີ່ສວຍງາມທີ່ສຸດຂອງເມືອງ

ຊົມຈະຕຸລັດໂຊໂກໂດເບຣ໌ (Plaza de Zocodover) ພິພິທະພັນຊານຕາກຣູຊ (Museo de Santa Cruz) ຊົມ Alcazar Palace ອັນຍິ່ງໃຫຍ່ ສະຖາປັດຕະຍາກຳແບບໂກທິກທີ່ຍິ່ງໃຫຍ່ສວຍງາມແຫ່ງໜຶ່ງຂອງໂລກ ໃຊ້ເວລາສ້າງຍາວນານ ເດີມມຸດສະລິມໃຊ້ເປັນສຸເຫຣ່າ ຕໍ່ມາໄດ້ກໍ່ສ້າງຮູບຊົງແບບໂກທິກໃນປີ 1226 ແລະ ເພີ່ມສິລະປະແບບມູເດຄາຣ໌ ບາຣັອກ ແລະ ນີໂອຄລາດສິກ ຈົນສຳເລັດສົມບູນໃນອີກ 300 ປີຖັດມາ ນັບເປັນມໍລະດົກສະແດງຄວາມເປັນເມືອງສາດສະໜາຂອງສະເປນ ພາຍໃນມະຫາວິຫານມີການຕົກແຕ່ງຢ່າງງົດງາມວິຈິດ

ຈາກນັ້ນ ໂບດຊານໂຕ ໂຕເມ (Iglesia de Santo Tom?) ແລະ ຍ່າງຫຼິ້ນອ້ອມເມືອງ ຮັບປະທານອາຫານທ້ອງຖິ່ນ ແລະ ຊັອບປິ້ງຂອງພື້ນເມືອງຄື ດາບ ແລະ ມີດເຫຼັກກ້າ

ກ່ອນຕາເວັນຈະຕົກດິນ ຈຸດຊົມວິວ ເພື່ອຊົມທິວທັດຂອງເມືອງໂຕເລໂດທັງເມືອງ ເຊິ່ງເປັນທິວທັດທີ່ຈິດຕະກອນຊື່ດັງຂອງສະເປນ ເອນ ເກຣໂກ (EI Greco) ສ້າງສັນພາບຊື່ດັງຂຶ້ນມາກ້ອງໂລກ

hotel ພັກແຮມ Toledo : · ຕົວຢ່າງໂຮງແຮມ Hotel Cigarral el Bosque

ມື້ນີ້ເດີນທາງໄປທ່ຽວ ກຸງມາດຣິດ ເມືອງຫຼວງຂອງປະເທດສະເປນເກົ່າແກ່ນັບພັນປີ ເປັນເມືອງຫຼວງທີ່ງາມທີ່ສຸດແຫ່ງໜຶ່ງຂອງໂລກ

ພາທ່ຽວໃຈກາງກຸງມາດຣິດ ເມືອງຫຼວງຂອງປະເທດສະເປນ ຊົມ Real Casa de Correos (ຫຼັກກິໂລແມັດທີ 0) ຊົມ Plaza Mayor, ຕະຫຼາດຊານມິເກວ (Mercado de San Miguel) ບ່ອນນີ້ມີອາຫານ ຂອງຕ້ອນໃຫ້ເລືອກຊື້ຫຼວງຫຼາຍ ອາຫານປະຈຳຊາດສະເປນທີ່ຢາກແນະນຳໃຫ້ໄດ້ລອງຮັບປະທານ ແມ່ນ Jamon

ຈາກນັ້ນນຳທ່ານຊົມ ພະລາຊະວັງຫຼວງມາດຣິດ (Royal Palace of Madrid) ທີ່ຕັ້ງຢູ່ແຄມຝັ່ງແມ່ນ້ຳຊານາເຣສ ແລະ ສວຍງາມບໍ່ແພ້ພະລາຊະວັງດັງໆ ໃນເອີຣົບ ສ້າງດ້ວຍຫີນທັງຫຼັງ ປະສົມປະສານລະຫວ່າງສິລະປະແບບຝຣັ່ງ ແລະ ອິຕາລີ ປະກອບດ້ວຍຫ້ອງຕ່າງໆ ຫຼວງຫຼາຍເຖິງ 2,830 ຫ້ອງ

ຊົມຈະຕຸລັດເອສປານຢາ (Plaza de Espana) ຊັອບປິ້ງຖະໜົນກຣັນເບຍ (Gran Via) ທີ່ມີຄວາມຍາວ 1.3 ກິໂລແມັດ ແລະ ໄປຕໍ່ທີ່ຈະຕຸລັດຊີເບເລສ (Plaza de Cibeles) ປູເອຣ໌ຕາ ເດ ອັນກາລາ (Puerta de Alcala) ເຊິ່ງເປັນປະຕູເມືອງອັນງົດງາມ ຫາກມີເວລາຍ່າງຫຼິ້ນສວນສາທາລະນະບວນເຣຕິໂຣ (Parque del Buen Retiro)

ສຳລັບທ່ານໃດທີ່ສົນໃຈ ແລະ ຊື່ນຊອບບານເຕະເປັນພິເສດ ສາມາດເລືອກຊົມທົວສະໜາມທີມບານເຕະເຣອັລມາດຣິດ

(Estadio Santiago Bernabeu) ເພີ່ມເຕີມໄດ້

hotel ພັກແຮມ Madrid : · ຕົວຢ່າງໂຮງແຮມ Rincín de Gran Váa

ອອກເດີນທາງສູ່ເມືອງເຊໂກເບຍ (Segovia) ບໍ່ໄກຈາກມາດຣິດ ເພື່ອໄປຊົມມະຫາວິຫານແຫ່ງເມືອງເຊໂກເບຍ (Catedral de Segovia) ແລະ ຂົວສົ່ງນ້ຳໂຣມັນ (Aqueduct of Segovia) ເຊິ່ງເປັນສັນຍະລັກທີ່ຕິດຕາເມື່ອມາທ່ຽວເມືອງນີ້ ຊົມອັນກາຊາຣ໌ແຫ່ງເຊໂກເບຍ (Alcazar of Segovia Castle)

ນຳທ່ານເດີນທາງໄປທ່ຽວ ພະລາຊະຖານ ຊານ ໂລເຣນໂຊ ເດ ເອນເອສໂກຣຽວ (San Lorenzo de El Escorial) ຫຼື ເອີ້ນຢ່າງຫຍໍ້ວ່າ ເອນເອສໂກຣຽວ (El Escorial) ໃນອະດີດເປັນທີ່ປະທັບຂອງກະສັດແຫ່ງສະເປນ ສ້າງຂຶ້ນໃນສະໄໝຂອງພະເຈົ້າຟີລິບທີ 2 ເມື່ອປີ ຄ.ສ. 1563-1584 ລວມໄລຍະເວລາໃນການສ້າງດົນ 21 ປີ El Escorial ປະກອບໄປດ້ວຍໂຮງຮຽນ ຕັ້ງຢູ່ດ້ານນອກພະລາຊະວັງ ແລະ ມີພະລາຊະວັງຂະໜາດໃຫຍ່ດ້ານໃນ ມີໂບດໂຣມັນ ວິຫານຄອດຢາດ ຫໍສະໝຸດ ແລະ ພິພິທະພັນ ມີຫໍຄອຍ 4 ຫຼັງສູງໂດດເດັ່ນເປັນສະຫງ່າ ມີສວນທີ່ເຮັດຄືເຂົາວົງກົດຢູ່ດ້ານຂ້າງຂອງພະລາຊະວັງ

ແລ້ວເດີນທາງກັບມາຄ້າງຄືນທີ່ມາດຣິດ

hotel ພັກແຮມ Madrid : · ຕົວຢ່າງໂຮງແຮມ Rinc?n de Gran V?a ຄືນທີສອງ

ມື້ນີ້ ບໍ່ມີທົວ ພວກເຮົາຈັດລົດສົ່ງທ່ານ ທີ່ສະໜາມບິນມາດຣິດ