ໂປຣແກຣມທ່ຽວອຸບົນລາຊະທານີ 3 ມື້ 2 ຄືນ ລະຫວ່າງວັນທີ 3 – 5 ທັນວາ 2564

ວັດປ່າປາກໂດມ ຫຼື ວັດປາກໂດມເທບນິມິດ ຕັ້ງຢູ່ບໍລິເວນລຳໂດມ ແລະ ແມ່ນ້ຳມູນ ມາບັນຈົບກັນເປັນ ແມ່ນ້ຳມູນ ຈຸດເດັ່ນຂອງວັດແຫ່ງນີ້ຄື ສະຖາປັດຕະຍະກຳອົງພະຍານາກ ທະນະມູນນາກຄະລາດ ທີ່ເບິ່ງຍິ່ງໃຫຍ່ອະລັງການ ແລະ ສວຍງາມ

(ປະມານ 50 ກ.ມ. ຈາກເມືອງອຸບົນ ເວລາເດີນທາງ 1 ຊມ.)

ວັດດອນທາດ ໄຫວ້ພຣະທາດຫຼວງປູ່ເສົາ ເປັນວັດທີ່ຢູ່ກາງເກາະທີ່ມີສະພາບປ່າໄມ້ອຸດົມສົມບູນ ວັດແຫ່ງນີ້ເປັນທີ່ຮູ້ຈັກຂອງປະຊາຊົນພາກອີສານເປັນຢ່າງດີ ເນື່ອງຈາກ "ພຣະຄູວິເວກພຸດທະກິດ (ຫຼວງປູ່ໃຫຍ່ເສົາ ກນ໌ຕສີໂລ) ພຣະປໍຣະມາຈານສາຍພຣະກຳມະຖານ ຜູ້ເປັນບູຣະພາຈານສາຍພຣະປ່າໃນປະເທດໄທທີ່ຊາວບ້ານໃຫ້ຄວາມເຄົາລົບບູຊາ ແລະ ເປັນອາຈານຂອງພຣະອາຈານໝັ້ນ ພູຣິທັຕໂຕ

(ປະມານ 20 ກ.ມ. ຈາກວັດປ່າປາກໂດມ ເວລາເດີນທາງປະມານ 20 ນາທີ)

ວັດຖ້ຳຄູຫາສະຫວັນ ອາຫານວັດຖ້ຳຄູຫາສະຫວັນ ໂດດເດັ່ນດ້ວຍຄ້ອງອາຊຽນຂະໜາດຍັກທີ່ແນມເຫັນໄດ້ແຕ່ໄກ ແລະ ມີພຣະທຳມະເຈດີສີໄຕຣພູມ ທີ່ມີຄວາມງົດງາມວິຈິດບັນຈົງ ມີຖ້ຳຄູຫາສະຫວັນ ເຊິ່ງເປັນບ່ອນປະດິດສະຖານສະຣີຣະທີ່ບໍ່ເນົ່າເປື່ອຍຂອງຫຼວງປູ່ຄຳຄະນິງ ຈຸນລະມະນີ ເຊິ່ງເປັນພຣະນັກວິປັດສະນາທີ່ມີຊື່ສຽງ ແລະ ເປັນຜູ້ກໍ່ຕັ້ງວັດແຫ່ງນີ້ ນອກຈາກນີ້ນັກທ່ອງທ່ຽວຍັງສາມາດຊົມວິວແມ່ນ້ຳຂອງທີ່ມີຄວາມສວຍງາມໄດ້ຈາກຈຸດຊົມວິວບໍລິເວນວັດ

(ປະມານ 25 ກ.ມ. ຈາກວັດດອນທາດ ເວລາເດີນທາງປະມານ 30 ນາທີ)

ຕອນສວາຍຮັບປະທານອາຫານ ແພອາຣະຍາຖືເປັນຮ້ານອາຫານຊື່ດັງຂອງເມືອງໂຂງຈຽມ ທີ່ເປີດມາຫຼາຍປີ ການັນຕີຄຸນນະພາບດ້ວຍອາຫານສົດໃໝ່ ໂດຍສະເພາະປາແມ່ນ້ຳຂອງທີ່ຖືເປັນຂອງຂຶ້ນຊື່ຂອງໂຂງຈຽມ

(ປະມານ 3 ກມ. ຈາກວັດຄູຫາສະຫວັນ ເວລາເດີນທາງ 5 ນາທີ)

ວັດໂຂງຈຽມ ແມ່ນ້ຳສອງສີ

- ວັດໂຂງຈຽມ ຫຼື ວັດບ້ານດ່ານເກົ່າ ເມືອງໂຂງຈຽມ ແຂວງອຸບົນຣາຊະທານີ ຕັ້ງຢູ່ແຄມຝັ່ງແມ່ນ້ຳຂອງ ແລະ ແມ່ນ້ຳມູນບັນຈົບກັນ ໃກ້ກັບຈຸດຊົມວິວແມ່ນ້ຳສອງສີ ວັດເກົ່າແກ່ທີ່ມີສະຖາປັດຕະຍະກຳ ແລະ ບູຮານນະວັດຖຸໃຫ້ໄດ້ສຶກສາຮຽນຮູ້

ປະມານ 400 ແມັດ ຈາກຮ້ານອາຫານ ເວລາເດີນທາງ 1 ນາທີ

ແກ້ງຕະນະ ບໍລິເວນແກ້ງຕະນະຈະມີສາຍນ້ຳທີ່ຊ່ຽວແຮງ ແລະ ຂ້ອນຂ້າງເລິກ ແລະ ມີຖ້ຳໃຕ້ນ້ຳຫຼາຍແຫ່ງ ຈະມີສະຖານທີ່ທ່ອງທ່ຽວຕ່າງໆ ຢ່າງຫຼວງຫຼາຍ ບໍ່ວ່າຈະເປັນ ດອນຕະນະ ເປັນເກາະທີ່ຢູ່ກາງລຳນ້ຳມູນ, ຂົວອູ່ ເປັນຂົວອູ່ສຳລັບໃຫ້ຄົນຍ່າງຂ້າມທີ່ຍາວທີ່ສຸດໃນປະເທດໄທ

(ປະມານ 8 ກມ. ຈາກວັດໂຂງຈຽມ ເວລາເດີນທາງ 15 ນາທີ)

ເຂື່ອນສິຣິນທອນ ນອກຈາກຈະໃຫ້ປະໂຫຍດທາງດ້ານການຊົນລະປະທານ ແລະ ການກະເສດ ລວມທັງປະໂຫຍດໃນດ້ານການຜະລິດໄຟຟ້າແລ້ວ ຍັງເປັນອີກແຫຼ່ງທ່ອງທ່ຽວສຸດຮິດຂອງນັກທ່ອງທ່ຽວ ແລະ ມີໂຊລາເຊວລອຍນ້ຳໄຮບຣິດ ໃຫຍ່ທີ່ສຸດໃນໂລກ

(ປະມານ 25 ກມ. ຈາກແກ້ງຕະນະ ເວລາເດີນທາງ 25 ນາທີ)

ວັດເຮືອງແສງ ຈຳລອງສະພາບແວດລ້ອມຂອງວັດປ່າຫິມະພານ ຫຼື ເຂົາໄກລາດ ບໍລິເວນເທິງຍອດພູຈະແນມເຫັນພຣະອຸໂບສົດສີປັດທອງຕັ້ງເດັ່ນເປັນສະຫງ່າ ຈຸດເດັ່ນຂອງວັດຄື ການໄດ້ມາຊົມພາບເຮືອງແສງເປັນສີຂຽວຂອງຕົ້ນກາລະພຶກ ທີ່ເປັນຈິດຕະກຳຢູ່ເທິງຝາດ້ານຫຼັງຂອງອຸໂບສົດໃນຍາມຄ່ຳຄືນ

(ປະມານ 15 ກມ. ຈາກເຂື່ອນ ເວລາເດີນທາງ 15 ນາທີ)

ອາຫານແລງທີ່ແພອາຣະຍາ ແຄມເຂື່ອນ

(ປະມານ 7 ກມ. ຈາກວັດພູພຣ້າວ ເວລາເດີນທາງ 10 ນາທີ)

(ສົ່ງເຂົ້າໂຮງແຮມ ປະມານ 90 ກມ. ເວລາເດີນທາງ 1.30 ຊົ່ວໂມງ)

ຜາແຕ້ມ ຖືວ່າເປັນໄຮໄລ້ ຂອງການທ່ຽວອຸບົນ ຊົມຕາເວັນຂຶ້ນໃນຍາມເຊົ້າ ນອກຈາກນັ້ນ ຍ່າງຊົມພາບແຕ້ມປະຫວັດສາດ 4,000 ປີ ເບິ່ງຄວາມມະຫັດສະຈັນຂອງເສົາສະຫຼຽງ ປະຕິມາກຳທີ່ທຳມະຊາດສ້າງຂຶ້ນ

(ປະມານ 90 ກມ. ຈາກອຸບົນ ເວລາເດີນທາງ 1.30 ຊົ່ວໂມງ)

ວັດຖ້ຳວັງຜາພະຍານາກຄະລາດ ໂດຍຊາວບ້ານໃນພື້ນທີ່ເຊື່ອກັນວ່າ ວັດແຫ່ງນີ້ແຕ່ກ່ອນເປັນຖ້ຳຂອງພະຍານາກຄະລາດ ເຊິ່ງຖືກຫີນຖະຫຼົ່ມທັບປາກຖ້ຳ ມາດົນຫຼາຍສິບປີ

(ປະມານ 6 ກມ. ຈາກຜາແຕ້ມ ເວລາເດີນທາງ 15 ນາທີ)

- ຮ້ານກາເຟຄວາມຊົງຈຳທີ່ແກ້ງພິສະໄໝ

- ກິນອາຫານສວາຍທີ່ແກ້ງພິສະໄໝ

(ປະມານ 4 ກມ. ຈາກວັດ ເວລາເດີນທາງ 10 ນາທີ)

ສາມພັນໂບກ ລ່ອງເຮືອ

ສາມພັນໂບກ ເປັນແກ້ງຫີນທີ່ໂຜ່ຂຶ້ນມາກາງລຳນ້ຳຂອງໃນໄລຍະທີ່ນ້ຳຫຼຸດລົງ ໂດຍທີ່ແກ້ງຫີນເຫຼົ່ານີ້ກໍຈະມີແອ່ງນ້ອຍໃຫຍ່ ເຊິ່ງເກີດຈາກການກັດເຊາະຂອງແຮງນ້ຳວົນ ເມື່ອນັບເບິ່ງແລ້ວມີຈຳນວນຫຼາຍກວ່າ 3,000 ແອ່ງ ແລະ ຄຳວ່າ "ແອ່ງ" ໃນພາສາທ້ອງຖິ່ນຈະເອີ້ນວ່າ "ໂບກ" ຈຶ່ງເປັນທີ່ມາຂອງຄຳວ່າ ສາມພັນໂບກ

(ປະມານ 70 ກມ. ຈາກແກ້ງພິສະໄໝ ເວລາເດີນທາງ 1.10 ຊົ່ວໂມງ)

ຫາດຊົມດາວ ຫາດຊົມດາວເປັນແນວຫາດຫີນ ແກ້ງຫີນ ອັນກວ້າງໃຫຍ່ ແລະ ຍາວຫຼາຍຮ້ອຍແມັດ ເຊິ່ງການເກີດຂອງຫີນຮູບພັນສັນຖານປະຫຼາດ ເຊັ່ນດຽວກັບສາມພັນໂບກ ເຊິ່ງໃນລະດູຝົນນ້ຳຫຼາກ ແກ້ງຫີນເຫຼົ່ານີ້ຈະຈົມຢູ່ໃຕ້ແມ່ນ້ຳຂອງ ແລະ ດ້ວຍແຮງນ້ຳວົນກັດເຊາະ ເຮັດໃຫ້ແກ້ງຫີນກາຍເປັນແອ່ງນ້ອຍໃຫຍ່ ຈຳນວນຫຼວງຫຼາຍ ເກີດເປັນປະຕິມາກຳຫີນທຳມະຊາດຮູບຮ່າງແປກຕາຊວນໃຫ້ຈິນຕະນາການ

(ປະມານ 25 ກມ. ຈາກສາມພັນໂບກ ໃຊ້ເວລາເດີນທາງ 25 ນາທີ)

ຖະໜົນຄົນຍ່າງເຂມມະລາດ ຫາກໄດ້ມາຮອດຕົວເມືອງເຂມມະລາດ ຈະພົບກັບສະເໜ່ສະເພາະຕົວຂອງບັນດາເຮືອນໄມ້ ແລະ ຮ້ານຄ້າເກົ່າແກ່ແຄມຂອງທີ່ລຽບງ່າຍ ບາງຫຼັງອາຍຸຮ່ວມ 200 ປີ ໃຫ້ຍ່າງຊົມລວມທັງຖ່າຍຮູບຕະຫຼອດທາງ

(ປະມານ 40 ກມ. ຈາກຫາດຊົມດາວ ເວລາເດີນທາງ 40 ນາທີ)

ກິນອາຫານແລງທີ່ຮ້ານດົງພະນຽງ ອາຫານອີສານລົດຊາດແຊບ ບັນຍາກາດດີໆ ຕິດແມ່ນ້ຳຂອງ

ສົ່ງເຂົ້າທີ່ພັກ ປະມານ 120 ກມ. ຈາກເຂມມະລາດ ຮອດອຸບົນ

(ເວລາເດີນທາງ 2 ຊົ່ວໂມງ)

ວັດສະປະສານສຸກ ເປັນວັດທີ່ມີພຣະອຸໂບສົດແປກຕາ ສ້າງເປັນຮູບເຮືອສຸພັນນະຫົງ ປະດັບຕົກແຕ່ງດ້ວຍເຊຣາມິກ ມີຫໍພິພິທະພັນຫຼວງປູ່ບຸນມີ ແລະ ວິຫານກາງນ້ຳເຮືອທຳ ນາກຄະລາດ ຫຼື ທີ່ເອີ້ນກັນສັ້ນໆ ວ່າວິຫານກາງນ້ຳ ທີ່ສ້າງໄວ້ກາງນ້ຳເທິງພະຍານາກຄະລາດຮູບຮ່າງຄ້າຍຄືເຮືອ ສ່ວນຫົວເປັນພະຍານາກຄະລາດ 5 ສຽນ

(ປະມານ 10 ກມ. ຈາກຕົວເມືອງ ເວລາເດີນທາງ 20 ນາທີ)

ວັດໜອງປ່າພົງ ເປັນວັດທີ່ອົງຫຼວງປູ່ຊາ ສຸພັດໂທ ໄດ້ກໍ່ຕັ້ງຂຶ້ນເມື່ອ ວັນທີ 8 ມີນາ 2497 ປູຊະນີຍະບຸກຄົນທີ່ຊາວພຸດໃຫ້ຄວາມເຄົາລົບຢ່າງຍິ່ງ ເຊິ່ງອົງຫຼວງປູ່ຊາ ເພິ່ນໄດ້ພຽນສ້າງໃຫ້ເປັນວັດແຫ່ງການປະຕິບັດພາວະນາອົບຮົມຈິດໃຈ ເພື່ອການດັບທຸກຢ່າງແທ້ຈິງ

(ປະມານ 22 ກມ. ຈາກວັດສະປະສານສຸກ ເວລາເດີນທາງ 30 ນາທີ)

ອາຫານສວາຍ ຮ້ານອາຫານຊົມຈັນຊົມຈັນ ຮ້ານອາຫານບັນຍາກາດດີອີກຮ້ານ ເມນູອາຫານກໍມີຫຼາກຫຼາຍປະເພດໃຫ້ເລືອກ ອາຫານຂ້ອນຂ້າງໄວຫຼາຍໆ ມີເຄື່ອງດື່ມຫຼາຍຢ່າງພ້ອມ ລົດຊາດກຳລັງດີ ລາຄາບໍ່ແພງ

(ປະມານ 12 ກມ. ຈາກວັດ ເວລາເດີນທາງ 20 ນາທີ)

ວັດທົ່ງສີເມືອງ ໃນອະດີດເປັນວັດທີ່ສອນວິຊາການຊ່າງຕ່າງໆ ໃຫ້ແກ່ຊາວເມືອງ ພາຍໃນວັດມີສາດສະນະຄານທີ່ສຳຄັນ ໄດ້ແກ່ ຫໍໄຕກາງນ້ຳ ຫໍເກັບຄຳພີໃບລານ ແລະ ພຣະໄຕປິດົກ ທີ່ເປັນງານສະຖາປັດຕະຍະກຳຮ່ວມລະຫວ່າງໄທ, ມຽນມາ ແລະ ລາວ, ຫໍພຣະພຸດທະບາດ ທີ່ປະດິດສະຖານພຣະພຸດທະບາດຈຳລອງ ແລະ ພຣະເຈົ້າໃຫຍ່ອົງເງິນ

(ປະມານ 3 ກມ. ຈາກຮ້ານອາຫານ ເວລາເດີນທາງ 5 ນາທີ)

ວັດມະຫາວະນາຣາມ ຫຼື ວັດປ່າໃຫຍ່ ແຂວງອຸບົນຣາຊະທານີ ເປັນວັດເກົ່າແກ່ທີ່ມີຖານະເປັນພຣະອາຣາມຫຼວງອີກແຫ່ງໜຶ່ງຂອງແຂວງອຸບົນຣາຊະທານີ ພາຍໃນວັດເປັນບ່ອນປະດິດສະຖານຂອງພຣະເຈົ້າໃຫຍ່ອິນແປງ ພຣະພຸດທະຮູບຄູ່ບ້ານຄູ່ເມືອງອຸບົນຣາຊະທານີ (ປະມານ 500 ແມັດ ຈາກວັດ ເວລາເດີນທາງ 2 ນາທີ)

ວັດສຸປັດຕະນາຣາມ ພາຍໃນວັດມີອຸໂບສົດທີ່ເປັນງານສະຖາປັດຕະຍະກຳຮ່ວມລະຫວ່າງສິລະປະໄທ, ຫວຽດ ແລະ ຝຣັ່ງ ເປັນບ່ອນປະດິດສະຖານຂອງພຣະພຸດທະສັບພັນຍູເຈົ້າ, ພຣະນາກປົກສິລາຊາຍ, ພຣະພຸດທະສິຫິງຈຳລອງ ແລະ ພຣະແກ້ວຂາວເພັດນ້ຳຄ້າງ ໜຶ່ງໃນພຣະແກ້ວສຳຄັນຂອງແຂວງອຸບົນຣາຊະທານີ

(ປະມານ 2 ກມ. ຈາກວັດ ເວລາເດີນທາງ 5 ນາທີ)

ວັດພຣະທາດໜອງບົວ ເປັນທີ່ຕັ້ງຂອງພຣະທາດເຈດີສີມະຫາໂພ ຫຼື ພຣະທາດໜອງບົວ ເຈດີທາດຂະໜາດໃຫຍ່ທີ່ຈຳລອງແບບມາຈາກເຈດີພຸດທະຄະຍາ ປະເທດອິນເດຍ ເຊິ່ງເປັນສະຖານທີ່ຕັດສະຮູ້ຂອງພຣະພຸດທະເຈົ້າ ສ້າງຂຶ້ນໃນປີ ພ.ສ. 2500 ເພື່ອເປັນສັນຍະລັກຄົບຮອບ 25 ສະຕະວັດຂອງພຸດທະສາດສະໜາ ພາຍໃນອົງພຣະທາດບັນຈຸພຣະບໍຣົມມະສາຣີຣິກະທາດໄວ້ໃຫ້ປະຊາຊົນໄດ້ສັກກາລະບູຊາ

(ປະມານ 6 ກມ. ຈາກວັດສຸປັດ ເວລາເດີນທາງ 15 ນາທີ)

ຊື້ຂອງຕ້ອນ ໝູຍໍ ຜ້າໄໝ ມາອຸບົນຕ້ອງບໍ່ພາດຂອງຕ້ອນ ໂດຍສະເພາະໝູຍໍ ເປັນຂອງຂຶ້ນຊື່ຂອງອຸບົນ

- ກ່ອນເດີນທາງກັບ ກິນອາຫານຫວຽດນາມ ຮ້ານອິນໂດຈີນ ເປັນອາຫານຫວຽດນາມລົດຊາດແຊບທີ່ໃຜມາອຸບົນຕ້ອງມາກິນ

- ສົ່ງຂຶ້ນຍົນ

- ໝາຍເຫດ ເວລາ ອາດປ່ຽນແປງໄດ້ຕາມສະຖານະການ