ທົວສ່ວນຕົວເອີຣົບ (SPN007) ແກຣນ ປອກຕຸຍການ-ສະເປນ (9 ມື້ 8 ມື້)

ຮັບທ່ານ ນະ ສະໜາມບິນກຸງລິດສະບອນ (Lisbon)ນຳຄະນະເດີນທາງສູ່ເມືອງຊິນທຣາ (Sintra) (ໄລຍະທາງ 30 ກິໂລແມັດ ໃຊ້ເວລາເດີນທາງປະມານ 30 ນາທີ)

ເມືອງແຫ່ງປະຫວັດສາດທີ່ສວຍງາມທີ່ສຸດເມືອງໜຶ່ງຂອງປອກຕຸຍການ (Portugal) ເປັນທີ່ຕັ້ງຂອງປາສາດເພນາ (Pena Castle) ພະລາຊະວັງແຫ່ງຊາດ (National Palace) ພະລາຊະວັງເຄລຸຊ(Queluz) ໄດ້ຮັບປະກາດຈາກອົງການຢູເນສໂກໃຫ້ເປັນເມືອງມໍລະດົກໂລກໃນປີ ຄ.ສ. 1995

ນຳທ່ານຊົມຕົວເມືອງເກົ່າຊິນທຣາທີ່ມີອາຍຸມາຕັ້ງແຕ່ສະຕະວັດທີ 11 ເຂດເມືອງເກົ່າທີ່ມີຖະໜົນປູລາດດ້ວຍດິນຈີ່ ແລະ ຫີນແກຣນິດ

ນຳຄະນະເດີນທາງສູ່ຊາຍຝັ່ງຕາເວັນຕົກ ນຳຊົມຈຸດທີ່ຢູ່ທາງທິດຕາເວັນຕົກທີ່ສຸດຂອງທະວີບເອີຣົບທີ່ ແຫຼມໂຣກາ (Cabo Da Roca) ເຊີນທ່ານຮັບໃບປະກາດສະນີຍະບັດ ຜູ້ພິຊິດແຜ່ນດິນຕາເວັນຕົກສຸດຂອງເອີຣົບ ພ້ອມຖ່າຍຮູບເປັນທີ່ລະນຶກນຳຄະນະເດີນທາງເຂົ້າສູ່ ກຸງລິດສະບອນ (Lisbon)ເມືອງຫຼວງຂອງປະເທດປອກຕຸຍການ (Portugal)ເຊິ່ງຕັ້ງຢູ່ໃນທະວີບເອີຣົບຕອນໃຕ້ເທິງແຫຼມໄອບີເຣຍ (Iberian Peninsula)ນຳທ່ານທ່ຽວຊົມ ກຸງລິດສະບອນ (Lisbon)ເມືອງຫຼວງອັນເກົ່າແກ່ມີປະຫວັດຍາວນານກວ່າ 800 ປີຂອງປອກຕຸຍການ (Portugal)ເມືອງໄດ້ຮັບການ ບູຣະນະຂຶ້ນມາໃໝ່ ຈາກເຫດການແຜ່ນດິນໄຫວ ເຮັດໃຫ້ລິດສະບອນ (Lisbon) ມີຄວາມສວຍງາມ ແລະ ມີເອກະລັກເປັນຂອງຕົນເອງ

ນຳຄະນະເຂົ້າຊົມ ມະຫາວິຫານເຊໂຣນິມອສ(Mosteiro dos Jeronimos) ອີກໜຶ່ງມໍລະດົກໂລກທີ່ສຳຄັນຢູ່ໃນ ເຂດເບເລງ (Belem) ມະຫາວິຫານງານສະຖາປັດຕະຍະກຳແບບມານູເອວລາຍ (Manueline) ໃຊ້ເວລາ ກໍ່ສ້າງເຖິງ 70 ປີ ແລະ ໄດ້ຮັບການຮັບຮອງຈາກອົງການຢູເນສໂກຂຶ້ນທະບຽນເປັນມໍລະດົກໂລກ ເປັນສະຖານທີ່ຝັງຮ່າງຂອງ ວາສໂກ ດາກາມາ ນັກເດີນເຮືອຜູ້ຍິ່ງໃຫຍ່ຂອງໂລກ

ຈາກນັ້ນແວ່ໄປຖ່າຍຮູບກັບອະນຸສາວະລີດິສຄັຟເວີຣີ (Monument to the Discoveries) ສ້າງຂຶ້ນໃນປີ ຄ.ສ. 1960 ເພື່ອສະເຫຼີມສະຫຼອງພະຊົນມາຍຸຄົບ 500 ປີ ຂອງເຈົ້າຊາຍເຮນຣີ ເດີເນວີເກເຕີ ແລະ ຍົກຍ້ອງນັກເດີນເຮືອສຳຫຼວດຮອບໂລກ ແວ່ຖ່າຍຮູບກັບ ຫໍຄອຍເບເລງ (Torre de Belem) ຫໍຄອຍທີ່ເປັນສັນຍະລັກຢ່າງໜຶ່ງຂອງກຸງລິດສະບອນ (Lisbon) ສ້າງຂຶ້ນໃນປີ 1515 ເດີມສ້າງໄວ້ກາງນ້ຳ ເພື່ອເປັນປ້ອມຮັກສາການ ເບິ່ງແຍງການເດີນເຮືອເຂົ້າອອກ ແລະ ເປັນຈຸດເລີ່ມຕົ້ນຂອງການເດີນເຮືອອອກໄປສຳຫຼວດ ແລະ ຄົ້ນພົບໂລກຂອງ ວາສໂກ ດາກາມາ ແລະ ນັກເດີນເຮືອຊາວປອກຕຸຍການ

ຈາກນັ້ນນຳຄະນະເຂົ້າສູ່ ຢ່ານໄບຣ໌ໂຣ ອັນໂຕ (Bairro Alto)ເຄີຍເປັນທີ່ຢູ່ອາໄສຂອງພໍ່ຄ້າມາກວ່າ 400 ປີທີ່ເຂົ້າມາຄ້າຂາຍກັບປອກຕຸຍການ (Portugal) ອິດສະຫຼະທ່ານຊັອບປິ້ງສິນຄ້າແບຣນເນມ ຮ້ານກາເຟ ແຫຼ່ງນັດພົບຂອງສິນລະປິນ ແລະ ນັກຂຽນ

ເຊົ້ານີ້ ນຳຄະນະອອກເດີນທາງແຕ່ເຊົ້າ ເພື່ອເດີນທາງສູ່ ເມືອງເຊວິນ ຫຼື ເຊບີຢາ (Seville) ປະເທດແອັດສະປາຍ (ໄລຍະທາງ 460 ກິໂລແມັດ ໃຊ້ເວລາເດີນທາງປະມານ 4 ຊົ່ວໂມງ 30 ນາທີ) ເມືອງໃຫຍ່ອັນດັບ 4 ຂອງປະເທດແອັດສະປາຍ ເຊິ່ງຕັ້ງຢູ່ໃນແຄວ້ນອັນດາລູເຊຍ ເປັນເມືອງທີ່ມີມໍລະດົກທາງວັດທະນະທຳ ເປັນເມືອງທີ່ເຕັມໄປດ້ວຍຄວາມຂຽວສົດຊື່ນ ສວນສາທາລະນະ ແລະ ສວນດອກໄມ້ ງານບຸນປະເພນີທີ່ຈັດຂຶ້ນໃນເມືອງເຊບີຢາໄດ້ຮັບການກ່າວຂານຫຼາຍທີ່ສຸດ ຍ້ອນວ່າເປັນເມືອງທີ່ມີຊີວິດຊີວາຫຼາຍທີ່ສຸດໃນແຄວ້ນອັນດາລູເຊຍ ເມືອງນີ້ເຄີຍຢູ່ພາຍໃຕ້ການປົກຄອງຂອງຊາວມົວມາດົນກວ່າ 800 ປີ ຈຶ່ງໄດ້ຮັບອິດທິພົນສິລະປະແບບຊາວມົວຂ້ອນຂ້າງຫຼາຍ

ບ່າຍ ນຳຄະນະເຂົ້າຊົມ ວິຫານແຫ່ງເມືອງເຊບີຢາ (Seville Cathedral)ມີຂະໜາດໃຫຍ່ທີ່ສຸດໃນແອັດສະປາຍເປັນອັນດັບສາມຂອງໂລກຮອງຈາກມະຫາວິຫານເຊັນຕ໌ປີເຕີ (St Peter Cathedral) ທີ່ກຸງໂຣມ ແລະ ເຊັນຕ໌ ປໍລ (St Paul) ທີ່ລອນດອນ ເປັນສະຖາປັດຕະຍະກຳປະສົມປະສານແບບຊາວມົວ ພາຍໃນເປັນບ່ອນບັນຈຸສົບຂອງຜູ້ຄົ້ນພົບທີ່ຍິ່ງໃຫຍ່ “ຄຣິສໂຕເຟີ ໂຄລຳບັສ” ສ້າງຂຶ້ນແທນບ່ອນຕັ້ງຂອງມັດສະຍິດເດີມ ໂດຍຕ້ອງການໃຫ້ຍິ່ງໃຫຍ່ແບບບໍ່ມີໃຜທຽບທຽມໄດ້ ໃນຫ້ອງເກັບຊັບສົມບັດລ້ຳຄ່າ ມີທັງຮູບແຕ້ມ, ເຄື່ອງໃຊ້ໃນພິທີຂອງສາດສະໜາທີ່ເຮັດມາຈາກຄຳ ແລະ ເງິນ ລ້ວນແຕ່ປະເມີນຄ່າບໍ່ໄດ້ ຜ່ານຊົມ ຫໍຄອຍຄຳ (TORRE DEL ORO) ເປັນຫໍພິພິທະພັນທາງທະເລ ຕັ້ງຢູ່ແຄມແມ່ນ້ຳກວາດັລກີບີຣ໌ແມ່ນ້ຳສາຍຫຼັກຂອງເມືອງ ຜ່ານຊົມ ອັລກາຊາຣ໌ ເຊິ່ງເປັນພະລາຊະວັງທີ່ປະທັບຂອງກະສັດແອັດສະປາຍຫຼາຍພະອົງ ຕົກແຕ່ງແບບມູເດຄາຣ໌

ຊົມ ພລາຊາ ເດ ເອສປານຢາ Plaza de Espana ຈະຕຸລັດໂຄ້ງເຄິ່ງວົງມົນ ແຕ່ລະໂຄ້ງປະຕູຕິດຕັ້ງກາປະຈຳແຂວງເຮັດດ້ວຍເຊຣາມິກງາມ ຕື່ນຕາກັບການສະແດງ “ຟລາເມງໂກ” ຟ້ອນລະບຳປະຈຳຊາດແອັດສະປາຍ

ນຳຄະນະອອກເດີນທາງສູ່ ເມືອງກຣານາດາ (Granada) (ໄລຍະທາງ 260 ກິໂລແມັດ ໃຊ້ເວລາເດີນທາງປະມານ 3 ຊົ່ວໂມງ)ອານາຈັກທີ່ໝັ້ນສຸດທ້າຍທີ່ປົກຄອງໂດຍມົວຣ໌ດົນທີ່ສຸດ ເຄີຍມີຖານະເປັນເມືອງຫຼວງ ປະຈຳແຂວງໃນສະໄໝກາຫຼິບແຫ່ງກໍຣ໌ໂດບາ ເຖິງ 60 ປີ ປັດຈຸບັນ ກຣານາດາເປັນເມືອງຫຼວງຂອງແຂວງກຣານາດາໃນແຄວ້ນປົກຄອງຕົນເອງອັນດາລູເຊຍ ປະເທດແອັດສະປາຍ ຕັ້ງຢູ່ຕີນສາຍພູເຊຍຣາເນວາດາຕົງບໍລິເວນທີ່ແມ່ນ້ຳດາຣ໌ໂຣ (Darro) ແລະ ແມ່ນ້ຳເຄນິລ (Genil) ມາບັນຈົບກັນ ທີ່ລະດັບຄວາມສູງ 738 ແມັດຈາກລະດັບນ້ຳທະເລ

ບໍລິການ ອາຫານທ່ຽງ ນະ ພັດຕາຄານອາຫານທ້ອງຖິ່ນ

ບ່າຍ ນຳທ່ານຊົມ ເມືອງກຣານາດາ (Granada) ເມືອງພາຍໃຕ້ອິດທິພົນອິດສະລາມເມືອງສຸດທ້າຍທີ່ຖືກກະສັດແອັດສະປາຍຍຶດກັບຄືນມາໄດ້ໃນປີຄ.ສ. 1492 ເຂົ້າຊົມ ພະລາຊະວັງອາລຳບຣາ (La Alhambra Palace) ເປັນ ພະລາຊະວັງ ປ້ອມປາການ ແລະ ເປັນສູນກາງການປົກຄອງໃນສະໄໝນັ້ນ ບໍລິເວນເຂດພະລາຊະວັງອາລຳບຣາ ທັງໝົດລວມເຖິງສວນເຄເນຣັລລິເຟ Generalife Gardenແລະສວນອັລໄບຊິນ (Albaicin Garden) ໄດ້ຮັບການຂຶ້ນທະບຽນເປັນມໍລະດົກໂລກຈາກ Unesco ໃນປີ ຄ.ສ. 1984 ເຂດ ພະລາຊະວັງອາລຳບຣາ ປະກອບດ້ວຍສ່ວນທີ່ເປັນປ້ອມປາການ ມີກຳແພງ ແລະ ຫໍຮົບທີ່ສ້າງດ້ວຍຫີນສີແດງ ເຮັດໃຫ້ໄດ້ຊື່ໃນພາສາອາຣັບວ່າ ກາລັດອັລຮາມບຣາ ເຊິ່ງແປວ່າ ປ້ອມແດງ

ຈາກນັ້ນ ນຳທ່ານແວ່ທີ່ ຈັດຕຸລັດຊານຕາ ອານາ (Plaza Santa Ana) ແລະ ພລາຊາ ນູວາ (Plaza Nueva) ເຊິ່ງຢູ່ບໍລິເວນ ຕີນພູອາລຳບຣາ (Alhambra Hill) ບ່ອນນີ້ ທ່ານຈະໄດ້ຊັອບປິ້ງ ແລະ ອີ່ມທ້ອງໄປກັບ ຮ້ານຄ້າທີ່ມີອາຫານໃຫ້ທ່ານໄດ້ເລືອກຊື້ຢ່າງຫຼວງຫຼາຍ

ກິນ ອາຫານເຊົ້າ ທີ່ ຫ້ອງອາຫານໂຮງແຮມທີ່ພັກ

ນຳທ່ານອອກເດີນທາງສູ່ ເມືອງຄໍໂດບາ (Cordoba) (ໄລຍະທາງ 201 ກິໂລແມັດ ໃຊ້ເວລາເດີນທາງປະມານ 2 ຊົ່ວໂມງ 30 ນາທີ) ຊົມເມືອງພາຍໃຕ້ການປົກຄອງຂອງກາຫຼິບທີ່ມີຄວາມຈະເລີນຮຸ່ງເຮືອງທີ່ສຸດຂອງເອີຣົບໃນສະຕະວັດທີ 10 ມີການສ້າງມະຫາວິທະຍາໄລ ເນັ້ນການຮຽນຮູ້ດ້ານວັນນະຄະດີ ແລະ ວິທະຍາສາດ ປັດຊະຍາ ແລະ ການແພດ

ນຳທ່ານຊົມ ເມືອງຄໍໂດບາ ຜ່ານເຂດກຳແພງເມືອງບູຮານ ເຊິ່ງດ້ານຫຼັງຈະເປັນຊຸມຊົນຊາວຢິວອາໄສຢູ່ ຜາສາດອັນຄາຊາ (Alcazar Castle)

ຕອນບ່າຍ ພາທ່ານ ເຂົ້າຊົມມັດສະຍິດເມສກິຕາ (Mezquita) ມັດສະຍິດທີ່ມີຂະໜາດໃຫຍ່ຂອງບັນດາກາຫຼິບແຫ່ງອູໄມຢາດ ຄວາມໂດດເດັ່ນຂອງສາດສະນະສະຖານແຫ່ງນີ້ແມ່ນການສ້າງໂບດໃນຄຣິດສາດສະໜາ ໃຫ້ປະສົມປະສານຢ່າງກົມກຽວກັບມັດສະຍິດໃນສາດສະໜາອິດສະລາມ ຈຶ່ງເປັນສະຖາປັດຕະຍະກຳທີ່ສະທ້ອນເຖິງຄວາມຈະເລີນຮຸ່ງເຮືອງດ້ານສິລະປະ ແລະ ສາດສະໜາ ແຕ່ໃນຂະນະດຽວກັນ ສິລະປະແບບມຸດສະລິມເຊິ່ງກໍຄື ມິຮຣາບ ເຊິ່ງຖືເປັນສະຖາປັດຕະຍະກຳຊິ້ນເອກເທິງກະເບື້ອງເຊລາມິກຂອງສິລະປິນຊາວມົວແທ້ໆ ໄດ້ຮັບການອະນຸຮັກໃຫ້ຄົງຄຸນຄ່າ ແລະ ຄວາມງາມໄວ້ເປັນຢ່າງດີ ນຳຄະນະຖ່າຍຮູບກັບ ອັນກາຊາ ເດ ໂລສ ເຣເຢສ ກຣິສເຕຍໂນສ Alcazar de los Reyes Cristianos ເຄີຍເປັນບ່ອນປະທັບຂອງພະເຈົ້າເຟນານໂດ ສ້າງໃນປີ 1328

ແລະ ຂົວໂຣມັນ ປູເອເຕ ໂຣມາໂນ (The Puente Romano) ທອດຕົວຂ້າມແມ່ນ້ຳກົວດັນກິບີ (Guadalquivir River) ກັງຫັນວິດນ້ຳ ບົ່ງບອກເຖິງວິຖີຊີວິດ ແລະ ການນຳໃຊ້ພະລັງງານນ້ຳສະໄໝໂຣມັນ ມີຫໍຄອຍປ້ອງກັນສັດຕູ

ເມື່ອໄດ້ເວລາ ນຳຄະນະອອກເດີນທາງສູ່ ເມືອງໂຕເລໂດ (Toledo) (ໄລຍະທາງ 343 ກິໂລແມັດ ໃຊ້ເວລາເດີນທາງປະມານ 3 ຊົ່ວໂມງ 30 ນາທີ) ອະດີດເມືອງຫຼວງເກົ່າຕັ້ງແຕ່ຄຣິດສະຕະວັດທີ 13 ສູນກາງປະຫວັດສາດ ແລະ ວັດທະນະທຳຂອງແອັດສະປາຍ ຊື່ເມືອງໝາຍເຖິງການປະສົມປະສານຂອງ 3 ວັດທະນະທຳ ຄຣິສຕຽນ, ອິດສະລາມ ແລະ ຮີບຣູ ຕົວເມືອງຕັ້ງຢູ່ເທິງໜ້າຜາສູງ ເບື້ອງລຸ່ມອ້ອມຮອບໄປດ້ວຍ ແມ່ນ້ຳຕາກຸດ Tagus River ເໝາະແກ່ການປ້ອງກັນການຮຸກຮານຈາກສັດຕູ ແລະ ເປັນເມືອງທີ່ໄດ້ຮັບການຮັບຮອງຈາກອຸຍແນັສໂກວ່າເປັນເມືອງມໍລະດົກໂລກ

ນຳທ່ານຜ່ານຊົມສະຖານີລົດໄຟ ທີ່ເປັນຜົນງານສະຖາປັດຕະຍະກຳ ມູເດຄາ Mudejar ແລ້ວຂ້າມຂົວອັນກັນຕາຣາ Puente de San Martin ຂົວເກົ່າແກ່ທີ່ສຸດ ຜ່ານແມ່ນ້ຳຕາກຸດ Tagus River ເຂົ້າສູ່ເມືອງຊັ້ນໃນຂອງ ເມືອງໂຕເລໂດ Toledo

ຮັບປະທານ ອາຫານເຊົ້າ ທີ່ ຫ້ອງອາຫານໂຮງແຮມທີ່ພັກ

ນຳຄະນະ ຊົມປະຕູເມືອງບີຊາກຣາ (Gate of Bisagra (Toledo) ເປັນປະຕູທາງເຂົ້າເຂດເມືອງເກົ່າສ້າງໂດຍ The Emperor CarlosV ທຳອິດ ສ້າງໃນສະໄຕລ໌ອາຣັບ ແຕ່ຕໍ່ມາໄດ້ມີການ Modified ສະໄຕລ໌ Renaissance ໂດຍສະຖາປະນິກຊື່ Alongso ໃນປີ 1550

ຈາກນັ້ນ ນຳຄະນະເຂົ້າຊົມ ມະຫາວິຫານແຫ່ງໂຕເລໂດ (Toledo Cathedral) ສະຖາປັດຕະຍະກຳແບບໂກທິກທີ່ຍິ່ງໃຫຍ່ງົດງາມແຫ່ງໜຶ່ງຂອງໂລກ ແຕ່ເດີມຊາວມຸດສະລິມໃຊ້ເປັນສຸເຫຼົ່າ ຕໍ່ມາໄດ້ກໍ່ສ້າງຮູບຊົງແບບໂກທິກໃນປີ 1226 ແລະ ເພີ່ມສິລະປະແບບມູເດຄາ, ບາຣອກ ແລະ ນີໂອຄລາດສິກ ຈົນສຳເລັດສົມບູນໃນອີກ 300 ປີຕໍ່ມາ ພາຍໃນມີການຕົກແຕ່ງຢ່າງງົດງາມວິຈິດດ້ວຍໄມ້ຄວັດລາຍ ແລະ ພາບຄວັດຫີນອ່ອນ ມຸມດ້ານໃນເປັນອັນຄາຊາ ຜົນງານຂອງສະຖາປະນິກລະດັບສຸດຍອດໃນສະໄໝສະຕະວັດທີ 16

ຜ່ານຊົມ ໂບດຊານໂຕ-ໂຕເມ (Iglesia de Santo Tome) ແລະ ຍ່ານຊຸມຊົນຊາວຢິວ ລວມທັງ ໂບດຢິວຊິນາກອກ Sinagoga de Santa Mar?a La Blanca

ຈາກນັ້ນ ນຳຄະນະແວ່ຖ່າຍຮູບຈຸດຊົມວິວ ເພື່ອຊົມທິວທັດຂອງເມືອງໂຕເລໂດ ເຊິ່ງເປັນທິວທັດທີ່ຈິດຕະກອນຊື່ດັງຂອງແອັດສະປາຍ ເອນ ເກຣໂກ Ei Greco ໄດ້ເຄີຍຈຳລອງລົງເທິງແຜ່ນພາບຢ່າງສວຍງາມ ອິດສະຫຼະໃຫ້ທ່ານເລືອກຊື້ຂອງທີ່ລະນຶກໃນຍ່ານໃຈກາງເມືອງ ເປັນງານຝີມືທີ່ຮູ້ຈັກກັນດີ ມີຊື່ສຽງຂອງ ເມືອງໂຕເລໂດ ຄື ດາມັດເຊເນ Damascene ເປັນພາຊະນະໂລຫະຮົມດຳ ແລ້ວຂຶ້ນລວດລາຍດ້ວຍເສັ້ນໄຍຄຳ, ເງິນ ແລະ ທອງແດງ

ຈາກນັ້ນ ຍ່າງຊັອບປິ້ງໄປຕາມຖະໜົນ ຮ່ອມຊອຍ ທີ່ເຕັມໄປດ້ວຍຮ້ານຂາຍເຄື່ອງທີ່ລະນຶກ ແລະ ແບຣນເນມ

ອອກເດີນທາງສູ່ ເມືອງເຊໂກເວຍ (Segovia) (ໄລຍະທາງ 159 ກິໂລແມັດ ໃຊ້ເວລາເດີນທາງປະມານ 2 ຊົ່ວໂມງ) ເປັນເມືອງເອກຂອງແຂວງເຊໂກເວຍ ໃນແຄວ້ນກາສຕິນ ແລະ ເລອອນ ຂອງປະເທດແອັດສະປາຍ ຕັ້ງຢູ່ຕີນພູກົວດາຣາມາ ບໍລິເວນຈຸດບັນຈົບລະຫວ່າງແມ່ນ້ຳເອເຣສມາ (Eresma) ກັບແມ່ນ້ຳກລາໂມເຣສ (Clamores )

ນຳຄະນະຊົມເມືອງເຊໂກເວຍ ( Segovia) ຖ່າຍຮູບກັບ ມະຫາວິຫານແຫ່ງເມືອງເຊໂກເວຍ (Segovia Cathedral ) ແລະ ຂົວສົ່ງນ້ຳໂຣມັນ (Roman Aquaduct) ນັບເປັນທໍ່ສົ່ງນ້ຳໂຣມັນທີ່ໃຫຍ່ທີ່ສຸດທີ່ຍັງຄົງເຫຼືອຢູ່ໃນແອັດສະປາຍ ມີໂຄ້ງ 165 ຊ່ວງ ແລະ ສູງ 29 ແມັດ

ນຳຄະນະຊົມເຂດເມືອງເກົ່າເຊິ່ງອ້ອມຮອບດ້ວຍກຳແພງທີ່ສ້າງຂຶ້ນຕັ້ງແຕ່ຄຣິດສະຕະວັດທີ 8 ແລະ ໄດ້ຮັບການບູລະນະໃນລະຫວ່າງຄຣິດສະຕະວັດທີ 15

ນຳຄະນະ ເຂົ້າຊົມຜາສາດແຫ່ງເຊໂກເວຍ ຫຼື ຜາສາດອັນກາຊາ (Alcazar of Segovia) ມີສົມຍານາມວ່າ ຜາສາດແຫ່ງເທບນິຍາຍ ຍ້ອນຄວາມສວຍສະຫງ່າງາມທີ່ແນມເຫັນໄດ້ຈາກພາຍນອກ ຕັ້ງຢູ່ເທິງໜ້າຜາສູງທີ່ແມ່ນ້ຳສອງສາຍໄຫຼມາບັນຈົບກັນ ສ້າງຂຶ້ນໃນສະໄໝສະຕະວັດທີ 13 ແລ້ວໄດ້ຮັບການຕໍ່ເຕີມໃນສະຕະວັດທີ 15 - 16 ມີລັກສະນະເໝາະແກ່ການຕັ້ງຮັບສັດຕູໃນອະດີດ ພາຍໃນຜາສາດໄດ້ຈັດເປັນພິພິທະພັນສຳລັບວາງສະແດງຂອງມີຄ່າທາງປະຫວັດສາດ ອຸຍແນັສໂກໄດ້ຂຶ້ນທະບຽນໃຫ້ເມືອງເຊໂກເວຍເປັນເມືອງມໍລະດົກໂລກທາງສິລະປະວັດທະນະທຳເມື່ອປີ ຄ.ສ. 1975

ຈາກນັ້ນ ນຳຄະນະອອກເດີນທາງສູ່ ນະຄອນຫຼວງມາດຣິດ (Madrid) (ໄລຍະທາງ 90 ກິໂລແມັດ ໃຊ້ເວລາເດີນທາງປະມານ 1 ຊົ່ວໂມງ) ເມືອງຫຼວງຂອງແອັດສະປາຍ Spain ມະຫານະຄອນອັນທັນສະໄໝລ້ຳຍຸກທີ່ເຊິ່ງກະສັດຟິລລິບທີ 2 ໄດ້ຊົງຍ້າຍບ່ອນປະທັບຈາກເມືອງໂຕເລໂດ ປະກາດໃຫ້ນະຄອນຫຼວງມາດຣິດ ເປັນເມືອງຫຼວງໃໝ່ສືບມາຮອດປະຈຸບັນ

6 ເອັສປາຍຢາສະແຄວ (Plaza De Espana) - ຈັດຕຸລັດຊີເບເລສ (Plaza de Cibeles) - ຈັດຕຸລັດປູເອຣ໌ຕາ ເດນ ໂຊນ (Puerta del sol) - ພລາຊາ ມາຢໍ (Plaza Mayor) ຮັບປະທານ ອາຫານເຊົ້າ ທີ່ ຫ້ອງອາຫານໂຮງແຮມທີ່ພັກ ນຳຄະນະທ່ຽວຊົມນະຄອນຫຼວງມາດຣິດ ເປັນເມືອງຫຼວງ ແລະ ເປັນເມືອງທີ່ໃຫຍ່ທີ່ສຸດຂອງປະເທດແອັດສະປາຍ ເປັນເມືອງໃຫຍ່ອັນດັບ 3 ຂອງທະວີບເອີຣົບ ຮອງຈາກ ນະຄອນຫຼວງລອນດອນ ແລະ ນະຄອນຫຼວງແບກແລງ

ນຳຄະນະຊົມ ເອັສປາຍຢາສະແຄວ (Plaza De Espana) ເຊິ່ງເປັນບ່ອນປະດິດສະຖານຮູບຫຼໍ່ທອງແດງຂອງ 2 ອັດສະວິນ ດອນ ກິໂຄເຕ ແລະ ຊານໂຊ ປັນຊາ ເທິງຫຼັງມ້າ ວິລະບູລຸດນັກຝັນຜູ້ຍິ່ງໃຫຍ່ ຜູ້ຈຸດປະກາຍໄຟແຫ່ງຄວາມຫວັງໃໝ່ໃນຊີວິດທີ່ດີກວ່າ ໃຫ້ແກ່ມວນມະນຸດສະຍະຊາດ

ຊົມ ຈັດຕຸລັດຊີເບເລສ (Plaza de Cibeles) ງົດງາມໄປດ້ວຍນ້ຳພຸ ຊົມຮູບຄວັດຫີນອ່ອນເທບທິດາຊີເບເລສ ນັ່ງເທິງລົດເຊິ່ງທຽມດ້ວຍສິງໂຕ 2 ໂຕທີ່ຄວັດດ້ວຍຫີນອ່ອນເຊັ່ນກັນ ມີອາຄານໂກຣ໌ເຣໂອສ ທີ່ມີສີຂາວຮູບຮ່າງຄືກັບເຄັກແຕ່ງດອງເປັນສາກຫຼັງ

ຊົມ ປະຕູໄຊອັນກາລາ ສະໄຕລ໌ນີໂອທີ່ສ້າງຖະຫວາຍພະເຈົ້າກາຣ໌ໂລສທີ 3

ພາຄະນະຂີ່ລົດຜ່ານເຂດໃຈກາງເມືອງກິໂລແມັດສູນ ທີ່ຈັດຕຸລັດປູແອຣ໌ຕາ ເດລ ໂຊລ (Puerta del sol) ລານຮູບໄຂ່ທີ່ອ້ອມຮອບດ້ວຍອາຄານສີຄຣີມ ຄລາສສິກ ເປັນຈຸດເລີ່ມຕົ້ນຂອງຖະໜົນທຸກສາຍ ເຊິ່ງຕັ້ງຢູ່ຕໍ່ໜ້າຕຶກທີ່ທຳການໄປສະນີໃກ້ກັບສະຖານີລົດໄຟໃຕ້ດິນ (Puerta del sol Metro) ເປັນຍ່ານທີ່ບໍ່ເຄີຍຫຼັບໄຫຼ

ຜ່ານຊົມ ອະນຸສາວະລີໝີ ສັນຍະລັກຂອງເມືອງ ຈາກນັ້ນພາຄະນະເດີນທາງສູ່ ພລາຊາ ມາຍໍ (Plaza Mayor) ຈັດຕຸລັດຫຼວງສູນກາງເມືອງເກົ່າແກ່ເປັນຈັດຕຸລັດຫີນ ຕັ້ງຢູ່ໃນຍ່ານເກົ່າແກ່ຂອງນະຄອນຫຼວງມາດຣິດ ໃນອະດີດເປັນສະຖານທີ່ປະກອບພິທີສຳຄັນທາງສາດສະໜາ ເຊັ່ນ ພິທີລາຊາພິເສກ ແລະ ສະໜາມສູ້ງົວທະໂມນ ປະຈຸບັນນີ້ຍັງເປັນຈັດຕຸລັດກາງເມືອງທີ່ຍັງຄົງມີບັນຍາກາດສະໄໝສະຕະວັດທີ 17 ທີ່ໄດ້ຮັບການອະນຸລັກໄວ້ ເປັນຍ່ານຖະໜົນຄົນຍ່າງທີ່ອ້ອມຮອບດ້ວຍຮ້ານຄ້າຕ່າງໆ ຢ່າງຫຼວງຫຼາຍ

ຕອນບ່າຍ ພາທ່ານເຂົ້າຊົມ Palacio Real ພະລາຊະວັງຫຼວງແຫ່ງກະສັດ ຮວານ ຄາຣ໌ໂລສ ຂອງແອັດສະປາຍ ສະຖາປັດຕະຍະກຳສະໄໝໃໝ່ ເຊິ່ງສ້າງດ້ວຍຫີນອ່ອນທັງຫຼັງໃນສະໄຕລ໌ບາໂຣກ ໃຊ້ເວລາສ້າງດົນກວ່າ 25 ປີ ເມື່ອທ່ານຍ່າງເຂົ້າມາດ້ານໃນອາຄານຈະເຫັນຫ້ອງຕ່າງໆ ຫຼາຍກວ່າ 2,000 ຫ້ອງ ຖືກຕົກແຕ່ງໄວ້ຢ່າງປານີດ ງົດງາມຫຼູຫຼາ ດ້ວຍພົມຖັກ, ພາບສິລະປະ, ເຄື່ອງລາຍຄາມ, ຄຳ ແລະ ເງິນ, ອາວຸດທີ່ໃຊ້ເຮັດສົງຄາມຫຼາຍຮ້ອຍປີກ່ອນ, ຊຸດເກາະບູຮານ ແລະ ເຄື່ອງປະດັບອັນສວຍງາມທີ່ປະເມີນຄ່າບໍ່ໄດ້ ບາງຫ້ອງຖືກຕົກແຕ່ງໄວ້ໃນສະໄຕລ໌ອາຊີ ທັງຈີນ ແລະ ຍີ່ປຸ່ນ ປະຈຸບັນພະລາຊະວັງແຫ່ງນີ້ຖືກໃຊ້ເປັນບ່ອນພັກຕ້ອນຮັບແຂກຕ່າງເມືອງຄົນສຳຄັນຂອງປະເທດແອັດສະປາຍ ດ້ານຫຼັງຂອງພະລາຊະວັງ ຈະເຫັນລານຫີນອ່ອນກວ້າງຍາວໄປຈົນສຸດຮົ້ວຂອງວັງ ດ້ານຂ້າງຂອງຮົ້ວປະດັບດ້ວຍເສົາປະດິດ ສວນຕົ້ນໄມ້ຂຽວສົດທີ່ຖືກຕົກແຕ່ງໄວ້ຢ່າງລຽບງ່າຍຕັດກັບສີຂອງພະລາຊະວັງທີ່ເປັນສີຂາວຫີນອ່ອນ

7 ມາດຣິດ (Madrid) - ບາເຊໂລນາ(Barcelona)

ພາທ່ານຂີ່ລົດໄຟຄວາມໄວສູງ AVE ຈາກມາດຣິດ (Madrid) - ບາເຊໂລນາ (Barcelona) (ໃຊ້ເວລາເດີນທາງປະມານ 2 ຊົ່ວໂມງ 45 ນາທີ)

ຄະນະເດີນທາງຮອດເມືອງບາເຊໂລນາ (Barcelona) ຕັ້ງຢູ່ເທິງຊາຍຝັ່ງທະເລເມດິເຕີເຣນຽນຂອງແຫຼມ ໄອບີເຣຍ ເປັນເມືອງໃຫຍ່ອັນດັບ 2 ຂອງແອັດສະປາຍ ໄດ້ຮັບການຂະໜານນາມໃຫ້ເປັນນະຄອນຫຼວງແຫ່ງ ເມດິເຕີເຣນຽນ ທີ່ສວຍງາມຈະເລີນຮຸ່ງເຮືອງດ້ວຍທຸລະກິດທ່າເຮືອ ແລະ ການຄ້າ ອີກທັງຍັງປະສົມປະສານປະຫວັດສາດທີ່ເກົ່າແກ່ກັບຄວາມທັນສະໄໝໃນໂລກປະຈຸບັນໄດ້ຢ່າງລົງຕົວ ເປັນເມືອງໂອລິມປິກທີ່ເປັນທີ່ມັກຮັກຂອງບັນດານັກທ່ອງທ່ຽວສາຍກິລາທີ່ໄດ້ມາຢ້ຽມຢາມອີກດ້ວຍ

ຕອນບ່າຍ ພາຄະນະເດີນທາງສູ່ ພູມອນຕ໌ຈູອິກ (Montjuic) ເປັນທີ່ຕັ້ງຂອງສະຖານທີ່ຈັດງານກິລາໂອລິມປິກໃນປີ 1992 ສຳຜັດກັບທັດສະນຍະພາບໂດຍລວມຂອງເມືອງບາເຊໂລນາ ລວມທັງສ່ວນຂອງທ່າເຮືອທີ່ໃຫຍ່ທີ່ສຸດແຫ່ງໜຶ່ງໃນທະເລເມດິເຕີເຣນຽນ ຈາກນັ້ນ ພາຄະນະເລືອກຊື້ສິນຄ້ານານາຊະນິດເທິງ ຖະໜົນລາມບລັສ (La Ramblas Street) ຖະໜົນສາຍທຸລະກິດການຄ້າທີ່ສຳຄັນຂອງເມືອງບາເຊໂລນາ ອິດສະຫຼະໃຫ້ຄະນະຍ່າງຫຼິ້ນ ຫຼື ຊື້ເຄື່ອງໄດ້ຕາມອັດທະຍາໄສ ເຊິ່ງໃນແຕ່ລະຮ່ອມແຕ່ລະຊອຍ ມີຮ້ານຮວງໃຫ້ທ່ານໄດ້ເລືອກຊື້ ເສື້ອຜ້າ ຂອງຕ້ອນ

8 ບາເຊໂລນາ (Barcelona)

ພາຄະນະຊົມໂບດຊາກຣາດາ ຟາມີເລຍ (La Sagrada Familia) ຫຼື ມະຫາວິຫານຊາກຣາດາ ຟາມີເລຍ ສັນຍະລັກແຫ່ງສິ່ງສັກສິດຂອງເມືອງບາເຊໂລນາ ເຊິ່ງມີຄວາມສູງເຖິງ 170 ແມັດ ອອກແບບກໍ່ສ້າງ ຢ່າງສວຍງາມແປກຕາ ເລີ່ມສ້າງເມື່ອປີ ຄ.ສ.1882 ໂດຍ ສະຖາປະນິກ “ອັນໂຕນິໂອ ເກາດີ” ໃຊ້ເວລາ ເຮັດວຽກຢູ່ນານເຖິງ 43 ປີ ກ່ອນທີ່ຈະເສຍຊີວິດໃນປີ 1926 ປະຈຸບັນຍັງຄົງດຳເນີນການກໍ່ສ້າງ ແລະ ຄາດວ່າ ຈະສຳເລັດສົມບູນໃນປີ 2026 ວິຫານນີ້ມີຄວາມພິເສດ ຄືການຮວບຮວມຮູບຊົງ ແລະ ພື້ນຜິວຕ່າງໆ ໃນທຳມະຊາດມາໃຊ້ ແລະ ສະທ້ອນໃຫ້ເຫັນເຖິງອິດທິພົນຂອງຍອດພູ ແລະ ຄວາມສູງຂອງ ມອນຕ໌ເຊຣ໌ຣາດ ທີ່ສວຍງາມແປກຕາ

ຈາກນັ້ນພາຄະນະຊົມ City of Gaudi ໝູ່ບ້ານແອັດສະປາຍ ຜົນງານຂອງເກາດີທີ່ຊາວບາເຊໂລນາພາກພູມໃຈ ຕັ້ງຢູ່ເທິງຖະໜົນກຣາເຊຍ ທ່ານຈະໄດ້ພົບກັບຜົນງານສະຖາປັດຕະຍະກຳອັນລ້ຳຄ່າ ກາຊາ ບັດໂຢ ທີ່ເກາດີອອກແບບໃຫ້ກັບເສດຖີສິ່ງທໍໃນບາເຊໂລນາ ໂດຍອອກແບບໃໝ່ທັງໝົດເພີ່ມໄປ 1 ຊັ້ນ ແລ້ວເຮັດຫຼັງຄາໃຫ້ສວຍງາມສະດຸດຕາ ລະບຽງຂອງເກາດີເປັນ ຮູບກະໂຫຼກທີ່ສວຍງາມບໍ່ມີບ່ອນຕິ ອີກໜຶ່ງແຫ່ງທີ່ໜ້າຊົມຄື ກາຊາ ມິລາ ເກາດີ ອອກແບບໃຫ້ກັບນັກທຸລະກິດຜູ້ຮັ່ງມີໃນປີ 1906 ສະແດງເຖິງຖານະຄວາມຮັ່ງມີ ຄວາມຄິດສ້າງສັນ ເຊິ່ງຖື ເປັນແຟຊັ່ນໃນຍຸກນັ້ນ

ຈາກນັ້ນພາທ່ານຊົມ ສວນສາທາລະນະເກວ (Park Guell) ເປັນໜຶ່ງໃນຜົນງານທີ່ເກາດີອຸທິດໃຫ້ກັບຊາວເມືອງ ອອກແບບຕັ້ງແຕ່ປີ 1900-1914 ມີຕະຫຼາດໃນຮົ່ມ ຈັດຕຸລັດກາງມີທາງຍ່າງຂ້າມຮ່ອມພູ ເຮືອນທີ່ສ້າງແລ້ວ ພຽງສອງຫຼັງ ແລະ ກຳແພງອ້ອມອຸທະຍານເປັນດິນຈີ່ຫຼາກສີ ລ້ວນແຕ່ຕົກແຕ່ງດ້ວຍກະເບື້ອງໂມເສກ ທັງໝົດ ສະຖານທີ່ສຸດທ້າຍຂອງເກາດີ ຄື ໂບດຊາກຣາດາ ຟາມີເລຍ ທີ່ຍັງຄົງສ້າງບໍ່ແລ້ວຈົນຮອດປະຈຸບັນ

ຕອນບ່າຍ ພາທ່ານເຂົ້າຊົມສະໜາມຄັມປ໌ນູ (Camp Nou) ຂອງສະໂມສອນບາເຊໂລນາ ກໍ່ສ້າງຂຶ້ນເມື່ອປີ 1954 ແລະ ແລ້ວສຳເລັດໃນປີ 1957 ໃນສະໜາມມີຄວາມຈຸຫຼວງຫຼາຍມະຫາສານເຖິງ 98,787 ຄົນ ສະໂມສອນບານເຕະບາເຊໂລນາ ເຄີຍຄອງຂັນຊະນະເລີດໃນເອີຣົບ ແລະ ແອັດສະປາຍ ປະຈຸບັນເປັນສະໂມສອນບານເຕະທີ່ປະສົບຜົນສຳເລັດ ຢ່າງຫຼວງຫຼາຍໃນປະເທດແອັດສະປາຍ

ໝາຍເຫດ : ຫາກມື້ນັ້ນມີການແຂ່ງຂັນ ຫຼື ກໍລະນີທີ່ສະໜາມປິດງົດໃຫ້ບໍລິການເຂົ້າຊົມ ທາງບໍລິສັດຂໍສະຫງວນ ສິດໃຫ້ຖ່າຍຮູບດ້ານນອກ ແລະ ເລືອກຊື້ສິນຄ້າໃນ Mega Store ຂອງສະໂມສອນແທນ

ຈາກນັ້ນ ພາຄະນະເດີນທາງສູ່ຍ່ານ Casa Batllo ຍ່ານຊື້ເຄື່ອງທີ່ສຳຄັນອີກແຫ່ງຂອງເມືອງບາເຊໂລນາ ໃຫ້ທ່ານໄດ້ຖ່າຍຮູບດ້ານນອກກັບອາຄານ Casa Mil? ສ້າງຂຶ້ນໃນປີ ຄ.ສ. 1906 ເປັນຜົນງານຊິ້ນສຸດທ້າຍຂອງ ອັນຕອນີ ເກາດີ ອິດສະຫຼະໃຫ້ທ່ານຍ່າງຊື້ເຄື່ອງສິນຄ້າ ຫຼື ຂອງທີ່ລະນຶກຕາມອັດທະຍາໄສ

9 ສະໜາມບິນບາເຊໂລນາ (Barcelona Airport)

ພາຄະນະເດີນທາງສູ່ສະໜາມບິນບາເຊໂລນາ ຫາກທ່ານເດີນທາງຕອນແລງ ພາທ່ຽວຕາມຕ້ອງການ