ທົວສ່ວນຕົວເອີຣົບ (SWS014) ທົວເຢຍລະມັນ-ສະວິດເຊີແລນ-ຝຣັ່ງ ເສັ້ນທາງແບບວີໄອພີ (VIP) 9 ມື້ 8 ຄືນ

ລໍຖ້າຮັບທ່ານ ຢູ່ສະໜາມບິນເມືອງ ມິວນິກ (MUNICH) ປະເທດເຢຍລະມັນ ມະຫານະຄອນແຫ່ງແຄວ້ນທາງພາກໃຕ້ ເຕັມໄປດ້ວຍອາຄານເກົ່າແກ່ງົດງາມຫຼວງຫຼາຍ ອີກທັງຍັງເປັນສູນກາງທາງ ວັດທະນະທຳຂອງພາກພື້ນ ແລະ ເປັນເຈົ້າຂອງຫໍພິພິທະພັນທີ່ພົ້ນເດັ່ນທີ່ສຸດໃນປະເທດເຢຍລະມັນອີກຫຼາຍແຫ່ງ ຫຼັງຜ່ານພິທີການ ກວດຄົນເຂົ້າເມືອງ ແລະ ກວດຮັບກະເປົາສຳພາລະຮຽບຮ້ອຍແລ້ວ

ຈາກນັ້ນພາທ່ານ ຊົມອາຄານບ້ານເຮືອນທີ່ເກົ່າແກ່ງົດງາມຈາກຍຸກສະໄໝອັນຮຸ່ງເຮືອງຂອງລາຊະວົງ WITTELSBACH ບໍລິເວນຈະຕຸລັດມາຣຽນພລາຕສ໌ (MARIENPLATZ) ເຊິ່ງຖືເປັນຫົວໃຈຂອງເຂດເມືອງເກົ່າ ແລະ ເປັນບ່ອນທີ່ດີທີ່ສຸດສຳລັບການເລີ່ມຊົມເມືອງ ໃນຍຸກກາງຢູ່ນີ້ເຄີຍເປັນຕະຫຼາດ

ແຕ່ປະຈຸບັນເປັນສູນກາງການຈັດງານສຳຄັນທາງວັດທະນະທຳຕ່າງໆ ເຊິ່ງມີສິ່ງທີ່ໜ້າຊົມຢ່າງຫຼວງຫຼາຍ ເຊັ່ນ Mariensaule ຮູບປັ້ນພຣະແມ່ມາຣີຄຳເທິງເສົາສູງ ສາລາວ່າການເມືອງໃໝ່ (Neuse Rathaus) ທີ່ມີຈຸດເດັ່ນຢູ່ທີ່ຫໍໂມງທີ່ເອີ້ນວ່າ Glockenspiel ມີລະຄັງ ແລະ ຕຸກກະຕາທີ່ຈະອອກມາເຕັ້ນລະບຳ ໃຫ້ຊົມກັນໃນເວລາ 11 ໂມງເຊົ້າໃນລະດູໜາວ ແລະ ເພີ່ມຮອບ 5 ໂມງແລງອີກໜຶ່ງຮອບໃນລະດູຮ້ອນ ແລະ ມີໂບດແມ່ພຣະທີ່ງົດງາມ (Frauenkirche) ທີ່ມີໂດມເປັນຮູບຊົງຫົວຜັກບົ່ວຄູ່ເປັນສັນຍະລັກ ອີກທັງບໍລິເວນຢ່ານນີ້ຍັງມີຮ້ານຈຳໜ່າຍສິນຄ້າແບຣນເນມຊື່ດັງລຽງລາຍຢູ່ຢ່າງຫຼວງຫຼາຍ ບໍ່ວ່າຈະເປັນ Louis Vuitton, Hugo Boss, Chanel, Giorgio Armani ເປັນຕົ້ນ ອິດສະຫຼະໃຫ້ທ່ານຊັອບປິ້ງຕາມອັດທະຍາໄສ

ຈາກນັ້ນພາທ່ານເດີນທາງເຂົ້າສູ່ ໝູ່ບ້ານຊວານເກົາ (SCHWANGAU) ເຊິ່ງເປັນທີ່ຕັ້ງຂອງປາສາດນອຍຊວານສະໄຕນ໌ ພາທ່ານຊົມຄວາມງາມຂອງ ປາສາດນອຍຊວານສະໄຕນ໌ (NEUSCHWANSTEIN CASTLE) ທີ່ແສນງົດງາມທ່າມກາງພັນໄມ້ນານາຊະນິດ ທີ່ທ່ານຈະປະທັບໃຈໄປກັບຄວາມງາມ ແລະ ບັນຍາກາດອ້ອມຕົວທີ່ແສນຈະໂຣແມນຕິກດັ່ງເທບນິຍາຍ ເຊິ່ງ Walt Disney ໄດ້ຈຳລອງແບບໄປສ້າງປາສາດໄວ້ໃນ Disneyland ຈົນກາຍເປັນສັນຍະລັກຂອງ Disneyland

ປາສາດນອຍຊວານສະໄຕນ໌ ອອກແບບດ້ວຍສະຖາປັດຕະຍະກຳແບບໂກທິກປະສົມຍຸກກາງ ພາຍໃນຫ້ອງຕ່າງໆ ຕົກແຕ່ງດ້ວຍຈິດຕະກຳກ່ຽວກັບເທບກຣິກ ໂຣມັນ ແລະ ນິທານກ່ຽວກັບອັດສະວິນໃນຍຸກກາງເຊິ່ງງົດງາມຫຼາຍ ພາທ່ານເຂົ້າຊົມຄວາມງາມຂອງຫ້ອງຕ່າງໆ ຈົນຮອດເວລາອັນສົມຄວນ

ຈາກນັ້ນພາທ່ານເດີນທາງສູ່ ເມືອງຟຸດເຊັນ

ນຳທ່ານເດີນທາງສູ່ ເມືອງລູແຊນ ປະເທດສະວິດເຊີແລນ ລະຫວ່າງທາງສາມາດແວ່ຊົມ ບ້ານ Hohenschwangau ຕັ້ງຢູ່ຕີນພູ ສາມາດແນມເຫັນ ປາສາດ Hohenschwangau ບ່ອນປະທັບຂອງກະສັດ Ludwig ທີ 2 ໃນໄວເຍົາ ເຊິ່ງເປັນແຮງບັນດານໃຈໃນການສ້າງປາສາດ Neuschwanstein ຈຸດເດັ່ນຂອງປາສາດແຫ່ງນີ້ແມ່ນຮູບແຕ້ມເລື່ອງລາວອັດສະວິນຫົງໃນນິຍາຍພື້ນເມືອງ

ແວ່ຊົມ ເມືອງ Vaduz ເຊິ່ງ Vaduz ເປັນເມືອງຂະໜາດນ້ອຍຫຼາຍໆ ແລະ ອາດເປັນໜຶ່ງໃນເມືອງຫຼວງທີ່ນ້ອຍທີ່ສຸດ ສະຖານທີ່ເຮັດວຽກຂອງລັດຖະບານ ແລະ ລັດຖະສະພາກໍຍັງນ້ອຍຫຼາຍເລີຍ ພວກເຮົາເຂົ້າໄປໄຫວ້ພຣະໃນໂບດປະຈຳເມືອງ ແລ້ວຕັ້ງໃຈຈະຍ່າງຂຶ້ນພູໄປທີ່ພະລາຊະວັງ Vaduz ຈັກໜ້ອຍ ແຕ່ປະກົດວ່າບໍ່ໄດ້ຂຶ້ນໄປ ຍ້ອນມື້ນັ້ນອົງເຈົ້າຊາຍເພິ່ນປະທັບຢູ່ພໍດີ ກໍເລີຍບໍ່ຂຶ້ນດີກວ່າ ຈາກນັ້ນເດີນທາງສູ່ ເມືອງລູແຊນ (Lucerne) ເມືອງທ່ອງທ່ຽວຍອດນິຍົມອັນດັບໜຶ່ງຂອງສະວິດເຊີແລນ ທີ່ຖືກອ້ອມຮອບໄປດ້ວຍທະເລສາບ ແລະ ສາຍພູ

ຈາກນັ້ນ ພາທ່ານຊົມສິງໂຕຫີນຄວັດ (Dying Lion of Lucerne) ທີ່ຄວັດເທິງໜ້າຜາຫີນທຳມະຊາດ ເພື່ອເປັນອະນຸສອນລະນຶກເຖິງການສະລະຊີບຢ່າງກ້າຫານຂອງທະຫານສະວິດ ທີ່ເກີດຈາກການປະຕິວັດໃນຝຣັ່ງເມື່ອປີ ຄ.ສ.1792 ຊົມຂົວໄມ້ຊາເປລ (Chapel Bridge) ເຊິ່ງມີຄວາມຍາວເຖິງ 204 ແມັດ ທອດຂ້າມຜ່ານແມ່ນ້ຳຣອຍສ໌ (Reuss River) ອັນງົດງາມ ເຊິ່ງປຽບດັ່ງສັນຍະລັກຂອງເມືອງລູແຊນ ເປັນຂົວໄມ້ທີ່ມີຫຼັງຄາເກົ່າແກ່ທີ່ສຸດໃນເອີຣົບ ສ້າງຂຶ້ນເມື່ອປີ ຄ.ສ.1333 ໂດຍກ້ອງຫຼັງຄາມຸງຂົວມີຮູບແຕ້ມປະຫວັດສາດຂອງຊາວສະວິດ ຕະຫຼອດແນວຂົວ

ຈາກນັ້ນ ໃຫ້ທ່ານໄດ້ອິດສະຫຼະເລືອກຊື້ສິນຄ້າຂອງສະວິດ ເຊັ່ນ: ຊັອກໂກແລັດ, ເຄື່ອງໜັງ, ມີດພັບ, ໂມງຍີ່ຫໍ້ດັງ ເຊັ່ນ: Rolex, Omega, Tag Heuer ເປັນຕົ້ນ

ທີ່ພັກ : ແນະນຳ ທີ່ພັກ Hotel villa honegg ໂຮງແຮມສະປາເທິງພູສູງ 1,400 ແມັດ ດື່ມດ່ຳທັງການຜ່ອນຄາຍຮ່າງກາຍ ແລະ ການຊົມວິວງາມໆ ໄດ້ໃນເວລາດຽວກັນ *** ຕ້ອງຈອງລ່ວງໜ້າ ຫ້ອງເຕັມໄວຫຼາຍ ***

ນຳທ່ານເດີນທາງເຂົ້າສູ່ບ້ານ Engelberg ເຊິ່ງຕັ້ງຢູ່ຕີນພູທີ່ສວຍງາມມີລະດັບອີກແຫ່ງໜຶ່ງຂອງສາຍພູແອວບ໌ ຜ່ານເສັ້ນທາງໄຮໄລ້ຂອງສະວິດເຊີແລນ ແລະ ວິວທິວທັດສວຍງາມຂອງທົ່ງຫຍ້າຕັດກັບຫິມະຂາວໂພນປົກຄຸມຈອມພູ ນຳທ່ານຂຶ້ນກະເຊົ້າລອຍຟ້າທັນສະໄໝລະບົບໃໝ່ລ່າສຸດໝຸນ 360 ອົງສາ ຮອບຕົວເອງ

ຊົມທັດສະນີຍະພາບອັນຕາຕະລຶງໄດ້ຮອບທິດທາງຕາມເສັ້ນທາງຂຶ້ນສູ່ຍອດພູ Titlis ເຂົ້າຊົມຖ້ຳນ້ຳກ້ອນ (Ice Grotto) ທີ່ບໍ່ເຄີຍລະລາຍ ເຊີນເພີດເພີນມ່ວນຊື່ນກັບການຫຼິ້ນຫິມະເທິງລານສະກີ ສຸດແສນປະທັບໃຈເປັນຢ່າງຍິ່ງ ຊົມທິວທັດຂອງຍອດພູຕ່າງໆ ທີ່ປົກຄຸມໄປດ້ວຍຫິມະຂາວໂພນສ້າງຄວາມງົດງາມໃຫ້ກັບສາຍພູເປັນຢ່າງຍິ່ງ ໃຫ້ເວລາທ່ານຍ່າງຂ້າມ" The TITLIS Cliff Walk " ຂົວແຂວນທີ່ຕັ້ງຢູ່ສູງທີ່ສຸດຂອງທະວີບເອີຣົບ ທີ່ຄວາມສູງ 3,041 ແມັດຈາກລະດັບນ້ຳທະເລ ຂົວມີຄວາມຍາວ 100 ແມັດ ທ່ານຈະໄດ້ຊົມທັດສະນີຍະພາບທີ່ສວຍງາມຂອງສາຍພູແອວບ໌ ອັນສວຍງາມແບບກວ້າງໄກສຸດສາຍຕາ (ຂົວແຂວນອາດຈະປິດ ໃນກໍລະນີຖ້າສະພາບອາກາດບໍ່ອຳນວຍ)

ຈາກນັ້ນ ນຳທ່ານສູ່ເມືອງອິນເຕີລາເກນ ຕັ້ງຢູ່ລະຫວ່າງທະເລສາບສອງແຫ່ງ ມີພາບຂອງຍອດພູ Jungfrau (ຢຸງເຟຣົາ) ເປັນສາກຫຼັງ ອີກທັງຍັງເປັນເມືອງແຫ່ງການພັກຜ່ອນ ສຳຜັດບັນຍາກາດອັນບໍລິສຸດ ຖືກອ້ອມຮອບດ້ວຍພູເຂົາ, ທົ່ງຫຍ້າ, ທະເລສາບ ແລະ ສວນໝາກໄມ້ ເປັນເມືອງທີ່ໄດ້ຊື່ວ່າເປັນເມືອງຕາກອາກາດທີ່ມີຊື່ສຽງທີ່ສຸດແຫ່ງໜຶ່ງໃນປະເທດສະວິດເຊີແລນ ແລະ ຄຶກຄັກຕະຫຼອດປີ ມີຄວາມງົດງາມ ແລະ ບັນຍາກາດທີ່ງຽບສະຫງົບ ພ້ອມທັງປະກອບໄປດ້ວຍອາຄານບູຮານຈາກຍຸກສະຕະວັດທີ 19 ສ່ວນຫຼາຍເປັນເຮືອນໄມ້ສະໄຕລ໌ສະວິດຊາເລ່ຕ໌

ໃນຢ່ານຖະໜົນ Hoheweg ສູນກາງການຊັອບປິ້ງໃນອິນເຕີລາເກນ ແລະ ຍັງເປັນທີ່ຕັ້ງຂອງເມືອງທີ່ເປັນຈຸດເລີ່ມຕົ້ນສູ່ຍອດພູ Jungfrau (ຢຸງເຟຣົາ) ທີ່ເປັນສ່ວນໜຶ່ງຂອງແນວສາຍພູແອວບ໌ ສາຍານາມ Top of Europe

ອິດສະຫຼະໃຫ້ທ່ານໄດ້ສຳຜັດບັນຍາກາດ ແລະ ທຳມະຊາດແບບສະວິດເຊີແລນໃນເມືອງນ້ອຍໆ

ນຳທ່ານສູ່ ຮ່ອມພູອາເຣ (Aare Gorge) (ເດີນທາງ 30 ນາທີ) ຫຼື ທີ່ຮູ້ຈັກກັນໃນຊື່ Aareschlucht ສາຍນ້ຳສີມໍລະກົດ ຕັ້ງຢູ່ທີ່ເມືອງ Meiringen ເມືອງທ່ອງທ່ຽວນ້ອຍໆ ທີ່ຖືກອ້ອມຮອບໄປດ້ວຍອ້ອມກອດແຫ່ງສາຍພູ ສາຍນ້ຳມໍລະກົດນີ້ເກີດຈາກການລະລາຍຂອງນ້ຳກ້ອນຈາກສາຍພູແອວບ໌ ໄຫຼລັດເລາະຕາມບ້ານ

ໃນທີ່ສຸດຈະກາຍເປັນແມ່ນ້ຳອາເຣ ໄຫຼລົງສູ່ທະເລສາບທີ່ເມືອງ Interlaken ເປັນຮ່ອມເຫວທີ່ໂດດເດັ່ນໃນເລື່ອງຂອງໂງ່ນຫີນຜາທີ່ທອດຍາວໄປຕະຫຼອດແນວແມ່ນ້ຳ ໂດຍຮ່ອມເຫວມີຄວາມສູງຊັນຂຶ້ນໄປເຖິງ 165 ຟຸດ (50 ແມັດ) ຈາກນັ້ນ (ເດີນທາງ 40 ນາທີ) ພາທ່ານຂຶ້ນຈຸດຊົມວິວ Harder Kulm ເປັນພູທາງຕອນເທິງຂອງເມືອງ Interlaken ທີ່ມີຊື່ສຽງຈາກຈຸດຊົມວິວເທິງຈອມພູທີ່ສາມາດແນມເຫັນເມືອງ Interlaken ໄດ້ທັງເມືອງ

ພ້ອມດ້ວຍທະເລສາບທັງ 2 ແຫ່ງທີ່ຂະໜາບຂ້າງເມືອງໄວ້ ໄດ້ແກ່ Thun Lake ທາງທິດຕາເວັນຕົກ ແລະ Brienz Lake ທາງທິດຕາເວັນອອກ ພ້ອມດ້ວຍວິວສາຍພູຫິມະ 3 ແຫ່ງສຸດອະລັງການ ໄດ້ແກ່ Jungfrau, Eiger ແລະ Mönch ທະເລສາບ Blausee ຈຸດເດັ່ນຂອງສີນ້ຳທະເລສາບມີສີນ້ຳຂຽວມໍລະກົດ ແລະ ມີຄວາມໃສຈົນແນມເຫັນພື້ນດິນດ້ານລຸ່ມ ແລະ ສາມາດແນມເຫັນປາທຣາວຕ໌ແຫວກລອຍໃນທະເລສາບ

ສະຖານີລົດໄຟ GRINDELWALD GRUND (90 ກິໂລແມັດ) ເວທີແຫ່ງສາຍພູແອວບ໌ ຍ້ອນຈາກຈຸດນີ້ (ຖ້າອາກາດອຳນວຍ) ທ່ານຈະແນມເຫັນພູພຽງ Grosse Scheidegg ແລະ Kleine Scheidegg, ທະເລສາບ Bachalpsee ສີຟ້າ ແລະ ຍອດພູສະວິດ ຄື Wetterhorn, Schreckhorn, Eiger ແລະ Jungfrau (ຢຸງເຟຣົາ) ຈາກນັ້ນ ນຳທ່ານຂີ່ລົດໄຟສູ່ຍອດພູ Jungfrau (ຢຸງເຟຣົາ) ສະຖານີລົດໄຟທີ່ສູງທີ່ສຸດໃນໂລກ ເຊິ່ງມີຄວາມສູງ 11,333 ຟຸດ ລະຫວ່າງທາງທ່ານຈະໄດ້ພົບທັດສະນີຍະພາບງົດງາມດັ່ງຮູບແຕ້ມ 09.55 ໂມງ

ອອກຈາກສະຖານີລົດໄຟ GRINDELWALD GRUND ດ້ວຍລົດໄຟຂະບວນທີ 447 ເວລາ 10.19 ໂມງ ຮອດສະຖານີ KLEINE SCHEIDEGG ເວລາ 10.30 ໂມງ ອອກຈາກສະຖານີ KLEINE SCHEIDEGG ດ້ວຍລົດໄຟຂະບວນທີ 547 ເວລາ 11.22 ໂມງ ຮອດສະຖານີ JUNGFRAUJOCH ເມື່ອຮອດຈອມພູແລ້ວ ທ່ານຈະໄດ້ສຳຜັດກັບທັດສະນີຍະພາບອັນງົດງາມຂອງຍອດພູຫຼວງຫຼາຍທີ່ປົກຄຸມດ້ວຍຫິມະ

ຈາກນັ້ນ ອິດສະຫຼະໃຫ້ທ່ານໄດ້ສຳຜັດ ແລະ ຫຼິ້ນກັບປຸຍຫິມະຢ່າງຈຸໃຈ ຮັບປະທານອາຫານ ທີ່ ພັດຕາຄານເທິງຈອມພູ ** ຕ້ອງຈອງລ່ວງໜ້າ **

ຈາກນັ້ນ ອິດສະຫຼະໃຫ້ທ່ານມີເວລາຢ່າງເຕັມທີ່ທີ່ຈະເກັບພາບທີ່ລະນຶກເທິງລານກວ້າງທີ່ເຕັມໄປດ້ວຍຫິມະຂາວໂພນ ໃຫ້ທ່ານໄດ້ມ່ວນຊື່ນຢ່າງເຕັມອີ່ມ ຈົນຮອດເວລາອັນສົມຄວນ ນຳທ່ານເດີນທາງກັບໂດຍໃຊ້ເສັ້ນທາງທີ່ສຸດແສນໂຣແມນຕິກອີກເສັ້ນໜຶ່ງ ຊ່ວງຂາກັບ 14.00 ໂມງ ອອກເດີນທາງຈາກສະຖານີ JUNGFRAUJOCH ສູ່ສະຖານີ KLEINE SCHEIDEGG ດ້ວຍລົດໄຟຂະບວນທີ 560 ເວລາ 14.50 ໂມງ ຮອດສະຖານີ KLEINE SCHEIDEGG ເວລາ 15.01 ໂມງ

ອອກເດີນທາງສູ່ LAUTER BRUNNEN ດ້ວຍລົດໄຟຂະບວນທີ 360 ເວລາ 15.51 ໂມງ ເດີນທາງຮອດສະຖານີ LAUTER BRUNNEN ເວທີແຫ່ງສາຍພູແອວບ໌

ໃຫ້ທ່ານຊົມວິວທີ່ງົດງາມຈາກຈຸດນີ້ (ຖ້າອາກາດອຳນວຍ) ທ່ານຈະແນມເຫັນພູພຽງ Grosse Scheidegg ແລະ Kleine Scheidegg, ທະເລສາບ Bachalpsee ສີຟ້າ ແລະ ຄວາມຍິ່ງໃຫຍ່ຂອງຍອດພູສະວິດ ຄື Wetterhorn, Schreckhorn, Eiger ແລະ Jungfraujoch

ຈາກນັ້ນ ນຳທ່ານເດີນທາງສູ່ ນະຄອນຫຼວງແບກນ (BERN) (70 ກິໂລແມັດ) ເມືອງຫຼວງຂອງປະເທດສະວິດເຊີແລນ ເປັນເມືອງທີ່ໄດ້ຮັບຕຳແໜ່ງມໍລະດົກໂລກທາງດ້ານວັດທະນະທຳທີ່ອົງການ UNESCO ໃຫ້ນະຄອນອະນຸລັກໄວ້ ແລະ ຍັງຖືກຈັດອັນດັບຢູ່ໃນ 1 ໃນ 10 ຂອງເມືອງທີ່ມີຄຸນນະພາບຊີວິດທີ່ດີທີ່ສຸດຂອງໂລກໃນປີ ຄ.ສ. 2010 ອີກດ້ວຍ ເດີນທາງຮອດ ນະຄອນຫຼວງແບກນ (BERN)

ຈາກນັ້ນນຳທ່ານເດີນທາງສູ່ ເມືອງສະຕຣາສບູກ (STRASBOURG) (240 ກິໂລແມັດ) ເປັນເມືອງເອກຂອງແຄວ້ນອານຊາສ ຕັ້ງຢູ່ບໍລິເວນອ່າງແມ່ນ້ຳໄຣນ໌ເທິງຊາຍແດນຕິດກັບປະເທດເຢຍລະມັນ ໄດ້ຊື່ວ່າເປັນຫົວໃຈຂອງເອີຣົບ

ເນື່ອງຈາກເປັນເມືອງທີ່ມີສະຖາປັດຕະຍະກຳອັນງົດງາມຕັ້ງແຕ່ສະໄໝຍຸກກາງ ບໍລິເວນຍ່ານເມືອງເກົ່າຍັງຄົງຄວາມສົມບູນຂອງບັນຍາກາດໃນອະດີດ ຂະນະດຽວກັນກໍເປັນມະຫານະຄອນທີ່ພ້ອມພຽງດ້ວຍຄວາມທັນສະໄໝ ອີກທັງຍັງເປັນເມືອງທີ່ຕັ້ງຂອງສະພາເອີຣົບ ລວມເຖິງສານດ້ານສິດທິມະນຸດແຫ່ງເອີຣົບອີກດ້ວຍ ແຕ່ສະຕຣາສບູກກໍຍັງຄົງມີຮ່ອງຮອຍຂອງປະຫວັດສາດ ແລະ ວັດທະນະທຳຫຼາຍໆ ດ້ານທີ່ໄດ້ຮັບອິດທິພົນຈາກເຢຍລະມັນ ເຊັ່ນ: ສຳນຽງທ້ອງຖິ່ນຂອງແຄວ້ນອານຊາສ, ສະຖາປັດຕະຍະກຳ, ອາຫານ, ຊື່ຂອງສະຖານທີ່ສຳຄັນ ຯລຯ ແລະ ນີ້ຄືສະເໜ່ອີກດ້ານທີ່ເຮັດໃຫ້ເມືອງງາມໃນອ້ອມກອດຂອງແມ່ນ້ຳອິລແຫ່ງນີ້ ເປັນຈຸດໝາຍປາຍທາງທີ່ທ່ານຄວນມາຢ້ຽມຊົມ

ນຳທ່ານຍ່າງຫຼິ້ນຊົມຍ່ານເມືອງເກົ່າ ທີ່ເອີ້ນວ່າ LE PETITE FRANCE ຜ່ານຊົມມະຫາວິຫານນອດເທຣີດາມທີ່ຍິ່ງໃຫຍ່ ອິດສະຫຼະໃຫ້ທ່ານຖ່າຍຮູບຄວາມປະທັບໃຈຕາມອັດທະຍາໄສ ຈົນຮອດເວລາອັນສົມຄວນ ຈາກນັ້ນນຳທ່ານເດີນທາງສູ່ ສະຖານີລົດໄຟ ເພື່ອຂຶ້ນລົດໄຟສູ່ ນະຄອນຫຼວງປາຣີ ເຊິ່ງເປັນລົດໄຟທີ່ແລ່ນດ້ວຍຄວາມໄວໄດ້ເຖິງ 280 ກມ. ຕໍ່ຊົ່ວໂມງ ເຊິ່

ງຈັດວ່າເປັນລົດໄຟທີ່ໄວທີ່ສຸດໃນທະວີບເອີຣົບຂະບວນໜຶ່ງ ພັກຜ່ອນອິລິຍາບົດເທິງລົດໄຟກັບບ່ອນນັ່ງແສນສະບາຍ ລະຫວ່າງທາງໃຫ້ທ່ານຊົມວິວທິວທັດອັນສວຍງາມ

ອອກເດີນທາງສູ່ ນະຄອນຫຼວງປາຣີ ໂດຍ ລົດໄຟດ່ວນ TGV 2440 ເດີນທາງຮອດ ນະຄອນຫຼວງປາຣີ ເມືອງຫຼວງຂອງປະເທດຝຣັ່ງ ເມືອງທີ່ມີມົນສະເໜ່ອັນລົ້ນເຫຼືອ ທີ່ນັກທ່ອງທ່ຽວຢາກມາຢ້ຽມຊົມຫຼາຍທີ່ສຸດ ນະຄອນຫຼວງປາຣີເປັນໜຶ່ງໃນສູນກາງທາງເສດຖະກິດ ແລະ ວັດທະນະທຳທີ່ລ້ຳສະໄໝແຫ່ງໜຶ່ງຂອງໂລກ ທີ່ຊົງອິດທິພົນດ້ານການເມືອງ, ການສຶກສາ, ບັນເທີງ, ສື່, ແຟຊັນ, ວິທະຍາສາດ ແລະ ສິລະປະ ເຮັດໃຫ້ນະຄອນຫຼວງປາຣີເປັນໜຶ່ງໃນເມືອງທີ່ສຳຄັນທີ່ສຸດແຫ່ງໜຶ່ງຂອງໂລກ

ທີ່ພັກ : ໂຮງແຮມ RADISSON BLU HOTEL, PARIS-BOULOGNE ລະດັບ 5 ດາວ ຫຼື ທຽບເທົ່າ

ຊົມ ພິພິທະພັນລູຟ (Louvre Museum) ເປັນພິພິທະພັນທີ່ມີຊື່ສຽງໂດ່ງດັງທີ່ສຸດຂອງເມືອງປາຣີ ຕັ້ງແຕ່ຜົນງານທີ່ຈັດສະແດງໄປຈົນເຖິງຄວາມເກົ່າແກ່ ແລະ ຍິ່ງໃຫຍ່ຂອງສະຖານທີ່ ເຮັດໃຫ້ເປັນພິພິທະພັນທີ່ມີຄວາມສຳຄັນລະດັບໂລກ ສ້າງຕັ້ງຂຶ້ນໂດຍພະເຈົ້າຟີລິບທີ 2 ກ່ອນທີ່ຈະຖືກຂະຫຍາຍໃຫ້ເປັນພະລາຊະວັງຫຼວງ ໃນປະຈຸບັນພິພິທະພັນລູຟ (Louvre Museum) ເປັນສະຖານທີ່ເກັບຮັກສາຜົນງານສິລະປະທີ່ຊົງຄຸນຄ່າໄວ້ຫຼາຍກວ່າ 400,000 ຊິ້ນ ແຕ່ນຳມາຈັດສະແດງໃຫ້ຊົມພຽງແຕ່ 40,000 ຊິ້ນເທົ່ານັ້ນ

ຊົມຜົນງານຮູບແຕ້ມ Mona Lisa ຜົນງານໂດ່ງດັງຂອງ Leonardo da Vinci ສິລະປິນຊາວອິຕາລີ ຊື່ ໂມນາລິຊາ ເປັນຮູບແຕ້ມຍິງສາວທີ່ຖ່າຍທອດອາລົມໄດ້ຢ່າງຫຼາກຫຼາຍ ຈຸດເດັ່ນກົງຮອຍຍິ້ມທີ່ມຸມສົບ ແລະ ດວງຕາທີ່ມີສະເໜ່ຄືກັບມີຊີວິດ ສາມາດມີປະຕິສຳພັນກັບຜູ້ຊົມສິລະປະຊິ້ນນີ້ໄດ້ ຖ່າຍຮູບກັບພີຣາມິດແກ້ວຂະໜາດໃຫຍ່ ສັນຍະລັກທີ່ເດັ່ນສະຫງ່າຕັ້ງຢູ່ດ້ານໜ້າຂອງພິພິທະພັນລູຟ

ຈາກນັ້ນນຳທ່ານຖ່າຍຮູບກັບ ຫໍໄອເຟວ (EIFFEL TOWER) ຫໍຄອຍໂຄງສ້າງເຫຼັກຕັ້ງຢູ່ເທິງ ຊອງ ເດີ ມາກສ໌ ບໍລິເວນແມ່ນ້ຳແຊນ ເປັນສັນຍະລັກຂອງປະເທດຝຣັ່ງທີ່ເປັນທີ່ຮູ້ຈັກກັນທົ່ວໂລກ ທັງຍັງເປັນໜຶ່ງໃນສິ່ງປຸກສ້າງທີ່ມີຊື່ສຽງທີ່ສຸດ ແລະ ໂດ່ງດັງທີ່ສຸດແຫ່ງໜຶ່ງຂອງໂລກອີກດ້ວຍ

ຈາກນັ້ນນຳທ່ານ ເຂົ້າຊົມມະຫາວິຫານນອດເທຣີດາມ ເດີ ປາຣີ (Cathaedrale Notre Dame de Paris) ມະຫາວິຫານນອດເທຣີດາມ ເປັນມະຫາວິຫານສະໄໝໂກທິກ ຕັ້ງຢູ່ທາງຝັ່ງຕາເວັນອອກຂອງນະຄອນຫຼວງປາຣີ ຖືໄດ້ວ່າເປັນໂບດທີ່ສວຍງາມທີ່ສຸດໃນລັກສະນະໂກທິກແບບຝຣັ່ງ ນຳຊົມ ແລະ ຖ່າຍຮູບຄູ່ກັບປະຕູໄຊນາໂປລີອົງ (Arc de Triomphe) ສັນຍະລັກແຫ່ງໄຊຊະນະຂອງຈັກກະພັດນາໂປລີອົງໃນເສິກ ເອົາສ໌ເຕີລິດຊ໌ ໃນປີ 1805 ໂດຍເລີ່ມສ້າງຂຶ້ນໃນປີ ຄ.ສ.1806 ແຕ່ມາສຳເລັດໃນປີ ຄ.ສ.1836

ໃ ຫ້ເວລາທ່ານໄດ້ເລືອກຊື້ສິນຄ້າຊັ້ນນຳເທິງຖະໜົນຊອງເຊລີເຊ ທີ່ເຕັມໄປດ້ວຍຮ້ານຄ້າສຸດຫຼູຫຼາ ສິນຄ້າແຟຊັນຫຼວງຫຼາຍ

ຈາກນັ້ນນຳທ່ານລ່ອງເຮືອບາໂຕມຸຊ (Bateaux Mouches Cruise) ໄປຕາມແມ່ນ້ຳແຊນ ທີ່ໄຫຼຜ່ານໃຈກາງນະຄອນຫຼວງປາຣີ ຊົມຄວາມສວຍງາມຂອງສະຖາປັດຕະຍະກຳອັນຄລາສສິກຂອງອາຄານຕ່າງໆ ຕະຫຼອດສອງຝັ່ງແມ່ນ້ຳ ເປັນອີກໜຶ່ງປະສົບການທີ່ໜ້າປະທັບໃຈ

ໂດຍເຮືອຈະລ່ອງຜ່ານມະຫາວິຫານນອດເທຣີດາມແຫ່ງປາຣີ (Notre-dame de Paris) ອາຍຸກວ່າ 800 ປີ ເປັນມະຫາວິຫານສະຖາປັດຕະຍະກຳສະໄຕລ໌ໂກທິກທີ່ງົດງາມເລີດ ໂດດເດັ່ນດ້ວຍຫໍຄອຍຄູ່ໜ້າຊົງຫຼ່ຽມ ແລະ ຍອດປາຍແຫຼມເທິງຫຼັງຄາວິຫານສູງຈາກລະດັບໜ້າດິນເຖິງ 96 ແມັດ ເປັນສະຖານທີ່ປະກອບພິທີອະພິເສກສົມລົດລະຫວ່າງພະເຈົ້າຫຼຸຍສ໌ທີ 16 ກັບພະນາງມາຣີ ອັງຕວນເນັດ ແລະ ຍັງເປັນຈຸດກິໂລແມັດສູນຂອງປະເທດຝຣັ່ງອີກດ້ວຍ ນຳທ່ຽວຊົມຄວາມງົດງາມຂອງມະຫານະຄອນປາຣີ

ເດີນທາງສູ່ ເມືອງແວັກຊາຍ ນຳເຂົ້າຊົມຄວາມງົດງາມຂອງພະລາດສະວັງແວັກຊາຍ (Versaille Palace) ອັນຍິ່ງໃຫຍ່ (ມີຜູ້ປະສານງານທ້ອງຖິ່ນບັນຍາຍໃນພະລາດສະວັງ) ທີ່ສ້າງຂຶ້ນຕາມພະລາຊະປະສົງຂອງພະເຈົ້າຫຼຸຍທີ 14 ພາຍໃນຕົກແຕ່ງຢ່າງວິຈິດອະລັງການ ທັງຈິດຕະກຳຝາຜະໜັງ ຮູບປັ້ນ ຮູບຄວັດສະຫຼັກ ແລະ ເຄື່ອງເຮືອນ ເຊິ່ງເປັນການໃຊ້ເງິນຢ່າງມະຫາສານ

ພາທ່ານຊົມຫ້ອງຕ່າງໆ ຂອງພະລາດສະວັງ ເຊັ່ນ ໂບດຫຼວງປະຈຳພະລາດສະວັງ, ທ້ອງພະໂຮງທີ່ຕົກແຕ່ງຢ່າງວິຈິດບັນຈົງ, ຫ້ອງອະພອນໂລ, ຫ້ອງເມີຄິວຣີ, ຫ້ອງແວ່ນ (Hall of Mirror) ທີ່ມີຄວາມຍາວເຖິງ 73 ແມັດ ເຊິ່ງເປັນຫ້ອງທີ່ ພະຍາໂກສາທິບໍດີ (ປານ) ລາຊະທູດໄທສະໄໝພະນາຣາຍມະຫາລາດ ເຄີຍເຂົ້າຖວາຍສານຕໍ່ພະເຈົ້າຫຼຸຍທີ 14 ແຫ່ງຝຣັ່ງ ອີກທັງຍັງເປັນຫ້ອງທີ່ໃຊ້ສຳລັບຈັດງານລ້ຽງ ແລະ ເຕັ້ນລຳຂອງພະນາງ ມາຣີ ອັງຕົວແນັດ ມະເຫສີຂອງພະເຈົ້າຫຼຸຍທີ 16 ຊົມຫ້ອງບັນທົມພະລາຊິນີທີ່ຕົກແຕ່ງຢ່າງງົດງາມ, ພາບແຕ້ມປາບດາພິເສກຂອງຈັກກະພັດ ນາໂປລີອົງ ທີ່ຍິ່ງໃຫຍ່

ຈາກນັ້ນ ນຳທ່ານເຂົ້າຊົມ ຫໍພິພິທະພັນນ້ຳຫອມ Fragonard ຫໍພິພິທະພັນທີ່ຈັດສະແດງປະຫວັດຄວາມເປັນມາ ແລະ ຈັດສະແດງວິທີການຜະລິດນ້ຳຫອມໃນປະຈຸບັນ ຂອງໂຮງງານຜະລິດນ້ຳຫອມຍີ່ຫໍ້ Fragonard ຍີ່ຫໍ້ນ້ຳຫອມອັນໂດ່ງດັງ ທີ່ມີແຫຼ່ງຜະລິດກຳເນີດມາຈາກເມືອງ Grasse ເມືອງທີ່ໄດ້ຊື່ວ່າເປັນເມືອງຫຼວງແຫ່ງໂລກນ້ຳຫອມ

ໂດຍຫໍພິພິທະພັນແຫ່ງນີ້ສ້າງຕັ້ງຂຶ້ນມາໃນປີ 1983 ຕົວອາຄານເປັນບ່ອນຢູ່ເດີມຂອງ ນາໂປລີອົງ ໂບນາປາກທີ 3 Louis-Napoleon Bonaparte III ເຊິ່ງແຕ່ລະຫ້ອງຈັດສະແດງເລື່ອງລາວກ່ຽວກັບພາຊະນະບັນຈຸນ້ຳຫອມຕັ້ງແຕ່ສະໄໝອະດີດຈົນເຖິງປະຈຸບັນ ແລະ ບອກເລົ່າເລື່ອງລາວການປະສົມປະສານກິ່ນນ້ຳຫອມໃຫ້ມີເອກະລັກອັນຈັບໃຈ ແລະ ຖ້າຫາກທ່ານຊອກຫາຂອງຕ້ອນຈາກປາຣີທີ່ບໍ່ຄືໃຜ

ທ່ານສາມາດເລືອກຊື້ນ້ຳຫອມຈາກໂຮງງານຂອງ Fragonard ໄດ້ໂດຍກົງຕາມອັດທະຍາໄສ ຈາກນັ້ນເຊີນເລືອກຊື້ສິນຄ້າແຟຊັນລາຄາຖືກໃນຮ້ານຄ້າປອດພາສີ (Duty Free Shop) ເຊັ່ນ ເຄື່ອງສຳອາງ ນ້ຳຫອມ ໂມງ ຫຼື ກະເປົາ

ຈາກນັ້ນ ພາທ່ານສຳຜັດກັບບັນຍາກາດທີ່ເຕັມໄປດ້ວຍນັກຊັອບປິ້ງຈາກທົ່ວທຸກມຸມໂລກໃນຫ້າງສັບພະສິນຄ້າໃຫຍ່ໃຈກາງນະຄອນຫຼວງປາຣີ ທີ່ແກເລີຣີ ລາຟາແຍັດ (Galleries Lafayette) ຫຼື ທ່ານສາມາດເລືອກຊື້ສິນຄ້າຂອງສະວິດຈາກຮ້ານ Bucherer ຮ້ານດັງຂອງສະວິດ ທີ່ມີສາຂາເປີດຢູ່ໃຈກາງນະຄອນຫຼວງປາຣີ ໂດຍມີສິນຄ້າຫຼວງຫຼາຍ ເຊັ່ນ ຊັອກໂກແລັດ, ເຄື່ອງໜັງ, ມີດພັບ, ໂມງຍີ່ຫໍ້ດັງ ເຊັ່ນ Rolex, Omega, Tag Heuer ເປັນຕົ້ນ

ຮັບປະທານອາຫານ ຢູ່ໂຮງແຮມ ຈາກນັ້ນນຳທ່ານເດີນທາງສູ່ ສະໜາມບິນປາຣີ ເວລາ 13.40 ໂມງ ອອກເດີນທາງຈາກນະຄອນຫຼວງປາຣີ ໂດຍສາຍການບິນໄທ

ຫຼື ສາຍການບິນອື່ນໆ ຕາມເວລາທີ່ທ່ານກຳນົດ ຖ້າມີເວລາເຫຼືອ ລົດຕູ້ພາທ່ຽວບ່ອນອື່ນໆ ໃນປາຣີ ຕາມຕ້ອງການ ແລະ ສົ່ງທ່ານ ທີ່ສະໜາມບິນ ກ່ອນເວລາບິນ ຢ່າງໜ້ອຍ 4 ຊມ.