ສະເໜ່ສາມແຜ່ນດິນ: ບາງຊື່-ວຽງຈັນ-ສິບສອງພັນນາ 6 ມື້ 5 ຄືນ

ເລີ່ມຕົ້ນການເດີນທາງຈາກສະຖານີລົດໄຟກຸງເທບອະພິວັດ (ບາງຊື່) ດ້ວຍລົດໄຟຄວາມໄວສູງ ສຳຜັດປະສົບການການເດີນທາງທີ່ສະດວກສະບາຍ ພ້ອມຊົມວິວສອງຂ້າງທາງ ມຸ່ງໜ້າສູ່ສະຖານີລົດໄຟວຽງຈັນໃນປະເທດລາວ

ຮັບປະທານອາຫານທ່ຽງເທິງລົດໄຟ

ຕອນບ່າຍ ເມື່ອທ່ານເດີນທາງຮອດວຽງຈັນ ລໍຖ້າຮັບທ່ານທີ່ສະຖານີລົດໄຟ ແລະ ນຳທ່ານອອກເດີນທາງເພື່ອຢ້ຽມຊົມພະທາດຫຼວງ ເຊິ່ງພະທາດຫຼວງເປັນເຈດີສີຄຳເຫຼືອງອ່ອມຮ່ອມ ທີ່ໂດດເດັ່ນດ້ວຍສະຖາປັດຕະຍະກຳແບບລ້ານຊ້າງ ເປັນສູນລວມສັດທາຂອງຊາວລາວມາຍາວນານ ພະທາດຫຼວງຍັງເປັນສັນຍະລັກແຫ່ງເອກະລາດ ແລະ ຄວາມໝັ້ນຄົງຂອງປະເທດລາວ ເຊື່ອກັນວ່າພາຍໃນບັນຈຸພະບໍຣົມສາລີລິກະທາດຂອງພະພຸດທະເຈົ້າ

ຈາກນັ້ນ ນຳທ່ານຢ້ຽມຊົມປະຕູໄຊ ເຊິ່ງເປັນອະນຸສາວະລີທີ່ສ້າງຂຶ້ນເພື່ອລະນຶກເຖິງຜູ້ເສຍສະຫຼະໃນສົງຄາມ ໂຄງສ້າງອັນສະຫງ່າງາມໄດ້ຮັບແຮງບັນດານໃຈຈາກປະຕູໄຊໃນປາຣີ ແຕ່ປະສົມປະສານດ້ວຍລວດລາຍສິລະປະລາວດັ້ງເດີມ ບໍລິເວນອ້ອມຮອບມີສວນສາທາລະນະຮົ່ມເຢັນເໝາະແກ່ການຍ່າງຫຼິ້ນ ແລະ ຖ່າຍຮູບ

ຮັບປະທານອາຫານແລງ ດື່ມດ່ຳກັບລົດຊາດອາຫານພື້ນເມືອງທີ່ຮ້ານອາຫານທ້ອງຖິ່ນ

ເມື່ອຮັບປະທານອາຫານແລງຮຽບຮ້ອຍແລ້ວ ນຳທ່ານເດີນທາງສູ່ທີ່ພັກໃນວຽງຈັນ ເພື່ອເຊັກອິນເຂົ້າທີ່ພັກໃນບັນຍາກາດສະຫງົບ ມີສິ່ງອຳນວຍຄວາມສະດວກຄົບຊຸດ ເພື່ອພັກຜ່ອນຕາມອັດທະຍາໄສ ແລະ ກຽມຕົວສຳລັບກິດຈະກຳໃນມື້ຕໍ່ໄປ

ມື້ນີ້ນຳທ່ານອອກເດີນທາງຈາກວຽງຈັນໂດຍລົດໄຟຄວາມໄວສູງ ມຸ່ງໜ້າສູ່ເມືອງຫຼວງພະບາງ ເສັ້ນທາງນີ້ຈະພາທ່ານຜ່ານພູມສັນຖານທີ່ສວຍງາມຂອງລາວ ທັງພູເຂົາສູງ ແລະ ທົ່ງນາຂຽວອຸ່ມທຸ່ມ ເປັນການເລີ່ມຕົ້ນມື້ໃໝ່ທີ່ຜ່ອນຄາຍ ແລະ ເພີດເພີນໄປກັບທຳມະຊາດ

ຮັບປະທານອາຫານທ່ຽງເທິງລົດໄຟ

ຕອນບ່າຍ ເມື່ອທ່ານເດີນທາງຮອດຫຼວງພະບາງ ລໍຖ້າຮັບທ່ານທີ່ສະຖານີລົດໄຟ ແລະ ນຳທ່ານອອກເດີນທາງຕໍ່ເພື່ອໄປຢ້ຽມຊົມວັດຊຽງທອງ ວັດນີ້ຖືເປັນໜຶ່ງໃນວັດທີ່ມີຄວາມງົດງາມທີ່ສຸດໃນປະເທດລາວ ດ້ວຍສະຖາປັດຕະຍະກຳແບບລ້ານຊ້າງອັນໂດດເດັ່ນ ຫຼັງຄາວັດລາດຕ່ຳຊ້ອນກັນຫຼາຍຊັ້ນ ສະທ້ອນເຖິງສິລະປະລາວດັ້ງເດີມ ດ້ານຫຼັງຂອງວັດມີຮູບແຕ້ມປະດັບແກ້ວສີ (Tree of Life) ທີ່ສະແດງເຖິງຄວາມເຊື່ອ ແລະ ວິຖີຊີວິດຂອງຄົນລາວ ພາຍໃນວັດຍັງເປັນບ່ອນປະດິດສະຖານພະພຸດທະຮູບສັກສິດທີ່ຊາວລາວເຄົາລົບສັກກາລະ

ຕໍ່ດ້ວຍນຳທ່ານຢ້ຽມຊົມພະທາດພູສີ ເຊິ່ງເປັນພະທາດທີ່ຕັ້ງຢູ່ເທິງຈອມພູສູງກາງເມືອງຫຼວງພະບາງ ຍ່າງຂຶ້ນຂັ້ນໄດປະມານ 328 ຂັ້ນເພື່ອຂຶ້ນໄປຮອດຈອມພູ ທ່ານຈະໄດ້ສຳຜັດສາຍລົມເຢັນສະບາຍ ແລະ ວິວທິວທັດທີ່ສວຍງາມຂອງເມືອງຫຼວງພະບາງ ດ້ານເທິງມີພະທາດສີຄຳເຫຼືອງເຫຼື້ອມອັນເປັນຈຸດສູນລວມຈິດໃຈຂອງຄົນໃນທ້ອງຖິ່ນ ບໍລິເວນນີ້ເໝາະສຳລັບຊົມຕາເວັນຕົກດິນ ເຊິ່ງຈະເຮັດໃຫ້ເຫັນແມ່ນ້ຳຂອງ ແລະ ແມ່ນ້ຳຄານໃນມຸມທີ່ງົດງາມທີ່ສຸດ

ຈາກນັ້ນ ນຳທ່ານແວະຍ່າງຫຼິ້ນຊິວໆ ທີ່ຖະໜົນຄົນຍ່າງຫຼວງພະບາງ ຖະໜົນຄົນຍ່າງແຫ່ງນີ້ຕັ້ງຢູ່ໃຈກາງເມືອງ ເຕັມໄປດ້ວຍຮ້ານຄ້າທ້ອງຖິ່ນທີ່ວາງຂາຍສິນຄ້າຫຼາກຫຼາຍ ເຊັ່ນ: ຜ້າຕ່ຳມືທີ່ໃຊ້ເຕັກນິກດັ້ງເດີມ, ເຄື່ອງເງິນຄວັດລາຍ, ງານຫັດຖະກຳໄມ້ ແລະ ຜະລິດຕະພັນຈາກທຳມະຊາດ ເຊັ່ນ: ຊາ ແລະ ສະໝູນໄພ ນອກຈາກນີ້ຍັງມີຮ້ານອາຫານ ແລະ ຮ້ານຂາຍອາຫານພື້ນເມືອງທີ່ເສີບເມນູທ້ອງຖິ່ນໃນບັນຍາກາດສະບາຍໆ

ຮັບປະທານອາຫານແລງ ເພີດເພີນກັບອາຫານລາວດັ້ງເດີມ

ຫຼັງຮັບປະທານອາຫານ ເຂົ້າພັກທີ່ໂຮງແຮມໃນຫຼວງພະບາງ ໂຮງແຮມສ່ວນຫຼາຍໃນເມືອງນີ້ອອກແບບໃຫ້ກົມກືນກັບບັນຍາກາດທ້ອງຖິ່ນ ໃຫ້ຄວາມຮູ້ສຶກອົບອຸ່ນ ແລະ ຜ່ອນຄາຍ ເໝາະສຳລັບການພັກຜ່ອນຫຼັງຈາກມື້ທີ່ເຕັມໄປດ້ວຍການເດີນທາງ ແລະ ກິດຈະກຳ

ມື້ນີ້ເລີ່ມຕົ້ນເຊົ້າໃໝ່ໂດຍການ ພານທ່ານຮ່ວມພິທີໃສ່ບາດເຂົ້າໜຽວ ຕື່ນເຊົ້າເພື່ອເຂົ້າຮ່ວມປະເພນີໃສ່ບາດເຂົ້າໜຽວທີ່ເປັນເອກະລັກຂອງຫຼວງພະບາງ ກິດຈະກຳນີ້ເປີດໂອກາດໃຫ້ທ່ານໄດ້ສຳຜັດວິຖີຊີວິດ ແລະ ສັດທາຂອງຊາວພຸດໃນທ້ອງຖິ່ນ ທ່າມກາງບັນຍາກາດທີ່ງຽບສະຫງົບ ແລະ ເຕັມໄປດ້ວຍຄວາມເຄົາລົບ ຫຼັງຈາກໃສ່ບາດແລ້ວ ນຳທ່ານຢ້ຽມຊົມຕະຫຼາດເຊົ້າຫຼວງພະບາງ ຍ່າງຊົມຕະຫຼາດທ້ອງຖິ່ນທີ່ຄຶກຄັກໄປດ້ວຍຜູ້ຄົນ ຢູ່ນີ້ທ່ານຈະພົບກັບສິນຄ້າພື້ນເມືອງ, ອາຫານສົດ, ຜັກໝາກໄມ້ ແລະ ຂອງຕ້ອນທີ່ເປັນເອກະລັກ ເປັນໂອກາດດີທີ່ຈະສຳຜັດວິຖີຊີວິດປະຈຳວັນຂອງຄົນລາວ ແລະ ໃຫ້ອິດສະຫຼະທ່ານພັກຜ່ອນທີ່ຮ້ານກາເຟປະຊານິຍົມ ລິ້ມລົດກາເຟຫອມກຸ່ນ ແລະ ເຂົ້າໜົມພື້ນເມືອງໃນຮ້ານກາເຟທີ່ມີຊື່ສຽງໃນໝູ່ນັກທ່ອງທ່ຽວ ແລະ ຄົນທ້ອງຖິ່ນ ບັນຍາກາດອົບອຸ່ນເປັນກັນເອງ ເໝາະສຳລັບການພັກຜ່ອນກ່ອນການເດີນທາງຕໍ່

ເມື່ອຮອດເວລາອັນສົມຄວນ ນຳທ່ານເດີນທາງສູ່ສະຖານີລົດໄຟບໍ່ເຕັນ ອອກເດີນທາງດ້ວຍລົດຍົນສູ່ສະຖານີບໍ່ເຕັນ ເຊິ່ງຕັ້ງຢູ່ໃກ້ຊາຍແດນລາວ-ຈີນ ລະຫວ່າງທາງທ່ານຈະໄດ້ຊົມທັດສະນີຍະພາບທຳມະຊາດຂອງພູເຂົາ ແລະ ປ່າໄມ້ທີ່ສວຍງາມ ຂ້າມຊາຍແດນເຂົ້າສູ່ສິບສອງພັນນາ (ຈິ່ງຫົງ), ປະເທດຈີນ ເຮັດການກວດຄົນເຂົ້າເມືອງ ແລະ ຂ້າມເຂົ້າສູ່ເຂດສິບສອງພັນນາ ກຽມພ້ອມສຳລັບການຜະຈົນໄພໃນແດນມັງກອນ

ຕອນບ່າຍ ເມື່ອທ່ານເດີນທາງຮອດສິບສອງພັນນາແລ້ວ ລໍຖ້າຮັບທ່ານທີ່ສະຖານີລົດໄຟ ແລະ ນຳທ່ານອອກເດີນທາງຕໍ່ເພື່ອຢ້ຽມຊົມບ້ານໄທລື້ ສຳຜັດວັດທະນະທຳ ແລະ ວິຖີຊີວິດຂອງຊົນເຜົ່າໄທລື້ ທີ່ມີປະຫວັດສາດ ແລະ ປະເພນີທີ່ໜ້າສົນໃຈ ຊົມສະຖາປັດຕະຍະກຳເຮືອນຊານແບບດັ້ງເດີມ ການນຸ່ງຖືພື້ນເມືອງ ແລະ ງານຫັດຖະກຳທີ່ງົດງາມ

ຕໍ່ດ້ວຍທ່ຽວຊົມເມືອງໃໝ່ "9 ຈອມ 12 ຊຽງ" ສຳຫຼວດເມືອງທີ່ມີການພັດທະນາຢ່າງວ່ອງໄວແຕ່ຍັງຄົງຮັກສາເອກະລັກທາງວັດທະນະທຳ ສະຖານທີ່ນີ້ມີທັງແຫຼ່ງຊັອບປິ້ງ ສວນສາທາລະນະ ແລະ ສະຖາປັດຕະຍະກຳທີ່ປະສົມປະສານລະຫວ່າງຄວາມທັນສະໄໝ ແລະ ຄວາມດັ້ງເດີມ

ຮັບປະທານອາຫານແລງ

ຈາກນັ້ນ ນຳທ່ານເຂົ້າທີ່ພັກໃນສິບສອງພັນນາ ເພື່ອເຊັກອິນເຂົ້າທີ່ພັກລະດັບມາດຕະຖານໃນເມືອງຈິ່ງຫົງ ພັກຜ່ອນ ແລະ ຜ່ອນຄາຍໃນບັນຍາກາດສະບາຍໆ ພ້ອມທັງສາມາດຍ່າງຫຼິ້ນສຳຫຼວດເມືອງໃນຍາມຄ່ຳຄືນໄດ້ຕາມອັດທະຍາໄສ

ມື້ນີ້ນຳທ່ານເລີ່ມຕົ້ນທຣິບດ້ວຍການຢ້ຽມຊົມ ວັດປາເຈ ເປັນວັດທີ່ມີຄວາມສຳຄັນໃນສາສະໜາພຸດ ແລະ ເປັນສູນລວມຈິດໃຈຂອງຊາວສິບສອງພັນນາ ໂດດເດັ່ນດ້ວຍສະຖາປັດຕະຍະກຳແບບໄຕລື້ ຕົວວັດອ້ອມຮອບດ້ວຍຕົ້ນໄມ້ໃຫຍ່ທີ່ໃຫ້ຄວາມຮົ່ມເຢັນ ພາຍໃນມີພຣະພຸດທະຮູບສັກສິດທີ່ຜູ້ຄົນມັກມາກາບໄຫວ້ສັກກາລະເພື່ອຄວາມເປັນສິຣິມຸງຄຸນ ນອກຈາກນີ້ຍັງມີຮູບແຕ້ມຝາຜະໜັງທີ່ບອກເລົ່າເລື່ອງລາວພຸດທະປະຫວັດ ແລະ ແວ່ຢ້ຽມຊົມສວນປ່າດົງດິບ ພື້ນທີ່ປ່າທີ່ອຸດົມສົມບູນໄປດ້ວຍພັນພືດ ແລະ ສັດປ່ານາໆຊະນິດ ຍ່າງຫຼິ້ນຕາມເສັ້ນທາງທຳມະຊາດທີ່ຈັດໄວ້ເປັນຢ່າງດີ ຊົມຕົ້ນໄມ້ໃຫຍ່ຫຼາຍຮ້ອຍປີ ແລະ ສຳຜັດອາກາດບໍລິສຸດ ໄຮໄລ້ຂອງທີ່ນີ້ແມ່ນຂົວແຂວນທີ່ພາດຜ່ານກາງປ່າ ແລະ ຈຸດຊົມວິວທີ່ສາມາດແນມເຫັນທັດສະນີຍະພາບອັນສວຍງາມຂອງສິບສອງພັນນາ

ຕໍ່ດ້ວຍນຳທ່ານຢ້ຽມຊົມ Aquarium (ໂລກໃຕ້ນ້ຳແຫ່ງແມ່ນ້ຳຂອງ) ອະຄວາຣຽມແຫ່ງນີ້ນຳສະເໜີຄວາມຫຼາກຫຼາຍຂອງສັດນ້ຳໃນແມ່ນ້ຳຂອງ ຕັ້ງແຕ່ປາສາຍພັນຫາຍາກຈົນເຖິງສິ່ງມີຊີວິດຂະໜາດນ້ອຍທີ່ອາໄສໃນລະບົບນິເວດທາງນ້ຳ ໄຮໄລ້ແມ່ນອຸໂມງແກ້ວໃຕ້ນ້ຳ ທີ່ຜູ້ເຂົ້າຊົມສາມາດຍ່າງຜ່ານ ແລະ ເຫັນປາຂະໜາດໃຫຍ່ລອຍຢູ່ອ້ອມຕົວ ນອກຈາກນີ້ຍັງມີຂໍ້ມູນການອະນຸລັກແມ່ນ້ຳຂອງທີ່ໜ້າສົນໃຈ

ຮັບປະທານອາຫານທ່ຽງ

ຕອນບ່າຍ ນຳທ່ານແວ່ຊົມການສະແດງໂຊນົກຍູງບິນ ທີ່ຖືວ່າເປັນການສະແດງອັນປານີດທີ່ນຳສະເໜີຄວາມງົດງາມຂອງນົກຍູງ ການສະແດງນີ້ເປັນການປະສົມປະສານລະຫວ່າງສິລະປະການຟ້ອນລຳ ແລະ ວັດທະນະທຳພື້ນເມືອງ ໂດຍນົກຍູງຈະບິນສະແດງຢ່າງສະຫງ່າງາມທ່າມກາງແສງສີສຽງທີ່ສ້າງບັນຍາກາດໃຫ້ປະທັບໃຈບໍ່ຮູ້ລືມ ຕໍ່ດ້ວຍນຳທ່ານຢ້ຽມຊົມບ້ານຊົນເຜົ່າໄອໜີ່ ບ້ານແຫ່ງນີ້ເປັນບ່ອນຢູ່ອາໄສຂອງຊົນເຜົ່າໄອໜີ່ ເຊິ່ງຍັງຄົງຮັກສາວິຖີຊີວິດແບບດັ້ງເດີມໄວ້ເປັນຢ່າງດີ ທ່ານຈະໄດ້ສຳຜັດກັບເຮືອນຊານທີ່ສ້າງຈາກໄມ້ໄຜ່ ຊົມການຕ່ຳແຜ່ນແພແບບບູຮານ ແລະ ລອງຊີມອາຫານພື້ນເມືອງທີ່ມີເອກະລັກ ເຊັ່ນ ເຂົ້າໜຽວຫໍ່ໃບຕອງ ແລະ ແກງສະໝຸນໄພ

ຈາກນັ້ນ ນຳທ່ານຢ້ຽມຊົມນ້ຳຕົກເກົ້າມັງກອນ ເຊິ່ງນ້ຳຕົກແຫ່ງນີ້ເປັນໜຶ່ງໃນຈຸດທ່ອງທ່ຽວທີ່ໂດດເດັ່ນຂອງສິບສອງພັນນາ ນ້ຳຕົກໄຫຼຜ່ານຜາຫີນເປັນຂັ້ນໆ ຫຼຸດຫຼັ່ນກັນໄປຄືກັບມັງກອນທີ່ກຳລັງເລືອ ໄຮໄລ້ແມ່ນສຽງນ້ຳຕົກທີ່ດັງກ້ອງກັງວານ ແລະ ລະອອງນ້ຳທີ່ສ້າງຄວາມສົດຊື່ນໃນທຸກບາດຍ່າງ ນັກທ່ອງທ່ຽວສາມາດຍ່າງໄປຍັງຈຸດຊົມວິວເພື່ອຖ່າຍຮູບຄວາມງົດງາມໄດ້

ຮັບປະທານອາຫານແລງ

ຫຼັງຈາກຮັບປະທານອາຫານແລງຮຽບຮ້ອຍແລ້ວ ນຳທ່ານເດີນທາງເຂົ້າພັກທີ່ໂຮງແຮມໃນສິບສອງພັນນາ ໂຮງແຮມໃນເຂດນີ້ມັກອອກແບບໃຫ້ສອດຄ່ອງກັບທຳມະຊາດ ໂດຍມີສິ່ງອຳນວຍຄວາມສະດວກຄົບຊຸດ ເພື່ອໃຫ້ທ່ານພັກຜ່ອນໄດ້ຢ່າງເຕັມທີ່ຫຼັງຈາກມື້ທີ່ເຕັມໄປດ້ວຍກິດຈະກຳ

ເຄຣດິດຮູບພາບ: BlogGang.com

ມື້ນີ້ນຳທ່ານອອກຢ້ຽມຊົມວັດຫຼວງເມືອງລື້ ວັດທີ່ສະທ້ອນສິລະປະສະຖາປັດຕະຍະກຳແບບໄຕລື້ຢ່າງງົດງາມ ໂດດເດັ່ນດ້ວຍໂຄງສ້າງໄມ້ຄວັດລວດລາຍຢ່າງປານີດ ແລະ ລວດລາຍທີ່ເປັນເອກະລັກຂອງຊົນເຜົ່າ ພາຍໃນວັດມີພຣະພຸດທະຮູບປະດິດສະຖານຢູ່ຫຼາຍອົງ ແລະ ບໍລິເວນວັດມີບັນຍາກາດຮົ່ມເຢັນ ເໝາະສຳລັບການໄຫວ້ພຣະ ແລະ ສຳຜັດຄວາມສະຫງົບ ແລະ ແວ່ຍ່າງຫຼິ້ນພ້ອມຖ່າຍຮູບທີ່ຂົວແກ້ວ (Skywalk) ທີ່ທ່ານຈະໄດ້ສຳຜັດວິວທິວທັດແບບພາໂນຣາມາຂອງທຳມະຊາດໃນສິບສອງພັນນາ ຂົວແກ້ວນີ້ຕັ້ງຢູ່ໃນຈຸດທີ່ສາມາດແນມເຫັນພູເຂົາ ແລະ ປ່າໄມ້ອັນຂຽວສົດງົດງາມ ຍ່າງເທິງຂົວຈະຮູ້ສຶກຄືກັບກຳລັງລອຍຢູ່ກາງອາກາດ ເໝາະສຳລັບຜູ້ທີ່ມັກຄວາມຕື່ນເຕັ້ນ ແລະ ການຖ່າຍຮູບວິວ

ຕໍ່ດ້ວຍນຳທ່ານຢ້ຽມຊົມ ເຈດີຈອມໄຂ່ ເປັນເຈດີເກົ່າແກ່ທີ່ເປັນສັນຍະລັກແຫ່ງຄວາມສັດທາໃນພື້ນທີ່ ເຊື່ອກັນວ່າຜູ້ທີ່ມາໄຫວ້ພຣະຢູ່ນີ້ຈະໄດ້ຮັບພອນໃຫ້ສົມຫວັງໃນເລື່ອງຄວາມຈະເລີນຮຸ່ງເຮືອງ ແລະ ໂຊກລາບ ບໍລິເວນອ້ອມຮອບເຈດີມີບັນຍາກາດງຽບສະຫງົບ ແລະ ຮົ່ມເຢັນ

ຮັບປະທານອາຫານທ່ຽງ

ຕອນບ່າຍ ນຳທ່ານເດີນທາງກັບສູ່ສະຖານີບໍ່ຫານ ລະຫວ່າງທາງສາມາດຊົມວິວທຳມະຊາດ ແລະ ວິຖີຊີວິດຂອງຊາວບ້ານໃນພື້ນທີ່ທີ່ຍັງຄົງລຽບງ່າຍ ແລະ ບໍລິສຸດ ຂຶ້ນລົດໄຟຄວາມໄວສູງຈາກສະຖານີບໍ່ຫານ ຂ້າມຊາຍແດນກັບສູ່ເວຽງຈັນ ລະຫວ່າງການເດີນທາງ ເພີດເພີນກັບທັດສະນີຍະພາບຂອງທົ່ງນາ ແລະ ພູເຂົາທີ່ລຽງລາຍສອງຂ້າງທາງ

ຮັບປະທານອາຫານແລງ

ຫຼັງຈາກນັ້ນ ນຳທ່ານເດີນທາງສູ່ທີ່ພັກ ເພື່ອເຊັກອິນເຂົ້າທີ່ພັກໃນວຽງຈັນ ໂຮງແຮມໃນເຂດນີ້ມັກມີບັນຍາກາດອົບອຸ່ນ ແລະ ສິ່ງອຳນວຍຄວາມສະດວກຄົບຊຸດ ເໝາະສຳລັບການພັກຜ່ອນຫຼັງຈາກການເດີນທາງທີ່ຍາວນານ

ມື້ນີ້ນຳທ່ານອອກເດີນທາງຈາກວຽງຈັນດ້ວຍລົດໄຟຄວາມໄວສູງເພື່ອເດີນທາງກັບປະເທດໄທ ສູ່ກຸງເທບ ລະຫວ່າງການເດີນທາງ ທ່ານສາມາດເພີດເພີນກັບຄວາມສະດວກສະບາຍເທິງລົດໄຟ ແລະ ວິວທຳມະຊາດສອງຂ້າງທາງ ແລະ ເດີນທາງຮອດສະຖານີກຸງເທບອະພິວັດໂດຍສະຫວັດດີພາບ ພ້ອມຄວາມປະທັບໃຈຈາກການເດີນທາງຕະຫຼອດທຣິບນີ້