ທົວສ່ວນຕົວເອີຣົບ (UKO012) ຕາມຮອຍ Game of Thrones – ອຽກລັງເໜືອ ສູ່ຊາຍຝັ່ງໃນຕຳນານ Westeros Coastal Journey

Photo credit: 10Adventures

ອອກ​ເດີນ​ທາງ​ຈາກ Belfast ສູ່​ເສັ້ນ​ທາງ Causeway Coastal Route ເສັ້ນ​ທາງ​ລຽບ​ຊາຍ​ຝັ່ງ​ທີ່​ງາມ​ທີ່​ສຸດ​ແຫ່ງ​ໜຶ່ງ​ຂອງ​ໂລກ

ຊົມ​ວິວ​ໜ້າ​ຜາ​ສູງ​ຊັນ ແລະ ມະ​ຫາ​ສະ​ໝຸດ​ແອັດ​ແລນ​ຕິກ​ທີ່​ທອດ​ຍາວ​ສຸດ​ສາຍ​ຕາ ແວ່​ທີ່ The Gobbins Cliff Path ຍ່າງ​ລຽບ​ໜ້າ​ຜາ​ຜ່ານ​ຂົວ​ເຫຼັກ​ທີ່​ຍື່ນ​ອອກ​ໄປ​ເໜືອ​ທະ​ເລ

ສຳ​ຜັດ​ທັງ​ຄວາມ​ຕື່ນ​ເຕັ້ນ ແລະ ຄວາມ​ງົດ​ງາມ​ຂອງ​ທຳ​ມະ​ຊາດ ຈາກ​ນັ້ນ​ເດີນ​ທາງ​ຕໍ່​ຜ່ານ Glenariff Forest Park ຫຼື “ຣາ​ຊິ​ນີ​ແຫ່ງ​ຮ່ອມ​ພູ” ຍ່າງ​ຫຼິ້ນ​ເສັ້ນ​ທາງ​ນ້ຳ​ຕົກ​ຕາດ​ທ່າມ​ກາງ​ປ່າ​ຂຽວ​ຂະ​ຈີ

ກ່ອນ​ເຂົ້າ​ສູ່​ທີ່​ພັກ​ບໍ​ລິ​ເວນ Cushendun ຫຼື Ballycastle ໝູ່​ບ້ານ​ແຄມ​ທະ​ເລ​ທີ່​ງຽບ​ສະ​ຫງົບ

ພັກ: Cushendun / Ballycastle

ຕອນເຊົ້າອອກເດີນທາງສູ່ Carrick-a-Rede Rope Bridge ຂົວເຊືອກທີ່ເຊື່ອມໜ້າຜາກັບເກາະນ້ອຍກາງທະເລ ສຳຜັດຄວາມຕື່ນເຕັ້ນເໜືອຄື້ນແອັດແລນຕິກ ແລະ ຊົມຝູງນົກທະເລ

ຈາກນັ້ນເດີນທາງຕໍ່ສູ່ Giant’s Causeway ມໍລະດົກໂລກ UNESCO ທີ່ມີເສົາຫີນຫົກຫຼ່ຽມລຽງໂຕກັນຢ່າງໜ້າອັດສະຈັນ ແນະນຳຍ່າງເສັ້ນທາງໜ້າຜາດ້ານເທິງ (Red Trail)

ເພື່ອຊົມວິວມຸມສູງຂອງຊາຍຝັ່ງຢ່າງເຕັມຕາ ຕອນແລງແວ່ The Dark Hedges ອຸໂມງຕົ້ນບີຊໃນຕຳນານຈາກ Game of Thrones

ຊົມແສງຍາມແລງທີ່ສວຍງາມ ກ່ອນເຂົ້າສູ່ທີ່ພັກບໍລິເວນ Bushmills ຫຼື Portrush

ພັກ: Bushmills / Portrush

Photo credit: National Trust

ເດີນທາງສູ່ Mussenden Temple ເທວະສະຖານເທິງໜ້າຜາສູງເໜືອມະຫາສະໝຸດ ຊົມວິວທະເລແບບພາໂນຣາມາ ຈາກນັ້ນຍ່າງຫຼິ້ນເທິງ Downhill Beach ຫາດຊາຍກວ້າງສຸດສາຍຕາ

ຕອນບ່າຍແວ່ Magilligan Point ຈຸດທີ່ແມ່ນ້ຳບັນຈົບກັບທະເລ ຫຼື ຊົມທຳມະຊາດ ແລະ ທົ່ງດອກໄມ້ຕາມລະດູການ ກ່ອນເຂົ້າສູ່ເມືອງ Derry ຍ່າງຫຼິ້ນເທິງ Peace Bridge

ຊົມວິວແມ່ນ້ຳ Foyle ແລະ ບັນຍາກາດເມືອງປະຫວັດສາດ

ພັກ: Derry

Photo credit: Loch Lomond & The Trossachs National Park

ຂີ່ເຮືອເຟີຣີຈາກ Belfast ຂ້າມສູ່ Cairnryan ປະເທດສະກັອດແລນ ເພີດເພີນກັບວິວທະເລລະຫວ່າງການເດີນທາງ

ຈາກນັ້ນຂັບລົດເຂົ້າສູ່ Loch Lomond & The Trossachs National Park ພື້ນທີ່ທຳມະຊາດທີ່ງົດງາມທີ່ສຸດແຫ່ງໜຶ່ງຂອງສະກັອດແລນ

ແວະໝູ່ບ້ານ Luss ຍ່າງຫຼິ້ນແຄມທະເລສາບ ຊົມເຮືອນຫີນ ແລະ ສວນດອກໄມ້ ກ່ອນເຂົ້າທີ່ພັກບໍລິເວນ Loch Lomond

ພັກ: Loch Lomond / Balloch

Photo credit: Tripadvisor

ຕອນເຊົ້າຍ່າງຂຶ້ນ Conic Hill ຈຸດຊົມວິວທີ່ແນມເຫັນທະເລສາບ Loch Lomond ແບບພາໂນຣາມາ ພ້ອມແນວຮອຍແຍກຂອງເປືອກໂລກ

ຈາກນັ້ນເດີນທາງສູ່ເມືອງ Glasgow ແວ່ Glasgow Botanic Gardens

ຊົມເຮືອນແກ້ວວິກຕໍຣຽນ ແລະ ພັນໄມ້ຈາກທົ່ວໂລກ ກ່ອນສິ້ນສຸດການເດີນທາງຢ່າງສວຍງາມ

ໄຮໄລຕ໌ ແລະ ຈຸດແວ່ທ່ຽວ (Tour Highlights & Stops)

Photo credit: Tripadvisor

ຈຸດທີ 1 Ballygawley Castle

Game of Thrones Door - ໜຶ່ງໃນປະຕູໄມ້ຄວັດສະຫຼັກຊື່ດັງທັງ 10 ບານຈາກຊີຣີສ໌ ເຊິ່ງສ້າງຂຶ້ນຈາກໄມ້ຂອງຕົ້ນບີຊ The Dark Hedges ທີ່ລົ້ມລົງ

ຈຸດທີ 2 Carnlough (Braavos)

ສາກ: ການຫຼົບໜີຂອງ Arya (Season 6, Episode 7)

• ກ້າວເຂົ້າສູ່ໂລກຂອງ Braavos ສະຖານທີ່ທີ່ Arya Stark ໜີເອົາຊີວິດລອດຈາກ The Waif ໄດ້ຢ່າງຫວຸດຫວິດ

• ຍ້ອນຮອຍສາກທີ່ Arya ປີນຂຶ້ນຂັ້ນໄດຫີນບູຮານ ຫຼັງຈາກໄດ້ຮັບບາດເຈັບ

ຈຸດທີ 3 Cushendun Caves (Stormlands)

ສາກ:

• (Season 2, Episode 4) ຖ້ຳລຶກລັບທີ່ Melisandre ໃຫ້ກຳເນີດ “ເງົານັກຂ້າ” ຕໍ່ໜ້າ Ser Davos

• (Season 8, Episode 5) ສະໜາມຮົບທີ່ Jaime Lannister ແລະ Euron Greyjoy ປະທະກັນຢ່າງດຸເດືອດ

ຈຸດທີ 4 McBrides Pub

Game of Thrones Door - ອີກໜຶ່ງປະຕູໄມ້ຄວັດສະຫຼັກທີ່ງົດງາມ ເຊິ່ງສ້າງຂຶ້ນເພື່ອເປັນກຽດໃຫ້ກັບຊີຣີສ໌ເລື່ອງນີ້

ຈຸດທີ 5 The Dark Hedges (King’s Road)

ສາກ: ການຫຼົບໜີຂອງ Arya ຈາກ King’s Landing (Season 2, Episode 1)

• ຍ່າງຜ່ານອຸໂມງຕົ້ນບີຊທີ່ສວຍງາມ ແລະ ລຶກລັບ ໜຶ່ງໃນສະຖານທີ່ຖ່າຍທຳ Game of Thrones ທີ່ຖືກຖ່າຍຮູບຫຼາຍທີ່ສຸດ

• ຍ້ອນຮອຍສາກທີ່ Arya ປອມໂຕເປັນເດັກຜູ້ຊາຍ ແລະ ຫຼົບໜີອອກຈາກ King’s Landing ເທິງເສັ້ນທາງໃນຕຳນານທີ່ເອີ້ນວ່າ King’s Road

ຈຸດທີ 6 The Hedges Hotel

Game of Thrones Door - ອີກໜຶ່ງປະຕູໄມ້ຄວັດສະຫຼັກຈາກຄໍເລັກຊັນຊື່ດັງ ທີ່ບໍ່ຄວນພາດຊົມ

ຈຸດທີ 7 Larrybane Quarry (Storm’s End)

ສາກ:

• (Season 2, Episode 3) ຄ້າຍຂອງ Renly Baratheon ສະຖານທີ່ທີ່ພວກເຮົາໄດ້ພົບກັບ Brienne of Tarth ເປັນຄັ້ງທຳອິດ

• ສາກການຕໍ່ສູ້ທີ່ Brienne ເອົາຊະນະ Ser Loras Tyrell ແລະ ໄດ້ຮັບເລືອກໃຫ້ເປັນອົງຄະລັກຂອງ Renly

ຈຸດທີ 8 Fullerton Arms Pub

Game of Thrones Door - ອີກໜຶ່ງສະຖານທີ່ທີ່ທ່ານສາມາດຊົມປະຕູໄມ້ຄວັດສະຫຼັກຈາກຊີຣີສ໌ ເຊິ່ງເປັນສ່ວນໜຶ່ງຂອງຄໍເລັກຊັນໃນຕຳນານ

ຈຸດທີ 9 Ballintoy Harbour (Iron Islands)

ສາກ:

• (Season 2, Episode 2) Theon ແລະ Euron Greyjoy ເຮັດພິທີ “ເກີດໃໝ່” ພາຍໃຕ້ຄວາມເຊື່ອຂອງເທບແຫ່ງທ້ອງທະເລ (Drowned God)

• (Season 6, Episode 5) Theon Greyjoy ເດີນທາງກັບສູ່ Iron Islands ຫຼັງຈາກໃຫ້ຄຳສັດຕໍ່ House Stark

ຈຸດທີ 10 Dunluce Castle (House Greyjoy - Pyke)

ບ້ານບັນພະບູລຸດຂອງຕະກຸນ Greyjoy

• ຊາກຜາສາດຍຸກກາງທີ່ຕັ້ງຢູ່ເທິງໜ້າຜາສູງຊັນເໜືອມະຫາສະໝຸດ ສະຖານທີ່ແຫ່ງນີ້ຖືກໃຊ້ເປັນສາກຂອງ Castle Pyke ຖານທີ່ໝັ້ນຂອງຊາວ Ironborn

• ວິວໜ້າຜາ ແລະ ທະເລທີ່ອອບລ້ອມຜາສາດສ້າງບັນຍາກາດທີ່ທັງຍິ່ງໃຫຍ່ ແລະ ດຣາມາ ປິດທ້າຍການເດີນທາງໃນໂລກ Westeros ໄດ້ຢ່າງໜ້າປະທັບໃຈ

ເປັນຫຍັງຕ້ອງເລືອກ Wee Buses Belfast ສຳລັບທົວ Game of Thrones ຂອງທ່ານ?

• ທົວແບບສ່ວນຕົວ ແລະ ກຸ່ມນ້ອຍ - ຫຼີກລ່ຽງຄວາມແອອັດຈາກກຣຸບໃຫຍ່ ພ້ອມສຳຜັດປະສົບການທີ່ອອກແບບສະເພາະຕາມຄວາມສົນໃຈຂອງທ່ານ

• ຜູ້ປະສານງານທ້ອງຖິ່ນຜູ້ຊ່ຽວຊານ - ຜູ້ປະສານງານຂອງພວກເຮົາເປັນແຟນ Game of Thrones ຕົວຈິງ ທີ່ມີຄວາມຮູ້ເຊີງເລິກທັງກ່ຽວກັບເນື້ອເລື່ອງ ແລະ ເບື້ອງຫຼັງການຖ່າຍທຳ

• ການເດີນທາງລະດັບພຣີມຽມ - ເດີນທາງຢ່າງສະດວກສະບາຍດ້ວຍລົດ Mercedes-Benz ແລະ Volkswagen ພ້ອມ Wi-Fi ແລະ ເຄື່ອງປັບອາກາດ

• ວິວຊາຍຝັ່ງສຸດຕື່ນຕາຕື່ນໃຈ - ສຳຜັດຄວາມງົດງາມຂອງຊາຍຝັ່ງໄອແລນເໜືອ ເຊິ່ງສວຍງາມໂດດເດັ່ນຄືກັບເປັນຕົວເອກຂອງການເດີນທາງ

• ຈຸດຖ່າຍຮູບທຸກຈຸດແວ່ - ເກັບພາບຄວາມປະທັບໃຈຈາກສະຖານທີ່ລະດັບຕຳນານໄດ້ຢ່າງເຕັມທີ່ໃນທຸກຈຸດຂອງທຣິບ

ຈອງທົວ Game of Thrones ຂອງທ່ານມື້ນີ້

ສຳຜັດມົນສະເໜ່ຂອງ Game of Thrones ໄປກັບຜູ້ປະສານງານຜູ້ຊ່ຽວຊານ ການເດີນທາງລະດັບພຣີມຽມ ແລະ ສະຖານທີ່ທີ່ໜ້າປະທັບໃຈບໍ່ຮູ້ລືມ

ບໍ່ວ່າທ່ານຈະເປັນແຟນຕົວຈິງຂອງຊີຣີສ໌ ຫຼື ຫຼົງໄຫຼໃນທຳມະຊາດທີ່ສວຍງາມ ທົວນີ້ແມ່ນປະສົບການທີ່ບໍ່ຄວນພາດ

ຈອງບ່ອນນັ່ງຂອງທ່ານມື້ນີ້ ແລ້ວກ້າວເຂົ້າສູ່ໂລກຂອງ Westeros ດ້ວຍຕົວທ່ານເອງ!