ທົວສ່ວນຕົວເອີຣົບ (SPN001) ແກຣນສະເປນ Grand Spain (9 ມື້ 8 ຄືນ)

ເດີນທາງເຖິງ Mardrid ທີ່ສະໜາມບິນມາດຣິດ (Adolfo Suarez Madrid-Barajas Airport) ທ່ານຕໍ່ເຄື່ອງບິນໄປ Barcelona ພວກເຮົາລໍຖ້າຮັບທ່ານທີ່ Barcelona ແລະ ພາທ່ຽວ Barcelona ເຕັມມື້

ບາເຊໂລນາໄດ້ຮັບການຂະໜານນາມໃຫ້ເປັນນະຄອນຫຼວງໃນເມດີເຕີເຣເນຍນ ທີ່ງົດງາມຈະເລີນຮຸ່ງເຮືອງດ້ວຍທຸລະກິດທ່າເຮືອ ແລະ ການຄ້າ ເປັນເມືອງທ່ອງທ່ຽວຂອງເອີຣົບທີ່ຄອເອີຣົບຫ້າມພາດ

ພາຍ່າງຫຼິ້ນຖະໜົນຄົນຍ່າງລາຣຳບຣາ (La Rambla Road) ອັນໂດ່ງດັງ ແວະຊື້ຂອງຝາກທີ່ຕະຫຼາດ Mercat de la Boqueria ຊົມອະນຸສາວະລີໂຄລຳບັສ (Monument a Colom or Columbus Monument) ທີ່ຢູ່ສຸດປາຍຖະໜົນລາຣຳບຣາ ຊົມເຂດເມືອງເກົ່າບາຣີ ໂກຕິກ (Barri Gotic)

ຂຶ້ນກະເຊົ້າຊົມເນີນພູມົງຈູອິກ (Montjuic) ເຊິ່ງເມື່ອມອງລົງມາຈະເຫັນບາເຊໂລນາທັງເມືອງ ງາມຫຼາຍ ແວະຊົມພິພິທະພັນສິລະປະແຫ່ງຊາດກາຕາລຸນຢາ (Museu Nacional d'Art de Catalunya) ຖ້າຕ້ອງການ ແລະ ຊັອບປິ້ງ

ໝາຍເຫດ: ຖ້າມື້ນີ້ຕ້ອງການ ສາມາດຊົມບານເຕະ ຫຼື ທົວສະໜາມບານເຕະໄດ້

hotel ພັກແຮມ Barcelona : · ຕົວຢ່າງໂຮງແຮມ Holiday Inn Express Barcelona City 22@

ຕອນເຊົ້າ ຖ້າທ່ານມັກສິລະປະ ຈະພາຊົມຜົນງານຂອງສິລະປິນສະເປນທີ່ດັງທີ່ສຸດ ຄື ກາວດີ ເຮັດໃຫ້ເມືອງບາເຊໂລນາ ໄດ້ຊື່ວ່າເປັນເມືອງຂອງກາວດີ (City of Gaudi)

ຊົມ “ໂບດຊາກຣາດາ ຟາມີເລຍ” ແລະ ອາຄານ “ກາຊາ ບັດໂຢ” “ກາຊາ ມີລາ ກາວດີ” ທັງສອງແຫ່ງອອກແບບໃຫ້ເສດຖີ ແລະ ກູເອລ (Park Guell)

ຈາກນັ້ນນຳຊົມສະໜາມບານເຕະ ເອລ ກຳປ໌ ໂນວ ຂອງທີມບາເຊໂລນາ ຫຼື ກຳປ໌ ນູ (Camp Nou) ຄວາມຈຸ 98,787 ຄົນ ເປັນສະໜາມບານເຕະທີ່ໃຫຍ່ທີ່ສຸດໃນເອີຣົບ ຕັ້ງຢູ່ໃນເມືອງບາເຊໂລນາ ຖ້າມີນັດເຕະບານ ສາມາດຊົມໄດ້ມື້ນີ້ເດີ້

ໄດ້ເວລາພໍສົມຄວນອອກເດີນທາງ 350 ກມ. ໄປຍັງເມືອງ Valencia ໂດຍຖ້າມີການຊົມບານເຕະ ຈະເລື່ອນເດີນທາງໄປເມືອງ Valencia ໃນມື້ຖັດໄປ

hotel ພັກແຮມ Valencia : · ຕົວຢ່າງໂຮງແຮມ Hotel Mediterraneo

ຕອນເຊົ້າພາທ່ຽວ "ເມືອງບາເລນເຊຍ" ຫຼື "ວາເລນເຊຍ" (Valencia) ເປັນແຄວ້ນປົກຄອງຕົນເອງ ເມືອງໃຫຍ່ອັນດັບທີ 3 ຂອງສະເປນ ທີ່ຕັ້ງຂອງສະໂມສອນບານເຕະບາເລນເຊຍ (Valencia Club de Futbol) ຫຼື ຄ້າງຄາວ

ເມືອງນີ້ເຄີຍເປັນສູນກາງປະຫວັດສາດ ເຊິ່ງເປັນໜຶ່ງໃນເມືອງທີ່ໃຫຍ່ທີ່ສຸດໃນສະເປນ ນອກຈາກນັ້ນຍັງເປັນສູນກາງອຸດສາຫະກຳ ວັດທະນະທຳ ແລະ ການທ່ອງທ່ຽວ ເປັນໜຶ່ງໃນເມືອງທີ່ເກົ່າແກ່ທີ່ສຸດໃນສະເປນ ມີສະເໜ່ ແລະ ໜ້າມາທ່ຽວ

ພາຊົມຫໍຄອຍຕໍເຣສ ເດ ເຊຣາໂນສ (Torres de Serranos) ເປັນປ້ອມປາການເມືອງຍຸກກາງທີ່ຕັ້ງຢູ່ປະມານທິດຕາເວັນຕົກສຽງເໜືອຂອງເຂດເມືອງເກົ່າ ຖືວ່າເປັນໜຶ່ງໃນຈຸດຊົມວິວເມືອງທີ່ດີທີ່ສຸດຂອງເມືອງ

ຊົມມະຫາວິຫານວາເລນເຊຍ ຖືກສ້າງຂຶ້ນໃນສະໄຕລ໌ຜະສົມຜະສານ ເຊັ່ນ ກອທິກ , ນີໂອຄລາສສິກ , ບາຣັອກ ແລະ ຕິດກັນເປັນໂບດແມ່ພະ ນັກບຸນຜູ້ອຸປະຖຳປະຈຳເມືອງ ຕະຫຼອດສອງຂ້າງທາງມີຮ້ານອາຫານ, ບາ, ຮ້ານກາເຟ ແລະ ຮ້ານຂາຍຂອງທີ່ລະນຶກຫຼາຍຮ້ານ

ຊົມຍ່ານໃຈກາງຈັດຕຸລັດເມືອງເກົ່າ ເຊິ່ງເປັນທີ່ຕັ້ງຂອງສານາທີ່ວ່າການເມືອງ , ທີ່ທຳການໄປສະນີ, ຮ້ານຄ້າ, ສະໜາມສູ້ງົວກະທິງ ແລະ ບໍ່ພາດໄປຢ້ຽມຢາມ ມະຫາວິຫານວາເລນເຊຍ ຫຼື ມະຫາວິຫານຊານຕາມາເລຍແຫ່ງບາເລນເຊຍ (Catedral de Santa Maria de Valencia) ມະຫາວິຫານທີ່ຕັ້ງຢູ່ບໍລິເວນໃຈກາງເມືອງເກົ່າທີ່ຖືກລ້ອມຮອບໄປດ້ວຍອາຄານສຳຄັນໆຫຼາຍແຫ່ງ

ຖ້າມີເວລາເຫຼືອ ເມືອງແຫ່ງສິລະປະ ແລະ ວິທະຍາສາດ (City of Arts and Sciences) ອີກໜຶ່ງສະຖານທີ່ທ່ອງທ່ຽວທີ່ມີຄວາມສຳຄັນຂອງເມືອງບາເລນເຊຍ ເປັນອາຄານທີ່ມີຄວາມໂດດເດັ່ນທາງດ້ານສະຖາປັດຕະຍະກຳ ແລະ ວັດທະນະທຳທີ່ສັບຊ້ອນ ໄດ້ຮັບການອອກແບບໂດຍ Santiago Calatrava ແລະ Felix Candela ສ້າງເທິງພື້ນທີ່ທັງໝົດ 350,000 ຕຣ.ໄມລ໌

ຢ້ຽມຢາມ ຊານ ມີເກວ ເດ ລອສ ເຣເຢສ (San Miguel De Los Reyes Monastery) ເປັນອາຣາມເກົ່າແກ່ທີ່ຖືກສ້າງຂຶ້ນໃນຊ່ວງສະຕະວັດທີສິບຫົກ ໂດຍດຽກແຫ່ງກາລາເບຣຍ (Duque de Calabria) ເປັນອາຣາມທີ່ຖືກສ້າງຂຶ້ນໃນຍຸກຟື້ນຟູສິລະປະວິທະຍາທີ່ຖືວ່າມີຄວາມສັບຊ້ອນທາງສະຖາປັດຕະຍະກຳ ເປັນໜຶ່ງໃນອາຄານທີ່ຖືວ່າເປັນຕົວຢ່າງທີ່ຍອດຢ້ຽມຂອງສິລະປະວາເລນເຊຍອີກດ້ວຍ

ອອກເດີນທາງໄປພັກຄືນທີ່ເມືອງ Murcia

hotel ພັກແຮມ Murcia : · ຕົວຢ່າງໂຮງແຮມ Balneario de Archena - Hotel Leon

ຖ້າຕ້ອງການຕອນເຊົ້າ ແວະທ່ຽວເມືອງ Murcia ເລັກນ້ອຍ ຍ່າງຫຼິ້ນຕາມຝັ່ງອ່າວບັນຍາກາດດີໆ ຈາກນັ້ນອອກເດີນທາງສູ່ເມືອງ Granada ເມືອງທີ່ໝັ້ນດ່ານສຸດທ້າຍຂອງຊາວມົວ ເປັນອະດີດນະຄອນຫຼວງຂອງພວກມົວ ເມືອງທີ່ມີຄວາມຈະເລີນສູງສຸດທັງທາງວັດຖຸ ແລະ ສິລະປະທີ່ຜະສົມຜະສານກັນຢ່າງລົງຕົວຂອງພວກມົວ ແລະ ຊາວຢິວ

ພາຊົມພະລາຊະວັງອາລຳບຣາ (Alhambra Palace) ອັນງົດງາມຍິ່ງໃຫຍ່ ແລະ ມີຄວາມລະອຽດຫຼາຍ ຖືເປັນສິ່ງມະຫັດສະຈັນຂອງໂລກ ທີ່ເຖິງແມ່ນບໍ່ມີອັນດັບຢ່າງເປັນທາງການ ແຕ່ກໍເປັນສຸດຍອດທາງສິລະປະຂອງມົວ ຊົມພາຍໃນພະລາຊະວັງຫຼວງ (Nasrid Palace) ສວນງາມ ແລະ ພະລາຊະວັງເຫເນຣາລີເຟ ພະລາຊະວັງລະດູຮ້ອນຂອງສຸລຕານ ຄວາມງົດງາມຂອງອຸທະຍານສວນອັນຮົ່ມຮື່ນ (ຄວນຈອງປີ້ລ່ວງໜ້າ)

ຈາກນັ້ນພາທ່ຽວຍ່ານອັນໄບຊິນ (Albayzin) ຊົມມະຫາວິຫານ ແລະ ໂບດຫຼວງ (Capilla Real) ແລະ ຍ່ານຊັອບປິ້ງ ຍາມຄ່ຳຄືນຂອງເມືອງນີ້ຄຶກຄັກ ແລະ ເຕັມໄປດ້ວຍຊີວິດຊີວາ

ພັກຄືນ Granada : ຕົວຢ່າງໂຮງແຮມ Reina Cristina 5 Malaga - Seville

ອອກເດີນທາງສູ່ເມືອງເຊບີຢາ (Seville) ຫຼື ເຊວິລ ເມືອງໃຫຍ່ອັນດັບ 4 ຂອງສະເປນ ຢູ່ທາງໃຕ້ຂອງສະເປນ ເປັນນະຄອນຫຼວງຂອງແຄວ້ນ Andalucia ຢູ່ບໍ່ໄກຈາກຊາຍແດນທີ່ຈະຂ້າມຝັ່ງໄປ Morocco

ເປັນເມືອງທ່ອງທ່ຽວທີ່ດັງລະດັບໂລກ ຊົມມະຫາວິຫານແຫ່ງເຊບີຢາ (Catedral de Sevilla) ເປັນໂບດສະໄຕລ໌ Gothic ທີ່ໃຫຍ່ທີ່ສຸດໃນໂລກ ມີຂະໜາດໃຫຍ່ເປັນອັນດັບສາມຮອງຈາກມະຫາວິຫານເຊັນປີເຕີທີ່ນະຄອນໂຣມ ແລະ ເຊັນປອລທີ່ລອນດອນ ແລະ ໃຫຍ່ທີ່ສຸດໃນສະເປນ

ສ້າງດ້ວຍສິລະປະແບບໂກທິກ ພາຍໃນຕົກແຕ່ງໄດ້ຢ່າງງົດງາມວິຈິດ ສ້າງຂຶ້ນແທນທີ່ຕັ້ງຂອງມັດສະຍິດເດີມ ໂດຍຕ້ອງການໃຫ້ຍິ່ງໃຫຍ່ແບບບໍ່ມີໃຜປຽບທຽບໄດ້

ຊົມພະລາຊະວັງຫຼວງອັລກາຊາ (Alcazar of Seville) ຈາກຄວາມຄິດສ້າງສັນຂອງຊາວມົວ ໃນອະດີດເຄີຍເປັນພະລາຊະວັງຂອງກະສັດສະເປນມາກ່ອນ

ຊົມຈັດຕຸລັດເອສປັນຢາ (Plaza de Espaya) ຈັດຕຸລັດທີ່ຍິ່ງໃຫຍ່ງົດງາມທີ່ສຸດ ສະຖານທີ່ຖ່າຍທຳ Star Wars ຫຼາຍພາກ ຊົມຫໍຄອຍຄຳ (Torre del Oro) ຊົມທົວສະໜາມສູ້ງົວກະທິງ (Plaza de Toros de la Maestranza) ຖ້າຕ້ອງການ

6 CORDOBA - Toledo

ເດີນທາງໄປເມືອງກໍໂດບາ ເມືອງທາງພາກໃຕ້ຂອງສະເປນ ໃນແຄວ້ນກະສິກຳ ທີ່ຜະລິດນ້ຳມັນໝາກກອກເທດ ພືດໄຮ່ ໝາກອະງຸ່ນ ຝ້າຍ ແລະ ດອກຕາເວັນ ແຄວ້ນນີ້ອາກາດດີຕະຫຼອດປີ ເຮັດໃຫ້ເມືອງກໍໂດບາ ທີ່ໄດ້ຊື່ວ່າເປັນເພັດເມັດເອກແຫ່ງແຄວ້ນອັນດາລູເຊຍ ມີຮາກຈາກອານາຈັກຄາລິບຂອງຊາວມຸສລິມ ໃນສະຕະວັດທີ 10 ເຄີຍຍິ່ງໃຫຍ່ຫຼາຍ ເປັນເມືອງໃຫຍ່ອັນດັບສອງຂອງໂລກ ຮອງຈາກອານາຈັກຄອນສະແຕນຕິໂນເປິນເທົ່ານັ້ນ ເພາະຈະເລີນຮຸ່ງເຮືອງ ສ້າງມະຫາວິທະຍາໄລ ວັນນະກຳ ວິທະຍາສາດ ປັດຊະຍາ ແລະ ການແພດ

ພາຊົມຂົວແບບໂຣມັນ (ປູເອນເຕ ໂຣມາໂນ) ແລະ ເຂົ້າຊົມມັດສະຍິດຫຼວງເມຊກີຕາ ມັດສະຍິດທີ່ມີຂະໜາດໃຫຍ່ ສິລະປະຫຼາຍແບບຖືກຕົກແຕ່ງເພີ່ມເຕີມຢ່າງປະນີດຈົນສົມບູນ ໂດຍສະເພາະສິລະປະແບບມຸສລິມທີ່ເອີ້ນວ່າ “ມີຮ໌ຣັບ” ກະເບື້ອງເຊຣາມິກຂອງສິລະປິນຊາວມົວແທ້ໆ ງົດງາມຫຼາຍ

ຍ່າງຫຼິ້ນອ້ອມຕົວເມືອງ ແລະ ຊົມສວນຂອງເມືອງ ຈາກນັ້ນອອກເດີນທາງສູ່ເມືອງ Toledo ອະດີດນະຄອນຫຼວງຂອງສະເປນໃນຄຣິດສະຕະວັດທີ 13 ຖືເປັນສູນກາງປະຫວັດສາດ ແລະ ວັດທະນະທຳ ຜະສົມ 3 ວັດທະນະທຳ ຄື ຄຣິສຕຽນ, ອິສລາມ ແລະ ຮີບຣູ ຕົວເມືອງມີຄວາມແຕກຕ່າງຂອງສະຖາປັດຕະຍະກຳແບບອາຣາບິກ, ມູເດຮາ, ໂກທິກ ແລະ ເຣເນຊອງສ໌

ພາຊົມເມືອງເກົ່າທີ່ຢູ່ເທິງເນີນພູ ລ້ອມຮອບດ້ວຍແມ່ນ້ຳນ້ອຍໆອ້ອມເມືອງ ຊົມມະຫາວິຫານປຣີມາດາ ຫຼື ມະຫາວິຫານແຫ່ງໂຕເລໂດ (Catedral Primada) ທີ່ງົດງາມທີ່ສຸດຂອງເມືອງ

ຊົມຈັດຕຸລັດໂຊໂກໂດເບີ (Plaza de Zocodover) ພິພິທະພັນຊານຕາກຣູຊ (Museo de Santa Cruz) ຊົມ Alcazar Palace ອັນຍິ່ງໃຫຍ່ ສະຖາປັດຕະຍະກຳແບບໂກທິກທີ່ຍິ່ງໃຫຍ່ງົດງາມແຫ່ງໜຶ່ງຂອງໂລກ ໃຊ້ເວລາສ້າງຍາວນານ ເດີມມຸສລິມໃຊ້ເປັນມັດສະຍິດ ຕໍ່ມາໄດ້ກໍ່ສ້າງຮູບທົງແບບໂກທິກໃນປີ 1226 ແລະ ເພີ່ມສິລະປະແບບມູເດຮາ ບາຣັອກ ແລະ ນີໂອຄລາສສິກ ຈົນສຳເລັດສົມບູນໃນອີກ 300 ປີຖັດມາ ນັບເປັນມໍລະດົກສະແດງຄວາມເປັນເມືອງສາສະໜາຂອງສະເປນ ພາຍໃນມະຫາວິຫານມີການຕົກແຕ່ງຢ່າງງົດງາມວິຈິດ

ຈາກນັ້ນ ໂບດຊານໂຕ ໂຕເມ (Iglesia de Santo Tome) ແລະ ຍ່າງຫຼິ້ນອ້ອມເມືອງ ກິນອາຫານທ້ອງຖິ່ນ ແລະ ຊັອບປິ້ງຂອງພື້ນເມືອງ ຄື ດາບ ແລະ ມີດເຫຼັກກ້າ

ກ່ອນຕາເວັນຈະຕົກດິນ ໄປຈຸດຊົມວິວ ເພື່ອຊົມທິວທັດຂອງເມືອງໂຕເລໂດທັງເມືອງ ເຊິ່ງເປັນທິວທັດທີ່ຈິດຕະກອນຊື່ດັງຂອງສະເປນ ເອລ ເກຣໂກ (EI Greco) ສ້າງສັນພາບຊື່ດັງຂຶ້ນມາກ້ອງໂລກ

7 Madrid

ມື້ນີ້ເດີນທາງໄປທ່ຽວ ນະຄອນມາດຣິດ ນະຄອນຫຼວງຂອງປະເທດສະເປນທີ່ເກົ່າແກ່ນັບພັນປີ ເປັນນະຄອນຫຼວງທີ່ງົດງາມທີ່ສຸດແຫ່ງໜຶ່ງຂອງໂລກ

ພາທ່ຽວໃຈກາງນະຄອນມາດຣິດ ນະຄອນຫຼວງຂອງປະເທດສະເປນ ຊົມ Real Casa de Correos (ຫຼັກກິໂລແມັດທີ 0) ຊົມ Plaza Mayor, ຕະຫຼາດຊານມີເກວ (Mercado de San Miguel) ທີ່ນີ້ມີອາຫານ ຂອງຝາກໃຫ້ເລືອກຊື້ຫຼາຍຢ່າງ ອາຫານປະຈຳຊາດສະເປນທີ່ຢາກແນະນຳໃຫ້ລອງກິນ ຄື Jamon

ຈາກນັ້ນນຳທ່ານຊົມ ພະລາຊະວັງຫຼວງມາດຣິດ (Royal Palace of Madrid) ທີ່ຕັ້ງຢູ່ຕາມຝັ່ງແມ່ນ້ຳຊານາເຣສ ແລະ ງົດງາມບໍ່ແພ້ພະລາຊະວັງດັງໆໃນເອີຣົບ ສ້າງດ້ວຍຫີນທັງຫຼັງ ຜະສົມຜະສານລະຫວ່າງສິລະປະແບບຝຣັ່ງ ແລະ ອິຕາລີ ປະກອບດ້ວຍຫ້ອງຕ່າງໆຫຼາຍເຖິງ 2,830 ຫ້ອງ

ຊົມຈັດຕຸລັດເອສປັນຢາ (Plaza de Espana) ຊັອບປິ້ງຖະໜົນກຣານເບຍ (Gran Via) ທີ່ມີຄວາມຍາວ 1.3 ກິໂລແມັດ ແລະ ໄປຕໍ່ທີ່ຈັດຕຸລັດຊີເບເລສ (Plaza de Cibeles) ປູເອຕາ ເດ ອັລກາລາ (Puerta de Alcala) ເຊິ່ງເປັນປະຕູເມືອງອັນງົດງາມ ຖ້າມີເວລາຍ່າງຫຼິ້ນສວນສາທາລະນະບູເອນເຣຕິໂຣ (Parque del Buen Retiro)

ສຳລັບທ່ານໃດທີ່ສົນໃຈ ແລະ ມັກບານເຕະເປັນພິເສດ ສາມາດເລືອກຊົມທົວສະໜາມທີມບານເຕະເຣອັລມາດຣິດ (Estadio Santiago Bernabeu) ເພີ່ມເຕີມໄດ້

8 Segovia - San Lorenzo de El Escorial

ອອກເດີນທາງສູ່ເມືອງເຊໂກເບຍ (Segovia) ບໍ່ໄກຈາກມາດຣິດ ເພື່ອໄປຊົມມະຫາວິຫານແຫ່ງເມືອງເຊໂກເບຍ (Catedral de Segovia) ແລະ ຂົວສົ່ງນ້ຳໂຣມັນ (Aqueduct of Segovia) ເຊິ່ງເປັນສັນຍາລັກທີ່ຕິດຕາເມື່ອມາທ່ຽວເມືອງນີ້ ຊົມອັລກາຊາແຫ່ງເຊໂກເບຍ (Alcazar of Segovia Castle)

ນຳທ່ານເດີນທາງໄປທ່ຽວ ພະລາຊະຖານ ຊານ ໂລເຣນໂຊ ເດ ເອລເອສໂກເຣຍລ (San Lorenzo de El Escorial) ຫຼື ເອີ້ນຢ່າງຍໍ້ວ່າ ເອລເອສໂກເຣຍລ (El Escorial) ໃນອະດີດເປັນທີ່ປະທັບຂອງກະສັດແຫ່ງສະເປນ ສ້າງຂຶ້ນໃນສະໄໝຂອງພະເຈົ້າຟີລິບທີ 2 ເມື່ອປີ ຄ.ສ. 1563-1584 ລວມໄລຍະເວລາໃນການສ້າງດົນ 21 ປີ El Escorial ປະກອບດ້ວຍໂຮງຮຽນ ຕັ້ງຢູ່ດ້ານນອກພະລາຊະວັງ ແລະ ມີພະລາຊະວັງຂະໜາດໃຫຍ່ດ້ານໃນ ມີໂບດໂຣມັນ ວິຫານຄໍຢາດ ຫໍສະໝຸດ ແລະ ພິພິທະພັນ ມີຫໍຄອຍ 4 ຫຼັງສູງໂດດເດັ່ນເປັນສະງ່າ ມີສວນທີ່ເຮັດຄືເຂົາວົງກົດຢູ່ດ້ານຂ້າງຂອງພະລາຊະວັງ

ແລ້ວເດີນທາງກັບມາພັກຄືນທີ່ມາດຣິດ

9 Madrid - Airport

ມື້ນີ້ ບໍ່ມີທົວ ພວກເຮົາຈັດລົດສົ່ງທ່ານທີ່ສະໜາມບິນມາດຣິດ

hotel ພັກແຮມ Madrid : · ຕົວຢ່າງໂຮງແຮມ Rincon de Gran Via ຄືນທີສອງ