ທົວສົງການເອີຣົບຕາເວັນອອກ 2566 ອອສເຕຣຍ ເຊັກ ສະໂລວາເກຍ ຮັງກາຣີ ເດີນທາງ 8-14 ເມສາ 2566 (ບໍ່ລວມມື້ເດີນທາງ)

ຕ້ອນຮັບທ່ານ ທີ່ ສະໜາມບິນວຽນນາ ພາທ່ຽວນວຽນນາ ນະຄອນຫຼວງແຫ່ງອອສເຕຣຍ ເມືອງແຫ່ງສຽງດົນຕີ ໃນແງ່ຍຸກສະໄໝໃໝ່ ໄດ້ຊື່ວ່າເປັນເມືອງທີ່ໜ້າຢູ່ທີ່ສຸດໃນໂລກຈາກການໂຫວດ ເພາະມີການວາງຜັງເມືອງຢ່າງດີ ມີສວນສາທາລະນະ ສິລະປະ ຄວາມບັນເທີງ ຄົບຖ້ວນ ວຽນນາເປັນເມືອງສິລະປະແບບຄລາສສິກ ບ້ານເຮືອນສະອາດ ໜ້າຢູ່ໜ້າຊົມ ບ່ອນທີ່ສິລະປະປະສົມປະສານຢ່າງລົງຕົວເຂົ້າກັບຄວາມທັນສະໄໝ

ທ່ານຈະໄດ້ຊົມພະລາຊະວັງເຊິນບຣຸນ ຈຳນວນ 20 ຫ້ອງ ແລະ ຍ່າງຫຼິ້ນສວນຂອງວັງທີ່ອອກແບບຢ່າງລົງຕົວ ຮັບປະທານອາຫານທ່ຽງ ຕະຫຼາດນັດເກົ່າແກ່ຂອງເມືອງ Naschmarkt ມີອາຫານນານາຊາດຫຼວງຫຼາຍໃຫ້ຊີມລອງ ຂອງພື້ນເມືອງ ແລະ ຜັກໝາກໄມ້

ຈາກນັ້ນເດີນທາງສູ່ໃຈກາງວຽນນາ ໜ້າລານພະລາຊະວັງຮອບສະບວກ ທີ່ຕັ້ງຂອງມະຫາວິຫານນັກບຸນສະເຕຟານ ຖະໜົນຊັອບປິ້ງຄາຣ໌ທເນີ ທີ່ຕັ້ງຂອງຮ້ານຄ້າຫຼວງຫຼາຍ ເສື້ອຜ້າ ຂອງທີ່ລະນຶກທັນສະໄໝ ແລະ ຖະໜົນສາຍແບຣນເນມ ປິດທ້າຍຄວາມສວຍງາມດ້ວຍສະຖານທີ່ທີ່ບໍ່ຄວນພາດຢ່າງສາລາວ່າການນະຄອນຫຼວງວຽນນາໃນແບບກໍທິກ ໂຮງລະຄອນ ແລະ ລັດຖະສະພາ

ເດີນທາງໄປແຖບ Hallstatt ຮາລສະຕັດ ເມືອງມໍລະດົກໂລກ ແຄມທະເລສາບ- ແສນບໍລິສຸດ ຕ້ອງມົນຕາບ້ານໄມ້ບູຮານຫຼຸດຫຼັ່ນຕາມໄຫຼ່ເຂົາ ໃນຝັນຢ່າງແທ້ຈິງ ເມືອງງາມທີ່ສຸດໃນອອສເຕຣຍ ແລະ ສາກຖ່າຍຮູບເງົາເກົາຫຼີຊື່ດັງ Spring Waltz (ປະເທດຈີນໄດ້ຈຳລອງເມືອງນີ້ໄປສ້າງໃນທຳເລແຄມນ້ຳເຊັ່ນກັນທີ່ເມືອງ Huizhou ໂດຍໃຊ້ນົບປະມານມະຫາສານ ຖືເປັນການໂຄລນນິ່ງເມືອງຄັ້ງທຳອິດຂອງໂລກ)

ເຂດນີ້ແມ່ນແຄວ້ນ Salzkammergut ເຊິ່ງເປັນເຂດທຳມະຊາດທີ່ລວມທະເລສາບງົດງາມ ມີພູໃຫຍ່ຕະຫຼອດທາງ ສະຫຼັບກັບໝູ່ບ້ານນ້ອຍໆ ແຄມທາງທີ່ງຽບສະຫງົບ ເຮັດໃຫ້ຖະໜົນເສັ້ນນີ້ປະທັບໃຈຕະຫຼອດທຣິບ ງາມໃນທຸກລະດູການ ແລະ ຫຼາຍໆ ຊ່ວງ ເປັນສາກຖ່າຍທຳຮູບເງົາເລື່ອງ The Sound of Music

ຮາລສະຕັດເປັນເມືອງທີ່ເກົ່າແກ່ທີ່ສຸດໃນອອສເຕຣຍ ແລະ ເປັນເມືອງມໍລະດົກໂລກ ພາຢ້ຽມຊົມເມືອງ ແລະ ຖ່າຍຮູບຈຸດທີ່ງາມທີ່ສຸດ ຂອງໜ້າຊັອບປິ້ງທີ່ແຄວ້ນນີ້ແມ່ນ ເກືອ ແລະ ເວຊະສຳອາງຈາກເກືອ ເພາະໃນຢ່ານນີ້ ມີບໍ່ເກືອບູຮານ

ຈາກນັ້ນເດີນທາງໄປເມືອງ SALZBURG ຄ້າງຄືນທີ່ຊາລສບວກ

ຊ່ວງເຊົ້າທ່ຽວ ຕາມຮອຍຮູບເງົາເພງ The Sound of Music (ຊາວນ໌ ອັອບ ມິວສິກ) ພາຊົມສວນມິຣາເບລ ບ່ອນຖ່າຍທຳຮູບເງົາເພງ ແລະ ເຫັນວິວເມືອງສຸດອະລັງການ ຍ່າງໄປຕາມຂົວຂ້າມແມ່ນ້ຳຊາລຊັກທີ່ມີສີຂຽວ ເພາະມີແຮ່ທາດເກືອຢູ່ຫຼາຍ ແລະ ເປັນທີ່ມາຂອງຊື່ເມືອງ Salzburg ທີ່ເຄີຍເປັນສູນກາງການຄ້າເກືອໃນອະດີດນັ້ນເອງ

ພາທ່ານຍ່າງໄປເທິງຖະໜົນເກໄທຣເດຣ ທີ່ມີປ້າຍຊື່ຮ້ານເປັນເຫຼັກດັດວິຈິດບັນຈົງ ຊົມບ້ານເກີດຂອງໂມສາດ ຄີຕະກວີກ້ອງໂລກ ທີ່ ເຮືອນເລກທີ 9 ເທິງຖະໜົນສາຍນີ້ ຂອງໜ້າຊັອບປິ້ງຂອງເມືອງນີ້ ແມ່ນ ຊັອກໂກແລັດໂມສາດ

ຕອນບ່າຍເດີນທາງ ພາທ່ຽວເມືອງມໍລະດົກໂລກ ເຊສກີ ຄຣຸມລອບ ເມືອງທ່ອງທ່ຽວສຳຄັນອັນດັບສອງຂອງສາທາລະນະລັດເຊັກ ແລະ ເປັນເມືອງຍຸກກາງທີ່ໜ້າຮັກ ຕົວເມືອງມີແມ່ນ້ຳໂອບລ້ອມເປັນໂຄ້ງ ແລະ ມີຜາສາດຢູ່ເທິງເນີນພູທີ່ສູງທີ່ສຸດຂອງເມືອງ ໄດ້ຮັບການໂຫວດໃຫ້ເປັນເມືອງໜ້າຮັກທີ່ສຸດໃນເອີຣົບ

ເດີນທາງໄປກຸງປຣາກ ສາທາລະນະລັດເຊັກ ພາທ່ານຊົມໃຈກາງກຸງປຣາກ ຢ່ານເມືອງເກົ່າ ຈະຕຸລັດທີ່ງາມທີ່ສຸດ ແລະ ຫໍໂມງປະຈຳເມືອງ ເປັນໂມງດາຣາສາດ ແລະ ໂຫຣາສາດ ທີ່ມີອາຍຸກວ່າ 600 ປີ ຈາກນັ້ນຊົມ ຂົວຊາລສ໌ ທີ່ມີຮູບປັ້ນນັກບຸນ 30 ຮູບ ລຽນລາຍສອງຝັ່ງ ເຮັດໃຫ້ງົດງາມຕຣາຕຣຶງໃຈບໍ່ຄືບ່ອນໃດ

ທ່ຽວ “ປາສາດປຣາກ” ປາສາດທີ່ໄດ້ຊື່ວ່າໃຫຍ່ທີ່ສຸດໃນໂລກ ຖືເປັນສູນລວມອຳນາດການປົກຄອງຂອງປະເທດເຊັກຈາກອະດີດສູ່ປັດຈຸບັນ ພາຊົມຮ່ອມຄຳ ເຊິ່ງເປັນຮ່ອມບ້ານນ້ອຍໆ ໜ້າຮັກ ທີ່ສ້າງຂຶ້ນໃຫ້ທະຫານຍາມຢູ່ ແລະ ໃນຍຸກໜຶ່ງເປັນແຫຼ່ງລວມຂອງນັກຫຼິ້ນແຮ່ແປທາດ ເຮັດໃຫ້ໄດ້ຊື່ວ່າ ຮ່ອມຄຳ ໄດ້ຊື່ວ່າເປັນຖະໜົນທີ່ໜ້າຮັກທີ່ສຸດໃນນະຄອນຫຼວງປຣາກ ຍ້ອນລຽງລາຍກັນນ້ອຍໆ ໜ້າຊົມ

ຕອນບ່າຍ ອິດສະຫຼະຊັອບປິ້ງ ຢູ່ຍ່ານແບຣນເນມ ແລະ ຍ່ານເມືອງໃໝ່

ມື້ນີ້ທ່ຽວໃຈກາງນະຄອນຫຼວງບຣາຕິສລາວາ ເມືອງຫຼວງປະເທດສະໂລວາເກຍ ພາຊົມ Radio and Television Slovakia ເປັນຮູບຊົງພີຣາມິດຫົວປີ້ນ ຊັ້ນລຸ່ມມີໃຫ້ຍ່າງຊົມກ່ຽວກັບອຸປະກອນວິທະຍຸເລັກນ້ອຍ ດ້ານໜ້າມີລານກວ້າງເປັນຄືສວນສາທາລະນະເກົ່າ ຕຶກ Slovak Radio ຖືກສ້າງໃນສະໄຕລ໌ Socialist ສະໄໝທີ່ຍັງເປັນຄອມມິວນິດເຊັກໂກສະໂລວາເກຍຢູ່ ຖືກລົງຊື່ໄວ້ໃນວາລະສານ The Telegraph ວ່າເປັນ 30 ຕຶກທີ່ຂີ້ຮ້າຍທີ່ສຸດໃນໂລກ

ຊົມພະລາຊະວັງ Presidential Palace ເປັນສະຖາປັດຕະຍະກຳສະໄຕລ໌ Rococo ຈາກ ຄ.ສ. 1760 ໃຊ້ເປັນບ່ອນພັກຂອງປະທານາທິບໍດີສະໂລວາເກຍ ຈຶ່ງຖືກເອີ້ນເປັນ White House ຂອງສະໂລວາເກຍ Presidential Palace ຖືກໃຊ້ເປັນບ່ອນຈັດງານມ່ວນຊື່ນຕ່າງໆ ຂອງລາຊະວົງຮັບສ໌ບວກໃນອະດີດ ພາຊົມ Blue Church ຫຼື Church of St.Elisabeth ເປັນຄຣິດນິກາຍກາໂຕລິກ ສ້າງເມື່ອປີ ຄ.ສ. 1913 ດ້ວຍສະຖາປັດຕະຍະກຳສະໄຕລ໌ Art Nouveau ສ້າງໂດຍສະຖາປະນິກຊາວຮັງກາຣີ ຊື່ Odon Lechner ເພື່ອເປັນກຽດແດ່ເຈົ້າຢິງ Elisabeth ລູກສາວຂອງ King Andrew II ແຫ່ງຮັງກາຣີ ຊົມໂຮງລະຄອນແຫ່ງຊາດ Slovak National Theatre ສ້າງໃນສະໄຕລ໌ Neo-Renaissance ແລະ ເປີດໃຫ້ເຂົ້າຊົມຕັ້ງແຕ່ປີ ຄ.ສ. 1886 ຈັດສະແດງໂອເປຣາຊື່ດັງຫຼາຍເລື່ອງ ຈອດຊ໌ ບຸຊ ກໍເຄີຍມາກ່າວສູນທອນພົດຢູ່ນີ້ໃນປີ ຄ.ສ. 2005 ນຳອີກ ຊົມຂົວ Most Apollo ສ້າງຂຶ້ນຊ່ວງປີ ຄ.ສ. 2002 - 2005 ນີ້ເອງ ຖືວ່າຍັງໃໝ່ຢູ່ ເຊິ່ງໄດ້ຮັບລາງວັນສູງສຸດຂອງ OPAL award ທາງດ້ານວິສະວະກຳໂຍທາໃນປີ ຄ.ສ. 2006 ນຳດ້ວຍ ຊົມ Old Town Hall ຊົມໂບດ St.Matin's Cathedral ມີອາຍຸກວ່າ 700 ປີ ແລະ ເປັນໂບດທີ່ມີຂະໜາດໃຫຍ່ທີ່ສຸດ ແລະ ສຳຄັນທີ່ສຸດໃນບຣາຕິສລາວາ (Bratislava) ເນື່ອງຈາກເປັນບ່ອນສະຖາປະນາພະລາຊາ ແລະ ພະລາຊິນີຂອງຮັງກາຣີມາແລ້ວເຖິງ 11 ພະອົງ ລວມທັງ Maria Theresa ແຫ່ງອອສເຕຣຍ ໂດຍໂບດແຫ່ງນີ້ຈະຢູ່ໃກ້ກັບຂົວ Most SNP ທີ່ມີຮູບຊົງຄືຈານບິນ UFO ຢູ່ດ້ານເທິງ ເປັນແລນມາກອັນໂດດເດັ່ນ ໂດຍເປີດເປັນຮ້ານອາຫານທີ່ສາມາດຊົມວິວໄດ້ 360 ອົງສາ ຊົມປາສາດ Bratislava Castle

ຕອນເຊົ້າ ເດີນທາງໄປນະຄອນຫຼວງບູດາເປສຕ໌ ເມືອງຫຼວງຂອງປະເທດຮັງກາຣີ ເມືອງທີ່ຄ່າຄອງຊີບຖືກກວ່າປະເທດອື່ນໆ ໃນທຣິບ ແລະ ຖືເປັນເມືອງໜຶ່ງທີ່ງາມຕາຕຣຶງໃຈທີ່ສຸດໃນເອີຣົບ ຍ້ອນມີແມ່ນ້ຳດານູບຕັດຜ່າໃຈກາງເມືອງ ເຮັດໃຫ້ຕົວເມືອງບູດາເປສຕ໌ແບ່ງອອກເປັນຝັ່ງບູດາ ແລະ ຝັ່ງເປສຕ໌ ເມື່ອໄປຮອດພາປ່ຽນເງິນຢູ່ຕະຫຼາດນັດໃຈກາງເມືອງ ພ້ອມຊົມສິນຄ້າພື້ນເມືອງລາຄາຖືກ

ຊົມວິວ Gellert Hill ຈຸດຊົມວິວອີກຈຸດທີ່ງົດງາມຫຼາຍຍາມແລງໆ ເຫັນແສງໄຟ

ຈາກນັ້ນພາໄປຊັອບປິ້ງ ຢູ່ເມືອງໃໝ່ ຈາກນັ້ນນັ່ງລົດຊົມລັດຖະສະພາ ເປັນລັດຖະສະພາສະໄຕລ໌ໂກທິກຕັ້ງຢູ່ແຄມແມ່ນ້ຳ ໄດ້ຊື່ວ່າເປັນລັດຖະສະພາທີ່ງາມທີ່ສຸດໃນໂລກ ແລະ ພາຊົມອະນຸສອນສະຖານ “ຈະຕຸລັດຮີໂຣສະແຄວຣ໌” ຍ່າງໄປຍັງຖະໜົນຫຼູຫຼາສາຍໜ້າໂອເປຣາ ບ່ອນຕັ້ງຮ້ານແບຣນເນມປະຈຳເມືອງ

ແລະ ຍາມຄ່ຳຄືນ ພາລ່ອງເຮືອຊົມແມ່ນ້ຳດານູບຍາມຄ່ຳຄືນ ຄ້າງຄືນທີ່ບູດາເປສຕ໌

ຕອນເຊົ້າພາໄປ Castle Hill ອັນເປັນບ່ອນຕັ້ງຂອງປາສາດບູດາ (Buda Castle) ແລະ ປ້ອມປາການຊາວປະມົງ ເປັນຈຸດທີ່ຊົມວິວເມືອງງົດງາມຕາຕຣຶງໃຈທີ່ສຸດ ແລະ ມີວັງ ຫໍພິພິທະພັນລຽງລາຍຫຼວງຫຼາຍໃຫ້ຍ່າງຫຼິ້ນ

ພາທ່ານຊັອບປິ້ງເອົາທ໌ເລັດຊານນະຄອນຫຼວງວຽນນາ Designer Outlet Prandorf ມີສິນຄ້າແບຣນເນມຫຼຸດລາຄາໃຫ້ເລືອກ ເຊັ່ນ Prada, Gucci, Amarni ເປັນຕົ້ນ ຮັບປະທານອາຫານ ຢູ່ເອົາທ໌ເລັດ

ອອກເດີນທາງໄປຍັງນະຄອນຫຼວງວຽນນາ ປະເທດອອສເຕຣຍ ນະຄອນຫຼວງແຫ່ງອອສເຕຣຍ ເມືອງແຫ່ງສຽງດົນຕີ

ແລະ ສົ່ງທ່ານທີ່ສະໜາມບິນນະຄອນຫຼວງວຽນນາຕາມເວລາກຳນົດ