ທົວສ່ວນຕົວເອີຣົບ (SWS004) ເຢຍລະມັນ - ອອສເຕຣຍ - ອິຕາລີ - ສະວິດ (Best Four)

ຮັບທ່ານຈາກສະໜາມບິນມິວນິກຕາມເວລາທີ່ກຳນົດ ນຳທ່ານເດີນທາງຊົມເມືອງມິວນິກ ເມືອງນີ້ຖືໄດ້ວ່າເປັນປະຕູຂອງເອີຣົບ ຢູ່ແຄວ້ນບາວາເຣຍ ເປັນແຫຼ່ງຜະລິດເບຍ ສູນກາງການຜະລິດລົດຍົນ BMW

ນຳທ່ານຊົມຄວາມງາມຂອງເມືອງມິວນິກໃນເຂດເມືອງເກົ່າ ເຊັ່ນ ໂບດທີ່ມີຮູບໂດມຫົວຜັກບົ່ວ ພະລາຊະວັງນີມເຟນເບີກ ຫຼື ພະລາຊະວັງລະດູຮ້ອນ ປະຕູໄຊ ໂຮງລະຄອນໂອເປຣາ ຈະຕຸລັດມາຣີອານ ເຂດເມືອງເກົ່າໃຈກາງແຫຼ່ງລວມຫ້າງ ແລະ ພາດບໍ່ໄດ້ທີ່ຈະຊົມຕຸ໊ກກະຕາເຕັ້ນລຳທີ່ປະດັບຢູ່ເທິງອາຄານເທດສະບານເມືອງເກົ່າ ເວລາ 11.00 ໂມງ ແລະ 17.00 ໂມງ ຂອງທຸກມື້

ທ່ຽວແລ້ວ See You Again ເດີນທາງໄປ ນອນຄ້າງຄືນທີ່ Fussen ເດີ້

ຕື່ນເຊົ້າ ທີ່ເມືອງ Fussen ເມືອງສຸດທ້າຍເທິງເສັ້ນທາງສາຍໂຣແມນຕິກ ພາທ່ຽວຊົມຜາສາດນອຍຊວານສະໄຕນ໌ (Neuschwanstein Castle) ຜາສາດງາມທີ່ແມ່ນແຕ່ຣາຊາ ກາຕູນ ວໍລທ໌ ດິສນີ ຍັງຫຼົງໄຫຼຈົນນຳໄປເປັນຕົ້ນແບບຜາສາດເຈົ້າຍິງນິທຣາໃນສວນສະໜຸກດິສນີແລນ

ຊົມວິວທິວທັດອັນງົດງາມຂອງຕົວຜາສາດທີ່ໂດດເດັ່ນ ແລະ ມີທະເລສາບພ້ອມທັງສາຍນ້ຳ ປຽບເໝືອນຜາສາດ 3 ລະດູ ບໍ່ວ່າທ່ານຈະເດີນທາງໄປຢ້ຽມຢາມໃນລະດູໃດ ກໍຈະມີທັດສະນີຍະພາບທີ່ແຕກຕ່າງກັນອອກໄປ ທຸກຫ້ອງໃນຜາສາດ ຕົກແຕ່ງຢ່າງງົດງາມ

ຈາກນັ້ນ ພາເດີນທາງໄປພັກຄ້າງຄືນທີ່ເມືອງອິນສບຣູກ (Innsbruck, Austria) ເຂດປະເທດອອສເຕຣຍ

ຕອນເຊົ້າ See You Again ພາທ່ຽວຕົວເມືອງອິນສບຣູກ ເຊິ່ງມີເທືອກເຂົາແອວປ໌ໂອບອ້ອມເມືອງຢ່າງຍິ່ງໃຫຍ່ອະລັງການ ຄືກັບສາກໃນລະຄອນຊີວິດຈິງ ເປັນເມືອງທີ່ທ້ອງຟ້າກວ້າງຫຼາຍ ພາຊົມໃຈກາງເມືອງເກົ່າ ທີ່ຕັ້ງຂອງເຮືອນຫຼັງຄາທອງຄຳທີ່ເລື່ອງລືຊື່ສຽງ ຖ້າຕ້ອງການພາຂຶ້ນເຄເບິລຊົມວິວເມືອງ ແລະ ພິພິດທະພັນດີໆ ໃນເມືອງຫຼາຍແຫ່ງ ເມືອງນີ້ຍັງເປັນຕົ້ນກຳເນີດຂອງເຄື່ອງປະດັບຄຣິສຕັນຊື່ດັງຢ່າງ Swarovski ຖ້າຕ້ອງການເຂົ້າຊົມໂຮງງານ ທີ່ເມືອງ Watten ສາມາດພາໄປໄດ້ ບໍ່ໄກກັນຫຼາຍເດີ້ ຈັດໃຫ້ຕາມຄວາມຕ້ອງການຂອງແຕ່ລະກຣຸບເດີ້

ຖ້າມີເວລາເຫຼືອພໍ ນັ່ງລົດຕໍ່ໄປທີ່ Zillertal Alps ອີກປະມານ 2 ຊົ່ວໂມງກວ່າ ເພື່ອໄປສຳຜັດປະສົບການຍ່າງເທິງຂົວແຂວນ Olpererhutte (Hanging Bridge) ທີ່ຈະສ້າງຄວາມຕື່ນເຕັ້ນໃຫ້ທ່ານກາງວິວທີ່ງາມເກີນບັນຍາຍ

ຈາກນັ້ນ ພາເດີນທາງໄປເມືອງ Hallstatt ເມືອງທີ່ດັງທີ່ສຸດຂອງ Austria ຂຶ້ນຊື່ວ່າງາມທີ່ສຸດ ເພາະເຮືອນໄມ້ລ້ຽງລົງມາຢ່າງງາມຕາ ຕິດທະເລສາບ ເບື້ອງຫຼັງແມ່ນທຳມະຊາດອັນບໍລິສຸດ ແລະ ພູເຂົາງາມ ຄົນໄທມັກເມືອງນີ້ຫຼາຍໆ ທີ່ນີ້ຈະພາຊົມເໝືອງເກືອບູຮານ (Salzwelten) ທີ່ມີອາຍຸຫຼາຍກວ່າ 7,000 ປີ ຫຼື ເລືອກຂຶ້ນພູທີ່ 5 fingers ຖ້າເຂົາເປີດເດີ້

ລະຫວ່າງທາງ ຖ້າມີເວລາເຫຼືອ ພາແວະເມືອງ Salzburg ໄດ້ນຳເດີ້ ຂຶ້ນຢູ່ກັບທ່ານ ທ່ຽວຊ້າ ຫຼື ໄວ ໂດຍຊາລສ໌ບວກເມືອງບ້ານເກີດຂອງໂມສາດ ຕັ້ງຢູ່ກາງເທືອກເຂົາແອວປ໌ ແລະ ຍັງເປັນເມືອງສະໄຕລ໌ບາໂຣກທີ່ສົມບູນແບບ

ມື້ທີສາມ ພວກເຮົາຈະນອນຄ້າງຄືນກັນທີ່ Hallstatt ຫຼື ເມືອງໃກ້ໆ ຕາມຈຳນວນໂຮງແຮມທີ່ວ່າງເດີ້ ເມືອງນີ້ ໂຮງແຮມເຕັມໄວຫຼາຍ ເພາະມີໜ້ອຍ ຮີບຈອງແຕ່ເນີ່ນໆ ເດີ້

ຊ່ວງເຊົ້າ ອອກເດີນທາງໄປເມືອງ Cortina d’ Ampezzo ໃນປະເທດ Italy ເມືອງສະກີຣີສອດຕັ້ງຢູ່ໃນຮ່ອມພູແອລປ໌ ເຊິ່ງເປັນສ່ວນໜຶ່ງຂອງສາຍພູໂດໂລໄມຕ໌ ໄດ້ຮັບການຂຶ້ນທະບຽນຢູເນັສໂກເປັນມໍລະດົກໂລກທາງທຳມະຊາດ ຄວາມລຽບງ່າຍຂອງບ້ານເຮືອນທີ່ເປັນແບບອິຕາລີປະສົມເຢຍລະມັນ

ຊົມທະເລສາບ Misurina Lake ທ່ານຈະແນມເຫັນເງົາສະທ້ອນນ້ຳຂອງພູເຂົາ ແລະ ໂຮງແຮມອ້ອມຮອບທະເລສາບ ກັບເມກໝອກທີ່ລອຍເໜືອພູເຂົາ ເປັນພາບທີ່ງົດງາມຄືດັ່ງພາບແຕ້ມ

ຈາກນັ້ນ ຍ່າງທ່ຽວຊົມເມືອງຄໍຣ໌ຕິນາ ດອມປາສໂຊ ເມືອງສະກີຣີສອດ ທີ່ຢູ່ໃນອຸທິຍານແຫ່ງຊາດສາຍພູໂດໂລໄມຕ໌ ເປັນ Best of The Alps ພຽງແຫ່ງດຽວຂອງອິຕາລີທີ່ໄດ້ຮັບການຍົກຍ້ອງໃຫ້ເປັນ 1 ໃນ 10 ສະກີຣີສອດທີ່ດີທີ່ສຸດໃນໂລກ ເປັນສະຖານທີ່ຖ່າຍທຳຮູບເງົາ ເຈມສ໌ ບອນດ໌ 007 ຕອນ For Your Eye Only ເມືອງນີ້ຢູ່ສູງຈາກລະດັບນ້ຳທະເລ 1,219 ແມັດ ໄດ້ຮັບການຂະໜານນາມວ່າເປັນ “ໄຂ່ມຸກແຫ່ງສາຍພູໂດໂລໄມຕ໌” ເປັນສະຖານທີ່ພັກຜ່ອນຕາກອາກາດຕະຫຼອດປີຂອງຊົນຊັ້ນສູງ ນິຍົມທ່ອງທ່ຽວແບບ Hiking ປີນພູຊົມທິວທັດທີ່ມີຊື່ສຽງ

hotel ພັກແຮມ ເມືອງ Cortina d’ Ampezzo, ປະເທດອິຕາລີ

ອອກເດີນທາງໄປຍັງເສັ້ນທາງສາຍໂດໂລໄມຕ໌ ພາທ່ຽວເມືອງໂບລຊາໂນ (BOLZANO) ເມືອງນີ້ຕັ້ງຢູ່ໃນແຄວ້ນເໜືອສຸດໃກ້ໆ ຊາຍແດນອິຕາລີ - ອອສເຕຣຍ ເປັນເມືອງທີ່ອ້ອມຮອບດ້ວຍພູເຂົາ ສວນອະງຸ່ນ ແລະ ແອບເປີ້ນ ຜາສາດເກົ່າແກ່ ເປັນເມືອງຫຼວງຂອງພາກພື້ນທີໂຣລໃຕ້ ເມື່ອຄັ້ງທີ່ NATIONAL GEOGRAPHIC ໄປຖ່າຍທຳສາລະຄະດີ ການຄົ້ນພົບຊາກມະນຸດທີ່ຝັງຢູ່ກ້ອງຫິມະເທິງຍອດພູສູງໃນແຄວ້ນທີໂຣລຂອງອອສເຕຣຍ ແລະ ນຳຮ່າງນັ້ນມາໄວ້ທີ່ເມືອງໂບລຊາໂນ ເອີ້ນກັນວ່າມະນຸດຫິມະແຫ່ງໂບລຊາໂນ

ພາເລາະຫຼິ້ນຊົມເມືອງ ແລະ ຂຶ້ນກະເຊົ້າຊົມວິວຍອດພູງາມໆ ຫາກສະພາບອາກາດດີ ແລະ ເພິ່ນເປີດໃຫ້ບໍລິການ

ມື້ນີ້ ພວກເຮົາຈະພັກຄ້າງຄືນທີ່ເມືອງ Bolzano ຫຼື ເລືອກພັກຄ້າງຄືນທີ່ເມືອງ Sirmione ກໍໄດ້ເຈົ້າ

ພາທ່ຽວເມືອງຊີຣ໌ມິໂອເນ (SIRMIONE) ເປັນເມືອງເກົ່າແກ່ອາຍຸນັບ 2000 ປີ ດ້ວຍລັກສະນະພູມສັນຖານທີ່ເປັນແຫຼມຍື່ນເຂົ້າໄປໃນທະເລສາບກາດາ (LAKE GARDA) ທີ່ສວຍງາມ ໃນອະດີດເຄີຍເປັນເມືອງທີ່ມີຜູ້ຄົນມີຖານະໃນຍຸກສະໄໝໂຣມັນໃຊ້ເປັນບ່ອນພັກຜ່ອນຢ່ອນອາລົມ ແລະ ປະຈຸບັນກໍເປັນເມືອງພັກຜ່ອນແຄມທະເລສາບ

ຈາກນັ້ນ ເດີນທາງໄປເມືອງມິລານ (Milan) ເມືອງຫຼວງແຟຊັນໂລກ ຊົມສະຖານທີ່ທ່ອງທ່ຽວທີ່ສຳຄັນທີ່ສຸດຂອງເມືອງ ຄືໂບດດູໂອໂມແຫ່ງມິລານ ໂບດໃຫຍ່ອັນດັບ 3 ຂອງເອີຣົບ ເປັນສິລະປະແບບກໍທິກທີ່ຫຼູຫຼາ ແລະ ໃຊ້ເວລາໃນການສ້າງດົນເກືອບ 500 ປີ

ຈາກນັ້ນ ຊັອບປິ້ງພາຍໃນອາຄານ ແກລເລີເຣຍ ວິກຕໍຣິໂອ ເອມານູເອວ 2 ອາເຂດທີ່ສວຍງາມທີ່ສຸດແຫ່ງໜຶ່ງຂອງໂລກ ມີຊື່ເອີ້ນຫຼິ້ນໆ ວ່າເປັນຫ້ອງນັ່ງຫຼິ້ນຂອງເມືອງມິລານ ເພາະນອກຈາກຈະມີສິນຄ້າແບຣນດ໌ເນມລາຄາແພງຂາຍແລ້ວ ຍັງມີຮ້ານກາເຟທີ່ເອີ້ນກັນວ່າ ໄຊດ໌ ວອກ ຄາເຟ ທີ່ທ່ານສາມາດນັ່ງຈິບຄາປູຊິໂນ ນັ່ງເບິ່ງໜຸ່ມສາວແຕ່ງກາຍດ້ວຍເສື້ອຜ້າທັນສະໄໝ

ພາທ່ຽວສະຖານທີ່ອື່ນໆ ຕາມຄວາມຕ້ອງການຂອງ private tour ແລະ ເວລາເອື້ອອຳນວຍ

ມື້ນີ້ ພັກຄ້າງຄືນທີ່ເມືອງມິລານເຈົ້າ

ຕອນເຊົ້າເດີນທາງໄປ Lake Como ທະເລສາບໂຄໂມ ໜຶ່ງໃນທະເລສາບທີ່ມີຄວາມງາມຫຼາຍທີ່ສຸດຂອງເອີຣົບ ໃຫຍ່ເປັນອັນດັບສາມຂອງອິຕາລີ ເລິກເຖິງ 400 ແມັດ ຈຶ່ງເຮັດໃຫ້ມັນເປັນທະເລສາບທີ່ເລິກທີ່ສຸດແຫ່ງໜຶ່ງຂອງເອີຣົບ ສະຖານທີ່ພັກຜ່ອນສຳລັບເສດຖີຮ່ຳຮວຍ ແລະ ຊົນຊັ້ນສູງມາຕັ້ງແຕ່ຍຸກໂຣມັນ ຈົນເຖິງປັດຈຸບັນ ມີໝູ່ບ້ານນ້ອຍໆຕັ້ງຢູ່ຫຼາຍແຫ່ງ ບໍ່ວ່າຈະເປັນໂຄໂມ ຫຼື ເບລລາຈິໂອ ແລະ ມີວິລລ່າງາມໆ ຂອງມະຫາເສດຖີຫຼາຍຫຼັງໃຫ້ທ່ຽວຊົມ

ແຕ່ຖ້າເວລາເຫຼືອ ສາມາດໄປທ່ຽວເມືອງລູກາໂນ (Lugano) ໄດ້ນຳເດີ້ ເປັນເມືອງຕິດທະເລສາບລະຫວ່າງຊາຍແດນຂອງປະເທດສະວິດເຊີແລນ - ອິຕາລີ ທີ່ມີບັນຍາກາດແບບສະວິດ - ອິຕາລຽນ ຈົນໄດ້ຮັບການຂະໜານນາມວ່າ “ສະວິດຣິວີເອຣາ”

hotel ພັກແຮມ Lake Como ຫຼື Lake Lugano ຕາມຄວາມຕ້ອງການຢາກທ່ຽວຊ້າ ຫຼື ໄວຂອງທ່ານເດີ້

ຕອນເຊົ້າອອກເດີນທາງໄປເຂດປະເທດສະວິດເຊີແລນ ພວກເຮົາຈະທ່ຽວເມືອງທີ່ດັງທີ່ສຸດໃນການທ່ຽວສະວິດ ຢ່າງເມືອງອິນເຕີລາເຄັນ (Interlake) ອິນເຕີລາເຄັນ (Interlaken) ຈຸດເລີ່ມຕົ້ນສູ່ຍອດພູຍອດນິຍົມຂອງສະວິດຢ່າງຢຸງເຟຣົາ

ເມືອງນີ້ຕັ້ງຢູ່ລະຫວ່າງ 2 ທະເລສາບ ຄື ທະເລສາບເບຣຍນຊ໌ (Lake Brienz) ແລະ ທະເລສາບທູນ (Lake Thun) ເປັນຈຸດທີ່ສາມາດເບິ່ງເຫັນຍອດພູ 3 ແຫ່ງ ຄື ຍອດພູຢຸງເຟຣົາ (Jungfrau) ຍອດພູ Monch ແລະ ຍອດພູ Eiger

ສະຖານທີ່ຕາກອາກາດຊັ້ນນຳສ່ວນໃຫຍ່ໃນຖິ່ນທີ່ເອີ້ນກັນວ່າ Bernese Oberland ຈຶ່ງຕັ້ງຢູ່ບໍລິເວນ 3 ພູນີ້ ທິວທັດສວຍງາມເກີນຄຳບັນຍາຍ ເຮັດໃຫ້ເປັນສະຖານຕາກອາກາດທີ່ນັກທ່ອງທ່ຽວຈາກທຸກມຸມໂລກມັກທີ່ສຸດ

ຕົວເມືອງແບ່ງໄດ້ເປັນ 3 ສ່ວນຄື Interlaken Ost (ຝັ່ງຕາເວັນອອກ) Interlaken West (ຝັ່ງຕາເວັນຕົກ) ຫ່າງກັນປະມານ 1 ກິໂລແມັດ ແລະ ຝັ່ງ Unterseen (ຄົນລະຟາກຝັ່ງຂອງສະຖານີລົດໄຟຕາເວັນຕົກ)

ພາຍ່າງຫຼິ້ນຕາມຖະໜົນສາຍຫຼັກຢ່າງ Hoheweg ແລ້ວ ຍັງສາມາດໄປທ່ຽວສວນສະໜຸກ Mystery Park ກໍໄດ້ ເຊິ່ງມີລັກສະນະເປັນໂດມວົງມົນຄືສູນວິທະຍາສາດຕັ້ງເດັ່ນເປັນສະຫງ່າ ທີ່ນີ້ຈະບອກເລື່ອງລາວທີ່ບໍ່ສາມາດຫາຄຳຕອບໄດ້ໃນໂລກນີ້ ຢ່າງການສ້າງພີຣາມິດຂອງອີຍິບ ມະນຸດຕ່າງດາວ ເປັນຕົ້ນ

hotel ພັກແຮມ Interlaken ຄືນທຳອິດ

ເຊົ້າvalມື້ນີ້ ພາຂຶ້ນຍອດພູ Jungfrau (ຢຸງເຟຣົາ) ເປັນຍອດພູທີ່ສູງທີ່ສຸດຂອງເອີຣົບ ມີຄວາມສູງ 4,158 ແມັດ (13,642 ຟຸດ) ເປັນສະຖານທີ່ທີ່ຂຶ້ນຊື່ໃນເລື່ອງຄວາມງາມ ໄດ້ຮັບການຍົກຍ້ອງວ່າເປັນ Top of Europe ມີຈຸດຊົມວິວທີ່ສູງທີ່ສຸດໃນເອີຣົບແຫ່ງນີ້ ມີຖ້ຳນ້ຳກ້ອນທີ່ຄວັດສະຫຼັກຢ່າງສວຍງາມຢູ່ກ້ອງທານນ້ຳກ້ອນ 30 ແມັດ ສຳຜັດກັບພາບຂອງທານນ້ຳກ້ອນທີ່ຍາວທີ່ສຸດໃນສາຍພູແອລປ໌ ຍາວເຖິງ 22 ກິໂລແມັດ ແລະ ໜາ 700 ແມັດ ໂດຍບໍ່ເຄີຍລະລາຍ

ການຂຶ້ນສູ່ຍອດພູ Jungfrau (ຢຸງເຟຣົາ) ສາມາດເຮັດໄດ້ໂດຍການຂີ່ລົດໄຟສາຍກລາເຊຍ ເອັກສເພຣັສ (Glacier Express) ລົດໄຟດ່ວນທີ່ແລ່ນຊ້າທີ່ສຸດໃນໂລກ ແລ່ນຜ່ານພູມສັນຖານທີ່ງົດງາມຂອງສາຍພູແອລປ໌ ຜ່ານອຸໂມງ ແລະ ຂົວ ຕະຫຼອດເສັ້ນທາງປົກຄຸມດ້ວຍຫິມະ

ເລີ່ມຕົ້ນໄດ້ຈາກສອງສະຖານີຄື Grindelwald ຫຼື Lauterbrunnen ຜ່ານສະຖານີ Kleine Scheidegg ແລະ Eigergletscher

ກ່ອນຈະຂຶ້ນສູ່ສອງສະຖານີທີ່ເຫຼືອ ໂດຍຈະຢຸດແວ່ພັກພຽງສະຖານີລະປະມານ 5 ນາທີເທົ່ານັ້ນ ຄືສະຖານີ Eigerwand (ຝັ່ງທາງທິດເໜືອຂອງຍອດພູ Eiger) ແລະ Eismeer (ທາງທິດໃຕ້) ຈຸດສູງສຸດແມ່ນລານນ້ຳກ້ອນຂະໜາດໃຫຍ່ເອີ້ນວ່າ Sphinx ຈຸດທີ່ໜ້າສົນໃຈອີກແຫ່ງແມ່ນທານນ້ຳກ້ອນທີ່ຢູ່ເລິກ 30 ແມັດ ຈາກໜ້າດິນ ເຊິ່ງໄດ້ຮັບການຄວັດສະຫຼັກຢ່າງສວຍງາມ

ຫຼື ທ່ານຈະເລືອກທ່ຽວ ຍອດພູຊິນທອນ (Schilthorn) ສູງ 2,970 ແມັດຈາກລະດັບນ້ຳທະເລ ທີ່ຕັ້ງຢູ່ໃນເມືອງ M?rren ສາມາດຂຶ້ນໄປຊົມພູເຂົາໂດຍຂຶ້ນເຄເບິລຄາ ເຊິ່ງສາມາດຊົມວິວທິວທັດໃນມຸມກວ້າງແບບພາໂນຣາມາ 360 ອົງສາ ແລະ ຍັງສາມາດເບິ່ງເຫັນພູ Titlis,Jungfrau,M?nch,Eige,Alps,Jura, ປ່າດຳໃນພູ Vosgesແລະ Mont Blanc ອີກດ້ວຍ

ດ້ານເທິງຂອງພູຊິນທອນ (Schilthorn) ມີຮ້ານອາຫານຊື່ ພີຊ ກລໍເຣຍ (Piz Gloria) ມີລັກສະນະພິເສດທີ່ໝູນອ້ອມຕົວເອງໄດ້ 360 ອົງສາ ໜຶ່ງຮອບໃຊ້ເວລາໂດຍປະມານ 55 ນາທີ ສະຖານທີ່ແຫ່ງນີ້ຍັງເຄີຍໄດ້ຮັບກຽດເປັນສະຖານທີ່ຖ່າຍຮູບເງົາເລື່ອງ ເຈມສ໌ ບອນ 007 ໃນປີ 1960 ນຳສະແດງໂດຍ George Lazenby ເຊິ່ງເປັນໜຸ່ມບອນຄົນທຳອິດ

hotel ພັກແຮມ Interlaken ຄືນທີສອງ

ຊ່ວງເຊົ້າ ອອກເດີນທາງໄປທ່ຽວເມືອງລູເຊິຣ໌ນ ເມືອງທ່ອງທ່ຽວທີ່ສຳຄັນຂອງສະວິດເຊີແລນ ຂະໜາບດ້ວຍພູ Rigi ແລະ Titlis ຕັ້ງຢູ່ແຄມທະເລສາບລູເຊິຣ໌ນ

ພາຊົມ Chapel Bridge (Kapellbrucke) and Water Tower ຊາເປິລບຣິດຈ໌ ແລະ ວໍເຕີທາວເວີ ແລນມາກຂອງເມືອງລູເຊິຣ໌ນ ແລະ ຍັງເປັນຂົວໄມ້ເກົ່າແກ່ທີ່ມີອາຍຸກວ່າ 670 ປີເລີຍທີດຽວ ແລະ ອະນຸສາວະລີສິງໂຕຮ້ອງໄຫ້ ພ້ອມທັງຊົມ ຮອຟເຄຍເຄີ (Hofkirche) ໂບດຫໍຄອຍຄູ່ປາຍແຫຼມ ເປັນໂບດທີ່ສຳຄັນ ແລະ ຍັງເປັນແລນມາກຂອງເມືອງລູເຊິຣ໌ນ

ຫາກຕ້ອງການ ພວກເຮົາຈະພາຂຶ້ນຍອດພູ Pilatus (ພິລາຕຸສ) ຫຼື ພູມັງກອນ ເປັນຍອດພູຄູ່ບ້ານຄູ່ເມືອງລູເຊິຣ໌ນ ໂດຍລົດໄຟແຂ້ວເຟືອງທີ່ສູງຊັນທີ່ສຸດໃນໂລກ ເຊິ່ງມີຄວາມຊັນເຖິງ 45 ອົງສາ ເຮັດໃຫ້ການຂີ່ລົດໄຟຂຶ້ນສູ່ຍອດພູ Pilatus ນັ້ນມີຄວາມຕື່ນເຕັ້ນ ແລະ ງົດງາມ

ທ່ຽວສຳເລັດແລ້ວ ເດີນທາງໄປພັກຄ້າງຄືນທີ່ເມືອງ Zurich ເພື່ອກຽມພ້ອມສຳລັບການເດີນທາງກັບທີ່ສະໜາມບິນຊູຣິກ

ຕອນເຊົ້າພາທ່ຽວນ້ຳຕົກໄຣນ໌ (Rhine fall) ນ້ຳຕົກທີ່ໃຫຍ່ທີ່ສຸດໃນເອີຣົບ ເປັນນ້ຳຕົກບູຮານ ມີອາຍຸເກົ່າແກ່ຫຼາຍປະມານ 14,000 - 17,000 ປີ ເກີດຈາກແມ່ນ້ຳໄຣນ໌ ຝັ່ງກົງກັນຂ້າມກັບນ້ຳຕົກໄຣນ໌ຟອລ໌ແມ່ນປາສາດເວີດ (Schloss Worth) ເຊິ່ງເປັນປາສາດຂອງເຢຍລະມັນ ທ່ານສາມາດໄປຢ້ຽມຊົມປາສາດໄດ້ໂດຍການນັ່ງເຮືອສາຍສີແດງຂ້າມຝັ່ງໄປ

ສ່ວນເມືອງຊູຣິກເປັນເມືອງທີ່ໃຫຍ່ທີ່ສຸດໃນປະເທດສະວິດເຊີແລນ ເມືອງຊູຣິກບໍ່ແມ່ນນະຄອນຫຼວງຂອງປະເທດ ແຕ່ມີຊື່ສຽງລະດັບໂລກ ແລະ ເປັນສູນກາງທາງທຸລະກິດ ທະນາຄານ ແລະ ວັດທະນະທຳ ຊູຣິກຍັງເປັນເມືອງທີ່ມີຄຸນນະພາບຊີວິດດີທີ່ສຸດໃນໂລກ ແລະ ເປັນເມືອງທີ່ຮ່ຳລວຍທີ່ສຸດໃນທະວີບເອີຣົບ ນອກຈາກນັ້ນ ຍັງເປັນເມືອງທີ່ມີຄ່າຄອງຊີບແພງທີ່ສຸດອັນດັບ 2 ໃນສະວິດເຊີແລນ ຕາມຫຼັງເມືອງເຈນີວາ

ຊູຣິກເປັນເມືອງທີ່ມີເອກະລັກສະເພາະຕົວ ຈາກການຜະສົມຜະສານລະຫວ່າງວິຖີຊີວິດທີ່ດີກັບສິ່ງແວດລ້ອມ ສິລະປະ ແລະ ງານສະເຫຼີມສະຫຼອງເທດສະການຕ່າງໆ ຕະຫຼອດທັງປີ ເຮັດໃຫ້ເມືອງນີ້ມີຊີວິດຊີວາ ແລະ ມີຄວາມລື່ນເລີງສຳລັບຄົນທ້ອງຖິ່ນ ແລະ ນັກທ່ອງທ່ຽວ

ພາຊົມເຂດເມືອງເກົ່າ Linderhof ປະກອບດ້ວຍໂບດສະໄໝກາງ Grossmunster ແລະ ຫໍຄອຍ Charlemagne ພາຍໃນໂບດມີອໍແກນຂະໜາດໃຫຍ່ທີ່ສຸດໃນເຂດປົກຄອງຊູຣິກ ລວມໄດ້ 5,793 ທໍ່ ແຕ່ສິ່ງທີ່ງົດງາມທີ່ສຸດ ຄືງານກະຈົກສີໂດຍຈິດຕະກອນ Marc Chagall ໃນສ່ວນຂອງເມືອງເກົ່ານີ້ຍັງມີຕັ່ງຊອກຊອຍຄົດລ້ຽວເທິງເນີນພູ ມີຮ້ານຄ້ານ້ອຍໆ ຫຼາຍແຫ່ງທີ່ຂາຍສິນຄ້າເຄື່ອງຫັດຖະກຳລ້ວນໆ ເທິງຖະໜົນ Schipfe

ຈາກນັ້ນນຳສົ່ງທ່ານ ທີ່ສະໜາມບິນຊູຣິກຕາມເວລາທີ່ກຳນົດ ຫຼື ທ່ານຈະເດີນທາງກັບເອງໃນມື້ຕໍ່ມາກໍໄດ້ເດີ້ ທົວຂອງພວກເຮົາຈົບງານກັບທ່ານໃນຕອນແລງຂອງມື້ນີ້ ລວມ 11 ມື້ເຕັມເດີ້