ໂປຣແກຣມທົວ ອຸບົນ-ເຂມມະລາດ 3 ມື້ 2 ຄືນ

• ຮັບທ່ານທີ່ສະໜາມບິນສາກົນ

• ຈາກນັ້ນພານທ່ານໄປຮັບປະທານອາຫານເຊົ້າທີ່ຮ້ານ ສາມໄຊກາເຟ (ກວຍຈັບ, ໄຂ່ກະທະ ຫຼື ອື່ນໆ)

• ວັດມະຫາວະນາຣາມ (ວັດປ່າໃຫຍ່) ເປັນວັດເກົ່າແກ່ ແລະ ຖືເປັນວັດຄູ່ບ້ານຄູ່ເມືອງຂອງແຂວງອຸບົນຯ. ເດີມທີເປັນພຽງສຳນັກສົງຝ່າຍວິປັດສະນາກຳມະຖານ ສ້າງຕັ້ງຂຶ້ນໃນໄລຍະໃກ້ຄຽງກັບການສ້າງເມືອງອຸບົນຯ ໃນ ພ.ສ. 2322. ຕໍ່ມາໃນສະໄໝເຈົ້າເມືອງຄົນທີ 2 ຄື ພຣະພຣົມວໍຣະລາດສຸຣິຍະວົງ (ທ້າວທິດພຣົມ) ໄດ້ຍົກຖານະເປັນວັດ ແລະ ຖືເປັນວັດປະຈຳເມືອງແຫ່ງທີ 2 ໂດຍຕັ້ງຊື່ວ່າ ວັດປ່າຫຼວງມະນີໂຊດ, ແຕ່ຊາວບ້ານເອີ້ນວ່າ ວັດໜອງຕະພັງ ຫຼື ໜອງສະພັງ ຕາມຊື່ໜອງນ້ຳທີ່ຢູ່ໃກ້ຄຽງ ດັ່ງປາກົດຫຼັກຖານສິລາຈາລຶກທີ່ຕັ້ງຢູ່ດ້ານຫຼັງພຣະເຈົ້າໃຫຍ່ອິນແປງ

• ຂາບໄຫວ້ສັກກາລະສານຫຼັກເມືອງອຸບົນຣາດຊະທານີ

ອອກເດີນທາງໄປຍັງເຂມມະລາດ, ເມືອງນ້ອຍໆ ທີ່ບັນຍາກາດດີ ແລະ ມີຖະໜົນຄົນຍ່າງໃນວັນເສົາ-ອາທິດ ສະທ້ອນໃຫ້ເຫັນຊຸມຊົນວັດທະນະທຳທີ່ອົບອຸ່ນ

• ຮັບປະທານອາຫານທ່ຽງທີ່ຮ້ານອາຫານ ງອຍໂຂງປາກແຊງ

• ແວ່ດື່ມກາເຟທີ່ Goose farm caf?

• ວັດປາກແຊງ ຊາວບ້ານມັກເອີ້ນກັນວ່າ ວັດປາກແຊງ. ພຣະເຈົ້າໃຫຍ່ອົງຕື້ ເປັນພຣະພຸດທະຮູບປາງມານວິໄຊ ສ້າງດ້ວຍດິນຈີ່ປະສົມປູນຂາວ ຂະໜາດໜ້າຕັກກວ້າງ 2.90 ແມັດ ສູງ 4.36 ແມັດ ມີອາຍຸເກົ່າແກ່ ແລະ ເປັນທີ່ເຄົາລົບນັບຖືຂອງປະຊາຊົນຝັ່ງໄທ ແລະ ຝັ່ງລາວ, ສາມາດຂີ່ເຮືອຂ້າມມາຈາກຝັ່ງລາວໄດ້ ມີຂົວຂັ້ນໄດຍ່າງຂຶ້ນມາຈາກແຄມນ້ຳ. ຂໍພອນກັບພຣະເຈົ້າໃຫຍ່ອົງຕື້ ຊົມທິວທັດແຄມແມ່ນ້ຳຂອງ ແລະ ເກາະແກ້ງກາງແມ່ນ້ຳ

• ແວ່ເຊັກອິນເຂົ້າທີ່ພັກທີ່ເຂມມະລາດ

• ກິນອາຫານແລງທີ່ຮ້ານ ກົງພະນຽງ

• ຍ່າງຫຼິ້ນຖະໜົນຄົນຍ່າງ “ເຂມມະລາດທານີ” ຊົມສິນຄ້າຂອງຊາວບ້ານ ແລະ ການສະແດງຟ້ອນຂອງຊາວບ້ານທີ່ພ້ອມໃຈກັນມາສະແດງໃຫ້ນັກທ່ອງທ່ຽວໄດ້ຊົມຟຣີໆ

• ສາມພັນໂບກ ເປັນແກ້ງຫີນທີ່ຢູ່ໃຕ້ລຳແມ່ນ້ຳຂອງໃນຊ່ວງລະດູວານ້ຳນອງ ເຊິ່ງເກີດຈາກແຮງນ້ຳວົນກັດເຊາະ ຈົນກາຍເປັນແອ່ງຫຼາຍກວ່າ 3,000 ແອ່ງ ຫຼື 3,000 ໂບກ. ໂບກ ຫຼື ແອ່ງ ໝາຍເຖິງ ບໍ່ນ້ຳເລິກໃນແກ້ງຫີນໃຕ້ລຳແມ່ນ້ຳຂອງ ແລະ ຄຳວ່າ “ໂບກ” ເປັນພາສາລາວທີ່ມັກນິຍົມເອີ້ນກັນ, ເຊິ່ງຈະປະກົດໃຫ້ເຫັນໃນຊ່ວງລະດູແລ້ງທີ່ນ້ຳບົກແຫ້ງ. ແກ້ງຫີນດັ່ງກ່າວກໍຈະໂຜ່ພົ້ນນ້ຳກາຍເປັນຄວາມມະຫັດສະຈັນທາງທຳມະຊາດສຸດອະລັງການກາງລຳແມ່ນ້ຳຂອງ ທີ່ສວຍງາມ ແປກຕາ ຈົນຊາວບ້ານເອີ້ນວ່າ ແກຣນແຄນຍອນແມ່ນ້ຳຂອງ

• ທາງເຂົ້າຂອງແກຣນແຄນຍອນແມ່ນ້ຳຂອງ ມີຫີນສວຍງາມຮູບຮ່າງຄ້າຍຄືຫົວໝາ ເຊິ່ງມີຕຳນານເລົ່າຂານກັນຕ່າງໆ ນາໆ. ບາງຄົນກໍວ່າແຕ່ກ່ອນມີເຈົ້າເມືອງຜູ້ມີອຳນາດ ປະທັບໃຈໃນຄວາມງາມຂອງສາມພັນໂບກ ຈຶ່ງໄດ້ສົ່ງເສນາອາມາດມາສຶກສາເພີ່ມເຕີມ ເມື່ອມາຮອດແລ້ວພົບຂຸມຊັບເປັນຄຳ ຈຶ່ງໃຫ້ໝາເຝົ້າທາງເຂົ້າໄວ້ຈົນກວ່າເຈົ້າເມືອງຈະອອກມາ. ເມື່ອເຈົ້າເມືອງໄດ້ເຫັນຊັບສົມບັດ ກໍເກີດຄວາມໂລບຢ້ານເສນາຈະໄດ້ສ່ວນແບ່ງ ຈຶ່ງໄດ້ໜີອອກໄປທາງອື່ນ. ໝາຜູ້ສັດຊື່ກໍເຝົ້າລໍຖ້າຢູ່ບ່ອນນັ້ນຈົນຕາຍໃນທີ່ສຸດ. ບາງຕຳນານກໍວ່າລູກພະຍານາກໃນລຳແມ່ນ້ຳຂອງເປັນຜູ້ຂຸດເພື່ອໃຫ້ເກີດເປັນສາຍນ້ຳອີກສາຍໜຶ່ງ ແລະ ໄດ້ມອບໝາຍໃຫ້ໝາເປັນຜູ້ເຝົ້າທາງເຂົ້າລະຫວ່າງການຂຸດ ຈົນກະທັ້ງໝາໄດ້ຕາຍລົງ ແລະ ກາຍເປັນຫີນຮູບໝາໃນທີ່ສຸດ

• ແວ່ກິນເຂົ້າທ່ຽງທີ່ຮ້ານອາຫານ ລຸງໜວດຜາແຕ້ມ

• ເດີນທາງໄປທ່ອງທ່ຽວຜາແຕ້ມ

• ໄປຊົມ ແມ່ນ້ຳ 2 ສີ ທີ່ວັດໂຂງຈຽມ ເປັນປາກົດການຂອງແມ່ນ້ຳສອງສາຍທີ່ໄຫຼມາບັນຈົບກັນ ເກີດຄວາມແຕກຕ່າງຂອງສີນ້ຳທັງສອງສາຍ ຄື ແມ່ນ້ຳມູນທີ່ໄຫຼລົງສູ່ແມ່ນ້ຳຂອງ ໂດຍສະເພາະໃນຊ່ວງລະດູຝົນຍາມນ້ຳນອງ ຈະເຫັນແມ່ນ້ຳທັງສອງສາຍທີ່ໄຫຼມາບັນຈົບກັນເປັນສອງສີຢູ່ຄົນລະຝາກຝັ່ງຢ່າງຈະແຈ້ງ ຜູ້ຄົນພາກັນເອີ້ນວ່າ “ໂຂງສີປູນ ມູນສີຄາມ”

• ແວ່ຮ້ານກາເຟ ຄວາມຊົງຈຳ

• ເດີນທາງມາ ວັດພູພຣ້າວ ຊົມຕາເວັນຕົກດິນທີ່ວັດສິຣິນທອນວະຣາຣາມພູພຣ້າວ ຊົມຕົ້ນໄມ້ເຮືອງແສງ. ວັດນີ້ມີຈຸດຊົມວິວເປັນວິວລຳແມ່ນ້ຳຂອງ ແລະ ບໍລິເວນດ້ານຫຼັງພຣະອຸໂບສົດເປັນຈຸດຊົມວິວທິວທັດຂອງຝັ່ງປະເທດລາວ ແລະ ມອງເຫັນດ່ານສາກົນຊ່ອງເມັກຢ່າງສວຍງາມ ລວມທັງອ່າງເກັບນ້ຳທີ່ຢູ່ບໍລິເວນຕີນພູຄ້າຍຄືກັບທະເລສາບ. ໂດຍສະເພາະໃນຊ່ວງຕາເວັນຕົກດິນ ພວກເຮົາຈະໄດ້ເຫັນດວງຕາເວັນດວງໃຫຍ່ ເຊິ່ງເປັນບັນຍາກາດທີ່ງາມຫຼາຍ ແລະ ຊົມຕົ້ນກາລະພຶກເຮືອງແສງໃນຊ່ວງຄ່ຳ

• ແວ່ກິນອາຫານ ທີ່ຮ້ານແພລຳໂຂງ

• ກັບທີ່ພັກ ໂຮງແຮມທໍແສງ ໂຂງຈຽມ

09.00 ເຊັກເອົ້າອອກຈາກທີ່ພັກ

• ໄຫວ້ພຣະທີ່ “ວັດຖ້ຳຄູຫາສະຫວັນ” ສັກກາລະສະຣີຣະຫຼວງປູ່ຄຳຄະນິງ ຈຸນລະມະນີ ຊົມຄ້ອງທີ່ໃຫຍ່ທີ່ສຸດໃນໂລກ

ແວ່ກິນອາຫານທ່ຽງທີ່ຮ້ານອາຫານຫວຽດນາມ ອິນໂດຈີນ

• ວັດພຣະທາດໜອງບົວ ຕັ້ງຢູ່ໃນເມືອງ ເປັນວັດທີ່ມີຊື່ສຽງ ແລະ ມີຄວາມສຳຄັນແຫ່ງໜຶ່ງຂອງແຂວງອຸບົນຣາດຊະທານີ, ມີສະຖາປັດຕະຍະກຳທີ່ງົດງາມ ແລະ ໜ້າສົນໃຈ ຄື “ພຣະທາດເຈດີສີມະຫາໂພ” ພຣະທາດປະຈຳປີເກີດປີມະເສັງ ສ້າງຂຶ້ນເພື່ອເປັນສັນຍະລັກຄົບຮອບ 25 ສະຕະວັດຂອງພຸດທະສາດສະໜາ ໃນປີ ພ.ສ. 2500 ໂດຍຈຳລອງແບບມາຈາກເຈດີທີ່ພຸດທະຄະຍາ ປະເທດອິນເດຍ. ພາຍໃນວັດເປັນບ່ອນປະດິດສະຖານພຣະບໍຣົມມະສາຣີຣິກະທາດ ແລະ ຮູບປັ້ນພະຍານາກຄະລາດ 2 ອົງ ຂະໜາດໃຫຍ່ງົດງາມ ທີ່ຕັ້ງຢູ່ບໍລິເວນທາງເຂົ້າພຣະເຈດີ. ອົງພຣະທາດສີຂາວຕັດກັບລວດລາຍສີຄຳຢ່າງງົດງາມປານີດ ພາຍນອກເປັນຮູບແກະສະຫຼັກນູນຕ່ຳທີ່ອົງພຣະທາດດ້ານນອກ ບອກເລົ່າເລື່ອງລາວກ່ຽວກັບພຣະເຈົ້າສິບຊາດ ສ່ວນດ້ານລຸ່ມອ້ອມຮອບພຣະທາດເປັນພຸດທະສາວົກໃນບໍວອນພຸດທະສາດສະໜາ ສ່ວນຖານຮອງຮັບອົງພຣະທາດເຈດີສີມະຫາໂພດ້ວຍພະຍານາກ ຄຸດ ແລະ ຍັກ

ຂາບໄຫວ້ຂໍພອນພຣະເຈົ້າໃຫຍ່ອິນແປງ ວັດປ່າໃຫຍ່ ວັດຄູ່ບ້ານຄູ່ເມືອງ ແຂວງອຸບົນຣາດຊະທານີ ຈາກນັ້ນແວ່ຊື້ຂອງຕ້ອນຂອງຝາກຕາມທີ່ທ່ານຕ້ອງການ ກ່ອນຈະສົ່ງທ່ານທີ່ສະໜາມບິນສາກົນ ອຸບົນຣາດຊະທານີ