ໂປຣແກຣມຈອຍທົວຈໍເຈຍ ອາກເມນີ 7 ມື້ 6 ຄືນ

ຕ້ອນຮັບທ່ານທີ່ສະໜາມບິນສາກົນທບິລິຊີ ປະເທດຈໍເຈຍ ນຳທ່ານເດີນທາງສູ່ເມືອງທບິລິຊີ (Tbilisi) ເມືອງຫົວໃຈແຫ່ງຈໍເຈຍ ສູນກາງຄວາມຈະເລີນກ້າວໜ້າທາງດ້ານເຕັກໂນໂລຊີ ຄວບຄູ່ໄປກັບວັດທະນະທຳ ແລະ ວິຖີຊີວິດແຫ່ງຈໍເຈຍແທ້ ເມືອງທີ່ຕັ້ງຢູ່ແຄມຝັ່ງແມ່ນ້ຳສຳຄັນ ຄືແມ່ນ້ຳຄູຣາ (Kura) ເມືອງແຫ່ງນີ້ຖືກສ້າງຂຶ້ນໂດຍກະສັດ ວັກທັງ ກອກກາຊາລີ (Vakhtang Gorgasali) ຜູ້ກໍ່ຕັ້ງນະຄອນແຫ່ງນີ້ ເຊິ່ງໄດ້ຮັບສາຍານາມວ່າ ກະສັດຈໍເຈຍແຫ່ງຄາດລີ "ໄອບີເຣຍ" ເມືອງແຫ່ງນີ້ຖືກສ້າງຂຶ້ນປະມານສະຕະວັດທີ 4 ນຳທ່ານອອກເດີນທາງສູ່ເມືອງ ອຸບລິສຊີເຄ (Uplistsikhe) ເມືອງແຫ່ງນີ້ດັດແປງຈາກຖ້ຳມາເປັນບ່ອນຢູ່ອາໄສຂອງມະນຸດຍຸກກ່ອນຄຣິດສະຕະການ ເຊິ່ງເປັນສະຖານທີ່ບູຮານທີ່ມີຄຸນຄ່າທາງປະຫວັດສາດຂອງຈໍເຈຍ ນຳທ່ານຊົມໝູ່ບ້ານຖ້ຳ ໂດຍແບ່ງອອກເປັນ 3 ສ່ວນ ສ່ວນກາງນັ້ນມີເນື້ອທີ່ກວ້າງ ແລະ ໃຫຍ່ທີ່ສຸດ ມີສະຖາປັດຕະຍະກຳເກົ່າແກ່ຫຼວງຫຼາຍ ໂດຍສ້າງຈາກການຕັດຫີນ ແລະ ເຈາະເລິກເຂົ້າໄປເປັນບ່ອນຢູ່ອາໄສຂອງມະນຸດ ພາຍໃນຖືກສ້າງໃຫ້ເຊື່ອມຕໍ່ກັນຜ່ານຊ່ອງອຸໂມງ ແລະ ທາງຍ່າງແຄບ ແລະ ບາງຈຸດມີການເຮັດຂັ້ນໄດ ໄປຍັງຈຸດຕ່າງໆພາຍໃນຖ້ຳ ຈາກນັ້ນນຳທ່ານເຂົ້າຊົມພິພິທະພັນ ໂຈເຊັບ ສະຕາລິນ (Joseph Stalins Museum) ເປັນສະຖານທີ່ເກັບໂຮມສິ່ງຂອງເຄື່ອງໃຊ້ທີ່ບອກເລົ່າເລື່ອງລາວຂອງ ສະຕາລິນ ອະດີດຜູ້ນຳຄອມມູນິດໂຊວຽດທີ່ມີຊື່ສຽງໂດ່ງດັງຢ່າງຍິ່ງ ອີກທັງຍັງມີການຈັດສະແດງຊີວະປະຫວັດຕັ້ງແຕ່ເກີດຈົນເຖິງເສຍຊີວິດ

hotel ພັກແຮມ Tbilisi

ນຳທ່ານເດີນທາງຈາກເມືອງທບີລີຊີ ມຸ່ງໜ້າສູ່ເມືອງມິດຕະເຄທາ (Mtskheta) ເມືອງທາງທິດເໜືອຂອງທບີລີຊີ ນຳທ່ານຊົມ ວິຫານຈວາຣີ (Jvari Monastery) ວິຫານຮູບແບບສິລະປະຈໍຈຽນອໍໂທດອກ ທີ່ສ້າງປະມານສະຕະວັດທີ 6 ມີຄວາມໂດດເດັ່ນຢູ່ບ່ອນທີ່ຕັ້ງຢູ່ເທິງພູທີ່ມີແມ່ນ້ຳມິດກວາວາຣີ ແລະ ແມ່ນ້ຳອາຣັກວີ ຈາກນັ້ນ ນຳທ່ານແວ່ຊົມວິຫານສະເວຕິດສະໂຄເວລີ (Svetitskhoveli Cathedral) ເປັນໂບດເກົ່າແກ່ອີກແຫ່ງຕັ້ງຢູ່ໃນບໍລິເວນເມືອງມິດຕະເຄທາ ລັກສະນະໂບດວິຫານສິລະປະແບບຈໍຈຽນອໍໂທດອກ ຈາກນັ້ນນຳທ່ານຜ່ານເສັ້ນທາງສຳຄັນເຊິ່ງເປັນເສັ້ນທາງທີ່ໃຊ້ໃນດ້ານການທະຫານ ເອີ້ນວ່າ “Georgian Military Highway” ສ້າງໂດຍສະຫະພາບໂຊວຽດ ເຊິ່ງເຄີຍຖືກຄວບຄຸມພາຍໃຕ້ການທະຫານຂອງໂຊວຽດ ເສັ້ນທາງແຫ່ງນີ້ ນຳທ່ານສູ່ສາຍພູຄໍເຄຊັດໃຫຍ່ (Greater Caucasus) ມີຄວາມຍາວປະມານ 1,100 km ລະຫວ່າງທາງໃຫ້ຜ່ານຊົມວິວປ້ອມ Ananuri Fortress ເປັນສະຖານທີ່ກໍ່ສ້າງອັນເກົ່າແກ່ ໂດຍມີກຳແພງອ້ອມຮອບ ແລະ ຕັ້ງສະຫງ່າໂດດເດັ່ນ ລະຫວ່າງທາງຈະໄດ້ຊົມຄວາມງາມຂອງອ່າງເກັບນ້ຳ ຊິນວາລີ (Zhinvali Reservoir) ຈາກນັ້ນນຳທ່ານຜ່ານຮ່ອມພູເຂົ້າສູ່ເມືອງ ກູດາອູຣີ (Gudauri) ເມືອງທີ່ຕັ້ງຢູ່ບໍລິເວນຕີນພູຄໍເຄຊັດ ເປັນເມືອງພັກຜ່ອນຍອດນິຍົມຂອງຊາວຈໍເຈຍ ນຳທ່ານເດີນທາງສູ່ສະເຕຟານສມິນດາ (Stepanminda) ເມືອງໃນຮ່ອມພູ ປ່ຽນຮູບແບບການເດີນທາງເປັນລົດຈິບຂັບເຄື່ອນສີ່ລໍ້ ນຳທ່ານເດີນທາງຂຶ້ນສູ່ ໂບດທຣີນິຕີ (St. Trinity Church) ໂບດເກົ່າແກ່ຕັ້ງຢູ່ເທິງພູສູງເໜືອລະດັບນ້ຳທະເລ 2,170 ແມັດ ເປັນໂບດນິກາຍໂປຣແຕັດສະຕັງທີ່ມີຄວາມເຊື່ອໃນຫຼັກຕຣີເອກະພາບ ສະຖາປັດຕະຍະກຳນີ້ສ້າງປະມານສະຕະວັດທີ 14 ໃນອະດີດເປັນໂບດແຫ່ງດຽວໃນແຂວງຄາວີ ໃນປະຈຸບັນໂບດແຫ່ງນີ້ເປັນໂບດທີ່ໂດດເດັ່ນຫຼາຍໃນດ້ານສະຖາປັດຕະຍະກຳ ມີຄວາມເປັນເອກະລັກ ສ້າງເທິງພູສູງຊັນ ເຮັດໃຫ້ໂບດນີ້ເປັນໂບດສຳຄັນຂອງປະເທດຈໍເຈຍ ຈາກນັ້ນໃຫ້ທ່ານຊົມວິວຂອງສາຍພູຄາສເບກີ ທີ່ງົດງາມ ແລະ ເດີນທາງກັບມານະຄອນຫຼວງທບີລີຊີ

hotel ພັກແຮມ Tbilisi

ນຳທ່ານເດີນທາງສູ່ເມືອງຊາດາໂຄລ (Sadakhlo) ເມືອງຊາຍແດນເຂົ້າສູ່ປະເທດອາກເມນີ ເມືອງໜ້າດ່ານທີ່ມີການກວດກາກ່ອນເດີນທາງເຂົ້າສູ່ອາກເມນີ ດິນແດນແຫ່ງວັດທະນະທຳ ນຳທ່ານຜ່ານຈຸດກວດກາ ສະແດງເອກະສານວີຊາ ທີ່ໄດ້ມີການຈັດການມາກ່ອນແລ້ວຈາກທາງບໍລິສັດ ຈາກນັ້ນນຳທ່ານເດີນທາງສູ່ເມືອງຮັກພາດ (Haghpat) ເມືອງສຳຄັນທີ່ມີແຫຼ່ງທ່ອງທ່ຽວທາງບູຮານສະຖານສຳຄັນ ຄືອາຮາມຮັກພາດ ນຳທ່ານຊົມອາຮາມຮັກພາດ (Haghpat Monastery) ບູຮານສະຖານທີ່ໄດ້ຮັບການຍົກຍ້ອງເປັນ ມໍລະດົກໂລກ ເປັນຜົນງານອັນລ້ຳຄ່າທາງດ້ານສະຖາປັດຕະຍະກຳ ແລະ ສາສະໜາໃນການກໍ່ສ້າງຍຸກກາງ ອາຮາມແຫ່ງນີ້ສ້າງຂຶ້ນໂດຍນັກບຸນ ນິຊານ (Saint Nishan) ປະມານສະຕະວັດທີ 10 ຢູ່ໃນໄລຍະການຄອງລາດຂອງກະສັດອະບາສທີ 1 ໄດ້ຮັບການຂຶ້ນທະບຽນເປັນມໍລະດົກໂລກໃນປີ ຄ.ສ. 1669 ໃຫ້ທ່ານໄດ້ຊົມຕົວໂບດເກົ່າ ແລະ ຕໍ່ມາໄດ້ຮັບການຂະຫຍາຍ ພ້ອມທັງຕົກແຕ່ງດ້ວຍສະຖາປັດຕະຍະກຳທີ່ສວຍງາມແບບອາກເມນີ ນຳທ່ານເດີນທາງສູ່ "ເມືອງດິລິຈັນ" "Dilijan" ເມືອງພັກຜ່ອນຕາກອາກາດທີ່ມີຊື່ສຽງຂອງອາກເມນີ ມີອີກຊື່ໜຶ່ງວ່າ "Little Switzerland of Armenia" ຕັ້ງຢູ່ສູງຈາກລະດັບນ້ຳທະເລ 1,500 ແມັດ ຈຶ່ງເຮັດໃຫ້ອາກາດໜາວເຢັນຕະຫຼອດທັງປີ ໃຫ້ທ່ານໄດ້ຊົມຄວາມສວຍງາມຂອງທຳມະຊາດ ແລະ ວິຖີຊີວິດຄວາມເປັນຢູ່ຂອງຊາວບ້ານແບບອິດສະຫຼະ

hotel ພັກແຮມ Dilijan

ພາທ່ານອອກເດີນທາງສູ່ເມືອງຊີແວນ ເມືອງແຄມທະເລສາບຊີແວນ (Lake Sevan) ເຊິ່ງເປັນທະເລສາບນ້ຳຈືດໃນປະເທດອາກເມນີ ແລະ ຄໍເຄຊັສ ພາທ່ານລ່ອງເຮືອທະເລສາບຊີແວນ ໃຫ້ທ່ານຊົມຄວາມງາມຂອງໜ້ານ້ຳທະເລສາບຊີແວນ ທະເລສາບທີ່ມີແມ່ນ້ຳຫຼາຍສາຍໄຫຼມາໂຮມກັນເກີດເປັນຄວາມງາມຂອງທຳມະຊາດ ຈາກນັ້ນພາທ່ານໄປຊົມອາຣາມຊີແວນ (Sevan Monastery) ຫຼື ມີອີກຊື່ໜຶ່ງວ່າ Sevanavank ເຊິ່ງຕັ້ງຢູ່ດ້ານແຫຼມທາງທິດຕາເວັນຕົກສ່ຽງເໜືອຂອງທະເລສາບຊີແວນ ພາທ່ານເດີນທາງສູ່ເມືອງເຈີມຸກ ເມືອງທ່ອງທ່ຽວເຊີງສຸຂະພາບອັນດັບໜຶ່ງຂອງອາກເມນີ ຈຸດໝາຍປາຍທາງຂອງຄົນຮັກສຸຂະພາບທັງຫຼາຍ ໃຫ້ທ່ານຜ່ານຊົມບັນຍາກາດໂດຍຮອບເຂົ້າສູ່ໂຕເມືອງ ໃຫ້ທ່ານໄດ້ສຳຜັດບັນຍາກາດອັນສົດຊື່ນຂອງທຳມະຊາດ ແລະ ຂຸນເຂົາ

Page Break

hotel ພັກແຮມ Chermug

ພາທ່ານເດີນທາງສູ່ໝູ່ບ້ານຄັນຊໍເຣສ (Khndzoresk Village) ໝູ່ບ້ານທີ່ຕັ້ງຢູ່ເທິງເນີນພູຄໍຊໍ ເປັນສະຖານທີ່ທີ່ຖືກຂຸດໃຫ້ເປັນຖ້ຳເພື່ອເປັນບ່ອນອາໄສໃນສະໄໝບູຮານທີ່ຢູ່ເທິງໜ້າຜາຫີນ ເຊິ່ງປະຈຸບັນເຖິງແມ່ນວ່າຈະບໍ່ມີຄົນອາໄສຢູ່ແລ້ວ ສະຖານທີ່ແຫ່ງນີ້ກໍໄດ້ຖືກດັດແປງເປັນແຫຼ່ງທ່ອງທ່ຽວໃຫ້ທ່ານໄດ້ຢ້ຽມຊົມ ພາທ່ານແວ່ຖ່າຍຮູບກັບ ຂົວແຂວນ (Swinging Bridge) ທີ່ເຮັດດ້ວຍລວດສະລິງມີຄວາມຍາວ 1.6 ແມັດ ແລະ ໜັກປະມານ 14 ໂຕນ ຂົວແຂວນນີ້ເປັນຂົວແຂວນທີ່ເຊື່ອມລະຫວ່າງເມືອງ ຄັນຊໍເຣສໃໝ່ ແລະ ຄັນຊໍເຣສເກົ່າ ພາທ່ານເດີນທາງສູ່ ເມືອງຮາລິຊໍ (Halidzor Village) (113 km) ເມືອງທຳອິດສູ່ການເດີນທາງເຂົ້າໄປຍັງວິຫານທາເຕຟ ພາທ່ານຂຶ້ນກະເຊົ້າໄຟຟ້າ ປີກແຫ່ງທາເຕຟ (Tatev wing) ກະເຊົ້າໄຟຟ້າທີ່ໄດ້ຮັບການບັນທຶກຈາກກິນເນສບຸກ ເປັນກະເຊົ້າໄຟຟ້າທີ່ມີເສັ້ນທາງຍາວທີ່ສຸດໃນໂລກ ໂດຍປາຍທາງຂອງກະເຊົ້ານີ້ມຸ່ງສູ່ວິຫານທາເຕຟ ພາທ່ານຊົມ ວິຫານທາເຕຟ (Tatev Monastery) ວິຫານເກົ່າແກ່ເທິງຍອດພູພຽງໄດ້ຖືກສ້າງຂຶ້ນປະມານ ສະຕະວັດທີ 9 ເປັນບ່ອນຮອງຮັບຂອງບິຊອບຊີອູນິກ ຕໍ່ມາໄດ້ໃຊ້ເປັນບ່ອນສະແຫວງບຸນຂອງນັກບວດຢ່າງຫຼວງຫຼາຍ ພາທ່ານແວ່ຊົມວິຫານໂນຣາວັງ (Noravank Monastery) ວິຫານເກົ່າແກ່ສ້າງໃນສະຕະວັດທີ 13 ໂດຍນັກເຜີຍແຜ່ສາດສະໜາຊີອູນິກ ແຕ່ໂຕອາຄານຫຼັກສ້າງປະມານປີ ຄ.ສ. 1227 ໂດຍນັກບຸນຄາຣາເພັດ ບໍລິເວນປະຕູທາງເຂົ້າ ຫຼື ຕາມປ່ອງຢ້ຽມດ້ານໜ້າຈະຖືກສ້າງໃຫ້ມີສ່ວນທີ່ຍື່ນອອກມາປົກຄຸມ ແລະ ຈະຖືກຄວັດລວດລາຍສະຖາປັດຕະຍະກຳຢ່າງປານີດ ແລະ ສວຍງາມ

hotel ພັກແຮມ Yerevan

ພາທ່ານຊົມວິຫານເກກຮາດ (Geghard Monastery) ເຊິ່ງເປັນໜຶ່ງໃນວິຫານທີ່ສວຍງາມແຫ່ງໜຶ່ງຂອງດິນແດນອາກເມນີ ດ້ວຍສິລະປະແບບອາກເມນີ ເປັນວິຫານກາງສາຍພູທີ່ມີສ່ວນສ້າງໂດຍການເຈາະເຂົ້າໄປໃນພູຫີນ ໂຕອາຄານແຫ່ງນີ້ສ້າງຂຶ້ນປະມານ ຄຣິດສະຕະວັດທີ 12-13 ດ້ວຍຄວາມສວຍງາມຂອງໂຕສະຖາປັດຕະຍະກຳທີ່ຖືກຈັດວາງຢູ່ກາງຂຸນເຂົາສີຂຽວ ເຮັດໃຫ້ເປັນວິຫານທີ່ງົດງາມອີກແຫ່ງຂອງອາກເມນີ ຈາກນັ້ນພາທ່ານຊົມອາຣາມກາກນີ (Garni Temple) (79km) ເປັນສະຖາປັດຕະຍະກຳຊົງກຣິກບູຮານ ສ້າງໂດຍກະສັດທິຣິດາເຕສ ທີ 1 (Tiridates I) ເປັນຄວາມເຊື່ອບູຮານສ້າງຖະຫວາຍແດ່ເທບ Mihr ເທບແຫ່ງແສງຂອງສວງສະຫວັນ ແລະ ໃນຕຳນານບູຮານຂອງອາກເມນີ ຈັດເປັນເທວະດາແຫ່ງຄວາມສັດຈິງ ພາທ່ານຊົມ “ປ້ອມເອເຣບູນີ” (Erebuni Fortress) ມີຄວາມໝາຍວ່າ “The Fortress of Blood” ໃນອະດີດເປັນສະຖານທີ່ທີ່ສ້າງຂຶ້ນເພື່ອປ້ອງກັນໂຕເມືອງຈາກຈັກກະວັດບູຮານອູຣາຕູ ການສ້າງຂຶ້ນເທິງເນີນພູ ເຊິ່ງເປັນຍຸດທະສາດທີ່ດີສຳລັບປ້ອມທີ່ຈະປົກປ້ອງອານາຈັກ ແລະ ສັດຕູທີ່ມາຈາກທາງທິດເໜືອ ໃຫ້ທ່ານໄດ້ເກັບພາບຄວາມປະທັບໃຈຈາກວິວຂອງພູອາຣາຣັດ ທີ່ຢູ່ໃນປະເທດຕວັກກີ ແລະ ເປັນຕຳນານບ່ອນຈອດຂອງເຮືອໂນອາ ພາທ່ານເຂົ້າຊົມພິພິທະພັນທີ່ມີວັດຖຸບູຮານສະສົມໄວ້ຢ່າງຫຼວງຫຼາຍກວ່າ 16,000 ຊິ້ນ ພາທ່ານຊົມວິຫານຄໍວິຣາບ (Khor Virap Monastery)(80km) ເປັນວິຫານທີ່ມີຊື່ສຽງສ້າງຂຶ້ນເປັນອະນຸສອນສະຖານສຳລັບການເຂົ້າຮ່ວມພິທີສະແຫວງບຸນໃຫ້ກັບນັກບຸນຜູ້ມີຊື່ສຽງ ຊື່ວ່າ ກຣີກໍ ລູຊາວໍຣິກ (Grigor Lusavorich)

hotel ພັກແຮມ Yerevan

ພາທ່ານອອກເດີນທາງສູ່ເມືອງ ເອັກມິອັດຊິນ (Echmiadzin) (20km) ເມືອງທີ່ມີຄວາມສຳຄັນຕໍ່ຊາວອາກເມນີໃນອະດີດ ເປັນເມືອງທີ່ຜູ້ມີສັດທາໃນດ້ານສາດສະໜາມາເຕົ້າໂຮມກັນ ອີກທັງຍັງມີຄວາມສັກສິດອີກດ້ວຍ ພາທ່ານຊົມ ວິຫານເອັກມິອັດຊິນ (Echmiadzin Cathedral) ວິຫານແຫ່ງພຣະແມ່ເຈົ້າ ໂບດນັ້ນຖືກສ້າງຂຶ້ນປະມານ ສະຕະວັດທີ 4 ແລະ ໄດ້ຊື່ວ່າມີຄວາມເກົ່າແກ່ອັນດັບຕົ້ນໆຂອງໂລກ ຈາກນັ້ນພາທ່ານຊົມ ວິຫານ ຊວາກນອດ (Zvartnots Cathedral) ວິຫານທີ່ຖືກສ້າງປະມານປີ ຄ.ສ. 641 - 653 ທີ່ຢູ່ໃນໄລຍະຈັກກະວັດໄບແຊນໄທນ໌ສົ່ງອິດທິພົນ ມາຍັງຮູບແບບສິລະປະສະຖາປັດຕະຍະກຳ ເຊິ່ງຫຼົງເຫຼືອແຕ່ໂຄງສ້າງ ພາທ່ານເດີນທາງສູ່ເມືອງເຢເຣວານ (Yerevan) ເມືອງຫຼວງ ແລະ ເມືອງທີ່ໃຫຍ່ທີ່ສຸດຂອງດິນແດນອາກເມນີ ຕັ້ງຢູ່ແຄມແມ່ນ້ຳສຳຄັນຄືແມ່ນ້ຳ ຮຣາສດານ ນະຄອນຫຼວງເຢເຣວານເປັນຫົວໃຈຂອງການບໍລິຫານ ວັດທະນະທຳ ແລະ ອຸດສາຫະກຳການຄົມມະນາຄົມທາງລົດໄຟ ແລະ ການຄ້າທາງກະສິກຳຂອງປະເທດ ອີກທັງຍັງມີການຜະລິດໂລຫະ ເຄື່ອງຈັກ ແລະ ຜະລິດຕະພັນຕ່າງໆອອກສູ່ຕະຫຼາດໂລກ ໃຫ້ທ່ານແວ່ຖ່າຍຮູບກັບ ເດີ ຄາສເຄດ (The Cascade) ເປັນສິ່ງປຸກສ້າງທີ່ໃຫຍ່ທີ່ສຸດໃນເຢເຣວານ ເຊິ່ງເປັນຂັ້ນໄດທີ່ຫຼຸດລະດັບລົງເປັນຊັ້ນໆ ມີການປ່ອຍນ້ຳໄຫຼລົງມາງົດງາມຄືດັ່ງສວງສະຫວັນ ຈາກນັ້ນພາທ່ານສູ່ຕະຫຼາດກາງ (Pak Shuka Market) ອິດສະຫຼະໃຫ້ທ່ານຊັອບປິ້ງເລືອກຊື້ຂອງຕ້ອນພື້ນເມືອງຢ່າງຫຼວງຫຼາຍ ເຊັ່ນ: ເຄື່ອງໜັງ, ເຄື່ອງເງິນ ແລະ ງານສິລະປະຫັດຖະກຳ ກ່ອນເດີນທາງກັບ ໃຫ້ທ່ານໄດ້ແວ່ຊົມຈະຕຸລັດກາງເມືອງ (Republic Square) ເປັນສະຖານທີ່ຕັ້ງຢູ່ໃຈກາງເມືອງເຢເຣວານ ໃຫ້ທ່ານຊົມຄວາມງາມຂອງນ້ຳພຸປະກອບດົນຕີ (Fountains Show) ຍາມຄ່ຳຄືນ ໃຫ້ທ່ານໄດ້ເບິ່ງຄວາມງາມຂອງນ້ຳພຸທີ່ພຸ່ງຂຶ້ນປະກອບກັບດົນຕີ ປະດັບໄຟຫຼາກສີໃນຍາມຄ່ຳ ເກັບພາບຄວາມປະທັບໃຈບໍ່ມີວັນລືມ

ແລະ ເດີນທາງສູ່ສະໜາມບິນ Yerevan ເພື່ອເດີນທາງກັບບາງກອກ